|
|
 قمر(14)-جامعة الجزيرة
|
ذهبت فى زيارة قصيرة لمدينة ودمدنى..
وكان لابد لى من زيارة النشيشيبة..
وللذين لا يعرفون النشيشيبة نقول..أنها أجمل بقعة بمدينة ودمدنى حوت أجمل أيام حياتنا..
ذهبت ووجدت بعض الزميلات والزملاء الذين عملوا بالجامعةبعدنا وما زالوا..وتونسنا كمالا يشبه ونسة اليوم..
وضحكنا كما لم نضحك من قبل وكأننا ننعى لأنفسنا أياماً لم ولن يجود بها الزمان ولو حاولنا مجتهدين إجترار ذكرياتها بتلك الونسات وذاك الضحك الهيستيرى..
ولمن سرقه الزمن وقادته الحياة إلى متاهاتها أقول له بأن الجامعة الأن تستقبل الدفعة(32)..هل تصدق؟ كيف سرقنا الزمان وسرقتنا الأيام.
لن تعرف فيها أحد وسينظر لك الجميع نظرة الغريب ,وكأنك لم تنتمى لهذا المكان من قبل..
وااااااغربتاه فى دار كنا نصول ونجول فيها..نحتل فيها مساحات الفرح..والحزن..لا يهمنا إن كان فى الجيب قروش أم لا..القهوة موجودة..والشاى بإشارة أصبع..والدفار يذهب بنا جيئة وذهابا..
رأيت بلوك 7..ولم أجد برميل الرمل أمامه..ذاك المقعد الوثير..وملتقى الونسات
رأيت السوق الشعبى..حيث لا يوجد اليوم سوق شعبى..وإنما موقف للحافلات المكيفة والتاكسى الأتوس الأحمر ..وحيث عدد العربات يضاهى عدد الطلاب..ولم أجد دفاراً واحدا..سبحان الله..
..
..
كانت مميزة فى كل شئ....إتفاقها....تناقضها....حجمها..جمالها عظمتها....تميزها....إبداعاتها....إختلافاتها....معاناتها....تنوعها....عزتها....وووو
كان التميز ملازماً لها فى كل شئ..لم يكن قبلها ولن يكن بعدها....ولو إجتهد المجتهدون....
ففيها القمم فى كل المجالات ..ففيها..الفن والفنون والفنانون ..والرياضةوالرياضيون..والسياسةوالسياسيون..والذوق..والشطارة..والجمال..والإبداع فى كل نواحيه ..وووو
لم تلتقى الأشياء وإن إختلفت بكل جمالها, والجمال بكل نواحيه, ولم يتوفر المجد كاملاً, وقمم الأشياء كما إجتمعت فى
..
..
الدفعة (14)-جامعة الجزيرة- بكل كلياتها(الطب,التربية, العلوم والتكنولوجيا,الإقتصاد، الزراعة)
..
..
وكما كنتم بدراً هلّ فى سماء الجامعة ولن يتكرر
فكلى ثقة بأنكم بدور الآن تهلون فى كل أرجاء العالم وتقومون بدور لن يستطيع غيركم القيام به..!!
لا لشئ ,إلا ولأنكم طلاب الدفعة (14)- جامعة الجزيرة..فقط وفقط لاغير!!
..
..
وإنى أنتهزها فرصةلأتيح الفرصة للتواصل وإلتقاء البدور..ولكم التحية
..
..
أحمد عيدالوهاب على عيسى-كلية العلوم والتكنولوجيا-الدفعة 14
|
|
 
|
|
|
|
|
|
|
|
Re: قمر(14)-جامعة الجزيرة (Re: أحمد عبدالوهاب الأحمدى)
|
احمد عبد الوهاب ....
بعد التحايا والمودة يا سنيرنا العزيز ود اربعتاشر تكنو ..
أقول بكل مودة وحب ... قوووووم لف بس .. وييين انت وين ناس الدفعة خمستاشر يا حبيب
عانو ما لم يعانيه الباقر وش الطوبة ما حيي حياته وما بقي بعد مماته ...
ــــــــــ
لك مودة جميع الدفعة 15 اقتصاد
| |
|
|
|
|
|
|
|
|
|
Re: قمر(14)-جامعة الجزيرة (Re: Yasier Elsayed)
|
ناس 14 بتاعين المشاكل ...هاهاها
والله انتو دفعه عجيبة و غريبة ...
مظاهرات و ملي داخليات ..شفناكم لمن سكنتو في داخليات مدرستنا مدني الثانوية...
و داخليات السني ..
و كملتو لينا الفته في سوق الدرجة ...
