|
Re: تعالوا نحب مصر والمصريين... لا داعي للمشاعر السالبة (Re: كمال الشادي)
|
Quote: كدي أول حاجة تعالوا نحب بعضنا كسودانين !! الباقي مَلحوق !! . |
هم والله بتحبو لكن غتيتين ، همهم مصلحتهم بس ونحن السودانيين ما عندنا كبير رجاء على الاقل دا في السياسة أما كاشخاص..فعندهم حركات كدا ما جميلة..كلهم وجني وجن المصري كمان تتكلم معاهو يقوم يهز ليك راسو..يعني ما سامع ولا لمن يكون داير يستنكحك ويقول ليك..يا بن النيل.
أما من ناحية فكر وكتابة فمصر دي بالجد أمنا ، اعظم كُتاب وأدباء وثقافة وما بنلحقهم.
دا غير انو اي بيت سوداني فيهو واحد قرى في مصر او اتربى أو عاشر واحد متربي هناك. يعني الحكاية جايطة.
أما الكورة..فماف طريقة..حاشجع الجزائر ايوة..زيدان وشاب خالد فردي
مؤنة شهر من الود
| |
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: كمال الشادي)
|
جماهير السودان تعلن مؤازرة الفراعنة في اللقاء الفاصل سادت حالة من السعادة علي الجماهير السودانية باقامة المباراة الفاصلة بين مصر والجزائر بالخرطوم وتمني الجمهور ان تكون بوابة منتخبنا الوطني لمونديال جنوب افريقيا 2010 حيث انهم اكدوا مدي عشقهم لكرة القدم المصرية ومساندتهم للفراعنة في تلك المباراة المصيرية وتمنت تلك الجماهير ان تنتهي مباراة منتخبنا غدا أمام الخضر بفوز الفراعنة بأي نتيحة بشرط أن تكون بفارق هدفين. واتفقت الجماهير السودانية ان رغبتها في رؤية لاعبي المنتخب الوطني ابطال القارة السمراء مرتين متتاليتين عامي 2006 و2008 هي السبب الأساسي وراء رغبتهم في عدم تحقيق منتخبنا للفوز بأكثر من هدفين حتي يتسني لهم رؤية النجوم امثال أبوتريكة وزيدان وعمرو زكي وغيرهم من اللاعبين. وأعلن الاتحاد السوداني لكرة القدم حالة الطواريء القصوي لاستضافة تلك المباراة الفاصلة حتي تخرج في أبهي صورها بعد الثقة التي منحها لهم الاتحاد الدولي "الفيفا".
أمضي ساعة مع اللاعبين والجهاز الفني وشهد التدريب الرئيس يمنح المنتخب أكبر شحنة معنوية ونفسية داعب الحضري وأبوتريكة وحسن.. وعانق شحاتة مبارك: الله معكم.. وننتظر الفوز نجوم الفراعنة: سنحسم مباراة الجزائر في ستاد القاهرة كتب - رضوان الزياتي: منح الرئيس حسني مبارك لنجوم المنتخب القومي لكرة القدم أكبر شحنة معنوية ونفسية خلال الزيارة التي قام بها لاستاد القاهرة مساء أمس حيث أمضي ساعة كاملة مع اللاعبين والجهاز الفني وشهد جانبا من التدريب. داعب الرئيس مبارك خلال الزيارة نجوم الفريق وفي مقدمتهم عصام الحضري حارس المرمي ومحمد أبوتريكة وأحمد حسن وعانق المعلم حسن شحاتة المدير الفني للمنتخب. قال الرئيس موجها كلامه للاعبين وأعضاء الجهاز الفني "الله معكم" وننتظر الفوز علي منتخب الجزائر والتأهل للمونديال. ووعد نجوم الفريق.. الرئيس مبارك بحسم اللقاء في ستاد القاهرة غدا. طالب الرئيس مبارك لاعبي المنتخب ببذل أقصي جهد من أجل تحقيق آمال الملايين من المصريين. مشدداً علي اللعب النظيف والعمل بجهد وشرف طوال ال90 دقيقة. استعرض الرئيس مبارك مع مسئولي المنتخب الاستعدادات النهائية للمباراة الفاصلة أمام الجزائر. واطمأن علي كافة أفراد المنتخب
المباراة علي القنوات المصرية والعربية بالمجان
وجه أنس الفقي وزير الإعلام اتحاد الاذاعة والتليفزيون وشركتي صوت القاهرة والنايل سات لإتاحة إشارة البث للمباراة الخاصة بقناة النيل للرياضة شاملة الإعلانات وستوديو النيل التحليلي قبل وبعد المباراة بدون مقابل مع التزام أي قناة بعدم إذاعة أي اعلانات بمعرفتهم داخل هذه الفترة بما لايخل بالالتزامات الإعلانية لوكالة صوت القاهرة للإعلان. كانت وكالة صوت القاهرة للإعلان قد حصلت علي الحق الحصري لإذاعة المباراة من اتحاد الكرة وعلي حق البث من اتحاد الإذاعة والتليفزيون وكان هذا سيترتب عليه حرمان العديد من القنوات المصرية والعربية من بث المباراة.
