|
|
|
 Re: تعالوا نحب مصر والمصريين... لا داعي للمشاعر السالبة (Re: على محمد على بشير)
|
يا غالى
لا دعوه لحب المصرين نحن نفطم على حبهم منذ ولادتنا ....اسال اى شخص عن البلد التى لا يحس فيها
انه غريب عن السودان سيقول بلا تردد
مصر........
تحليل بسيط كره السودانى للمصرى نابع من عدم تعامله من الاصل معه وخوفه منه للفكره المسبقه
عن ان المصرى محتال المصرى بينصب وهذه الثقافه للاسف نشرها المصرين انفسهم من خلال افلامهم ومسلسلتهم
ثانيا ...مع من يتعامل السودان الزائر لمصر ...
1-سائق التاكسى
2-السمسار
3-صاحبه الشقه
4-البواب
5-الشغاله
هذه الفائت كلها فئات لا تمثل الى الطبقه السفله فى مصر وكلها فئات انتهازيه
وتتعامل معك من منظور انك زبون فقط ولا بد من ان تتطلع منك اكبر فائده
وهذه الفائت موجوده فى كل بلد سياحى بنفس السخف وفقط يتطور اسلوب النصب مع تطور البلد
| |
 
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Esam El-Khawad)
|
عزيزي محمود مصطفي محمود
| Quote: بحب اوباما ...بحب البطيخ... و بحب الطيارة إن شاء الله تكون سودانيير |
لكن مصر دي دايرة ليها مراجعات و اقاويل كتيرة ..... يرجعوا حلائب لهم من الحب ما يكفي التسعين مليون و الاتنين مليون الجايين الاسبوع ده :)
بالمناسبة معاك زول عاش فى مصر اكتر من ١٢ سنة و برضوا ما قدرتا احبهم:)
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: عبد الناصر الخطيب)
|
Quote: حبايبنا وقصصهم معنا كتيرة فيها البضحك وفيها البحير
بس بحس إنهم طينة تانية مهما كضبو علينا وكضبنا عليهم
بالجد ما بنشبه بعض
ومختلفين شديد دي الحقيقة مهما ضاريناها |
العزيز الرئيس جمال عبد الناصر بن الكابتن محمود الخطيب شخصياً؟؟
شرف عظيم وجودك هنا..
شوف يا حبيبنا..
لا نحن ولا الأخوة المصريين مطالبين بأننا نكون من طينة واحدة أو إننا نشبه بعض لدرجة التطابق..
أصابع اليد الواحدة لا تتشابه..
مصارين البطن بتتعارك..
لكن هذا البوست معني فقط بمحاربة المشاعر السالبة..
شكراً لإثرائك البوست بمرورك الجميل..ومساهمتك الخصيبة..
ومرحباً بك في كل وقت..
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: احمد التجانى احمد)
|
اوووووهـ باشمهندس أحمد التيجاني..
إزيك يا حبيبنا..
البرادو عال العال..
لكن على فكرة..وعلى طاري البرادو.. يوم إجازة كدا نزلت ماشي أجيب سمك من سوق السمك المركزي
الظاهر كان في كديس نايم في المكنة..وقلت كدا فرمت ليك حنانو .. لحقتو ليك أمات طه..
عندي جاري مصري.. لقاني ليك زهجان ومتوجس من الحادثة الأليمة دي..
أول حاجة أداني سي دي بتاع قرآن..
قائلاً:
يبو محمد أصل الحاقات ديت بتُبْأَ مِتأدَّرة..
خلاص يا (حبيبي)..هو انت اللي ألتِلو ينام في العربية؟؟
زول طوااااااااالي في الصلاة..
أولاده ظريفين وطوالي قاعدين مع أولادي..
لا يترددوا أبداً في دق جرس الباب للسؤال عن بصلة أو فص توم حتى..
هذه هي الحياة يا هندسة..
كيف معاك كدا؟؟
مودتي وتقديري..
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Sayed Bekab)
|
العزيز سيد بيكاب..
لعل الفكرة أكبر من قضية حلايب التي لا تعدو كونها ملف "سياسي" وورقة للتداول في سوق السياسة فقط..
ولكن لو سألتك سؤال بسيط؟؟
إذا كانت قضية حلايب عمرها مائة سنة مثلاً... في تقديرك كم يبلغ عمر العلاقة بين جنوب وشمال الوادي؟؟
للضمان كدا وعشان أسهل عليك... الإجابة من خمسة ألف سنة قبل الميلاد وإنت طالع..
وبعدين 12 سنة كنت قاعد في مصر.. قارن هذه الفترة من عمرك بأي 12 سنة قضيتها في السودان الشقيق..
كم مرة سمعت كلمة "يا باشا" في السودان؟؟
كم مرة سمعت "حضرتك"..بين أهلك؟؟
كم مرة رزقك الله فيها بلقمة هانئة وضحكة حلوة بين أهلك ؟؟
الدعوة في هذا البوست لك لمحاولة التخلي عن المشاعر السالبة التي لازمتك طوال عمرك تجاه مصر..
إنه موسم الهجرة إلى (الشمال)..
مودتي لك
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: haroon diyab)
|
الأحمر الوهاج الحبيب هارون دياب..
| Quote: بس تعتقد انهم حيبادلونا نفس الشعور......؟ |
ولماذا لا أعتقد؟؟
أقول ليك كيف...
بالتجربة... حاول يا هارون تحب شجرة.. والله على ضمانتي الشجرة حا تحبك..
حاول تحب إن شاء الله حتى حجر في صحاري قطر.. لو ما بادلك الحب..تعال أديني شلوت..
ولكن أن تكره شيئاً .. فلا تتوقع حصاد العنب من حقل الحميض والعُشَر..
متى يعود المريخ ويرفع راسنا ياخ؟؟
المشكلة بنحبو بي سجمو ورمادو الراهن دا..
كن بخير يا حبيب..
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: عبد الناصر الخطيب)
|
الحبيب عبد الناصر الخطيب..
| Quote: طيب لو مقبول نتكلم تاني نحكي |
طبعاً مقبول ومرحب بيك في أي وقت زي ما قلت ليك..
Quote: في مرة سافرنا في رحلة عمل كان زميل عملى السابق متحسس أني المسئول فيها
رغم أنو ماشي معاى كماله عدد المهم لما رجعنا لقيت أدق تفاصيل الرحلة دي عند مديرنا العام
وده الزعلني منو لانو لما الناس تسافر لشغل بكون في تقرير لرحلتهم
ما حيمشوا يحكوا حصل وما حصل في البتقال وفي البحتفظوا بيهو |
الحركة دي موجودة في كل مكان..وهي ليست حكراً على الأخوة المصريين.. الفلسطينيين أساتذة فيها..
ومديركم بكون مخصوص كدا زرع ليك الأخ المذكور وخصيصاً لهذا الغرض..
| Quote: أنا كسوداني أستحالة أتصرف تصرف زميلنا ده الله يطراهوا بالخير |
وهذا ما نراهن عليه في الشخصية السودانية.. دي بضاعتنا يابا..
