|
Re: يا فرحنا يا هنانا... منى خوجلى معانا (Re: ismeil abbas)
|
المحترم إسماعيل عباس،،
Quote: ألأخت/هاله حسن... السلام عليكم..وكل عام وانتم جميعآ بخير..يارب...وألف حمدآ لله على سلامة ألأخت الغاليه منى.وما لينا فى الطيب نصيب....كان على ألأقل شوفته..وتحياتنا لماما جاره.... |
و عليكم السلام و الرحمة،، و كل عام و الجميع بألف خير يا رب،،
كنا نتمنى أن تكونوا معانا فى هذه الأجواء الشتوية (الخفيفة)،،
و على قول منى، الجو بيشجع على البرامج.... و من ثم الأكل،،
الله يستر علينا بس،،،،
تحياتك توصل بإذن الله،،،
| |
|
|
|
|
|
|
Re: يا فرحنا يا هنانا... منى خوجلى معانا (Re: Rashid Elhag)
|
منى إنسانة محبة في زمن صار فيه الحب في حياة الناس كعابر سبيل. أيقظني ولدي أنيس قبل دقائق. هدهدته قليلا ونام. قلت أنظر في أحوال المنبر حتى يدفأ البيت (الجو بارد في كندا هذه اليام كما لو أن مشاعر سلبية أناخت بثقلها عليه ومضت). أسرني كل هذا الحب فكتبت. عودا حميدا طيبا(يا منى) وفيتوريا:
الشعب كالنيل في عمقه انفعال المنابع والشعب كالأُفق في صدره تنام الزوابع
نام الطغاة المساكين وانتهوا في المخادع والشعب مازال يمشي ويسترد المواقع
| |
|
|
|
|
|
|
Re: يا فرحنا يا هنانا... منى خوجلى معانا (Re: عبد الحميد البرنس)
|
Quote: منى إنسانة محبة في زمن صار فيه الحب في حياة الناس كعابر سبيل. أيقظني ولدي أنيس قبل دقائق. هدهدته قليلا ونام. قلت أنظر في أحوال المنبر حتى يدفأ البيت (الجو بارد في كندا هذه اليام كما لو أن مشاعر سلبية أناخت بثقلها عليه ومضت). أسرني كل هذا الحب فكتبت. عودا حميدا طيبا(يا منى) |
عبدالحميد البرنس،، يا حليلكم و إنتو قاعدين فى البلاد الباردة دى، يا ريت تجوا تشاركونا الدفء دة،،
و فعلا الجو القارص البرودة، ما بتدفيه إلا اللمة الحلوة و المشاعر الدافئة،،،
الله يخلى ليك أنيس و يحفظو،،
امين،،،،،
| |
|
|
|
|
|
|
Re: يا فرحنا يا هنانا... منى خوجلى معانا (Re: Rashid Elhag)
|
Quote: انت بالزوول.. باقي لي كدي الخرطوم دي ادونا فيها عين! المرقات قلان! والله الجو سمح والاكل سمح وانا من الدور الفات قلت ليكم معدتي هي محور حياتي! اها نحنا قاعدين ننظم لمشية لقندهار بس خايفين خليل ابراهيم يزرنا هناك ونروح فيها بسبب شية! الشربوت ده انا ماشية ليه الشماليه عند حبوبة ..اخت الجردل جنب عنقريبي ومعاه الكوز واسكت أغرف! اها عليك الله نحنا ما ناس بسيطين وحلوين؟؟ جننا ناكل!
غايتو هجمة البراشوت بتروح بالاكل الكتير مع الحبان..ماك جايي؟؟ |
ياملكة
انتي تمشي في اي حته معرضة للعين
مشية قندهار المرة دي ح يستضيفوكم فيها استضافة الابطال وح تقعدوا في صالة ا لفي آي بي بحكم انو بقيتوا اسياد الشئ زاته لوووووووووووووولز
بعدين حاولوا امشو الصباح مابتجيكم عوجة لانو خليل مواعيدو نص النهار لووووووووول يكه
بعدين انتي لقيتي جردل شربوت الكوز لزوموا شنو
تحياتي لي حبوبتك واشربي لي معاك بالنية بس ماتكتري من الشربوت لانو شايف الاكل بتاعكم كلو سلطات الشربوت عايز ليهو عضة سنينة ( نحن في الدمعات غرقنا ) وكده مع الاعتذار للاغنية
يمكن اجي ويمكن لا ولوجيت اكيد في السلطة ح يكون لينانصيب
ارقدي عافية
زاتوووو
| |
|
|
|
|
|
|
Re: يا فرحنا يا هنانا... منى خوجلى معانا (Re: Rashid Elhag)
|
الكريم راشد الحاج،،
Quote: الاخت الفضلي هالة ... تحياتي واحترامي لك وللأسرة وللجسورة بت خوجلي الخرطوم منورة ، حمد لله على السلامة مع تمنياتي لهم بقضاء اجازة سعيدة بين الاهل والاحباب ....ودي |
تسلم على التحيات العطرة، و يا ريت تجوا و تشاركوناالأفراح و البهجة،،،
اللهم إجعل ايامنا و إياكم كلها سعادة وحبور،،،
دمتم،،،،
| |
|
|
|
|
|
|
Re: يا فرحنا يا هنانا... منى خوجلى معانا (Re: حمد محمد احمد)
|
Quote: هالة يا بتنا بنرحب بي ضيفتك ( وضيفك ضيفنا ) وترحيبك ده نوع من الكرم المتاصل فيك وانا عارف انو بوستك ده اول الغيث وفيهو بتعبري عن فرحك ونحنا زاتو فرحانين عشانك |
حمد أخوى، ما بتقصر كلو كلو،، ود أصول و زول واجب،،، و بعرف كيف يكرم الضيفان،،،
