|
عيادة سودانيزاولاين الطبية ....تحت اشراف اطباء البورد الكرام
|
اخوتى الكرام
السلام عليكم
بحمدلله البورد دا فيه العديد من الاطباء بمختلف التخصصات وصيادلة دى فرصة نكسب معلومة واستشارة مجانية من اخوة كرام اصحاب علم
كم واحد فينا بستخدم الادوية لا يعرف الاثار الجانبية لها
كم فينا اخذ دواء دون استشارة طبيب
كم استعمل ادوية بلدية باعتقاد ان بها شفاء
كم فينا محتاج طبيب نفسى ما قادر يمشى عشان ما يقولوا عليه مجنون
وكتير وكتير .... من الاشياء
ياريت يا اطباء البورد نلقى عندكم الصدر الرحب
وللناس الما عاوزة تنشر ملفات امراضهم اعتقد المسنجر الداخلى موجود
شايفة دكتور شرفى عبد القادر زول نشيط ياريت يدك معاى
انتصار
|
|
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: انتصار محمد صالخ بشير)
|
الأخت الفاضلة إنتصارQuote: بحمدلله البورد دا فيه العديد من الاطباء بمختلف التخصصات وصيادلة دى فرصة نكسب معلومة واستشارة مجانية من اخوة كرام اصحاب علم |
قولة خير لدعوتك الكريمة وطلب الفزعة من كل الأطباء بمختلف تخصصاتهم والصيادلة بشحذ الهمم وتشمير السواعد.. وفي هذا الصدد ولما طالعتنا به في وقت سابق صحيفة عكاظ بعددها رقم 2996 يوم الأحد 9 رمضان 1430هـ / 30 أغسطس 2009م من خطاب الدكتور طارق جمال استشاري طب الأنف والأذن والحنجرة ومحاولته الجادة طمأنة الناس بعدم الفزع مما نسمع ونرى في وسائل الإعلام حول مرض أنفلونزا الخنازير لأنه ليس بالخطورة التي يصورها الإعلام كما أوصي بعدم المبالغة في الإجراءات الواجب اتخاذها وذلك من منطلق حقائق علمية وخبرة شخصية له كطبيب.. وكما قلت،
Quote: ياريت يا اطباء البورد نلقى عندكم الصدر الرحب |
طمئنونا طمئن الله قلوبكم
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: منال)
|
اهلا منال
حبابك عشرة اختى
ايدك معاى يا منال عشان نوقف العيادة دى على كرينا لكن شايفة الجماعة ما عاوزين يقولوا لينا امراضهم شنو
خايقيين من شيل الحال . والبوست دا بساعد الناس عشان تعرف الحالة الصحية لكل عضو عشان نعمل ليه حساب يعنى العندو قلب ما نخليه يدخل فى انفعالات
والعتده مرارة نبعده من المواضيع البتفقع المرارة وهكذا .....
______________________
اعتقد دكتور شرفى اختصاصى انف واذن وحنجرة اكيد سيؤكد لك هو ما اكون لافحه ساى
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: انتصار محمد صالخ بشير)
|
Quote: انتصار تحياتي وكل سنة وإنتي طيبة سوعال نمبر ون: ما مدى إمكانية تبرع مريض السكري بالدم؟ |
ياودالصايم ,, يارب تصوموا يوم الأحد وبتاع المدفع تشيلو نومة. اجابة نمبر ون ,, اذا كان مريض السكرى مريخابى ,, واللى عندو فقر دم هلالابى يبقى التبرع واجب واذا تم التبرع قبال يوم الأحد يكون احسن. *********************************************************** انتصار محمد صالخ ,, انتى الخاء دى منقطها بكرى ولا انتى من باقى الأغاريق اللى قعدوا فى السودان.
