|
Re: نجح حنين في ما فشلت فيه الأحزاب (Re: Hussein Mallasi)
|
فى برنامج مجهر سونا
ما هو المفترض ان يحدث ؟
وماذا يحدث عمليآ ؟
يفترض ان يتيح هذا البرنامج ومن منبرهيئه اعلاميه يفترض انها قوميه فرصآ متساويه لمرشحى الاحزاب والمرشحين المستقلين لعرض برامجهم الانتخابيه على قدم المساواه حسب ما تدعى مفوضية الانتخابات والتى كان من المفترض ان تشرف على هذه البرامج وان لا تتركها لادارة وسائل اعلاميه يسيطر عليها طرف من الاطراف التنافسه فى العمليه الانتخابيه
يفترض فى هذه البرامج ان تتيح الفرصه لعرض البرامج الانتخابيه ويمكن لمناقشة هذه البرامج اشراك شخصيات محايده ونزيهه لمناقشة تفاصيل البرنامج للمرشحين كما يمكن اجراء حوار تفاعلى مع الجمهور يناقش المرشح فى البرنامج المطروح ويتيح للمرشح التعليق على مناقشات الجمهور وتوضيح ما يراه من اطروحات المعلق المحايد والجمهور
هذ هو المفترض ان تحتويه هذه البرامج اما ما يحدث عمليآ فهو مخالف جملة وتفصيلآ عن الهدف الذى حدا بالمفوضيه من الطلب لوسائل الاعلام باتاحة الفرص العادله والمتساويه للاحزاب فى غرض برامجها ويتجلى ذلك بصوره صارخه فى مجهر سونا ومقدمه حنين فيما نحاول ايجازه فى ما يلى :
* اختيار مقدم البرنامج يجب ان يكون محايدآ ويجب ان يكون للمرشحين فرصة الاعتراض عليه قبل تكليفه او اثناء ادائه لمهمته ولكننا نجد ان السيد حنين فرضته جهه مشاركه فى التنافس الانتخابى ليقدم ويدافع عن اطروحاتها و كذلك الحال بالنسبه للمعقب الرئيسى
* مقدم البرنامج منواجبه استبعاد الاسئله التى الشخصيه والتى لا تتعلق بما يطرحه المرشح وفى هذا المنحى اكثر السيد حنين من طرح الاسئله الت تدور فى هذا المنحى وسمح للمعقبين بطرحها
* البرنامج مخصص للمرشح لعرض رؤاه بين ما نرى السيد حنين يستحوز على الجزء الاكبر من وقت البرنامج لتعليقاته التى غالبآ ما تكون خارج الموضوع
* السيد حنين استغل ادب وتسامح بعض المتحاورين بمقاطعتهم وبايراد تعليقات خارجه عن ادب الحوار وصلت لدمغه للبعض بالكذب
* السيد حنين يتعامل مع المرشحين وجلهم ان لم يكن كلهم قد امضى عمره فى العمل السياسي يعاملهم كطلاب فى مدرسة اساس وكانه هو الاستاذ
قناة الشروق طورت من برنامجها لمن الكرسى واوكلته لاعلاميه اجنبيه مهنيه تتيح الفرصه للمرشح وللمعقب الرئيسى المحايد وللجمهور عبر استطلاعات الرأى وللتفاعل مع المشاهدين عن طريق الهاتف
شتان ما بين مهنية مقدمة الشروق فى حلقة اليوم وبين مهنية بابكر حنين الذى تحول برنامجه من مجهر سونا الى محكمة الاحزاب والمرشحين
| |
|
|
|
|
|
|
Re: نجح حنين في ما فشلت فيه الأحزاب (Re: talha alsayed)
|
لا أظن أن نسبة المشاهدين لهذا البرنامج فى عموم البلاد تتعدى ال 5% نحن بحاجة لمذيد من ساعات البث التى تعرى هذا النظام و تزيل الغبار من ذاكرة الشعب. نحن بحاجة الى بث على مدار اليوم يحكى كل المآسى التى حدثت و يقوم بعمل لقاءات مع الضحايا أو أسرهم. وهذا لا يتأتى الأ بتأجير قناة فضائية. هل يعقل أن تكون أحزاب تجمع جوبا مجتمعة عاجزة عن توفير قناة فضائية أو إذاعة؟
| |
|
|
|
|
|
|
Re: نجح حنين في ما فشلت فيه الأحزاب (Re: عمران حسن صالح)
|
.
Quote: لا اعلم .. حتى و إن صحّ .. فقد استردت أضعافها بواسطة حنين. |
ضحكتني وحقوق الطبع محفوظة لكم، أخشى ما أخشاه "على قول كمال الجزولي" أن تعتمد أحزابنا السياسية على خدمات حنين الإعلامية المباسرة وغير المباشرة، المسبقة الدفع على حد تعليقك!
