منعاً للإلتباس الحرارى فى هذا البوست المزعوم علىّ أن أوضّح الآتى وأن أعرّف هذه المجاميع. أولاً المقصود بمجموعة نحن الواردة فى العنوان الآتية أسماءهم وصفاتهم:
* أنا والذى ستعرفونه أكثر إن كُتب للبوست قبل الأخير الديمومة ولو إلى حين. * ضمير كسول يحب القيلولة والأسرّة الناعمة. * عدد من الملائكة عاطلين عن العمل ويفتقدون المبادرة إلا واحد فى مقتبل العمر يتمتع ببعض الطفرات. * ثلاث شياطين متوسطى السرعة والذكاء. * ملكان طاعنان فى السن يسجلان كل ما يحدث، لصالح من ؟ لا أحد يعرف. على كلٍ نحن الواردة أسماءنا عاليه مضطرين للتعامل معهما.
ثانياً المقصود بمجموعة هم والواردة أيضاً فى العنوان: تشمل كل الأحياء والأموات من البشر، الشياطين، الملائكة وكل أنواع الحيوانات والذين لهم أدوار لعبوها أو لم يلعبوها بعد مع ما ورددت أسماءهم فى مجموعة نحن. وتشمل هذه المجموعة حتى رفيقتى، أمى وطفلى الرضيع
أنا راغب فى الذهاب إلى كرومونى حيث يقيم تروِس، ستكون هناك هذه الليلة لمّة من الحبّان ولهط طاعم ودوزنات عود ومغنى، ولكن الضمير الكسول مازال يفاوض الباقين فى مجموعة نحن فى العدول عن الفكرة وإستبدالها بسيستا شحمانة خاصة وأن البيت أصبح هادى جداً بعد خروج ريلة، سولارا، هبة، سلمى، احمد وأمه للبرنامج نفسه.
مازال التفاوض جارى ويبدو أن أنا وأثنين من الشياطين والملاك الشاب حجتهم فى هذا المنعطف من التفاض قوية ولهم تبريراتهم المقنعة فى الذهاب إلى هناك ... سنرى بعد قليل.
إن لم أعد اليوم فتأكدوا أن انا أقنعهم بالذهاب إلى كرومونى حيث يقيم تروس.
08-15-2009, 06:53 PM
معتصم ود الجمام معتصم ود الجمام
تاريخ التسجيل: 04-22-2003
مجموع المشاركات: 3261
Quote: أنا راغب فى الذهاب إلى كرومونى حيث يقيم تروِس، ستكون هناك هذه الليلة لمّة من الحبّان ولهط طاعم ودوزنات عود ومغنى، ولكن الضمير الكسول مازال يفاوض الباقين فى مجموعة نحن فى العدول عن الفكرة وإستبدالها بسيستا شحمانة خاصة وأن البيت أصبح هادى جداً بعد خروج ريلة، سولارا، هبة، سلمى، احمد وأمه للبرنامج نفسه.
مازال التفاوض جارى ويبدو أن أنا وأثنين من الشياطين والملاك الشاب حجتهم فى هذا المنعطف من التفاض قوية ولهم تبريراتهم المقنعة فى الذهاب إلى هناك ... سنرى بعد قليل.
إن لم أعد اليوم فتأكدوا أن انا أقنعهم بالذهاب إلى كرومونى حيث يقيم تروس.
عرفتكـ يا وغد لانو لمن لقيتكـ إتأخرت جالت في دماغي كل هذه الوساوس و قطعتها انت بحضوركـ اخيراَ
08-21-2009, 01:55 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
سلامات يا معتصم وتسلم يا صديق على التشجيع تشجيع عصابة نحن. تصوّر ؟ الضمير بقى سيد البرنامج بعد أن عاودته نوبة من النشاط والحميم تجاه الآخر. تغامز البقبة عندما شاهدوه متلبساً وهو يرقص الصالصا. غنتنا هبة شـــيلو مع الصادق شيخ الدين الليل الهادى لعمنا شرحبيل، وأطربنا طارق عجــــورة بأغنيات إبراهيم خوجلى وعثمان مصطفى. براكة حكى نكتة قديمة فى سياق جديد شقّ بها صفوف العصابة من الضحك. لاحظت المجموعة أن المضيف ترّوِس متوتر من كثرة الضيوف والأطفال فأوعز له الملاك الشاب بأن يحتسى كأسين حتى يحتمل ضيوفه ويبدو كريماً. فالزملاء بمجموعة نحن يأدون أدوار بعض فى تسامحٍ وتعايش تام. عدنا للبيت جميعاً صبيحة اليوم التالى.
بقى يا صديقى أن أزف لك الأخبار الشحمانة عن صديقك عفيف إسماعيل طالع صورة الخبر أدناه. ونواصل.