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: انتصار محمد صالخ بشير)
|
الاخت انتصار بوست مهم والله وحقيقه بنحتاج فعلاً لاستشاره من دكاتره سودانين-ات خصوصاً في بلاد الافرنج ديل احسن حاجه انه يتعمل نظام في كيفيه الاستشاره يعني هل يكون في بوستيك ده ولا يتفتح واحد تاني ولا ولا ياريت الدكارتره بس يوافقوا
اخ سيف النصر
Quote: يا جماعة عندي خمة نفس و رجفة في كرعي و وجع في ضهري و حموضة و فتر شديد خلاس.. خسوسا لما ادخل سودانيزاونسجم دي...اها ده من شنو؟؟ |
ده من قروشي اللقيتا واقعه وابيت ترسلا لي يادكتور خليك جادي , والله انا عندي اعراض جاده ومحتاج استشاره طبيه تحياتي
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: Elsanosi Badr)
|
السنوسى اخوى
سلامات وكيفنك ....سألتك بالله زول عنده الاعراض دى كلها Quote: ا جماعة عندي خمة نفس و رجفة في كرعي و وجع في ضهري و حموضة و فتر شديد خلاس.. خسوسا لما ادخل سودانيزاونسجم دي...اها ده من شنو؟؟ |
بثبته شنو غير تضريسة جك الليمون المر دا شفت الرشته دى كيف ؟؟
عشان كدا قلنا يجونا الدكاترة عشان ما نفتى ساى
تسلم اخوى على المرور
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: انتصار محمد صالخ بشير)
|
انتصار كيف الحال ..
والله فعلاً مبادرة دكتور شرفي وغيرو ما غريبه ان شاء الله ربنا يجزيهم الف خير ..
ود الصايم ما محتاج دكتور لكن محتاج قرار يقطع التمدد لأنو لو اتمدد اكتر من كده حا تحصل كارثه
المحتاج دكتور بالجدير ناذر الخليفة . ناس سوداني mDSL عملوا ليهو مصران وقرحة وحاجات تانية ، حقوا نطالب شركة سوداني بعلاج ناذر في المملكة المتحدة ولا في امريكا على حساب الشركة لأنها السبب في الكلام ده
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: علوبه)
|
محمد ..
Quote: المحتاج دكتور بالجدير ناذر الخليفة . ناس سوداني mDSL عملوا ليهو مصران وقرحة وحاجات تانية ، حقوا نطالب شركة سوداني بعلاج ناذر في المملكة المتحدة ولا في امريكا على حساب الشركة لأنها السبب في الكلام ده |
ناسك ديل ماكليني في المية وعشرين الكنت بدفعا ليهم ، معقولة يودوني امريكا ولا بريطانيا للعلاج ..!!
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: انتصار محمد صالخ بشير)
|
كل الشكر على الترحاب بما يخص مرض الفشل الكلوى بصفة عامة نجد انه ينقسم الى قسمين: 1. فشل كلوى حاد. 2. فشل كلوى مزمن.
حتى نثبت ان النسبة فى ازدياد لابد من معرفة العدد المتوقع مع عدد السكان. كذلك لابد من الاعتراف بارتفاع نسبة الوعي الصحي لمواطنيين.
الاحصاءات تتفاوت ما بين اصابة (150-500) شخص بين المليون في كل عام. اتضح من الدراسات ان نسبة الفشل الكلوي في السودان لم تتخط المعدل العالمي، فهناك ما بين (150-200) في كل مليون يصابون بالمرض سنويا.
اذا رجعنا لضخامة العدد نسبيا مع ازدياد الوعى الصحى يمكننا ان نركز على بعض النقاط: 1. الاهتمام بمراكز الرعاية الصحية الاولية بتفعيل التوعية الصحية للمواطنيين. - الكشف المبكر عن الامراض. - الاهتمام بالتحصينات ومتابعتها. - المتابعة بعد اكتشاف الامراض المزمنة مثل الضغط والسكري وامراض الجهاز البولي. 2. التركيز على المناطق المعرضة للخطورة مثل تلك التي بها نسبة عالية من حصاوى الكلي. 3. دور الجهات الاخري المساعدة مثل متابعة المنتجات الغذائية ومدى صلاحياتها. 4. توعية الكادر الصحى العمل من اهم الاليات وذلك بتحديد التشخيص الصحيح.
اضافة: - الفشل الكلوي الحاد هو الفقدان المفاجيء لوظائف الكلى. - اكثر اسباب الفشل الكلوي شيوعآ هو الهبوط المفاجيء في تدفق الدم في الكليتين الناتج عن النزيف الزائد ( ويشمل ما يحدث أثناء العملية الجراحية ) أو الصدمة أو الجفاف الشديد. كما يمكن أن ينتج الفشل الكلوي الحاد عن الادوية التي تسبب الالتهاب الكلوي البيني، أو عن تضيق الشريان الكلوي أو عن انسداد أو اعاقة خروج البول من الكليتين ، وهذا يمكن أن يحدث في حالات تضخم البروستات أو اورام المثانة ، أو عن الامراض التي تبدأ في الكلى مثل الالتهاب الكلوي الكبيبي. الفشل الكلوي الحاد يمكن أن يهدد الحياة إذا لم يعالج، قد يكون من الضروري إجراء غسيل للكلى ( وهو الاجراء الذي يتم أحيانآ بصفة مؤقتة ). الفشل الكلوي الحاد يمكن عادة شفاؤه إذا تم علاج سبب حدوثه.
