|
|
 من هو الإنسان ؟
|
يوم الثلاثاء القادم في تمام الساعة الثامنة مساءً يقيم منتدي دال الثقافي محاضرة بعنوان من هو الإنسان ؟
|
|
 
|
|
|
|
|
|
|
|
Re: من هو الإنسان ؟ (Re: Hussein Mallasi)
|
مفكر سوداني مستقل يقدم محاضرات عن مواضيع فكرية مختلفة...إتصلت به ليمدني بسيرته الذاتية فكان رده أن الإنسان لا يذكي نفسه ...وطالما أن لديه فكرة محددة عن ماهية الإنسان فلذلك خامرني شعور عن أن ذلك ربما مايجب ان يكون عليه الإنسان
| |
|
|
|
|
|
|
|
|
|
Re: من هو الإنسان ؟ (Re: عمر عشاري)
|
مفكر سوداني مستقل يقدم محاضرات عن مواضيع فكرية مختلفة...إتصلت به ليمدني بسيرته الذاتية فكان رده أن الإنسان لا يذكي نفسه ...وطالما أن لديه فكرة محددة عن ماهية الإنسان فلذلك خامرني شعور عن أن ذلك ربما مايجب ان يكون عليه الإنسان
ليس المرادُ من الكشفِ الصحيح سوى **** عـلمٍ يـحصلهُ وهــمٌ وأراءُ
إن الـذين لــهم عـلمٌ ومـعرفـةٌ **** قتلى وهم عند أهلِ الكشفِ أحياءُ
ابن عربي
| |
|
|
|
|
|
|
|
|
|
Re: من هو الإنسان ؟ (Re: Hussein Mallasi)
|
حسين يبدو أنني وقعت في شر أعمالي ذلك أني ضحكت كثيرا في تصحيحك لأحد المتداخلين قبل أيام في كلمة ما
هذايجعلني واثقا من أن الخطأ الإملائي قد يحدث صدفة ...علي كل حال الرجل رفض أن يعرف أو يقدم وسألني هل المهم
من قال أو ماذا قيل ؟
| |
|
|
|
|
|
|
|
|
|
Re: من هو الإنسان ؟ (Re: Hussein Mallasi)
|
| Quote: قل له إن من قال لا تقل أهمية عن ماذا قيل. |
ملاسي
تعال لي بأمثلة لناس ممكن نمشي ليهم نسمعهم بس عشان هم منو ؟
إنت بالذات
ياعزيزي
ألم تكن قريبا من دعاة التحرر من الأسماء والأوزان التاريخية
وماخليت سقف رمزي في المنبر ماقديتو
| |
|
|
|
|
|
|
|
|
|
Re: من هو الإنسان ؟ (Re: Hussein Mallasi)
|
| Quote: تعال لي بأمثلة لناس ممكن نمشي ليهم نسمعهم بس عشان هم منو ؟ |
الصواب: تعال لي بأمثلة لناس ممكن الناس تمشي ليهم تسمعهم بس عشان هم منو ؟
و هم دون ترتيب أو حصر:
الشفيع خضر .. راشد دياب .. حيدر إبراهيم .. صلاح المر
.. مصطفى سيد أحمد .. القدال .. ناهد محمد الحسن .. الخ
| |
|
|
|
|
|
|
|
|
|
Re: من هو الإنسان ؟ (Re: عمر عشاري)
|
بعدين مافي مانع الناس تسمع زول تصدي لمسألة زي دي وبعدين نقيم...المهم أنا كنت حريص أدعو الأصدقاء في سودانيز أون لاين علي قلة الفرص ...
أستاذ القدال وعدنا بأننا سنستمع إلي متحدث لا يُمله الناس ولو تحدث الساعات الطوال ...نهاية المحاضرة ستشهد نقاشاً مفتوحا عن الموضوع
| |
|
|
|
|
|
|
|
|
|
Re: من هو الإنسان ؟ (Re: Emad Abdulla)
|
عماد...
الله يوصل ويوفق ويحفظ...
ويهدي اللواعج...هههههههها...
الحال من بعضو...
اعتقدانه اذا انطلق التعريف من كون الإنسان احد كائنات الطبيعة...واستمر الموضوع لمناقشة علاقة هذا الكائن ببقية الكائنات ففي نظري ان الصحيح -ما هو...
اما اذا دلف الموضوع الي مناقشة احوال الأنسان(السلوك- المعتقدات-المعائش-الخ.... ف - من هو -تكون اوقع.
والله اعلم.
| |
|
|
|
|
|
|
|
|
 Re: من هو الإنسان ؟ (Re: Awadallah Bashir)
|
قلتو لي مختلفين في (ما هو الانسان؟؟) ولا ( من هو الانسان ؟؟) ... فعلا حاجه تحير ..!!!
وقلت لي محاضره وكده , و20 بطاقه , لي ناس سودانيز اونلاين دوت كووووم ؟؟؟؟
والله يا ناس دال ايامكم عدييييييييييل كده .. (اذا شبعتم تفلسفتم) لووول ...