08-21-2009, 02:16 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
Quote: عرفتكـ يا وغد لانو لمن لقيتكـ إتأخرت جالت في دماغي كل هذه الوساوس و قطعتها انت بحضوركـ اخيراَ
قرقرقرقر ... والله ضمير القيلولة قرّب يبعيكم كلكم عندما صفا له الجو. سلامون يا عجورة حلاتك بالجلابية داك اليوم ما عندك واحدة تانية بقت قصيرة عليك ؟
طبعاً إنت مفقوع منى لتأخير صور الآنسة لقاء لكن والله يا دوب نحن رُقنا بعد سفر الجميع حتى سلمى غادرتنا اليوم إلى الخرطوم لتواجه رمضان هناك وحيدة سنفتقدها ماجدة كثيراً .. كثيراً جداً
ورجع البيت لصنّته المعهوده، إلا من بعض الصياحات للود أحمد.
08-23-2009, 03:11 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
أحدهم من بشر هم كائن بديع إسمو عاطف خيرى كتب كلام صعب الفهم حول العنف ضد المرأة أنا والبقية من عصابة نحن فهمهم وداهم لجرائم الخفاض بأنواعه
عاطف قال مين اللى شال من طاقة الطين البعيد قنديل حبيبتى وطيب الجرح المثير مين السرق من بابو مفتاحو الملون والصرير منهوبة مقبرة الفواكه فيكى قولى معاى يا شرف القبايل جر الشاف تباريح الطلح فى النار شافنى مرقت من عندك ضرير
وكت تردد مجموعة نحن هذه الصورة الشعرية يتجمد الشوف ويصن الجسد والمكان، حتى الملكان اللذان لا يتوقفان عن تسجيل كل ما يحدث ترتبك أقلامهم، ويتوقفون حتى تمر العاصفة .. عاصفة الكلام المر بعد كل هذه السنين والمسافات يا عاطف يحدث هذا كلما ترددت الصورة الصوتية يا شاب كنتوا مالكم وقتها، أقصد أنت ومجموعة نحن التى تخصك من شياطين وملائكة. كنتوا طيبين يا عاطف ؟
09-13-2009, 11:56 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
وأولهم أستاذنا وشاعرنا هاشم صديق أهديك يا فنان رائعة المخرج الإسبانى كارلوس ساورا فقد أهديتنا أياها من قبل فى ذلك الشتاء من العام 88 ونحن نتحسس خطواتنا على الخشبة. هنا تعيد لك جماعة نحن إهداء ذلك المشهد البديع، مشهد الصراع بين كرستينا وكارمن فى مصنع التبغ. أهديه أيضاً لزملاء وأصدقاء الدفعة 17 مسرح من خريجى المعهد، والبطبع لمحبى الفلامنكو والجميلات من الغجر.
إلى السيّد عبدالله صوصل أحد المسرحيين السودانيين القلائل الذين خَبِرُوا صمويل بكت، بالصبر والعمل الدؤوب فى تحليل مسرح وفلفسة هذا الرائد الهام من رواد مسرح العبث. وأحد القلائل جداً الذين طبّقوا هذا البحث النظرى على الخشبة، بإخراجة عدة نصوص لرواد هذا النوع من المسرح. أهديك يا صوصل يا إبن أمى هذين الجزئين من مسرحية لبكت .. تجد هناك أيضاً النص الإنقليزى .
إليك أولاً الجزء الأول: وهنا تجد الجزء الثانى يا ود يا فنان:
الأعزاء جداً - محمد طه الجد من جهة الأم للولد أحمدشوف هههههه كيف معاك دى يا فردة الملك الملك البراحة .. وين يا الزين ؟ - سلوم الخاتية اللوم - محمد زكريا صديقنا مورتون النحنا متلومين معاهو
كل سنة يا شبيبة وإنتو بألف خير جاييكم كلكم بالمهلة زول زول بس أصلّح الفديهوات دى بعد فك حظر الكوتات غير المتوقع صبراً ح أهريكم شوف شوف شوف ... شوف صاح
09-19-2009, 01:00 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
سلامات يا محمد طه وليك إنت كمان وحشة والله وين يا صديق .. الصيف إتلحس وما شفناش شواية .. هههههه الشوّاية الجوّة قلبى باربكيو .. يا ناس .. ههههه كيف حال أصدقائى رشيد، نونة ورحاب .. علّهم جميعاً بألف خير.
عندى ليك فيدو بالجد شحمان يا محمد المشهد الإفتتاحى من قاتسى ثلاثية الحياة لعمنا المخرج الشحمان Godfrey Reggio والموسيقى للمؤلف الموسيقى الفذ Philip Glass قاتسى تعنى الحياة فى لغة الهنود الحمر (هوبى) .. تجد فى هذا الرابط أيضاً الكثير عن الثلاثية والمخرج. http://www.koyaanisqatsi.org/index.php
09-19-2009, 01:04 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
ناجى الملك يا مصورنا الجميل بقى إنت عندى ليك خبر أهم ... كيف معاك كلام الباشكاتب ده رابط للمصور الفنان راندى ألسون عن السودان http://pa.photoshelter.com/c/olsonfarlow/gallery/Sudan/...kNkUAGW4bYQ--&_bqO=7 وراندى هذا يا ناجى حام فى السودان فترة طويلة قبل توقف الحرب بين شريكى اليوم وعمل كولكشن فريد عن البلد الأكبر فى القارة السوداء .. كان ذلك لصالح ناشنال جوقرافك كانال والتى بدورها صممت برنامج بإسم Shattered Sudan
أهديك برضو مشهد من جنوب البلاد .. قبل توقف الحرب أيضاً
09-19-2009, 03:06 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
وسوس أحد الملائكة العاطلين عن العمل لشيطان آخر متوسط الذكاء : النهار ده أنا مزاجوا شوية غريب .. يكون مالو ؟ الشيطان: يا خى أنا بطنى دى طامة من لمتكم دى .. وقريب فايتكم .. وترتونا يا وهم !! الملاك : أسى مالك هايج .. قلنا شنو أصلو .. سألناك بس من الزول ده .. فيها شنو يعنى الشيطان : عارفنى من ما إتلميت معاكم جنى وجن الوسوسة .. إنتو ما تسألوه عديل .. ولا خايفين يطفشكم !!!!
