بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-08-2016, 04:03 PM الصفحة الرئيسية

مكتبة تماضر الخنساء حمزة (تماضر الخنساء حمزه)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

يابلد

04-08-2009, 09:05 PM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

كيف احذف مداخلة من بوستى

يابلد

    يابلد
    فاقدة احوالك ارادة
    مجبورة بالحال المعاك وقلبي رادا
    خاصمت احوالي المعاك خاصمتهن
    كيفن يودني المهالك في حداك بي رغبتن
    كيفن ينوم الشوق معاك في حتتن
    وكيف يلاقنك غصب عن فكرهن
    وكيف بباريك القليب بي حنهن
    وأنا ماجيتك ..قَصِد..

    أسبابي..صادق..منهن..
    انا مابسوق الريدة ليك
    الا بس ساقني هِن
    وانا أقسى عليكَ كيف
    مصيبتي عندك حنهن
    وانا امشي بعيد وكيف
    جايبني ليك بي عشقهن
    اني ..أشتاقك..غصِب..أظن مرادك..وفكرتن

    ماني بحمل جد قساك لاحِنّك المشرور هناك
    مابين غيوم اللهفة ليك وبين غيابي العااادي فيك
    وانتظار مواقيت صبّتن

    قلت أحجّي اللحظة بيك
    قطعت من شرياني
    ألواح النشيد
    قبال أطوف بيت القصيد قالدت ريدي عليك شديد
    مابين ركوع وهوى وسجود
    أسراب حمام..معاي شهود
    قالن غناك وفا ووعود
    برقت سماك
    مطر
    رعود
    إتراجف الحال المعاك وثباتي ماداير يعود
    الرهبة خدّرت المقام
    قلت اختاو..المكان..
    خفت أبقالك..قيود
    من ريدي
    اتراقص حمام
    وروحي غرقت في السلام
    وأيقنتَ بي هذا الحجاب
    يفتح بين دروبي وبين نضالك ألف باب
    نفّاج محبّة..غُنا و..رباب
    يلغي من قاموس وجودك أي حروف تعني الغياب
    وكتبت بي حبر الحنين
    بسملله اسمك مرتين
    تلاتة مرّات
    تسمع غناي المشتهيك
    وواحدة
    بشكيلك الشوق وأشتكيك
    والرحمة تنعم بين ايديك
    والشكوى من زولاً ضعيف
    لي زول هواهو عَصي وعنيد
    وربطت بي إيديّ حجابك
    في الوريد
    المن وريدي
    حنين بجيك


    ويابحر
    إحنا نرقص جوة ظارك
    ونفدع الجيد البريدك
    أخدوا شبالك في دارك
    زغرود جنوننا الليلة دارك
    أيوة نازلك يامنازل فيها رصيتك دواخلي عليها متكيّات دواخلك
    ويامنازلك
    في قليبي الكان بيوتك مطلية بألوان سمارك
    ويامهازل
    شيلي من جديتو حبّة
    ينعدل في الحال مسارك
    ويامسارب من مطيرتك
    صابّة شوقك
    أريتو يبقى عذاب قليبي وشوقو جارك
    مابفيد لو قلت تجزع
    مزار عيوني الماأجارك
    مابفيد لو قلت ترجع مابطفي الظلم نارك؟
    في الأخير وماآخر حروفن ليك تشارك
    احنا نعذر دون مانسمع اعتذارك


    وياطيور


    ساهيات أماني كتير معاهن
    ومابراهن
    فاتن هناك لي عشقهن
    باقي حب في عِشّتن
    كم حتّة جواك وحشتن
    زي عيون غنن اغاني بتعشقن
    مباراة الحبيب شالت هواهن ونسّتن
    وين البيوت الكان بتحضن ونستن
    أفكار كتير طارن معاك وحسّتن
    قاسيات كتير ..ياحليلو رايق حِسّهن
    ياحليلا أسرار الضحى في بكاهن دسّتن
    وين البلاد الكان بتعرف فجّتن
    في بعادن باختيارن
    عارفين مواعيد ركّتن
    بكرة بنكسر الجناح اجباري تصبح رجعتن


