أضبط .... من كتاباتهم تعرفوهم ( شكراً للحزب الشيوعي وهو يقلق منامهم )

Quote: ولو لم يكن الاستهداف هكذا بساقط القول وتوهان المنهج فكيف يكون الاستهداف واصلوا في حربكم المقدسة فسيظل الحزب الشيوعي السوداني موجوداً في وجدان شعبنا بما قدمه طيلة مسيرته .... واصلوا في كتاباتكم الساقطة فالحزب الشيوعي إستمد بقاؤه من نضال وتاريخ شعبنا .. واصلوا في إدعاءاتكم فالحزب الشيوعي سيظل ممسكاً بزمام القضية .... واصلوا في تطاولكم فالحزب الشيوعي باق ما بقي هذا الشعب وللشمس حتمشي مبارنك عشقاً جوانا أتارنك حزباً في القلب مضارنك

Quote: هذه الحملة الشعواء ليست هجمة علي الحزب الشيوعي فحسب بل هي هجمة علي كل ديمقراطي وطني يعارض هذا النظام منذ يومه الاول فعلي الحميع التصدي لهم وضربهم في اماكنهم وتجمعهم وبوستاتهم القذرة ويجب ان نلجاء الي اسلوب فرز الكيزان واصدار القوائم فمن ليس معنا فهو عدونا وعدو الديمقراطية وكفي تهاون فالوطن علي شفا حفرة وينهار الان الان وليس غدا. ويجب التصدي لهولاء فكلهم كيزان وحتي النخاع. محمد فرح معتز القريش ملاسي الامنجي محمد حامد جمعة بيان فدوي الشريف صلاح غريبة ود الباوقة القلب النابض احمد الريح وليد 500 وليد محمد المبارك عبد الرازق الطالب بريمة محمد عبد المطلب (هاواي) محمد علي بشير ابو الحسين

Quote: عزيزى خضر سلامات لقد أعلنتها وأعلنها الآن أنا عاطف مكاوى (الشيوعي) ولست عضوا بالحزب الشيوعي ولاكنني أدافع عن (الحزب الشيوعي) فيا كيزان المنبر أتحداكم!!!!!! أتحداكم!!!!!!!

Quote: وكفي تهاون

Quote: الجيلي اخوي انا قريت الحوار بهناك وفي اعتقادي انه (حوارهم ) ده قطيعة نسوان متخلفات بايرات في بيت بكا . كلام لا يودي ولا يجيب لا بضر ولا بنفع لقو الاسفير ملح وبطرشو فيه اي كلام سيبك منهم . . . ابوريماز

Quote: ليس مكاوي وحده بل هنالك عضو شيوعي بمنبر سودانيات ايضا يحمل نفس الافكار راجعي البوست

Quote: الا خ / محمد حسن.. اذا افترضنا ان الاخ / عاطف اخطا في حق الزميلة - بيان .. هل عندك تبرير للهجوم الغير اخلاقي من البعض تجاه عضوية الحزب الشيوعي بالمنبر بقصد الاهانة .. والخطأ لا يعالج بالخطأ ... الثوابت والمبادئ لا تقايض بعضها ببعض .... ومن كان حريصا علي مبدا الاحترام فعليه ان ُيقوم نفسه قبل الاخر ... ما يحصل في هذا المنبر من البعض .. صعلقة وقلة ادب ساااي .. وشكل للحوار لا يليق بنا ابدا ... في وقت نحن احوج ما نكون للتناول الموضوعي والحوار العاقل

صديقي وعزيزي خضر ..

مشكلة هذا المنبر إنه أصبح صورة واقعية لمجتمع مشوه ،
ولا أقصد بمشوه هنا إنه مجتمع كعب والعياذ بالله ، طبعاً لأ ..
لكن برمي إلى أنه الأشياء أصبحت فيه في غير مواقعها الحقيقية ؛

كمان الحزب الشيوعي ده هو زي أي تجمع أو وعاء أو مجتمع
(وما إليه )، فيه الصالح والطالح ، والمفيد والمؤذي من الناس
(أو قول الكادر) ، يعني أخواننا الشيوعيين ديل لم يُدخلهم حزبنا
(الذي وُلد عملاقاً) في مسبك زي مسابك العملة ، عشان نقول كلهم واحد ..
فيهم برضو ناس مشوهين ، وإنت عارف وانا عارف والله عارف ..