---------------------------
عشاري , اكتب في باب البوست (ممنوع الدخول لغير العاملين) لووول..
| |
|
|
|
|
|
|
|
|
 Re: من هو الإنسان ؟ (Re: Awadallah Bashir)
|
ــــ
من هو الإنسان ؟
شكراً الأخ عمر فحقيقة موضوع جميل يستحق المتابعة وأقل ما يكون عبر البوست فأتمني ملخص للندوة .
ـــ
الملاحظة الاولي :
الإنسان نفسه يريد أن يعرف أو يعرّف نفسه , لذا أعتبر اللغة سوف تكون الركيزة الأساسية في التعريف , أو في الإجابة علي السؤال .
| |
|
|
|
|
|
|
|
|
|
Re: من هو الإنسان ؟ (Re: emad altaib)
|
| Quote: فأتمني ملخص للندوة . |
او ياريت تسجيل
و كان في المستقبل يا ناس دال عملتو ليكم كاميرا و جبتونا البالتوك Paltalk نسمع تكونو ما قصرتو
عشان العشرين ديل يبقو الفين :)
شكرا للدعوة و التنوية يا عمر
| |
|
|
|
|
|
|
|
|
|
Re: من هو الإنسان ؟ (Re: Awadallah Bashir)
|
هسه أنا جبت سيرة الحال ؟ .. يحلحل ضريساتك .
......
الشي التاني .. شغلة المسغفاتية حقت الصيرورة و الكينونة و الماهية و و و و كررررر كل الشيلة المستحمية دي قاعدة تنرفزني ياخي ..
الراس زاتو بقى مافيهو فرقة لجنس المدافرة دي .
نقة أمبارح كانت سمحة على رغم مرقنا منها كيتي ساكت .
قدر ما حكيناها ما جابت مريسة تامزين .. و التصميم عصلج و عنقد .
قمنا رجعنا لعلامة الاستفهام المحاوطة بالأسود ..
: ( غموض جوه عتمة )
هسه بعد محاضرة شيخنا ده مؤكد ما ح نطلع إلا بمزيد من النفاجات الجديدة و شوالات الإستفهام عن هذا الود ابن آدم .
......
ح يبقى مقلب يا عمر لو لقينا إجابة من هو الإنسان !!
| |
|
|
|
|
|
|
|
|
|
Re: من هو الإنسان ؟ (Re: Emad Abdulla)
|
يا عماد ...
ماهو الأنسان الذي غادر اليوم الساعة 12 وخلا ليك الاولاد في البيت واول حرمو حليفة؟
بكرة من العصر تجي ... عندك شنو؟
تعال نرص الكراسي...
ههههههههههههههههههههههههههههههههههابس.
من؟؟؟؟؟؟؟؟؟؟ هو...
| |
|
|
|
|
|
|
|
|
 Re: من هو الإنسان ؟ (Re: Emad Abdulla)
|
اجب عن السؤال التالي (لو بتقدر) (واتحداك تقدر) لووول :
ماهو الرابط المشترك الاعظم بين عوض الله بشير من (10 يوم كده) وبين
عماد عبدالله من (الليله العصر) ؟؟؟؟؟
ترسل الاجابات في مظروف مغلق الى مؤسسه دال الفكريه وسوف
يتولى فتح المزاريف اخوكم في الله (اووووومر اوشاري) ..لووول ..
| |
|
|
|
|
|
|
|
|
|
Re: من هو الإنسان ؟ (Re: Emad Abdulla)
|
يااا عشارى !
بضرب ليك لى ساعة .. يبدو انو تلفونك دا نهارى بس !
ما ترد .
ــــــــــــــ
يا حسين هسه انت ما بتقدر تقول لينا من هو الانسان .؟ ونخلص
زكرنى قالوا الحصه تسميع من طرف وجلد ..والتلميذ ضارب اللخمة
الاستاذ قال لى سممع سورة الناس .. قال لى ناس منو ؟
| |
|
|
|
|
|
|
|
|
 Re: من هو الإنسان ؟ (Re: دينا خالد)
|
دندونه ... وين يا بت ...
والله مشتاقين عديييييييييييل ...
عليك الله اوووومر اوشااااااااري دا بتخسري فيهو رصيد ؟؟؟ ياخ مسكلي مسكلي بس بيضرب ليك من الثابت داك ..
--------------
عليك الله اظهري .. ما تغتسي ياخ .
| |
|
|
|
|
|
|
|
|
|
Re: من هو الإنسان ؟ (Re: Emad Abdulla)
|
الليلة البوست ده بس امي مسافرة وهعمل حفلة..
في انتظار عشاري..
اعتقد انو الانسان عبارة عن ظروف بتعدي ما تهتمو للايام...
يا دكتورة..
الرابط اننا نحن الاتنين عندنا حمار النوم...