    كسر الجناح أسبابو في حالة الرجوع
    أخير يضوق آلامو مرّة
    يوماتي كم جرّح ربوع

    كان تشيل الحتّة جيتو
    فرحانة بي هذا الوجود
    ولمّا يفرد في جناحو
    تتمنى لو يرجع يعود
    ولمّا تاوق من بعيد
    إتشابا واتعدّى الحدود
    لو كان فضولو الساقو مرّة
    أو حريّة مابتعرف قيود
    كان حيرجع لي ربوعو
    وافي حافظ للعهود
    مصيرو يرجع لي ربوعو
    الفيها كم عمّر بيوت
    الفكرة يرجع بالخرز
    الفينا تشتاقو الخيوت
    انت قايل الفكرة ..تأذي؟
    أو قساي جوّاي بجوط
    الفكرة..يتألّم..شويّة
    قبال قليبو الحيّ..يموت

    وباعترافك
    شفت كيف يازول تعبت؟
    وبراي انا
    الفي دروب الشوق مشيتا ومافترت
    ده الشوق لبس تعبي وحِفا
    والسكة ماسكة جفا
    خطواتي انت بتعرفا
    حجولا فيها بتالفا
    فكرة رجوعي التالفة
    واصلاك وماهي الخائفة
    تلقى العيون الفيك تريدن جد عيوني ناسيات أظن ونظراتك انت الصارفة
    جاياك وشايلة الحِن مدفّق
    ومامسارك بنعوج
    دي السكة طبعا مائلة
    خطواتك انت القايلا؟؟
    وطيوفي ماكانن مراسيل الغرام
    براهن ومامعاهن غافلن فيني التمنّع ولوّحن ليك بالسلام
    أحيّ عليهن
    و..منهن!
    تاعبني جدا جنهن
    فاضحين دوام تشواقي ليك
    طوّالي قاللنك عليو وقولن اصبح همهن
    وماعرفن يدارن يوم عليّ
    وأنا العليّ العارفو انت وماشويّ
    وفوقو داساهو الحنين
    كتيرة ليك الريدة..بيّ!
    أكان بخالف يومي وحيك ماكان بتوّجو ليّ نبي
    حمّلتو ليك دين الهيام
    وفرضت انت الشوق عليّ
    وأكان بتكفر برضو بيو
    ياني بخلد فيها نارك
    قدر يشوشو فيني شوقك يمرق جلود الريدة حيّ
    ولسّة شوقك برضو نيّ
    فألف شكراً لي سعيك
    مروة وصالك ختتني في الصفا يوم مجيك
    ويوم طوافك غلبني أشيل هذا الخدر ملفوف عليّ
    وماعليك
    لو جاك حنين فايض عليك
    تمّم نصابك والباقي بحرس ليّ مشيك
    وتاني ألف معاها شكراً من أمس وليهو باكر
    أنا لسّه بشكر في جروحي المن غرامك وفي اذاي المن عينيك..
    وان شاءالله مايبرالي شئ.
                   |Articles |News |مقالات |بيانات

04-08-2009, 10:37 PM

كمال سالم
<aكمال سالم
تاريخ التسجيل: 02-13-2008
مجموع المشاركات: 4782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: يابلد (Re: تماضر الخنساء حمزه)



    أحسنت ياخنساء ,,

    بين ضلوعنا الوطن العزيز ,, دوما ,,
                   |Articles |News |مقالات |بيانات

04-09-2009, 08:08 AM

مدثر محمد ادم

تاريخ التسجيل: 12-17-2005
مجموع المشاركات: 3016

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: يابلد (Re: كمال سالم)

    المدهشة تماضر سلامات

    Quote: يابلد
    فاقدة احوالك ارادة
    مجبورة بالحال المعاك وقلبي رادا
    خاصمت احوالي المعاك خاصمتهن
    كيفن يودني المهالك في حداك بي رغبتن
    كيفن ينوم الشوق معاك في حتتن
    وكيف يلاقنك غصب عن فكرهن
    وكيف بباريك القليب بي حنهن
    وأنا ماجيتك ..قَصِد..