لازم تتعرف على منى دى، ح نناديك فى أقرب لمة إنشاءالله،،،
| |
|
|
|
|
|
|
Re: يا فرحنا يا هنانا... منى خوجلى معانا (Re: محمد السليمانى)
|
الاخت هالة تحياتي الامتداد منورة ، حمد لله على السلامة مع تمنياتي لها بقضاء اجازة سعيدة بين الاهل والاحباب
جانا الخبر شايلو النسيم فى الليل يوشوش فى الخمائل هش الزهر بكت الورود وسالت مشاعر الناس جداول رجع البلد بعد السنين المره يادوب العيون سهرن هجد ياحليلو مارجع البلد وعيونا ما سهرن هجد فى عيونو شوق انهد لحب للناس للوطن ماغيرت ريدتو السنين ومابدل احساسو الزمن شفنا المشاعر الحلوه فى ساحاتنا بى الامال مشن انت ما نسمه فى الهجير انت ما راحة ضمير انت ما بهجة مشاعر انت ما رحلة عبير انت ماياكا الامير كيف نسيبك تمشى تانى وانت نورة البلد العذاب فارق طريقنا والعيون سهرن هجد
| |
|
|
|
|
|
|
Re: يا فرحنا يا هنانا... منى خوجلى معانا (Re: omar arbab)
|
Quote: الاخت هالة تحياتي الامتداد منورة ، حمد لله على السلامة مع تمنياتي لها بقضاء اجازة سعيدة بين الاهل والاحباب |
الأخ عمر أرباب،، شكرا على الكلمات العذبة،،،
و نقول معاك،،
Quote: جانا الخبر شايلو النسيم فى الليل يوشوش فى الخمائل هش الزهر بكت الورود وسالت مشاعر الناس جداول رجع البلد بعد السنين المره يادوب العيون سهرن هجد ياحليلو مارجع البلد وعيونا ما سهرن هجد فى عيونو شوق انهد لحب للناس للوطن ماغيرت ريدتو السنين ومابدل احساسو الزمن شفنا المشاعر الحلوه فى ساحاتنا بى الامال مشن انت ما نسمه فى الهجير انت ما راحة ضمير انت ما بهجة مشاعر انت ما رحلة عبير انت ماياكا الامير كيف نسيبك تمشى تانى وانت نورة البلد العذاب فارق طريقنا والعيون سهرن هجد |
| |
|
|
|
|
|
|
Re: يا فرحنا يا هنانا... منى خوجلى معانا (Re: عفاف الصادق بابكر)
|
Quote: يللا تعالي وكملي فرحنا وبهجتنا.. |
يا منينة تمر الجنينة ... السمحة الماها شينة ..
اتمنى يا منى اسعد بصحبتك انتي والحلوين المعاك ..
ما تعملوها انتي والحلوات النعومتين ومنوله وهلوله .. وتجو عندنا والله الامارات جو رهييييييييب مطر لذيذ .. يالله تعالوا بس انتو قولوا عووووك ..
| |
|
|
|
|
|
|
Re: يا فرحنا يا هنانا... منى خوجلى معانا (Re: عفاف الصادق بابكر)
|
عفوفة، كيفك؟؟؟
Quote: ما تعملوها انتي والحلوات النعومتين ومنوله وهلوله .. وتجو عندنا والله الامارات جو رهييييييييب مطر لذيذ .. |
شكرا يا ستى على الدعوة الكريمة،،
و بينى و بينك شتاء الخليج دة مابينا كلو كلو،،
إحنا الخليج ما بحلى لينا إلا فى عز الصيف،، من نهايات 5 كدة لغاية أغسطس،،
يعنى جو الهنا،،، لوووووووول،،،
| |
|
|
|
|
|
|
Re: يا فرحنا يا هنانا... منى خوجلى معانا (Re: انعام حيمورة)
|
Quote: هالة من بكرة بالله خليك مستعدة واخدي اجازة من العيال ..
عشان حدنا رشا شيخ الدين في بيت الفنون .. |
إنتى يا إنعام، يوم بكرة دة ما بالغ شوية،،
عندنا فيه 3 غداء و 2 عقودات و 4 أعراس (حفلات)،، و دة حسب ذاكرتى المحدودة،
و حسه كمان نزيد ليهم بيت الفنون،،،،
نتقطع؟؟؟؟
الله يعديه على خير،،،،،
| |
|
|
|
|
|
|
Re: يا فرحنا يا هنانا... منى خوجلى معانا (Re: Mohammed Haroun)
|
Quote: موسم الهجرة إلى الجنوب حيث الدفئ والشمس الطالعة ... محظوظين يا فرحكم ويا هناكم.
حينما خرجت إلى العمل صباح اليوم كانت درجة الحرارة صفر .... |
محمد هارون،، صدقت والله بالجو الدافئ و الصحبة الجميلة،،،
لكن إنت يا حظك برضو بالإجازة و الفسحة الظريفة،،
متابعين معاك بهناك،
| |
|
|
|
|
|
|
Re: يا فرحنا يا هنانا... منى خوجلى معانا (Re: لؤى)
|
Quote: هالة العزيزة نهارِك سعيد وعاجز حقيقةً عن شُكرك وتلك المجموعة الفريدة
وحقيقة يا بخت مُنى العزيزة بالخرطوم وأهلها ويا بخت الخرطوم وأهل الخرطوم بمُنى |
لؤى العريس،
صباحاتك خير،،،
لا شكر على واجب، تستاهلوا أكتر من كدة،،،
و زى ما قلت يا بخت الخرطوم بمنى و بيكم و بأفراحكم،،
اللهم ديم الافراح يا رب،،،،
| |
|
|
|
|
|
|
|