وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-06-2016, 09:52 PM الصفحة الرئيسية

مكتبة ياسين سليمان حبيب نورة(حبيب نورة)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

باركـوا لي !! الليلـة عـواسـتنا رمضان كريم

09-16-2004, 10:29 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
باركـوا لي !! الليلـة عـواسـتنا رمضان كريم

    خطوة أنسان اللحظة الزكري , لسة مصرة توديني هناك للشوق والزمن الاعرج ماشي في نفس الاتجاه البوصل للبداية , وانا سأحاول أن أحمي زكرياتي من الانغماس في شهـوة النسـيان وخطيئة
    التهميش المتعمد للامس , سأحميها كما فعل (كواسيموتو ) أحدب نوتردام وهو ينقذ الغجـرية ( أزميرالدا ) من حكم الشنق مرتين لاتهامــها بقتل الوزيـر الاول في الحكومة !!, سأفعل مثل أحـدب نوتردام ولن اسمع ألا صوت الاجـراس التي كانت سبباً في اصابته بالصمم , ولا ضير أن أعلنتها حرباً علي النبلاء والاقطاعيين الذين يحاولون أغتصـــاب ملكــية الحـــنين مني .


    سأدخل اصابعي في اذناي حزر النسيان , فلم يبقي في حقيبتي سوي حزمة بقايا من رحيق الماضي , الذي اتاني وهو يقيم علاقة شرعية مع الشجون التي أصرت علي أن تحافظ علي فتي أحلامها وان دعا الامر لكي تستدعيه في محكمة الاحوال الشخـصــية وتقيم عليه العقد , فلا أفيق ألا وانا اتقبل التهاني والكل يردد صباحية مباركة يا عريس الغفلة الاهــة الدمعة.

    لن أطلب الطــلاق , ولن تأخذني حسرتي ألي بيت امي , فيلزم الامـر المثول امام هيئة ألالم العــليا , ولكني سأبقي مع شجـني , وسأتفرغ لتربــية الاولاد همـــّاً مـريحـــاً ,,, ووجعــاً لذيذ , نعم نعم ,,, فشجــوني هي مدادي , بدونها لن تسودّ لي أوراقٌ , ولن ترتوي لي قرطــاسة ولو طال بها الظمأ , عفواً لهم , عزراً السادة أعضاء أتحــاد الفـرح العالمي , سأمزق بطاقة عضويتي , فأنا أحب هذا الوجــع , وأشتهي قضاء ليلةً في سرير الدمــوع.


    هاتـفـت اليوم والدتي , في أطار تقريري الشهـري عن الحالة الصــحية والنفــسية والنشاطات التي تتعلق بجهازي الهضـمي , فوالدتي اصرت علي أن أدير مؤشــر جميع القنوات الفضائية الي نقطة التوقف , وان أهتم فقط بالقناة الهضمية ,,, أقترح ان اعود الي الجزور , أعلن أنتمائي ألي امي من جديد , واخلص نفسي من كل القيود اللغوية التي تجرني ألي حبال أبو الاسـود الدؤلي وحتي أنني سأنكر علي ( ســيبويه )أكتــشافه طريقة جديدة في علم النـحـو !!!!!!!!!!!

    وأشـهر عقوقي البلاغي ,,ووو...

    ,,, اها انا قلت كدي ومسكت التلفون هبشت رقم تلفون ناس بيتنا , كان نشحد الحاجة حبّة حنان يصبرنا علي الزمن القبيح دة ,, لا الزمن ما شين ,,, بس نحن المابنشـبه الناس , لا خلقة ,, لا اخلاق ,, لقيت ليك البيت جايط جوطة غريبة خالس ,, يا ناس دة شنو ,,,؟ بعد ما طايبت الحاجة والبنيات ,, زرعت في قلبهن الطمأنينة علي حق الكريم وحق المواصلات وحق الترزي للفستان المرهون ليه شهرين! ,,, يا حاجة !! مالكم واقفين علي فد كراع ؟؟؟ قالت لي : أجي يا ولدي ,, ماك عارف؟؟؟ عارف شنو يا ربي ؟
    انا لي زمن ما قريت لي جريدة , لانو البلد دي ما فيها ناس بقروا جريدة في بص الخرطوم ام درمان , ولا فيها قعدة مع ناس حاج الطاهر وعمك عربي بتاع اللجنة الشـعبية قدام دكان بدوي راجل عرفة الدايــة ,,,,,,,
    يا ولدي الليلة ما عواستنا..!! أيوووووووووي , يا ناس نزغرد الليلة واللا نعمل شنو,,؟ طبعا دة حدث تأريخي في بيتنا , بمر علينا عيد الاستقلال لا حس ولا رفعة علم ,,, وبنسمع انو عيد الحب ثبتوا , وما في زول بعرف الكلام دة الا انا بس عشان بشوف البنت فلانة جارتنا لابسة بلوزتة الحمراء وماشة الجامعة الصباح منشرحة للنهاية ,,وعيد الثورة دة بنسمع بيه تحت تحت ,, لكن يوم الحلو مر دة ,, أمي بتعلن ليه حالة الطوارئ القصوي وبتعمل ليه نفير عديل كدة ,, وممكن يأثر علي علاقاتة مع حريم الحلة , تقول ليك فلانة دي ما عاست معاي ,, وعلانة دي قطعتني في عواسة آبريي رمضان الفات.