نتابع
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: علوبه)
|
مواصلة فى موضوع الفشل الكلوي: * أسباب الفشل الكلوي الحاد: - هبوط وخيم في ضغط الدم بسبب عدوى حادة أو فقد للدم أو نوبة قلبية - اضطرابات حادة للكلية - عقاقير سامة للكليتين - بعد الجراحات المعقدة - انسداد في الاوعية الدموية المتجهة للكلية - صدمات أو حروق أو جروح حادة - بعض الادوية
* العلاج: هدف العلاج هو إيقاف تقدم الفشل الكلوي عن طريق علاج الحالة المسببة له ، وهذا غالبآ ما يشفي المرض في قليل من الأيام أو الأسابيع أو الشهور حسب الحالة المسببة. من الضروري أيضآ منع تراكم السوائل و النفايات الزائدة ، وقد يتم تحديد ما تتناوله من بروتين لتمنع كليتيك من الإضطرار إلى التعامل معه ، وقد تعطى مدرات البول لزيادة إخراج السوائل من الجسم . قد تستخدم عقاقير أخرى للتحكم في مستوى البوتاسيوم في الدم ، وقد تحتاج إلى غسيل الكلى إذا كان التلف الكلوي شديدآ. أخيرآ نقول : رغم أن الفشل الكلوي الحاد يمكن أن يكون خطيرآ جدآ ، إلا أن معظم الناس المصابين به يشفون ويستعيدون الحالة الطبيعية للكلى بمجرد علاج الحالة المرضية المسببة. أي أنه إذا كان بالامكان تصحيح الضرر اللاحق بالكليتين ومعالجة العوامل المسببة ، فإن الوظيفة الكلوية يمكن أن تعود إلى طبيعتها في غضون أسابيع عديدة ، أما إذا كان الضرر اللاحق بالكليتين غير قابل للانعكاس ، فإن شفاء الكليتين يكون غير ممكن وتتحول الحالة إلى فشل كلوي مزمن.
نواصل
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: انتصار محمد صالخ بشير)
|
سلامات يا انتصار
بوست موفق باذن الله
من بوستيك احي د. شرفى وهو دكتور شاطر و فاضل جدا وانسان بمعنى الكلمة
لقد وقف معنا وقفة لنا ننساها مدى ما حيينا فى مرض والدى له الرحمة والمغفرة هو وجميع دكاترة وحدتها(دكتور:اسامة مرتضي،حيدر،محمود ابو قناية،مضر،العراقى التجانى المشرف،مشاعر،يوسف،.....)بمستشفى ابن سيناء سابقا، وهم مجموعة متميزة
تحياتى للدكتور شرفى عبد القادر
لك التحية مرة اخرى انتصار
ومنتظرين باقى الدكاترة
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: Muna Khugali)
|
المللكة بت الخليفة
نورتى البوست
وكل سنة وانت طيبة وين يا زولة مسجلة اختفاء من المنبر
Quote: مع التخصصات الفوق ديم عندك اخصائي قلب وجراحة ابراهيم كوجان.. هو مافي الايام دي ومشغول في كوجين في الخرطوم.. اكيد لما يرجع بيكون من المساهمين في عيادتك الخيرة.. |
ان شاء الله هذه العيادة تجمع كل التخصصات وتعمل القائدة والاجر عند الله للاخوة الاطباء
ما تغيبى عنا كتير
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: فادية اليمني)
|
الاخت فادية
السلام عليكم
اولا الف ورحمة على روح الوالد
واهلا وحبابك عشرة
يا اختى انا مؤمنة ايمان قاطع ان الطب دا بدرسوه ناس فى قلبها الرحمة والالفة
وشكرا لهذا القول الجميل
Quote: من بوستيك احي د. شرفى وهو دكتور شاطر و فاضل جدا وانسان بمعنى الكلمة
لقد وقف معنا وقفة لنا ننساها مدى ما حيينا فى مرض والدى له الرحمة والمغفرة هو وجميع دكاترة وحدتها(دكتور:اسامة مرتضي،حيدر،محمود ابو قناية،مضر،العراقى التجانى المشرف،مشاعر،يوسف،.....)بمستشفى ابن سيناء سابقا، وهم مجموعة متميزة
تحياتى للدكتور شرفى عبد القادر |
وانا ايضا عبر هذا البوست احى دكتور شرفى وزملاءه الكرام
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: سعد مدني)
|
Quote: د. هشام عثمان
تحياتي
اريد ان اعرف علاج رجفة القلب المزمنة، و الاحتياطات الواجبة لتفادي ارتجافه، و هل للغدة تاثير في ذلك.