صنننننن ... صنوا .. حال خروج أنا من الحمام
09-19-2009, 03:27 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
سلامات يا مورتون كيفك يا شاب وعلّك بخير كل الظروف حالت دون اللقآت واللمات سعيدين والله بوجودك فى هذا المكان بعد جهد كبير منك ومن الشبيبة وأخيراً سيد الحوش سمح بفتح الحوش أهديك هذا الفديو الجديد لصديقك عاصم الطيب
09-19-2009, 05:35 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
ويا سلام عليك إنت ألف مرة يا أحمد المرضى ويا سلام على التخاطر وتوارد الحب الحب الكثيف والشحمان للمخلوق شينيد أوكونر. هذا الكائن العجيب. تعرف يا أحمد قبل عشرة أيام تماماً أهديتها أنا أيضاً لصديق حميم جداً عبر الفيسبوك صديقى وأخى صلاح أحمد عوض الكريم هو من عرفنى على شينيد أواسط التسعينيات من خلال شريط فيديو والخرطوم وقتها لا تجد فيها غير العسس الملتحين .. كان زمانٌ يُندر فيه الفرح يا أحمد
لا شئ يضاهيك .. هكذا تكرر شينيد والعبرة تخنقها .. وتنزل على خدها دمعة دافئة فى جو تصوير الفيديو البارد
لا شئ يضاهى هذه الهدية القيمة يا أحمد يا فنان تحيات للصديقة إيمان وكل الأسرة
09-21-2009, 06:37 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
سلامات الفاتح سليمان ومرحب بيك على الخشبة السايبر تسلم يا حبيب على العفرتا وكده ... لكن قولى: مشاركات: 97 مشاركة ومسجل ليك إسبوع ! ما كتيرة شوية يا الفاتح أبوى ؟ هههههه
يا زول نحن نشجع هذا النشاط تشكر مجدداً يا شاب على المداخلة
وخليك قريب.
09-21-2009, 06:19 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
سلامون .. سلامون يا عبدالوهاب وعلّك والوليدات وأمهم طيبين تعود الأيام بتحقيق الأمانى والأحلام لكل العالمين فى هذا الكون الفسيح سعيد بسعادتك لهذا الزول الهادى وبراحة .. حبيبنا عفيف إسماعيل
لا لا يا عبدالوهاب .. لا ما تلفّها لى .. باكُلا قبلى ... ههههه
ضحـــكــــات عـــــريضـــــة
09-24-2009, 10:50 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
تسلم يا أحمد المرضى يا فنان والله إنت زول تفتح النفس والشهية لــــِ ها الحياة من زمن بفكر إنّو أكتب حاجة عن الفديوآرت وأعرّف الناس المابعرفو حاجة عن الفن ده، عن تأريخو، مدارسو، تياراتو وإتجاهاتو الحديثة جداً والمعاصرة. رايك شنو .. فى حتتنا دى .. ندوّر فى الموضوع ده، ونعمل لينا تمرين .. تمرينين كده .... ههههه
أحب جداً كراسات الإسكتشات والكشاكيل، أولاً لأنها عفوية وصادقة وثانياً تجد فيها حاجات شحمانة قد تمّ إبعادها بقرار أو مزاج من الفنان ( off record) وأصبحت ليست للعرض والبوست الجابك ده وخلاك برضو بالعفوية دى تتداعى، أسميه أنا إسكتشبوك.
أها قلتو شنو يا ناس أمريكا فى موضوع الفديوآرت .. وإنتو عندكم بهناك الرواد وأصحاب البدايات الأنيقة ناس نام جون بايك، جون جوناس، بروس ناومان ... مروراً بالعملاق بل فيولا حتى تجارب الشباب الحديثة جداً.
Paik, Nam June Seoul 1932 - Miami (FL) 2006
TV-Boeddha 1974 From Stedelijk Museum collection
ونسمع منك يا شاب،
09-28-2009, 09:24 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
وسوس الملاك لآخر وهما جالسان على لستك عند زاوية من زوايا الروح: الناس دى مشت وين .. معقولة يكونوا لسّا فى الفطور ! ردّ الآخر: بجوا .. لوك الصبر يا وهم. الملاك الموسّوس: ألوك الصبر وهم يمشوا يفطروا ... التمييز دا كيف .. كدى عرّفوا لى.
