|
|
 يا فرحنا يا هنانا... منى خوجلى معانا
|
حطت الطائرة فى مطار الخرطوم
و على متنها الفرحة و الضحكة الدائمة،،،
الحنونة ماما جارة و الحبيبة منى خوجلى
قدموا من بلاد الضباب إلى بلاد الشمس المشرقة
أتوا ليتمتعوا معنا بالشتاء الدافئ
وليزيدوا أيامنا بهجة و ألق
كم نحتاج إلى الفرح فى وقت أصبحت فيه الضحكة صدفة
و على قول جماعتنا الطيبين:
ما حدش واخد منها حاجة
فى ظل العتمة و عدم وضوح الرؤية على كافة الأصعدة،
لا يسعنى إلا أن اقول لكم،
نورت بيكم البلد يا منى
فنزلتم أهلا و حللتم سهلا،،،
|
|
 
|
|
|
|
|
|
|
 Re: يا فرحنا يا هنانا... منى خوجلى معانا (Re: moaz elsir)
|
الملكة منى
كل سنة وانت والوالدة بالف خير وكل ال خوجلي وهالة حسن كمان
نتمنى ان يطيب لك المقام وتكون اجازة ممتعة
بالله ياهالة الزولة دي ماتقصري واضبحي ليها خروف كرامة وسلامة من بتاع المظلات الجاء ناطي بي سقف المطبخ
بس بالله ابعدوها من الشربوت والاشياء المشابهة لانو بتخيل لي بعده الشربوت ممكن يدور عربية لووولز
يابختكم ويافرحكم بالمناسبة انتو منال وين
تحياتي
زاتوووو
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: ALZOLZATOO)
|
زااتووو،،
شكرا على التحية و العيدية الجميلة،،
| Quote: بالله ياهالة الزولة دي ماتقصري واضبحي ليها خروف كرامة وسلامة من بتاع المظلات الجاء ناطي بي سقف المطبخ |
منى أكيد بتستاهل الخروف،،
لكن يا زااتوو لو شفتها بتضحك كيف من بتاع المظلات دة،
إلا تحلف كيف تجيبوا ليها تانى،،،
| Quote: بس بالله ابعدوها من الشربوت والاشياء المشابهة لانو بتخيل لي بعده الشربوت ممكن يدور عربية لووولز |
هههههههههههههه،
قالوا الشربوت الايام دى من المقومات الاساسية للحياة،،،
| Quote: يابختكم ويافرحكم بالمناسبة انتو منال وين |
منال موجودة،
لكن تكون ما فاضية من الاكشن،،،
الله يعينها و يعين الجميع،،،
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: ALZOLZATOO)
|
Quote: الملكة منى
كل سنة وانت والوالدة بالف خير وكل ال خوجلي وهالة حسن كمان
نتمنى ان يطيب لك المقام وتكون اجازة ممتعة
بالله ياهالة الزولة دي ماتقصري واضبحي ليها خروف كرامة وسلامة من بتاع المظلات الجاء ناطي بي سقف المطبخ
بس بالله ابعدوها من الشربوت والاشياء المشابهة لانو بتخيل لي بعده الشربوت ممكن يدور عربية لووولز
يابختكم ويافرحكم بالمناسبة انتو منال وين
تحياتي
زاتوووو |
انت بالزوول..
باقي لي كدي الخرطوم دي ادونا فيها عين!
المرقات قلان!
والله الجو سمح والاكل سمح وانا من الدور الفات قلت ليكم معدتي هي محور حياتي!
اها نحنا قاعدين ننظم لمشية لقندهار بس خايفين خليل ابراهيم يزرنا هناك ونروح فيها
بسبب شية!
الشربوت ده انا ماشية ليه الشماليه عند حبوبة ..اخت الجردل جنب عنقريبي ومعاه الكوز واسكت أغرف!
اها عليك الله نحنا ما ناس بسيطين وحلوين؟؟
جننا ناكل!
غايتو هجمة البراشوت بتروح بالاكل الكتير مع الحبان..ماك جايي؟؟
| |
|
|
|
|
|
|
|
|
Re: يا فرحنا يا هنانا... منى خوجلى معانا (Re: moaz elsir)
|
Quote: الاخت هالة
تحياتي واحترامي ,,,
الخرطوم منورة ، حمد لله على السلامة مع تمنياتي لهم بقضاء اجازة سعيدة بين الاهل والاحباب |
شكرا يا معاذ السر..