|
الاخ الكريم/سعد مدني اندي التحايا
ارتجاف القلب المزمن هو احد اضطرابات النظم القلبي heart rhythm disturbance ورغم انه يصنف ضمن المشكلات الحميدة الا انه يعد ايضا من اكثر الحالات المثيرة للاحباط لدي المريض والطبيب معا بسبب وجود طيف واسع من الحالات المرضية الاخري التي يمكن ان تؤدي الي ارتجاف القلب باعراضه المتنوعة مع عدم وجود علاج حاسم ونهائي لاغلب الحالات المزمنه .وقبل الدخول في تفاصيل العلاج ,دعنا نشرح بايجاز وتبسيط ماهية هذا الارتجاف Atrial fibrillation,هو اختلال في نظم القلب ناجم عن نبضات كهربائية سريعة ,غير منتظمة وفوضوية chaotic صادرة من الاذين ونتيجة لهذا المسار الفوضوي للنبضات يصبح معدل الخفقان القلبي سريعا ويتم فقدان التناسق في الخفقان بين الاذينين والبطينيين مماينذر بهبوط القلب Heart failure.ابرز الاعراض التي يشتكي منها المريض عادة ,الاحساس بسرعة خفقان القلب palpitation ,ثم الشعور بالاعياء والفتور السريع بسبب قصور الدورة الدموية وكذلك ضيق التنفس,والم واختناق في الصدر اذا كان المريض يعاني من قصور الشريان التاجي.اسوا شيئ يمكن ان يحدث هو تكون التجلطات الدموية في الاذين وتحرك الجلطة من القلب الي مختلف اجهزة الجسم خاصة المخ وقفل وانسدادالدورة الدموية وبالتالي تعطيل الوظائف الحيوية لتلك الاجهزة البعيدة عن القلب. ذي ماذكرت سابقا الاسباب كتيرة ومتنوعة لهذا المرض وفي بعض المرضي لاتوجد اسباب واضحة حتي,لكن بشكل عام يمكن القول ان فرط نشاط الغدة الدرقية وارتفاع ضغط الدم المزمن وقصور الشرايين التاجية والافراط في تناول الكحوليات والعقاقير المنشطة هي ابرز اسباب حدوث الرجف الاذيني. استراتيجية العلاج حقيقة تختلف من مريض لاخر individualized تبعا لطبيعة الاعراض ودرجة ومستوي الاستقرار في ديناميكية الدورة الدموية,ولكن يمكن القول اجمالا, في حالة الرجف المزمن لابد من اعطاء مضادات التجلط Anticoagulants لمنع تكون الجلطات,ثم اتباع احدي طريقتين: غض الطرف عن اضطراب النظم الذيني ومحاولة السيطرة علي البطين بالادوية الناظمة او بالوسائل التدخلية المباشرة مثل Av junction ablation ,الطريقة الثانية تعتمد علي rhythm control منذ البداية عبر antiarryhthmic medications وعبر ال Rate control medications او زرع نظيم قلبي pace maker بالوسائل التدخلية interventional البسيطة, لكن في تقديري حجر الزاوية في العلاج ومنع تكرار الظاهرة المرضية هو اكتشاف الاسبابThe underlying causations ومن ثم معالجتها جذريا ان امكن.