    وخشيت ليك في الموجز الاخباري عشان ما أطول معاها في الكلام مع انو عندها اعراض( جزيرية) والكلام ما مقصودة بيه ( شيرين ابوعاقلة) بأي حال من الاحوال ,, قلت ليها يا حاجة ما (تكوجني ) لي الموضــوع !,, اديني ليه علي نار هادية ,, وما كضبت الزولة ولا خلّت ولا بقّـت .

    رمضان مناسبة كبيرة في حياتي ,, وزكرياتو جميلة جدا , وما بنسي أبداً كورة العصيدة في منتصف الصينية وهي تنتظر صيحة الازان , وتستقر بعدها مباشرة في بطون جائعة أيمان , وما سمعت بي سـنة بلحة وجرعة موية ,, الحقيقة الهم دة فرحني شديد , مع اني كنت بتمني من ربنا يوديني هناك واتطوع علي غير العادة وامشـي الزريبة اشتري الحطب , وفي جيدي حبل من لحظة انتصاري علي قوة راسي !, ورفضي للمرسال جملةً وتفصيلا , ممكن ربنا يستجيب لي دعاي ويحضرني رمضان معا اهلي بعد فرقة تلاتة أعوام ونصف بعيدا عن ريحة حلو مر الحاجة نورة , ريحة العافية ولحظـة عصياني وتمردي علي كل انواع العصاير والقمردين ,,لكن السنة دي نويت أني أخش الغابة , وأرفض أي فكرة تصالح مع علبة التانك ,, لانو انا موعود بي طرد تجهيزات مكثفة من الجماعة في السودان , وبي كدة اكون علي حق , لو ابيت كل انتاج المصانع والشركات الغزائية , الحاجة نورة عاست وفكتني من قيد السوبر ماركت وتبعية الفوستر كلاركس .


    أنتهت المحادثة التلفونية ,, وأفترشت الشوق زاداً لليالي قد تأتي وقد تغادر رحلة الزكريات دون ان تلحق بها تحولت لفافة التبغ الرابعة والاربعين الي رماد , لمحت هذا في ثوبي الابيض كسواد ايامي التي ما عادت فيها رائحــة البخور تعطر الزمكانية امتداداً لمعني اخر في جزئية التواقيت ,
    ( أزميرالدا ) ما ذالت تصرخ وصمم الفكرة يتوسد أذني احدب نوتردام ,.. اليهودي الجشع ما ذال يطالب برطل من اللحم في نفس اللحظة التي يتهادي فيها الزورق السياحي في جندول ( فينيسيا ) المدينة العائمة, كلمات الحب ترسم علي جنبات الماء سيفاً من اللجين , يتناغم مع شكل غيبوبة الصحوة في عالم اللاوعي ,, فليحرق ( نيرون ) روما ,, لا ضير في ذلك , فقد أحترق الكوخ الذي كنت أسكنُ ساعة المطر ,( ميكـافـيلية )الاقـــدار تحـتمُ علي اللجـؤ العاقل الي جنوني بنفس أتـّزاني القديم , تغــطيت بالموت ووأدتُ خاطرةً حمقــي , أرادت أن تعلن انني علي قيد الحلم , مات علي المك , وأختبـأ عبد الله الطيب تحت نفس كومة القش التي أشار الشيخ فرح ود تكتوك علي الاعرابي الهارب بالأختباء فيها ,,, ولن يعرفه أحــد , فــأن صـدق الموت لا يمكن من الفــرار , تعــثرت خطوات قــلمي وهو يترنــــّح من سكــــرةالتغــابي عن لون الفــكرة الفهـم ,
    وعــاد أثر حـزائي الي

    السـودان , يلونُ الطــرقـات ميلاداً للقصـــيدة , رغم ذلك لن أنسي أنني كنت أحمل ذات يوم , جــواز ألم دبلوماسي , وماذال اليهودي الجشع ( شيلوخ ) يطالب برطل من لحم ( باسانيو ) صديق (أنطونيو ) تاجر البندقية , ويبقي طمع الانسان في حق باطل وأن ظلّ شبق التعاطــي مع الاوراق , هديئة وملاذ الفكــرةٍ وحبيبة أخصها بالسهــر والحمــّي ولا أسميها فلانة , حتي لا يتعهّــر المعني وينضم ألي قائمــة طويلة من مكونات سلّة مهملات التاريخ الذي لا يغفــر لي أي انعطـاف لا يوجد له مبرر, يحـتدمُ فيني حنينٌ ألي ما تساقط من مخيلتي , أحـاول الان أستعادة أشيائي وان دعت اقداري ألي أسقاط حاضري مني , والان فقط سأعــاود الديار ,,,, الليلة عــواسـتنــــا ,,,,,,,,,,,,,,,,,,,,,,,,,,,,,,,,,,
                   |Articles |News |مقالات |بيانات