قريبتنا حنان شبو "تربية" و د. حسين كالتكس منكم ...
و جارتنا د. لمياء بت المرحوم د. بشرى عمر أحمد كمان ود. مقبل ....
و درسكم استاذنا المرحوم قدوره و مكي الطيب.....
و ناس الاقتصاد درسكم والد زميلنا خالد ، د. الطاهر محمد نور .....
أيامكم أيام ...غايتو دفعتكم دي ما بتتنسي كلو كلو
أحمد عبدالوهاب الأحمدى ...
| Quote: وللذين لا يعرفون النشيشيبة نقول..أنها أجمل بقعة بمدينة ودمدنى .. |
دي صدقت فيها ...لانو البعرفو النش ما ممكن يقولو الكلام دا :)
مدني حدها الظلط القاطع قدامكم داك ...ماوراه يعتبر حلال ساااااااااااااااااااااااااااااااااااااااااااااااااااااي
:)
| |
|
|
|
|
|
|
|
|
|
Re: قمر(14)-جامعة الجزيرة (Re: الصادق عوض)
|
| Quote: والله انتو دفعه عجيبة و غريبة ... |
الحبيب الصادق عوض
إنها فعلا كذلك
يا أخى نحنا مفى حتة ما سكنّا فيها فى مدنى وخارج مدنى
الدرجة-بانت-المدنيين-حى القبة-أم سويقو-العشير-الدباغة- شندى فوق-حنتوب-مايو نص وطرف-أركويت-عووضة-مارنجان.....كل مدارس مدنى الثانوية-فى كل مكان هنالك مجموعة من 14
والله لكم أشفقت على تلك المدينة..من تلكم الأعداد الضخمة من دفعتنا..!!
ولكن..يكفى تلك المدينة فخراً إستيعابهالكل الضيوف ولو مكثوا سبع سنين..
لا يوجد منزل من منازل مدينة مدنى لم يلجأ إليه أحدمن أبناء دفعتنا..سواء أكانت العلاقة رحمية أو صداقة..
..
..
..
..
لكم أهل مدنى جميعاًشكراً لا تسعه المساحات ولا تخطه الأقلام،،لقد آويتموننا وأكرمتموننا,,وإقتسمتم معنا زادكم ومالكم وأسرّتكم ودواءكم,,ووقتكم،،
..
لكم أنت عظيمة وحنينة يامدنى..بإنسانك وهدوئك وطبيعتك وبساطتك وتلقائيتك وبياض سريرتك
| Quote: مدني حدها الظلط القاطع قدامكم داك ...ماوراه يعتبر حلال ساااااااااااااااااااااااااااااااااااااااااااااااااااااي |
أنا قبيل ما داير أقول المنفى..لكن شهد شاهد من أهلها!!
تعرف ياالصادق..جمال النشيشيبة إحساسك بالغربة وإرتباطك بمن هم حولك..وبينك وبين المدينة ذاك الزلط الذى ذكرته..
إنها جزيرة كوباوتجاورها مدينة (عترة) وما أدراك مامدينة عترة!!!!!!!!!!!
..
..
لك الشكر ياحبيب
| |
|
|
|
|
|
|
|
|
|
Re: قمر(14)-جامعة الجزيرة (Re: الصادق عوض)
|
| Quote: و درسكم استاذنا المرحوم قدوره و مكي الطيب..... |
الحبيب الصادق
جيتك راجع.....
على ذكر أساتذتنا........
غفر الله للأستاذ قدورة..وغيره ممن فارقونا للدار الآخرة..
وأطال الله عمرالبقية ومتعهم بالصحة والعافية.....
وهنالك من الأساتذة ما لم ولن ينسى أبداً وأذكر منهم على سبيل المثال لا الحصر
الأستاذ الحميدى (أستاذالرياضيات )صاحب الشنطة المميزة والقمصان نص كم وتحديداً (الأصفر) منهم..ذاك الرجل المتصوف برهانياً...
وأذكر أنه فى أحد المحاضرات ذكر بأن حلقة الذكر والتمايل يمنة ويسرى تعتبر (دالّة تفاضلية)
وكذلك الأستاذ الطريفى..من حنتوب أستاذ اللغة الإنجليزية..ذو الوجه الصبوح والشعر الأبيض..
ثم لايفوتنى ..الأستاذ محمد سعيد ضوالبيت ذاك العركى الهائم حباً فى الله....بطاقيته الخضراء المميزة
والأستاذ أوكير ذو السحنات الشرقية المميزة....وفى مرة وبعد إمتحان معين....أذكر خرج الجميع وهم يمنون نفسهم بالدرجات العلى..لما كان في ذاك الإمتحان من سهل ممتنع.....ثم يفاجأ الجميع.....بأنه لم ينجح أحد....