(عدل بواسطة Hisham Osman on 10-02-2009, 05:45 AM) (عدل بواسطة Hisham Osman on 10-02-2009, 05:47 AM)
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: ناذر محمد الخليفة)
|
إنتصار بوست جميل وموفق .. سؤال للدكاترة الأفاضل .. عندي مشكلة بتاعت نوم .. نومي كعب شديد .. عادي ممكن يمر علي شهر أكون بنوم بين ساعتين لي أربعة ساعات في اليوم.. دائما أبدو مرهق وتعبان وزي الداير أنوم هسي .. وأول ما أرجع البيت ما بقدر أنوم .. ممكن أرقد في السرير أتقلب ساعتين تلاتة لكن لمن أنوم الساعة بتكون 5 ص .. عندي أرتفاع في الضغط .. بتناول (كوربس) بشرب كباية قهوة واحدة في اليوم .. شاي مافي .. سجاير مافي .. أمارس الرياضة بإنتظام .. . . . . . أي حلول غير (الفوليوم) ؟؟
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: وجن)
|
نجمة البورد وجن
اهلا يا غالية
انا من المهتمين جدا بالطب البديل المبنى على البحوث والدراسات الطبية
وعن نفسى يعلم الله وكل من يعرفنى كنت اعانى جدا من حساسية الصدر والجيوب الانفية المزمنة .
بالصدفة قرأة للدكتور جميل قدسى الدويك ( طبيب اردنى ) كتاب عن الجنزبيل
وجعلته عادتى بوضع قطعة صغيرة منه فى ماء الشرب وبشكل دائم مع اكل الثوم الطازج اثناء اكل وجبة الغذاء
بحمدلله تدريجيا قلت نوبات الحساسية والان انا فى حالة استقرار تماما لثلاث سنوات متتاليه واثناء الحمل كان سبب رئيسى لتقليل الطمام والقئ
وبعد دا كله احتفظ بمضادات الهستامين فى البيت لاى تحسب طارئ
يا اختى الطب البديل اصبح سلعة تجارية لبعض المخاضعيين فى الدول العربية بس فى دول الاوربية واميركا علم له مراكز وابحاث ومحلات لبيع بعض المنتجات
ان احببت يمكنى ان ارسل لك بعض المواقع اللكترونية للاستفادة منها
وشكرا على المرور
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: محمد عمر جبريل)
|
Quote: عندي مشكلة بتاعت نوم .. نومي كعب شديد .. عادي ممكن يمر علي شهر أكون بنوم بين ساعتين لي أربعة ساعات في اليوم.. دائما أبدو مرهق وتعبان وزي الداير أنوم هسي .. وأول ما أرجع البيت ما بقدر أنوم . |
الاخ محمد عمر جبريل
تحياتي هناك احتياج لمذيد من المعلومات بخصوص شكواك, اريد ان اعرف متي بدات معك
هذه المشكلة? وهل المشكلة فقط الدخول في عملية النوم? ولا بتنوم نوم متقطع
وبتواجهه مشكلة استمرار في النوم?وهل تشكو ايضا من الصحيان المبكر ام لا?
هل هنالك مشاهد مرعبة اثناء النوم? ثم هل حدثت تغيرات او احداث كبيرة
في حياتك? متي وكيف اكتشفت ارتفاع الضغط? وهل لديك شكوي مرضية اخري?
برضو داير اعرف الاسم العلمي لكل ادوية الضغط البتتناولها ,واي ادوية
اخري ان وجدت. واخيرا,ماهو تقييمك للمشكلة منذ ظهورها للسطح,هل هي في تزايد?ام اخذة
في التحسن? Or staying the same?
مع امنياتي بموفور الصحة
ومعذرة علي التاخر بسبب السفر
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: د.محمد بابكر)
|
د. هشام عثمان .. أولا حمدالله على السلامة وشكرا ليك كتير لتكرمك بالرد .. وإنشاء الله يكون في ميزان حسناتك
Quote: اريد ان اعرف متي بدات معك هذه المشكلة? وهل المشكلة فقط الدخول في عملية النوم? ولا بتنوم نوم متقطع وبتواجهه مشكلة استمرار في النوم?وهل تشكو ايضا من الصحيان المبكر ام لا? هل هنالك مشاهد مرعبة اثناء النوم
|
تحديدا بدأت مشكلة عدم النوم من سنة 2005 .. والمشكلة الرئيسية هي كيفية الدخول في مرحلة النوم يعني الزمن البكون مستلقي في السرير صاحي أحاول النوم أكثر من زمن النوم ..! لا يوجد نوم متقطع .. لا أصحو مبكرا .. لا توجد أي مشاهد مرعبة - تستحق الذكر - أثناء النوم .. عندما تستمر حالة عدم النوم فترة طويلة .. أي شهر أو أكثر .. يحدث لي عملية إنهيار كامل .. وفجأة أنام لأكثر من يوم .. أكثر من 24 ساعة مستمرة من النوم
Quote: ثم هل حدثت تغيرات او احداث كبيرة في حياتك? متي وكيف اكتشفت ارتفاع الضغط? وهل لديك شكوي مرضية اخري?
