|
Re: ماهى المعايير التى تم بها اختيار هبه الماحى ومكى ابراهيم واخرووون بمعهد السلام الامريكى (Re: سامى عتبانى)
|
سامي عتباني سلام
Quote: / مكى ابراهيم مكى 2/ هبه الماحى 3/ ...... 4/ ....... 5/ ...... واخرون
ماهى المعاييير التى استند عليها هذا المعهد فى اختيار هؤلاء الشباب لتمثيل السودان وما هى الجهه الرسميه المموله لهولاء الشباب؟؟؟ |
والله هبة الماحي إختارت المعهد و سعت ليهو ، ما المعهد هو الاختارها !
انا سعيت بشدة عشان أنال فرصة للمشاركة في ورشة العمل للقيادات الشابة في مجال السلام حتي استفيد من المحاضرات و برامج تنمية القدرات الادارية و الفكرية وقد تم بحمدالله و فضله ، و علي فكرة ما كانت فرصة سهلة يعني إكتسبتها بعد جهد و متابعة .
ورشة العمل كانت مفيدة جدا" بالنسبة لي و خصوصا" عندما أضيفها الي مجال دراستي في إدارة الكوارث و أطبق كل ذلك في مجال عملي ( الطوعي حتي الان ) عبر المنظمات الطوعية سواء في السودان أو أي مكان في العالم .
Quote: تزاكر سفر
اقامه لمدة عشره ايام بفنادق 5 نجوم
شراء بدل جديده
وتجو تقولو سلام |
تذاكر السفر و الإقامة في الفندق جزء من ميزانية الورشة لكن شراء بدل جديدة دا كلام غريب و مجافي للحقيقة طبعا" و كل الشباب الحضروا الورشة دي ما كان فيهم واحد ولا واحدة مقًطع ولا مقًطعة عشان المعهد يشتري ليهم ملابس جديدة ! ولا المعهد زاتو واحدة من إهتماماته ولا أهدافه المظهر العام للقيادات الشابة ! الناس بتبني في عقول و تنمية قدرات إدارية يا سامي ياخي و إنتو لسة في الانتو فيهو !! عجبي
| |
|
|
|
|
|
|
Re: ماهى المعايير التى تم بها اختيار هبه الماحى ومكى ابراهيم واخرووون بمعهد السلام الامريكى (Re: بريمة محمد)
|
بريمة
البوست دا بيدور حول إسئلة محددة ليس من ضمنها مؤهلات مكي مكي للوظيفة المعينة في المعهد ولا شنو ؟
انا المافاهمة ولا إنتوا المافاهمين ولا المافاهم منو ؟ هو في شنو أصلا" الدنيا دي قيامتها قامت عشان مكي إتوظف في المعهد دا ؟ ياخي المعهد دا عنده بوابة مفتوحة و إي سؤال أو إستفسار ممكن يتوجه لإدارة المعهد مباشرة ، ممكن انت أو سامي عتباني أو أي واحد عاوز يعرف أهداف المعهد أو إمكانية المشاركة في ورش العمل أو المؤتمرات التي يقيمها المعهد و يدعمها بالكامل أو حتي فرص التوظيف و مؤهلات الوظيفة يتصل بيهم مباشرة عبر الموقع الالكتروني أو بالعنوان البريدي المتاح للجميع .
و فضوها سيرة عليكم الله ! انا شخصيا" العاوز يناقشني فيما قدمه لنا المعهد من محاضرات و أوراق عمل حبابو و مرحب بيهو ، أي شئ أخر و أي أجندة خفية القصد منها ضرب بعض الاعضاء سياسيا" أو إجتماعيا" شوفوا ليكم زول غيري لاني في الحالة دي ما زولتكم بتاتا"
وافــر الاحـتـرام
| |
|
|
|
|
|
|
Re: ماهى المعايير التى تم بها اختيار هبه الماحى ومكى ابراهيم واخرووون بمعهد السلام الامريكى (Re: حيدر حسن ميرغني)
|
Quote: سؤالك مشروع ياعتباني
لكن للاسف لا يخلوا من الغرض
ليه ماجيت سألت عن المعايير اللي اختاروا بيها الناس لمؤتمر الاعلاميين الاخير؟ |
الاخ سامي عتباني .
سلامات ومشتاقين.