..
..
لأولئك التحية
..
وسنعودلهم بقلوبنا ما أسعفتنا الذاكرة بذلك...
..
كما أرجو من الجميع المساهمة فى التوثيق لهؤلاء وتلك....
| |
|
|
|
|
|
|
|
|
|
Re: قمر(14)-جامعة الجزيرة (Re: Yasier Elsayed)
|
Quote: احمد عبد الوهاب ابن الاسناذ العلامة ومربى الاجيال عبد الوهاب على عيسى
ولا انا غلطان ياصديقى |
إنّه بعينه..ياصديقى..وإن أشكلت عليك النظارات
..
لكن كدى تعال..وما تقوللى ياكا ياسر الليلنا..؟؟
وسأجيب إيجاباً..وألقى بسؤال إحتملته كثيرا وحمّلته كثيراً..وكان لابد أن ألقيه من على كتفى!!
أين الدكتور يسرى؟؟وما هى أخباره؟؟
لكم أوحشناهذا الطبيب الحبيب!!
..
..
ما تجى بعد ده كلو تقوللى أنا ما ياسر على السيد!!
..
لكم التحية..أنّى كنتم
| |
|
|
|
|
|
|
|
|
|
Re: قمر(14)-جامعة الجزيرة (Re: أحمد عبدالوهاب الأحمدى)
|
ياسلام يابو حميد
والله العظيم ليكم وحشه كبيرة جدا وكم الواحد مشتاق للبلد ولى بهجة وسمرا
وياريت كت بسوى شوقى جناح
وكيف اخبار صديقى الاخ العزيز / امين وكل الاهل بتلك المدينة الفاضل اهلها
وبقية العقد الفريد من الشباب
وعن سؤالك عن الاخ / يسرى
فهو بخير وموجود معنا فى ولاية نيوجيرسى الامريكية
وياصديقى لاتحرمنا من المواصلة
وسوف تجد ايميلى فى البروفايل
ياسر على السيد على
كريمة- الثورة
| |
|
|
|
|
|
|
|
|
|
Re: قمر(14)-جامعة الجزيرة (Re: أحمد عبدالوهاب الأحمدى)
|
Quote: يا أخى نحنا مفى حتة ما سكنّا فيها فى مدنى وخارج مدنى
الدرجة-بانت-المدنيين-حى القبة-أم سويقو-العشير-الدباغة- شندى فوق-حنتوب-مايو نص وطرف-أركويت-عووضة-مارنجان.....كل مدارس مدنى الثانوية-فى كل مكان هنالك مجموعة من 14
والله لكم أشفقت على تلك المدينة..من تلكم الأعداد الضخمة من دفعتنا..!!
ولكن..يكفى تلك المدينة فخراً إستيعابهالكل الضيوف ولو مكثوا سبع سنين..
لا يوجد منزل من منازل مدينة مدنى لم يلجأ إليه أحدمن أبناء دفعتنا..سواء أكانت العلاقة رحمية أو صداقة.. |
تعرف يا الأحمدي ....مدني مدينه لي الدفعه 14 كتير ....
قبل ما تجي الدفعه 14, كانت الجامعه عباره عن برج عاجي
مقفول ...الطلبه يتمنو يصلوهو و يحلمو بيهو ....
كانو الطلبه في داخلياتهم في الاعداديه ...ما بنزلو السوق إلا نادرا ...و معروفين....
والنش بعيده و هاديه بتديك رهبه العلم ...
جيتو يا ناس 14 ....و شفنا بهدلكوم كيف ....حكيتو للناس عن "طلاب دعم الصندوق" ...
وريتونا الفرق بين السفره زمان و السفره المافي في الوقت داك ...
سكنتكم مع ناس مدني و كنتو أولاد ناس مدني و بزعلو لزعلكم.....
و يتضجروا من البروفيسور بتاع "أول دكتوراه جنوب الصحراء " ...مع إنو قريبنا :) ....
سكنتوا معنا و عرفنا الجامعه دي شنو ....
و فجاه بقا عندنا جماعه كبار يورونا نقرا كيف
و ليه نقرا...و لطلبه دفعتي نمتحن كيف ...
و كنا انجح - داير واحد يغالطني في دي - دفعه تتخرج من مدرسه مدني الثانويه ..... :)
ناس مدني كانوا ولازالوا بيفتخروا بجامعه الجزيره ......
و زي ما بشوفو روحم ما أقل من الخرطوم في حاجة ...
