|
|
|
 Re: للذى يكتب بإسم: كمال عباس ... (Re: حيدر حسن ميرغني)
|
Quote:
انت حتكون برنامجى الجديد .... |
لا خلاص
نصيحة اخوية كيكية جيب ليك جردل ملااااان موية وخليهو جنبك وانت بتنفذ في برامجك ده
لانك حتشرب وما تروي لوووووووووول
ابو كمال
منطق وعمق وتحليل وخطاب متماسك موجه صوب الديمقراطية
ودفاع عن قضايا اساسية ومصيرية للشعب صعب اختراقها حتي لو لعبت بمكنة كندورة في زمانو
| |
 
|
|
|
|
|
|
|
|
Re: للذى يكتب بإسم: كمال عباس ... (Re: Haydar Badawi Sadig)
|
هو ما بطّال يعنى ....
هو بس .... لايوق ....
خصوصاً لمّا يفقد المنطق ... ويكون داير يعيد صياغة الحقايق عشان تتماشى مع راسو الملان شعارات دا ...
(انا لسة ما قررت ابرمج بيهو كيف ..... لاكين لواقتو دى ... بكرّهو ليها)
... المهم ....
| |
|
|
|
|
|
|
|
|
|
Re: للذى يكتب بإسم: كمال عباس ... (Re: كمال عباس)
|
بالله شوفوا جنس اللواقة دى:
Quote: الاخوة الكرام
تحية وشكرا-
لاأحبذا هذا النوع من الكتابات ودخلت لأوضح أن مجري الحوار في هذا
الخيط
Re: أسوأ من الكيزان - من هم؟
وفي سيجد القارئ أن السيد تبارك يفتقد أبسط أسس الحوار في المادة
المطلوبة: لايفهم مثلا أن هناك نظام سياسي أسمه الدولة أو الجمهورية البرلمانية وأنه النظام الاقدم والاعرق !!
ولايعرف أن هناك أراضي سودانية تحتلها أثيوبيا!!
ولايعرف أن هناك مادة في القانون الجنائي تحد المرتد وأخري ترجم المحصن
!
يقوم بكتابة كلام في حوار جاد لايقوي علي مناقشته !!
مثلا أتانا من أقصي المدينة يسعي راميا شئ أسماه البان أفريكانيزم
زاعما أنه إقتراح مطالبا إيانا بمناقشته !!
وعندها سألناه عند ماهية هذه الشئ!! وتعريفه !! وأسسه حتي نبدئ
رأئيا حوله ونناقشه علي بينة !! فلم يجب!!
وأخيرا وبعد أيام جاه المخاض الفكري فقال:
Quote: الخطوط العريضة لبان افريكانيزم تبارك شيخ الدين ... تأتى بها أنت يا كمال عباس ... من المصدر البيعجبك .... ولو عندك فيها راى ... قولو
...
تخيلو الرجل يطالبنا أنا ناتيه بخطوط عريضة لشئ جاء به هو!!
مما دفعنا للرد عليه هناك
Quote: وعليك الله اللايوق والبكتب دون إتزان منو?
إنا رأي في شعارك قلتوا - وأناما مطالب أناقش إقتراح مزاجي!!
كدي أول حاجة ورينا الاقتراح دا لزوموا شنو وضرورتوا شنو ومقوماتو
شنو? ومالذي دفعك للقذف به ?
دا المنطق يا تبارك !! الحكاية حوار مش مجرد رمي كلام لا ليه رأس
والله قعر !!
الحوار الفكري ليس غلاط وجدل عقيم
بلا زاد ولا معرفة ولا صبر ولا حتي حب في التعلم فإنا ياتبارك أكتب
با إتزان وإحترام لنفسي ولغيري ولفكري ولا أتحرك وفق مزاج لحظي ولا
أرتدي مسوح المهرج ولا أتخفي ولا لايملي علي أحد ماذا أكتب ولا أبيع ضميري
لفرد أو جماعة !
وفوق هذا لست مستـجدا في الكتابة أو التعاطي في الشأن السياسي ولم
أدخله من باب الإرتزاق والتكسب أو الإرتهان لسفارة أو وزارة أو أجهزة تخابر أكتب للضرورة لا للمزاج وتزجية الوقت والتهاتر وأتحكم في نفسي وقلمي حتي ينأي عن الهترشة والاسفاف وما يخدش الكرامة... عموما ساأواصل في البوست الاخر وأرجو أن تعود اليه بدلا من فتح بوست
بلا معني وخلق أستعداء لا داعي له وأسمع نصيحة دكتور حيدر لك في
ذلك البوست
Quote: الأخ الكريم تبارك،
الحوار الجاد الذي جدتما به علينا، كمال وأنت، ومحاوريكما، في هذا الخيط هو الذي ساعدني على تبين بعض الزاوايا الموضوعية في طرحك.
أما إشاراتك السالبة المبطنة في الجملة الوسطى والأخيرة من الاقتباس عاليه فلا تدل إلا على أن هذا النقاش الموضوعي قد أرهقك
لدردجة أثرت على موضوعيتك، وأخرجتك عن الاتزان الفكري اللائق كمحاور ذكي لشخص يتطلع أكثر الناس جدية في هذا المنبر أن يكونوا
مثله. كمال مثقف سوداني يشرف السودان والسودانيين، تتفق أو تختلف معه، ولا تملك إلا أن تحترمه.
لان دكتور حيدر كتبها من موقع الناصح والمؤمل فيك خيرا
أسوأ من الكيزان - من هم؟ |
حأمشى أفتح لى بوست تانى ... عشان ابرمج بى كمال عباس بى مزاااااج
... المهم ...
| |
|
|
|
|
|
|
|
|
|
Re: للذى يكتب بإسم: كمال عباس ... (Re: تبارك شيخ الدين جبريل)
|
شوف الاسفاف والتجريح والتهاتر من أبسط الاشياء وهي لاتكلف الانسان شئيا
أنا أجاريك في هذا المضمارلأنه ليس طريقي ولا دربي ولاخلقي ...
ولا أحتاجه ولن تجدني من رواده ..ستجدني مواقع الحوار والافكار متي عدت
اليه........والي ذلك الحين سا أهديك كلام دكتور حيدر للذكري والعبرة
الأخ الكريم تبارك،
Quote: الحوار الجاد الذي جدتما به علينا، كمال وأنت، ومحاوريكما، في هذا الخيط هو الذي ساعدني على تبين بعض الزاوايا الموضوعية في طرحك.
أما إشاراتك السالبة المبطنة في الجملة الوسطى والأخيرة من الاقتباس عاليه فلا تدل إلا على أن هذا النقاش الموضوعي قد أرهقك
لدردجة أثرت على موضوعيتك، وأخرجتك عن الاتزان الفكري اللائق كمحاور ذكي لشخص يتطلع أكثر الناس جدية في هذا المنبر أن يكونوا
مثله. كمال مثقف سوداني يشرف السودان والسودانيين، تتفق أو تختلف معه، ولا تملك إلا أن تحترمه.
