|
Re: للذى يكتب بإسم: كمال عباس ... (Re: Abdel Aati)
|
Quote: زى ما قال المحايد "أنور" .. (محايد؟ ... حى انا .... انت قايل كمال عباس فطّاك براك؟) |
أسع عليك ذمتك...أنا قلت محايد؟
قولتا محائد....محااااااااااااااااااااااااااااااائد يا عمك!
ثانياً: كلمة لياقة ولواقة البتسخدمها مقابل الثبات على وضع محدد أو موقف محدد، أو حتى خلط الكيمان لبعضهم، من أجل إستجلاء موقفك الكامل من الكيزان مثلاً، ليست دقيقة في نظري...وتحمل معاني سلبية شديد...
ولو داير تشوف الثبات الجد على موقف محدد...شوف المصري الأسمو عبد المجيد السيد هنا: من يوم ما نزلتا الفيديو بتاع حلايب سودانية، ولحدي تاريخ اليوم، بكون عمل ليهو على الأقل 300 تعليق معظمها تكرار لهذه العبارة: الله اكبر حلايب مصرية
والباقي ردود على أي سوداني جاء علّق بأنو حلايب سودانية...
أنا يومي على الله بتجيني رسالة على البريد، فيها تعليق من عبد الحميد السيد... تابع معانا هنا:
Halaib is Sudanese Land حلايب أرض سودانية http://www.youtube.com/watch?v=qZG1ezJfRR4
ليس هذا فحسب...قام عبد الحميد السيد بعمل صفحة مخصصة للقضية على الويكي بيديا... ودافعه كان الفيديو بتاعي أعلاه...
أها يا تبارك ده زول على قول حبوبتي "بيكابس في الما في رزقو"...وعلى قول سامي المغربي: حقي ما بديه...وحق الناس بكابس فيه...
أتمنى أن يكون ثبات المعارضين، كما الكيزان على مبدائهم على هذه الشاكلة، لأنو مشكلتنا الأساسية في نظري أنو مافي مبادئ... تخيّل نافع علي نافع الليلة بيصرح مسيرة الجهاد لا تزال مستمرة، وبالقوة والرجالة وما أدراكا
في حين أنو هذا النافع نفسو...لمن يتكلم عن التحوّل الديموقراطي والحريات على اليوتيوب، كأنوا صُنعت خصيصاً للمؤتمر الوطني!
هذه ليست سياسة ...هذه هبالة وعبط فارغ بتاع جعليين وعليّ بالطلاق وحرّم وما أدراكا...وبلدنا محتاجة لمانيول بتاع سياسة، عشان ننتهي من قصة "الصقور والحمائم"، وكل الناس في أصل عواليق في تافهين....كما هو رأينا في هذا البوست: لسنا أمةحقيرة وضيعة نذلةغيرجديرة يالأحترام، من من مناضل...ض وصف هباني لامتنا؟؟ ولو زول سألني عن روحو في الكوم ده، فالإجابة مقدماً نعم: أنت حقير نذل تافه...
ولو سألني عن روحي أنا ظاطي، فالإجابة كما أسلفنا، ونكررها نعم: حقير نذل تافه...
والأسباب ليست ذاتية...وأنما خارج نطاق البلاعة...يعني ما معقول نكون كلنا خريات في بلاعة، وفي بعض الخريات عندهم أفضلية وكدة!
والكلام الفوق ده لأنو زي ما ملاحظ ما بحب التعميم في القضايا، وزي ما طالبنا أنو الناس تنتقد الكيزان بالأسم ( وهو ما زاغ منه كل من : العوض الطيب، كمال عباس وتبارك)، على التوالي...والبوست لسع موجود هناك...
أجمل حاجة في الكتابة في المنتديات والإيميل...أنو الزول بيفكّر أثناء ما هو بيكتب...عشان كدة بينسى الموضوع البدا بيهو المداخلة زاتو...
المهم حا نواصل...
_____
تبارك بالمناسبة ، أسوأ حاجة في نظري أنو زائر بوستك يحس بالتهميش وأنك ما بترد عليهو لأسباب "مزاجية فقط"!
البورد ده من أهم الأساسيات فيهو، أنو تدي قيمة لكل من هبّ ودبّ وشبّ زي شبّتك في حبيبنا الخطيب وكدة!
| |
|
|
|
|
|
|
Re: للذى يكتب بإسم: كمال عباس ... (Re: AnwarKing)
|
ــــــ تبارك شكراً علي التوضيح (الممنطق) ياأخي خلاص تاني (بتلحك) ـ أنور شكراً لك يا حبيب , الكان غائب تبارك ما أنا .. الطائفية والمعارضة بجلالة قدرهاوالمجتمع كلهم عاوزين تعرية , ولازم العمل الجماعي , ويا ريت أستطيع أساعد بمعول .