.
| |
|
|
|
|
|
|
Re: نجح حنين في ما فشلت فيه الأحزاب (Re: خدر)
|
Quote: يعني الما بعرف داريوكان و النيل الازرق ما بتصلهم , ما يفهم معاكم ؟ |
داريوكان مدافع موزمبيقي أسبق في الهلال .. لعب في البطولة الأفريقية الأخيرة مع منتخب بلاده؛ و كان من هدافيها؛ بأن أحرز هدفين في مرماه.
| |
|
|
|
|
|
|
Re: نجح حنين في ما فشلت فيه الأحزاب (Re: naeem ali)
|
Quote: لا يمكن لأعتى آلة إعلامية حزبية معارضة أن تفعل بالمؤتمر الوطني ما فعله بابكر حنين |
لو كانت المعارضة تملك قناة فضائية لسقط المؤتمر اللاوطني قبل سنين عددا
ساعة ونصف فقط لكل مرشح زلزلت قناعة ملايين السودانيين في المؤتمر اللاوطني الكرتوني!!
| |
|
|
|
|
|
|
Re: نجح حنين في ما فشلت فيه الأحزاب (Re: عبدالأله زمراوي)
|
Quote: لو كانت المعارضة تملك قناة فضائية لسقط المؤتمر اللاوطني قبل سنين عددا |
طيب يا معاذ كان يأجرو ليهم قنـاة.. إن شاء الله قناة زول سااكت .. الغريبة إنو الناشط الشيوعي الحركة الشعبية .. مرتضى جعفر قبل كدا قال لي تراجي ومحمد سليمان الشهير بي استيف تعالو نطلع شيرنق نعمل لينا قناة .. الكلام دا من ما فتحو قناة الشروق .. اهـا من الوكت داك حسع دي يعني يا معاذ ثورة الانقاذ كان شربت الزيت ؟؟ طيب قول عملو مشروع قناة تلفزونية .. وعملوا ليها قمر صناعي كامل .. حدادي مدادي .. تفتكر: ناس الحركة الشعبية .. بيخلو ناس حزب الأمة يدقوها في القناة دي ...؟ واللا كمان ناس حركات دارفور بيخلو ناس الاتحادي الديمقراطي الأصل .. يعتبو بي خشم باب القناة ..؟ أنا خايف فوق لي دا كلو ... تراجي يكون عندها فترة بث مباشر ومعاها أنور كنج ومصطفى محمود الدكتور المعارض ودينا خالد الاستاذة ونزار يوسف بتاع الراقصة والطبال - ويجيك طارق ابوعبيدة الشهير بي خدر يقول لازم يغني كل يوم في برنامج بين الشعب والقايد، والله يادوبك الشعب السوداني الفضل .. كب زيت عديل كدا .. وقال اخير لينا شجرتنا كلما تجدعه بي الحجار .. تديك طراوة ..
إنتو الغلب منو في الانتخابات ..؟ واللا الشغلانة دي لسة ما دورت ..؟ لانو الواحد بقى قاعد ساااي في البورد دا ما ناقش ابو النوم ..
| |
|
|
|
|
|
|
Re: نجح حنين في ما فشلت فيه الأحزاب (Re: tmbis)
|
Quote: بين الشعب والقايد، والله يادوبك الشعب السوداني الفضل .. كب زيت عديل كدا .. وقال اخير لينا شجرتنا كلما تجدعه بي الحجار .. تديك طراوة ..
|
عدم الشغلة علم القرد المشاط وين يا اصحاب الايكة..وذات الانواط شجرة شنو التي اضحت لا ظليل ولا يغني من اللهب
انت ما قلت بتاع هجيج الجابك شنو للسياسة يا اخوى ما محتاجين فضائية الان المؤتمر الوطني قايم بالواجب وكفى
| |
|
|
|
|
|
|
Re: نجح حنين في ما فشلت فيه الأحزاب (Re: adil amin)
|
Quote: عدم الشغلة علم القرد المشاط وين يا اصحاب الايكة..وذات الانواط شجرة شنو التي اضحت لا ظليل ولا يغني من اللهب انت ما قلت بتاع هجيج الجابك شنو للسياسة يا اخوى ما محتاجين فضائية الان المؤتمر الوطني قايم بالواجب وكفى |
.. وإنت يا بتاع الوعي .. شايفك نزلت المصطبات من المقصورة .. ما رافع القزاز وعامل فيها بتمشط القرد من شنب الأسد .. لقيته ما بتأكل عيش ..؟ ااي خليك في الماسورة دي .. الوعي بتاعك دا ما بياكل عيش .. كلما تلقى ليك حته فيها ناس صاحيين كدا وفيها حركة تعال عشان نولع بيك .. .... موضوع الفضائية دا اطلع منو .. دي ما عاملنه ليك .. إنت راسمالك بوست كورة وأغنية لي حنان بلوبلو.. تجي تفتح خشمك كدا .. وتقهي .. الاسبوع الجاي لما ننزل ليك هاجـر كباشي .. تغطي دقنك طوالي .. قناة شنو كمان البنعمله ليك ..؟
| |
|
|
|
|
|
|
Re: نجح حنين في ما فشلت فيه الأحزاب (Re: tmbis)
|
حنين لم يفعل شيء برضاه فقد تملكه الغضب أحيانا كثيرة أثناء بث البرنامج ولكنه وقع نتيجة لتقديره الخاطئ لملكاته الإعلامية والتي ظن بأنها لا محالة قاتلة للمعارضة وجعل المؤتمر الوطني بين نارين أحلاهما مر إما السير في طريق التحول الديمقراطي والذي سيأتي عليه بالساحق والماحق أو فقدان القليل المتبقى من الثقة لدى الشعب السوداني ودي نتيجتها ما معروفة تكون شنو الضربات القاتلة والموجهة ليزريا من قادة المعارضة وخصوصا عبد العزيز خالد / مبارك الفاضل / حاتم السر فعلت فعل السحر وأعادت للشعب السوداني بعض وعيه المسلوب .