|
في 2005 .. بدأت الوظيفة التي أعمل بها حاليا بعد رحلة طويلة جدا من البحث المضني ولا توجد أي أحداث (حزينة مثلا) أعتبرها محطات في حياتي .. أما سؤالك عن ارتفاع الضغط .. فقد أكتشفته قبل حوالي سنة ونصف .. في رحلة عمل خارج السودان .. كانت مؤمورية عمل عادية لمدة اسبوع .. كنت - حتى ذلك الوقت - أتناول كميات كبيرة من القهوة في اليوم من 3 - 5 أكواب يوميا ومعظمها أثناء النهار .. حتى بدأت أشعر بصداع مستمر وألم (فِقر) وزغللة في العيون عندها زرت الطبيب وعند قياسه للضغط .. سألني أن كنت أعاني منه .. أخبرته أن هذه أول مرة في حياتي أقوم فيها بقياس الضغط .. سألني أن كان أي من أبوي يعاني من الضغط .. أخبرته أن الوالدة تعاني منه ولكن بعد أن بلغت من الكبر مبلغا .. أخبرته أني أتعاطي القهوة بإنتظام ولدرجة قد تصل الإدمان .. أعطاني بعض الأدوية ونصحني بمعاودة أحد الأطباء المختصين عندما أعود للسودان .. عدت للسودان وذهبت لأحد الأطباء بأحد المستشفيات الجيدة وهو دكتور مشهود له بالنجابة .. وقصصت له كل الحكاية أخضعني لعملية فحوصات كاملة .. دم .. أملاح .. دهون .. كلى وكانت جميع النتائج طيبة بحمد الله لم يكن هناك أي خلل في أي شئ .. أعطاني حبوب تسمي كوربس (corpis) ومعها اسبرين 100 ملم .. الكوربس 5 ملم .. ثم نصحني بالمتابعة الدورية ومواصلة القياس بين الحين والآخر .. إلي أستقر الحال مع الطبيب على هذه الحبوب مع تخفيض القهوة ألى كوب واحد فقط في اليوم .. - تحت تحت (أعراض الضغط بديت أحس بيها بعد الزواج) (لو المدام عرفت الكلام ده ,, ها ينزلوني معاش إجباري من سودانيز أونلاين)
Quote: واخيرا,ماهو تقييمك للمشكلة منذ ظهورها للسطح,هل هي في تزايد?ام اخذة في التحسن? Or staying the same?
|
ما في حاجة إتغيرت والله يا دوكـ .. أضرب ليك مثل : يعني في رمضان والناس صايمة هل تصدق إني من يوم 15 رمضان وأنا يوميا أنام الساعة السادسة صباحا وأذهب للعمل الساعة 8 ..!؟ وبدون أي ساعات نوم بالنهار .. ما عدا الجمعة والسبت ..
في النهاية آسف جدا للإطالة وجزاك الله ألف خير .
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: محمد عمر جبريل)
|
الاخ محمد عمر جبريل
تحياتي مجددا
طيب,عايزك ترجع بزاكرتك لورا شديد كل ماامكن,يعني لفترة الطفولة
وبدايات الصبا,هل كنت شاهد علي تجارب صادمة او عنيفة,ذي حوادث سير مثلا
او كوارث طبيعة او التواجد في منطقة حروب او كروب جماعية?ثم هل تنتابك اعراض
مثل زيادة العرق او تسارع في خفقان القلب?هل هنالك حكة جلدية? هل من
تغيير في الشهية للطعام?
واخيرا,هل تمارس هوايات ?هل لاحظت اي تغيير في قابليتك للاختلاط بالناس?
فيمايتعلق بالضغط, كنت اتوقع وانت في هذه السن ان يكون السبب ثانوي
Secondary ورغم انو طبيبك المعالج عمل اللازم لاستبعاد الاسباب الثانوية, فربما تحتاج لبعض الفحوصات المتقدمة,ومن افادتك انو تم اكتشاف ارتفاع ضغط الدم بعد ظهور اضطرابات النوم بحوالي ثلاث سنوات, وحسب وجهة نظري
ده بيرجح طلوع المشكلتين من منشا مشترك, عموما خلينا نشوف اجاباتك , معليش النقة الطويلة دي ضرورية عشان نصل لجذور المشكلة.
