ياجماعة الخير يا عواليق ياالزعلانين من كلام صلاح غوش الما عواليق عشان قال لي خصومو (ياعواليق) ..انت حقو تفرحوا وتدقوا الطبول والدلاليك انو المجرم صلاح غوش عاوز ابقى انسان ياااخ معقولة تزعلوا من كلمة( عواليق) ده ياااخ ما كان بتكلم ذاتو وما عندو لغة غير (الكتل واللبع والتعذيب والاغتصاب والاعتقال الملاحقات والابتزاز)معقولة زعلانين من كلمة( عواليق) ده بشعر عديل وبغنى احسن من وردى والكابلي...ده بلبل بغرد بنوتة موسيقية...ده يا دوب عاوز ابقى يرقة بني ادم....ده ياااخ مفروض ادوهو بالتزكية مش دايرة مروي ادوهو جائزة نوبل للسلام ظاااطها يا عواليق...والله انا فرحان انو غوش بقى بتكلم وعاوز كمان اترشح واقابل الجماهير واحكى ليهم عن انجازاتو يا عواليق....وحيفوز يا عواليق.. وحيدخل البرلمان يا عواليق... وحيبقى مشرع قوانين يا عواليق وحيجيب قوانين ما انزل الله بها من سلطان يا عواليق وحيطلع دينكم بالشرعية يا عواليق..وحيوديكم لظى بالشرعية يا عواليق... واقعدوا لي في النقة الفاضية دي يا عواليق لا عاوزين تتوحدوا ولا عاوزين تشتغلوا بالجد ضد الكيزان يا عواليق... ولا شايفين ناس تجمع( جوبا) العواليق عاملين اي حاجة والقطر قرب اصفر...عشان هم عواليق...والله اكبر يا عواليق والعزة للكيزان ياعواليق!
02-18-2010, 07:10 AM
اسامه خليفه اسامه خليفه
تاريخ التسجيل: 03-29-2008
مجموع المشاركات: 2022
Quote: قمة الركاكه والانحطاط اللغوي لهذا المجرم ..
العالم كله يعرف الحركه الشعبيه وزعيمها الخالد جون قرنق والمستحق لجائزة نوبل للسلام ..
كيف لهذا المجرم ان ينعت خصموه بتلك الالفاظ الهابطه..
ياااخ انت ظلمت غوش شديدانا ما قلت ليك الزول ده بس كونو انطق واتكلم واخلي الكان بسوى فيهو زمان داك ده اكبر انجاز للحركة الديموقراطية....كلمة (عواليق) دي لو كان بقولها وبس من غير كتل لناس الشهيد على فضل واخرين كان الانقاذ دي راحت زمان شمارفي مرقة!
تحياتي للاسرة والناس البي عندكم
02-19-2010, 04:29 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام هباني
اسامه خليفه
عمر عبد الله فضل المولى
فيس بوك
تويتر
انستقرام
يوتيوب
بنتيريست