|
مليار مبروك للاخ محمد عبد القادر ( حميدة )
|
اخيرا , واخيرا جدا , وبعد صبر وطول مكابدة , بعد رهق طويل واستسلام كامل لشركات الاتصالات السعودية والصبر علي قيمة المكالمات الطويلة , بعد طويل بال يحسد عليه وضياع لياليه بين بورداب ينفقون ما تبقي من سودانيتهم علي ليالي نجد الكالحة بالغبار, الان لبطنه ان يرتاح وفنون اخواته يتعلمن الطبخ علي ما تبقي من مصرانه العصبي , نرحب بك في عالمنا , عالم يتسع للجميع , انابة عن مرتادي باب شريف واخر تقليعاته , انابة عن سوق الدهب والشعرة التي قطعناها الي الجنون بيننا , انابة مستشفيات وتخصصات طبية لا علاقة لها وعزوبيتنا السابقة , انابة عن اؤلئك جميعا واخرين سيتكشفون لك مع قادم ايامك نبارك لك صدور تأشيرة استقدام الزوجة متمنين لها اقامة سعيدة في صحاري نجد
ــــــــــ
عدل اتقاء المنجرفين وراء حرف
(عدل بواسطة اساسي on 07-25-2009, 10:16 AM)
|
|
|
|
|
|
|
|
Re: مليار مبروك للاخ محمد عبد القادر ( حميدة ) (Re: حيدر حسن ميرغني)
|
Quote: اخيرا , واخيرا جدا , وبعد صبر وطول مكابدة , بعد رهق طويل واستسلام كامل لشركات الاتصالات السعودية والصبر علي قيمة المكالمات الطويلة , بعد طويل بال يحسد عليه وضياع لياليه بين بورداب ينفقون ما تبقي من سودانيتهم علي ليالي نجد الكالحة بالغبار, الان لبطنه ان يرتاح وفنون اخواته يتعلمن الطبخ علي ما تبقي من مصرانه العصبي , نرحب بك في عالمنا , عالم يتسع للجميع , انابة عن مرتادي باب شريف واخر تقليعاته , انابة عن سوق الدهب والشعرة التي قطعناها الي الجنون بيننا , انابة مستشفيات وتخصصات طبية لا علاقة لها وعزوبيتنا السابقة , انابة عن اؤلئك جميعا واخرين سيتكشفون لك مع قادم ايامك نبارك لك صدور تأشيرة استخدام الزوجة متمنين لها اقامة سعيدة في صحاري نجد |
مبرووك للجميل حُميدة وتمنياتنا له بالسعادة في عش الزوجية وبالرفاء والبنين
بوستك محتاج مراجعة كبيرة يااساسينا ... والله لو ماكتبت صدور تأشيرة لما عرفنا
أنا تخيلت انه ابتعث كورس ليصير شيف سوداني ... حُميدة مبروووك الاستقدام .
.........................................................................حجر.
| |
|
|
|
|
|
|
Re: مليار مبروك للاخ محمد عبد القادر ( حميدة ) (Re: انور التكينة)
|
مبروك يا حميدة ياخي مقدم المدام و إن شاء الله بالسلامة .. و نتمنى لها طيب الأقامة معكم في رياض الخير ..
و أكيد أول حاجة حتجي تعملوا ليكم عمرة نظام إستهلال طيب و كدة ..
و إن شاء الله نشوفكم في جدة عما قريب ..