يمكنك مكاتبتي عبر الماسنجر او الاميل لو حبيت تناقش الموضوع في الخاص
[email protected]
مودتي
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: د.محمد بابكر)
|
دكتور محمد بابكر
السلام عليكم
اهلا دى فرصة عاوزة اعرف شوية عن مركز الخصوبة بتاع الخرطوم هل نسب النجاح فيه مقارنة بدول التى يزورها السودانيين كالاردن ومصر جيدة او مشجعة ؟ لان فى اخر زيارة لى للسودان وجدت احدى صديقاتى عملت اطفال انابيب فى مصر وفشلت ومسكينة ضيعت كتير من الامكانيات واكثر ما يؤلم هو الوضع النفسى لها حاولت ان ابحث لها فرصة حيث اقيم وجدت ان التكلفة غالية جدا وخصوصا هى تحتاج الى حقن مجهرى او مايسمى ICSI ياريت تنورنا مع شرح الخطوات على الاقل ناخذ فكرة عن الامر وربنا لا يحرم احد من الذرية الصالحة
لك كل الشكر والتقدير
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: انتصار محمد صالخ بشير)
|
Quote: الاخ محمد زكريا
يا زول يعنى نكون استفدنا شنو وصلاتك سرا
Quote: يا جماعه داير لي دكتور نساء وولاده في مشوره كده سؤالي ليهوا ح يكون في الايميل
خذ راحتك يا اخوى وانا سعيدة بوجودك معاى فى هذا البوست |
اخت انتصار بوستيك وقع لينا في جرح
والله القصه كلها عن مشوره قبل الزواج والعروس كن قرات كلامي علني اهو العرس الاتطرشق ده نظام السرج قبل تتحرج
بعدييييييين لو تمت ح نسال بشكل عام
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: محمد زكريا)
|
الاخت انتصار تحياتى بالنسبه لمراكز الخصوبه فى السودان هى حوالى ثلاثه وهى تعمل بامكانيات ممتازه ونسب النجاح فيها مطابقه للاحصائيات العالميه مركز الخرطوم للخصوبه , المركز السودانى الالمانى وهذا يعمل بخبرات سودانيه المانيه وقد بدا فى استقبال المرضى من بداية اكتوبر الجارى ثم مركز الريان . صحيح ان كلفة الدواء فى السودان عاليه لكن حينما تحسب منصرفات السفر والاقامه سنأتى على ارقام قريبه من تلك التى يصرفها مرضانا بالخارج اضافة الى الضغط النفسى الذى يتعرض له هؤلاء المرضى والذى افضل شخصيا ان يكونوا فى السودان اثناء التعرض له.هنالك منظمه انشئت حديثا لمساعدة مرضى العقم املنا كبير فى ان تخفف على الفقراء من اهل السودان, بخصوص صديقتك فى امكانك اعطائها البريد الالكترونى الخاص بى وسأحاول مساعدتها قدر المستطاع مع تحياتى.
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: جمال الباقر)
|
دكتور جمال
السلام عليكم
Quote: الفكرة دي فكرتي انا ود . سيف |
شفت كيف يا دكترة القلوب شواهد
Quote: جاهز للاستشارات الخاصة بفلذات اكبادكم |
تصدق دى اكثر فئة متعبة (الاطفال)
دى فرصة عندى ولد عمره ثلاث سنوات مغلبنى بعدم الاكل تعبت معاه جدا
غايتو مطبقة فيه نظرية ابوه قال لى انت شويه قاسية
اولا الاكل فى المواعيد المحددة اضعه فى الطاولة اكل او ما اكل ما بشتغل بيه نهائيا
الحلويات ممنوعة الا قطعة صغيرة اثناء النهار
النوم اجبارى حسب الروتين اليومى مبكرا
الخروج للعب فى ساعات محددة
هذا الاسبوع سيذهب الى الروضة مش عارفه التعامل معاه سيكون كيف وبصراحه عنيد وصبور جدا ؟
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: انتصار محمد صالخ بشير)
|
سلام انتصار .. اتمنى ان نكون عند حسن ظنكم ونجد الزمن الكافيء للرد على تساؤلاتكم بخصوص ولدك ... هذه مشكلة اصبحت تعاني منها الكثير من الاسر خاصة هنا في الخليج وطبعا هناك اسباب لذلك ومنها قلة الحركة وعدم مخالطة الاقران .. لذلك مابداتيه انت صحيح ولكن عليك مراقبته خاصة في الوزن . فاذا كان وزنه اقل من المعدل فيجب عرضه على طبيب اطفال في المنطقة التي انت فيها حتى يتاكد انه لا توجد لديه مشاكل صحية اخرى مثل فقر الدم ونحوه ... لكي كامل المودة ولصغيرك الصحة والشهية عندي دائما طرفة بخصوص الاكل دي بقولها للامهات والاباء وهي انو زمان نحن كان بنهرونا عشان البتقع في يدنا كلها بنوضبا حتى لبن البدرة مابسلم مننا بنسفو , لكن الاطفال اسي ننهرهم عشان ياكلو
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: جمال الباقر)
|
الدكتور جمال
السلام عليكم
شكرا اخى على الاجابة
اخى الكريم وزن طفلى طبيعى لانى عملت له مراجعة قبل ذهابه الى الروضة مشكلتى الاساسية هو عدم الاكل كنت ارجح عدم الشهية للاكل بسبب
شرب الحليب اثناء النهار الان اختصرت الحليب الى كوب فى الصباح واخر قبل النوم والحال كما هو عليه..يرجع من الروضة ولم ياكل شئ .
