كتب الكاتب الفاتح جبرا المتوفرة بمعرض الدوحة
|
Re: يا فقهاء البورد: دينق عازمنا فطور رمضان, فما رأي الدين في ذلك? (Re: abubakr)
|
Quote: هسع المطاعم الفي بلادكم دي انتو قاعدين تفتشو مطابخا |
نحن بناكل لحم حلال على السكين و أنا زول حاجي و بزيد في حسناتي أمشي في نهاية عمري دي لدينق يشتتا لي
أها دينق دا لو زاد حلة الويكا دي ب Red Wine أقول لمنو?
و أمشي لناس التراويح ديل يقولوا حاج كوستاوي طاشم كمان
يا زول كلامك بتاع الغير ناطقين بها دا ما بخش الراس كدى فتش لينا فتوة تانية
| |
|
|
|
|
|
|
Re: يا فقهاء البورد: دينق عازمنا فطور رمضان, فما رأي الدين في ذلك? (Re: Kostawi)
|
Quote: و أمشي لناس التراويح ديل يقولوا حاج كوستاوي طاشم كمان |
هو دينق بقي بنيوتي بتاع البار زمان ؟؟ بعدين قول شربت حلومر بايت برة التلاجة... انت زي ما قالت اسمارت انا شوف المنيو وكان لقيت الحكاية ما بتسوي الجهجهة دي كلها اضرب لك بلحتيين واتوكل ...يااخ الزول عزكم فطور بعد جوع يوم كامل وبدل ما تبوسي ايديكم وش وضهر بقيتو في فتاوي ...انا لو دينق بسحب عرض العزومة بس خمس دقائق قبل اذان المغرب واخليكم تحوسو ....
| |
|
|
|
|
|
|
Re: يا فقهاء البورد: دينق عازمنا فطور رمضان, فما رأي الدين في ذلك? (Re: Kostawi)
|
الاخ كوستاوي
دينق وفقا للشريعه لا يستحق ان تفطر معاهو عليك دعوته
لقول لا اله الا الله محمد رسول الله
حتي يعصم دمه وماله وعرضه منك
خليك صاري وشك وامشي افطر مع الامام الذي يعرف الشتيمة وصرة الوش
ويحض علي الكراهية وقتال الكفار
اها دي الفتوي الما بتلقاها عند فقهاء البورد ويا ريت سيدنا فرانكلي رضي الله عنه يجي بهنا او سيدنا الطقي الوهابي برضو اما الارهابي التكفيري الوهابي عماد موسي محمد اظنو يتلقي كفاحا من العناية الالهية
وجاي بشيتن كتر
فقيهات المنبر اظنهن قانصات للعشره الاواخر
| |
|
|
|
|
|
|
Re: يا فقهاء البورد: دينق عازمنا فطور رمضان, فما رأي الدين في ذلك? (Re: Amira Elsheikh)
|
Quote: يا عزيزي ما الرؤساء الامريكان يقيمون حفلات افطار لقادة المسلميين في الولايات المتحدة كل عام ...وايه دخل الدين في دة ؟؟؟ يعني لو دينق عزمك ساندوتش في غير رمضان حتسال السؤال دة ؟؟؟ |
كوستاوي.
ياهو أبوبكر سهل لي المهمة. يعني أعزمك في مكدونلاند بي بأقل من عشرة دولارت وأكون وفيت بوعدي. تطلب سندوتش بتاع دجاج ولا بيكان ولا بيرجر ده ما بهمني والعجب في ال Free refill Soda
| |
|
|
|
|
|
|
Re: يا فقهاء البورد: دينق عازمنا فطور رمضان, فما رأي الدين في ذلك? (Re: doma)
|
Quote: لوووووووووول يا خرده كل هنيئا مرئيا وكمان احلت لكم طيبات اخري لقوله تعالي (اليوم أحل لكم الطيبات وطعام الذين أوتوا الكتاب حل لكم وطعامكم حل لهم والمحصنات من الذين أوتوا الكتاب من قبلكم إذا آتيتموهن أجورهن محصنين...............) الي اخر الايه 5 من سوره المائده |
كتر خيرك كوستاوي اها انا ما كنت قايل ناس الدفعة "غيري انا" بيفتو ( من الفتوة ما الفتة )...