09-16-2004, 10:42 AM

EMU إيمو
<aEMU إيمو
تاريخ التسجيل: 02-16-2002
مجموع المشاركات: 2915

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: حبيب نورة)

    حبيب نورة
    شعبان لم يكمل يومه الثاني
                   |Articles |News |مقالات |بيانات

09-16-2004, 10:49 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: EMU إيمو)

    Quote: حبيب نورة
    شعبان لم يكمل يومه الثاني



    يا أيمو كيفن عاد
    ياخي نحن بنعوس اول بي أول
    قالوا البدار في الحمّي سمح!!
                   |Articles |News |مقالات |بيانات

09-16-2004, 11:12 AM

Hadia Mohamed

تاريخ التسجيل: 03-14-2004
مجموع المشاركات: 1463

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: حبيب نورة)

    يـــــــــاه ياخ مالك متور علينه الحنين

    لمه العواسه وريحت الحلو مر وبله اول طرقه يـــاه
    ولمه نسوان الحله مع صوانى الفطور المدنكله وفيها فسيخ لا لا لا ما تبالغ معانا نحن فى غربه .
                   |Articles |News |مقالات |بيانات

09-16-2004, 11:32 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: Hadia Mohamed)

    يا هادية
    معقولة قدرتي تضاري الوجع قدر دة!!
    ياخي مفروض البلد كلها تسمع حس نزيفك
    شان يمرق خريفك
    وكل عواسة وانتي بخير
                   |Articles |News |مقالات |بيانات

09-16-2004, 12:06 PM

ود حماد
<aود حماد
تاريخ التسجيل: 03-16-2003
مجموع المشاركات: 330

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: حبيب نورة)

    حبيب نورة اززززززززيييييك
    مشتاقين ياراجل ويييييين كدا اخبارك مقطوعة.
    العواسة مباركة عليكم وعقبال خبيز العيد؛بعدين تعال هنا بالله نورة دي طلعت الحاجة طيب ماتقول من زمان ياخي حيرتنا معاك انا قايلا الجكس بتاعك يامان؛المهم الله يحفظكم ليبعض وقوليها تدعو لينا معاك في غربتنا دي باقي دعوة الامهات مابتقع واطة.
    تحياتي.
    تخريمة: عليك الله كان رسلو ليك من الحلومر دا ماتنسي اخوك ؛انا لي 14 سنه من بهجة رمضان والاعياد والحاجات الرايعة دي.جننت اخوك جن بالبوست دا والدميعات جات في طرف العين.
                   |Articles |News |مقالات |بيانات

09-17-2004, 01:48 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: ود حماد)

    ود حمااااااااااااااااااد
    ياخي أتحداك انا
    كيفنك يا غالي؟
    Quote: بالله نورة دي طلعت الحاجة طيب ماتقول من زمان ياخي حيرتنا معاك انا قايلا الجكس بتاعك يامان؛المهم الله يحفظكم ليبعض وقوليها تدعو لينا معاك في غربتنا دي باقي دعوة الامهات مابتقع واطة.


    انت يا الغبيان نورة دي قايلا بنت جيراننا!!!
    لووووووووووووووول والله جنس غباوة!
    اها عرفت انو فلانات دي مامتي رايك شنو هسة؟
    لكن يا حليلك والله 14 سنة من الحلو مر؟ كان كدي يشتك مرة وحالتك صعبة؟
    لكن كدي أنسعلك !! انت وين هسة؟؟
                   |Articles |News |مقالات |بيانات

09-29-2004, 06:39 AM

ود حماد
<aود حماد
تاريخ التسجيل: 03-16-2003
مجموع المشاركات: 330

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: حبيب نورة)

    حبيب امو سلامات
    عاد ما اتلومت يادا؛ نتيجة الشهادة السودانية مابتجي تباركا لي؟؟؟
    بوستي قاعد من امس ماتجي تهببو لي ؛سمح اصبر سااااااااااكت .
    نتيجة أمتحانات الشهادة السودانية

    (عدل بواسطة ود حماد on 09-29-2004, 06:42 AM)

                   |Articles |News |مقالات |بيانات

09-16-2004, 03:51 PM

tabaldy

تاريخ التسجيل: 04-27-2003
مجموع المشاركات: 1156

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: حبيب نورة)

