|
مواطنون يقطعون يد سارق .. و السارق بلغ الشرطة !!
|
مواطنون يقطعون يد سارق الخرطوم: هدى عبد الله دونت شرطة أم درمان جنوب أبو سعد أمس، بلاغاً في مواجهة (4) أشخاص بتهمة قطع يد لص حاول سرقة منزل أحدهم، وأبلغ اللص (أ . ج) الشرطة في وقت متأخر امس انه دخل احد البيوت بغرض السرقة لكن تم القبض عليه وقطع يده. وتم تدوين البلاغ تحت المادة (151) إجراءات والمادة (174) السرقة في مواجهة الشاكي وأرسل للمستشفى للعلاج. الراى العام الخميس 5 نوفمبر 2009م، 42148
|
|
|
|
|
|
|
|
Re: مواطنون يقطعون يد سارق .. و السارق بلغ الشرطة !! (Re: اسعد الريفى)
|
و فى رواية أخرى: مواطنون يقطعون يد سارق 2009-11-05 02:42:21 دونت شرطة أم درمان جنوب أبو سعد أمس، بلاغاً في مواجهة (4) أشخاص بتهمة قطع يد لص حاول سرقة منزل أحدهم، وأبلغ اللص (أ.ج) الشرطة في وقت متأخر امس انه دخل احد البيوت بغرض السرقة لكن تم القبض عليه وقطع يده. وتم تدوين البلاغ تحت المادة (151) إجراءات والمادة (174) السرقة في مواجهة الشاكي وأرسل للمستشفى للعلاج.
| |
|
|
|
|
|
|
Re: مواطنون يقطعون يد سارق .. و السارق بلغ الشرطة !! (Re: ادريس خليفة علم الهدي)
|
ادريس علم الهدى .. تحياتى يا اخوى الحرامية تلاتة درجات .. الدرجة الاولى ديل بتاعين قوت الشعب و خلافو و ديل عندهم حصانة .. و انحنا ما حنتكلم فى السياسة و حرامية درجة تانية ديل بتاعين شركات مؤسسات و كده.. و ديل عندهم شطارة و مواهب عبقرية .. تعطيهم الميزة النسبية .. اما الدرجة التالتة ففيها صاحبى ده .. ديل ناس موبايل" ..ساعات ، كمرات ..دش رسيفر .. غوايش و كده .. و ديل غالبا ناس قريعتى راحت .. لكن الواحد منهم لو عندو ذكاء فطرى .. ممكن ينتقل .. و يسجل للدرجة الاولى ..و فى الحالة دى .. الله لا يوريك ..
| |
|
|
|
|
|
|
Re: مواطنون يقطعون يد سارق .. و السارق بلغ الشرطة !! (Re: mayada kamal)
|
السلام عليكم
في جهات في الدوله مهمتها تطبيق القانون , كما أن القانون لا يجيز لكل أحد أن يأخذه بيده .
ما قام به هؤلاء المواطنيين يعد فعل جريمه وفقا للقانون الساري ويستوجب العقاب .
بعدين ليه قطعوا يدو يعني نظام (حد) ولا شنو !
الحدود دي عندها شروط موضوعيه وشكليه يجب أن تستوفى قبل تنفيذه , من من لهم الحق في تنفيذه .
لكن نقول شنو في الأسلام النص كم ده , و أهو هم ما جابوهو من بعيد شايفين البلد والدوله أسلامها نص كم فقالوا أحسن نخوض مع الخائضين .
والله السودان ده حيرنا الناس تمارس الظلم الظاهر الواضح بدوافع الغضب والتكبر والعنجهيه ويقولوا ده من الأسلام !!!
ويشهد الله ورسوله أنه من عند أنفسهم وليس من الدين في شيئ .