09-29-2009, 05:51 AM
محمد سنى دفع الله محمد سنى دفع الله
تاريخ التسجيل: 12-10-2005
مجموع المشاركات: 10986
كيف معاك الحركة الجماعية دى .. والله ألقالى ممثلين بالحرفنة دى .. هيع إندنا والله يا سمندلاوى إندنا .. ولكن والله كنتا شغال يوم العيد .. وأحمد وأمو عيدو برا المدينة يعود على الجميع بالصحة وأحلام وأمانى محققة
سمعتا والله بجية طارق دى فى بوست مورتون خلو بالكم من الجنا دا .. باقى بخاف من الطيارات تمنياتنا ليكم بليالى شحمانة
10-01-2009, 00:36 AM
منعمشوف منعمشوف
تاريخ التسجيل: 12-08-2002
مجموع المشاركات: 1423
دا ما كيزان ؟ ههههههه سلامون يا الجيلى أبشلاليف أمشى قول الكلام دا هناك ! وين ؟ فى القسم . ولا أقول ليك فى بوست صاحبنا ودفع الله حيث المناخسة والمشاكسة.
ســلامون يا معتز .. الكلام ده كان هناك فى البوستات البخافو الناس يدخلوها. هنا بقى كان جيت زول شكل .. حرّم تضحك ليك ضحكتين .. حتى بعد داك البلنجة تدوّر. البينا عامرة يا أبو الشباب وما تشيل فى خاطرك .. مع تمنياتنا ليك بحياة سعيدة على الخشبة السايبر.
10-02-2009, 08:19 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
يا أصحاب شنو الصنّة ... ما تجوا تقولوا ودعناك الله .. ولا حتى ما ودعناك ! أنا ماشى من الحتة دى قريب .. وقريب جداً .. وحاة رويحتى وملايكتى وشياطينى ديل .. ماشى .. وتانى تب ما راجع.
يا فيصل عباس يا كارثة .. أمرق من تابوتك (يا قول الكارثة التانى عثمان محمد صالح)
أمرقوا يا كوارث من توابيتكم دى وتعالوا قولوا : ﮀــــاو ﮀــــاو منعمشوف ... هههههههه ضحكات عريضة
بعدين بتبقى ليكم ندامة لمن بكرى يسوّد هذا المكان. حالة غياب 65 kgs + مجموعة بليدة من الملائكة والشايطين للأبد .
ســــلامون صبرى الشريف إزيك يا زول يا زين وكيف صحتك وأخبارك. بداية هذا العام وعندما عاد تروس من كندا، شاهدت الفديو والذى عددتم فيه مآثر الراحل الأستاذ عمر على تروس، شاهدناه وكنّا مجموعة من صديقات وأصدقاء محمد تروس ومنى. كان عملاً وثائقياً أنيقاً وفعل إنسانى عميق ومؤثر.
وأرجو أن تنقل تحياتى الحارة جداً للصديق القديم الجديد صداح محمد الحسن (هل حكى لك أبداً أننى قد كنت آخر زول من أصدقائه وفى رفقته حتى عتبة اللوفتهانزا حين مغادرته السودان) صداح دا زول ونّاس وحكّاى وأحد الحافظين لتأريخنا عندما بدأنا دراسة المسرح كأولاد صغار أواخر التمنينات. ماعارف المنافى دى سوت فيهو شنو أسع .. خصوصاً مهجر زى أليلكم دا (أمريكا) أجارك الله. سلّم لى عليهو شديد. وتحياتى مجدداً ليك يا صبرى ومشكو جداًر على مداخلتك وأريحتك
ويسأل الخير منك إنت ووليداتك وأبوهم كيفنك يا بت الجنيد علّك بألف خير سعيد وفرحان أنا والله بطلتك فى بوستنا قبل الأخير ... هههههه
من يومين بمشى وأتاوق وأقرا فى رقراق الضحى حيث الرؤية العميقة لحال البلد ولما حدث من خراب فى أجزاء عزيزة منها والتنبؤ بما سيحدث فى كل إمتدادتها إذا إستمر هؤلاء الساسة عديمى المواهب فى إدارة أزمات هذا الوطن بهذه البلادة وهذة الشتارة.
وتبنت سوما جبهة القمرا وقالت:
وفضلت ابحلق فى القريب حتى البعيد .. مد البصر الكل ملجم من طرف الا من شيتا كتر نضما كتر نشف الكلام وسط الحلق جف العرق نشف جريدنا والورق والجوف فتر وفضلت ابحلق فى القريب حتى البعيد .. مد البصر الكل ملجم من طرف الا من شيتا كتر نضما كتر نشف الكلام وسط الحلق جف العرق نشف جريدنا والورق والجوف فتر والجاى حار و طعمو م
ويا سوما فعلاً " الجاى حار و طعمو مر" كان بقوا يسوا فى سواتن دى المن زمن حفرو البحر لا يتطوروا يا كافى البلا .. لا يكوسوا مناهج وطرق جديدة لحل الأزمات .. والشعب المسكين بفقد كل يوم فى روحو.