مرحب بيك .. ومزيداً من الحب لا يضير..
| |
|
|
|
|
|
|
|
|
 Re: تعالوا نحب مصر والمصريين... لا داعي للمشاعر السالبة (Re: عبد الناصر الخطيب)
|
مع ملاحظة تانية
الناس ديل هم في بعضهم ما بحبو بعض
فحبنا المبذول بلا حساب ده في الغالب شائفنو طيبة يعني ( هبل )
أوعة واحد منهم يقوليك ياراجل ياطيب معناها ياراجل يا أهبل
من أحسن الناس العرفتهم زول هاف كاست سومصري رغم أنو عاش سنين في مصر
لاقينا هنا سوداني صميم لسان وصفات
السودان متمصر بجدارة قعدة واحدة قدام النيل الازرق مثلا حتحس الشي ده
في الدعيات في الشفع البعملو جات لهجتهم وأسمائهم
يعني المناخ ريحوا شمالية بجدارة
والحته دي مستفزة لاى سوداني صميم عنصري لسودانيتو
وما شائف الله خلق زينا في الدنيا
بس دي الحكاية
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: عبد الناصر الخطيب)
|
Quote: لقاء خاص
لوكا : رسالة حية وقوية لشعب جنوب السودان فى ان مصر كدولة واقفة وقفة صادقة معه
الوزير / لوكا بيونق دينق وزير شئون الرئاسة فى حكومة جنوب السودان هو أحد ابناء سلطان دينكا نقوك، أخ لفرانسيس دينق وصهر لياسر عرمان، رجل يعرف كل شئ عن الحركة بحكم قربه وملازمته اللصيقة لرئيسه،فرئيس الحركة سلفاكير يثق فيه الى حدٍ بعيد، وعلى خلفية تلك الثقة فيما يبدو, فقد أوكل اليه الكثير من المهام الشائكة والمعقدة حتى ارتبط في صحف الخرطوم بأن نجم لوكا يسطع مع حلول الازمات، فقد برز لأول مرة بشكل لافت مع تجميد الحركة لوزرائها المشاركين الحكومة في العام قبل الماضي، وبرز أخيراً مع قضية أبيي وتحكيمها في لاهاي،لوكا كان فى زيارة رسمية الى مصر مع الرئيس سلفاكير رئيس حكومة جنوب السودان، وكان من المفترض ان يلتقى سلفاكير مع عدد من المفكرين والمثقفين الصفوة المصرية فى مجالات الاقتصاد والتنمية المصريين بفندق سونستا بالقاهرة ولكن لظرف طارئ تم إلغاء اللقاء وحضر اللقاء بدلا عن سلفاكير وزيران من حكومة جنوب السودان احدهما كان الوزير لوكا بيونق ، محرر (خرطوم مونتر) بالقاهرة سميربول التقى به فى حوار لإلقاء الضوء على زيارة رئيس جنوب السودان لمصر ، وهذه مقتطفات من الحوار
ماهو مدى نجاح زيارة سلفاكير لمصر ؟
بدون شك الزيارة كانت ناجحة لانه قابل كل قيادات الحكومة المصرية المتمثلة فى فخامة الرئيس حسنى مبارك ،واتفاق الاثنين حول بعض التخوفات بما يختص مستقل السودان وتشارك الحركة الشعبية وحكومة جنوب السودان الحكومة المصرية فى هذه التخوفات ،وأهم شئ انهم اتفقواعلى بعض الخطوات العملية بأن يتخذ الجميع الإجراءت حتى يقدر شعب جنوب السودان ان يخوض الاستفتاء الذى سيؤتى بالاستقرار والأمن فى السودان عامة وتلبية لرغبة شعب جنوب السودان ، وإستطاعت الحكومة المصرية فى ان توعد وتلتزم بالنداء الى اجتماع جامع هو مؤتمر لتنمية جنوب السودان وإستقطاب المستثمر العربى والمصرى ليذهب الى جنوب السودان ، واهم شئ انه تم التركيز على بعض المشاريع التنموية فى مجال الصحة والتعليم وبالأخص فى مجال التعليم تم التركيز على موضوع فرع جامعة الاسكندرية والتى ستفتح قريبا خلال سنة من ولكن الطلاب سيبدوا الدراسة من الان فى مصر و هذه كانت خطوة عملية تجاه جعل الوحدة جاذبة او تلبية لرغبة شعب جنوب السودان ، لذلك أرى بان الاجتماعات كانت ناجحة وصبت جميعها فى تمكين جنوب السودان من الذهاب الى الاستفتاء برؤية واضحة ،
وفى نفس الوقت تنمية البنيات التحتية وقدرات حكومة جنوب السودان وشعب جنوب السودان لأى خيار سيخرج من الاستفتاء .
اهم ما تطرق اليه اللقاء بين الرئيس مبارك والفريق سلفاكير؟
تطرقوا للاشياء الاساسية مثل موضوع التخوفات فيما يخص بمستقبل جنوب السودان ، والدعم المصرى الذى يمكن ان يضمن فى الفترة المتبقية لشعب جنوب السودان ليروا ان هناك أمل فى وحدة السودان ،وفى نفس الوقت احترام رأى شعب جنوب السودان، إلتزام الحكومة المصرية وبإلاخص فخامة الرئيس حسنى مبارك بدعم التنمية فى جنوب السودان وهذا التزامه الشخصى وهذا يؤمن وهى رسالة حية وقوية لشعب جنوب السودان فى ان مصر كدولة واقفة وقفة صادقة معهم حتى لو فى قرارهم عن مستقبل جنوب السودان .
هل وعد الرئيس مبارك بتقديم شئ ما ؟
طبعا هناك وعود واضحة جدا فهناك مساعدات سابقة فى مجالات الصحة فهناك عدد من المراكز الصحية ، وفى مجال التربية هناك مدراس فتحت الان ، و منح من مصر فى مجال التعليم العالى وتعاون فى مجال الرى والكهرباء،ولكن أهم شئ هو إلتزامه الشخصى بموضوع التنمية والمؤتمر الذى سيعقد قريبا لأجل التنمية وإستقطاب المستثمر العربى ليبدء فى مشاريع التنمية فى جنوب السودان.
هل كان لسلفاكير طلبات محددة ؟
اهم شئ طلبه محدد هو التركيز على النظرة البعيدة لموضوع إستقرار السودان والإجابة على التخوفات المصرية، والطلبات الاخيرة هى وقوف حكومة مصر مع شعب جنوب السودان والسودان عامة خاصة خلال الفترة القادمة الصعبة جدا وفى الحاجة الى التركيز من القيادة المصرية على السودان حتى يستطيع السودان ان يتخطى التحديات الموجودة عبر الدعم السياسى والدعم التنموى كما التزام شخصيا فى ان يعمل التنمية ، وتشاور على كل هذه الاشياء مع الرئيس محمد حسنى مبارك. |
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: خليل عيسى خليل)
|
المحبه من رب الحب والمحبه كمسيحي سوداني احب كل الشعوب وانا مع دعوة الحب والمحبه.. .. اقراء معي هذه الكلمات عن اهمية المحبه..
1كور-13-1 لو تكلمت بلغات الناس والملائكة، ولم تكن لي المحبة، فما أنا إلا نحاس يطن أو صنج يرن. 1كور-13-2: ولو كانت لي موهبة النبوءة وكنت عالما بجميع الأسرار وبالمعرفة كلها، ولو كان لي الإيمان الكامل فأنقل الجبال، ولم تكن لي المحبة، فما أنا بشيء. 1كور-13-3: ولو فرقت جميع أموالي لإطعام المساكين، ولو أسلمت جسدي ليحرق, ولم تكن لي المحبة، فما يجديني ذلك نفعا. 1كور-13-4: المحبة تصبر، المحبة تخدم، ولا تحسد ولا تتباهى ولا تنتفخ من الكبرياء، 1كور-13-5: ولا تفعل ما ليس بشريف ولا تسعى إلى منفعتها، ولا تحنق ولا تبالي بالسوء، 1كور-13-6: ولا تفرح بالظلم، بل تفرح بالحق... ....
وهنا أجمل ماقرات عن المحبه..