ـ عادل عبد العاطي سلام, والله ما قصر تب في التوضيح تبارك كتر خيرو و خير الله زي ما بيقولوا اللبنانين وكتر خير المدام فوق تخفيف الضفاير .
طبعاً أكيد الفضل بيرجع لكمال عباس خلانا (نتمسح) من الزيت النقي
ـــ أبقوا علي عافية وطن محتاج الكل .
| |
|
|
|
|
|
|
Re: للذى يكتب بإسم: كمال عباس ... (Re: Abdel Aati)
|
غايتو ياجماعة تبارك دا أجمل من يغرد خاج السرب..
وبما أن السرب يتكون من طيور فتبارك يحلق لوحده عندما على أشكالها تقع الطيور وتشقشق وتكون سرب.
كلامى أعلاه لايقلل من إحترامى لكمال ولاينفى عنه اللواقة فى مايراه صحيحا.
| |
|
|
|
|
|
|
Re: للذى يكتب بإسم: كمال عباس ... (Re: Yassir Tayfour)
|
يا أخوي أنتا مُميّل عديل... بعدين سوء الفهم وقع خلاس...بعد ده إلا تكمّل الشكلة عديل مع تبارك، وبعد داك نعمل ليكم لجنة صُلح ومطايبات...
لأنو أسع بيكون شايفك عشرة عشرتين...
عارف من الحاجات اللذيذة شديد فينا يا ود طيفور...العُقد، وحسبان كل صيحة علينا!
يعني يا تجي شايل لوح تلجك تكسروا وترضرضوا في البوست وتمرق مبلبل، يا إمّا تصانيفك جاهزة وكل شئ مصرور وقاعد!
تعمل كويس وتبقى طيّب، بيحسبوك رقم ساي "مداخلة" أو عداد بلغة مدراء المواقع( ونحن منهم)، لكن تستقصد وتلمّح، الزول بيخوتك في الرام RAM ويصُرها ليك لمن يجي وقتها وكدة!
الغريب القصة دي لا فيها زول كبير ولا صغير...كل الناس فيها شُفّع شديد... عندنا عمنا هنا في البورد ده...
عمك ده صاريها لي ليهو زي 4 سنين كدة...
____
المهم...
بالمناسبة يا ود طيفور: أنتا شيوعي يا وله؟
لأنو مُلاحظ أنهم ممكن يصالحوا الكيزان عديييييل، ويخشوا برلمانهم، لكن ما بيصالحوا "المحائدين"، أو "المحايدين"!
| |
|
|
|
|
|
|
Re: للذى يكتب بإسم: كمال عباس ... (Re: كمال عباس)
|
الحبيب كمال عباس، تحياتي وشكراً على هذا التأكيد، لا تهتم بمشغلاتي للمرور على البوست... فهي تأتي من باب المودة وكدة...
كامل المحبة أنور
__________ بفتّش في مداخلة عادل عبد العاطي ، ما لاقيها !
| |
|
|
|
|
|
|
Re: للذى يكتب بإسم: كمال عباس ... (Re: بدر الدين اسحاق احمد)
|
الأخ العزيز بدر الدين أسحاق، تحياتي واشواقي ولعلك بألف خير... سألت:
Quote: AnwarKing
انت البوســت دا سيدو منــو ؟
|
وطبعاً ده سؤال مفخخ شديد، لكن للضمان كدة بننفي سيادتنا على البوست، أول مداخلة فيهو عملها أخونا في الله، إن شاء الله، مادمتم على الحق: تبارك...
ونؤكد شجبنا وإدانتنا لكل محاولات إحتلال للبوست...
___________ يا كوزي العزيز
| |
|
|
|
|
|
|
Re: للذى يكتب بإسم: كمال عباس ... (Re: AnwarKing)
|
انور يا ابو الشباب ...
ذكرتنى قصة ( ادروب والفلسطينى وشكلتهم التى انتهت بعلقــه ساخنة لادروب )
فنظر ادروب الى الافــق محملقــا ونادى على الفلسطينى قائلا لـــه ..
( يا فلسطينى اسرائيل كيــف )
او كما رواهـا حيدر حسن على ..
....
الخيط ما لقيت ليــك فيهو مداخلــة واحده ...