    أسبابي..صادق..منهن..
    انا مابسوق الريدة ليك
    الا بس ساقني هِن
    وانا أقسى عليكَ كيف
    مصيبتي عندك حنهن
    وانا امشي بعيد وكيف
    جايبني ليك بي عشقهن
    اني ..أشتاقك..غصِب..أظن مرادك..وفكرتن

    ماني بحمل جد قساك لاحِنّك المشرور هناك
    مابين غيوم اللهفة ليك وبين غيابي العااادي فيك
    وانتظار مواقيت صبّتن

    قلت أحجّي اللحظة بيك
    قطعت من شرياني
    ألواح النشيد
    قبال أطوف بيت القصيد قالدت ريدي عليك شديد
    مابين ركوع وهوى وسجود
    أسراب حمام..معاي شهود
    قالن غناك وفا ووعود
    برقت سماك
    مطر
    رعود
    إتراجف الحال المعاك وثباتي ماداير يعود
    الرهبة خدّرت المقام
    قلت اختاو..المكان..
    خفت أبقالك..قيود
    من ريدي
    اتراقص حمام
    وروحي غرقت في السلام
    وأيقنتَ بي هذا الحجاب
    يفتح بين دروبي وبين نضالك ألف باب
    نفّاج محبّة..غُنا و..رباب
    يلغي من قاموس وجودك أي حروف تعني الغياب
    وكتبت بي حبر الحنين
    بسملله اسمك مرتين
    تلاتة مرّات
    تسمع غناي المشتهيك
    وواحدة
    بشكيلك الشوق وأشتكيك
    والرحمة تنعم بين ايديك
    والشكوى من زولاً ضعيف
    لي زول هواهو عَصي وعنيد
    وربطت بي إيديّ حجابك
    في الوريد
    المن وريدي
    حنين بجيك


    ويابحر
    إحنا نرقص جوة ظارك
    ونفدع الجيد البريدك
    أخدوا شبالك في دارك
    زغرود جنوننا الليلة دارك
    أيوة نازلك يامنازل فيها رصيتك دواخلي عليها متكيّات دواخلك
    ويامنازلك
    في قليبي الكان بيوتك مطلية بألوان سمارك
    ويامهازل
    شيلي من جديتو حبّة
    ينعدل في الحال مسارك
    ويامسارب من مطيرتك
    صابّة شوقك
    أريتو يبقى عذاب قليبي وشوقو جارك
    مابفيد لو قلت تجزع
    مزار عيوني الماأجارك
    مابفيد لو قلت ترجع مابطفي الظلم نارك؟
    في الأخير وماآخر حروفن ليك تشارك
    احنا نعذر دون مانسمع اعتذارك


    وياطيور


    ساهيات أماني كتير معاهن
    ومابراهن
    فاتن هناك لي عشقهن
    باقي حب في عِشّتن
    كم حتّة جواك وحشتن
    زي عيون غنن اغاني بتعشقن
    مباراة الحبيب شالت هواهن ونسّتن
    وين البيوت الكان بتحضن ونستن
    أفكار كتير طارن معاك وحسّتن
    قاسيات كتير ..ياحليلو رايق حِسّهن
    ياحليلا أسرار الضحى في بكاهن دسّتن
    وين البلاد الكان بتعرف فجّتن
    في بعادن باختيارن
    عارفين مواعيد ركّتن
    بكرة بنكسر الجناح اجباري تصبح رجعتن


    كسر الجناح أسبابو في حالة الرجوع
    أخير يضوق آلامو مرّة
    يوماتي كم جرّح ربوع

    كان تشيل الحتّة جيتو
    فرحانة بي هذا الوجود
    ولمّا يفرد في جناحو
    تتمنى لو يرجع يعود
    ولمّا تاوق من بعيد
    إتشابا واتعدّى الحدود
    لو كان فضولو الساقو مرّة
    أو حريّة مابتعرف قيود
    كان حيرجع لي ربوعو
    وافي حافظ للعهود
    مصيرو يرجع لي ربوعو
    الفيها كم عمّر بيوت
    الفكرة يرجع بالخرز
    الفينا تشتاقو الخيوت
    انت قايل الفكرة ..تأذي؟
    أو قساي جوّاي بجوط
    الفكرة..يتألّم..شويّة
    قبال قليبو الحيّ..يموت