لي سنه بحالها من الخرطوم عين الوطن وقلبه..
الحمدلله وصلتها وأمي بأمان..
الخرطوم منورة بناسها الحلوين..
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: معاوية المدير)
|
Quote: ســـلام هالة حسن...
التحايا عبرك لماما جارة
والأخت منى...
كويييييس يا منى خلينى
الِم فيك كان ما |
والله يا معاوية كله حصل فجأة!
ياخ انا قلت السنة دي اقعد واساعد آيه وعبدالرحيم مع ياسين ويوسف..
وفجأة لقيت الموضوع اتغير وبقيت علي سفر..
يكون اتغرر بي يا ربي؟؟
المهم انا ماشية الشماليه بس الناس الموصلاني وهو البيحددوا المواعيد..
هل يوجد هناك اي بصيص امل في ان تحضر؟؟
وبهذا اتحاشي ضرباتك وكسير الراس..
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: العوض المسلمي)
|
حاج العوض،
كيفك؟؟؟
| Quote: واكيد موعودين ببرامج جميلة ورائعة بروعة مني خوجلي ,, |
فعلا يا العوض،
زى ما قالت لى أسمهان،
أحلى أيام لما منى خوجلى بتكون موجودة،،
لانها ست بلد،
ما بتعتبر نفسها ضيفة،
بتبادر لإقتراح البرامج الجميلة،،
أنا غايتو شهر 12 دة ح افضى نفسى إنشاء الله،،،
| |
|
|
|
|
|
|
|
|
 Re: يا فرحنا يا هنانا... منى خوجلى معانا (Re: سيف بخيت موسي)
|
المحترم سيف بخيت،،
سلامك و تمنياتك العذبة كلها أستودعت لدى المحمولة إليهم،،،
| Quote: كان كدة نمشي نقطر لينا سفرة للسودان قبال منى ما ترجع |
صدقت هى دى فعلا أيام الإجازة،،
الجو بديع،
(سخانة) محتملة جدا،،
حصل بسرعة قبال الكتاحة تقوم،،،،
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: سيف بخيت موسي)
|
Quote: هندسة يا هالة
صباح الخير
خبر زي الفل
نتمنى للوالدة الحبيبة جارة والعزيزة منى طيب الإقامة
تحياتي لك ولمنى وجميع آل خوجلي
-----------------------------
كان كدة نمشي نقطر لينا سفرة للسودان قبال منى ما ترجع |
ياريت تجي يا سيف..
عليك الله تعال حتي ولو ويك اند..
الخرطوم حلوة..
شاعر بكلمة حلوة دي؟؟
تلقاك عيون طيبة في الشارع وفي الاماكن العامة..
تبادلها نظرات اطيب بدون عقد وبدون خوف وقطعا بدون تردد..
يملاك التراب وتزهج وتنسي بعد شويه..
عارف الزعل والنسيان زي شنو؟؟
زي ولدك ولا بتك لما يضايقوك وبعدين يبتسموا ليك..
تنسي الزعل ذاتو كان في شنو..
الليلة اشتريت جوافه ريحتها وطعمها يجيبوك من وين وين..
ويوسفندي بصفقه الاخضر..
اهم حاجة عندي في البرتقال واليوسفيندي يكون فيهم صفقهم لسه..
بشعر لما اشوف الصفق بإنه الدنيا طبيعية ونقية!
.............
.............
ماكا جارة كويسة وبتسلم عليك وتعال علشان نمشي لناس بيتكم نسلم عليهم..
تحياتي..
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: Hala Hassan)
|
Quote: الحنونة ماما جارة و الحبيبة منى خوجلى
قدموا من بلاد الضباب إلى بلاد الشمس المشرقة |
الف حمدالله على سلامتهم .. والبلد منوره ..
ماما جاره بيتك دافيء بوجودك ..
الحنونه منى انشاء الله إجازه سعيده ..
تتذوقى الفرحة والبهجة في كل ساعة فيها ..
ما تعكرها اي شائبه من شوائب الزمن العجيب ..