| |
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Mahmoud Mustafa Mahmoud)
|
عافي ليكم لله والرسول..
أي زول عايز يكفِّر لينا.. بالتلفون أو عبر هذا البوست..
مافي داعي للتعب.. البرتكان وأكياس الفواكه..
وترامس الشوربة الحارة...
ترامس زنجبيل بالحليب..
يانسون ..
مية مية..
بالله حاولوا حبوا لينا في البوست دا شدييييد...
ما حدش واخد منها حاجة..
سلامتك ياخ..
انت علي فكرة عيان ولا جعان؟؟
خلاص يا شادي..نديه فرصة وأمرنا لله!
| |
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Muna Khugali)
|
الاخ نبيل رغم جهلى التام بالكورة ما بعرف عنها الا العناوين الكبيرة لمن كل الناس تعرف حدث ما انا بعرفو معاهم واحد صاحبي قبل كم يوم قال والله المصريين ديل اذكياء قالو المبارة تكون في السودان
قال لي عارفين السودانيين راح يشجعوهم اذا كانوا واثقين انو السودانيين راح يشجعوهم ده معناهو انهم واثقين انو السودانيين بيحبوهم وراح يقيفو معاهم
في شنو تاني زول ما تبحبو معقول تقيف معاهو
خلاص الحب اهو يا سيد البوست
الزنجيل الرسلتو ليك نفع معاك والله لا ده مخصوص جايبو ليك من سوق عتيقة في الرياض لقيت ليك واحد يمني بيبيعوا
| |
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: كمال الشادي)
|
الحبيب الحبوب كمال الشادي..
Quote: يا أخوانا سيد البوست الظاهر عليهو جد جد عيان يا زول كفارة وسلامات |
والله لولا إيماني الشديد بصدق مشاعرك وصدق وعمق انفعالك برسالة هذا البوست..
وحياتك ما فيني حيل أقعد أكتب...ولالالالالالا آآآآ أسد
Quote: اديها عسل نحل فيه شفاء للناس |
والله عسل إنت.. ودعواتك الجميلة ولا أقوى أنتي بايوتيك..
شاكر تواجدك الخصيب المفيد..
ونطمع في مزيد من محبتك الجميلة..
والدعوة ما زالت قائمة للجميع لمزيد من الحب..
والمصريين جايين يلعبوا عندنا..
حباب الجزائريين والله..
لكن المصريين غييييييييير
| |
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Muna Khugali)
|
الحبوبة (الحبوبة) الجميلة الأميرة منى خوجلي...
Quote: سلامتك ياخ..
انت علي فكرة عيان ولا جعان؟؟
خلاص يا شادي..نديه فرصة وأمرنا لله |
الاتنين والله..
عيان فعلاً.. لكني ماشي الحال.. شدة وتزول..
وجيعاااااااان ..نفسي في عضة تبدأ من المراة.. مروراً بشية الجمر..ثم أم رقيقة والسلطات
لكن بيني وبينك كدا بكون عايز الناس تعمر موائد الحب بديلاً للمشاعر السالبة..
بعدين تعالي هنا...
كمال إدريس قال ليك السماء تمطر شنو؟؟
يا حليلو كمال ولدنا.. ما عارف إنه سياسة وضع اليد دي ما بتنفع مع أولاد الشيوخ..
دي نظام (قرصة ودن) ... حالتنا لسه ما دعينا.....