.......... |
أما من يكتب لمن فسيأتي حينها ياتبارك فلا تستعجل !!
| |
|
|
|
|
|
|
|
|
|
Re: للذى يكتب بإسم: كمال عباس ... (Re: محمد حسن العمدة)
|
لا مآخذ علي الاخ كمال عباس في انه جدير بادارة حوار جاد لا تنقصه ادواته ولا يحتاج لاحد ان يكتب له او يكتب باسمه
ان كان هناك مأخذ علي الاخ كمال عباس فهو ما ذكره الاخ ملاسي بان كمال عباس شخص ممل سوى هذا فلا عيب يشوبه
| |
|
|
|
|
|
|
|
|
|
Re: للذى يكتب بإسم: كمال عباس ... (Re: Hussein Mallasi)
|
| Quote: لا حل ناجع لمداخلات كمال عباس سوى الاسكرول داون |
ايووه يا ملاسي
لانها مداخلات ماعندك ليها رقبة او شعر فكري او حيل عشان تعتلها وترد عليها بذات العمق والنظر الثاقب
انت يا المبروك
داير سندوتشات القطر قام..فدي امشي البد ليها في اعلانات صحف الخرطوم او في النيل الازرق
فقشة ما تعتر ليك في حكاية الاسكرول داون دي
| |
|
|
|
|
|
|
|
|
|
Re: للذى يكتب بإسم: كمال عباس ... (Re: كمال عباس)
|
| Quote: انت يا حيدر امسك دفتر الكشف |
ود العمدة
انا كنت ناوي ادردقو والعب ليهو باك عديل
الزول فردة وكده
لكن احبطني جد
تضامني الكامل معه في زنقتو دي
غايتو الا يجي سيف النصر يشوف ليهو مخارجة
| |
|
|
|
|
|
|
|
|
|
Re: للذى يكتب بإسم: كمال عباس ... (Re: حيدر حسن ميرغني)
|
Quote: شاطر!! يستحق صفقة!! الود جاب التايهة وبالانجليزي كمان!!
ياربي دي القالا ليك فيك منو قبل كدة!!
بس وين بقية الكومبارس? |
الاخ كمال عباس
ارجو ان لا تنجرف وراء ( ظرافة لا تجيدها ) فتذهب ما تبقى من ماء جديتك المشاد بها
| |
|
|
|
|
|
|
|
|
|
Re: للذى يكتب بإسم: كمال عباس ... (Re: اساسي)
|
وقبل مانمشي للمهم
شكرا كمال الزين,,,,شكرا عبد الناصر شكرا ياسر طيفور شكرا حيدر وو العمدة
شكرا دكتور حيدر ...شكر عوض أبو جديري ...وملاسي هو ملاسي وبرضو مشكور يا
أساسي ......
والتحية لك ياكيكي وطبعا فهمت الحاصل وقرأت مابين الأسطر ولم تغيب
عليك الدوافع والمنطلقات ......
| |
|
|
|
|
|
|
|
|
|
Re: للذى يكتب بإسم: كمال عباس ... (Re: كمال عباس)
|
و الله يا كيمو بالك سلبة
انا دايما بعتقد انه كتابات تبارك مجرد مكاواة و عنقدة
اما دي بالغت فيها
| Quote: ياربي دي القالا ليك فيك منو قبل كدة!! |
يأسكروليهو شنو الكلمة و نص بتاعة ملاسي
مأسكرة خلقة و في الغالب هي داون
| |
|
|
|
|
|
|
|
|
|
Re: للذى يكتب بإسم: كمال عباس ... (Re: نصار)
|
الأخ العزيز تبارك
سلامات
الأخ كمال عباس يُعتبر "مسطرة" لما ينبغي أن يُقال أو يُفعل في كثير من الأحداث والمواقف، وهو رجل عفيف اللسان ومهذب ويحترم محاوريه، وفوق ذلك هو قلم جاد ومتزن جدا.
| |
|
|
|
|
|
|
|
|
|
Re: للذى يكتب بإسم: كمال عباس ... (Re: BAKTASH)
|
| Quote: الأخ كمال عباس يُعتبر "مسطرة" لما ينبغي أن يُقال أو يُفعل في كثير من الأحداث والمواقف، وهو رجل عفيف اللسان ومهذب ويحترم محاوريه، وفوق ذلك هو قلم جاد ومتزن جدا. |
هذا البوست للبرمجة بى كمال عباس ... وليس لنقل حوارات من بوستات أخرى (كما يحاول اللايوق) ...
هى مجموعة شعارات:
* لا لتجار الدين
* لا للإبادة والتعذيب
* لا للتفريط فى السيادة
* لا للفساد
* نعم لدولة المواطنة والتعددية
* نعم للديموقواطية
* نعم للعدالة وحقوق الإنسان
* نعم للـ ...
... وبس ....
هذه هى عقلية كمال عباس "المسطرة" ... وهو نموذج للممارسة الهتافية الخاوية من الهيكل الإيديولوجى أو الفلسفى ....
كمال عباس محترم وجاد ونشط ... وبالتالى تتحوّل الممارسة الهتافية عنده - دون أن يفقد احترامه وجديته ونشاطه المكثف - إلى لواقة ....
ونحن فى هذا البوست ... بصدد إذاقته من نفس الطبق الذى يقدمه لنا يومياً ....
... وبالتالى دا برضو ما بوست شكلة ...
دا بوست لواقة كدا مع كمال عباس ... مافى أىّ "سكرول داون" بحلّوا منها ...
... المهم ...
| |
|
|
|
|
|
|
|
|
|
Re: للذى يكتب بإسم: كمال عباس ... (Re: تبارك شيخ الدين جبريل)
|
....
Quote: .هى مجموعة شعارات:
* لا لتجار الدين
* لا للإبادة والتعذيب
* لا للتفريط فى السيادة
* لا للفساد
* نعم لدولة المواطنة والتعددية
* نعم للديموقواطية
* نعم للعدالة وحقوق الإنسان
* نعم للـ ...
... وبس ....
هذه هى عقلية كمال عباس "المسطرة" ... وهو نموذج للممارسة الهتافية الخاوية من الهيكل الإيديولوجى أو الفلسفى ....
|
You hit the nail on the head
ومع ذلك ..فهو يحعل مساحة احترام لمن يخالفونه
ماذا تفعل يا تبارك؟
ألم تقل عن أهل المؤتمر..إنهم جزء من هذا المجتمع؟
فلنصبر على مصائبنا جميعا
دونما تمييز
والسلام
والله أرجو لنفسي..وله الهداية
وأن نترك الشعارات الفارغة
ونتفرغ لما ينفعنا دنيا
وأخرى
| |
|
|
|
|
|
|
|
|
|
Re: للذى يكتب بإسم: كمال عباس ... (Re: AnwarKing)
|
يا أنوّر كنق
تبارك ده لا بتاع تشتيت كورة ولا حركات كيزان، فعليك الله ما تظلمو ساكت..
____
تبارك ده عوير العوارّة الواحدة دي، ولا يكلف الله نفساً إلا وسعها، وربنا وسّع ليهو في العوارة..
| |
|
|
|
|
|
|
|
|
 Re: للذى يكتب بإسم: كمال عباس ... (Re: Yassir Tayfour)
|
ياسر طيفور يا ود عمي وخالتي سلامات...
في بوست الإستفتاء عن وجود د.صلاح بندر، أفتى حبيبنا تبارك بأنو كل زول هنا عندو قيمة معرفية...وأنا طبعاً فهمتا الكلام بطريقتي
وقريتو كدة:
أي أسم هنا "NickName" عندو قيمة معرفية! وممكن هو زاتو يفسّر ليك أكتر...
عشان كدة ما بميل لإلصاق شرف "العوارة" بتبارك كشخصية يعني عندها بطاقة وحاجات زي دي...
بحاول أدخل سحابة الأسماء دي...وأتعامل مع ال "Text" القدامي بصرف النظر عن مصدرو وين...
ولو وصلت لحتة فصل تبارك عن "المهم"... حا يعرف أنو تشتيت الكورة مقصود
بيهو عدم مواصلتو بنفس الريزم "أها دي بالإنجليزي بتفضح في الإسبلينغ بتاعا
عشان كدة جلّيها"...
فالمفروض ما يعمل القصة حردي ومرة داير زول يحافظ على وزنة معيّنة للبوست ومرة داير زول يعضّد كلامو والخ...
فيا ود طيفور يا قريبي، كل الناس الهنا دي حاسة أنها مظلومة، وبالطبع أخوك شهيد الظلم ظاطو لازم أتصدّر القائمة،
فدحين الظالم وينو؟
الظلم جاي من الكيزان...