1يو-4-7: أيها الأحباء، فليحب بعضنا بعضا لأن المحبة من الله وكل محب مولود لله وعارف بالله 1يو-4-8: من لا يحب لم يعرف الله لأن الله محبة. 1يو-4-9: ما ظهرت به محبة الله بيننا هو أن الله أرسل ابنه الوحيد إلى العالم لنحيا به. 1يو-4-10: وما تقوم عليه المحبة هو أنه لسنا نحن أحببنا الله بل هو أحبنا فأرسل ابنه كفارة لخطايانا. 1يو-4-11: أيها الأحباء إذا كان الله قد أحبنا هذا الحب فعلينا نحن أن يحب بعضنا بعضا. 1يو-4-12: إن الله ما عاينه أحد قط. فإذا أحب بعضنا بعضا فالله فينا مقيم ومحبته فينا مكتملة. 1يو-4-13: ونعرف أننا فيه نقيم وأنه يقيم فينا بأنه من روحه وهب لنا . 1يو-4-14: ونحن عاينا ونشهد أن الآب أرسل ابنه مخلصا للعالم. 1يو-4-15: من شهد بأن يسوع هو ابن الله فالله فيه مقيم وهو مقيم في الله. 1يو-4-16: ونحن عرفنا المحبة التي يظهرها الله بيننا وآمنا بها. الله محبة فمن أقام في المحبة أقام في الله وأقام الله فيه. 1يو-4-17: واكتمال المحبة بالنظر إلينا أن تكون لنا الطمأنينة ليوم الدينونة فكما يكون هو كذلك نكون في هذا العالم 1يو-4-18: لا خوف في المحبة بل المحبة الكاملة تنفي عنها الخوف لأن الخوف يعني العقاب ومن يخف لم يكن كاملا في المحبة. 1يو-4-19: أما نحن فإننا نحب لأنه أحبنا قبل أن نحبه. 1يو-4-20: إذا قال أحد: (( إني أحب الله )) وهو يبغض أخاه كان كاذبا لأن الذي لا يحب أخاه وهو يراه لا يستطيع أن يحب الله وهو لا يراه. 1يو-4-21: إليكم الوصية التي أخذناها عنه: من أحب الله فليحب أخاه أيضا.
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Muhib)
|
دعك من حب الاخرين، هل ذنوجة السودان يحبون انفسهم؟
انسان بيكره نفسو "يحب" اي مخلوق اخر؟
هذا مستحيل!
نعم، كراهية الذات تلقائيا بتتحول الي ظاهرة هيام مش بس حب، بذاك الاخر اللي هو المصري او العربي اللي كان السبب في كراهية السودان لذاتو او "حبو" للبيضان!
اذن في حالة زي دي، العلاقة بتكون مرضية، والبتسميهو انت ولا الخواض "حب" للمصريين يعبر بالضبط عن هذه الحالة المرضية! اذن شرط احساس الحب تجاه الاخر هو الندية!
بخلاف كده، هو حب عبد لسيده ولاغير!
هل صدفة ولع امثالك او شيلم لي هم "حب" المصريين؟
Are we Sick boss?0
رحمك الله يا مالكوم!
The Oppressed Mind!0
رحمك الله يا بيكو!
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Bashasha)
|
| Quote: الحركة دي موجودة في كل مكان..وهي ليست حكراً على الأخوة المصريين. |
here we go!0
Are we Sick Boss?0
نعم لا تملك اطلاقا غير التبرير!
في الاول كده كقوم سود حبو رويحتكم دي او بطلو اشعال محارق او ابادة لاهلكم، كنوع من الX-hailing، لطاقة الكراهية الهائلة الحبيسة جواكم بي سبب استعباد المصرييين لامثالكم من "الزناجرة"!
يشتمو يا "زناجري" يقول ليهو "بحبك"!
عووع!
يالعار امثالكم الخنوعيين البستعذبو كراهية الاخرين واحتقارهم لهم، كقوم سود!
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Bashasha)
|
صاحب البوست
سلام
اولا معليش لكن عنوانك ذاته خطأ يا حبيب
في فرق كبير بين المصريين كشعب و النظام المصري كحكومه.
| Quote: تعالوا نحب مصر والمصريين... لا داعي للمشاعر السالبة |
انت حدد انت متوهم انه المكروه منو؟؟؟؟
طيب انا في نظري المركوه النظام المصري.
في علاقات نسب كثيره وصداقات عميقه لسودانين بمصريين.
وفي اختلاط واستثمارت ومصالح وهباب وخاجات كويسيه وكعبه كثيره.
بنكره في المصريين بيحبوا يعمموا بغباء كثير ده كطبع
للجهلاء منهم...والجهلاء دي طبعا كثيره هنا
لانه الشهادات ذاته مرات ما بتغيير فيهم حاجه.
نحب المصريين الزي احمد فؤاد نجم
وزي الابنودي وزي عبد الناصر
والسادات بسجمه ورماه لكنه كان بيحبنا بصدق كشعب سوداني
وبنحب محمد نجيب..وبنحب عبد الحليم حافظ
وبنكره المنافقين و الارزقيه امثال هاني رسلان
المدعي العلم و الشهادات وهو كان بجيب الطلبه الافارقه
يكتبوا ليه البحوث وقايلنا ما عارفنه!!
وقس على لك
لكن ما ممكن نكره حسنين ومحمدين بتوع الجاموسه
و المنتظرين فراخ الجمعيه!!دول غلابه يا بي!!(وجه غامز)
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Tragie Mustafa)
|
أهلاً صاحبة المداخلة..
| Quote: اولا معليش لكن عنوانك ذاته خطأ يا حبيب |
بالله؟؟ أصلو ما ممكن..!!
والله أنا كنت قايلو صاح..
| Quote: انت حدد انت متوهم انه المكروه منو؟؟؟؟ |
هسي أنا قايل روحي حددت الحاجة دي في مصر والمصريين .. والدعوة لحبهم ونبذ المشاعر السالبة..
لكن "متوهم" دي ما عرفت أرد ليك عليها كيف..وعايز أفطها بمزاجي..باعتبار إني "صاحب البوست"..موش؟؟
نشكرك .. والدعوة عامة
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Mahmoud Mustafa Mahmoud)
|
شطلط زائق من الاجابه
قلنا لك متوهم لانه ماممكن شعب كامل يكره شعب كامل
شكلك زعلان فيها....
Quote: هسي أنا قايل روحي حددت الحاجة دي في مصر والمصريين ..
والدعوة لحبهم ونبذ المشاعر السالبة.. |
قلنا لك الكلام ده فضفاض
وممكن تححد اكثر وتفرق بين المصرين و الحكومه المصريه
ومصر ما تكون دقيق؟؟!!
طيب يبقى انت مقتنع انه الشعب المصري نفسه هو المكروه مش كده؟؟
ومن قبل منو؟؟من قبل الشعب السوداني؟؟!!
كان الله في عونك.
طيب ايه رايك تخلينا في كراهيتنا دي اللصقتنها فينا بالقوة
وتمشي تعمل عضويه بموقع مصري
وتطرح السؤال ده على المصرين
ليه بيكرهوا السودانين
وتعال لينا بالاجابه.
نكون شاكرين.
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Tragie Mustafa)
|
| Quote: شطلط زائق من الاجابه |
يعني شنو؟؟ حد يقول لي..
Quote: قلنا لك الكلام ده فضفاض
وممكن تححد اكثر وتفرق بين المصرين و الحكومه المصريه
ومصر ما تكون دقيق؟؟!! |
لا لا لا يمة.. ما قلتي لي الكلام ده فضفاض..قلتي بالحرف الواحد عنوانك دا زاتو غلط..
والبوست وروح البوست وفكرة البوست لا من قريب ولا من بعيد بيناقش أي شكل من أشكال السياسة...
حتى إننا ردينا لأحد المتداخلين بإنه قضية حلايب زاتها لا تعدو كونها مجرد ورقة لا تصلح للتداول
إلا في سوق السياسة..وقلنا في ذات المداخلة إنه العلاقة بين شمال وجنوب الوادي قديمة قدم النيل..
أها شنو..
شوفي المُصِر منو إنه يدخل حكومات وأنظمة وسياسة..
Quote: طيب يبقى انت مقتنع انه الشعب المصري نفسه هو المكروه مش كده؟؟
ومن قبل منو؟؟من قبل الشعب السوداني؟؟!! |
لا طبعاً...ما كده ولا حاجة..