بس اخونا عماد ساكن في الطابق التالت..
| |
|
|
|
|
|
|
|
|
|
Re: من هو الإنسان ؟ (Re: Awadallah Bashir)
|
التحية لأي إنسان قدم مداخلة في هذا البوست
أعتقد إنو شنو هو الإنسان
أحسن من ما ومن ولا شنو ؟
والله بفتكر إنها حتكون ليلة جميلة
دينا خالد سلامات
الدوام في البلد دي نهايتو 4
حأكتب ليك بطاقة دعوة بإسمك في الباب
شرف ماساهل
داليا كباشي ممكن أسلم بطاقتك لعماد او عوض الله
إختاري؟
| |
|
|
|
|
|
|
|
|
|
Re: من هو الإنسان ؟ (Re: عمر عشاري)
|
رحاب خليفة
سلامات
كنا بنتمني نسجل لكن المتحدث رفض ذلك
والله الزول دة شوقنا نسمع حكاية الإنسان العجيب دة
كنا بنتمني تكوني حاضرة
والمحاضرات الجاية بنسجلها إن شاء الله
| |
|
|
|
|
|
|
|
|
|
Re: من هو الإنسان ؟ (Re: Hussein Mallasi)
|
Quote: ماهو الرابط المشترك الاعظم بين عوض الله بشير من
(10 يوم كده) وبين عماد عبدالله من (الليله العصر) ؟؟؟؟؟ |
عماد و عوض الله .. الحظ دا بتلقوهو وين 
_____
مصدري الصحف كيلا
تذهب بكما الظنون
| |
|
|
|
|
|
|
|
|
|
Re: من هو الإنسان ؟ (Re: Hussein Mallasi)
|
حسين الحبيب..
انا خايف الراجل ده يشرنا بكرة..
عنوانو ده بفزز...
دعوة خاصة..
توجد بطاقات للدخول في نادي القلوب الوحيدة...
بطرف ...نادية عابد.
تقدر تنضم؟؟؟؟؟
| |
|
|
|
|
|
|
|
|
|
Re: من هو الإنسان ؟ (Re: عمر عشاري)
|
Quote: سيدفعني الفضل للحرص على الحضور ..
فكتم السيرة الذاتية و منع التسجيل أشياء غير معتادة. |
لعلك تقصد الفضول
_____
عزاز مركبة مكنة ملاسي+الحبشي
| |
|
|
|
|
|
|
|
|
|
Re: من هو الإنسان ؟ (Re: Ibrahim Algrefwi)
|
| Quote: فعلاً .. فمن الوارد أن تسقط الواو .. و من الفادح أن تتحول التزكية لتذكية. |
ملاسي
والله خطأ يحتاج للمراجعة مافي شك
لكن ياصحبي الفاجع حقاً وليس الفادح
تعليقك علي قصة حمور
كنت قايلك كاواي ساي ...لكن إكتشفت إنك ظلامي
مشاكل الحروف دي لو سلمنا إنها ماجات صدفة هينة بتتصلح
لكن منهج التفكير دة بنصلح كيفن ؟
معقولة تفكيرك وتفكير ناس المجلس حاجة واحدة( وش ضاحك برثاء )
| |
|
|
|
|
|
|
|
|
|
Re: من هو الإنسان ؟ (Re: عمر عشاري)
|
سلامات يا عمر والمتداخلين
| Quote: كنا بنتمني نسجل لكن المتحدث رفض ذلك |
هل زولكم المتحدث ده عندو كتاب جاي في السكة او بحث وخايف من التسجيل عشان السرقات الفكرية ؟؟ ولا عدم التسجيل لانو الورقة المقدمها لا تزال موضع شك عندو وخايف من الضبط بالثابتة ؟؟
عارف مخيفة جدا حكاية رفض التسجيل دي ...