هلوله .. شكرا للخبر الحلو .. يا طيبة
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: ياسر بيناوي)
|
بدل تخليها تنوم كان تخليها تمشى المسيره تاخد ليها عكاز عكازين اهو بيفكو برد لندن ده
تانيا تحياتى لماما جاره
تالتا ما تفكوها لو ما عملت ليكم ندوه عن دارفور او اى موضوع تختارو هى
رابعا ما تسلمى لى عليها
خامسا قولى ليها المس كوول ما بظهر فى التلفون
سادسا تحياتى ليك
سابعا مع السسلامه لانى مداوم ومزنوق زنقه العدو
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: عمر سعد)
|
يا عمر سعد،،
أولا،،
النوم برضو كويس،
قالوا صحة،،،،،
ثانيا:
هى قالت ما عندها مانع تمشى المسيرة،
بس عكاز عكازين ما بتئدرش،،،
ثالثا و رابعا:
سلامك بنوصلوا لماما جارة،
لكن شكلتك نوصلها لمنى كيف؟؟؟
يعنى أسلم عليها فى الاول،
و بعدين اسحب سلامى،
و لا أحسن،
أدخل من غير ما اسلم و بعد الضيافة اقوم اسلم عليها؟؟؟
حلها لى لو سمحت،،،،
خامسا،،
الندوة عندنا ليها مواضيع جاهزة (من خبرات الحياة)،،،
ممكن تحضر و ممكن لا،،
بس أحذرك ح نطلع منها بمواثيق عاجلة (كلها ضد ادم)،،،
و قد أعذر من أنذر،،،
سادسا،
تحياتك وصلت،
و لك مثلها،،
سابعا و ثامنا و تاسعا،،،،،،،
ما أعرفش،،،
الله معاك،
خليتك بعافية،،،،
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: عمر سعد)
|
Quote: بدل تخليها تنوم كان تخليها تمشى المسيره تاخد ليها عكاز عكازين اهو بيفكو برد لندن ده
تانيا تحياتى لماما جاره
تالتا ما تفكوها لو ما عملت ليكم ندوه عن دارفور او اى موضوع تختارو هى
رابعا ما تسلمى لى عليها
خامسا قولى ليها المس كوول ما بظهر فى التلفون
سادسا تحياتى ليك
سابعا مع السسلامه لانى مداوم ومزنوق زنقه العدو |
ازيك ياعمر..
غايتو احسن حاجة الزول يحضر في وقت الاحداث علشان يشوف بعينه ومش بعين امانيه ولا اماني عدوه..
يعني يعرف الحاجات بحجمها الحقيقي ويحللها صح..
فاتتك أحداث..لكن الوقت ما متأخر حصل تعال امكن تحضر حدث ولا حدثين..
اسه احنا في طريق تنظيم ورشات خفيفة بمواضيع مختلفه نتشارك كلنا فيها..
ايه رايك تخطف رجلك وتجي تشاركنا؟؟
تاني انت مازدت من مكالمتك ديك ليه؟؟
ثالثا كمال لسه ماظهر..اتأخر ولا وصل؟؟
رابعا مشتاقين كتير جدا جدا..
| |
|
|
|
|
|
|
|
|
 Re: يا فرحنا يا هنانا... منى خوجلى معانا (Re: Hala Hassan)
|
أول حاجة وقبل كل حاجة
البوست دا حقي على مدار 3 سنين يعني عشان مشيتي لندن بقى حقك .. طيييييب
ثم تاني .. تسلم على انعام حفييييظ اكتر مني ليه ؟؟؟!!!
بس اقول ليك !!
ماااااا اظن
تكون جابت ليكم هدايا قدر حقتي ..
ياخ انا من امبارح سعيدددة وغايبة لي قريب 12 ساعة من المنبر ااحتقالا بقدومها ..
بس الشهادة لله بوستك حلو ودمو خفيف يشبه ستو ..
منوية حبيبتي الف الف حمد لله على السلامة والف حمد لله على سلامة ماما جارة ..
ويا
فرحنا
ويا
هنانا
وهلول معانا
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: انعام حيمورة)
|
هالة
أكيد انت زولة حلوة
حتى لو ماشفتك
لأنك مسمية على أمي
لك سلامي وإحترامي
منى
حمدالله على السلامة
ومشتاقين
طيب مادام كلكم مجتمعين
ماتجي تدبري عملية لإختطافي
من مسقط زي العملتوها لي
انت وبنات حيمورة من المغتربين
تحباتي وسلامي
لكل زول
ولكل مكان كنا فيه سوا .