    وسرت من بين تسبيحات الشيخ فرح همهمات خلدن وحاكن بعض حال من سكن الجزر
    كل يا كمي قبل تمي
    ومضت قطارات العمر ووقف مهمهما درويشي
    كل يا كمي
    وصه يا فما لم يكف عن النواح
    الوووووووووووووو
    يجيك الخبر وترجع تضحك , أيا درويش , اوما دريت ب
    وصه يا فمي
    وهاك يا كمي
    أو هات يا زمن
    هوج الرياح
    يـــــــــاني ( ديلفيرنس ) , اللحن يثري المقل دمعاً, ويسري كقشعريرة تمس اطراف المتهالك المدعو مجازا جسدا مسكون حنيناً لها عزة الأخرى , كلهن أخرى , وإنتظار كون كن لها الأخرى استنفذ كل الطاقة في بدنا هالك فأباح لهذا الشوق اللعين إستباحة سكنى الخلايا , فمضى من حصنٍ إلى آخر وآخر و
    كل يا هالك كل ...
    آلووووووووووو
    ( إن الرقم المطلوب لا يمكن الوصول إليه حالياً , المرجو من المتصل الكريم معاودة الإتصال مرة آخرى )
    مرة أخرى متين ؟ هو علي كيفكم ؟ هو علي كيفي ؟ ما انا إلا جسد تمضي به الأشواق أنصاص الليالي لي أقرب مقسم عمومي عل آل الطرف الآخر أن يخففوا عناء تلك الحمى الشوق .
    آبري يا ممسوخ , آبري ؟
    زادك آبري ؟ اها السنة دي ح نفطر خفيف , على أبيضين
    خلي فطورك النيلي الشايل من حمار الحلومر الأزرق ومن بياض نية الحاجة زاكية الينفعك
    ح أعمل إضراب مفتوح , وأطالب بي لفت نظر ليك وأشتكيك لي مجلس الحكم العراقي ومنظمة شباب اللبن فرع هولندة و ... إشتكيك لي مين انا
    يــــــــاني .. مرة أخرى ( إماقينشن ) وهي في طرف الدنيا التاني مرسلة سطر , دايرة أتكلم معاك , مرت أربعة وعشرين ساعة وراخي اضاني , يا ربي يكون دايرة تشكي من إعصار إيفان ؟ أو يمكن تكون إنتابتا آلام الطلق الشوقية الأولى ؟ عندك يا ممسوخ أي رقم لي القابلات فرع أريزونا ؟ او كلورادو ؟ إنجمينا ؟ او حتى ما ننجم ؟ عندك اي رقم ليها ؟ ترسل سطر تهديك القلق وهي تاكل الجاتوه وإنت تاخد شهادة خبرة في علم الأعاصير دورة مكثفة خلال ستاشر ساعة , دي يقولوا ليها شنو دي ؟
    الدرويش لو لازم قباب الشيخ ما كان فتش لي زاد الذات عبر الاكمام والأفواه , كان عرف زاد ذاتو في كلمة واحدة من حرفين تديهو طاقة مفاعل شرنوبل ومحطة بوشهر مجتمعتين ..
    ياني التالتة ( لوف إز أوووووول )
    حرفين يطفوا المحرقة , حرفين يحيلوا العالم لي واحة سلام حرفين وبس , قول ليها تجدعهم ياخ وماليها بي حالتي كيف , ياتو يوم قدرنا نحد مشاعرنا بي حدود الممكن يكون ؟ ديل ماسكين الرحمة من إيدا ولا شنو ؟ قول يا رب ويا بكرة وكلو هين علي المولى , وكان الله راد نصلا خواضة , يللا كفكف تلابيبك وكف عن زرف الدم
    شيل صوابعك وأسمع نبض القلب ويــــــاني وشيل نفس طويل وازفرو مع الهم البكرة وازرف محارفك هنا حنين وبس

    منتظر

    أبنوسي
                   |Articles |News |مقالات |بيانات

09-17-2004, 02:26 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: tabaldy)

    لوووووووووووووووووووووووول
    يا قبيح انت قايلني زي زمان عشان تكتب لي بالصورة دي!!
    يا زول انا يادوبك جاي البتاع الرئيسي و ألاقي الناس كلها طاهرة
    من كل دنس و أكتفي بي زيارة بوليفيا الوداع و أنكشح
    شوفو القبيح دة عليكم الله!
    Quote: يـــــــــاني ( ديلفيرنس ) , اللحن يثري المقل دمعاً, ويسري كقشعريرة تمس اطراف المتهالك المدعو مجازا جسدا مسكون حنيناً لها عزة الأخرى , كلهن أخرى , وإنتظار كون كن لها الأخرى استنفذ كل الطاقة في بدنا هالك فأباح لهذا الشوق اللعين إستباحة سكنى الخلايا , فمضى من حصنٍ إلى آخر وآخر و
    كل يا هالك كل ...
    آلووووووووووو

    و بعدين تعال هنا
    ( دليفيرنس) دة منو؟؟
    ياخي ما تشبكنا ثقافة في الزمن الشين دة
    نحن ناش بنكتب لمن نتأكد اننا خارج طاق الجازبية
    نحن في حرب ضد نيوتن
    وضد التفاحة
    مشكلتنا مع التفاحة قديمة أمتداد عمر سيدنا آدم
    العاصي لأوامر الرب الأول والذي صار فيما بعد نبياً شهيراً
    مشكلتنا ما ليها أي علاقة باوامر رئيس بلدية ( نيقوسيا) بمنع نشر الغسيل في شوارع
    المدينة القديمة
    اخشي ان يكون صاحبنا هو الغريم التقليدي لنا في مشروعنا الداعي لنهضة مثانية واعية
    المشكل الكبير الذي يكبٍّل خطانا
    اننا بنعمل سد كبير بين نشاطاتنا الفردية وبين قوميتنا
    القومية ماهي الا صرخة فردية بزيد عمرها في تقويم الهتاف وتكبر و تكبر و تطلع ثورة
    اها يعني لساتنا في اطار بحثنا الغبي من أجل الخطوة الأولي
    مع انها رهينة حركة واحدة!!
    ياخي نحن هبل شديد
    وحياة امك يا غالي