| |
|
|
|
|
|
|
|
|
|
Re: من هو الإنسان ؟ (Re: Siddig A. Omer)
|
سلامات
المتداخلين وكل إنسان حايم في هذه البلد غير معروف وغير معرف وحقوقه مهضومة
التسجيل لو بقي قاسي ...الناس الحاضرة من سودانيز اون لاين ممكن تجي تطرح الموضوع للنقاش تاني يوم
حماسي يمضي بصورة متصاعدة فيما يخص المتحدث
عرفه عدد مقدر من الناس واجمعوا بانه متحدث في حضرته المتعة الذهنية مضمونة
وإختلف بعضهم في وصفه
هل هو مثقف ام مفكر ؟
| |
|
|
|
|
|
|
|
|
|
Re: من هو الإنسان ؟ (Re: Hussein Mallasi)
|
Quote: عماد و عوض الله .. الحظ دا بتلقوهو وين
Hussein |
يا زول؟؟
تقدر تقول الكلام ده في التحقيق؟ 
lol
----------
مشكور يا عمر
----------
يا ريهان نقطة مهمه، مع انه الداير يسرق الفكره، ما لازمه تسجيل، الحضور كفايه، مع انه الحضور محدود
انا ما مستغربة في رفضه للتسجيل، لانه ده من حقة و حتي من غير سبب، المستغربه ليه رفضه اعطاء خلفية
عنه، و حتي لو بسيطة، يعني قبل اتكلم في شنو مثلا؟ موضوعاته الكاتب عنها و هكذا
| |
|
|
|
|
|
|
|
|
|
Re: من هو الإنسان ؟ (Re: Hussein Mallasi)
|
| Quote: ما يثير الرثاء حقاً - يا عشاري - مفهومك المراهق للثقافة و الطفولي للنضال. |
التعريف بالمتحدث خصوصا ان كان مغمورا مطلوب وبشدة ,
لنفرض ان متحدثكم هذا الذي (زكاه) لكم شخص معروف قد اتضح لاحقا انه دون المستوي المطلوب
هل ستشرب من البحر حينئذ ؟؟
| |
|
|
|
|
|
|
|
|
|
Re: من هو الإنسان ؟ (Re: Faisal Elrasheed)
|
| Quote: ما يثير الرثاء حقاً - يا عشاري - مفهومك المراهق للثقافة و الطفولي للنضال |
ملاسي
يازول إنت جنيت ...هسة الجاب سيرة النضال منو؟
يعلم الله وكل من ليس في رأسه بطحة إنو أخوك أصلو ماقال نضال ولا ناشط ولا أي حاجة زي دي
لكن شكلو الموضوع معشعش في راسك وداير تقولو بس
اللهم لانسألك رد القضاء ...لكن نسألك اللطف فيه شوية كدة بس
يعني بس عشان بتحب الكلام الشكلو لذيذ كدة ( المراهق للثقافة والطفولي للنضال ) تقوم ترعي بقيدك سااااي كدة
خلاص مادام النظام في المنبر كدة تتخيل حاجات وتنتقدها عشان السجع والكلام الظريف
فأنا بقول ليك مايستحق الرثاء ياحسين فعلا هو :-
رايك الخيالي في الجمال
والبيئي ....في الغبار
والغذائي ....في الشمار
والبيطري.... في الحمار
ياحسين ياخ ركز ...ركز
بعدين حتي في موضوع ( المراهق للثقافة )
يعني أي زول في المنبر شايف إنو القصة ضرورية لماتخدمه من أغراض مراهق ثقافيا
وإنتو الشايفين القصة تخدش البتاع العام دة من عتاة المثقفين الذين تقررون للشعب مايخدش بتاعه
( وش فاضي ساي )
| |
|
|
|
|
|
|
|
|
|
Re: من هو الإنسان ؟ (Re: عمر عشاري)
|
Quote: التعريف بالمتحدث خصوصا ان كان مغمورا مطلوب وبشدة ,
لنفرض ان متحدثكم هذا الذي (زكاه) لكم شخص معروف قد اتضح لاحقا انه دون المستوي المطلوب
هل ستشرب من البحر حينئذ ؟؟ |
كدي يافيصل ياأخوي مانسبق الأحداث الزول ده ( زكوهو) ناس كتاااار
بعدين ليه أشرب من البحر لو طلع دون المستوي ...بكون عادي بشرب من التلاجة بتاعتنا وبنوم طوالي وتاني مابجيبو ...عادي جدا
بعدين شايفك يافيصل كاتب ( زكاه ) بين قوسين قلت شكلها تعريض تعريض كدة
ولذلك أتمني أن تكون قد عرفت الفرق بين ( معرفة ) و( ومعرفت )
راجع مداخلتك في بوست ( كاتبي المفضل في الصحف )والتي قام بتصحيحها لك نفس الزول المتعب -ملاسي-
والله ضحكت بشدة وأنا أراجع المداخلة ودهمتني مجموعة من الأمثال فيما يخص تعريضك بخطأي الإملائي
مثلا ( أب سنينة يضحك علي أب سنينتين ) طبعا انا أب سنينتين لأنو خطاك نادر شوية كدة
البيتو من قزاز مابجدع وحاجات زي دي كدة
والله ماشفت في حياتي شعب ذاكرتوا مثقوبة كهذا الشعب...ياخ توبيخ ملاسي دة كان قرييييب شديد
كان زكاه بين قوسين ماعارف
| |
|
|
|
|
|
|
|
|
|
Re: من هو الإنسان ؟ (Re: عمر عشاري)
|
عارف .. لما تكون جوه القبر بتحفر .. و تعبت خلااااااااص ..
بتكون داير ليك زول من الواقفين يحس على دمو و يقول ليك : ( آجِر و صلي ) ..
أقولا ليك يا عمر ؟؟
| |
|
|
|
|
|
|
|
|
 Re: من هو الإنسان ؟ (Re: Emad Abdulla)
|
سلام أستاذ عشاري..
Quote: سيدفعني الفضل للحرص على الحضور .. فكتم السيرة الذاتية و منع التسجيل أشياء غير معتادة.