شكراً ليك تانى يا فنانة وخليك قريب .. باقى أنا برضو فايت سودانيزاونلاين قريب
10-03-2009, 01:23 PM
حافظ كنجال حافظ كنجال
تاريخ التسجيل: 10-02-2009
مجموع المشاركات: 511
Quote: شكراً ليك تانى يا فنانة وخليك قريب .. باقى أنا برضو فايت سودانيزاونلاين قريب
منعم النبى فيك عاد كان تفوت تخلينا للحال الاشتر .. كل شىء بقى ماشى بالمقلوب ما باقى لينا الا الكتابة والرفقة الطيبة دحن يابا انتو ياكم الرفقة الطيبة صدقنى ما اهتميت باسم البوست بقدرما فرحنى اسمك فوق حتى وان كان المقصود اسم البوست بمضمونه خلينا نؤجل الاخير ده لى زمنا كتر عشان خاطرنا يا الحنين والشوق غيمه ومطرتين بجيك صاده تسلم
10-03-2009, 03:06 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
سوما الحنينة تسلمى يُمّة على الظن الحسن فىّ ما عندك مشكلة .. نأجل لو كُتب للبوست عمر. وترانى قاعد فى وطات الله دى وبحوم قريب على كل الأصدقاء اللمّانى بيهم هذا السايبر البديع، وحوش بكرى العامر وبجيكم هناك زائر عند أهلكم وأشوفكم وتشوفونى - ألايف
نأجل يا سوما فخاطركم عندى والله شحمان.
10-03-2009, 01:51 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
والله تخاطر شحمان يا حافظ تعرف كنت عندك بهناك ومتخيلك لسة جديد لنج لكن لقيتك زول قديم ومخضرم كمان ففمت سلمت ساكت ومرقت ههههههه كيفك ياشاب وكيف أخبار المسرح والخشبات
[QUOTE] حقق الشاعر والكاتب المسرحي ابن الحصاحيصا عفيف اسماعيل نصرا اخر باتجاه خطواته الراسخة نحو العالمية والاندماج المثمر داخل مجتمعه الجديد باستراليا، حيث فازت مسرحيته "اكفان او اموات" ضمن مسرحيتين اخرتين لجائزة الاعداد والتطوير المسرحي المقدم من المجلس الاعلي للثقافة باستراليا. وسوف يتم تمويل المسرحيات الثلاثة بمبلغ 180.000 دولار، 60.000 دولار لكل مسرحية من خلال مبادرة غرب استراليا لتطوير المسرح، وسوف تقام ورشة عمل لمدة ثلاثة اسابيع لتطوير مسرحية "اكفان او اموات" ابتداء من الاول من نوفمبر 2009 وسوف يشارك فيها خيرة العاملين في الحقل المسرحي بغرب استراليا.ضمنهم شريكه في ورشة التخليق الابداعي المستمرة المخرجة والشاعرة فيفيان غلانس Vivienne Glance ومايا هواتن Mia Holton المتخصصة في التصوير والفيديو والمخرج جيرمي رايز Jeremy Rice بجانب الفنانة بيانكا مارتن Bianca Martin المتخصصة في فنون تصميم العرض البصري والرقص وثلاثة من الراقصين والممثلين. وسوف تضم الورشة ايضا في خطوة جديدة، لترابط وتعاون مبدعي المهاجرلابراز الثقافة الافريقية والعربية. كل من المخرج عبد المنعم ابراهيم –شوف-المقيم منذ عقد من الزمان بهولندا ويعمل بمتحف امستردام، وايضا الموسيقار المعروف عاصم الطيب، قطعا سيكون هذا المثلث الذهبي خير رسول للثقافة.
سلام يا منعم..
خالص الامنيات لك ولعفيف وعاصم
بمزيد من النجاحات.