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: انعام حيمورة)
|
واكيد موعودين ببرامج جميلة ورائعة بروعة مني خوجلي
العزيزات هالة حسن انعام حيمورة
حمد الله على سلامة منى والوالدة العزيزة
ربنا اديهم العافيية واتمنى للجميع رفقة
طيبةبقيادة منو الجميلة ..واكيد برامج جميلة
انشاء الله كما عهدناكم
تحياتى للغاليات بنات خوجلى وللجميع
ولكم منى كل الود والامانى الطيبة
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: سمية الحسن طلحة)
|
Quote: هالة
أكيد انت زولة حلوة
حتى لو ماشفتك
لأنك مسمية على أمي
لك سلامي وإحترامي |
الحمدلله،
أخيرا لقيت زول كبير إسمو هالة،،
و إنشالله تكون حبوبة،،،
تصدقى يا سمية،،
أنا كنت زمان و أنا صغيرة شايلة هم الزول لما يكبر يكون إسمو هالة كيف؟؟
كنت مقتنعة إنو مفروض الواحدة تغير إسمها،،
غايتو كنت حاجزة إسم (فاطنة)،،،
لووووووول،،،
تحلى إيامك يا سمسمة،،،،
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: انعام حيمورة)
|
يا نعومة،
Quote: أول حاجة وقبل كل حاجة
البوست دا حقي على مدار 3 سنين يعني عشان مشيتي لندن بقى حقك .. طيييييب
ثم تاني .. تسلم على انعام حفييييظ اكتر مني ليه ؟؟؟!!! |
و لا يهمك،
البوست حسه حقك،،
عشان مسجل بأسمى يعنى؟؟؟
حسسسه نكلم بكرى يفك التسجيل،،،
إنتى كيف بس تنكربى و تقعدى ليه،،،،،
و بعدين أقول ليكى سر صغير،،
هى إنعام حفيظ سلمت عليها فى الاول ،
و بعدين أنا سلمت على إنعام حفيظ،
و بعدين قامت منى سلمت على إنعام حفيظ،،،
يعنى منى سلمت عليها مرة واحدة بس،،،،،
لوووووووولز،،،
صحصحوا معانا يا قوم،،،،،،،،،،،،
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: Siham Elmugammar)
|
| Quote: واكيد موعودين ببرامج جميلة ورائعة بروعة مني خوجلي ,, |
واااشقاوتنا غايتو يا الحاج0
طبعا اكتر زول في الدنيا ممكن يكون مبسوط وفرحان انا
في زول قال لي لزمن طويل ماشفتك فرحانة وسعيدة الا من يومين بس0 قلتي ليهوا تصدق جيت ماما ومني ادتني احساس بالامان
| Quote: يابختكم ويافرحكم بالمناسبة انتو منال وين |
موجودة وسط الحاجات الكتييييرة الفيها السمح والشين 0
انت كيفك ؟
سلاام يا ناجية وييييينك وكيف طارق 0 اها راس السنة كيف؟
هالة شنو العوارة دي ؟ شنو تجي وتمشي من غير ما الاقيك ؟ ما تخليها حلوة شوية
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: Siham Elmugammar)
|
يا سلام عليك يا هالة وعلي أخبارك الجميلة
سلام مربع للجدعان ... سلام لمني وماما جارة
سلام لكل أهل الوطن ... سلام لمني في الأيام الجميلة دي ..
ومرحب مرحب ... كل كلمات الترحيب اجدها تتقافز أمامي ...
الونسات الجميلة واللمات الحلوة والنقاشات الثرة حضرت في صحبة مني ...
_________________
هالة أظنه ما عيدنا عليك
كل سنة وإنت طيبة ... العيد مبارك عليك ...
في حالة عيدنا عليك ... برضو كل سنة وإنت طيبة
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: محمد ابراهيم قرض)
|
الله يسلمك يا قرض،،،
Quote: بس ما تنسي تدعينا للمشاركة
في البرامج المرتقبة التي تليق بالعزيزة
منى واصدقائها .. |
أكيد ح تكون فى صفوف المدعوين و المشاركين،
و دة ح يكون من إختصاص ست الشى ذااااتوو،
أى بت حيمورة،،،،
نسأل الله أن تكون تجمعاتنا كلها تجمعات خير،،،
| |
|
|
|
|
|
|
|
|
 Re: يا فرحنا يا هنانا... منى خوجلى معانا (Re: كمال ادريس)
|
كمال إدريس،
| Quote: هوووووووي ياناس الخرطوم ... الملكة ايام وبترجع... انتبهوا والله دي صفقة شجرة زحلقتا |
.