بالاضافه للموضوع الأصلي..من هو الانسان.. |
علي كل حال يمكنكم كتابة ما يقول لنقرأه هنا ونستفيد باذن الله..
تحياتي ..
| |
|
|
|
|
|
|
|
|
|
Re: من هو الإنسان ؟ (Re: Muna Khugali)
|
أستاذة مني
تحياتي وإحترامي
قمت بمحاولات جادة لتقديم مقدمة عن المتحدث
دائما كان يردني بان ذلك موضوع غير مهم
حاولت ان أسأل عنه الناس
فتحصلت علي معلومات ناقصة
من ذلك أن جمال الخبير كان قد قبل في كلية الطب جامعة الخرطوم وخلال 6 أشهر قام بقراءة كل مايجب أن يعرفه حتي السنة السادسة
وتوصل لقرار أنه لايرغب في مواصلة دراسة الطب
علمت أيضا انه يحفظ القران بطريقة مذهلة
يمكنه مثلا أن يخبرك بعدد حروف أي آية في أي صورة في المصحف الشريف
الذاكرة التصويرية التي يمتلكها مذهلة
أكثر من ستة أشخاص أخبروني أن الرجل حديثه ممتع ومفيد وان المحاضرة لاشك ستكون جميلة
| |
|
|
|
|
|
|
|
|
|
Re: من هو الإنسان ؟ (Re: عمر عشاري)
|
سلام تاني..
Quote: علمت أيضا انه يحفظ القران بطريقة مذهلة
يمكنه مثلا أن يخبرك بعدد حروف أي آية في أي صورة في المصحف الشريف
الذاكرة التصويرية التي يمتلكها مذهلة
أكثر من ستة أشخاص أخبروني أن الرجل حديثه ممتع ومفيد وان المحاضرة لاشك ستكون جميلة |
لو صح هذا الحديث فانتم قطعا امام ظاهرة مشوقة ..خسارة ما بنقدر نحضر..
بالتوفيق ومجهودك مقدر جدا..
| |
|
|
|
|
|
|
|
|
|
Re: من هو الإنسان ؟ (Re: Muna Khugali)
|
Quote:
من ذلك أن جمال الخبير كان قد قبل في كلية الطب جامعة الخرطوم وخلال 6 أشهر قام بقراءة
كل مايجب أن يعرفه حتي السنة السادسة وتوصل لقرار أنه لايرغب في مواصلة دراسة الطب |
عدم إكمال الدراسة الجامعية سبب مقنع لكتمان السيرة الذاتية .. شكراً.
| |
|
|
|
|
|
|
|
|
|
Re: من هو الإنسان ؟ (Re: Hussein Mallasi)
|
| Quote: يا زول؟؟ تقدر تقول الكلام ده في التحقيق؟ |
تهديد يماثل حكم محكمة النظام العام.
| Quote: طبعا انت كنت حريص يا حسين و ما قلت الحظ ده كويس ولا بطال |
مخارجة تماثل دفع تيتاوي للغرامة.
____
| |
|
|
|
|
|
|
|
|
|
Re: من هو الإنسان ؟ (Re: Muna Khugali)
|
عشاري (بتفطني) في الرد مالك..؟؟
مبدئيا كده المدام ما جاياه ذاااته
تاني حاجه
عافص الابنص كده مالك يا مان
بتفوت (الطاره) بالصوره دي..
_________________
كدي فطني المرة دي
شان اجيب معاي اتنين مجانين
ونفرتك ليك الندوه دي
| |
|
|
|
|
|
|
|
|
|
Re: من هو الإنسان ؟ (Re: naeem ali)
|
Quote: عشاري (بتفطني) في الرد مالك..؟؟
مبدئيا كده المدام ما جاياه ذاااته
تاني حاجه
عافص الابنص كده مالك يا مان
بتفوت (الطاره) بالصوره دي..
_________________
كدي فطني المرة دي
شان اجيب معاي اتنين مجانين
ونفرتك ليك الندوه دي |
النعيم ياصحبي
أفطك كيف ياحبيب
لكن حسين دة بخليك تتفاهم مع زول
ماعافص الأبنص ولاحاجة
والله بس إختلاف آراء لايفسد للود قضية
شعاري كبرلوم في المنبر
الطارة مابتفوت معاك معلم
أوعك تجيب بدل فاقد خليك مخلص
تعال بدري
| |
|
|
|
|
|
|
|
|
|
Re: من هو الإنسان ؟ (Re: عمر عشاري)
|
الأخ عشاري
سلامات
بالله بلغ سلامنا الكتير للإسطورة جمال..فقد كنت من الحاضرين لكثير من جلساته..فهو شخص يتحدث عن أي
شئ..وله مقدرة علي ذكر آيات القرآن بأرقامها وفي كثير من الأحيان صفحتها بالمصحف..
انه رجل يعشق النسبية والقرآن..