يا ستي بهرج معاك.. إنتي فعلاً ما محتاجة تعلني سياسة ونهج (لاحتلال) البوست
لا وضع يد ولا يحزنون.. نحن لاقيينك وين يمة؟؟ ..
| |
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Mahmoud Mustafa Mahmoud)
|
فى البداية احب ان اعطى معلومة مهمة وهى ان الخرطوم بها عشرات الاف من العمال المصريين الذين سيتحركون افواجا من الان للحصول على تذاكر المباراة وبالتالى سيتحول الاستاد الى استاد مصرى مما يعطى تفسيرا منطقيا لارتياح المصريين لاختيار الخرطوم لمباراة الفيصل فهم تدرى منا بحالة اليأس والاحباط الذى يكنه الشعب السودانى لمصر وبالتاى يعلمون جيدا ان السودانيون سيشجعون الجزائر ولكن البركة فى عمالتهم الوفية التى استطاعة ان تزلحم العمالة السودانية وتعطيها درسا فى فنون العمل والفهلوة على حساب فلسفة وكسل العمالة السودانية قليلة الخبرة والحظ !!
...................................................................................
اما بالنسبة للاخوة الذين سيشجعون مصر فاقولها بصراحة من حقكم ان تشجعو مصر اذا قدمت لكم ثلاث اشياء هى من حقوقكم الضائعة وللاسف تتجاهلونا بسذاجة مخجلة لمن يعانى من ضعف ذاكرته امام التاريخ
اولا : تعويض حلفا عن الغرق بتعويضات مادية ومساعدتهم لاعادة التوطين حول بحيرة ناصر وايصال كهرباء من السد العالى لهم كما وعدو و(طنشو)!
ثانيا : اعادة حلايب للسودان او على الاقل القبول بالتحكيم الدولى مع تعويض شهدائنا الذين قتلوهم هناك فى اعتدائهم الغاشم.
ثالثا : الاعتراف بمجزرة مصطفى محمود(المهندسين) التى ارتكبت فى حق الابرياء عام 2005 وتعويضهم ماديا وادبيا عما حدث!!
...............................................................................
. اذا قامت مصر بهذا فسوف اشجعها وانا واثق انها يستحيل ان تقوم بهذا
وبالتالى سوف اشجع الجزائر
وتحياتى
| |
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: محمد فرح)
|
الأخ محمد فرح..
لو قدرت تقرط على دي تكون ما قصرت خالص..
Quote: وجني وجن المصري كمان تتكلم معاهو يقوم يهز ليك راسو..يعني ما سامع |
ياخي ممكن فعلاً يكون ما سامعك..ولو سامعك ممكن يكون ما فاهم اللهجة..
أديك مثال بسيط:
في شاب سوداني كان شغال محاسب في مصنع..
قام مسئول التحصيل سأله:
- أخبار التحصيل يا ابن النيل؟؟ كلمتهم؟؟ ابن النيل يرد بلهجة موغلة في المحلية: - هو داب ضرب؟؟ آآآي ضربت ليهم لاكييين ما زول بيرفع ... المسئول يرد بهزة رأس على قولك: - مش فاهم..يعني ايييييييه؟؟
Quote: ولا لمن يكون داير يستنكحك ويقول ليك..يا بن النيل. |
استنكاح؟؟ استكرات؟؟ ما ممكن تكون تلطيف حديث..تطييب خواطر..عبارات ودودة
هسي في المثال أعلاه.. بذمتك كدا..مسئول التحصيل بيكون عايز يستنكح ولدنا دا؟؟
Quote: أما من ناحية فكر وكتابة فمصر دي بالجد أمنا ، اعظم كُتاب وأدباء وثقافة وما بنلحقهم.
دا غير انو اي بيت سوداني فيهو واحد قرى في مصر او اتربى أو عاشر واحد متربي هناك. يعني الحكاية جايطة. |
حلو الكلام..
حرر نفسك يا ود فرح..فأنت شخص مليان خير..
لك التقدير
| |
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Mahmoud Mustafa Mahmoud)
|
اخوي محمود الف لا بأس عليك مرة تانية وبوستك ده المفروض الايام دي تتابعو بشده لانو دي ايامو شوف يا سيدي في كلام كتبتو الليلة في اكثر من بوست
يا أخي زول يقول ليك انا جاي اتغدي معاك في بيتك تقوم تطلع تخلي البيت عييييييييييييييب
يا أخي الجماعة اختارو يلعبو في السودان نقوم نخزلهم عيييييييييييييب
بالله تخيل المبارة شغالة والمصريين عشمهم فينا كبير نقوم نشجع الجزائر ويقومو المصريين يفوزو بالله نودي وشنا وين
يا أخي السترة والفضيحة متباريات خلونا ننستر ما اهلنا المصريين ونشجعهم للاخر
انا اخلف بالله إنو البعثة المصرية اللي جايه الخرطوم واللي بدأت توصل اكثر من ثلاثة ارباعها لا بيعرفوا حلاليب ولا عمرهم سمعو بحلفا
حلفا ضيعتها حكومة سودانية واذا عايز تعرف كيف راقب كيف حكومتك الحالية قاعدة تضيع في حلايب مع التحية
| |
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: كمال الشادي)
|
والله كلامك في الصميم يا كمال.. يعني هي الناس لما يغلبا تتكلم مع حكوماتها تجي تتشطر علي شعوب الحكومات التانية؟؟!