ترمـــه :
هو البوســت دا عن شنــو ؟ سؤال لاى زول ..
| |
|
|
|
|
|
|
Re: للذى يكتب بإسم: كمال عباس ... (Re: بدر الدين اسحاق احمد)
|
النهاية __________________________ الحلقة القادمة
للذى يكتب بإسم: أنور كنج
بقلم تبارك أخو تماضر __________________________
الحلقة بعد القادمة للذى يكتب بإسم: ياسر طيفور
بقلم تبارك (حفيانة) __________________________ نهاية برنامج الدورة التالتة لسنة 2009
بكري أبو بكر
| |
|
|
|
|
|
|
Re: للذى يكتب بإسم: كمال عباس ... (Re: بدر الدين اسحاق احمد)
|
بدرالدين تحياتي وشكراً على النكتة المُضحكة...
طيّب يا حبيب النديك راسك...
البوست (وليس الخيط) بدا من بوست تاني، بيسأل فيهو أخونا العوض بمغسة شديدة، عن من ممكن يكون أسوأ منكم -تُقرأ الكيزان- ولأنو تبارك ناقش كمال أكتر من مرة في موضوعات مختلفة -على ما أظن- وكانت النتيجة لم ينجح أحد...
أصرّ تبارك على توصيل الموضوع للآخر، ظاناً -وكل الظن أثم- أنو ما يحس به تجاه ما أسماه ب"لواقة" كمال، مصدر إنزعاج لكثيرين غيره... المهم...فتح البوست ده، أنا طبعاً كشحتا لي شوية معلومات هناك في البوست الأصلي...وكنت منتظر -وما أزال- أن يتم التركيز عليها شديد، عشان نعرف الحا يحكومنا في 100 سنة القادمة ديل منو بالضبط...
طبعاً هم في نظري من الكيزان، لكن ما الكيزان ناس الدين بحر ديك... كيزان شبعانين قروش جد، رأسمال + سُلطة...لوبي صهيوني سوداني وكدة... والبقية مهمشين، قد تكون أنتا ظاطك منهم وبالطبع نحن أساسيون في القصة دي...
بس في ناس حا تكون مُهمّشة وما عارفة...وأنا حا أكون مُهمّش وداير أعرف...
باقي النقة والعربي الكتير القايم قاعد بيهو ده...تعبيراً عن غيظي اللا محدود من عدم مناقشة "الفكرة"!
لا أرغب في مشروع جديد يخرج من رحم البان أفريكانيزم...ولا مشروع الكيزان الخارج من رحم بمبة...ولا مشروع سندس الزراعي...
ببساطة شديدة، داير أعرف من سيحكم خلال ال 100 سنة القادمة، التي مرّت منها 20 الى الآن!
تعال هنا في البوست ده: أسوأ من الكيزان - من هم؟
___________ ترجمة Post الى "خيط" أراه تقعراً لا لزوم له...بوست ياها زاتها بوست...
زي ما Professor ياها زاتا بروفيسور...
| |
|
|
|
|
|
|
Re: للذى يكتب بإسم: كمال عباس ... (Re: AnwarKing)
|
Quote: ليس نظاما ديموقراطيا لأنه لا يعتمد نظام فصل السلطات قمنا بتصويبه وقلنا له بل هو أعرق وأعمق نظام برلماني وأن أعرق دولة ديموقراطية -برطانيا تنتهجه وأن أكبر ديموقراطية في العالم-الهند تتطبقه وأن أكثر ديموقراطية من النظام الرئاسي لأنه يفصل بين مهام السيادة والسلطة التنفيذية -لم يعترف بالخطأ وواصل اللجاج !! |
شوف يا كمال ...
مسألة انو رايى انو النظام البرلمانى ما ديموقراطى دى مسألة بتاعة اختلاف راى بينى وبينك ....
لاكين مسألة انو تشوف رايى "خطأ" .... وتتوقع منّى "اعتراف" بيهو .... دى "لواقة" منّك ...
وقصة انى اخلّى موضوع البوست واقعد اغالتك فى النظام البرلمانى ديموقراطية ولاّ لأ ... دى ما تتوقعا منّى ....
وفى المرّة القادمة أرجو الإدلاء برأيك فقط ... ولا تحاول "تصويبى" بخطأك ... فأنا لا احتاج "أخطاء" ذهنيتك لتكون لى أساساً "للصواب" ....
تقدر "تتذاكى" على "التذاكى" دا .... ______________________________________________
شباب ...
البوست دا هامل ...
مافى أى زول يتوقع أى حاجة ...