وله اشراقات كثيرة في التفسير العقلاني للقرآن، ودوما كنت أحثه علي الكتابة..ولكن له فيها تحفظات أتمني أن
يكون قد تجاوزها..
ان أردت المتعة والإندهاش..فأحضر محاضرته، ولكن فلتكن كل حواسك تعمل في ذات اللحظة..فانه يذكرني بأفلام (بروس ويليس)..
| |
|
|
|
|
|
|
|
|
|
Re: من هو الإنسان ؟ (Re: naeem ali)
|
الاخ ملاسي
بعيدا عن موضوع المحاضرة ارجو ان تعيد صورتك السابقة للبروفايل فقد ارتبطت لفترة طويلة بشخصيتك وهى فى رأيئ افضل ربما يرى غيرى غير ذلك ولكنه مجرد رأئ أرجو أن يجد قبولا
الأخ عشارى
أرجو أن توفق فى مسعاك للإعداد للمحاضرة والتى أرجو أن تأتى اكلها
لكليكما مودة لا تحدها حدود
أخوكم و زميلكم
أسامة صديق
| |
|
|
|
|
|
|
|
|
 Re: من هو الإنسان ؟ (Re: Osama Siddig)
|
Quote: كنا بنتمني نسجل لكن المتحدث رفض ذلك
|
طيب الإعلان فوق شنو؟
يا عزيزي عشاري ، كان لا يجب أن تنصاعوا وراء رغبته في جعل مثل هذا الشئ يناقش فقط عبر صالون مغلق!
أخخخخ، عالم تحب اللت والعجن فوق الثقافة الشفاهية دي بصورة عجيبة!
وبكرة يقولوا ليك الشعب السوداني عندو زهايمر وذاكرتو زي السمكة والخ من التنظيرات الفارغة
والسبب المباشر فيها...الناس المنقطاها دي زاتها...لا أقصد المتحدث ، لكن أتابع هنا أعظم مخترعي ومبتكري
العالم، يسجلون طواعية...ما يسمى ب أفكار تستحق الإنتشار/النشر
في موقع تيد: أفكار تستحق النشر، لا تفوتكم الفرصة...Ted.Com
هو باقي ليك مكاننا الفيهو أنحنا أسع ده، جاي من فراغ؟
المهم...
| |
|
|
|
|
|
|
|
|
|
Re: من هو الإنسان ؟ (Re: Tabaldina)
|
..
.
| Quote: الليلة لا بأس بها .. كاد أن يفسدها تحذلق - معظم - المعقبين. |
بالمناسبة ما وريتونا اجابة من هو الإنسان !!؟
__________
نسيت اسال منتدى دال دا _ ثابت _ اسبوعياً
ولا حسب توفر المتحدثين
| |
|
|
|
|
|
|
|
|
|
Re: من هو الإنسان ؟ (Re: Hussein Mallasi)
|
| Quote: الليلة لا بأس بها .. كاد أن يفسدها تحذلق - معظم - المعقبين. |
الله اكبر
براءة يعني ياحسين
والله الليلة كانت مميزة عديل
لكن لابأس بها حقتك مابطالة
كونك ذاتو تثني علي حاجة دة خبر ماساهل
| |
|
|
|
|
|
|
|
|
|
Re: من هو الإنسان ؟ (Re: عمر عشاري)
|
| Quote: والله الليلة كانت مميزة عديل |
وصلنا عكس ذلك ...!!!
-----------------------------
دلوش مركبه مكنه ملاسي ... لوووووووول
---------------
حكايه الصور البي الابيض والاسود دي شنو ؟؟؟؟؟
| |
|
|
|
|
|
|
|
|
|
Re: من هو الإنسان ؟ (Re: داليا الكباشى)
|
Quote: وصلنا عكس ذلك ...!!!
|
داليا كباشي صباحك خير
ياخ ملاسي ذااااتو ما إنتقد الندوة ...