برضوا جامعتهم ما أقل من جامعه الخرطوم في حاجة ...
| |
|
|
|
|
|
|
|
|
|
Re: قمر(14)-جامعة الجزيرة (Re: الصادق عوض)
|
الأخ أحمد عبد الوهاب
تحية بحجم النش والأعدادية وما بينهما
طبعا عاى أيامنا كنا نسكن بنظام (الفندقة)
بحيث لا يزيد سكان الغرفة على عدد إثنين (2) من الطلاب
وكنا نذهب للسفرة لتناول وجبات (دائما) محترمة و(أحيان)ا يخالطها بعض الترف
وإن كنت تحتاج نظاما غذائيا معينا ما عليك سوى تزويد إحدى فروع السكرتارية الإجتماعية
بصورة من إرشادات الطبيب لك فتجد أن هناك أطباقا تلائم وضعك الصحٍي.
وإنت كنت من سكان الأقاليم البعيدة فهناك تذكرة سفر أو ما يعادلها تصرف سنويا لك
وإن كنت ممن يحبٍذ قضاء الأعياد داخل الجامعة فالجامعة أبواب داخلياتها مفتوحة طول العام
مع برامج ترفيهية للطلاب المتغربون عن أهلهم خلال الأعياد
كانت سينما رودي تمنح طلاب الجامعة خصم بنصف القيمة عند إبراز البطاقة
وكان نادي الجزيرة يمنح الطالب عضوية مجانية في أنشطة محدودة داخل الجامعة مثل (السباحة)
كانت النشيشيبة والإعدادية مربوطتان مع مدينة ود مدني ببصات ورحلات منتظمة بمواعيد ثابتة خلال اليوم وحتى آخر الليل
وبالمقابل كان التحصيل العلمي الممتاز سمة من سمات طالب الجامعة وكان مجتمع الطلاب يتصدر واجهة مدينة ود مدني
لن أفي جامعة الجزيرة حقها من الوصف وهي التي أغدقت علينا حتى أنستنا ترقب الإجازات (هذا إن لم نكن نستهلكها داخا حرم الجامعة)
كانت كحلم عشته وعايشته وما زالت ذكراه دوحة نستجير بها عند تكالب الهموم...
عايشنا طلاب الدفعة 14 لمدة سمستر واحد وبعدها تفرقت بنا السبل وتوقف قطار الزهور عند تلك المحطة وترجًل من كان على متنه
لك التحية ومتابعين حضور ووصول باقي أبناء الجامعة وليس أبناء 14 العزيزة فقط
طارق أحمد عثمان
جامعة الجزيرة
كلية الأقتصاد- الدفعة (9) محاسبة وتمويل
| |
|
|
|
|
|
|
|
|
|
Re: قمر(14)-جامعة الجزيرة (Re: بشرى محمد حامد الفكي)
|
الغالى بشرى
..
الواحد ما يكب ليهو شوية موية يعنى فى جحر العقارب وللا شنو!!؟؟
..
وينك يازول..خبارك!!
..
صاحبك أمين موجود وما لا قنوا نحنا مع الكورة الساكيها وللا الساكاهو ما عارفين..لكنه بخير وأمورو تمام بحمد الله..
..
أخبارك بالتفاصيل ضرورى
| |
|
|
|
|
|
|
|
|
|
Re: قمر(14)-جامعة الجزيرة (Re: طارق أحمد عثمان)
|
| Quote: بحيث لا يزيد سكان الغرفة على عدد إثنين (2) من الطلاب |
الحبيب طارق
أولا..تعظيم سلام لك يا أبوالسناير
تغير نظام الفندقة بتاعكم على أيامنا..فصارت الحكاية عنابر..وأريتو عنبر!!..لا فرق بينه وبين المكتبة..حيث تلك كتب موضوعة على أرفف..وهنا بشر متراصون على سراير دبل بيد..بدون مساحات للمرور حتى..ولولا وجود السقف لجعلوها سراير طوابق..تلاتة أربعة ماب تفرق..المهم تشيل البشر أولئك..وأذكر فى كثير من الأحيان كانت تطير يد أحد الزملاء لتصطدم بالمروحة أثناء محاولته لبس أو خلع قميص..ولا حظ معاى هواء المروحة يستمتع به فقط من هم فى الطابق العلوى مما يجعل المتواجدين فى الأسفل يعانون الحر والباعوض مما جعلنا نقترح التالى لعلاج هذا الموضوع
1-ربط مروحة أسفل سرير الشخص العلوى
أو
2-حرمان الشخص العلوى من وجود مرتبةمع مراعاة صغر حجمه وكبر تخريم نسيج سريره حتى يتسنى لمن هم فى الطابق السفلى التمتع بالقليل من هواء المروحة.