بالله أتمعن في كلام الاخ حيدر ده كويس جدا لأنه نصيحة غالية لك . يا سامي هنالك كثير من القضايا السودانية في تحتاج الى أسئلة حقيقية خصوصا في منطقة واشنطن الكبرى ولكني أراك وبصورة إنتقاية بحتة سعيت لكتابة هذا البوست . هل أنت فعلا كاتب هذا البوست أم هنالك من قام قدم لك هذه المعلومات لكي تكتب هذا البوست ؟ الان أنظر الى مداخلات بريمة وتلميحاته الشاذة عن الدور اليهودي في هذا الامر ، وهي تلميحات لا تخلوا من مكر وعنصرية بغيضة وأرجوا منك يا سامي في أن لا تنجرف الى تصنيف الناس بأديانهم أو عرقياتهم كما يفعل بريمة .
| |
|
|
|
|
|
|
Re: ماهى المعايير التى تم بها اختيار هبه الماحى ومكى ابراهيم واخرووون بمعهد السلام الامريكى (Re: حيدر حسن ميرغني)
|
أها يا حيدر أخوى .. جيتك بخبر .. قالته الأخت هبه فى البوست الأخر
Quote: علي حسب التواصل بيننا بعد ايام المؤتمر انا كنت عارفة انه في وظيفة أنشئت خصيصا" لانه المعهد اصبح عنده أعمال و برامج في السودان و انه مكي واحد من الناس المقدمين للوظيفة دي و لما تم أختياره عرفت الخبر منه شخصيا" و من إدارة المعهد عبر الايميل المرسل لكل المجموعة التي شاركت في الورشة و التي إقترحت البرنامج المعين الذي سوف يتم تنفيذه في السودان عبر المعهد . |
المسألة معناها شنو !! هناك solicitation للوظيفة ..
بريمة
| |
|
|
|
|
|
|
Re: ماهى المعايير التى تم بها اختيار هبه الماحى ومكى ابراهيم واخرووون بمعهد السلام الامريكى (Re: بريمة محمد)
|
دينق
Quote: الان أنظر الى مداخلات بريمة وتلميحاته الشاذة عن الدور اليهودي في هذا الامر ، وهي تلميحات لا تخلوا من مكر وعنصرية بغيضة وأرجوا منك يا سامي في أن لا تنجرف الى تصنيف الناس بأديانهم أو عرقياتهم كما يفعل بريمة . |
واحد بقارى شيلوه حاموله أثناء فترة الأستعمار .. وأشار للخواجة منذ البداية أنه ماعايز أى زول يقابله وهو يحمل الأثقال .. وإلا أوقعها .. الزول قال بلغة البقارة (إذا شاف زول ح ينكس .. يفعط ذى ما يفعل الحمار) .. أول زول جاى مارى صاحبنا فعط وجدع الأشياء .. شالوها ختوها فى ظهر التانى .. أسردب بيها حتى النهاية ..
الزول التانى دا أنت.
تقطع ضراعى لو فهمت حاجة.
بريمة
| |
|
|
|
|
|
|
Re: ماهى المعايير التى تم بها اختيار هبه الماحى ومكى ابراهيم واخرووون بمعهد السلام الامريكى (Re: حيدر حسن ميرغني)
|
الاخ حيدر سلام
اشكر لك حسن تفهمك ، و للحق أقول انا شخصيا" مختلفة مع الاخ مكي في تناوله لقضية دارفور و خصوصا" هنا في المنبر ! انا مهتمة بالشأن الدافواري من خلال وجهة نظر مغايرة تماما" للفكرة العسكرية و النزاع المسلح ، و قلت الكلام دا قبل كدا في المنبر العام دا أكتر من مرة و في بوستات ردود الافعال لي ندوة ناس العدل و المسأواة التي اقيمت هنا في واشنطون العام الماضي ! ما علينا دي حتة يطول شرحها لكن إختلافي مع مكي في وجهات النظر و رؤية الحل لا يمنع إننا نلتقي و نتفاكر و نتناقش حول كيف لنا أن نساعد أهلنا الغبش في المعسكرات وفي القري المحتاجين يد العون سواء كانوا دارفوريين أو جنوبيين أو غيرهم من قبائل السودان الاخري ، و لا يمنع أن افرح معه بمنصب وظيفي قد يعود علي بلادي و أهلها ببعض الفائدة و عليه هو شخصيا" بكل الفائدة من ناحية الخبرة و ترقية الاداء المهني لانه المعهد أكاديمي في المقام الاول .
الحاجة المهمة الناسينها الناس هنا إنه السودان دا ما دارفور و بس السودان دا يا جماعة بلد كبيييير و مترامي الاطراف لحد الدهشة و الحيرة ، و أهلنا المحتاجين مننا مساعدة و رعاية كتاااار و مشتتين في اطراف السودان و انا كل يوم بتفاجأ بي معلومة جديدة عن مناطق في السودان ما سمعنا بيها زاتو قبل كدا ! البلد دي محتاجة مننا شغل كتيييير يا جماعة و الربنا بديهو فرصة يقدم خدمة حقو نقيف معاهو كلنا يد واحدة لغاية ما ننجز المهة بنجاح بعد داك نجئ نقعد كلنا و نتحاسب و نشوف الصاح منو و الغلطان منو !