البوست دا أصلاً "ضد الكراهية"..ودعوة للحب...ونبذ المشاعر السالبة..
حتى كلمة الكراهية زاتها..استعضنا عنها بتعبير "المشاعر السالبة".. شايفة كيف؟؟
Quote: طيب ايه رايك تخلينا في كراهيتنا دي اللصقتنها فينا بالقوة
وتمشي تعمل عضويه بموقع مصري
وتطرح السؤال ده على المصرين
ليه بيكرهوا السودانين
وتعال لينا بالاجابه.
نكون شاكرين. |
عليك الله أعفيني يا تراجي..
ما بكون فاضي للدرجة دي..
هي دعوة لحب مصر والمصريين ونبذ المشاعر السالبة..
الدعوة عامة..
سياسة ولولوة كلام ما فينا..
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Bashasha)
|
| Quote: يالعار امثالكم الخنوعيين البستعذبو كراهية الاخرين واحتقارهم لهم، كقوم سود! |
بشاشة..
يعني الدعوة لحب مصر والمصريين وصلتك؟؟
والله وصلتك بالغلط..دحين آآخوي قطعها لينا في وشنا دا... غلطانين والله..
هذا البوست مَعْنِيُُّ بالحب والمحبة.. ومحاربة المشاعر السالبة..
بشاشة..
شكراً ياخوي...أطلع لينا برة بالله..
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Mahmoud Mustafa Mahmoud)
|
المشاعر السالبة ضارة بكل تاكيد كما ذكرت اخ محمود لك كامل التقدير والاحترام
حقيقة الشعب المصري ولدرجة كبيرة يظهر مواقف سالبة من السودانيين بعكس السودانيين
ليست الحكومة فقط بل تعدتها فهنا ظاهرة من الكثيرين
بشكل عام المصريين في كثير من البلاد عجمها وعربها يواجهوا بمشكلة ممكن توصف بالكراهية ضدهم ليس وحدنا من
كل من زار مصر من الاعاجم لديه انطباع سلبي اتجاههم
القلة التي وصلت السودان لديها انطباع جيد عن السودان والسودانيين كما قال بشاشا من المفترض ان نوجه احترامنا لذاتنا كما نفعل اتجاه الاخرين
اعمل واعيش مع المصريين بهم قلة محترمة تتعامل بوعي لكن هناك اغلبية ليست محصورة في من ذكرتهم يمكنك تلاحظها من ضباط المطار نهاية بكل الموظفين في العديد من دواوين الدولة لا تتعامل باحترام مع السودانيين وتجدها تتودد لكل الاجناس الاخري
لا نشبه المصريين في الشخصية هنا اختلاف كبير جدا رغم التجاور
هناك شعوب اخري تحترمنا اكثر رغم عامل لا توجد معهم مثل اللغة الاحباش مثلا لكنهم يقدرون السودانيين .
كثير من الدول العربية كذلك رغم الصلف والعقلية التي يعيشون بها لكنهم يكنون احترام للسودانيين وهنا معنا كثير من المصريين لا يخجلون من ذكر هذا الامر فهم مقتنعين بان في كثير من اماكن الاحتكاك يجد السودانيين الاحترام .
بعد محاولة اغتيال حسني مبارك كانت هناك كراهية شعبية من قبلهم اتجاه من لجا منا اليهم ولييست من الحكومة فقط .
اوهام مصر يا شقيقة يا اخت بلادي لم تظهر الا من خلال دعم كل الحكومات العسكرية والدكتاتورية التي تظلم الشعب السوداني .
تتعامل العقلية المصرية بشكل الاطماع في كل ما هو سوداني ونحن نطالب بان نمد حبل الود اليهم ؟؟؟
لا توجد كراهية اكثر من ان يحاول غالبية المصريين غش السودانيين في كل الاماكن فالذي يحمل مشاعر ايجابية اتجاهك لا يسلبك ويغشك يمارس المصريين هذا اتجاه الكثيرين لذلك حصدوا كراهية الكثيرين .
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: الفاتح سليمان)
|
الأخ الكريم الفاتح سليمان..
أشكرك على الطلة السمحة.. وأتعشم في إنك إذا ما قدرت تحب أو حتى تحاول..على الأقل أن توفر على نفسك
عناء البحث عن مبررات للمشاعر السالبة.. عشان دي ما بتغلب ليها زول.. وعلى قفا من يشيل..
يعني الواحد مننا ممكن يجد مليون مبرر يكره بيهو من قرر كراهيته..
وحيث أن البوست معني بالمحبة ومحاولة نبذ المشاعر السالبة..
فإننا نكرر الدعوة لك...فهلا تفضلت ؟؟
شكراً والدعوة عامة
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Bashasha)
|
أعتقد أن هذا البوست مهم جداً وفكرته شجاعة!
فالأخ محمود لاحظ أن علاقتنا عموماً كسودانيّين مع المصريين فيها نوع من التّعقيد والتحفظ بل والتحفز!
وبالتأكيد ده خلل!
وهو بيّن أنّ الدعوة عموماً هي للحب و لتجاوز المشاعر السالبة!
فلم يكن محتاجاً إلى تذكيره بأننا كسودانيين ينبغي أن نحب بعضنا البعض!
وطبعاً الحب درجات ومراتب، وأول هذه الدرجات هو احترام الآخر!
وهذا كلّه يستند إلى شخصية الإنسان، وما فيها من مركبات النقص أو غير ذلك!
عموماً الموضوع ليس جديداً، بل منذ أن حدث التعارف في عصرنا الحديث بين المصريين والسودانيين
وهذه الحساسيّات موجودة، على أعلى المستويات!
هذا الموضوع ناقشه بعمق شديد المرحوم الأستاذ محمد أبو القاسم حاج حمد
في كتابه: (السودان: المأزق التاريخي وآفاق المستقبل)، وفي ذلك المستوى الراقي أورد عتاباً
على مستوى عالٍ من طرف شاعرنا المبدع التيجاني يوسف بشير لمصر وأدبائها ومثقفيها!
وعموماً، أنا أوافق على دعوة الأخ محمود، لأني بها أواجه المشاعر السالبة في نفسي،
والتي لا تفيدني غير أنها تفقدني صوابي وتصيبني بالتوتر عند التعامل مع إخواننا المصريين،
بناءً على تلك الخلفية السالبة، ولكن الصحيح أن نتعامل من منطلق قيمنا الجميلة!
ومع تأكيدي بأهمية هذا البوست، أتمنى أن يكون هناك بوست آخر، يناقش هذا الموضوع فيما يتعلق
بالعلاقات بيننا نحن السودانيين، ابتداءً من الاحترام وصولاً إلى الحب!
بل أن ينمو في إطار هذا المنبر العام اتجاه يدعو إلى التفاعل الإنسانيّ بين أعضائه، والاجتهاد
والسعي في سبيل بناء علاقات أخويّة قائمة على القيم السودانية الأصيلة! بعيداً من الحزبيّة المقيتة!
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Deng)
|
| Quote: إنه موسم الهجرة إلى (الشمال).. |
العزيز محمود
بالعكس انه موسم الهجرة الي الجنوب فى خلال الشهور القليلة الفائتة هاجر اكثر من ٢٠ الف مصري للسودان وحنسمع و حنشوف ماذا سوف ياتي المصريين من ظواهر سالبه جديدة علي المجتمع السودان.
بوافقك اني بحكم معيشتي فى مصر اكثر من ١٢ عام المفروض اكون و لكن بالعكس متعه الروتين اليومي فى السودان لا يمكن تذوقها فى بلد آخر لا انكر نعم فى مصر الاشياء سهلة والمعيشة اسهل و لكن ياخي تحس بالكتمة من الزحمة و الكوارييك والشكل و الكلام الخارج عن قوانيين اللغويات.