أو
3-أن يرقد كل إتنين فى سرير واحد مع بعض خلف خلاف وطبعاً ده السرير الفوق مع الإستفادة من السرير التحت لوضع الشنط والكتب وتعليق الملابس.
هذا بالإضافة لمزية خاصة لمن هم بالطابق السفلى وهى..صرف بدل علاج ملاريا..!!
شفت ياحبيب الإنجازات دى كيف وإن شاالله قد رت تعرف وجه الشبه بين عنبر داخلياتنا والمكتبة !!
...
....
وجاييك راجع للتحلية
..
..
لكن وقبل ما أجيك راجع ولأهمية الموضوع أثنى إقتراحك بمشاركة كل خريجى جامعة الجزيرة بهذا البوست على الأقل لنعرف حجم الإختلافات بيننا وبنكم وبين من قد أتوا بعدنا..وكما يقال النكات هى مجموعة مفارقات.....
فمرحباً بالجميع....
| |
|
|
|
|
|
|
|
|
|
Re: قمر(14)-جامعة الجزيرة (Re: أحمد عبدالوهاب الأحمدى)
|
| Quote: وكنا نذهب للسفرة لتناول وجبات (دائما) محترمة و(أحيان)ا يخالطها بعض الترف |
سلام يا الاحمدي وضيوفه زملاء الامس شتات اليوم يعلم الله المستقبل
والله حظكم يا ناس التاسعة ... اول ما جينا في الدفعة 16 مشينا على كافتريا الاتحاد حيث كان النشاط الطلابي .. كان مستضيفنا من الدفعة اتناشر وشكلو لسع ما اتعود على البهدله جينا في يوم واحد خلصنا ليهو تكت بتاعت شهر يمكن ... تحرج قليلا من سوء الطبخ شكلها كانت شوربة رجلة او رجلة ضلت طريقها ... كمية من الحقارات من وش الطوبة وود الخليفة .... حكى لينا الذكريات وكيف كانت الصفرة ايامها .. حيث نقصان نسبة السكر في البسبوسة تعتبر سببا لتزمر الطلاب ان لم يكن دافعا لقيام اعتصام كما حدث في ابو حراز ذات يوم ...
الجزيرة صرح عملاق يقوده اقزام وثلة من مفسدي الادارة ...
| |
|
|
|
|
|
|
|
|
|
Re: قمر(14)-جامعة الجزيرة (Re: محمد حسن العمدة)
|
العمدة
16
ياحبايبنا
..
..
يازوجى إنتا
..
ماتفهمونا غلط
..
زوجى دى عكس فردى..وليس ماذهبتم إليه
..
أحيى من خلالك كل الدفعات الزوجية من الدفعة2 مروراً ب14 وحتى 32
..
وكمان الفردانيين الفرد
| |
|
|
|
|
|
|
|
|
|
Re: قمر(14)-جامعة الجزيرة (Re: طارق أحمد عثمان)
|
الحبيب طارق جيتك راجع ولو لحين
| Quote: بصورة من إرشادات الطبيب لك فتجد أن هناك أطباقا تلائم وضعك الصحٍي. |
طبعاً نحنا ما أقل منكم كتير..
ونسبة لإنتشار الملاريات..كان الأطباء وأهل البلد ينصحوننا بتناول مايسمى (الموليتا) وهى عشبة لا تتواجد إلا فى فصل الخريف..
ما عارف سمعتو بيها وللا لا..لكن عشان اوريك إنو نحنا برضو كنّا بناكل وفق إرشادات طبية..!!!!!!!!!
وطبعاً فى مدنى لمن يستلمون المصروف وأصلو كملان كملان..هنالك بعض المناطق تتم زيارتهالوضع بصمة غذائية تذكرها كلما أصابتك جوعة أو عندما يوضع أمامك طبق (البوش) وهو فى الحقيقة (طشت البوش) وكان قبل الدفعة 14 يستعمل فى حمام الأطفال تحت سن السنة...!!
ومن هذه المناطق المميزة للسفسفة الجيدة هنالك(لندن ،بساس، ميرى لاند،كافتريا دار الأطباء، إضافة لعمدة للأفوال وكشك،وذاك الأقاشى بالدباغة جوار موقف التاكسى وبعض النساء بالدرجة وشندى فوق ممن تميزن بعمل المدايد مثل الدخن والبلح والحلبة......وغير ذلك ممن لم تسعف الذاكرة بهم هنا)
..
..
