|
|
 عمّنا وهبة دقس يا ناس - جاب النت بكل حماس - و بعدها جاهو أبو الكبّاس !!!!!؟
|
عمّك وهبة عمل تفتيحة ظبط نضّارتو و رشّ الريحة
شال الفرشة من الكومدينة و قال حأسوي حلاة تسريحة
قبال يومين ضرب تلفون قال لي في النت وريني فنون
عايز أدخل دنيا السرعة و في الشركات ياما في ظنون
قلتلو أسمع مِنِّي كلاماً زين و فوت طوالي لي ناس زين
خش في فاتورة لي بعدين بدل ناس يوم و ناس يومين
و يجيك النت بالماسورة و نهاية الشهر تجي الفاتورة
تحفظ مالك لا هم لا فورة و حتى الحاجة تكون مسرورة
بس أوعك تدقس و تبقى حِميل تجيبو نظاماً بالتحميل
لأنو بعد بالكتير يومين عليك تكون جمل الشيل
حساب القيقا بالميات و حتضرب فيك كم لمبات
و يضحكوا فيك ناس حمور و ناس تمبسكو و الشُمّات
عمّك فكّر إني بهرِّج قال الزول للكورة مصرِّج
مشى ناس زين وقف متفرِّج وبالتحميل طلع مُتخرِّج
و بعد يوم واحد جنّ جنونو جدع الحُقة و شال تلفونو
ضرب وفي إيدو طقم سنونو وقال لي آه أنا المجنونو
جاتني الفاتورة دي جنّت أكيدة شغل فد يوم عبّ رصيدة
صباحاً بدري ماشي الشرطة لفتح بلاغ و معاهو عريضة
تستاااااااااااااااااااااهل شان ما بتسمع الكلام 
|
|
 
|
|
|
|
|
|
|
 Re: عمّنا وهبة دقس يا ناس - جاب النت بكل حماس - و بعدها جاهو أبو الكبّاس !!!!!؟ (Re: حيدر حسن ميرغني)
|
Quote: دكتور مجدي سلامات
صحبك قطّع معاك في الكلام مُش!!؟
كان شفتو وهو بيتكلم معاي و بيشرح لي في حالو و أحوالو
هو يبكي و أنا أضحك
أمغِّس فيهو شان ما سمع كلامي
ياخ لمن كيّفتو ليك ذاتو
هسي قال خلاص رفعو في الرف
أها يا دكتور كان في شيرنق بتدفع!!!؟
|
شيرنغ شنو يا ابوعلوة ياخ,,,
وهبة دة اديهو عيوني ذاتا..!!
واها معاها النضارت كمان.....
ويمشي يعمل ليزر ذي اخونا الصائم,,
اها انتو عليكم الشيرنغ في الحالة دي..!!
اديلو..!!
| |
|
|
|
|
|
|
|
|
|
Re: عمّنا وهبة دقس يا ناس - جاب النت بكل حماس - و بعدها جاهو أبو الكبّاس !!!!!؟ (Re: haroon diyab)
|
عمك تنقو ااااقصد عمك وهبه
والله ما عجبني ليك
ياخ انت ما كنته كويييييس ولابد في الملح حسب كلام ود الصايم بالنهار مملح وبالليل سوداني ونساني
الوداك شنو لي ناس زين ديل ؟؟ انت ما عارف انهم ناس بدقسو المابدقس
عموما علاء الدين ده ظاااااااتو الاسبوع الفات ناس زين ركبوهو ماسورة قدر ده واشار بيده نواحي خطوط الانابيب
والله يسألني جيت لقيته متمحن وطاير ليه لووووووووووول يكه ويشكي في ناس زين لي الله ههههه
كان قلته نقول نقول عشان تدلو بدلواتكم ههههههههههههه
وبرضو زين عالم مواسير
| |
|
|
|
|
|
|
| |
علاء الدين يوسف علي محمد
محمد عبد الماجد الصايم
khaleel
ياسر بيناوي
العوض المسلمي
Magdi Ahmed Elsheikh
haroon diyab
حيدر حسن ميرغني
علاء الدين حيموره
Hassan Makkawi
ناذر محمد الخليفة
Amin Mohamed Suliman
انعام حيمورة
عبدالوهاب علي الحاج
Faisal Elrasheed
فيس بوك
تويتر
انستقرام
يوتيوب
بنتيريست