    وباعترافك
    شفت كيف يازول تعبت؟
    وبراي انا
    الفي دروب الشوق مشيتا ومافترت
    ده الشوق لبس تعبي وحِفا
    والسكة ماسكة جفا
    خطواتي انت بتعرفا
    حجولا فيها بتالفا
    فكرة رجوعي التالفة
    واصلاك وماهي الخائفة
    تلقى العيون الفيك تريدن جد عيوني ناسيات أظن ونظراتك انت الصارفة
    جاياك وشايلة الحِن مدفّق
    ومامسارك بنعوج
    دي السكة طبعا مائلة
    خطواتك انت القايلا؟؟
    وطيوفي ماكانن مراسيل الغرام
    براهن ومامعاهن غافلن فيني التمنّع ولوّحن ليك بالسلام
    أحيّ عليهن
    و..منهن!
    تاعبني جدا جنهن
    فاضحين دوام تشواقي ليك
    طوّالي قاللنك عليو وقولن اصبح همهن
    وماعرفن يدارن يوم عليّ
    وأنا العليّ العارفو انت وماشويّ
    وفوقو داساهو الحنين
    كتيرة ليك الريدة..بيّ!
    أكان بخالف يومي وحيك ماكان بتوّجو ليّ نبي
    حمّلتو ليك دين الهيام
    وفرضت انت الشوق عليّ
    وأكان بتكفر برضو بيو
    ياني بخلد فيها نارك
    قدر يشوشو فيني شوقك يمرق جلود الريدة حيّ
    ولسّة شوقك برضو نيّ
    فألف شكراً لي سعيك
    مروة وصالك ختتني في الصفا يوم مجيك
    ويوم طوافك غلبني أشيل هذا الخدر ملفوف عليّ
    وماعليك
    لو جاك حنين فايض عليك
    تمّم نصابك والباقي بحرس ليّ مشيك
    وتاني ألف معاها شكراً من أمس وليهو باكر
    أنا لسّه بشكر في جروحي المن غرامك وفي اذاي المن عينيك..
    وان شاءالله مايبرالي شئ.


    مسكونة حروفك
    بجنون العشق
    وطن

    ويسلم احساسك وطن
    تيف تيف
                   |Articles |News |مقالات |بيانات

05-16-2009, 05:15 PM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: يابلد (Re: مدثر محمد ادم)

    يسعد مساك النور مدثر،
                   |Articles |News |مقالات |بيانات

04-14-2009, 11:07 AM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: يابلد (Re: كمال سالم)

    سلامات كمال،

    شكراً على الطلّة..

    مودتي،
                   |Articles |News |مقالات |بيانات

04-14-2009, 11:58 AM

Shaker Hamid
<aShaker Hamid
تاريخ التسجيل: 10-05-2006
مجموع المشاركات: 577

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: يابلد (Re: تماضر الخنساء حمزه)

    تماضر الخنساء

    لك التحية
    يا خنساء السودان : امنحينا بعض اسرار البديع وكل ما تحويه
    طيبتك البرئه من تراكيب المضاف .

    يا بلد موجوع يناضل
    فى انتطفاءات الامانى وقترح عدة مداخل



    افتحى الافق اليحلم بى دروب مسكونة فرحة
    وامسحى الام المواكب لى غنانا يازمن خليك معانا
                   |Articles |News |مقالات |بيانات

05-16-2009, 09:02 PM

محمد عثمان محمود
<aمحمد عثمان محمود
تاريخ التسجيل: 02-21-2008
مجموع المشاركات: 464

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: يابلد (Re: Shaker Hamid)

    تسلمي خنساء، هذا إبداع


    حضور ومتابعة
                   |Articles |News |مقالات |بيانات

06-01-2009, 06:52 PM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: يابلد (Re: محمد عثمان محمود)

    شاكر،
    محمد عثمان،

    مساء الورد

    شكراً على الطلّة الحلوة
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de