قلنا نسمّيهم "الكيزان" ونطعن في الفيل، يقول البعض
"وتُقرأ أخونا العوض صاحب البوست الأساسي مثلاً" أن في ذلك شخصنة، أو أننا نتحدث عن عموميات!
الكيزان ديل ناس عندهم أسماء ومحدودي العدد...
لو أي زول حسب ليهو أسماء خمسة كيزان بس، وزاد عليهم شوية لعنات ودعاوي بالآثم وقطيعة الرحم، كان الكيزان راحو فيها أسع...
تخيّل يا ياسر ببساطة شديدة، تقول لي إبراهيم أحمد عمر، أقول ليك قطبي المهدي، تقول لي صلاح قوش، أقول ليك كمال عبد اللطيف..
وكدة يعني...ديل أربعة أسع!
البوست ده بوست فاضي "فاضي لأنو ما حدد لحدي أسع
داير يبرمج بكمال عبّاس كيف!"...وعليهو كان نترقب ونشوف تبارك زاتو عندو "موضوع" زي حالتي دي:
Re: انفصال جنوب السودان من الهمس إلى العلن
ولا ما عندو موضوع زي ما حاصل في البوست ده مثلاً، وقعد برمج بينا كلنا، بإستثناء كمال عباس في نظري،
ال لو واصل شوية، حا يبرمج بروحو مع تثبيت عدم موضوع تبارك من الأساس...!
النضمي الفوق ده كلو يا ياسر...عشان كتبتا لي كلمتين ولصقت لي شوية كلام في بوست العمالقة ده:
الوعي نبيلٌ وقويمٌ بأصله قبل طَبْعِ الواعين
فقلتا أجي أروشاكوم "أروشوا" شوية نقّة، لأنو حاسي بأني مبدع شفّاف حالياً...لووولز
المهم...
________________
لا أنفي عن نفسي الدقسة، الدقسني ليها تبارك أبو داقوسة في البوست ده، وبرمجتو بي ضمن آخرين،
لوولز
| |
|
|
|
|
|
|
|
|
|
Re: للذى يكتب بإسم: كمال عباس ... (Re: AnwarKing)
|
| Quote: ولا ما عندو موضوع زي ما حاصل في البوست ده مثلاً، وقعد برمج بينا كلنا، بإستثناء كمال عباس في نظري، ال لو واصل شوية، حا يبرمج بروحو مع تثبيت عدم موضوع تبارك من الأساس...! |
ما بدرى يا أنور ... ود خالتك جاب كثافتك سريع خالس خالس ... ما كان تفك آخر البوست ...
(والله انا فى الحقيقة ما كنت داير ابرمج بالكل ... كنت متخيّل انو لواقة كمال عباس مزهّجة ناس كتاااااار ... قلت ادّيهم متنفّس ... واشيل وش القباحة ... بما انى مطمئن انو انا ما ناوى على القباحة مع كمال عباس ... لاكين جات كدا ...)
... المهم ....
| |
|
|
|
|
|
|
|
|
 Re: للذى يكتب بإسم: كمال عباس ... (Re: تبارك شيخ الدين جبريل)
|
Quote: (والله انا فى الحقيقة ما كنت داير ابرمج بالكل ...
كنت متخيّل انو لواقة كمال عباس مزهّجة ناس كتاااااار ... قلت ادّيهم متنفّس ...
واشيل وش القباحة ... بما انى مطمئن انو انا ما ناوى على القباحة مع كمال عباس ... لاكين جات كدا ...) |
بعد ما ختيت راسي في المخدة، تاني قلتا النديك الملاحظة المبدعة دي برضو...
ملاحظ الناس هنا معظم الأوقات بتناديك بولد أستاذ ومُربي الأجيال شيخ الدين جبريل... ألف رحمة ونور عليه...
ف أخوك منتظرك تطلع براك في السهلة...وشوف كمية المدافع البتكون منتظراك! (ما تكون فرضيتك زي فرضية البوست ده برضو، أنك في السهلة،
نو نو نو...أنت محمي بالأسم الثاني الآن يا حبيبنا)...
جد دي ملاحظة ما بتلقى ليك زول "م. ن" يقولا ليك ترررررررررررراخ وبوط كدي... خصوصاً لو ما كنتا شيوعي زي ما د.بندر مثلاً ساكي
ود جبر الله.
المهم...
لو داير مزيد من الإتحاف كمان، قول عووك...الدنيا ويك إند وكدة!
| |
|
|
|
|
|
|
|
|
|
Re: للذى يكتب بإسم: كمال عباس ... (Re: AnwarKing)
|
نختلف ونتفق مع مع الاخ كمال عباس، لكن الحقيقة التي لا يمكن تجاوزها ان كمال عباس قلم مليء بالاحترام والاتزان والمسؤولية ويجبر قارئه باحترامه فهو ببساطة متسق مع نفسه، ويعرف ماذا يريد ان يقول باسلوب كمال عباس.
| |
|
|
|
|
|
|
|
|
|
Re: للذى يكتب بإسم: كمال عباس ... (Re: محمود الدقم)
|
انت يا أنور ....
ياسر طيفور دا مالو؟ محتج على شنو بالضبط؟
راسى فاضى ياخ ... المشكلة شنو يعنى؟
لازم تقولا اربعطاشر مرة فى البوست الواحد؟
انا جايى عشان احاول اضاير لواقة كمال عباس .... يطلع اسد؟
ارخى يا مان ... وروّق المنقة ...
لأنو ما بتذكّر اختلفنا فى نقاش قبل كدا ... يخليك تستنتج انى راسى فاضى ... ولو عندك كلام عديييييل ... قولو ...
أصلاً دا بوست هامل ساى ....
... المهم ....
| |
|
|
|
|
|
|
|
|
|
Re: للذى يكتب بإسم: كمال عباس ... (Re: محمد على حسن)
|
شخصياً عندما اغيب من البوست ليوم او يومين، وعندما تستجد في الساحة مستجدات سياسية جديدةأ
ابحث عن كتابات كمال عباس واحمد عثمان ....فهي من الأقلام المنتجة للمعرفة ...
من الاقلام الرصينة والشفافة والدقيقة والانيقة ....
اطالب السيد كمال عباس بلا ينجر وراء الحملات معروفة المقاصد ، والموضوع لا برمجة ولا يجزنون...
| |
|
|
|
|
|
|
|
|
|
Re: للذى يكتب بإسم: كمال عباس ... (Re: AnwarKing)
|
Quote: بالمناسبة يا ود طيفور...
أسع لو خيروك ما بين وجود د. صلاح بندر
أو
وجود تبارك هنا...
تختار منو؟ |
عليك الله يا قريبي في داعي للإحراج ده،
البندر لو رجع وإعتذر عن ما فعله في الأسابيع الفائتة، لا شك هو زول مفيد والناس ممكن تستفيد منو إستفادة حقيقيَّة، أما أخونا الوارِث، طبارك، لو ترك المهابشَّة والمقابضَّة من طرف البيعمل فيها دي، ممكن يكون زول مفيد، وللأمانَّة مرات كتيرة بلقاهو كاتب ليهو كلام سمح، لمّن أشك في روحي، يا ربي ده طبارك الواحد ولا طبار زولاً تاني..
ولكي أجيب على سؤالك المُحرج، الإتنين يقعودو، ولا بل نقاتل معاهم عشان يقعدو، في أشياء كتيرة لا تقبل الإستفتاء والتصويت عشان الغلبَّة فيها تكون للقوة الميكانيكيَّة، من ضمنها قعادم وعدم قعادم، وإن كان لابد من أن يذهب أحد ما، فمن الأفضل أن يُجبر الشخص على الذهاب بالتعريَّة لا بالتصويت..