إن كان الحزب الشيوعي بيقلق منام البشرية دي بشوية الناس
التمام التمام الفيهو ، وبشبابه العرف يتثقف ويستنير رغم
الدنيا والأيام ، فإننا ( ومن هذا المنبر ) نطمح لأن تشمل
ثقافة الإستنارة والحوار كل أعضاء ومحبي وأصدقاء الحزب الشيوعي
وتتعمق فيهم وتكون جزءاً من سلوكهم اليومي ..

والله يا خضر ، الحوار ده عنت أشد من ضروب أخرى من الكفاح كثيرة ،
لكني شايف إننا قصيري النفس ، وفي حاجات كتيره ما بنعرف نفصلا
ونشرحا ، حاجات عننا وعن برامجنا وطموحاتنا ، وكده ؛ ربما لأننا
كمان بنتخيل (شوف الكمين !) إنو ما نعتقده بديهي وعادي ومفروض
أي زول يكون كده ، في حين إنو الآخر برضو (!!) يعتقد عن نفسه
إنه هو الطبيعي والمفروض (والذي يجب أن يشايعه الناس) ..

أناشيدنا وأغانينا وأشعارنا دي جميله ، وأعتقد كمان إنو أجمل منها
مافي (ومافي زول طالبني حليفة) ، وأعتقد إنو سيرة ناسنا من أبناء
هذا السودان الكبير سيرة قوية ومشرفة ، وعندك شهداء واحد وسبعين
عبدالخالق وجوزيف والشفيع ورد جناين حكاياتنا ..
وعندك إنسان زي عمك علي الماحي السخي ، الذي تلمع إبتسامته الطيبة
في ذاكرة كل من رآه ..
وعندك الطلبة الشيوعيين ، وسطوعهم على المحك ، وفي المجتمع ( مش
في سودانيز أون لاين ) تجد السيرة الأكثر حقيقة لهؤلاء الناس :
الشيوعيين ..

إحنا (إنت وأنا ، ومن لف لفنا ) مقتنعين بده ، لكن البيقنع الديك منو ؟
وهل الديك لازم يقتنع ؟؟ يعني ما ينفع إحنا والديك نقعد في حته وحده ..
خليهو يا اخي ، مش ديك ؟

إحنا بقى ..
واجب علينا الكتير ، وعندنا هوم ويرك على رأي الخواجه ، لازم نقعد
ونشوف ماذا نحن فاعلين (بالجد جد ) وكيف سنخرج بانفسنا وبحزبنا
وبلادنا من قد الإرة هذا ، وبعد ما نطلع من قد الإبره العمل شنو ..
حاجات برضو من قبيل تجذير الثقافة الديمقراطية فينا ومن حولنا ،
والبحث ما أمكن في بناء أسس تنظيمية جديدة تساعد على الحركة والتلقي
والمراجعة والبناء ..

إن ما يحدث هنا (أكثره) صب الزيت على النار ، وهي نار تأكل ولا تنتج ..
بتخيل ، كنت ، إنو مكان زي ده ، في ظروف زي دي ، يكون منطقة للتبادل
البناء والأخذ والعطاء ، خصوصاً إننا وإسم النبي حارسنا في أسوأ ما يكون
من حال .. وما فينا من أحد إلا وفيه طعنة رمح أو ضربة سيف من هذا الواقع
السوداني المرير ، مرض ، فقر ، جوع ، حزن ، جهل ، تعذيب ، قهر و إغتراب .

كان ممكن نأتي إلا هنا أكثر إخلاصاً لأنفسنا ، وبأصوات أهدأ ترجو خلاصاً صادقاً
من هذا الشيء الذي لا يُسمى ..