وبرجع ليك
| |
|
|
|
|
|
|
|
|
|
Re: قمر(14)-جامعة الجزيرة (Re: الصادق عوض)
|
| Quote: و يتضجروا من البروفيسور بتاع "أول دكتوراه جنوب الصحراء " ...مع إنو قريبنا :) .... |
الحبيب الصادق
قال شنو..بالإضافة لما أعلاه..البروف بيقدم ورقة واحد لتجاز رسالته..وانا قدمت 11 ورقة يعنى أنا 11 بروف..من يصدق أن جامعة الجزيرة يديرها 11 بروف..وأنا بقول الجامعة دى طايرة زى الصاروخ مالها!!؟؟
..
..
..
حا أقزقز معاك فى حكاية التمازج والإنصهار ال1ى حدث بين الدفعة 14 ومجتمع مدنى الحبيبة
..
وراجع ليك
| |
|
|
|
|
|
|
|
|
|
Re: قمر(14)-جامعة الجزيرة (Re: نيازي عبدالله مرحوم احمد)
|
نيازى
يافردة..
17
..
مبروك زواج الزوجى18 وإن شاالله بيت مال وعيال
..
دفاركم عينى باردة شايل قدام أكتر من ورا....دبل بيد
..
شوف سيد الدفار مشطوح قدامو وكأنه يقول ما فيش حد احسن منى..
ومعاهو حق
..
دفار موديل سنة 93
..
زمن والله زمن!!
ما شفتا الجامعة اليوم
..
..
كليكات واتوسات ما تديك الدرب
لك التحيةلمن معك
..
وربنا يبارك فى الوليدات
| |
|
|
|
|
|
|
|
|
|
Re: قمر(14)-جامعة الجزيرة (Re: أحمد عبدالوهاب الأحمدى)
|
احمد عبد الوهاب
التحيه ليك ولكل الدفعه (14)
دى انا بعتبرها دفعه صاحبة فضل علينا
وورثنا عنها الكثير رغم اننا كنا من الفردى
وكنا بنقول على 14 افضل دفعات الزوجى
التى عاصرناها بالرغم من اننا وجدناها فى اخر ايامها
وحضرنا تخريجها
ــــــــــــــــــــــــــــــ
ولك كل الود من ناس (19) اقتصاد
| |
|
|
|
|
|
|
|
|
|
Re: قمر(14)-جامعة الجزيرة (Re: منتصر الامين)
|
Quote: التحيه ليك ولكل الدفعه (14)
دى انا بعتبرها دفعه صاحبة فضل علينا
وورثنا عنها الكثير رغم اننا كنا من الفردى
وكنا بنقول على 14 افضل دفعات الزوجى
التى عاصرناها بالرغم من اننا وجدناها فى اخر ايامها
وحضرنا تخريجها
ــــــــــــــــــــــــــــــ
ولك كل الود من ناس (19) اقتصاد |
"وشهد شاهد من أهلها"
الحبيب منتصر
لك التحية والتقدير
مرحباً بك وبكل الأحباب من الدفعة 19
| |
|
|
|
|
|
|
|
|
|
Re: قمر(14)-جامعة الجزيرة (Re: أحمد عبدالوهاب الأحمدى)
|
عبد الوهاب :
| Quote: مرحباً بك وبكل الأحباب من الدفعة 19 |
عشان ترحيبك دا نديك صور حديثه نوعا ما للنش
ليك ولكل خرجى جامعة الجزيره الذين لم يزوروها قريبا
دى مكان الكافتريات القديمه (تكنو - النشاط)
طبعا المكان دا وما حوله براهو تاريخ وحكايات
ابتداء بالخور - بلوك 7 - النشاط - ساحةالتجمع ايام المظاهرات جنوب بلوك 5
واضافة الى كل ذلك شارع المين
| |
|
|
|
|
|
|
|
|
|
Re: قمر(14)-جامعة الجزيرة (Re: أحمد عبدالوهاب الأحمدى)
|
الاخ احمد والحضور البهي |
14 كانت دفعه مختلفه ومميزه بكل التفاصيل بدا من معسكر الدفاع الشعبي في سباق الخيل مرورا بالاحداث الكثيره التي عقبت بداية الدراسة14 كانت اول دفعه تبدا الدراسه وكل الشباب بعرفون بعضهم شديد المعرفة و دا انعكس بي شكل كبير على تكاتفهم المميز في وجه المعاناه والكوارث والاحداث الجسام.... لم تتعدى تجربتي معها حدود الاعدادية للاسف فقد غيرت اتجاهي شرقا بعد اغلاق الجامعه ولكن ... ما زلت احمل في دواخلي اجمل الذكريات واستمرت علاقتي بالدفعه حتى بعد سفري فقد تشرفت باقامه الكثيرين في منزلناجوار الاعدادية وخصوصا ابناء كوستي لمده سنتين تقريبا
بعد ذلك .... تمنيت كثيرا انت تجمعني الدنيا بهم مره اخرى او حتى اعرف اخبارهم... ما زالت ضحكه عثمان عبوب ترن في ارجاء ذاكرتي المشتاقه لكل ما هو 14
كل التحايا
ايهاب السني
تكنو 14
| |
|
|
|
|
|
|
|
|
|
Re: قمر(14)-جامعة الجزيرة (Re: ايهاب)
|
Quote: ما زالت ضحكه عثمان عبوب ترن في ارجاء ذاكرتي المشتاقه لكل ما هو 14
كل التحايا
ايهاب السني
تكنو |
الحبيب إيهاب
حبابك وحباب الجابك
وزى ما خليتنا هناك.....ياريت تواصل معانا بى جاى....وهنالك الكثيرون من الزملاء تركوا الجامعة فى فترات مختلفة وحولوا الخرطوم والأهلية والسودان وغيرها....