| |
|
|
|
|
|
|
Re: نجح حنين في ما فشلت فيه الأحزاب (Re: tmbis)
|
Quote: ليت كان لدينا استطلاعات للرأي؛ ليعلم المؤتمر الوطني حضيض الأصوات الذي يصل إليه؛ عقب بث أي حلقة من حلقات منبر سونا. |
الإشاره وصلت لمن يهمهم الأمر .. بكره ح يرفعوا اللافتة.
| |
|
|
|
|
|
|
Re: نجح حنين في ما فشلت فيه الأحزاب (Re: محمد على طه الملك)
|
بابكر حنين عندما استدرك سؤاله عن اين الحزب
جماعة قالوا يكون غواصة اتحادية داخل محيط المؤتمر!!!!
وخاصة بعد تم اكتشاف ان الغواصات المؤتمرجية داخل محيط الاتحادي
كان يتم استخدامها فقط لنقل تضمينات ومعلومات مغلوطه و يتوقع ان تقدم
شيكاتهم السابقة الي المحاكم بعد الانتخابات مباشرة!!!!
| |
|
|
|
|
|
|
و في ذلك فليتنافس المتنافسون! (Re: Souad Taj-Elsir)
|
و في ذلك فليتنافس المتنافسون!
غايتو يا حسين، كان حنين قدم خدمة للاحزاب او خدمة للمؤتمر الوطني او لكلامهما، لاول مره في حياتي الراشدة احس انه صوتي عندة قيمة، قيمة تستدعي المؤتمر الوطني ان يحاول تعرية الاحزاب و العكس، ده علي قدر الفضل مستور فيهم كلهم احزاب علي مؤتمر وطني
اسي ده براااها ما نقطة تحول من زمن الدبابة جاااتكم؟
| |
|
|
|
|
|
|
Re: و في ذلك فليتنافس المتنافسون! (Re: Rihab Khalifa)
|
للمرحوم محمد طه محمد احمد كلمة مشهورة فى تقييم مقدرات حنين الاعلامية: (حنين رجل فاضل و طيب, و لكنه اخر رجل فى السودان يصلح كاعلامى) و قال نفس الكلمة عن رجل اخر يعمل حاليا فى منصب كبير فى مكتب قناة الجزيرة فى الخرطوم
| |
|
|
|
|
|
|
Re: نجح حنين في ما فشلت فيه الأحزاب (Re: Hussein Mallasi)
|
Quote: لو كانت المعارضة تملك قناة فضائية لسقط المؤتمر اللاوطني قبل سنين عددا
ساعة ونصف فقط لكل مرشح زلزلت قناعة ملايين السودانيين في المؤتمر اللاوطني الكرتوني!! |
طيب اذا كان الموضوع بالبساطة دي المعارضة ما عملت فضائية ليه
| |
|
|
|
|
|
|
Re: نجح حنين في ما فشلت فيه الأحزاب (Re: Hussein Mallasi)
|
دي مش أول مرة حسين يغلط في هذا البوست وحده لكن دي تاني مرة علماً بأن ما يكتبه تلغرافات:
Quote: عملت كافة الأحزاب لأن تنفر المواطنين من المؤتمر الوطني؛ فلم تنفرها؛ و فعلها حنين. |
حسين قاصد فلم تنفرهم. أما الكلمة الثانية (تومؤها) فعلى وحشيتها فقد كتبها حسين خطاً فالهمزة على نبرة تكتب هكذا(تومئُها)لأن ما قبل الهمزة على نبرة مكسور. حسين يخطيء كثيراً في تلغرافاته والخطأ يمكن أن يتم تداركه . كلنا لدينا أخطاءً بعضها ليس بسبب الكي بورد وحده ، بعضها مثل أخطاء حسين هذه ليست بسبب العجلة في الكي بورد لكن المشكلة مع حسين أنه يطارد من يخطئون في اللغة من الاعضاء ويدخل الأخطاء التي يكتشفها ضمن ماكينة سخريته من مواقفهم السياسية.
| |
|
|
|
|
|
|
|