___
لكن طبارك براهو الختّ روحو في الميزان، وبيني وبينك طبارك زي الجرادّة قعادها في السروال ما حلو، لكن ما بتعمل حاجة
| |
|
|
|
|
|
|
|
|
|
Re: للذى يكتب بإسم: كمال عباس ... (Re: صلاح ليون)
|
دائما أتمنى لو أن المقام مقام نقاشات جادة تهدف للاستبصار عما يحقق مصلحة بلادنا وما يجنبها ما هي فيـه من ترد شامـل, لأن مثل هذه المقامات هي (محاصات) مدخرة لقلم أستاذنا كمال عباس الحصيف السخي المحالف للحق والحقيقة والملتزم بقضايا وطنه وشعبه.
لكن الاسفاف المطروح في هذا الخيط لا يحتاج لإهراق المداد الالكتروني بأكثر مما سطره الإخوة المشاركون هنا,
فليمد أبا حنيفة رجليه, أو كما قال رضي الله عنه,
أحمد الشايقي
| |
|
|
|
|
|
|
|
|
|
Re: للذى يكتب بإسم: كمال عباس ... (Re: أحمد الشايقي)
|
| Quote: نختلف ونتفق مع مع الاخ كمال عباس، لكن الحقيقة التي لا يمكن تجاوزها ان كمال عباس قلم مليء بالاحترام والاتزان والمسؤولية ويجبر قارئه باحترامه فهو ببساطة متسق مع نفسه، ويعرف ماذا يريد ان يقول باسلوب كمال عباس. |
أفتكر كلام محمود ده مافي بعده كلام .
تحياتي للأخ كمال عباس ذو البال الطويل
Deng
| |
|
|
|
|
|
|
|
|
|
Re: للذى يكتب بإسم: كمال عباس ... (Re: Deng)
|
الى تبارك شيخ الدين
تبارك ..اختيارك لكمال كان موفق جداً....
ببساطه ده لانك عاوز تحس بأنك تمتلك معرفة وحجة اكثر من الاخ كمال وهذا حق مكفول لك طبعاً بحكم انه احساس خاص بك وحدك
وانت عاوز تقنع نفسك انك اهل لمنازلة كمال عباس وصرعه فكرياً ...هذا من حقك تماما
لكن من حقنا نحن ان نقرر من هو اللايوق والرأسه فاضي
اختيارك للطعن في كتابات كمال عباس وقلمه الرصين
( في اعتقادي ( بأتي من محاولاتك في
تجاوز مشكلة Self confident وتقوم فيها باختيار مواقف كبيرة متفق عليها او شخصيات متفق على رصانتها ولها تأثير في مكان او فعل ما
وتطعن فيها ..
والحاجة دي بتخليك تحس بانتصارات صغيرة
___________
للذي يريد ان يكتب لتبارك شيخ الدين:
غايتو لو في زول عاوز يكتب لتبارك بنفس اسلوب كمال
انا متبرعه ليهو بالباسوورد بتاعي ده من اسع ..
__________
كمال عليك الله ما ترد للزول ده ياخي
انت عندنا رأي رصين وفكر محترم
| |
|
|
|
|
|
|
|
|
|
Re: للذى يكتب بإسم: كمال عباس ... (Re: Deng)
|
مع إحترامي وتقديري لقلم كمال عباس الجدير بالاحترام والمتابعة لما يكتبه بموضوعية ..
يشد انتباهي لتداخلات الزميل عماد محمد موسي بالثوب الجديد ..
مُداخلات مليئة بالموضوعية والكلام المركز سواء هنا بهذا البوست او بوست ( من هم اسواء من الكيزان ) او ما يعني العناون .. عماد موسي لو جاء بمثل هذه الاطروحات وهذا الكلام البعيد عن الاسفاف والهتر والسب والشت اكيد سنستفيد منه الكثير ..
فيا اخينا في الله عماد موسي بالله خليك دارع ( بِشت ) المداخلات دي دائماً وإرتقي بنا عن مصاف مشاركاتك السابقة المهدرة للجهد والوقت فيما لا يفيد من محاولا الشخصنة والنبذ .. وكدي خلينا نقرا ليك كلام كدة بدون ما نمشي نفتح بوست نقول الزول دا مالو بيعمل كدة ...
| |
|
|
|
|
|
|
|
|
|
Re: للذى يكتب بإسم: كمال عباس ... (Re: HAIDER ALZAIN)
|
| Quote: وانت عاوز تقنع نفسك انك اهل لمنازلة كمال عباس وصرعه فكرياً ...هذا من حقك تماما |
منال أصابت عضم المشكلة ... التفكير الحزبى الإستقطابى بتاع المنازلة والنصر والهزيمة .... المثل القديم بيقول "نصف رأيك عند أخيك" ... دا لو "أخيك" ما معارضة ....
لواقة كمال عبّاس ... تكمن فى مقدرتو على "المنازلة" بشعارات مفحمة .... مما لا يدع فرصة للتفكير ... أو للحوار ... أو لتجاوز واقع الشعارات واستشراف واقع أفضل ....
وبالجنبة كدا يا منال ... البوست دا زى ما قلت ما مخصص شديد للبرمجة بى كمال عباس ... فلو عندك نقد لى بى فكرة "مرض نفسى" و"أزمة ثقة Self-Confidence" عليك الله جيبى لى أمثلة من مداخلاتى ... لو زمنك بيسمح ...
عشان انا القى فرصة عادلة فى انو ابرر آرائى ومواقفى الما عندها تفسير فى سياق المداخلات ... بدل ما تتفسر "انتصارات صغيرة" (ولامؤاخذة)
أتمنى انو الطلب ما يكون ثقيل ... وتلقى مساحة انك تجيبى أمثلة لى مداخلات شترا ... وممكن ياسر طيفور يشففك من ورقتو ... لأنو هو برضو شكلو صارّيها لى ...
... المهم ...
| |
|
|
|
|
|
|
|
|
|
Re: للذى يكتب بإسم: كمال عباس ... (Re: تبارك شيخ الدين جبريل)
|
Quote: تبارك ازيك
شكرا لهذا البوست لنقول شيئا في هذا الـ كمال
ان كان هناك من يكتب بإسم: كمال عباس
فاصابع الاتهام ستشير قطعا لثلاثة احتمالات
1- الموضوعية
2- احترام الذات
3- وضوح الحجة |
شكرا اخى شمس الدين على هذه الحقائق
والتحية والتجلة للعزيز كمال عباس صاحب القلم الشجاع .
| |
|
|
|
|
|
|
|
|
 Re: للذى يكتب بإسم: كمال عباس ... (Re: خالد حاكم)
|
الأخ العزيز تبارك ابن معلم الأجيال القدير المرحوم الوالد شيخ الدين جبريل
وشقيقه المرحوم رجل القانون العم أحمد جبريل ( هؤلاء كانوا أعلام أمدر الحبيبة )لهما شآبيب الرحمة والغفران.....
أنت رجل طيب القلب ....أتمنى أن لاتنحو هذا المنحنى ..
الأخ كمال عباس رجل محترم ...لم يسيئ لأحد أبدا ...وهو عضو فعال في هذا البورد ...
خالص تحياتي لكما.
| |
|
|
|
|
|
|
|
|
|
Re: للذى يكتب بإسم: كمال عباس ... (Re: Ridhaa)
|
لا يختلق اثنان فى حقيقة ما قيل عن خصال الاخ كمال عباس من الأخوة أعلاه
رجل يجبرك على أحترامه لهو جدير بأن تحترمه ليحترمك الآخرون
لا أن نفقد أحترام الآخرين لك باظهار عدم احترامك له
| |
|
|
|
|
|
|
|
|
|
Re: للذى يكتب بإسم: كمال عباس ... (Re: Ridhaa)
|
الأخ الحبيب رضا...
تحياتي وأشواقي...
ياخي بعد قلت النصيحة في حق الحبيب كمال عبّاس...
