دعواتكم لزميلنا المفكر د.الباقر العفيف بالشفاء العاجل
|
|
 أسمعوا صوت الفاضلابي(حصريا على سودانيزأونلاين)
|
قريبا سأنتهي من تنفيذ تجربة شاركني فيها صديق نرويجي
قمت بقراءة عشر قصائد على موسيقى صديقي هذا..
و أنا بصدد عمل كتيب يحوي القصائد مكتوبة و يحوي بعض التصاوير..
هذه القصيدة مهداة الى أصدقائي في الخرطوم
مع الحب
إن شاء تعجبكم
رأيكم مهم جدا..
|
|
 
|
|
|
|
|
|
|
|
Re: أسمعوا صوت الفاضلابي(حصريا على سودانيزأونلاين) (Re: fadlabi)
|
العزيز فاضلابى،
أيها الفنان المتمرد،
قطعك للحدود بين أنماط التعبير الفنية
يعادل تعبير "بت نوبة" فنيلتك عبر عدسة كرووس..
فهذه البنية هى ترجمة كيف خلق الله الناس فى أحسن تقويم...
كلماتك رائعة ومعبرة "وموجعة"...ووونكتفى بهذا القدر.
لك الود وفى إنتظار المزيد.
| |
|
|
|
|
|
|
|
|
|
Re: أسمعوا صوت الفاضلابي(حصريا على سودانيزأونلاين) (Re: fadlabi)
|
فاضلابى وصاحبك النرويجى
انتما مبدعان. انتما مجنونان. صاحبك النرويجى الظاهر بشرب موسيقى ويتنفس موسيقى وياكل موسيقى وينوم موسيقى. ما بعرف عربى لكن بعرف موسيقى. وشعرك يا محمد مليان موسيقى. والموسيقى لغة العالم. لا ترجمان ولا عصلجة. تووش. للقلب. وللروح المنسوجة من وهج الموسيقى. ضو.
___________
كانت زي كل بنات الناس
بتحب في السر..
و الحب واسع
و طيوره غميسة و سر
و الحب للعارفو
جميل
و مضر!
......
......
و كان طيب و راكز
للحلو و المر
و بحبها جد
بحبها لامن
في الليل مرات توجعه روحه
و الحب للوجعة
(على راي الجيش): مكانك سر!
و كان مر اليوم دونما يشوفها
كان ساحل و شو بيبقى عضام
و عيونو تموت
زي سمكة بدون ما تعمل صوت
يشتاق بالجد
و القلب يتقسم طير
مسجون في القفص الصدري
و أعصابو
شوية شوية
تحرق
و تنسل خيوط.
......
......
يوماتي بشوفهم كنت
و الشارع كان سكران
مزروع أحلام
و غمـام
و أنغام
و حمــام
يوماتي بشوفهم
و على غير العادة بقول و أنا قاصد المعنى:
سلام!
و أتمنى شديد لمن أشوفهم
لو كنت إتنين
زول واحد
زيو و زيها
في جسمين.
...
...
الله الله
لمن بالدس يمسك إيدها
الله الله
لمن في أضانها يقول بيريدها
الله الله
لمن تخجل.. و يضحك و يزيدها
الله الله
لمن تسحب زي كل بنات الناس بالراحة أصابعينه
على عكس الرغبة
و تقول: مجنون!
....
....
يوماتي الشارع كان بغرق
في كهربا ناعمة
و فوضى لطيفة
و ضو.
| |
|
|
|
|
|
|
|
|
|
Re: أسمعوا صوت الفاضلابي(حصريا على سودانيزأونلاين) (Re: fadlabi)
|
خدرا وطويلة
فريع البان ... ،
تتني كذا الدخان ،
أتقول ما خالكه الله
أتقول سوها الألمان ...
 
...
...
ياخ لكن ده فايل مكسب عدييييييييل ،
والله ولد فنانين وروحك سمحة .
أما فيما يخص الشوق وكده ، "فمهجتي قايدة" ....
...
...