10-03-2009, 03:19 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
تسلم يا الحنين يا ركازة السمحين الله يخليك لينا يا دخرينا .وضى شبابيكنا تسلم يا منعم ويديك قدر نواياك يا صافى عاد اليوم البجيبك لينا دة يوم الفال السمح يجيبوا الله ويقرب المسافات كل المنى يا حنيين
وشكرا نيلين وخضرة على هدية البنية الفنجرية رشوية
10-03-2009, 09:10 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
Quote: عاد يا سوما .. الراس دا كان كِبِر .. ماجدة مااا بتقدر تثبّتو تب ! الله يخليك ويحفظك لوليداتك والفاتح ولكل السودان .. يا كريم
مهما كبر يابا ماجده هى الماجده الكبيرة تسلموا الاتنين ويديكم قدر يرضيكم تحياتى ليها بالله الفاتح بسلم عليك شديدوقال ليك سلام يا منعم بس نحن لى هسه ما شفنا شىء هههه منعمشوف دى خليها لما نشوفك سلامى لكل من بطرفك
10-04-2009, 01:30 AM
الملك الملك
تاريخ التسجيل: 01-02-2005
مجموع المشاركات: 5756
ياخ انت ما قُتا جاي,,,ضهبتا واللا شنو؟ الرابط بحتاج لى كم يوم "شوف"عارف ...دائماً الزول الزائر بلمح تفاصيل الحاجات التمر قدامنا ساى ياخ متعتنى جداً و شكراً جداً مافى سِكة تجى الشوق يا صاحب
10-06-2009, 00:09 AM
منعمشوف منعمشوف
تاريخ التسجيل: 12-08-2002
مجموع المشاركات: 1423
شكراً يا سوما على النضم الذى يفتح الشهية لهذه الدنيا الحلو مر. واضح إنو الفاتح ده زول براحة وبتاع كيوهات شحمانة وفكه، الكيهوهات دى طبعاً مفاتيح الحوار والحركة فى المسرحيات، وأصبحت مصطلح أيضاً بين المسرحيين السودانيين للقفشات والفكاهة فيما بينهم. وفى الحياة المسرحية السودانية هناك مجموعة كبيرة من هؤلاء الفنانين أصحاب الكيوهات الذكية، يحضرنى الآن صديقى ودفعتى عبدالعظيم محمد الطيب، وعبد العظيم هذا كيوهاتى لمّاح وبديع. لن أحكى لكم يا فاتح وسوما ... كيّة ليكم لامن ألاقيكم .. وأحكى ليكم عن عظَمُتِى كما تدلعه عوضية زوجه، الدفعة أيضاً.
شكراً مجدداً يا شبيبة لهذا الحب وتحبات زاكيات من مجّـــود وأحمد الرضيع.
10-06-2009, 00:27 AM
منعمشوف منعمشوف
تاريخ التسجيل: 12-08-2002
مجموع المشاركات: 1423
لظروف لها علاقة بالمتحف حيث أعمل، تأجل مشروع السودان حتى بدايات يناير القادم. جاى يا ناجى لامن أعمل ليك وجع وش ...بالمناسبة ! ماذا يقابل وجع وش فى لغة الشارع السودانى اليوم ؟ خلى أخوك كمان شوية أب تو ديت ! يفرحنى أنك جعلت لهذا الشوك المنسى معنى أن يعيش ويطعن ! دا تكوين مختلف .. ماسبققك عليهو زول يا ناجى حسب علمى حتى الآن.
والله بعد التصريح دا تلقا الجرايد بكرة كلها شـــــــــوك .. شـــوك تقيل
10-10-2009, 11:20 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
مشــــهد من مسرحية التمثال والتى أنتجتها ورشة جماعة تــآلــف المسرحية والمكونة من محمد تروس ومجيد حسن ومنعم إبراهيم والتى إستمرت حتى بدايات 2000 بهولندا، قدمت خلال هذه الفترة العديد من العروض المسرحية فى مختلف المدن الهولندية معتمدةً على تكثيف التعبير البصرى لإيصال رسالتها بإستخدام المايم فى تواصلها مع الجمهور الهولندى
التحية من هنا لمحمد تروس ومجيد حسن ولتلك الأيام الجميلة ولإبراهيم حمودة فى الإضاءة والمؤثرات وطارق أبوعبيدة فى الصوت ولمسرح تياتر هت كلاين بمدينة آيندهوفن جنوبى هولندا، وللطفل الصغير وفتها مصوّر الفديو (طفل هولندى فى الثالثة عشر من عمره من ضمن الجمهور تطوع بتوثيق العرض وبحمل كاميرا الفديو والتى كانت تخص صديقنا عمر سعيد) ولسوزان صاحبتنا التى تضحك فى الخلفية.
11-01-2009, 09:10 AM
منعمشوف منعمشوف
تاريخ التسجيل: 12-08-2002
مجموع المشاركات: 1423
من بُُرث بغرب أسترالياحيث يقيم صديقى عفيف إسماعيل نكتب نحن. غدا صباحا سيتحقق أحد أحلامنا الصغيرة بإنطلاق ورشة عمل تطوير نص أكفان أو أموات المسرحى للكاتب عفيف إسماعيل والتى ترعاها مبادرة غرب أستراليا لتطوير المسرح.
لمزيد من التفاصيل راجعوا الرابط فى الأعلى.
سأحاول العودة كلما حانت فرصة.
11-27-2009, 06:02 AM
منعمشوف منعمشوف
تاريخ التسجيل: 12-08-2002
مجموع المشاركات: 1423
لم تحن أىّ فرصة لتصفح سودانيز حتى. عدت صباح اليوم إلى مُراحى بأمستردام بعد رحلة طويلة جداً من برث بغرب أستراليا عبر ماليزيا. بعد تجربة مسرحية مختلفة مع عفيف إسماعيل وفريق أسترالى. سأكتب فى البوست الأخير عن ورشة تطوير نص أكفان أو أموات. وعن ورشة المسرح السودانى التى صاحبتها، وعن العروض المسرحية التى تابعتها هناك، وعن عفيف الشفيف ونازك عثمان والأصدقاء رفيف، وريف وعمو شادى، عن المبدع عاصم الطيب والفنانة ياسمين إبراهيم ، وعن صانعى مسرح وشعراء أستراليين أصبحوا مهمومين مثلنا بالسودان. http://shroudsorthedead.wordpress.com/about
فقط دعونى أرتب نفسى فى هذا المُراح البارد الرطب.