لكننا يا خضر ، جينا نجرجر مذاهبنا وعاهاتنا وجنوننا العالي ونزقنا
الطفولي المنسي ، وبعض رجالنا جاؤوا بمراهقاتهم وتغولهم الكئيب على
آنساتنا وسيداتنا ..
وهكذا تحولت الحياة هنا لجحيم جديد ، نضيفه إلى جحائمنا العديدة ..
جحيم من الأحادية والإنغلاق والشتائم والكره والمقت وعمى البصيرة ..

طيب يا خضر ، say إنو الحزب الشيوعي أقلق منامهم ..
أها وأنا ، من أقلق منامي ؟

هنا في المنبر الأمور شويه جايطه ، فيها نزعات شخصية صميمة ، وفيها عدم
موضوع بالعربي كده ، ولا يعول على المقاسات هنا طوال الوقت ..

عارف يا خضر ، أيام التعليم المدرسي (الله لا عاده ) كنت معجب جداً
برسالة عجيبة الشكل كان بعثها واحد من المكوك أو الملوك في بلادنا
القديمة تقول في بعضها " لا يغرنك إنتصارك على الجعليين والشايقية
فنحن الملوك وهم الرعية ، إلخ " وكنت أتكيف لهذه الخطبة لجرسها
الموسيقي زائداً عليه خيالي الذي رمى بي إلى رؤية الرجل الملك هذا
قاعد على كرسي عالي منجد تنجيد كويس ولابس سروال أخضر فاخر ..
بعد ذلك رأيت أن في هذه الرسالة التلغرافية من صاحبنا تحتوي على
درس مهم فحواه ألا تركن إلا إنتصاراتك الماضية طالما أن في العمر
بقية !! وأعتقد أن الرجل معه حق ..

ولا شنو ؟




دي حاجه ..
الحاجه التانيه ، إني مشتاق ليك جداً ، واتمنى قريب كده نقعد ونتكلم
في الحاجات دي شفوي ، حاكم أنا كمان بحب المشافهه لأنها بتفتح لي أفق
وبتخليني في نفس الوقت مستمتع ..

شكراً يا خضر على هذه السانحة ،
وحبي الشديد ..

(عدل بواسطة طلال عفيفي on 05-25-2007, 01:04 AM)

Quote: يكون في علمك انني لست مؤتمر وطني ولست شريكة لكم في الحكومة ..

Quote: الكوزة الهوس الناشط. الشينة منكورة. دينق.

Quote: من يفتحون نيرانهم على الحزب الشيوعي إما سدنة مايو أو صعاليك الديمقراطيين الجدد.. أو شواذ الإسلاميين (ممن يشربون الخمر ويتشدقون بقراءة القرآن وكتابة النصح للآخرين )

Quote: نقطة ... لماذا في كل مرة (بيان) هي من تتعرض..؟؟

Quote: محمد فرح معتز القريش ملاسي الامنجي محمد حامد جمعة بيان فدوي الشريف صلاح غريبة ود الباوقة القلب النابض احمد الريح وليد 500 وليد محمد المبارك عبد الرازق الطالب بريمة محمد عبد المطلب (هاواي) محمد علي بشير ابو الحسين

Quote: Quote: محمد فرح معتز القريش ملاسي الامنجي محمد حامد جمعة بيان فدوي الشريف صلاح غريبة ود الباوقة القلب النابض احمد الريح وليد 500 وليد محمد المبارك عبد الرازق الطالب بريمة محمد عبد المطلب (هاواي) محمد علي بشير ابو الحسين اضافة للست السابقة سقط سهوا بعض النكرات ابوتميم هجو الاقرع مجاهد عبد الرحمن فرانكلي Mohamed E Suliman

Quote: هذا اسلوب خاطئ في التعامل (قائمة باعداء مفترضين) بعض هؤلاء الناس قد يختلفون معنا في بعض القضايا (وهذا شئ طبيعي) فلا يخق لنا ان نصفهم ب (الكوزنة) ونضعهم في خانة الاعداء ... مقولة( من ليس معنا فهو ضدنا) هى انعزال وتقوقع واستعلاء مرفوض... بعض هؤلاء الناس يهاجمون الحزب في سياساته بل ورموزه فيجب علينا مقارعتهم ونقاشهم بدلا من وضعهم في قائمة الاعداء(هذا عمل سهل ولا يتطلب جهدا)