والله قدام عديل ، الحاجة دي لطيفة ،
أسه تلقي البانك اكاونت بقي ملييييييان
أسمع انا غايتو قربت أعرس ، كهربا ناعمة ، رسل الدولارات يازول .
...
...
| |
|
|
|
|
|
|
|
|
|
Re: أسمعوا صوت الفاضلابي(حصريا على سودانيزأونلاين) (Re: fadlabi)
|
سلام
جميل جدا يا فاضلابي... كلما بسيطة يختبئ خلفها جمال أسطوري
أطربني ذلك الغزل بين الكلمات ومزيكة الخلفية
وكمان برضو إتكيفت منكم لأنكم لم تسرفوا في ترجيع الصدى..
يعني الزول في البداية يجيهو الصدى هبشة هبشة... وقبال ما يتعود عليهو
يختفي.... والزول يقعد متشحتف لغاية ما يسمعو من جديد
| |
|
|
|
|
|
|
|
|
|
Re: أسمعوا صوت الفاضلابي(حصريا على سودانيزأونلاين) (Re: غباشي)
|
فاضلابي
سلامات يازول يا راكـز
Quote: و بحبها جد
بحبها لامن
في الليل مرات توجعه روحه
و الحب للوجعة
(على راي الجيش): مكانك سر! |
ما عارف ليه يا فاضلابي لما قريت ( وجعة الروح) دي اتزكرت كلام سمح كدا
(خرجت ممتلئا بها فغازلني الناس في الشوارع) او نحو ذلك.
تسلم ياسيدي لهـذا الحس الجمالي الانيق.
ودي.
| |
|
|
|
|
|
|
|
|
|
Re: أسمعوا صوت الفاضلابي(حصريا على سودانيزأونلاين) (Re: fadlabi)
|
يا سلااااااااااااااااااااام
إزيك يا فاضلابى بالله شوف الدنيا دى ضيقة كيف طبعاً أنا لو كنت قريت البروفايل بتاعك ما كان إحتجت أسألك السؤال ده
أنا طبعاً كنت فى داخلية الرهد وإحتمال تكون ما بتعرفنى لأنى كنت زول علم سااااااااااااااااااااى ما فنان زيك كده لكن أنا بعرفك حق المعرفة طبعا انا دفعة المعز لدين الله الامام مالك ( طبعا ناس البورد بكونوا قالوا فى سرهم الاسم العجيب ده شنو ؟ ) وهو كان معاكم فى بحر الغزال
على العموم انا سعيد انى قابلتك فى هذا الفضاء الإسفيرى وكمان من البروفايل عرفت انك فى النرويج ودى كمان انا عندى معاها قصة وحأحتاج ليك فيها
[email protected]
| |
|
|
|
|
|
|
|
|
|
Re: أسمعوا صوت الفاضلابي(حصريا على سودانيزأونلاين) (Re: fadlabi)
|
يالفاضلابى والله عجبتنى حصريا دى وقلت الا اسمعك اها مشيت لطشتة لى بعد تهب شديد سماعات من كومبيوترالبنيات فى البيت اصلوا اخوك ببوظ السماعات تصدق لقيت واحدة فيهن ضاربة سمعت الموسيقى دون القصيدة ... شفتة التعب الشديد دة والحظ االشبه الجماعة ديل ... غايتو بلطش لى سماعات تانى وبجيك الا اسمع الحصريا ده
مودتى
| |
|
|
|
|
|
|
| |
fadlabi
Rawia
انا صوتي مابطال
عصام عبد الحفيظ
محمد فرح
Sidig Rahama Elnour
اساسي
Khalid Kodi
bayan
Adil Osman
غباشي
Dia eldin khalil
محمد سنى دفع الله
Ibrahim Algrefwi
مأمون
وليد محمد المبارك
الملك
الخير محمد عوض
عبدالله شمس الدين مصطفى
ابن الرشيد
bent-elassied
علي طاهر
AmroKamal
عثمان فضل الله
Tagelsir Elmelik
فيس بوك
تويتر
انستقرام
يوتيوب
بنتيريست