| |
|
|
|
|
|
|
Re: يا فقهاء البورد: دينق عازمنا فطور رمضان, فما رأي الدين في ذلك? (Re: Deng)
|
Quote: ياهو أبوبكر سهل لي المهمة. يعني أعزمك في مكدونلاند بي بأقل من عشرة دولارت وأكون وفيت بوعدي. تطلب سندوتش بتاع دجاج ولا بيكان ولا بيرجر ده ما بهمني والعجب في ال Free refill Soda |
اها تلات ساعات ونص بعد الافطار عندكم ( حسب توقيتنا المحلي ) بسوو شنو عندك حيصلو تراوييح كمان ...؟؟ يااخ الجماعة دييل دفعم حق الصودا باليورو هشان الضرائب ..
| |
|
|
|
|
|
|
Re: يا فقهاء البورد: دينق عازمنا فطور رمضان, فما رأي الدين في ذلك? (Re: mayada kamal)
|
الأخ/ كوستاوي
سلامات
ياخي كان تمشي تفطر وبعد داك تجي تسأل..
طيب وأيك شنو!! دينق ده مسيحي.. يعني من أهل الكتاب..
نحن عزمنا مسؤول بوذي ولبينا الدعوة.. بس اول كلمة قالها: يا جماعة الأكل ده حلال والطباخ هو الرجل الواقف هناك داك...
.......................
ومرة وجدت صديق لي مسلم صاحب مطعم.. كان زعلان ويشتكي عن أخ سوداني جاء اليه وهو في الثمالة يجرجر رجليه وسأله هل طعامه حلال؟ فرديت: يا صديقي.. هذا الشخص سكران.. والسكر له عقوبة.. وأكل الطعام الغير حلال عنده عقوبة.. وهو رغم سكره لا يريد أن يزيد العقوبات عليه.. فلا داعى للزعل!!
| |
|
|
|
|
|
|
Re: يا فقهاء البورد: دينق عازمنا فطور رمضان, فما رأي الدين في ذلك? (Re: فيصل محمد خليل)
|
كوستاوى رمضان كريم عمنا دومنيك...مهندس كهربائى فى مبريكة ماربلس محالج الحصاحيصا,, ايام الزمن الجميل كان بطلع بصينيتو طول ايام رمضان بما فيها الحلو مر والابارى الابيض واللقمة,,وهو قسيس فى الكنيسة ولما ياتى وقت الصلاة كتار معاه ما قاعدين يصلو مش هو براه ,,اذا حى له منى التحية واذا مات الله يرحمه
الفتوة
( اليوم أحل لكم الطيبات وطعام الذين أوتوا الكتاب حل لكم وطعامكم حل لهم والمحصنات من المؤمنات والمحصنات من الذين أوتوا الكتاب.) [المائدة: 5]
امس سمعت فتوة من عالم سعودى جليل هو فهد العودة,,,قال لا يصح الدعاء على اهل الكتاب لانهم اهل ديانة,,وربنا لم ينفى ديانتهم انما قال الاسلام سيظهر على الدين كله وذكر الاية(ليظهره على الدين كله) ودى دلالة على اعتراف القران بدين الغير
افطر فطورك ساى واقطع لنا منه نصيب وارسله شيك التحية لدينق
التوقيع الشيخ العلامة ابقوتة احمد ابوقوتة مفتى الديار السعودية
| |
|
|
|
|
|
|
Re: يا فقهاء البورد: دينق عازمنا فطور رمضان, فما رأي الدين في ذلك? (Re: الطيب عبد الرحيم خلف الله)
|
كوستاوى و دينق, سلامات. انت يا كوستاوى نسيت تعمل بوست عن الاخوة الفائدين فى نورث ويستن تريرتورى فى اخر كندا. عندى صديق هناك بيقول لى ان الشمس بتغرب الساعة واحدة صباحا و تطلع ثانى بعد اربعة ساعات, يعنى اخوانك هناك صائمين تمانطاعشر ساعة. دينق اطبخ لهم لحم ضان+ بامية+زأئد بصل احمر اورغانيك+ليمون+ثوم+ بهارات بانواعها+فى نار بطئ+غزاز ريد واين (حسب راى ابوبكر حايكون حلومر بائت برا ثلاجة)+اطبخو لعدة ساعات على نار بطئ+ خبز بلدى من افران اللطليان او البروتقالين او عراقين. ممنوع اكل ماكولات اللبنانية او الفراعوتية لانهم كعبين خالص.