نصحتنى طبيبة المدرسة بان اعطيه هذا الفيتاميين CANDI B AMPOULES
تضاف للماء او الحليب قلت اصبر شوية يمكن ياخذ على جو الاطفال وياكل معهم
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: شرفى عبدالقادر)
|
دكتور شرفى
السلام عليكم
Quote: تى الآن عدد مرضى عياده الاذن والانف والحنجره 4 مرضى فقط عبر الايميل
|
الله يعطيك العافية يا دكتور انت عارف كل السودان محتاج دكتور اذن وانف وحنجرة
من الغبار ومواسم الازهار وحسب تجربتى عدم الاهتمام بامراض الحساسية للجيوب الانفية قد تتطور الى ربو
انا بصراحة عندنا دكتور هنا فى مالطا جاب لى العقدة من دكاترة الانف والاذن والحنجرة خلانى افتش فى الطب البديل
يا دكتور عندى حاسية جيوب انفية مزمنة وهى بصراحة وراثية فى الاسرة عند حضورى لجزيرة مالطا جئت فى الربيع وكنت فى حالة عطاس دايم سيلان فى الانف
المهم مشيت المستشفى بعد عمل مواعيد جانى الدكتور اصلا ما صرف معاى ولا كلمة كتب لى حبوب Levocetirizine dihydrochlorids
يا اخوى الحبوب دى ما عرفتها فتح شهية ولا للحساسية اختك تاكل وتنوم وحالتى بقت صعبة عديل كدا المهم اوقفتها والحال فى حالو
قلت خلاص كدى اشوف مستشفى خاص برضو عملت مواعيد عند مقابلة الدكتور وجدته نفس الدكتور طبعا بينى وبين نفسى زغلت قلت ادفع قروش لنفس الدكتور
المهم اناقشت معاه فى حالتى وان الدواء دا اتعبنى قال لى واصلى فيه بزيادة قطرة معاه .
ومن ديك لم اقابل دكتور انف واذن وحنجرة وان كنت اعانى من حكة دائمة بالاذن مع العلم الاذن نظيفة من الشمع
اها ذى حالتى دى بقولوا عليها شنو ؟
تسلم يا دكتور
انتصار
| |
|
|
|
|
|
|
Re: عيادة سودانيزاولاين الطبية ....تحت اشراف اطباء البورد الكرام (Re: انتصار محمد صالخ بشير)
|
يا انتصار انا غايتو لايم دكتور محمد بابكر ده لوم شديد لأنو استعجل و شارك في دعاية مغرضة ضد اللقاحات و الطرق الحديثة في العلاج تشنها جهات مستفيدة من الرعب الذي يصيب الناس عند الحديث عن أن اللقاحات تسبب التوحد او انها ملوثة بمواد مسرطنة او فيها مواد قاتلة..الخ . كل ما يتداوله الناس عن اضرار محتملة للقاح المنتظر ضد انفلونزا الخنازير هو من باب الرجم بالغيب و يأتي غير مدعوم باي ادلة علمية و يصدر عن جهات غير موثوقة . اذا انتشر المرض ده بصورة وبائية ماذا يفعل الناس هل يستسلموا و يكفوا عن المقاومة ام يجتهدوا في ابتكار وسائل لحماية البشر من الفناء؟؟ جاوبي على السؤال ده يا انتصار بعدين اشكري زي ما عايزة!
| |
|
|
|
|
|
|
|