بصراحة ما عرفتا كيف احبها يمكن لاني عندي انطباع ناتج من خبره انهم شعب فهلوي وانا لا احب الفهلويه و اغلب النماذج التي اختلط بها من المصريين كانت محبطه جدا واضيف الي ذلك المصريين فى الغربة بصراحة من النماذج السيئة حتي مع بعضهم البعض.
يكفيك صديق واحد في السودان لتتعرف علي قيمنا وحاجتناالحلوة لكن من الصعب تواجد هذا الصديق من المصريين من دون مصلحة (تجربة شخصية)
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Sayed Bekab)
|
أبو السيد..
حبابك تاني وتالت ورابع..
| Quote: لكن من الصعب تواجد هذا الصديق من المصريين من دون مصلحة (تجربة شخصية) |
ومالو طيب ياخ؟؟ خلونا نجرب حتى بوجود المصلحة...دون تضارب للمصالح..
حكمة اليوم (من تأليفي وكدا):
إن من المصلحة العامة أن تسود مشاعر التآلف والمحبة بديلاً للمشاعر السالبة
لك التقدير ..
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Deng)
|
أُوووووووووووههه... زعيم المحبين شخصياً هنا؟؟
الأخ دينق..
تحياتنا يا رجل..
| Quote: " أنت فين والحب فين " |
وحب ايه اللي انت جايي تقول عليه؟؟
غايتو دي لو طلعت أغنية لأم كلثوم..حقك راح مع بشاشة..
هسي حا يجي يشبكك استلاب ولبلاب وضريسة وسلعلع..لما تعرف حاجة..
عاين يا دينق.. أنا عارفك لا ترفض هذه الدعوة..
احتفظ بيها حتى يحين الوقت الذي تهب فيه الرياح المناسبة..
الأيام دي في عواصف سالبة هابة من جميع الاتجاهات..
لك التقدير..
| |
|
|
|
|
|
|
|
|
 Re: تعالوا نحب مصر والمصريين... لا داعي للمشاعر السالبة (Re: صلاح عباس فقير)
|
الأخ صلاح عباس فقير..
لك المودة والاحترام
Quote: أعتقد أن هذا البوست مهم جداً وفكرته شجاعة!
فالأخ محمود لاحظ أن علاقتنا عموماً كسودانيّين مع المصريين فيها نوع من التّعقيد والتحفظ بل والتحفز!
وبالتأكيد ده خلل!
وهو بيّن أنّ الدعوة عموماً هي للحب و لتجاوز المشاعر السالبة!
فلم يكن محتاجاً إلى تذكيره بأننا كسودانيين ينبغي أن نحب بعضنا البعض!
وطبعاً الحب درجات ومراتب، وأول هذه الدرجات هو احترام الآخر!
وهذا كلّه يستند إلى شخصية الإنسان، وما فيها من مركبات النقص أو غير ذلك!
عموماً الموضوع ليس جديداً، بل منذ أن حدث التعارف في عصرنا الحديث بين المصريين والسودانيين
وهذه الحساسيّات موجودة، على أعلى المستويات!
هذا الموضوع ناقشه بعمق شديد المرحوم الأستاذ محمد أبو القاسم حاج حمد
في كتابه: (السودان: المأزق التاريخي وآفاق المستقبل)، وفي ذلك المستوى الراقي أورد عتاباً
على مستوى عالٍ من طرف شاعرنا المبدع التيجاني يوسف بشير لمصر وأدبائها ومثقفيها!
وعموماً، أنا أوافق على دعوة الأخ محمود، لأني بها أواجه المشاعر السالبة في نفسي،
والتي لا تفيدني غير أنها تفقدني صوابي وتصيبني بالتوتر عند التعامل مع إخواننا المصريين،
بناءً على تلك الخلفية السالبة، ولكن الصحيح أن نتعامل من منطلق قيمنا الجميلة!
ومع تأكيدي بأهمية هذا البوست، أتمنى أن يكون هناك بوست آخر، يناقش هذا الموضوع فيما يتعلق
بالعلاقات بيننا نحن السودانيين، ابتداءً من الاحترام وصولاً إلى الحب!
بل أن ينمو في إطار هذا المنبر العام اتجاه يدعو إلى التفاعل الإنسانيّ بين أعضائه، والاجتهاد
والسعي في سبيل بناء علاقات أخويّة قائمة على القيم السودانية الأصيلة! بعيداً من الحزبيّة المقيتة! |
هذا الكلام الرصين والرؤية العميقة لا تأتي إلا من شخص محترم كشخصك وكم أجد نفسي في غاية السعادة والفخر
بوجودك هنا في هذه الساحة البسيطة للرأي.. ومرحباً بك في كل حين.. مع مودتي وتقديري..
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Mahmoud Mustafa Mahmoud)
|
العزيز مصطفى محمود
لك ودى وتقديرى .. واحييك على هذا البوست الرائع... وكانت لى النوايا ان اثير مثل هذا الموضوع .. فلك فوز السبق... الحقيقة انا من محبى مصر الشقيقة مصر كشعب ومصر كأمة فيها ما يكره.. وفيها ما يحب...
وفعلا تعالوا نحب مصر والمصريين ... يعنى نحب المصريين البتحبو ونكره المصريين البتكرهو ان صح التعبير... وانا بحب مصر واكره.... محل النقط دى كل واحد يخت الشى البيكرهو.
مع فائق الودوالمحبة،،،
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: عاطف عبدون)
|
Quote: من جيرانك ديل كلهم ما لقيت دوله تحبها غير الاستعمرتك؟ [/QUOTE]
لا ما لقيت..
بعدين ياخي أمشي أفتح ليك بوست بعنوان: تعالو نحب أفريقيا الوسطى وناسها.... البورد ما واااااااااسع.. في زول منعك؟؟
بعدين حكاية (الاستعمرتك) دي دايرة ليها وقفة هذا ليس مجالها...
نكرر الدعوة لك ولغيرك..
والأجر على الله
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: على محمد الخير)
|
أخوك الفقير إلى الله / محمود مصطفى محمود..
ولا يهمك يابا.. بس آخر مرة.. عشان ما أناديك بـ:
الأخ محمد الخير..
حبابك وحباب كلامك:
Quote: لك ودى وتقديرى .. واحييك على هذا البوست الرائع... وكانت لى النوايا ان اثير مثل هذا الموضوع .. فلك فوز السبق... الحقيقة انا من محبى مصر الشقيقة مصر كشعب ومصر كأمة فيها ما يكره.. وفيها ما يحب...
وفعلا تعالوا نحب مصر والمصريين ... يعنى نحب المصريين البتحبو ونكره المصريين البتكرهو ان صح التعبير... وانا بحب مصر واكره.... محل النقط دى كل واحد يخت الشى البيكرهو. |
يعني إنت معانا بنصف قلب؟؟
نحن عشمانين في قلبك والله..
وزي ما تلاحظ.. نحن دعوتنا للمحبة..وفي نفس الوقت... نبذ المشاعر السالبة.. عشان كدا
كلمة كراهية دي ممكن يتفتح بيها بوست تاني لأصحاب المشاعر السالبة..
ولا رأيك شنو؟؟
مرحب بيك.. وكتر خيرك ..
كن بخير دائماً..
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Mahmoud Mustafa Mahmoud)
|
| Quote: أخوك الفقير إلى الله / محمود مصطفى محمود.. |
معليش اخى محمود مصطفى محمود... العتب على الكى بورد... اسمك ياهو اسمك كان اخطأت في كتابته ولا كان قريتو غلط ... ولا فى داعى تعمل زى ما انا اخطأت وتسمينى محمد الخير رغم انه انا ما رافض... المهم حبيت اوريك انه انا بكل قلبى بحب مصروالمصريين ما بنصف قلب كما ذكرت انت ... وبعدين انا دائما بقول المصريين ديل حبايبنا... ياخى من غير مناقشة... والعندو راى فى كده ذنبو على جنبو...