دي لزوما شنو؟
المفروض تكون تحياتي لكم...لأنو البوست ده عندي فيهو لحد الآن نصف المداخلات...
والنصف التاني بالضبط كمال عباس وأخرين...وفي الهامش "المدعو تبارك"، اللي عامل زي
زول كدة، يسيب كل الناس البتقول كلام كويس...ويقبّل بس على الناس القالوا كلام غاظوا...
يعني يا تبارك نومتك مكشوفة بطريقة؟
شتيمة كاربة كدة، إنفعال من جانبك...تهتدون، تفلحون، التراضي الوطني، سمن على عسل!
الى حين إشعار آخر...
المهم...
| |
|
|
|
|
|
|
|
|
|
Re: للذى يكتب بإسم: كمال عباس ... (Re: HAIDER ALZAIN)
|
شكرا للإعزاء عبد الكريم/المحترم سنوسي/لاخ صلاح ليون/ الاستا ذ أحمد الشائقي / الاخ دينق/ الاخ حيدر الزين/ الاستاذة منال محمد علي.... شكرا علي مشاعركم الصادقة والتي غمرني فيضها وأنعشني أريجها وأتمني أن أكون عند حسن ظنكم دوما...
| |
|
|
|
|
|
|
|
|
|
Re: للذى يكتب بإسم: كمال عباس ... (Re: كمال عباس)
|
كمال عباس قلم مصادم موضوعى يدافع عن القضايا الاساسية التى تهم المواطنيين والوطن اعدائه فقط سارقى الوطن وخيراته وكل من يدافع عن المجرميين لا يجامل فى القضايا الاساسية ,لك التحية والاحترام اخى كمال
| |
|
|
|
|
|
|
|
|
 Re: للذى يكتب بإسم: كمال عباس ... (Re: elsharief)
|
العزيز متولي،
تحياتي ومشتاقين والله...
عليك الله قاصد تبارك بالكلام ده؟
| Quote: اعدائه فقط سارقى الوطن وخيراته وكل من يدافع عن المجرميين لا يجامل فى القضايا الاساسية |
غايتو لو قاصدوا يبقى يا كمال المفروض توضّح لزوار البوست حقيقة تبارك...عشان ما ينظلم ساكت...
| |
|
|
|
|
|
|
|
|
 Re: للذى يكتب بإسم: كمال عباس ... (Re: كمال عباس)
|
1-
Quote: وأعود لتقديم واجب الشكر للأعزاء
نصار/ عويس / بكتاش/ عماد موسي/ محمود الدقم/ محمد علي حسن/حمزةبابكر
إبراهيم النعمة/ والمثابر ياسر طيفور |
2-
| Quote: شكرا للإعزاء عبد الكريم/المحترم سنوسي/لاخ صلاح ليون/ الاستا ذ أحمد الشائقي / الاخ دينق/ الاخ حيدر الزين/ الاستاذة منال محمد علي.... شكرا علي مشاعركم الصادقة والتي غمرني فيضها وأنعشني أريجها وأتمني أن أكون عند حسن ظنكم دوما... |
شنو يا كمال، الفط ده ياخي؟
لو ما من باب الحقانية، من باب تحييدي بس،
عارف أنو موقفي شكلو رمادي وما مفهوم في البوست ده،،، أو بالأحرى قول في علاقتنا بالسيّد تبارك...
لكن أنتا شخصياً وقت أبيت تديهو في حنانو في البوست الأصلي، يبقى أعملا أنا؟
عليك الله أشكرني ياخي عشان ما أزعل...باقي الزول بيفتش لسيرتو بين البوستات فتّيش جد!
أنا ما زعلان ولا حاجة، بس عليك الله واصل في البوست الأصلي بتاعنا داك...
________________
شكيتك يا تبارك!
| |
|
|
|
|
|
|
|
|
 Re: للذى يكتب بإسم: كمال عباس ... (Re: AnwarKing)
|
ياسر طيفور يا حبيب...يا ود خالتي وعمي لزم في نفس الوقت (عشان بتهري فشفاش تبارك وكدة، لوولز)...
قلتا لي:
Quote: البندر لو رجع وإعتذر عن ما فعله في الأسابيع الفائتة،
لا شك هو زول مفيد والناس ممكن تستفيد منو إستفادة حقيقيَّة |
ما عارف لكن أتذكرتا طوالي الإمام السيد الصادق المهدي لمن قريت كلامك ده...
معاً من أجل عودة الإمام...
المهم,,,,
__________
أنتا يا تبارك...الهيستوري "History" الأسري بتاعك شنو بالضبط؟
يعني مرتبط ولا على قيد الحياة؟
سؤال جادي بالمناسبة، لأنو واجعني شديد تدخلك السافر بهناك!
| |
|
|
|
|
|
|
|
|
|
Re: للذى يكتب بإسم: كمال عباس ... (Re: AnwarKing)
|
Quote: وإن كان لابد من أن يذهب أحد ما، فمن الأفضل أن
يُجبر الشخص على الذهاب بالتعريَّة لا بالتصويت.. |
عارف يا ياسر يا ود طيفور..
الكلام الفوق ده جد جد جد...بتاع عدم موضوع وكدة!
وبفسّروا على أنو الزول أعتاد على شكل من الكترابة كدة، ما بيهون عليهو يخليهو بسهولة...
ومن جانب آخر...الزول بيعمل جحا طالما البتاع في الهناي الليلتو...يعني راحتي وقلق الناس وكدة...
يعني بتاع زول داير ليهو برنامج بإختصار شديد... والبرنامج في سودانيزأونلاين، موش حا تئدر تغمض
عينيك!
أسمع يا ياسر هوي...لو صاحي، أغمز لي بس... عشان شايف البوست ده مكان جميل عشان
أقول فيهو كلام كتير...خصوصاً أنو بوست غير قابل للحذف وذلك لسببين:
1- العزيز المحترم كمال عبّاس زول فوق أي شُبهة وعليه يكفي مهر عنوان البوست بأسمه،
ومافي جن أحمر بيقدر يحذفوا...دي بطيخة صيفي، حتى لو جا ملاسي هنا عمل ليهو مليون
مداخلة!
2- تبارك (شُبهة وممكن يتحذف البوست بتاعو)، لاكيـــــن، تبارك شيخ الدين جبريل، صمّ لمّ
كدة مافي زول بيحذف البوست بتاعو، عشان خاطر عين وعيون وكدة!
3- عارف أنو أنا قلتا لسببين، لاكين لواقة ساكت مني قلتا أزيدهم...أنو البوست أصبح
إستفتاء "حقيقي" حول شعبية كمال عباس في هذا المنبر...وعليه نخليهو فوق،
عشان كمال زاتو يفرز ناسو بعد ده...والما جا عزّاهو في بوستو ده، النبي يتبرا من جنازتو وكدة...
المهم...
قاعدين...والفورة مليون!
عشرين سنة يا عالم، الناس بتّعري في الإنقاذ...والنتيجة؟
يقترح البعض- "تُقرأ المعارضة"- أن نقوم بالمزيد من التعرية!
____________
تبارك يا وريف، شايفك قبل فترة أتذمرتا أنو (المهم) بتاعتك أتهكرت!
يعني أنتا صنعتا الحروف بتاعتا؟
نجرّب التبخيس إمكن يجب نتيجة!
| |
|
|
|
|
|
|
|
|
|
Re: للذى يكتب بإسم: كمال عباس ... (Re: AnwarKing)
|
يا كينق أنوّر..
أخونا تبارك قال فوق: إنو أنا صاريها ليهو، الله يسألني لا صاريها ليهو ولا بتذكرو إلا أدخل بوست وألقاهو متجدِع فيهو بغير حق، وهذا للما معلوميَّة يا تبارك؛ ولكن كونّك تبتدر بوست حدادي مدادي عشان تجي تتمضحّك بالأستاذ كمال عباس وتهاتره، لأنّك فشلت مقارعته منطق وحجة، هو ما أعطاني حق مُداقرتك..