    Quote: آلووووووووووو
    ( إن الرقم المطلوب لا يمكن الوصول إليه حالياً , المرجو من المتصل الكريم معاودة الإتصال مرة آخرى )
    مرة أخرى متين ؟ هو علي كيفكم ؟ هو علي كيفي ؟ ما انا إلا جسد تمضي به الأشواق أنصاص الليالي لي أقرب مقسم عمومي عل آل الطرف الآخر أن يخففوا عناء تلك الحمى الشوق .
    آبري يا ممسوخ , آبري ؟


    و بعدين تعال هنا؟؟
    انت داير تقول لي شنو في التلفون وما حسيت بيه هنا؟؟!!
    يني انا برضو غبي؟؟ واللا انت درجة توصيلك للأحساس بقت بي نفس درجة حرارة سيبيريا
    في موسم تزاوج طيور البطريق وعودة النوارس؟؟
    ياخي سيبك من الشعور المنطقي لسكان الاراضي المنخفضة
    وأهالي حلة كوكو فرع أمستردام؟؟
    ديل حالة
    ونحن حالة تانية برضو
    لكن بنتقاطع في سخونة المد و انفعال الجزر الجديد
    وفي النهاية انشاء الله المسينجر دة ما ينفعك ان كان علي حساب فحري بي لمتكم
    Quote: حرفين يطفوا المحرقة , حرفين يحيلوا العالم لي واحة سلام حرفين وبس , قول ليها تجدعهم ياخ وماليها بي حالتي كيف , ياتو يوم قدرنا نحد مشاعرنا بي حدود الممكن يكون ؟ ديل ماسكين الرحمة من إيدا ولا شنو ؟ قول يا رب ويا بكرة وكلو هين علي المولى , وكان الله راد نصلا خواضة , يللا كفكف تلابيبك وكف عن زرف الدم

    بصراحة كدة
    مافي داعي نقحم السادة القراء في قضايا خاصة
    خسوساً في ظل انهيار المدرسة الرمزية وهكذا يا زول
                   |Articles |News |مقالات |بيانات

09-16-2004, 04:15 PM

maha abdella

تاريخ التسجيل: 03-23-2004
مجموع المشاركات: 331

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: حبيب نورة)

    الله الله يا حبيب نوره
    جئت وجاء السودان معك بكل الذكريات
    الجميله التي افتقدناها كثيراً في
    الغربه تصدق يا حبيب نوره وانا بقرا
    في عواسة حلو مركم بكيت واتذكرت ايام
    عيشتنا الحلوه ولمت الناس ورزم الحياه
    البطئ مش السريع او الحاصل الان في السودان
    ما عايزه احبطك لكن 3 سنوات حتشاهد تغير
    كبير في السودان وناس السودان وخلينا على الذكريات
    الزمان الجميله التي نفتقدهاكثيراً حبيب نوره عواست الابري
    بقت دلفري وست الكسره بقت دلفري يا حليل الزمان لكن احمد الله
    انه لسه عندكم عواسة ابري

    وكل سنه وانت طيب
                   |Articles |News |مقالات |بيانات

09-17-2004, 02:36 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: maha abdella)

    مها عبد الله
    كيفك يا حنيييييييييييييينة
    ياخي والله انا ما مكن اوصف فرحي بيكم
    يديكم العافية والله
    Quote: تصدق يا حبيب نوره وانا بقرا
    في عواسة حلو مركم بكيت واتذكرت ايام
    عيشتنا الحلوه ولمت الناس ورزم الحياه
    البطئ مش السريع او الحاصل الان في السودان


    ياخي معقولة انتي تبكي ؟؟؟ طيب نحن شغلنا شنو؟؟
    ما سمعتي بي قشاش الدموع وبي مقنع الكاشفات!!!
    نحن قدرنا اننا نمسح دموعكن .... و نكتب في وشيشكن السمح عنوان
    وطالما في محمد احمد
    عزززززززززززززززة الجايي عليها كلو سمح وفال و فرح أطفال
    واشوفك حلم عشم ممدود قدح سرة
    حلم بنوتة بالسترة
    كلام ناساً حنان بالحيل
    ولي قدام ولي قدام
    دمتي
                   |Articles |News |مقالات |بيانات

09-17-2004, 04:30 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: حبيب نورة)

    Quote: سأحميها كما فعل (كواسيموتو ) أحدب نوتردام وهو ينقذ الغجـرية ( أزميرالدا ) من حكم الشنق مرتين لاتهامــها بقتل الوزيـر الاول في الحكومة !!
                   |Articles |News |مقالات |بيانات

09-17-2004, 06:56 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: حبيب نورة)

    ابو النسب ما اجمل ما كتبت
    قد عدت وان اشتم روائح الحلو مر فى كل لفة
    بالله مش السودان عنده نكهة لكل موسم