وبعدين برضه في ناس تلقاها درست..وعاشت في مصر بالسنين..تجي تقول ليك والله بكره المصريين علشان اليوم داك واحد قال لينا يابرابره..ولا علشان صاحب الشقه قال ليهم اطلعوا من بيتي علشان شهور ما دفعوا الايجار..يسيب ليكم جقه يعني علشان تنبسطوا! طيب مالهم البرابره؟؟ ولو البرابرة عيب..يبقي تحكم علي شعب بحاله بإنه سخيف علشان فيهم ناس سخيفين؟؟ يعني اسه احنا السودانيين ديل..حاجة عدلة خالص؟؟ مافينا الكويسين وفينا المتنيلين علي عينهم ومليانين يلاوي!
بنحبك يا أم الدنيا..
مافي قلب نخته؟؟
| |
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Tabaldina)
|
Quote: والله يا كمال الشادى اوفيت وكفيت .. ياخى بلد ورد اسمها فى القران .. وهم نازلين فيها كل شهر .. ياخى الفول المصرى ذكره المولى ناهيك عن الانبياء والرسل والاحاديث.. وبعد دا الناس تكرهم فى شنو !!؟؟
_________
تحيا مصر .. انا معاك ومع منى وعمر |
حبابك يا تبلدينا..
رغم إنك معفص لصاحب البوست زاتو..
| |
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: كمال الشادي)
|
Quote: وانا اشهد يا سيد الدكان إنك فتحت الدكان ده قبل المباراة وما ليهو علاقة بالصفارة والفانلة لكن الايام دي مشاعر الناس حارة ومتناقضة والدعوة لحب المصريين الايام دي يا مصطفي يا أخوي دعوة خطيرة فأعمل حسابك |
وأنا أعتز بشهادتك..وأسأل الله أن يقدرني على جزاك
بمزيد من الحب والتقدير..
أنا ما عارف أودي وشي وين من جمايلك يا كمال أخوي..
عليك الله البوست دا أبقى عليهو عشرة..
إن شاء الله حتى (عشرة بلدي) زاتو..
لك المحبة الخالصة..
| |
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Mahmoud Mustafa Mahmoud)
|
يا سيد الدكان الاخ الكريم محمود
اقترح تروق شوية خلي مبارة الفريق المصري في الخرطوم تنتي اليوم الاربعاء وسواء كان الفريق المصري فائز والله لا مشاعر الناس راح تكون متقلبة جداً والكلام المنطقي ما بينفع مع ناس منفعلة الم يقل الرسول صلى الله عليه وسلم للرجل الذي قال له انصحني ( لا تغضب )
خلي حالة الغضب دي تنتهي وبعدين نرجع نكلم الناس بهدوء ونوريهم عيوبهم الحقيقية في التعامل مع المصريين وغير المصريين
وسبحان الله والحمد لله والله اكبر
| |
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Tabaldina)
|
حديث المدينة.. عثمان ميرغني
Quote: مصرُ يا أخت بلادي .. يا شقيقة ..!!