| |
|
|
|
|
|
|
Re: يا فقهاء البورد: دينق عازمنا فطور رمضان, فما رأي الدين في ذلك? (Re: doma)
|
Quote: لووووول يا خرده صحن المراره دا ما بتبلع كدي ساكت ما تخجل جيب صور العبابير بعدين هو فطور رمضان ولا عيد ؟؟ |
أستغفر الله العظيم و أعوذ من الشيطان الرجيم
إنتي ما ربطوك! حصلت كيف دي? _____________________________
نشكر الأخ دينق على هذا الإفطار (المجهبز) لحم حلالالالالالال (العتود ذبح في حضورنا....جزار باكستاني (رفيق) خضار حلال من مزرعة حاج مختار السنوسي و صلينا التراويح حتى ربنا يقبل
إكتشفت إنو دينق لا يأكل الفشفاش (خمانا في الكبدة) و الطعمية
و إكتشفت أيضا أن الأخ دينق لا يتحدث أثناء الأكل (لبع شين) التقول هو الصايم
الصور في الكريسماس
| |
|
|
|
|
|
|
Re: يا فقهاء البورد: دينق عازمنا فطور رمضان, فما رأي الدين في ذلك? (Re: Raja)
|
على راى الشيخ الاسفيرى
تعرض عليه الشاده
فان ابى فالجزيه
فان ابى فقاتله واقتله
وفطورو غنائم ولو لقيت ليك وجه جديد فما ملكت يمينك
اما المال فنصيبك العشر ولبيت مال المسلمين الباقى وتحولولاى حساب بالدوحه ومنه الى الشيخ الاسفيرى الانا عارف مكانو ....
واللهولى التوفيق والحمد لله فان اصبنا فلنا اجرين وان اخطانا فلنا اجر المحاوله
| |
|
|
|
|
|
|
Re: يا فقهاء البورد: دينق عازمنا فطور رمضان, فما رأي الدين في ذلك? (Re: Kostawi)
|
والله يا مسلمين قصتكم قصة.
نعزم كوستاوي فطور رمضان ونوفر له مصلاية في ديارنا نكتشف بأنه يمارس نفس عادات جماعة بوكو حرام النيجيرية. تضرب تلفون لود الموج في عيد رمضان الماضي لزوم المعايدة، يقوم يحتج ود الموج ويقول. كيف أنا أضرب أعيد عليه قبل الحسان، وأعتبر نفسه مازال صائما وقال: ليه يا دينق تضرب لي تعيد علي بدري كده؟ مش كنت تنتظر لغاية الساعة واحدة ولا أتنين؟ علشان كده السنة دي أنا ح أضرب أعيد على ود الباوقة بتاع المؤتمر الوطني ولن أعيد على بتاع الحركة الشعبية ود الموج.
كل عام وأنتم بخير والله يحقق الاماني.
| |
|
|
|
|
|
|
|