    تحياتى لك بالله اكتب دائما

    مودتى
                   |Articles |News |مقالات |بيانات

09-17-2004, 09:11 PM

Sidig Rahama Elnour
<aSidig Rahama Elnour
تاريخ التسجيل: 09-01-2004
مجموع المشاركات: 3408

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: bayan)

    حبيب نورة
    عندما حطّ بنا طائرك الميمون في مطارات التكل ، استافنا الشوق لعيون اللهب ورائحة الزريعة ، وحاصرتنا روائح الحطب رغم حصانات البهارات ، واصابنا شوية من وجع البروش الممدودة في شارع الله ، واعين الصغار تسترق النظر لصينية عمنا سبيل الذي أهدي لون مياهه أصفراً من باقات التانج رافضاً لون الحلومر التقليدي ،
    وين المديدة أصلها حرقتني تستدعي هواية التحريض لقلمك المتوثب فوق العادات والتقلية. قطعت حلمي في الغربة مثلما يقطع عم النعيم لذتنا في الصينية وهو يستعجل إقامة الصلاة في تلك البروش المتهالكة من أزمة السعف.واصفاً استرسالنا في هدم جبال اللقمة بأنه عمل ينافي قواعد الصلاة وسنة المصطفي الذي كان يصلي بعد تمرين وبلحة فقط.
    تعال تاني وثالث
                   |Articles |News |مقالات |بيانات

09-17-2004, 11:52 PM

ابو جهينة
<aابو جهينة
تاريخ التسجيل: 05-20-2003
مجموع المشاركات: 19783

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: Sidig Rahama Elnour)

    حبيب نورة ( الحبيب )
    تحية و سلام

    من المؤسف أن يهرع الناس إلى بوستات لا تغني و لا تسمن من جوع .. و تترك مثل هذه القوالب التي تضج بالمعاني ..

    Quote: ( أزميرالدا ) ما ذالت تصرخ وصمم الفكرة يتوسد أذني احدب نوتردام ,.. اليهودي الجشع ما ذال يطالب برطل من اللحم في نفس اللحظة التي يتهادي فيها الزورق السياحي في جندول ( فينيسيا ) المدينة العائمة, كلمات الحب ترسم علي جنبات الماء سيفاً من اللجين , يتناغم مع شكل غيبوبة الصحوة في عالم اللاوعي ,, فليحرق ( نيرون ) روما ,, لا ضير في ذلك , فقد أحترق الكوخ الذي كنت أسكنُ ساعة المطر ,( ميكـافـيلية )الاقـــدار تحـتمُ علي اللجـؤ العاقل الي جنوني بنفس أتـّزاني القديم , تغــطيت بالموت ووأدتُ خاطرةً حمقــي , )


    نقلتني هذه الجملة لأيام قضيتها في البندقية أتجولها على متن جندول مع فتاة مغربية كانت دليلي .. لم أفهم منها غير مصنع للكريستال قمنا بزيارته و خرجنا منه بتحفة لا تزال معي ..
    أرقد عافية
                   |Articles |News |مقالات |بيانات

09-29-2004, 04:24 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: ابو جهينة)

    أبو جهينة يا غالي
    مشتاقوووووووووون يا مان
    و الله انت من المحظوظين بي زيارتك لي البندقية
    قبالة الجسر المطل علي نافذة الحبيبة الأفتراضية

    Quote:
    نقلتني هذه الجملة لأيام قضيتها في البندقية أتجولها على متن جندول مع فتاة مغربية كانت دليلي .. لم أفهم منها غير مصنع للكريستال قمنا بزيارته و خرجنا منه بتحفة لا تزال معي ..
    أرقد عافية



    أحييك و أنت تمضغ الساعات في صحبة المغربية الحسناء
    وهي تهديك أبريقاً من الشاي الأخضر المغربي
    و لعلها كانت دليلي أيضاً
    من يعرف!!!!
                   |Articles |News |مقالات |بيانات

09-29-2004, 04:21 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: Sidig Rahama Elnour)

    صديق رحمة
    والله متعة متعة متعة شدييييييييييييد
    Quote: وين المديدة أصلها حرقتني تستدعي هواية التحريض لقلمك المتوثب فوق العادات والتقلية. قطعت حلمي في الغربة مثلما يقطع عم النعيم لذتنا في الصينية وهو يستعجل إقامة الصلاة في تلك البروش المتهالكة من أزمة السعف.واصفاً استرسالنا في هدم جبال اللقمة بأنه عمل ينافي قواعد الصلاة وسنة المصطفي الذي كان يصلي بعد تمرين وبلحة فقط.