11-27-2009, 06:25 AM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
هذه الصالة الى انت وهذا الجمع الفهيم تجرون على ارضها احس انى اعرفها اشتم فيها عطرالمسرح هو عطر لا ككل العطور له لون وطعم ورائحة التجربة نفسها اجمل الوان و... لحظات تلك التى نقف فيها على خشبةالمسرح لكم افتقد مسرحنا واهله وناسه
كل عام وانت والمسرح وكل ابناء المسرح بالف خير محبة اكيدة اسفة النت عندنا بطئ جدا وعليه تترتب بعض الاخطاء
ســـلوم الخاتية اللوم كيفك يا صديقة، مازلت والله عند وعدى وأكيد بنحققو وقريب جداً.
ياريتك لو كنتى معانا يا فنانة فى ها التجربة الجديدة كتّا محتاجين رؤى مختلفة لفنانين سودانيين،
فى طريق عودتى تحدثت مع نجاة محمود بالتلفون وجات سيرتك بالخير وبالتاريخ البتكتبيهو هنا فى هذا المكان. فتحنا مواضيع كتيرة عن تأريخ المسرح السودانى الحديث وعن تجربة طلاب النقد فى توثيق هذا التأريخ، ووعدنا بعض بالإهتمام والتركيز على هذا الموضوع وأكيد أنت وباقى الزملاء هنا ما ح تقصروا.
11-27-2009, 08:28 AM
يحي ابن عوف يحي ابن عوف
تاريخ التسجيل: 05-25-2002
مجموع المشاركات: 6335
العزيز جداً يحى كيفك يا زول يازين .. والله ليك وحشة يا حليل البورد الزمان يا يحى ههههه الحنية إتلحست يا راجل. كل سنة وإنت طيب وربنا يحقق أمانيك وأحلامك
11-27-2009, 09:45 AM
khatab khatab
تاريخ التسجيل: 09-29-2007
مجموع المشاركات: 3433
كان العرض السودانى أهل الكهف للمخرج وليد الألفى والمصمم حاتم بابكر كوكو ضمن العروض لبرنامج إختيارات من العالم والذى يقيمة مسرح مدينة روتردام كل نهاية صيف، تمّ ذلك بالتعاون والتنسيق مع منظمى مهرجان السودان الآخر للفنون 2009 وهم منظمة الفنون للتنمية-السودان والتى يقوداها الدكتورة الهولندية فى علوم المسرح ميكا كولك والفنان المسرحى السودانى محمد تروس. http://www.artsafrica.org/othersudan/index.html تابعوا هنا المشهد الإفتتاحى للعرض The people of the cave-intro scene 7:26 min The people of the cave a Sudanese theatre performance which took place in Rotterdam playhouse on 27 sep 2009 16:30 during the Sudan festival in Holland.The people of the cave is directed by Wlid Al Alphy, scenography by Hatim Babikir, camera Moniem Ibrahim
12-23-2009, 10:06 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
زمااااانك قلت فى البوست لفنانا أحمد المرضى أنا عايز البوست دا زى كشاكيل الفنانين التشكيلين يعنى كُراسة إسكتشات وتدوين أفكار ولصيق صور وفديوز وخربشات وشخبطات وكلام عن الفنون عموماً.
Sudanese theatre on violence and responsibility October 2009 - What do you do if you suddenly wake up after sleeping in a cave for 309 years? That is what happens to the characters in Walid Al Alphy's stage play People of the cave, performed on 25 September 2009 in the Rotterdam theatre in the International Choice programme. These characters once fled from an unjust sultan, and 309 years later little has changed. A portable radio in the cave announces attacks, plagues and war. One by one, each of the men declares himself the new sultan and asks those remaining to hand in their property in exchange for women, cattle and weapons. None of them ever returns, and the last man is left standing alone with nothing in the dark cave. That the play is sending a political statement will be clear: power corrupts, the individual citizens are the victims. In Al Alphy's homeland, Sudan, the consequences of that fact are still painfully present. People of the cave, however, is not a simple play about perpetrators and victims. Al Alphy: "In Sudan, everyone is part of the war. There are perpetrators and victims, but beneath that there is shared responsibility. The new sultans in People of the cave threaten their followers, but the followers themselves are afraid to leave the cave to see the world with their own eyes. They remain in their dormant state." The director is convinced that theatre can be a powerful awareness tool. He describes his performances as keys with which society's secret places can be opened. With the actors and his long-standing decor builder Hatim Babikem, he begins each piece with conversations. What do they want to talk about? Everyone is responsible for both the form and the content: the actors help in the costume designs, the designer contributes thoughts about the text. Theatre of this type is seldom seen in Sudan, says Al Alphy. It is not traditional and not commercial, people find it difficult to label it and that sometimes makes it nearly impossible to produce. People of the cave has been performed in Sudan only once. Al Alphy, however, has great faith in the importance of his plays. After his previous play, about a village burned to the ground in Dafur, was staged, all of the audience members climbed the stage to emotionally discuss the play and to thank him. "These may be pinpricks of light in the darkness", he says, "but they are pointing in a certain direction, and people start moving, and to move is what they need"