بس عندى اسئلة بسيطة .. كم هو عدد السودانيين الذين يعيشون فى مصرالان... ؟ وكم هو عدد السودانيين الذين كانت مصر محطتهم للانتقال لبقية ارض الله...؟ وكم هم السودانيين الذين تلقوا تعليمهم فى مصر ام الدنيا...؟
ولك كل معانى وقيم الحب ،،،
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: على محمد الخير)
|
أخي الجميل علي محمد الخير..
شكراً لك مجدداً وأنت ترفد هذا البوست بهذا الإحساس النبيل:
Quote: المهم حبيت اوريك انه انا بكل قلبى بحب مصروالمصريين ما بنصف قلب كما ذكرت انت ... وبعدين انا دائما بقول المصريين ديل حبايبنا... ياخى من غير مناقشة... والعندو راى فى كده ذنبو على جنبو...
بس عندى اسئلة بسيطة .. كم هو عدد السودانيين الذين يعيشون فى مصرالان... ؟ وكم هو عدد السودانيين الذين كانت مصر محطتهم للانتقال لبقية ارض الله...؟ وكم هم السودانيين الذين تلقوا تعليمهم فى مصر ام الدنيا...؟ |
يا سلام عليك..أيوة كدا ياخ..
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: عبد الناصر الخطيب)
|
هلا يا محمود
ومادام القصة فيها حب ومصريين
فمن الضروري نبداء ليك من الست ام كلثوم وصيحتها الشهيرة
(حب اييييييه الجاي تقول عليييه )... ذلك المقطع مدهش جدا عندما اداها اللمبي في احد افلامه الكوميدية..
..
في هذه الدنيا لا احد يرفض فكرة الحب فهي تسامي وسلوك انساني راقي ومشحون بانسانية عالية
ولكن لكي ياتي هذا الحب يا محمود مفروض يكون في ارضية وساحة مشيدة خالية من الاحتقانات التي تشكل السلوك المصري ونظرته المتغرطسة للسودان كساحة خلفية وحديقة بوابين..
مصر الرسمية ياخي تمارس الاحتلال القسري لارض سودانية وقاعدة متحكرة فيها ويساندها سلاطننا الاعرج في الصمت علي حدود وحقوق هذا السودان
هذا اقرب مثل وخير دافع يخلي الزول يكره مصر وزيادة عليها يكره ليبيا كمان...
حب مافي قريبات دي الا ترجع الارض الي اهلها وبعدها ممكن نفكر نحب ونبداء من نبيلة عبيدة
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: عبدالكريم الامين احمد)
|
العزيز عبد الكريم كيكي..
كتر خيرك والله في الجية دي..
Quote: في هذه الدنيا لا احد يرفض فكرة الحب فهي تسامي وسلوك انساني راقي ومشحون بانسانية عالية
ولكن لكي ياتي هذا الحب يا محمود مفروض يكون في ارضية وساحة مشيدة خالية من الاحتقانات |
نكتفي بالاقتباس أعلاه من مداخلتك.. مع تعمد الإخلال..وذلك خدمة للبوست وأغراضه النبيلة (عبيد)..
لوووول
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: عبدالكريم الامين احمد)
|
الحبيب عبد الكريم...
حبابك مليون ميل مربع..(طبعاً مليون ميل مربع دي قبل كلام الأخ سلفاكير)...
Quote: واهي فرصة ممكن تخلي الزول يفكر في حكاية (حب مصر) دي
ولكن بعد مباراة الجزائر
وبعدها نبيلة عبيد .نبيلة عبيد
غرامة غرامة سجن سجن |
لكن لقيتك زول قديم عديل كدا...
ياخ إنت من زمن نبيلة عبيد ؟؟
قول منة شلبي أو بالعدم خالص إلهام شاهين..
شكراً لحضورك البهي دائماً...
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Mahmoud Mustafa Mahmoud)
|
الأخ محمود أريتك طيب يا خوى
أهه أظنك لاحظت عدم قابلية معظم الشباب الدعوة لحب مصر
ويمكن أن نبدأ فى البحث عن السر فى هذا العزوف والقرف من المصريين؟
وهل هو حالة مؤقتة تعكس الوضع الراهن الذى القت عليه قضية حلائب بظلالها
والتصريحات السالبة من أحد الكتاب المصريين وحقهم التاريخى المزعوم باطلاً فى شرقنا الحبيب؟
أم أن الشعور بالبعد والجفوة يرجع للعقلية المصرية والنظرة الضيقة والسالبة لدى الكثير من المصريين
تجاه السودان والسودانيين؟
ويمكن للمتداخلين المساهمة فى أسباب عدم الشعور بالارتياح تجاه المصريين؟
مع العلم أن البلدين حقيقةً فى حوجة ماسة لبعضهم البعض فى الاستمرارية والتقدم والنمو
ولا يستطيع أى مكابر أن يجهل دور مصر فى مساعدة السودان فى كثير من المجالات
خاصة التعليم الجامعى والصحة وغيره
وأيضاً لا يستطيع أى مصرى أن ينكر الفرصة التى يوفرها لهم السودان من حيث
الأرض والموارد
ويبقى السؤال الأساسى
كيف نستطيع اقامة علاقات ندية يسودها الأحترام وتبادل المنافع وبعدها يمكن
النظر فى مسألة الحب اللى انت جاى تقول عليه
(تخريمة)
رائك شنو نحب الحبشة وخاصة وهم حنينين علينا وبيجبوا السودانى وبيشبهونا وكدة؟
تحياتى
أظنها فاتت ال 200 يا عزيزى معليش
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: حسن حماد محمد)
|
أخي الحبيب المحبوب محمود
دعوة للحب
والله مافي روع من كده
وإنت راجل رائع لانك دعيتنا لحاجة جميلة ورائعة
وخليني أبدأ بيك
انا بحبك جداً يا أخ محمود لانك قاعد تدعونا هنا إننا نحب
أذكرك هنا بحديث الرسول صلى الله عليه وسلم
( إذا أحب أحدكم أخاه فليخبره فليقل له إني أحبك)
لو باريت البحث بتاع الحب في الاسلام وعند الرسول صلى الله عليه وسلم وسلوكه مع اصحابه وزوجاته
وأهمية الحب في كل خطواتو تجد إنو موضوع البوست بتاعك ده حاجة رائعة ومهمة
وتاني يا محمود انا بحبك جداً
بحبك لأنك تدعونا إننا نبسط مشاعرنا ( يعني نفردها ونفك الكفة المقيدانا ) ونقرر نحب
يعني نشغل الطاقة الايجابية في مشاعرنا تجاه موضوع ما
خلاص ؟؟
للموضوع بقية
تابعونا
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: كمال الشادي)
|
أخي الحبيب المحبوب محمود
لما واحد يحب واحدة عندها فلوس ( لمالها ) وكمان جميلة جداً ( لجمالها ) وبنت ناس مأصلين ( لحسبها ) وكمان فوق ده كلو متدينة ( لدينها) ، وبعدين تقوم ترفضو أو تشوكشو ، حا يلاقي مليون بني آدم
يحترم ( حبه )
ويحترم الانسانة الحباها ( موضوع الحب )
وحايقولو لهيو شعارات من عينة ناس قسمة ونصيب .. الخ
ولو واحد تاني حب واحدة تانية وإتزوجها بس كانت
صايعه
وضايعة
ولافة
ومدورة
وطالعة
ونازلة
حايلاقي مليون واحد