و تاني سودانيز أون لاين دي إلا في الشغل يا مان زي صاحبك دة ..
| |
|
|
|
|
|
|
Re: مليار مبروك للاخ محمد عبد القادر ( حميدة ) (Re: اساسي)
|
هي بِس " يا عملات حبوبتي الله يرحمه " بلا وانجلا .. بعد ده اليشيل شيلتو .. تاني لا في جلسات كوفي كورنر ولا صياعة مولات .. اسبير ومربوط في ضهرو .. حايم بيهو محل ما ماشي .. من كفتيرات لي حلل ونغمة خاصة بالمدام " حاول تخليها قوية ومختلفة " أو زي بتاعة واحد مصري سمعتها منو بتقول " مراتكـ بتتصل عليكـ ، ما تردش ، ما تردش ، ما تردش ، ما تردش ، واحتياجات بندة وده موال جديد خليكـ حريف وشيل قروشك قدر اللستة المكتوبة.. وهلم خوازيييييييييييييييييييييييييق .. أمانة ما انقطع لسان الحامض ... مبروكـ صرت برنامج المساء والسهرة
| |
|
|
|
|
|
|
Re: مليار مبروك للاخ محمد عبد القادر ( حميدة ) (Re: khaleel)
|
لمن جيت اتزوج يا اساسي قلت نظام الود مغترب وحا يوافقو بي توووشك كده .. يا عمك اووول سؤال سألتني ليهو كان: إنت مهنتك شنو ؟ قلت ليها مبرمج كمبيوتر ..(نظام غلفتها بي مهندس برمجيات) قالت لي : لالالا في الجواز شنو ؟ قلت ليها مهندس كمبيوتر .. قالت لي طيب في الإقامة ؟ قلت ليهو والله مهندس كمبيوتر .. قالت لي: أها ومغييرة في الكمبيوتر حق الجوازات السعودية ولا بس في الاقامة والجواز !!!؟؟
وده كان اخر سؤال بعدو ادتني الموافقة بي مقابلة ناس بيتهم :)
بقن نجيضاااااات بنات الزمن ده .. يا حليل ناس ا عبد العظيم ولدك حمودي طلع سنونو وانت بعيد ف السعودية .. قال ليها والله مع مهنتي بتاعت راعي دي انا خايفو يطلع جواز ويجيني هنا عدييل وما اكون شوفتو ..
| |
|
|
|
|
|
|
Re: مليار مبروك للاخ محمد عبد القادر ( حميدة ) (Re: AnwarKing)
|
خبر مفرح و يستاهل المباركة،
غايتو بنفرح فى أى واحد،،، قصدى لأى زول تحصل ليه النعمة الإلهية دى،،،
الزواج و ما أدراك ما الزواج......
Quote: الان لبطنه ان يرتاح وفنون اخواته يتعلمن الطبخ علي ما تبقي من مصرانه العصبي |
لسه يا اخ حميدة، خلى شوية مصران عصبى لتجارب المدام،،،
شكرا للخبرية يا أخ أساسى،،،،
| |
|
|
|
|
|
|
Re: مليار مبروك للاخ محمد عبد القادر ( حميدة ) (Re: Salah Abdulla)
|
Quote: و الله يا اساسي الايميل دا وصلك بالغلط .. و من دربي دا ماشي امسحك من اللستة .. الله يجازي بتاع المكتب شابكني رسلا بالايميل .. رسلا بالايميل .. الله يقطع النت و سنينه ..
.. ..
ضاعت دعواتي هباء منثورا في شأن انك ما تشوف الايميل دا .. |
وانتا الكبكبه العليك شنو ؟ حالتو دا حكومة الوحده الوطنيه لسه ما وصلت .. اها بعد ما تصل ح تكون حالتك كيف ؟
عموما الف مبرووك يا مان .. واقامه سعيده انشاء الله ويصلوك بالسلامه
| |
|
|
|
|
|
|
Re: مليار مبروك للاخ محمد عبد القادر ( حميدة ) (Re: محمد عبد الماجد الصايم)
|
عندى ليك شقة فاضية,,عمارة جديدة وسراميك المطبخ جاهز,,,السعر معقول
بس,,حتعلنى بالناس المالاقيتهم ديل
لووووووووووووووول
مبروك,,وربنا يصرف عنك زيارة الاسواق وسوق القسمان ,,,ويقلل زيارة العذابة
| |
|
|
|
|
|
|
|