12-23-2009, 11:48 PM
منعمشوف منعمشوف
تاريخ التسجيل: 12-08-2002
مجموع المشاركات: 1423
فلم روائى قصير كتب له السيناريو وأخرجه محمد تروس فى العام 2001 كمشروع تخرج لنيل درجة الدبلوم من أكاديمية أُوبن إستديو للسينما بأمستردام.شارك فى التمثيل ماريتا فان هالدرن ، مجيد حسن، منعم إبراهيم، مارنكس، كرس و دومنيك سيفات وقام بعمل تقنيات التصوير، الصوت، الديكور والمنتاج زملاء محمد تروس بالأكاديمية.الفلم يقع فى 11 دقيقة وهو ناطق بالهولندية.يحكى الفلم عن فنانيين سودانيين.لاجئين بهولندا أحدهم موسيقى والآخر تشكيلى.التشكيلى يتمتع بحق اللجوء والإقامة كاملاً بينما صديقه الموسيقى قد رُفض طلب لجؤه وعليه مغادرة البلاد .. ويينما الرجلين فى هذه الأزمة ترددت الاخبار بتشديد الحكومة الهولندية قوانينها على مغادرة كلٍ من رُفض طلبه البلاد فوراً .. بقية الحدوتة يحكيها الفلم بصــــرياً .تمنياتى لكم بمشاهدة ممتعة
12-24-2009, 06:56 PM
معتصم ود الجمام معتصم ود الجمام
تاريخ التسجيل: 04-22-2003
مجموع المشاركات: 3261
سلامون يا معتصم يا وريف سعبد والله بمتابعتك للبوست قبل الأخير وسعيد بمتابعة آخرين وسعيد بتنامى العدد المتابع إستب باى إستب.
زماااانك وكت بدينا تجارب الجمام وشوف قلنا: لو جانا زول واحد ساهد بتركيز يعتبر مكسب كبير والمكسب يا صديق التجارب المجيدة ليس فى العدد المهول المتابع للتجربة المكسب فى إتنين أو تلاتة ركّزوا معاك ومع التحربة ودوّر فى رؤوسهم سؤال
أهديك وأهدى شعبنا السودانى مسيحى كان أو مسلم أو ما عندو دين جزء من عرض لكواتو
12-25-2009, 01:52 AM
Omayma Alfargony Omayma Alfargony
تاريخ التسجيل: 09-01-2004
مجموع المشاركات: 1434
الأخت أميمة الفرجونى سعيدين والله بطلتك فى هذا البوست الكشكول والكتابة عنه بهذا الإهتمام تو يو توو : مري كريسماس آند هابي نيو ايير
شاعرنا وصديقنا أنا هههههههه أقصد عبدالمنعم إبراهيم الحاج كيفك يا زول يا زين وعلّك وسمية قسم والبنيات طيبين تعود أيامنا وأيامكم والأمانى والأحلام محققة يا صديقى
أهديك وأهدى أميمة الفرجونى هذا الفديو القديم الجديد Bee Gees - Stayin' Alive - 1977
دى هدية زول عجوز لناس شباب ههههههه
Album : Saturday Night Fever Lyrics: Well, you can tell by the way I use my walk, I'm a woman's man: no time to talk. Music loud and women warm, I've been kicked around since I was born. And now it's all right. It's OK. And you may look the other way. We can try to understand the New York Times' effect on man.
Whether you're a brother or whether you're a mother, you're stayin' alive, stayin' alive. Feel the city breakin' and everybody shakin', and we're stayin' alive, stayin' alive. Ah, ha, ha, ha, stayin' alive, stayin' alive. Ah, ha, ha, ha, stayin' alive.
Well now, I get low and I get high, and if I can't get either, I really try. Got the wings of heaven on my shoes. I'm a dancin' man and I just can't lose. You know it's all right. It's OK. I'll live to see another day. We can try to understand the New York Times' effect on man.
Life goin' nowhere. Somebody help me. Somebody help me, yeah. Life goin' nowhere. Somebody help me. Somebody help me, yeah. Stayin' alive.
Well, you can tell by the way I use my walk, I'm a woman's man: no time to talk. Music loud and women warm, I've been kicked around since I was born. And now it's all right. It's OK. And you may look the other way. We can try to understand the New York Times' effect on man.
Life goin' nowhere. Somebody help me. Somebody help me, yeah. Life goin' nowhere. Somebody help me, yeah. I'm stayin' alive.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
منعمشوف
معتصم ود الجمام
خدر
الملك
سلمى الشيخ سلامة
محمد زكريا
Ishraga Mustafa
عبدالوهاب علي الحاج
الفاتح سليمان
طارق جبريل
Ahmed Elmardi
محمد سنى دفع الله
سمندلاوى
naeem ali
الجيلى أحمد
حافظ كنجال
يحي ابن عوف
khatab
Omayma Alfargony
فيس بوك
تويتر
انستقرام
يوتيوب
بنتيريست