ياريت يكون المنبر ده فرصة تانية نلاقيهم فيها....
أما بخصوص المميز عثمان العبوب....فيكفيه حقاً أنه مميز فى كل شئ
حضوره....طيبته....بياض سريرته...تلقائيته....قفشاته....ضحكته المجلجلة....طوله....مشيته
أما بخصوص طوله"فحكى لى أحدهم" أن أحد سكان الدرجة أراد أن يبين فضل الأذان وأن المؤذنين يأتون يوم القيامة أطول من غيرهم" فسأله الولد "يعنى يا أبوى حا يكونوا أطول من العبوب"؟؟؟؟
وكان ضحكة العبوب تحدد موقعه وهى تشق الليل الصامت سواء أكان فى الإعدادية أو النشيشيبة....وعندها وإن كنت تجلس مع ضيف أو غريب جاء لزيارتك فلا بد أن تقول له هذا زميلنا العبوب أماكل الطلاب على مستوى الجامعة فلا أحد يجهلها...!!
إنه العبوب أحد رموز الدفعة 14 وبصمة من بصماتها المميزة....له التحية أينما كان ودوام الصحة والعافية
| |
|
|
|
|
|
|
|
|
كامل التضامن مع سواق الدفار الما لاقي مكان يقعد فيهو
| |
|
|
|
|
|
|
|
|
|
Re: قمر(14)-جامعة الجزيرة (Re: طارق أحمد عثمان)
|
يا الله ...
رأيت اسم جامعة الجزيرة
فانفتح في الذاكرة نفاج تدافعت من خلاله ذكريات تلك الفترة كلها
التحية لكل العابرين بهذا المكان الجليل .. وكل خريجي جامعة الجزيرة
منذ الدفعة (1) وإلى الدفعة (32) التي ما زالت في بداية الدرب
إن الحديث عن جامعة الجزيرة حديث ذو شجون ..
ولا تكفي مئات البوستات إن فتحت لإكمال هذا الحديث
وقفة إجلال وإكبار وتعظيم لكل من سطر حرفاً باسم جامعة الجزيرة
نهلة محكر
(17) علوم رياضية وحاسوب
| |
|
|
|
|
|
|
|
|
|
Re: قمر(14)-جامعة الجزيرة (Re: نهلة محكر)
|
Quote: صديقى ورفيق وزميل الدراسه مجدى حسن (حنكوش)
وهو يقف امام احد ملصقات التحالف الطلابى السودانى بالنشاط |
ينصر دينك يا منتصر
بالله العميان الوغد دا لسع ح يرزق ؟؟
تحياتي ليهو وباشواقي صرح ليهو
| |
|
|
|
|
|
|
|
|
|
Re: قمر(14)-جامعة الجزيرة (Re: محمد حسن العمدة)
|
Quote: بالله العميان الوغد دا لسع ح يرزق ؟؟
تحياتي ليهو وباشواقي صرح ليهو |
الحبيب محمدحسن العمده
الراجل العميان ما زال حى يرزق وكثير التواجد بالنش
واصبح من الرموز كما كان (عم عوض)
واكيد تحاياك واصله له
وتقبل تحياتى اينما كنت
| |
|
|
|
|
|
|
|
|
|
Re: قمر(14)-جامعة الجزيرة (Re: نهلة محكر)
|
احمد والشباب الحلوين الجو مارين بى جاى كلهم .... نهاركم سعيد
وبالجد الواحد لما يجى يتكلم عن جامعة الجزيرة وناس جامعة الجزيرة بتملكو حنين وشوق شديد للايام الرائعة اللى عشناها فى الجامعة دى .... تحية ليكم كلكم ونتمنى يكون البوست ده منبر مصغر نتلاقى فيهو على طول ونتعرف فيهو عليكم كلكم ... وليكم كلكم خالص الود
خالد احمد
الدفعة 16 اقتصاد - ادارة اعمال
| |
|
|
|
|
|
|
|
|
|
Re: قمر(14)-جامعة الجزيرة (Re: خالد احمد محمد)
|
Quote: خالد احمد
الدفعة 16 اقتصاد - ادارة اعمال |
نورت ياخالد ديارك
ومرحب بى كل ناس إقتصاد
| Quote: ونتمنى يكون البوست ده منبر مصغر نتلاقى فيهو على طول ونتعرف فيهو عليكم كلكم |
إن شاالله ياخالد أى زول عندوا علاقة بالجامعة يظهر بى جاى
..