أقول ليك حاجة بصراحة
كانت مثيرة للجدل
حاجة كدة زي قصة حمور زيادة
ناس شافوها ( مثيرة فكريا ) وكان فيها عصف فكري كدة
وناس شافوا إنو المحاضرة ممتعة لكن المحاضر ماقدم إجابات
لكن غالبية الناس إتفقوا إنها ضرورية لأنها فتحت باب الأسئلة وأخرجت الناس من خمول ذهني فيما يخص هذا الجانب من الموضوعات
| |
|
|
|
|
|
|
|
|
|
Re: من هو الإنسان ؟ (Re: عمر عشاري)
|
| Quote: لأنها فتحت باب الأسئلة وأخرجت الناس من خمول ذهني فيما يخص هذا الجانب من الموضوعات |
اللي هي شنو الموضوعات دي ...؟؟؟؟
---------------
لسه مركبه نفس المكنه ..لوووول
| |
|
|
|
|
|
|
|
|
|
Re: من هو الإنسان ؟ (Re: داليا الكباشى)
|
Quote: اللي هي شنو الموضوعات دي ...؟؟؟؟
---------------
لسه مركبه نفس المكنه ..لوووول |
داليا
مرات بتكون مكنة كويسة عشان الناس ماتجي تجدع كلام ساي وتمشي
موضوعات زي :-
التنقيب في النفس الإنسانية
تعريف الإستخلاف
دلالات اللغة المستخدمة في القرآن
أمبارح الزول دة شرح - ومالدنيا إلا متاع الغرور - بطريقة ادهشتني وخلتني أفكر في موضوع اللغة دة لحدي مانمت
حضرت معانا وزيرة الدولة بالبيئة-
وسألت المحاضر
عن كيف يعرف الإنسان الغير معتقد في أي ديانة؟
فجأة إنتبهت إننا في القاعة كلنا مسلمين والموضوع كان داير بشكل رئيسي في فلك القرآن
| |
|
|
|
|
|
|
|
|
|
Re: من هو الإنسان ؟ (Re: عمر عشاري)
|
اخوي عشاري طش باسويرد..
سلامتك..يا عشرة..
كلفني بتصحيح جزء الآية الكريمة..(وما الحياة الدنيا الا متاع الغرور)
قبل دخول ملاسي او من يركب مكنته
ولزم التنويه.
| |
|
|
|
|
|
|
|
|
|
Re: من هو الإنسان ؟ (Re: عمر عشاري)
|
ـــــ
من أول شن قلنا .. قلنا
الملاحظة الأولي :
الإنسان نفسه يريد أن يعرف أو يعرّف نفسه , لذا أعتبر اللغة سوف تكون الركيزة الأساسية في التعريف , أو في الإجابة علي السؤال .
Quote: دلالات اللغة المستخدمة في القرآن
أمبارح الزول دة شرح - ومالدنيا إلا متاع الغرور - بطريقة ادهشتني وخلتني أفكر في موضوع اللغة دة لحدي مانمت
|
| |
|
|
|
|
|
|
|
|
|
Re: من هو الإنسان ؟ (Re: عمر عشاري)
|
المتحدث كان متدفق الافكار ..واثق من تحليلاتو واحصاءاتو ...اتي بروابط منطقية ومتسلسلة صب اغلبها في صور الاعجاز العلمي للقرآن الكريم..
الحديث في متن موضوع المحاضرة لم يكن مركزاً ... والآن يمكنني ان اسأل من هو جمال الخبير؟؟؟.
فنيات المخاطبة لم تكن مريحة...
السرعة في السرد ادت في اغلب الاحيان الي ضياع خيوط الربط بين المفاهيم..
مواضع العلو والخفوت في صوت المتحدث (dynamics(لم تكن ايضاً موفقة .
الحديث كان مكتنزاً للدرجة التي يمكن ان تولدعشرات العناوين..
| |
|
|
|
|
|
|
|
|
|
Re: من هو الإنسان ؟ (Re: الملك)
|
عوض الله يا صاحب ...
بس اسي ما دايرين نقه ... الانسان طلع شنو في النهايه ؟؟؟ مش ياهو الزول ؟؟؟
--------------
اوعك تصرصر لي .. اسي بركب ليك مكنه ملاسي ...لوووول
----------
ناجي الملك مشتاقين ..
| |
|
|
|
|
|
|
|
|
|
Re: من هو الإنسان ؟ (Re: داليا الكباشى)
|
- العنوان كان مضللاً إذا ما قيس بمحتوى المحاضرة ..
- متن المحاضرة لم يكن متماسكاً .. عانى من تفكك خيوطها الإسترسال المحتشد بالمعادلات الذهنية و الرياضية و الإستدلالات .
- آحادية أداة التحليل التي قامت عليها استنتاجات المحاضر وقفت نفسها على زاوية رياضية القياس ، و أغفلت طرائق أخر و أدوات تقف خارج المنطق العقائدي المحدود .
- معظم الحيثيات لم تقد إلى إجابة ، و فتحت بذلك أبواباً للتأويل .
- للأستاذ جمال ذاكرة و قدرات حسابية مدهشة .
.....
و بقي السؤال عالقاً :
مَن هو الإنسان ؟؟
| |
|
|
|
|
|
|
|
|
|
Re: من هو الإنسان ؟ (Re: داليا الكباشى)
|
يا داليا ...
وينك انتي لاخبر لا اتر؟؟
انا اوريك الانسان شنو؟؟؟
مش صديق الموج ود عمي ده بعمل روابط اليومين ديل؟؟؟؟
مش بي مشاعر انسانية؟؟؟
يلا لو ما قعدتي ساكت بكلمو ليك ..يعمل ليك رابطة ربطة..
والله فيك سماحة رابطة ؟؟؟
| |
|
|
|
|
|
|
|
|
|
Re: من هو الإنسان ؟ (Re: Awadallah Bashir)
|
لفت نظري تعقيب شاب - أفتكر اسمو خالد غفور - باستثناء معظم المعقبين كان
كثير التهذيب؛ عبر عن وجهة نظرة بكلمات واضحة؛ مهذبة؛ و غير عدائية.