لا يحترمو
ولايحترم مرتو ( موضوع الحب )
ولا يحترم قرارو ( الزواج )
النتيجة
إنو هناك علاقة قوية ما بين
الاحترام
والحب
يعني الدعوة للحب رائعة
بس لازم نعرف نوجه مشاعرنا في إننا نحب
زول
أو مجموعة من الناس
أو ( شيء) موضوع
محترم
أوكي؟؟؟
السؤال
هل المصريين
( كشيء ) يعني أمه وتاريخ
هل هم
(شيء ) محترم ؟؟
يعني ( موضوع حب ) محترم
للموضوع بقية
تابعونا
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: كمال الشادي)
|
أخي الحبيب المحبوب محمود
لما واحد يحب واحدة عندها فلوس ( لمالها ) وكمان جميلة جداً ( لجمالها ) وبنت ناس مأصلين ( لحسبها ) وكمان فوق ده كلو متدينة ( لدينها) ، وبعدين تقوم ترفضو أو تشوكشو ، حا يلاقي مليون بني آدم
يحترم ( حبه )
ويحترم الانسانة الحباها ( موضوع الحب )
وحايقولو لهيو شعارات من عينة ناس قسمة ونصيب .. الخ
ولو واحد تاني حب واحدة تانية وإتزوجها بس كانت
صايعه
وضايعة
ولافة
ومدورة
وطالعة
ونازلة
حايلاقي مليون واحد
لا يحترمو
ولايحترم مرتو ( موضوع الحب )
ولا يحترم قرارو ( الزواج )
النتيجة
إنو هناك علاقة قوية ما بين
الاحترام
والحب
يعني الدعوة للحب رائعة
بس لازم نعرف نوجه مشاعرنا في إننا نحب
زول
أو مجموعة من الناس
أو ( شيء) موضوع
محترم
أوكي؟؟؟
السؤال
هل المصريين
( كشيء ) يعني أمه وتاريخ
هل هم
(شيء ) محترم ؟؟
يعني ( موضوع حب ) محترم
للموضوع بقية
تابعونا
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: كمال الشادي)
|
أخي الحبيب المحبوب محمود
لما واحد يحب واحدة عندها فلوس ( لمالها ) وكمان جميلة جداً ( لجمالها ) وبنت ناس مأصلين ( لحسبها ) وكمان فوق ده كلو متدينة ( لدينها) ، وبعدين تقوم ترفضو أو تشوكشو ، حا يلاقي مليون بني آدم
يحترم ( حبه )
ويحترم الانسانة الحباها ( موضوع الحب )
وحايقولو لهيو شعارات من عينة ناس قسمة ونصيب .. الخ
ولو واحد تاني حب واحدة تانية وإتزوجها بس كانت
صايعه
وضايعة
ولافة
ومدورة
وطالعة
ونازلة
حايلاقي مليون واحد
لا يحترمو
ولايحترم مرتو ( موضوع الحب )
ولا يحترم قرارو ( الزواج )
النتيجة
إنو هناك علاقة قوية ما بين
الاحترام
والحب
يعني الدعوة للحب رائعة
بس لازم نعرف نوجه مشاعرنا في إننا نحب
زول
أو مجموعة من الناس
أو ( شيء) موضوع
محترم
أوكي؟؟؟
السؤال
هل المصريين
( كشيء ) يعني أمه وتاريخ
هل هم
(شيء ) محترم ؟؟
يعني ( موضوع حب ) محترم
للموضوع بقية
تابعونا
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: كمال الشادي)
|
أخي الحبيب المحبوب محمود
عشان اجاوب على السؤال الفات
مطلوب مني أقول حقائق عن ( أمه ) و ( شعب )
لما نقول أمه بنقصد تاريخ
يعني تاريخ الامة كلو من يوم ما بدأت لغاية هسي
كل التاريخ من حق أي شخص الان يجيرو لي نفسو
ويقول انا بنتمي ليهو
أو للامة دي
أو للتاريخ ده
مش ؟؟
طيب نبدأ
ذكرت مصر في القرآن الكريم في 28 موضع
منها خمس مرات بصورة مباشرة وعلنية
والباقي غير ذلك
ولد بمصر من الأنبياء و من كان بها منهم عليهم السلام
كان بمصر إبراهيم الخليل
و إسماعيل
و إدريس
و يعقوب
و يوسف
و اثنا عشر سبطا
وولد بها موسى
وهارون
و يوشع بن نون ،و دانيال ، و أرميا و لقمان
و كان بها من الصديقيين و الصديقات مؤمن آل فرعون الذى ذكر فى القرآن فى مواضع كثيره
و قال على بن أبى طالب كرم الله وجهه اسمه حزقيل ، و كان بها الخضر ،
آسيه امرأة فرعون و أم إسحاق و مريم ابنه عمران ، و ماشطه بنت فرعون .
من مصر تزوج إبراهيم الخليل هاجر أم اسماعيل
و تزوج يوسف من زليخا
و منها أهدى المقوقس الرسول عليه الصلاه و السلام ماريا القبطيه فتزوجها و أنجبت له إبراهيم .
و يذكر أنه لما أجتمع الحسين بن على مع معاويه قال له الحسين : إن اهل حفن بصعيد مصر و هى قريه ماريه ام إبراهيم فاسقط عنها الخراج إكراما لرسول الله ، فأسقطه .
للموضوع بقية
تابعونا
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: كمال الشادي)
|
أخي الحبيب المحبوب محمود
ذكرها الرسول صلى الله عليه وسلم في سياق جميل فقال
روي عن رسول الله صلى الله عليه وسلم أنه قال:
" ستفتح عليكم بعدي مصر فاستوصوا بقبطها خيرًا فإن لهم ذمة ورحمًا " قال ابن كثير رحمه الله: والمراد بالرحم أنهم أخوال إسماعيل بن إبراهيم الخليل عليهما السلام أمه هاجر القبطية وهو الذبيح على الصحيح وهو والد عرب الحجاز الذين منهم النبي صلى الله عليه وسلم وأخوال إبراهيم ابن رسول الله صلى الله عليه وسلم وأمه مارية القبطية من سنى كورة أنصنا وقد وضع عنهم معاوية الجزية إكرامًا لإبراهيم ابن رسول الله صلى الله عليه وسلم. تفسير ابن كثير.
للموضوع بقية
تابعونا
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: كمال الشادي)
|
أخي الحبيب المحبوب محمود
هل فعلاً مصر ام الدنيا
هل تعرف لماذا سميت مصر ام الدنيا
هل تعرف من الذي سماها بهذا الاسم
نعم مصر ام الدنيا
حقيقية لا يعلمها كثير من المصرين
وبعضهم لا يؤمن بها وبعض العرب يسخرو من هذه الجملة ولا يعرفوا معنى وسبب هذه التسمية
هذا الاسم ليس لان مصر أقدم حضارة فى العالم
وليس لأن مصر بها جمال عبد الناصر
وليس بسبب تكبر من المصرين وليست بسبب اعلام أو تلفزيون .
اللي سمى مصر ام الدنيا هو أول الأنبياء في الأرض
وهو سيدنا نوح عليه السلام
لأنه سماها أم البلاد وغوث العباد
وما يؤكد هذا دعاء سيدنا نوح لى ابنة حيث بيصر بن حام او بمصر والذى سميت مصر نسبة إلى اسم ابنة مصرائيم حيث الجنس الحامى هو أول من سكن مصر بعد طوفان سيدنا نوح ودعا لهم نوح بهذا الدعاء وقولة أن مصر أم البلاد
أما دعاء نوح عليه السلام لها فقال عبدالله بن عباس دعا نوح عليه السلام لابنه بيصر بن حام أبو مصر فقال اللهم إنه قد أجاب دعوتى فبارك فيه و فى ذريته و أسكنه الأرض الطيبه المباركه التى هى أم البلاد و غوث العباد.