Quote: صديقي وعزيزي خضر .. مشكلة هذا المنبر إنه أصبح صورة واقعية لمجتمع مشوه ، ولا أقصد بمشوه هنا إنه مجتمع كعب والعياذ بالله ، طبعاً لأ .. لكن برمي إلى أنه الأشياء أصبحت فيه في غير مواقعها الحقيقية ؛ كمان الحزب الشيوعي ده هو زي أي تجمع أو وعاء أو مجتمع (وما إليه )، فيه الصالح والطالح ، والمفيد والمؤذي من الناس (أو قول الكادر) ، يعني أخواننا الشيوعيين ديل لم يُدخلهم حزبنا (الذي وُلد عملاقاً) في مسبك زي مسابك العملة ، عشان نقول كلهم واحد .. فيهم برضو ناس مشوهين ، وإنت عارف وانا عارف والله عارف .. إن كان الحزب الشيوعي بيقلق منام البشرية دي بشوية الناس التمام التمام الفيهو ، وبشبابه العرف يتثقف ويستنير رغم الدنيا والأيام ، فإننا ( ومن هذا المنبر ) نطمح لأن تشمل ثقافة الإستنارة والحوار كل أعضاء ومحبي وأصدقاء الحزب الشيوعي وتتعمق فيهم وتكون جزءاً من سلوكهم اليومي .. والله يا خضر ، الحوار ده عنت أشد من ضروب أخرى من الكفاح كثيرة ، لكني شايف إننا قصيري النفس ، وفي حاجات كتيره ما بنعرف نفصلا ونشرحا ، حاجات عننا وعن برامجنا وطموحاتنا ، وكده ؛ ربما لأننا كمان بنتخيل (شوف الكمين !) إنو ما نعتقده بديهي وعادي ومفروض أي زول يكون كده ، في حين إنو الآخر برضو (!!) يعتقد عن نفسه إنه هو الطبيعي والمفروض (والذي يجب أن يشايعه الناس) .. أناشيدنا وأغانينا وأشعارنا دي جميله ، وأعتقد كمان إنو أجمل منها مافي (ومافي زول طالبني حليفة) ، وأعتقد إنو سيرة ناسنا من أبناء هذا السودان الكبير سيرة قوية ومشرفة ، وعندك شهداء واحد وسبعين عبدالخالق وجوزيف والشفيع ورد جناين حكاياتنا .. وعندك إنسان زي عمك علي الماحي السخي ، الذي تلمع إبتسامته الطيبة في ذاكرة كل من رآه .. وعندك الطلبة الشيوعيين ، وسطوعهم على المحك ، وفي المجتمع ( مش في سودانيز أون لاين ) تجد السيرة الأكثر حقيقة لهؤلاء الناس : الشيوعيين .. إحنا (إنت وأنا ، ومن لف لفنا ) مقتنعين بده ، لكن البيقنع الديك منو ؟ وهل الديك لازم يقتنع ؟؟ يعني ما ينفع إحنا والديك نقعد في حته وحده .. خليهو يا اخي ، مش ديك ؟ إحنا بقى .. واجب علينا الكتير ، وعندنا هوم ويرك على رأي الخواجه ، لازم نقعد ونشوف ماذا نحن فاعلين (بالجد جد ) وكيف سنخرج بانفسنا وبحزبنا وبلادنا من قد الإرة هذا ، وبعد ما نطلع من قد الإبره العمل شنو .. حاجات برضو من قبيل تجذير الثقافة الديمقراطية فينا ومن حولنا ، والبحث ما أمكن في بناء أسس تنظيمية جديدة تساعد على الحركة والتلقي والمراجعة والبناء .. إن ما يحدث هنا (أكثره) صب الزيت على النار ، وهي نار تأكل ولا تنتج .. بتخيل ، كنت ، إنو مكان زي ده ، في ظروف زي دي ، يكون منطقة للتبادل البناء والأخذ والعطاء ، خصوصاً إننا وإسم النبي حارسنا في أسوأ ما يكون من حال .. وما فينا من أحد إلا وفيه طعنة رمح أو ضربة سيف من هذا الواقع السوداني المرير ، مرض ، فقر ، جوع ، حزن ، جهل ، تعذيب ، قهر و إغتراب . كان ممكن نأتي إلا هنا أكثر إخلاصاً لأنفسنا ، وبأصوات أهدأ ترجو خلاصاً صادقاً من هذا الشيء الذي لا يُسمى .. لكننا يا خضر ، جينا نجرجر مذاهبنا وعاهاتنا وجنوننا العالي ونزقنا الطفولي المنسي ، وبعض رجالنا جاؤوا بمراهقاتهم وتغولهم الكئيب على آنساتنا وسيداتنا .. وهكذا تحولت الحياة هنا لجحيم جديد ، نضيفه إلى جحائمنا العديدة .. جحيم من الأحادية والإنغلاق والشتائم والكره والمقت وعمى البصيرة .. طيب يا خضر ، say إنو الحزب الشيوعي أقلق منامهم .. أها وأنا ، من أقلق منامي ؟ هنا في المنبر الأمور شويه جايطه ، فيها نزعات شخصية صميمة ، وفيها عدم موضوع بالعربي كده ، ولا يعول على المقاسات هنا طوال الوقت .. عارف يا خضر ، أيام التعليم المدرسي (الله لا عاده ) كنت معجب جداً برسالة عجيبة الشكل كان بعثها واحد من المكوك أو الملوك في بلادنا القديمة تقول في بعضها " لا يغرنك إنتصارك على الجعليين والشايقية فنحن الملوك وهم الرعية ، إلخ " وكنت أتكيف لهذه الخطبة لجرسها الموسيقي زائداً عليه خيالي الذي رمى بي إلى رؤية الرجل الملك هذا قاعد على كرسي عالي منجد تنجيد كويس ولابس سروال أخضر فاخر .. بعد ذلك رأيت أن في هذه الرسالة التلغرافية من صاحبنا تحتوي على درس مهم فحواه ألا تركن إلا إنتصاراتك الماضية طالما أن في العمر بقية !! وأعتقد أن الرجل معه حق .. ولا شنو ؟ دي حاجه .. الحاجه التانيه ، إني مشتاق ليك جداً ، واتمنى قريب كده نقعد ونتكلم في الحاجات دي شفوي ، حاكم أنا كمان بحب المشافهه لأنها بتفتح لي أفق وبتخليني في نفس الوقت مستمتع .. شكراً يا خضر على هذه السانحة ، وحبي الشديد ..