رغم أن دولة الجزائر.. أيضاً شقيقة.. ونعتز بها وبشعبها الذي صنع التحرر بنهر من الدماء .. وضرب مثلاً للشعوب كيف تشتري كرامتها بأروح أبنائها.. إلاّ أن إخوتنا في الجزائر سيعذروننا من الآن .. وحتى نهاية التسعين دقيقة يوم الأربعاء القادم.. لأنه وبصراحة عندما تكون مصر في الكفة الأخرى.. فإننا نعجز عن فهم أننا شيء آخر غير مصر.. في مثل هذه المواقف تنهار الحدود السياسية.. وتذوب المسميات والحروف.. عندما اختار المصريون السودان، ليكون ميدان المعركة في حال تعادل النتيجة بالقاهرة.. كانوا يعلمون جيداً أن الإنتقال من مباراة في استاد القاهرة إلى مباراة ثانية في الخرطوم.. كالإنتقال من مدينة نصر إلى العباسية.. لن تفقد مصر لا الأرض ولا الجمهور.. الأرض هنا في السودان مصرية.. وكذلك الجمهور.. لا السودان أرض محايدة.. ولا السودانيين محايدين ..عندما تكون مصر طرفاً في مباراة .. مصر ليست مجرد (جارة الوادي) على رأي أغنية فيروز.. ولا هي مجرد (العلاقات التاريخية والأزلية) على رأي البيانات الرسمية – الباردة - التي تُطلق في المؤتمرات الصحفية.. لكن بالحساب المجرد.. مئات الآلاف من السودانيين الذين يعملون في مختلف المجلات هم من خريجي إمّا الجامعات المصرية في مصر.. أو المصرية في السودان.. علاقة جذورها ضاربة منذ الدولة السنارية والقسم الخاص لطلاب السودان الذي أُطلق عليه (رواق السنارية) ولا يزال في الأزهر.. وليست مجرَّد مباراة في كرة القدم.. عندما حاربت مصر إسرائيل .. لم يكتف السودان بإرسال كتائب تحارب كتفاً بكتف في بلدهم الثاني.. بل كانت شوارع الخرطوم تموج بالمسيرات والمظاهرات.. كأنِّي بالمعارك تجري في ضواحي الخرطوم.. ليس مطلوباً يوم الأربعاء أن نجلس لنتفرج على منتخبنا المصري في معركته التاريخية.. المطلوب أن يمتلئ الإستاد وحتى الشوارع المحيطة به بالمشجعين.. أو نسد الأفق بأعلام مصر والسودان.. وأن لا يخرج المنتخب المصري من الإستاد إلاّ على أعناق النصر الصاعد إلى جنوب أفريقيا.. فعندما اختارت مصر أن تلعب في السودان.. كانت تدرك أن جمهور السودان لا يشجع مصر بالوكالة عن جمهور مصر.. بل بالأصالة عن نفسه.. هي ليست مجرد مباراة في كرة القدم.. بل فرصة لبث رسالة أثيرية عابرة لبروتكولات الدبلوماسية..رسالة للسادة والساسة في البلدين.. أن العلاقات المصرية السودانية فوق اللجان الوزارية العليا.. وفوق السفارات .. وفوق البعثات الدبلوماسية.. وأنه لو تُرك الشعبان بلا وساطة الساسة فإنهما كالنيل لا يفصل بين مائه في السودان وفي مصر إلاّ الحدود الوهمية.. أتمنى أن نجتهد جميعاً يوم المعركة الكبرى.. وشكراً للظروف التي أتاحت لنا ذلك.. شكراً لأشقائنا في الجزائر الذين أتاحوا لنا فرصة التعبير عن "مصر" فيناا.. |
دي نظام رفعة وجايين برواقة بعد هدوء العاصفة..على قولك يا كمال أخوي
| |
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: عاطف عبدون)
|
سيد الحوش الكبير وسيد الدكان الاخ محمود الاخ العزيز عاطف عبدون
والله لي كم يوم اخش اقرأ القا ما في زيادة اقول خليها شوية لاني شايف إنو الجو بتاع الكورة إنتهى بس تداعياتو لسه مولعة بل زايدة مشاكل بين الحكومات وإستدعاء سفراء وبرامج تلفزيونية وشغلانة الله يستر علينا خلو الجوطة تخلص وبعدين نرجع لي دكانا تاني مع التحية
| |
|
|
|
|
|
|
Re: تعالوا نحب مصر والمصريين... لا داعي للمشاعر السالبة (Re: Muna Khugali)
|
سلام وكل سنة وإنتو طيبيييييييييييين وتامين ولامين...
حا أتوكل على الله وأرفع البوست دا... عندنا مهاجمين طوال القامة وأصحاب رؤوس ذهبية..زي كمال الشادي ومنى خوجلي
أكيد واحد فيهم حا يجيب قون من الرفعة دي..
هلموا يا أنصار البوست وأعدائه..
فلن نبذل لكم غير مزيد من الحب والتمسك بمبادئ البوست وفكرته..
صادق مودتي وتقديري..
| |
|
|
|
|
|
|
|