دعا نوح عليه السلام لابنه بيصر بن حام أبو مصر فقال اللهم إنه قد أجاب دعوتى
فبارك فيه و فى ذريته و أسكنه الأرض الطيبه المباركه التى هى أم البلاد و غوث العباد
حيث بيصر بن حام او بمصر والذى سميت مصر نسبة إلى اسم ابنة مصرائيم حيث الجنس الحامى هو أول من سكن مصر بعد طوفان سيدنا نوح ودعا لهم نوح بهذا الدعاء وقولة أن مصر أم البلاد
أما دعاء نوح عليه السلام لها فقال عبدالله بن عباس
دعا نوح عليه السلام لابنه بيصر بن حام أبو مصر فقال اللهم إنه قد أجاب دعوتى
للموضوع بقية
تابعونا
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: كمال الشادي)
|
أخي الحبيب المحبوب محمود
الاخوان الاعزاء كل الداخلين إلى البوست الرائع ده
والخاص بالدعوة لحب مصر وحب المصريين
خلونا نقسم الموضوع لقسمين
الاول : حب مصر
والثاني : حب المصريين
بالنسبة للجزء الاول
وبالنسبة للفرضية بتاعتي إننا يجب أنو نحب حاجة أو زول أو مجموعة ناس أو أمة
( محترمة )
هل مصر في رأيكم بعد القليل اللي ذكرتو هنا
تعتبر موضوع حب
والله
سؤال
ينتظر الاجابة
للموضوع بقية
تابعونا
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: كمال الشادي)
|
الاخ محمودمصطفى محمود رجعت ليك تانى وعساك طيب وزادتك الايام فى حب المصريين اضعافا مضاعفة
بالنسبة لى كصاحب تجربة عيش فى مصر ولمدة 7 سنوات ( بطولها وعرضها) اقدر اقول ليك حبيت مصر كثيرا وكمان حبيت بعض المصريين ايضا كثيرا
ولكن السؤال
لماذا لا يحب السودانى المصرى وليس مصر ؟
طبعا فى رائى لن ياتى هذا الحب من الكل( السودانيين) او حتى من الاغلبية لسبب واحد قوى يتعلق بالمصرى الا وهو بان المصرى يرى بان السودانى اقل منه درجة ماهى تلك الدرجة ولماذا ومن اين اتى بتلك النظرة هذا موضوع مختلف فيه ويطول شرحه .
يعنى يا حبيب العيب فيهم مش فى السودانيين
ولى عودة
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: حامد محمد حامد)
|
الحبيب المحبوب محمود
في رأئي إنو مصر تجي في الترتيب بعد المناطق المقدسة في كل الاديان
مكة المكرمة والمدينة المنورة والقدس
بتجي بعدهم بالحظوة الالهية
يعني ما بعرف بلد والله مدينة ربنا حباها بالقدر ده من الاهتمام
بحيث يعدي عليها ويتولد فيها ويمر بيها ويتزوج منها كل الانبياء ديل
اذا كانت في بلاد مفروض علينا شرعاً حبها زي
الاماكن المقدسة مكة والمدينة والقدس
اعتقد في اماكن يفترض بحبها لتاريخها العظيم
اولم تشفع لتلك القرية إنها كانت منها زوجة رسولنا الكريم في صعيد مصر
اولم يشفع لها ذلك في كل المعاملة الخاصة من الخكام المسلمين فيما بعد
لماذا؟
إكراماً لام المؤمنين
وإكراماً لرسولنا الكريم ولزوجه ولولده
إكراماً لكل ذلك يا محمود
انا بحب مصر حتى الثمالة
بحب كل شيء فيها
القبيح قبل الجميل
والباطن قبل الظاهر
عليه
فإن دعوتكم في حب مصر لا تشملني
فأنا اول العاشقين
مع التحية
كمال الشادي
وللحديث حتماً بقية
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: كمال الشادي)
|
الحبيب المحبوب محمود
فتحت البوست
وقلت ادخلو
ودخلنا
وبعدين ؟
وين إنت
يعني الواحد ساهر ليك امبارح الليل كلو عشان المشاركات دي
قلت سهرة حلوة مع راجل محترم زيك
خليتني اساهر براي
وزغت
على فكرة
انا الباسوورد بتاعي كان رايح من سنين يعني تقدر تقول كده من 2002
يا دوبك بكري رجعو لي امبارح
مشكووووووووووووووووووور ماقصر
يعني اول مشاركة لي بعد العودة
في بوستك الحلو ده
ما تخلينا نزوغ منك
مع التحية
كمال الشادي
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Mohammed Ibrahim Othman)
|
مرحب برجوعك استاذ كمال الشادي..
أنا الليلة هنا بدل صاحب البوست..
كده وبوضع اليد لمدة يوم..
علشان انا اكتر واحده في الدنيا بتحب مصر بعد المصريين..
بحب المصريين حب كبير.. والدمه تقيل منهم بتقل دمي عليه زيه زي أي بني آدم في الدنيا..
وعادي بيتقبلوا غلاستي لأنهم عارفين انهم غلسوا علي ..
وبحب أغليهم من الشعب الطيب فقرا ولا أغنياء..
وبحب خالص اقعد اتونس مع البوابين وبياعين الخضار والشغالين في المخابز..
كده بس مزاج!
وبعدين سيبونا من تقل الدم..
العالم العايشة تشتم في مصر وهي عايشة فيها..
عيب كده..بتكرهوها اطلعوا منها..وماترجعوا ليها خالص!
ولقيتك يا أستاذ شادي حبك كبير لمصر ومعلومة حلوة جبتها لينا عن سيدنا نوح..
ناس تزورهم وتدعي ليهم الانبياء واحنا يا قلب لا تحزن ..
نشتم بس!
يقولوا للمصريين اولاد بمبة..
وبمبة دي زي ماعرفت هي بمبة كشر..اشهر راقصة مصرية..
افتكر عاشت في الثلالتينيات ..
وبعدين يجوا يشتكوا ويقولوا بيضطهدونا..
سمح البتسووا انتو اسمه شنو؟؟
معقوله مدينة الالف مئذنة قبل سنين طوال..يبقوا ابناءها كلهم اولاد بمبة؟؟
أكتب زياده ولا كفاية؟؟
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: omer osman)
|
يا ست مني خوجلي
مادام سيد البوست فرط فيهو
يبقى حقك بوضع اليد ووضع الرجل كمان
وانا اشهد إنو البوست ده حقك من أول يوم
والاخ محمود راجل مسلبط ساكت ولو طلبتي شهادتي في المحكمة حاامشي معاك
بس محتاجة ليك واحد
مهركاتي هندي شفت
يشيل صورة محمود ويخت صورتك
مبروك عليك البوست
راجع ليك بعد شوية
| |
|
|
|
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: كمال الشادي)
|
يا ست مني
الله يديك العافية
ارجوك خلينا نكون موضوعيين في النقاش
على الاقل نستفيد معلومات ونستفيد اصدقاء جدد
طالما قسمنا الموضوع إلى
حب مصر
وحب المصريين
انا عايز اقنع الناس
بأن مصر كوضوع للحب هي أحق من كل بلاد العالم بعد المناطق المقدسة طبعاً
وسيدنا نوح عليه السلام قال إنها ام البلاد وغوث العباد
لو مافي معترض
بنفس الالية السابقة
نقدر نناقش موضوع حب المصريين
خلاص ؟
| |
|
|
|
|
|
|
|
| |
Mahmoud Mustafa Mahmoud
HAIDER ALZAIN
على محمد على بشير
Esam El-Khawad
Sayed Bekab
حامد محمد حامد
احمد التجانى احمد
Muna Khugali
ذواليد سليمان مصطفى
احمد محمد بشير
ALGARADABI
haroon diyab
Muhib
Bashasha
Tragie Mustafa
الفاتح سليمان
حسن حماد محمد
محمد الجزولي
نبيل عبد الرحيم
Deng
عبدالله كع
عاطف عبدون
Hani Arabi Mohamed
عبدالكريم الامين احمد
كمال الشادي
Mohammed Ibrahim Othman
omer osman
Mohamed Moatasim
فيس بوك
تويتر
انستقرام
يوتيوب
بنتيريست