.. المهم ....
| |
|
|
|
|
|
|
Re: للذى يكتب بإسم: كمال عباس ... (Re: محمد حيدر المشرف)
|
للذي يكتب بإسم: محمد حيدر المشرف... اكتب عن الواقعيه السياسيه كمفهوم مقاربه تخص الوطن...
أستفيد من إعلان رانجو الزاد الإقبال عليهو ده...نكاية في الحكومة
_____________ تبارك شكراً على الباص الشديد ده... كتلتا الدُش للكوز بدر الدين أسحاق في يدو...
وااااااااااااااااااااااااااااااااااااك _____________ ما هو البيعجبني أساساً فيك، قصة على كيفي دي، فيها نتفق، وعليها نلتقي، ومن أجلها نموت....
Quote:
على كـيفي عبدالقادر الكتيابي
على كـيفي ... أرقع جبتي أولا أرقعها.. أطرزها من الالوب .. ألبسها على المقلوب. أخلعها .. على كـيفي . أنا لم أنتخب أحدا... وما بايعت بعد محمد رجلا . ولا صفقت للزيـــف .. لماذا أعلنوا صوري؟ لماذا صادروا سيفي..؟ أنا ما قلت شيئا بعد حتى الآن .. حتى الآن أسلك أضعف الايمان.. ما أعلنت ما أسررت ما جاوزت في الأوبــات .. سرعة زورة الطيـــف أهرول بين تحقيقين أصمت عن خراب الدار .. عن غيظ مراجله تفك مراجل الجــوف سئمت هشاشة الترميز ما بعد الزبى يا سيل من شيء .. لمن يا طبل والخرطوم غائبة و أمدرمان والنيلان يختلفان .. والأطفال في الخيران والحرب الدمار الجوع كيف الحال ؟ لا تسأل عن الكيف .. حبيبي أنت يا وطن النجوم الزهر .. سلهم كيف ؟ سل عني .. لماذا لم يخلوني على كيفي ..؟ أنا والله ضد نخاسة الأحرار باسم الذين .. ضد الضد والضدين ... ضد جهاز خوف الأمن .. ضد الأمن بالخوف ..
أنا في هذه الدنيا على كيفي .. إلى أن تكمل الأشراط دورتها . بمهدي حقيقي لينقذنا من الدجال والتمثال . والإشراك والحيـف سأبقى ما حييت أنا على كــــــيفي إلى أن تطهر الدنيا وينزل سيدي عـــيسى لأن طريقتي في الحب يا وطني على كـيفي ...
|
| |
|
|
|
|
|
|
Re: للذى يكتب بإسم: كمال عباس ... (Re: AnwarKing)
|
Quote: مافى أى زول يتوقع أى حاجة ... |
ياخي كده عيب
الخلايق دي - وانا منهم طبعا - جات دافرة بفهم تاني
جدل راقي يورينا بركوتا واقف وين
لكنك اديتهم فرصة بمراوغتك دي ان يجعلوا من البوست يافطة ضدك
برضو مافات شيئ
شايفك بديت في اخر البوست تقول حاجة ممكن نطلع منها بالمفيد
يابركوتا وسَع بالك وقول ماتريده
المنبر ده حق منو؟
بس حكاية مانتوقع اي حاجة دي مابتشبهك تب
| |
|
|
|
|
|
|
Re: للذى يكتب بإسم: كمال عباس ... (Re: حيدر حسن ميرغني)
|
Quote: بس حكاية مانتوقع اي حاجة دي مابتشبهك تب
|
عزيزي حيدر ومع إحترامي الأكيد لك...لكن العبارة أعلاه غيّاظة والله... بتدي إحساس بتاع وصاية أبوية مخلوط مع حاجات تانية كدة ما عارف أوصفها ليك كيف!
هو شنو البيشبه منو عامة كدة؟
يعني قول لي مثلاً أنتا شخصياً بتشبه ياتو موضوعات أو حكايات بالضبط؟
لأنها في ظني وضع شخص معيّن في قالب محدد ورفض أي تزحزح له عن موقعه ذاك...
والموضوع في نظري ليس ساهل، بل مدعاة للجمود، وعدم التغيير، وتقييد لحرية الشخص المُخاطب...
أتمنى أن لا يكون طلب الدكتورة من تبارك بتخفيف وزنه، آخر عهده بالراستا...!
مودتي أنور
| |
|
|
|
|
|
|
Re: للذى يكتب بإسم: كمال عباس ... (Re: AnwarKing)
|
Quote: "One who fears failure limits his activities. Failure is simply the opportunity to begin again, this time more intelligently." — Henry Ford, early 20th century American automobile pioneer |
| |
|
|
|
|
|
|
|