..
وطبعاً لو ده حصل بالتأكيد المنبر ما حايكون مصغر..وحا يخرت ليك المنابر كلها
..
ناس الجزيرة هينين وللا لينين
كل الود
| |
|
|
|
|
|
|
|
|
|
Re: قمر(14)-جامعة الجزيرة (Re: نهلة محكر)
|
Quote: وقفة إجلال وإكبار وتعظيم لكل من سطر حرفاً باسم جامعة الجزيرة
نهلة محكر
(17) علوم رياضية وحاسوب |
نهلة
ولك التحية الخاصة ولكل الدفعة 17
والجابك يجيب عقابك
خالص الود
| |
|
|
|
|
|
|
|
|
|
Re: قمر(14)-جامعة الجزيرة (Re: نهلة محكر)
|
عند كل زيارة لي للسودان
أقتطع جزءا من وقتي (لأجوس حول الديار) حلوة اجوس دي
وأمر على الأطلال الباقية من داخليات القادسية وصبرا وقيسان والسباعي
والسفرة الشرقية والغربية وأشجار اللبخ العتيدة التي تغطي واجهة الداخليات
ولا انسى أن امد بصري شمالا حيث داخليات (القوارير) وحدائق الجلسات العامرة مساءا
القاعات والبلوكات ما زالت هي هي (أدمنت عشق الثوابت).
الوجوه تحافظ على شبابها ورونقها عبر أجيال جديدة كل سنة تاركة إياك تتقهقر للوراء
تود ان تعانق كل فرد داخل هذا الصرح لتبثه حجم الشوق القديم الذي تحمله بين حناياك
وحده الشعور بالغربة المكتسب هو الذي يمنعك من المضي في نواياك..
ربما نواصل ..
| |
|
|
|
|
|
|
|
|
|
Re: قمر(14)-جامعة الجزيرة (Re: أحمد عبدالوهاب الأحمدى)
|
إنت عارف يا أبو حميد
دفارك ده لو كان على أيامنا ما أظن تحتاج تنادي نفر
لأنو كنا بنملاهو ليك في لحظة وكمان ممكن نوفر ليك حتى السواق
أصلو في زمنا داك كنا نجيد كل شئ ..
الداخلية مقسمة لشلليات
شلة القاعات واللكاشر والمكتبة (الضببة)
شلة السينما والعشاء والذي منو (الأكسسريز)
وشلة الغرف وهذه لا تبارح الداخلية إلا نادرا أو لأمر هام (إنهيار مبنى أو موت بروفيسور) كنا نسميها (شلة الملازمين)ههههه
بجيك راجع بعد الفردة..
| |
|
|
|
|
|
|
|
|
|
Re: قمر(14)-جامعة الجزيرة (Re: nadus2000)
|
Quote: خالد عبد الحليم .. طبيب نادر(صور)
دا زول منكم وفيكم يا ناس 14 |
مالقيتو ليك بعرفو.....أخوك الدكتور ....يا نادوس
خالد عبدالحليم14 طب "مرحبا بك"
والجابك يجيب ناس
"الملثم،وأحمد العركى، والهشامات كلها، واباذر بورتسودان،وكمال الدهنون،وصلاح عثمان،ومأمون شريف،ومؤمن مختار،وهيثم التيجانى،وسباعى،ونيازى العطا،ونيازى عزالدين،ووووووووووووووووووو
منور يا دوك
وياريت 14 طب كلها تجينا بى جاى
لك التحية نادوس2000
| |
|
|
|
|
|
|
|
أحمد عبدالوهاب الأحمدى
HAIDER ALZAIN
Yasier Elsayed
الصادق عوض
بشرى محمد حامد الفكي
عبدالوهاب علي الحاج
نيازي عبدالله مرحوم احمد
منتصر الامين
ايهاب
نهلة محكر
nadus2000
فيس بوك
تويتر
انستقرام
يوتيوب
بنتيريست