    فعلاً دي المداخلة الأروع
    ويا ريت لو قابلتك قبال العواسة بي ساعة بس
    كان المسألة أمتدت لي شربوت و مشتقاته!!
    وبرجع اكيد من جديد
    تسلمووووووو..........
                   |Articles |News |مقالات |بيانات

09-29-2004, 03:45 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: bayan)

    الخالة
    كيفنك
    Quote: ابو النسب ما اجمل ما كتبت


    بركة الأعترفتي قدام الخلق دي
    عشان بكرة ما تتلومي معاي
                   |Articles |News |مقالات |بيانات

09-18-2004, 03:32 AM

maha abdella

تاريخ التسجيل: 03-23-2004
مجموع المشاركات: 331

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: حبيب نورة)

    الأخ حبيب نورة
    تنبهم الذكرى الآن
    زخات من دمع مستمطر
    أشكر لك (يا قشاش الدموع)
    وبك تعرف الذكرى قيمتها
                   |Articles |News |مقالات |بيانات

09-19-2004, 01:52 PM

motaz
<amotaz
تاريخ التسجيل: 04-26-2002
مجموع المشاركات: 1412

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: maha abdella)

    الحبيب حبيب نورة
    ياخي بتبالغ عديل كدا يا ولدنا
    انا قاعد افتش ليك لي قرن عديل وانت اتاريك ساكي لي العواسة
    بركة الشفناك طيب
    ولي قدام
    كل الود
                   |Articles |News |مقالات |بيانات

09-29-2004, 04:32 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: motaz)

    معتززززززز
    أزززززززززززيك يا ود الجيران
    كيفنك وكيف الجماعة في النافورة
    حليلك والله وحليل راكوبتنا السمحة
    وحليل توتي فروتي الفضيحة
    أها
    Quote: ياخي بتبالغ عديل كدا يا ولدنا
    انا قاعد افتش ليك لي قرن عديل وانت اتاريك ساكي لي العواسة

    والله انا كايسك جنس كواسة!
    أسكت بس
    لكن نسوي شنو يا ولدنا
    يا الكواسة يا العواسة
                   |Articles |News |مقالات |بيانات

09-29-2004, 04:27 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: maha abdella)

    مها يا حنييييييييييييييينة
    تسلمي يا بدور القلعة وجوهرة
    Quote: أشكر لك (يا قشاش الدموع)

    ومتين أيد الغبش تتمد
    تتش عين الضلام بالضو!!
                   |Articles |News |مقالات |بيانات

09-29-2004, 05:31 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: maha abdella)

    بنت عبد الله
    عندي مشكلة في النيت
    رديت عليك لكن ما ظهر الرد
    عموماً أهو تاني بنرد عليك يا غالية
    يا بدور القلعة
    سلمتي والله
                   |Articles |News |مقالات |بيانات

09-20-2004, 04:33 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19884

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: حبيب نورة)

    حبيب نورة والله انا اكتب لك بعد ان حضرت عواسة امى ومعاها جارتنا خالتى فوزية وفى انتظار الخالة نفيسة..غايتوا ريحة ترد الروح..وترقب وانتظار لرمضان تبشر كل المعطيات بانه سوف ياتى هذا العام نص نص لاحار ولابارد وكمية ايمان وجلد لو وزع على النمل لكفاه
    لله در امى وصويحباتها..تراهن يعوسن للاولاد القراب والبعاد وشايلين هم يرسلوه مع منو
    انعل ابو دى .اتش .ال يا اخى الجميع هنا بطعم الحلومر والحال ايضا والبلد كلها
    ذات الطعم...سوف افرد لك صفحات لاحقا ..عشت ياولد،،
                   |Articles |News |مقالات |بيانات

09-29-2004, 04:39 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: صديق الموج)

    صديق الموج
    ياخي تشتهيك المراكب
    تتوحم علي جيتك ضفاف الوعد القبيل
    وينك يا راجل!!!
    دة كلام دة
    ياخي غيب وتعال تلقانا نحن يانا نحن
    لا الزمن بدّل ملامحنا ولا ولا ولا...
    ربنا يديك العافية
    وكمان خالتك فوزية ست الحريم لا حدّهن
                   |Articles |News |مقالات |بيانات

09-29-2004, 05:41 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: حبيب نورة)