على كل يا تبارك المخامشَّة والمقابضَّة من طرف البتسوي فيها دي، بترميك في زول بايِّع الشغلانة زي تماماً، ولو بتتذكّر إنت من بدأت مناوشَّتي، أوّل مرة..
___
المهم يا الما مهم..
إنت ما زلت تبتاع وتشتري بـcredit و credibility لا تحملان إسمّك..
| |
|
|
|
|
|
|
|
|
|
Re: للذى يكتب بإسم: كمال عباس ... (Re: زياد جعفر عبدالله)
|
Quote: ياسر طيفور
رجعتا لي صورتك ام تفة دي تاني |
يا زيدون ما سمعت بالمثل الجامايكي الشهير القائل: التِفة أم صناح ولا الصلعة المقابلة الحّر..
___
وبيني وبينك يا زياد، التِفة وسط بين الصلعة المقابلة الحر والراستة أم ودّك، وخير الأمور أوسطها..
| |
|
|
|
|
|
|
|
|
|
Re: للذى يكتب بإسم: كمال عباس ... (Re: زياد جعفر عبدالله)
|
زياد يا حبيب، والله مشتاقين...
شنو مرور كدة من غير ما تفتي لينا بحاجة؟
ومن يفتي بما غير الحقيقة؟
أهديك هذه الأبيات من شاعري المفضّل كل الأوقات، نجيب سرور
____________
Quote:
ياسيداتى .. يا أميراتى الحسان ..!
صَلَّيْتُ فى الماخور كى أعرف أسرارَ الطهارة ،
وزنيت فى المحرابِ كى أسبر أغوار الدعارة ،
لكن شيئاً واحداً لم أقترفه .. هو اللواطة !
ياسيداتى معذرة ..
ان كنت قد جانبت آداب اللياقة .
أنا لست أعنى فتنة الغلمان .. ما كان " ابن هانىء " ..
فى الحق لوطيا .. ولكن اللواطة أن تقول ..
ما لاتريد ،
أو أن تريد ولا تقول !
قالوا قديما : ( لاتخف ان قلت ، واصمت لاتقل ..
ان خفت ) .. لكنى أقول :
الخوف قواد .. فحاذر أن تخاف !
قل ما تريد لمن تريد كما تريد متى تريد ..
لو بعدها الطوفان قلها فى الوجوه بلا وجل :
" الملك عريان " .. ومن يفتى بما ليس الحقيقه ..
فليلقنى خلف الجبل !
انى هنالك منتظر ..
والعار للعميان قلبا أو بصر ،
وإلى الجحيم بكل ألوان الخطر !
http://www.wadada.net/surur/luzum/w_l_0017.htm
|
| |
|
|
|
|
|
|
|
|
|
Re: للذى يكتب بإسم: كمال عباس ... (Re: AnwarKing)
|
............ كتب عزيزي أنور كنق
Quote: شنو يا كمال، الفط ده ياخي؟
لو ما من باب الحقانية، من باب تحييدي بس،
عارف أنو موقفي شكلو رمادي وما مفهوم في البوست ده،،، أو بالأحرى قول في علاقتنا بالسيّد تبارك...
لكن أنتا شخصياً وقت أبيت تديهو في حنانو في البوست الأصلي، يبقى أعملا أنا؟
عليك الله أشكرني ياخي عشان ما أزعل...باقي الزول بيفتش لسيرتو بين البوستات فتّيش جد!
أنا ما زعلان ولا حاجة، بس عليك الله واصل في البوست الأصلي بتاعنا داك... |
وأنت يا أنور في قلب القائمة فأنت تعرف معزتي ... أنت يمكن الشخص الوحيد المتابع الموضوع حتي قبل بداية المبارة هنا يعني زول بيت
لك التقدير" ومدخرنك" للأهم والاخطر فأنت الجوكر ....
| |
|
|
|
|
|
|
|
|
|
Re: للذى يكتب بإسم: كمال عباس ... (Re: عبد الناصر الخطيب)
|
الاخ عبد الناصر- تحياتي
| Quote: *أتوافقت الناس او أختلفت في اراها إسلوب حسين مأسي للذى يكتب بإسم فلان أسلوب مرفوض |
وبرضو شكرا ..والشكر موفور وموصول في حال الخلاف -المحترم والواعي - قبل
الاتفاق والتوافق
لك من التقدير
| |
|
|
|
|
|
|
|
|
|
Re: للذى يكتب بإسم: كمال عباس ... (Re: Kostawi)
|
| Quote: *أتوافقت الناس او أختلفت في اراها إسلوب حسين مأسي للذى يكتب بإسم فلان أسلوب مرفوض |
عبد الناصر
مع احترامي لرايك الفوق ده
مفهوم العبارة حقت حسين دي فيها بداع عديل
طبعا ده لو شفتها من زاوية موضوعية
في النهاية القصد ليس ان هناك من يكتب بأسم فلان او فلانة
لكن هي محاولة لايجاد مساحة من الكزح البرئ جدا
يالله عليك لو جبت عشرمية زول يقدر يكتب مثل كمال مثلا
الناس هنا حساسة جدا وتنتفخ لاقل ممازحة
عن نفسي اسعد جدا لو اتكتب فيني بوست زي ده
عموما قولك اتوافقت الناس او اختلفت في حد زاتو عدم مصادرة للفكرة على ما اعتقد
اتمنى نخرج بتجربة الكتابة في المنبر ده بالمفيد في اتفاقنا او اختلافنا بين بعضنا البعض
وفي النهاية لايصح الا الصحيح
| |
|
|
|
|
|
|
|
|
 Re: للذى يكتب بإسم: كمال عباس ... (Re: حيدر حسن ميرغني)
|
العزيز / حيدر حسين ميرغني
----------------------------------------
شعاري في المنبر ده أى زول يلعب كورتو
في محلها وماليك داعي بكورة الناس
مهما كانت نظرتك ليها اكيد ليها مشجعينه ومحبينه
عندك مع زول حاجة صفيها في محلها وأنتهي
ممكن قصد الاستاذ /حسين ملاسي مزاح
لكن شائفة بقت بقصد الهجمات اكتر من المزاح
هنا تبارك من كتابي المفضلين
وكمال عباس بنفس القدر والاتنين بختلف معاهم في حاجات وبتفق في تانية
عندهم نقاش او إختلاف مفروض في بوستو المعني
دون ما يتفتح بوست عشان يتكلم في تبارك عن كتابات كمال
لانها اتعارضت مع فكرتو في بوست ( ما )
ده القصد
*ممكن ما قادرته أنقل ليك الفكرة يادابي منتهي من يوم عمل طويل وشاق
ولك خالص التقدير ,,,
| |
|
|
|
|
|
|
|
|
|
Re: للذى يكتب بإسم: كمال عباس ... (Re: Kostawi)
|
شكرا يا تبارك على فتح هذا البوست
لأنو لو أنا فتحت بوست
في الإشادة بكمال عباس
كان أكيد حيكون باهت جداً
لأنو الناس في سودانيزأونلاين بتحب الإثارة وإنت سيد العارفين
عشان كده بوستك ده بيوري
بمنتهى السطوع
إنو كمال عباس
عملة وطنية نادرة
لكن القيم والمفاهيم والمثاليات
في بلدنا مهكرة
حتى يقضي الله أمراً كان مفعولاً
وفي النهاية
أنت في مقام أخي الصغير
وكمال عباس في مقام أستاذي
لكن الحق يقال
يجب أن تتراجع قليلاً وتعمل اسكرول أب لمداخلات الأستاذ كمال عباس بتمعن وعقل مفتوح
ستجد أنه يلعب لمصلحتك
وانت بتشتت في الكورة
| |
|
|
|
|
|
|
|
|
 Re: للذى يكتب بإسم: كمال عباس ... (Re: Elawad Eltayeb)
|
غايتو يا تبارك ياخوي لو منك بطالب بأرشفة البوست دة لأنو بقدرة قادر تحول لاستفتاء على شعبية كمال و محبة الناس له و احترامه...