| |
|
|
|
|
|
|
Re: مواطنون يقطعون يد سارق .. و السارق بلغ الشرطة !! (Re: مجدى محمد مصطفى)
|
الاخ مجدى محمد مصطفى تحياتى نعم ما ذكرته و تحديدا : " في جهات في الدوله مهمتها تطبيق القانون , كما أن القانون لا يجيز لكل أحد أن يأخذه بيده . ما قام به هؤلاء المواطنيين يعد فعل جريمه وفقا للقانون الساري ويستوجب العقاب" لكن حين تغفو جهات في الدوله مهمتها تطبيق القانون ليلا و نهار و يشتكى سكان كل ااحياء من زوار الليل . و ينامون و عيونهم مفتوحة .. يمكن لمثل هذا أن يحدث .. أما فعل الجريمة .. الذى يستوجب العقاب فهو .. تلك المبانى و الاكشاك التى تعلوها لافتات ..للامن .. و بسط ..والشغبية ..و النظام .. و غيره من مسميات .. لا تحمى المواطن .. بل تأوى العاملين فيهاأثناء ساعات العمل الرسمية !!! بلد بهذه الموازنات الامنية .. و تطورت الى حد تركيب كاميرات فى الشوارع .. يجب أن ينام مواطنيها و أعينهم على الاقل .. مغمضة !!
لك خالص التقدير
| |
|
|
|
|
|
|
Re: مواطنون يقطعون يد سارق .. و السارق بلغ الشرطة !! (Re: mayada kamal)
|
Quote: لانو الحرامية كرهونا البيوت والليل زاتو |
مع انو انا كنت قايل انو معدلات رجال الامن للمواطنين .. تعتبر من الاعلى فى العالم حيث انه هناك رجل شرطة شعبية و رجل نظام عام .. لكل مواطن ! و ده غير . القوات شبه النظامية كالجمارك و المحلية و المعتمدية و غيرو .. ____________ تحياتى يا أخت ميادة و كفارة على الموبايل .. و شيلوا السلم .. قبل النوم .
| |
|
|
|
|
|
|
Re: مواطنون يقطعون يد سارق .. و السارق بلغ الشرطة !! (Re: محمد عبدالله مختار)
|
Quote: والزول ده محظوظ لانو يدو اتقطعت ولكن لو وقع في ناس تانين كان ضبحوا وختوا في شوال وجدعوا للاسماك وتماسيح النيل |
بنج كامل ولا موضعى! الحمدلله الما دخلوا ليهو يدو فى زيت حار! حالتو مسكوهوا داير يسرق ! لو سرق كان قطعوا رقبتو! ناس ابو سعد والفتيحاب ديل فى الاصل جزارين! بلد تحير الما بتحير! غايتو ديل مجرمين اكتر من الحرامى جنى
| |
|
|
|
|
|
|
Re: مواطنون يقطعون يد سارق .. و السارق بلغ الشرطة !! (Re: Mustafa Mahmoud)
|
العزيز أسعد يا ريفي
طبعا ده بيديك فكرة عن أن البلد دي ماشه وين والغيبوبة وصلت الى أي حد:
حرامي بينط ويسرق ،،(مع كل الأجهزة الأمنية التي سردتها)
ناس يمسكوا الحرامي ،بدل ما ينادوا البوليس أو أمن المجتمع بتاع الأعراس والبناطلين داك ،يقطعوا أيده!!!!!!!!!!!!!!!!!!!!!
ياأخي زمان ناس الحلة كانوا بيعملوا ورديات -قبل الأسلام التجاري- وعندما يمسكوا الحرامي بيضربوه ضرب شديد لكن قطيع ده ما كان معانا،،
التقيل ورا صدقني التقيل ورا
| |
|
|
|
|
|
|
Re: مواطنون يقطعون يد سارق .. و السارق بلغ الشرطة !! (Re: NEWSUDANI)
|
صديقى العزيز نيوسودانى صباح الخير تعرف ما اقرأه فى الاخبار يوميا يجعلنى أظن و إن بعض الظن إثم أننا منومين مغناطيسيا و كل تلك القصص الخيالية .. عن كريبتون و مدينة جوثام .. واحد على بليون مما اراه .. أفرك عيناي كل صباح .. و نديها قرصة كمان .. لنتأكد من أننا فى عالم "زين" أقصد حقيقى !!