Quote: بدل تفعلوا اللائحة.. كده فعلوا كتاب الله..

Quote: كتاب الله وشريعته لهما رب يحميهما ياخينا

Quote: أولاً بالتبادي نقول بسم الله و سلام .. تانياً بالتبادي أنا ما شيوعي .. تالتا خضر إزيك . العفار الشاقي السما ده هو حال المنبر من فترة .. الكندكة متحمده الجميع ما الحزب الشيوعي براهو . شي مخجل و مقرف . نجي للشيوعيين ( بقول الشيوعيين ) و ليس الحزب الشيوعي . الشيوعيين العرفتهم و بعرفهم طول حياتي بعتز و بفخر بيهم . الشيوعيين الملّكونا ( انا و بعض جيلي سعيد الحظ ) أدوات الوعي و ألف با تا ثا المعرفة . الشيوعيين الحقيقيين الصادقين الواعين الموجوعين بالناس و قضيتهم . الشيوعيين أولاد الحلة البيشيلو الحارة و تلقاهم وكتها أسياد الوجعة هم . المدرسين الشيوعيين الكانو بيساهرو معانا الليل و يرفضو ياخدو ملين أحمر في المقابل عشان ننجح و نقيف على رجولنا ( و دمعت عيون أستاذي محمد خير محمد أحمد عبد الحليم أجمل الشيوعيين لما نتيجة سهرو و همو و مجهودو كانت نجاح كل الفصل للثانوية العامة .. ما بنسى ده ) . و الشيوعيين الدافعو عن أبهاتنا العمال المساكين و جابو ليهم حقهم أيام الحق ولا خرط القتاد ما بيجيبو ( أبوي الله يرحمو من عمال سكة حديد العتيدين الأميين الكرام , ما شيوعي .. لكن كلو كوم و الشفيع عندو كوم تاني ) . الشيوعيين و الشيوعيات الكانو وحدهم بيمرو على البيوت و يشجعو النسوان يجن محو الامية .. بدون كلل ولا ملل و لا منة ( و أمي قاعدة و موجودة .. الله يديها العافية ) . الشيوعيين الحولو نادي ميتان و منسي زي نادي الربيع لشعلة نشاط ثقافي و فكري و تنويري و فتحوهو لكل الداير بدون فرز .. و فعلا دخلوهو الناس بدون فرز ( و النادي قاعد و موجود ) . الشيوعيين زي صديقي الشهيد الأجمل علي فضل , ما دخل عيادتو زول مسكين و مريض و عدمان حق الكشف حتى إلا و طلع يدعي ليهو . و ما قفل عيادتو إلا بعد يتأكد مافي زول لسه قاعد بره , و إلا إنو الدولاب الوراهو البيدي الناس منو الدوا المجاني بقى فاضي , و اللي إشتكى زملاؤه الدكاترة من رخصة كشفه الكتل عليهم السوق . الشيوعيين الكانو بيقولو للمتظاهرين أيام 24 و 25 أبريل و البلد مولعة و فالتة : ما تكسرو شي , ما تخربو حاجة , ما تأذوا زول من ناس البوليس ( و أسامة أب شنب و مصطفى بحيري موجودين ) . الشيوعيين البنتبادل معاهم الكتب ( لضيق ذات اليد ) و ما بيسعدهم شي قدر أنهم يلمو في كتاب يستاهل , و يوم يومين نتلم عشان نتناقش حولو لساعات الليل كلها. الشيوعيين في فترات الدراسة الجامعية .. شمس الدين آدم و وفاء حسين و نجاة عثمان و عصام عبدالحفيظ و فتحي محمد عثمان و غيرهم و غيرهم .. ناس تعتز بأنك صاحبهم لكل تفاصيل سلوكهم و منهجهم و احتفاءهم و حدبهم عليك و على الناس و البلد . الشيوعيين الزاملتهم في العمل و كل ساعة كانوا بيكبرو في نظري بمواقفهم و أقوالهم و أفعالهم ( صحفيين و مصممين و كتاب و شعراء و أدباء و عمال مطابع و سواقين ) . شيوعيين زي طلال و خضر و معاوية و عصام جبرالله .. و غيرهم و غيرهم .. ... ديل الشيوعيين . الشيوعيين عاطف و هنادي و آخرين كتار لا يشبهون الشيوعيين الذين أعرفهم . الشيوعيين البيكونو خصم على تاريخ سيرة كاملة لرجال و نساء أحبو البلد دي و أدوها ما أدوها. الشيوعيين ديل أقل ما يمكن أن يقال لهم : ( ياخي أسكتو ياخ .. أسكتووووووووووو ) . أنا ما شيوعي .. و لكن ديمقراطي أؤمن بالحرية لكل الناس و الحقوق الأساسها المواطنة , و أؤمن بالعدالة و القانون و الحق . و كذلك يفعل الشيوعيون . بتلاقى معاهم على أرضية واحدة و أختلف معاهم حول الوسائل و الأساليب . أن تزوغ بوصلات الحزب لأسباب تعلمها عضويتو و كوادرو فهذا شأنهم .. لهم وحدهم ان يقوموا أداءهم و هياكلهم التنظيمية لو شافوها محتاجة .. أو لا يفعلوا . مواقف الحزب الأخيرة مهما اختلف الناس عليها و حولها فهناك وسائل و ادوات أرفع و أنفع و أفضل عشان الناس تناقش و تحلل و تنتقد بيها . أنا ما شيوعي .. و صديق للشيوعيين الشيوعيين . .... أخونا بكري لا يحرك ساكناً و العفار و الكترابة زكمت أنف البورد و قريباً هي مفطساه .. اللهم لا إعتراض .