    قصيدة روضة الحاج
    هدية للكل
    وست الكل
    وغداً تسافر كالمساء

    واظل وحدي للصقيع وللشتاء

    اواه لو تدرى صديق العمر كيف غداً اكون

    والناس حولي يضحكون ويمرحون

    وحدي مع الأشواق أبقى والشجون

    قد كنت اعرف ان يوماً ما سيأتي

    فيه تمضي للبعيد

    أعددت ذادك بسمتي وقصائدى

    كيف ابتسامتي ان رحلت

    وبعد ظعنك ما القصيد؟

    أواه من زمنٍ يعاندني ومن قلب عنيد

    اواه منك غداً ستمضي معجلاً

    واظل اقتات السى

    كيف احتباس الدمع بعدك

    عندما يأتي المسا

    كيف اصطبار القلب عنك وبالحنين قد اكتسى

    بل كيف يبحر قاربُُ

    في اليم تاه ومارسى

    تمضى غداً واظل وحدى كالغريق

    تتشابه الاشياء عندي

    والمرائي والطريق

    قل لي بربك سيدي

    من لي اذا جاء المطر

    من لي اذاعبس الشتاء

    او اكفهر

    من لي اذا ما ضاقت الدنيا وعاندني القدر

    قد كنت احمل هم أيامي

    وخوفي والعناء

    وأجىء تسبقني خطاي الى هنا

    ولديك اترك يا صديق هواجسى ومخاوفي

    اذر الشقاء

    قل لي لمن آوي اذا زاد الهجير

    او تاه دربي في الزحام

    وحرت بعدك في المسير

    تمضي غداً..وغد يلوح

    ويظل يخفق متعباً ذاك الجريح

    اترى سيأتي الصبح يوماً

    بعد وجهك ذا الصبيح

    وغداً ستسألني القصائد عنك والليل الطويل

    وغداً ستسألني المرائي عندما يأتي الاصيل

    سأقول سافر كالمساء

    وظللت وحدي للصقيع وللشتاء

    خوفي صديق العمر ان طال السفر

    خوفي اذا جاء المساء

    وما اتيت مع القمر

    وغاب عن وجهى القمر

    خوفي اذا عاد الخريف وما رجعت مع المطر

    خوفي اذا ما الشوق عربد داخلي

    وربغم اخفائي ظهر

    خوفي اذا ما رحت ابحث عنك ولهى

    ذات يوم يا صديق

    ولم اجد لك من اثر




    روضة الحاج



                   |Articles |News |مقالات |بيانات

09-29-2004, 06:56 AM

Sidig Rahama Elnour
<aSidig Rahama Elnour
تاريخ التسجيل: 09-01-2004
مجموع المشاركات: 3408

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: حبيب نورة)

    حبيب نورة ، شكرا للرد الجميل في مداخلتي أعلاه
    طيب هاك دي من روضة الحاج برضو :
    أحتجت أن القاك ،،، حين تربع الشوق المسافر وأستراح
    وطفت أبحث عنك في مدن المنافي السافرات بلا جنــــاح
    كان إحتياجي أن تضمخ حولي الأرجاء ،،، يا عطراً يزاور في الصباح
    أن تجيّ اليّ مسبحاً ،،، تخفف وطأة الترحال أن جـــــاء الرواح
    وعجبت عجبت كيف يكون إرتحالي لربعٍ بعد ربعك في زمانٍ يا ربيع العمر لاح
    كيف إنعتاقي؟كيف يا وجع القصائد في دمي؟والصبر منذ الأن غـادرني وراح
    إحتاجك الفرح الذي يغتال في توجسي ويمنحني بريقاً لونه لون الحياة وطعمه طعم النجاح ( روضة الحاج )

    (عدل بواسطة Sidig Rahama Elnour on 09-29-2004, 06:57 AM)

                   |Articles |News |مقالات |بيانات

10-01-2004, 09:01 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: Sidig Rahama Elnour)

    Quote: أحتجت أن القاك ،،، حين تربع الشوق المسافر وأستراح
    وطفت أبحث عنك في مدن المنافي السافرات بلا جنــــاح
    كان إحتياجي أن تضمخ حولي الأرجاء ،،، يا عطراً يزاور في الصباح
    أن تجيّ اليّ مسبحاً ،،، تخفف وطأة الترحال أن جـــــاء الرواح
    وعجبت عجبت كيف يكون إرتحالي لربعٍ بعد ربعك في زمانٍ يا ربيع العمر لاح
    كيف إنعتاقي؟كيف يا وجع القصائد في دمي؟والصبر منذ الأن غـادرني وراح
    إحتاجك الفرح الذي يغتال في توجسي ويمنحني بريقاً لونه لون الحياة وطعمه طعم النجاح




    الله
    يا داؤوووووووووووووووووود
                   |Articles |News |مقالات |بيانات

10-06-2004, 06:47 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: حبيب نورة)

    *
                   |Articles |News |مقالات |بيانات

10-07-2004, 03:00 AM

waleedi399
<awaleedi399
تاريخ التسجيل: 08-20-2003
مجموع المشاركات: 2766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: حبيب نورة)

    Quote: يا ولدي الليلة ما عواستنا..!! أيوووووووووي , يا ناس نزغرد الليلة واللا نعمل شنو,,؟
    حبيب نورة ... الله يمسيك بالخير
    نشفت ريقنا يا أخوي الله يسامحك ... اصلو خلاص البقى بقى
    Quote: يا حاجة !! مالكم واقفين علي فد كراع ؟؟؟ قالت لي : أجي يا ولدي ,, ماك عارف؟؟؟ عارف شنو يا ربي ؟
    والله مبالغة يا حبيب نورة ... يديك العافية
    والله ضحكتني ... وذكرتني الايام التي مضت "الايام الخــــــوالي"

    لـك خالــص الـود والتحــــايا
                   |Articles |News |مقالات |بيانات

10-09-2004, 08:07 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: باركـوا لي !! الليلـة عـواسـتنا رمضان كريم (Re: waleedi399)

    وليدي
    أزيك ياخي
    تسلم والله يا سيد الناس
    علي الكلام الذوق
    تعيش انت ويدوم خيرك
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

������� ��������� � ������ �������� �� ������� ������ ������� �� ������ ������ �� ���� �������� ����� ������ ����� ������ �� ������� ��� ���� �� ���� ���� ��� ������

� Copyright 2001-02
Sudanese Online
All rights reserved.

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de