يعنى مافى طريقة نسمسر (من سمسرة) من وجودها معانا،،،
جات على أنا يعنى؟؟؟
و بعدين بما إنها (متزحلقة) درجة أولى كدة (زى ناس بعرفهم)،
قلنا نخليها معانا شوية،
على الاقل لحدى ما الجليد يذوب،،،
قولو خير يا جماعة،،،،
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: عبدالوهاب علي الحاج)
|
Quote: فووووووووق تاااااني
كيتن في جماعة كدا
ونجدد ترحيبنا ببت الاصول
ومنورة الخرطوم وافريقيا كللللللها |
عبدالوهاب،،
أنا كنت فاكراك حارس (الجريكانة)،،،
أتاريك حارس حاجات تانية كمان،،،
لووووووووووول،،،
تراجى دى ياخى زولة قلبها أبيض،،،
يا ريت لو كانت معانا فى أيام زى دى،،،،
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: Tragie Mustafa)
|
Quote: دي حسه بوستات تترفع في يوم زي ده يا هاله حسن
والله انا خجلت لك....الناس في شنو و الحسانيه في شنو؟؟؟؟ |
تصدقى يا تراجى،
كنت حاااسة إنك ح تجى و تقولى كدة،،
و بالمناسبة التقرير الفوق دة ما بخرج من الإطار الإنتى دايراهو،،،
كلنا فى الهم شرق،،،،،،،،،،،،،،،
طمنونا عليكم،،،،،
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: ياسر بيناوي)
|
Quote: وانا اقول البلد دي مالا نورها زايد
الف الف مرحب بيك يا حبيبة الكل يا مني
خالص الود |
ازيك يا ياسر..
شكرا علي ترحيبك الكريم..
والسعاده في المحبة..
نحب من يحبنا ونعزه ونبحث عنه ونصله حتي لو في القمر..
ومحبتي لكم سبب حضوري للخرطوم..
علي فكرة..كل يوم نقول ننظم للمة نلقي الناس معزومة في حته!
الناس دي كلها بتخطب وتعرس في شهر 12
طيب نتقابل متين يعني؟؟
غايتو مشوارين جايات قريب..
شارع النيل وقندهار..
استعد!
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: عفاف الصادق بابكر)
|
Quote: الف حمدالله على سلامتهم .. والبلد منوره ..
ماما جاره بيتك دافيء بوجودك ..
الحنونه منى انشاء الله إجازه سعيده ..
تتذوقى الفرحة والبهجة في كل ساعة فيها ..
ما تعكرها اي شائبه من شوائب الزمن العجيب ..
هلوله .. شكرا للخبر الحلو .. يا طيبة |
البلد منورة بأهلها ياجميلة..
ماما علي الرغم من مصابها الكبير وخروجها من الوطن بسبب ماحدث..
الا ان روحها تشرق عندما تصل الخرطوم..
مافي اجمل من الوطن..
ومافي اجمل من زولك حتي لو فيه سلبيات كثيرة..
وزولك ياهو الزول الحايم في الشارع..
البياع ولا السواق ولا التاجر او الموظف..
زولك ياهو الزول السوداني الطيب..والقدر مالحياة تلعب بيه تلقاه لسه طيب..
الوطن وبيت ابوك واحد..
مكانين ما بنقدر نخليهم..فيه عزناووجودنا الحقيقي لاننا جزء منه..
الاتنين خارجين من بعض وراجعين لبعض..
الانتماء والمعزة والذكريات..
........
........
الفرحة والبهجة موجودات بالكوم يا عفة 2 ..
عفة 1 عفاف المحرب..والارقام ليس للتفضيل بل للتفريق..
يللا تعالي وكملي فرحنا وبهجتنا..
شكرا حبيبتي..
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: العوض المسلمي)
|
Quote: مرحبا بالملكة مني بالخرطوم ,,
واكيد موعودين ببرامج جميلة ورائعة بروعة مني خوجلي ,,
وراس السنة اكيد مختلف بحضور مني خوجلي ,,
شكرا هالة للخبر السعيد ... |
يا سلام عليك بالمسلمي..