| |
|
|
|
|
|
|
Re: مواطنون يقطعون يد سارق .. و السارق بلغ الشرطة !! (Re: عبدالكريم الامين احمد)
|
الاخ عبد الكريم الامين تحياتى و تقديرى لكلماتك و بين ما نتمنى أن يحدث .. و ما هو حادث فعلا .. إحترنا .. نتضامن مع الحرامى القطعوا يدو و لا مع الناس الغلبهم النوم من الخوف و الهلع من الحرامية و لا مع البلد المافيها أمن .. و لا مع رجال الشرطة الماعارفين يعملوا شنو لذلك من الافضل أن نتبع مقولة القذافى الدائمة " من أجل مجتمع أفضل أقرؤا الكتاب الاخضر" و فى الحالة دى برضو ما عارفين يقراهو الحرامية و لا المواطنين. لك مودتى
| |
|
|
|
|
|
|
Re: مواطنون يقطعون يد سارق .. و السارق بلغ الشرطة !! (Re: اسعد الريفى)
|
الأخ الـحـبيـب الـحـبـوب، اسعد الريفى، تـحياتي ومـودتي،
اخـي أسعد، اولآ، هـذه الحادثة، ليست المرة في تاريخ السودان ويقوم السكان بقطع يد لص، ففي عام 1975 قام اهالي منطقة الفتيحاب بالخرطوم باعتقال لص لم يتمكن من اتمام سرقته، قام بعض شبان المنطقة بتكتيفه بالحبال وسحبوه الي شاطئ النهر وهناك قاموا برميه في النيل بعد ان وضعوا حجر كبير لفوه علي راسه بشدة، ووقفوا يراقبونه حتي اختفي، وبعدها نشروا الخبر في المنطقة كنوع من التهديد الانذار للاخرين.
***- تقول قصة اخري، سطا لص علي منزل (عـزابة) فاعتقلوه واجبروه علي غسيل كل ملابس افراد المنزل وبعدها اجبروه بالقوة ايضآ علي كي كل الملابس، ونظافة المنزل. ظل اللص حبيسآ بالمنزل تسعة ايام بلياليها يتناوبون فيه الحراسة ليل نهار، واخيرآ وبعد ان ادركه الانهاك من العمل القسري والذي لاينتهي، لم يجـد اللص من حل اخر للهروب من الورطة الا وان يصيـح باعلي اصواته طالبآ النجدة من الجيران، وبالفعل تم الافراج عنه، وقام البوليس بتسجيل مخالفة ضـد اصحاب المنزل!!
***- القصص كتيرة ياأسعد ونعرفها نحـن الذين عملنا طويلآ بالقانون... ولن تكون الاولي ولا الاخـيـرة طالـما هناك غياب كامل للقوانيـن وحـماية الـمواطنييـن.
***- لك مودتي.
| |
|
|
|
|
|
|
Re: مواطنون يقطعون يد سارق .. و السارق بلغ الشرطة !! (Re: بكري الصايغ)
|
الريفي سلام..
قريت الخبر قبيل ما عرفت أضحك ولا أبكي من الحاجات العجيبة دي...
حادثة غربية والاغرب أنو بعض من الجهلاء يستغلوا الدين وينصبوا انفسهم قضاة علي عباد الله المغلوب علي أمرهم والافظع أن تصل العقوبة حد
القطع ومعروق بأن العقوبة الحدية تخضع لرأي فقهي يقرها القاضي أو الفقهاء ..
والله كامل تضامني مع الحرامي العجيب ده.. هو زااتو البوديهو حلة ناس بقطعو يدين الناس شنو..؟؟؟
الحرامي مسكين يا كيكي حالتو نحنن يستحق التضامن....
| |
|
|
|
|
|
|
Re: مواطنون يقطعون يد سارق .. و السارق بلغ الشرطة !! (Re: abdalla osman)
|
Quote: وماذا عن الذين يسرقون المال العام جهارا نهارا ؟؟؟؟؟؟؟؟؟؟؟ |
تسرى نوعية هذه الاحكام تصاعديا حتى نصل الى اين يكمن داء السرقة !
مسكين هو .. لا يستحق هذا الحكم !
و مساكين هم .. لا يستحقون المحاكمة !!
من يستحق الاثنين .. من جعلوهم مهمومين .. محتاجين .. جعانين .. و فاقدين للطمأنينة !!
احسن كل زول يسعى ليه " كلاش " !!
| |
|
|
|
|
|
|
Re: مواطنون يقطعون يد سارق .. و السارق بلغ الشرطة !! (Re: عاطف مكاوى)
|
سلام يا أسعد الريفي في الأول أنا بقول كفارة لأخونا الحرامي لكنني أرى أنه أخطأ حينما بلغ الشرطة لأن القضية سيتم تحويلها إلى القضاء والقاضي لن يعترف بقطع يد الحرامي من قبل المواطنين لذلك سيقوم بقطع يد الحرامي الثانية دون أن ترف له سكين عليه أطلب من الحرامي وحفاظاً على يده الأخرى أن يصل إلى تسوية مع قاطعي يده الأولى ويقوم بسحب البلاغ قبل أن يعلم به واحد من قضاة هذه الأيام العجيبة..