_____
ليست المرة الأولى التي تلفت نظري تعقيباته.
| |
|
|
|
|
|
|
|
|
|
Re: من هو الإنسان ؟ (Re: عمر عشاري)
|
و حتلقى نفسك عماد عبد الله ..
و حتلقى نفسك مايا ..
و حتلقى نفسك اسامة صديق ..
و حتلقى نفسك سامر حسن ..
... الخ ... الخ ..
_____
عشان كدا اوعك تستعمل الماسنجر لانو حتلقى نفسك في السهلة.
| |
|
|
|
|
|
|
|
|
|
Re: من هو الإنسان ؟ (Re: Hussein Mallasi)
|
| Quote: عشان كدا اوعك تستعمل الماسنجر لانو حتلقى نفسك في السهلة. |
عمر يا برلوم أسمع كلامي ملاسي دا وأمسك فيهو قوي
ـــــــ
والله كان نفسي أحضر المحاضرة دي بس تزامن موعدها مع إجتماع هام
| |
|
|
|
|
|
|
|
|
|
Re: من هو الإنسان ؟ (Re: عمر عشاري)
|
سلام يا عشارى,Quote: مرات القي نفسي عوض الله
مرات القي نفسي ملاسي المشكلة شنو؟ |
 المشكلة فى عوض الله,,
من هو الإنسان ؟؟؟
لا يزال السؤال قائما,,
حتى الآن جميع من حضروا المحاضرة ,,لا إجابات!!
ياأخوانا ما تورونا جمال الخبير قال ليكم شنو؟؟؟
فهمتو شنو منو,,
من هو الإنسان؟؟؟؟
تحياتى,,
| |
|
|
|
|
|
|
|
|
|
Re: من هو الإنسان ؟ (Re: أيمن الطيب)
|
..
.
غايتو يا أيمن انا اكتفيت
بتعليق صاحبنا عبدالله ..
Quote: و بقي السؤال عالقاً :
مَن هو الإنسان ؟؟ |
واجابة ملاسي ..
| Quote: خليفة الله فى الارض وكدا |
_______
الناس دى الظاهر الخبير
ومداخلات بعض المعقبين خلتهم لايصين
| |
|
|
|
|
|
|
|
|
|
Re: من هو الإنسان ؟ (Re: أيمن الطيب)
|
Quote: ياجماعة في حاجة غلط في الباسويرد دة
مرات القي نفسي عوض الله
مرات القي نفسي ملاسي
|
Quote:
حتلقى نفسك عماد عبد الله ..
و حتلقى نفسك مايا ..
و حتلقى نفسك اسامة صديق ..
و حتلقى نفسك سامر حسن ..
|
وomer osman
وابراهيم الرشيد وراق
ومحمد عبدالمنعم التلب
ومابعيد تلقي نفسك :
اوزون والا دقيق زادنا وفي رواية أخري زبادي كابو .....
| |
|
|
|
|
|
|
|
|
|
Re: من هو الإنسان ؟ (Re: أيمن الطيب)
|
Quote: ياجماعة في حاجة غلط في الباسويرد دة
مرات القي نفسي عوض الله
مرات القي نفسي ملاسي
المشكلة شنو؟ |
عمر يا اخوي ... المشكله ما في الباسويرد ..
المشكله في ...............
ولا اقول ليك ..اسمع كلامي وعدل وامسح مداخلتك دي ...
عشان تاني النت دا كان كتبوهو ليك كتابه ما بتخشو
قبل الساعه 4 لووووووول ...
| |
|
|
|
|
|
|
|
|
|
Re: من هو الإنسان ؟ (Re: أيمن الطيب)
|
عماد الطيب
والله كلامك صاح
موضوع اللغة دة داير ليهو ندوة براهو
ياصاحب
إنت في السودان ؟
أيمن الطيب
سلامات
أصلو مابنوريكم الإنسان طلع شنو ؟
لأنكم أهملتوا وما جيتوا
بس تكونو حايمين كدة سااي ماعارفين إنتو منو ؟
والحاصل شنو ؟
برانا نحتفظ بالكنتة
أضرب لي في تلفوني
| |
|
|
|
|
|
|
| |
عمر عشاري
Hussein Mallasi
Awadallah Bashir
Emad Abdulla
داليا الكباشى
emad altaib
Rihab Khalifa
دينا خالد
naeem ali
Elawad Eltayeb
Ibrahim Algrefwi
ريهان الريح الشاذلي
Siddig A. Omer
Faisal Elrasheed
Muna Khugali
علاء الدين محمد بابكر
Osama Siddig
AnwarKing
الملك
انعام عبد الحفيظ
أيمن الطيب
omer osman
فيس بوك
تويتر
انستقرام
يوتيوب
بنتيريست