فعلا عمده!
فرحانة بزيارتك وبأنه ماما جارة شافت اولادها من سودانيزأون لاين..
اها نشد حيلنا شوية في البرامج..
باقي لي الوقت في الخرطوم معجون بسبيرتو..
اسة لينا 9 يوم ونص البكيات ما قضيناها ولا حتي بدينا المباركات!
المهم في الجية المرة دي.. كمية المناسبات بين زميلات وزملاء البورد
ماشاء الله وعيني بارده..
واكيد رأس السنه هانقضيه كلنا مع بعض اسرة كبيرة حلوة تتقارب في كل يوم أكتر..
يللا نتقابل بالدرب العديل ونوري البعيدين من حبايبنا من اهل المحبةانه فعلا مافي اطيب
من التقارب والنية الحلوة..
شكرا يالعوض..
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: Ahmed musa)
|
Quote: حمدالله على السلامة (حبوبة) منى
وشكراً هالة على الاخبار الجميلة الصباحية |
احمد موسي ازيك وازاي اسرتك..
الخرطوم دي قدر مانقول نبعد شويه منها ..
يسبقنا الشوق ليها!
وكيف ما نشتاق ليها وهي ستنا وتاج راسنا؟؟
اظهر وبان عليك الامان..
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: Muna Khugali)
|
الملكة منى والخالة جارة الف حمد لسلامة الوصول للخرطوم التى نورت وزادت القا بمقدمكم الميمون، نأمل ان تطيب لكم الاقامة خلال الاجازة وياليت تكون مدخلا للعودة النهائية للوطن الحبيب فأنتم جواهر يجب ان يزدان جيد الوطن بها على الدوام، تحياتى ومودتى .
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: هاشم محمد الحسن عبدالله)
|
الأخ هاشم محمد الحسن،،
| Quote: الملكة منى والخالة جارة الف حمد لسلامة الوصول للخرطوم التى نورت وزادت القا بمقدمكم الميمون، نأمل ان تطيب لكم الاقامة خلال الاجازة وياليت تكون مدخلا للعودة النهائية للوطن الحبيب فأنتم جواهر يجب ان يزدان جيد الوطن بها على الدوام، تحياتى ومودتى |
معليش مداخلتك جات فى النص،،
ما شفتها فى وقتها،،،
نيابة عن ماما جارة (منى تتكفل بالرد عن نفسها)،،
اشكرك على كلامك اللطيف و تمنياتك العذبة،،،
تحياتى،،
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: Hala Hassan)
|
يا سلام يا هالة..
دي فعلا احلي ايام الواحد يجي فيها للخرطوم حبيبتنا..
امال ايه..
بحر وعدو وشتاء!
الجماعة لقيتهم كلهم مكنكشين قالوا الدنيا برد..
طيب وينو البرد ده ياخوانا؟؟
الجو مايل للحر اكثر!
قالوا لي لا..ده من تخنك ومن اللي عليكي!!
اضطريت اعمل مصدقاهم وانه الدنيا برد..علشان ما اسمع تعليقات علي صحتي "الحلوه"
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: Amira Elsheikh)
|
Quote: هلو,,,,
حمدلله الف سلامة على سلامة منى وماما جارة
اجازة ممتعة بين الاهل والاصحاب
هئهئ هئ هئ,,المرةدى بعتونى يامنى,,, |
اوعي تقولي انك ماجاية يا أميرة؟؟
والله الحفلة اتنظمت بشكل جميل وبنكون فاقدنك شديد مش دلوقتي بس..لكن برضه في رأس السنة..
كدي اديها محاولة جاده..خاصة اني مشتاقه امشي ابيت في حوشكم الكبير..