كمال أخوي الحبيب كتلة من المنطق والاحترام و الوعي الخلاق تمشي على قدمين...ليباركه الله و ليسدد خطاه..
لنا
| |
|
|
|
|
|
|
|
|
|
Re: للذى يكتب بإسم: كمال عباس ... (Re: lana mahdi)
|
شكرا أستاذة لنا مهدي:
Quote: غايتو يا تبارك ياخوي لو منك بطالب بأرشفة البوست دة لأنو بقدرة قادر تحول لاستفتاء على شعبية كمال و محبة الناس له و احترامه...
كمال أخوي الحبيب كتلة من المنطق والاحترام و الوعي الخلاق تمشي على قدمين...ليباركه الله و ليسدد خطاه..
لنا |
شهادتك قلادة شرف لأنها تأتي من شخصية نبيلة ...
| |
|
|
|
|
|
|
|
|
|
Re: للذى يكتب بإسم: كمال عباس ... (Re: كمال عباس)
|
ـــــ
كمال عباس إنسان محترم أتفق معاهو في أشياء (يلمح) لها , ولربما أختلف معه في بعض الأشياء السياسية , وتداخلت معه كثيراً فهو زول يمتلك أداة تحليل سياسي وتاريخي , ومتابع جيّد للأوضاع الراهنة قرأة وكتابة في عصب المهمات , ما يعجبني فيه يستطيع أن يسامح وسط المخاشنات وتلك خصلة نادرة وهي يعني تصالح مع الذات واجب عليّ الإحترام دون أن يطلبه .
بالطبع تبارك هو إنسان ومحترم , لم أتداخل معه ما عدا القليل جداً جداً, ولربما كانت لي مداخلة بعدها رفضت من نفسي أن لا أتداخل معه , وأذكرها كويس فقد كان غائباً وعادة إلي المنبر فتداخلت معه من حيث التفقد و(الحمدّله) له بالعودة والبوست تقريباً عن عن سنجة المداخلة الاولي الثانية فإذا به يرد لي رد غريب جداً أهو أقرأؤه .. ولربما أول مداخله وأخر مداخله
Quote: المثل بقول ليك "الما من سنجة ود حرام"!
وبعدين إيه حكاية الحلاءة الماشية فى البلد اليومين دول؟
الدكتورة قالت لى خفف وزنك؛ قمت حلقت! |
ودي كانت مداخلتي ليهو والفي الكود رده
تبارك شيخ الدين حمداً علي سلامتك
يا سلاااااام بالله إنت من سنجة؟!
جميلة بلدكم...
ــ
المهم ما حلقت للصورة دي لسه ؟
وهذا الرابط
سلام ..
توفقت مع التداخل معه ولربما أكون أنا بمفهوم الخسارة والربح أنا الفارقة معاي لانو حرمت نفسي من ممارسة حقهاالطبيعي في التحاور مع أيها شيء شخص , ولكني نهجت منهج البعد ولا البلاد أم سعد.
فأحترمه من غير أن أن اتداخل معه ,
بالتالي نسبة كبيرة من أعضاء المنبر وأنا منهم وحتي في هذا البوست بيتفقوا علي أن كمال عباس له وجوده الحقيقي ويحترم محاوره ويحترم نفسه , وله قلمه المحترم في قضايا مهمه
وأعتقد لا قيمة لهذا البوست
ولكم المودة والسلام
| |
|
|
|
|
|
|
|
|
|
Re: للذى يكتب بإسم: كمال عباس ... (Re: emad altaib)
|
| Quote: وأعتقد لا قيمة لهذا البوست |
بل هناك قيمة لهذا البوست يا عماد يا حبيب،
أهو شفناك وعرفنا حاجة عن المسيخ تبارك...
لكن دي ما مشكلة تبارك "شخصياً"...دي مشكلة عامة في البورد ده...
أنو وسط الاجواء التي يسودها "الشكوك، الإستقطاب، والكيمان"،
في أثناء المعارك، لا يُفسّر الكلام كما هو...
يعني سلامك وسؤالك قليلاً ما يفسّره شخص ما على أنه سلام وسؤال،
إضافة الى أنك غائب ولم تفسّر ذلك قبل التداخل.
أظن وبعض الظن أثم، أن هذه مشكلة فرق في التوقيت وكدة،
وعلى ناس أمريكا مراعاة فرق الوقت والطقس وكدة!
تحياتي يا عماد ...
____
تبارك : أنا بعد ده "محائد" وكدة!
| |
|
|
|
|
|
|
|
|
|
Re: للذى يكتب بإسم: كمال عباس ... (Re: AnwarKing)
|
ـــــ
انور سلام ,,,
ما أقصده البوست أصبح ما عنده قيمة بمفهوم العنوان والهدف الذي كتب به
وقد كنت متابعة منذ بداياته , لكني لا أحب كثيراً التداخل بين الأشخاص في معارك جانبية , وحسمت صراع الإقبال إحجام المزدوج بالمشاركة في البوست بعد ان تحول لإدلاء شهادة في حق كمال عباس وشهادتي بعد الكم الهائل مجروحة في حق كمال عباس ,
Quote: يعني سلامك وسؤالك قليلاً ما يفسّره شخص ما على أنه سلام وسؤال،
إضافة الى أنك غائب ولم تفسّر ذلك قبل التداخل.
|
وين السؤال السألته يا أخ أنور ؟! وغياب عن شنو ومتي ؟!
أفصح قليلاً
| |
|
|
|
|
|
|
|
|
|
Re: للذى يكتب بإسم: كمال عباس ... (Re: emad altaib)
|
العزيز عماد تحياتي وشكراً على إهتمامك بالرد...
Quote: ما أقصده البوست أصبح ما عنده قيمة بمفهوم العنوان والهدف الذي كتب به
|
أنا فاهمك يا حبيب، وما قصدته أيضاً بأنو عندو قيمة تكمن في معرفة موقفك من بوستات تبارك مثلاً...
وعليه لا أتوقع مشاركة "مفيدة" لك في موضوع يطرحه تبارك، صححني لو أنا غلطان!!
Quote: وين السؤال السألته يا أخ أنور ؟! وغياب عن شنو ومتي ؟!
|
المقصد يعني
السؤال السألتو أنتا لتبارك...أنتا من سنجة، وسنجة جميلة والخ...
كان السؤال بعد غياب لك من المنبر كما اسلفت أنت... وعليه قد يكون فُهمت خطأ،
كما نفعل دائماً مع ما نسميهم "الخلايا النائمة"، وقد لا يكونوا خلايا...ولا نائمة، بس الزول
بيكون في موضوع "غاظوا ساي" وطلعوا من البيات أو السبات!
هذا كل شئ يا حبيب، وأتمنى أن تواصل في "تعرية" الطائفية كما كنت تفعل سابقاً...
فالكثيرين ما يزالوا متعلقين في قشتها...
ده لو في قشة أصلاً...
تحياتي
أنور
__________
تبارك: وين يا منقة؟
| |
|
|
|
|
|
|
|
|
|
Re: للذى يكتب بإسم: كمال عباس ... (Re: emad altaib)
|
الأخ عماد الطيب
سلام
آخر مداخلتك في بوست تبارك كانت دي :
Quote: -07-2008, 09:54 م
emad altaib
.