ما عارف لما قريت عنوان البوست ده اتذكرت نكتة أحد الجماعة السكارى.. السكران قال: مرات الواحد يشرب نص ما يسكر، يشرب قزازة كاملة ما يسكر، لكين مرات الواحد يشرب كاسين بس يقيف لط.. غايتو السكر ده توفيق من ربنا.. مرات الواحد يسرق مؤسسة ما يقطعوا يدو، يسرق ولاية كاملة ما يقطعوا يدو، يحاول يسرق بيت يقوموا يقطعوا يدو.. غايتو القطع ده قسمة ونصيب..
| |
|
|
|
|
|
|
Re: مواطنون يقطعون يد سارق .. و السارق بلغ الشرطة !! (Re: Nasruddin Al Basheer)
|
الأسوأ من ذلك... في بعض المناطق التي تقع مزارعها على النيل ولا أريد أن أحدد بالضبط ... حتى لا أؤذي الأبرياء منهم أو أسبب جرح لهم بطريقة غير مباشرة يعامل السارق كالتالي وخاصة .... سرقة الحيوانات من المزارع .. يتم أخذهم في قارب وربط حجر أو ُثقل كبير على أرجلهم ... والقائهم على النيل ... ولن يعود البتة إلا بعد قيام الساعة ...
- ما فعله هؤلاء لا يجوز قطعا ... - لأنهم ارتكبوا جرم فظيع ... - يجب محاكمتهم العين بالعين والسن وبالسن.
| |
|
|
|
|
|
|
Re: مواطنون يقطعون يد سارق .. و السارق بلغ الشرطة !! (Re: othman mohmmadien)
|
Quote: في بعض المناطق التي تقع مزارعها على النيل |
هلا يا عثمان.. وسمعت الكثير من القصص والجرائم التي تتم في المناطق القريبة من البحر تم الانتهاء بمرتكبها الي قاع البحر (النيل ).. ودي فعلا ظاهرة عجيبة وبالتاكيد بكون عندها تفسير مربوط بتواجد هؤلا القوم بالقرب من البحر وارتباطهم بهذه البحر في كل اشيائهم الحياتية لذا اعتقد والله اعلم حتي القصاص من الجاني عليهم يذهبوا الي البحر لكي يتم هنالك بواسطة بعض المتحمسين شديد لهذا النوع من القصاص الغير انساني.. ايضا يا عثمان اعتقد بان ارتباط الناس الضعيف وثقافتهم تجاه القانون ورد الحقوق عبر المحاكم والبوليس هو واحدة من الاسباب البتساعد الناس تاخد حقها وتقتص من الاخريين بالطريقة دي...
وفعلا حكاية الجدع في البحر دي ظاهرة كثيرة التواجد في السودان ودايرة ليها دراسة مكربة من المختصين وهل هي عالمية تمس حياة بعض قاطني ضفاف الانهار ولا عندنا بس
| |
|
|
|
|
|
|
Re: مواطنون يقطعون يد سارق .. و السارق بلغ الشرطة !! (Re: عبدالكريم الامين احمد)
|
كون انو الواحد فينا يتعرض لعملية سرقة دا فيهو استفزاز شديد لكن كون الفعل المضاد يصل لدرجة القطع دا برضو فيهو تجنى كبير ونحنا رغم تضامنا مع الحرامى دا إلا انو يجب علينا ان نرثى حال البلد الحال الوصلت الزول درجة انو يسرق والخلت الشباب ديل يقطعوا يد الراجل وزى ما نحنا بندين القمع الواقع على الشعب من قبل القوات النظامية فى اطلاق النار الحى وتعمد قتل المواطنيين العزل مع سبق الاصرار والترصد ( مجزرة كجبار + احداث بورسودان ) مثالاً برضو ديل نحنا ذاتنا البندين اخذ القانون باليد ويجب الاحتكام الى القانون
| |
|
|
|
|
|
|
|