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: Amira Elsheikh)
|
Quote: هلو,,,,
حمدلله الف سلامة على سلامة منى وماما جارة
اجازة ممتعة بين الاهل والاصحاب
هئهئ هئ هئ,,المرةدى بعتونى يامنى,,, |
أميرة الاميرة،،
إنتى الوين ياخى فاقدنك،،،
أوعى تكونى ما جاية إجازة السنة دى،،،
بالغتى،،،
و بعدين شايفاكى هناك قلتى لى أختفيت بعد ما سافرت،،
تصدقى الحكاية دى ما ليها أى علاقة بالسفر،،
بس مشغوليات كدة،،،
دايرة أتونس معاكى كتير،،
ورينى مواعيدك كيف عشان أتصل عليكى،،،،
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: طارق الكوتش)
|
يا هاله اسمعى كلام يزعلك
منى خوجلى جات ماجات دا مابنفعنا بى حاجه يعنى شنو منى فى لندن او الخرطوم بالله بطلى تلميع وخليك زوله حقانيه وثوريه منى دى ماحتفيدك باى حاجه احسن ليك تمسكى فى تراااجى دى انتى مابدورى تبقى وزيرة الشئون الهندسيه فى حكومة باقان اموم ول شنو المهم دى زاتومااوقات بوستات الترحيب انتو فى شنو والشوايقه فى شنو ومنى زاتو تذكرتا دافعنها ليها ناس الحكومه عشان تفشل المسيره تو ميك ذا لونق استورى شورت ياهاله بوست ماموفق ونرجو من بكرى سحبو وشطب كاتبته والمكتوب اليها ألا هل بلغت اللهم فاشهد
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: انعام عبد الحفيظ)
|
يانعومه ياخى العمر نصو فات دايرين نشوف لينا كوع مع الحكومة الجديده وزى ماانتى عارفه الكوزه منى دى مباراتا بضرنا وهاله زاتا انانصحتها بحكم الزماله لاكين راسا قوى اسويليها شنو
المهم يازوله شكرن على كلامك العسل فكل اناء بمافيه ينضح
والتحيه لاخوات الشهيد اينما حللن
ياخى والله منى كل مره بتجى أحلى من القبلها ربنا يخليها ليكم
والله انتى ياانعام الملح داالا يقرضك
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: WAD ELGAALI#4)
|
ود الجعلى،،
| Quote: يانعومه ياخى العمر نصو فات دايرين نشوف لينا كوع مع الحكومة الجديده وزى ماانتى عارفه الكوزه منى دى مباراتا بضرنا وهاله زاتا انانصحتها بحكم الزماله لاكين راسا قوى اسويليها شنو |
أنا راسى قوى صحى،،
لكن عرفتنى كيف ما دايرة أسمع النصيحة؟؟؟
قول قول ياخى،
خلينا نستفيد،،
راسنا الناشف دة بنكسرو،
ما مشكلة،،،،
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: أحمد الشايقي)
|
Quote: يا سلام
والملكة منى بين الاهل والعشيرة والزملاء البورداب في الخرطوم
طاب اللقاء وطاب المقدم
فإن فاتنا الترحيب والاستقبال فلن يفوتنا الاحتفاء والمتابعة
يلا ابقوا عشرة |
أحمد الشايقى،،
شكرا على الإحتفاء و المتابعة،،
و منى فى محيطها البتعرفوا و تفهموا كويس،،،
بالله وصيها هى علينا،،،،
تحياتى،،،
| |
|
|
|
|
|
|
|
|
|
Re: يا فرحنا يا هنانا... منى خوجلى معانا (Re: انعام حيمورة)
|
نعومة،،
Quote: هلول ..
ما بتعرفي عابد ود الجعلي ..
بوردابي جعلي تب من امريكا علا لهجته شنداوية مية بالمية ..
ياخ دا احلى زول اوعى تزعلي منو على ضمانتي .. ههههههه |
صحى ما بعرفوا،،
لكن إنتى عارفة زعلى ما بالساهل كدة،،
أنا دايرة أعرف هو وين،،
عشان لو كان نايم ننتظرو يصحى،،
بس أدى الحكاية،،،
و نصيحتو ينظر فيها و يفاد،،،
إيه رأيك؟؟؟؟
| |
|
|
|
|
|
|
| |
omer osman
Ahmed musa
moaz elsir
عمر صديق
Muna Khugali
ALZOLZATOO
معاوية المدير
العوض المسلمي
سيف بخيت موسي
عفاف الصادق بابكر
ياسر بيناوي
عمر سعد
فادية اليمني
عبدالوهاب علي الحاج
انعام حيمورة
مجدي عبدالرحيم فضل
Siham Elmugammar
Manal Awad Khugali
زهير الزناتي
انعام عبد الحفيظ
كمال ادريس
Tragie Mustafa
محمد عبد الماجد الصايم
هاشم محمد الحسن عبدالله
WAD ELGAALI#4
أحمد الشايقي
فيس بوك
تويتر
انستقرام
يوتيوب
بنتيريست