تاريخ التسجيل: 27-12-2007
مجموع المشاركات: 3706
Re: سلام .. (Re: تبارك شيخ الدين جبريل)
ـــــــ
سنجه أم بنين
سنجه العزازة
سنجة الرايات
سنجه الرماش
سنجه حريري
سنجه الدبكرة
================================================================= |
| |
|
|
|
|
|
|
|
|
|
Re: للذى يكتب بإسم: كمال عباس ... (Re: emad altaib)
|
"انسان سنجة" يا عماد الطيب ... فى التاريخ علماء الآثار بينسبوا ليهو أصل البشرية .... وانا كتبت اسمى بالتسلسل لغاية "انسان سنجة" ظاطو ....
لمّا انت سألتنى "انت من سنجة؟" ... انا قايلك بتهزّر .... لأنو بالطريقة الأنا كاتب بيها اسمى ... أى زول من سنجة ... عشان كدا قلت ليك "الما من سنجة ود حرام" .... يعنى انا بكون من سنجة قبل عشرة ألف لى ميتين وخمسين ألف سنة كدا .... فى التاريخ المعاصر وبعد دخول العرب السودان ... ما عندى فكرة فى تاريخى الأسرى عن علاقة مباشرة بى مدينة "سنجة" ... ودا ما يتفهم على انو راى سلبى فى مدينة "سنجة ....
وقلت لى "شايفك ما حلقت لى الصورة" .... وفهمت منها إنّك عارف انو أنا حلقت فى الحقيقة ... جملة "أيه حكاية الألع اللى ماشية فى البلد اليومين دول" جملة بتاعة "عادل امام" فى مسرحية "شاهد ما شافش حاجة" .. قالوا ليهو اقلع هدومك اكتر من مرة فى نفس اليوم ... واحتجّ ... انا بدّلتها بى الحلاقة ... لأنك دايرنى احلق لى الصورة .... وانا حلقت لى الأصل ... لأنو الدكتورة (حرمنا المصون) قالت لى "خفف وزنك" (هى طبعاً طلّعت "فرمان" قالت لى احلق عدييييل .... وانا غلبنى ادافع عن راستتى) وانا بقول المعلومة بالصياغة دى ... عشان احافظ على باقى "الفحولة" الفضلت ... بعد ما نتفوا ريشى ....
انشالله الرد "العجيب" يكون بقى منطقى يا عماد .... لاكين مهمة جداً مسألة انو الزول يحلّ مشاكل سوء التفاهم ... لأنو انا متأكد انو فى ناس كتيرين كانوا متابعين اخبارى ... فهموا انو ردّى دا ما بيحتوى غير على تبادل المعلومات العادية ... كيف احوالك؟ ... أحوالى كالآتى ... لا اكثر ولا اقل ... عشان نتجنّب التكتلات والإستقطابات والكيمان زى ما قال المحايد "أنور" .. (محايد؟ ... حى انا .... انت قايل كمال عباس فطّاك براك؟)
لو ياسر طيفور نكت لى المداخلة الجابت كثافتو (أو شففا لى منال) يكون عمل فينا خير ... عشان زاتو انا اعرف هو "شايت متين؟" ....
طبعاً .... بى مناسبة الإستقطاب والكيمان (اللى هى موضوع البوست دا مع كمال عباس) فى ناس .... بجوك بى مداخلة عديييل .. "يا زول انت شايت وين؟" ... انا طبعا (قاعد مقصورة سليل الـ Credibility) بعمل فيها ما سمعت السؤال ... لغاية ما يجوا الحاقدين بتاعين "الملح" ناس ياسر طيفور ... يقفلوا عليك المشهد ...
(وللذى يكتب باسم عبدالناصر الخطيب ... حتى الآن انت بالنسبة لى شخصية منبرية ... ولا يحق لى الإحتجاج لو اتضح انك فى الحقيقة أنثى فى الثمانين من العمر! كنّا سنتفق ونختلف بنفس الطريقة طالما هذه هى آراءنا)
... المهم ....
| |
|
|
|
|
|
|
|
|
|
Re: للذى يكتب بإسم: كمال عباس ... (Re: تبارك شيخ الدين جبريل)
|
تبارك شيخ الدين
----------------------------------------------------------
Quote: (وللذى يكتب باسم عبدالناصر الخطيب ... حتى الآن انت بالنسبة لى شخصية منبرية ... ولا يحق لى الإحتجاج لو اتضح انك فى الحقيقة أنثى فى الثمانين من العمر! كنّا سنتفق ونختلف بنفس الطريقة طالما هذه هى آراءنا)
|
لم أحتج على الإختلاف
لكن مع تسوية الاختلاف في مكانه دون الحوجة لبوستات
يكون كل تركيزها على ما كان من إختلاف
* وتقبل تحيات حبوبتك الحاجة عبد الناصر الخطيب 79 سنة بس
| |
|
|
|
|
|
|
|
|
|
Re: للذى يكتب بإسم: كمال عباس ... (Re: عبد الناصر الخطيب)
|
Quote: لم أحتج على الإختلاف
لكن مع تسوية الاختلاف في مكانه دون الحوجة لبوستات
يكون كل تركيزها على ما كان من إختلاف |
لاكين يا خطيب ...
مسألة الإستقطاب والهتافية واللواقة فى حدّ ذاتها .... موضوع منفصل عن موضوع البوست الذى وصلنا فيه لمفترق طرق ...
فى البوست الأول قمت بالإحتجاج على اللواقة فقط ... وحاولت عدم الخروج عن موضوع النقاش فى مسألة تأييد الكيزان أو معارضتهم ... ثم فتحت هذا البوست لمعالجة مسألة "اللواقة" فقط ..
اللواقة .. أو الإلحاح فى عدم التزحزح عن شىء يبدو جلياً أنه غير مجدى ... لا يعنى أن من يمارسها - أى اللواقة - شخص غير محترم ... وأنا أبرأ بنفسى من محاولات النيل من احترام "كمال عباس" أو محاولة إلصاق تهمة أخلاقية به .... أو حتى مجرد نعته بلفظٍ نابٍ أو شتيمة ... فأنا لا يمكن أن أقبل ذلك على نفسى أو على "كمال عبّاس" ...
ولكن هذه اللواقة والملحاحية ... تكشف بنية ذهنية متكاملة ... لمنطق الإستقطاب والكيمان فى ممارستنا السياسية ... فيصير الشعار الهتافى هو بمثاب بطاقة هوية ... تحدد الإنتماء لمجموعة معينة ... والغرض من الشعار هو إعلان "إنّا معكم" ... مقابل التعامل مع خريطة الواقع ببوصلة التحليل وليس كسوة الشعار ... لمعرفة ما يستحق التأييد وما يستحق الشجب ... ومن ثم اتخاذ موقف عملى يحتوى على خطة ونظام ... مع "هلال-مريخ" السياسة السودانية .... لا يتنازل البعض عن الهتاف مهما بدا ساذجاً فى سياق الحوار ... تتحدّث عن مشروع سياسى وتجد الرد عن "السيادة" ... وكأن هنالك مشروع يمكن أن يحتوى على خطة "للتمريغ بالسيادة!" ولامؤاخذة ...
أنا لا أريد الخوض فى موضوع البوست الآخر ... ولكنّى وددت أن أشرح مصادر "اللواقة" ....
... المهم ....
| |
|
|
|
|
|
|
| |
تبارك شيخ الدين جبريل
كمال علي الزين
Yassir Tayfour
حيدر حسن ميرغني
عبدالكريم الامين احمد
Haydar Badawi Sadig
Badreldin Ahmed Musa
كمال عباس
اساسي
Hussein Mallasi
نصار
BAKTASH
AnwarKing
معتصم مصطفي الجبلابي
محمود الدقم
محمد على حسن
حمزه بابكر الكوبي
ibrahim alnimma
Shams eldin Alsanosi
Deng
HAIDER ALZAIN
elsharief
بدر الدين اسحاق احمد
زياد جعفر عبدالله
Kostawi
lana mahdi
emad altaib
Amin Mohamed Suliman
Abdel Aati
فيس بوك
تويتر
انستقرام
يوتيوب
بنتيريست