أحيييي انا قومتوا لي نفسي بالليل دا
| |
|
|
|
|
|
|
Re: ماهى المعايير التى تم بها اختيار هبه الماحى ومكى ابراهيم واخرووون بمعهد السلام الامريكى (Re: heba Elmahi)
|
"المسألة معناها شنو !! هناك solicitation للوظيفة .."
يابريمة "التوسل" كما تقول عمرو ماكان مشكلة على الاقل زول سعى لحاجة كويسة جدا فيها قوم من كل جنس ولون ياخي امريكا دي ومؤسساتها طالما كعبة كده طيب القاعدين ليها شنو هناك انت زول مقيم في ديار المعهد زاتو بالله عليك ده كلو الطلعت بيهو من طريقة تعاملهم في الحاجات دي كم سوداني التحق في معاهد زي دي في امريكا مكي ممكن يطور من مقدراتو ويكون زول مفيد لنفسه وللبلد وللقضية المتفاعل معاها من خلال المعهد ده الغريب شنو في الموضوع ده
| |
|
|
|
|
|
|
Re: ماهى المعايير التى تم بها اختيار هبه الماحى ومكى ابراهيم واخرووون بمعهد السلام الامريكى (Re: سامى عتبانى)
|
الاخ ال عتباني وضيوفه الكرام سلام: طبعا لك مطلق الحق يا اخ سامي في تساؤلك عن المعايير، لكن وبالنتيجة البديهية وانت كمقيم في امريكا، ان المؤسسات البحثية والمراكز الاحصائية او تلك التي تقوم بتاهيل الشباب عبر ورش عمل ندوات سمنارات الخ بيو اس ايه، الا يتم تعين احدهم هكذا صدقة، او لانها من السودان، لذلك اعتقد ان تعيين كل من الاخت هبة والاخ مكي والذي اثني عليهما واتمني لهما التوفيق، جاء من باب ان هبة حاصلة على مؤهل في ادارة الكوارث وهذا اكبر دليل مستمسك استمسك به المركز في تعينها، وكذلك الاخ مكي اعتقد انه حاصل على مؤهل جامعي.
شخصيا اقترح علينا ان لا نتوقف كثيرا فيما اذا كان الاخ مكي والاخت هبة مؤهلين لتمثيل السودان في المركز ام لا، المهم براي هو دعمهما بالافكار النيرة، والمشاريع المختلفة لخلق سودان واحد موحد بعيدا عن الانفصال والشرزمة، بعيدا عن الثنائية الضيقة عرب-افارقة، مسلمين-مسيحيين، شمال-جنوب، هامش-مركز الخ، المهم الان هو كل من هبة ومكي تحمل مسؤليتهم كاملة داخل المركز الامريكي للسلام المستدام، وعلى الاخ مكي تحديدا والذي لا اتفق مع بعض اطروحاته التي تتعلق بالهامش، ان لا يسعي في موقعه الجديد لتحيد او تجريم جنس او قبيلة او اقليم او اي مجموعة عرقية تحت مسمي السودان الجديد او القديم، لتمرير انشطة مشبوهة من هنا او هناك، طبعا لا اقصد ان الاخ مكي سيفعل ذلك، فكثيرين حاولو خدمة وطنهم ولكنهم في الختام اصبحوا جلبيين لعنتهم شعوبهم وجوازات سفرهم الامريكية.
مرة اخرى تحية خاصة لهبة ومكي ولقدام لجعل السلام المستدام عنوان اساسيا للجميع .
| |
|
|
|
|
|
|
Re: ماهى المعايير التى تم بها اختيار هبه الماحى ومكى ابراهيم واخرووون بمعهد السلام الامريكى (Re: heba Elmahi)
|
Quote: والله هبة الماحي إختارت المعهد و سعت ليهو ، ما المعهد هو الاختارها !
|
جميل ولكن.......!!!!!!!
Quote: انا سعيت بشدة عشان أنال فرصة للمشاركة في ورشة العمل للقيادات الشابة في مجال السلام حتي استفيد من المحاضرات و برامج تنمية القدرات الادارية و الفكرية وقد تم بحمدالله و فضله ، و علي فكرة ما كانت فرصة سهلة يعني إكتسبتها بعد جهد و متابعة .
|
انشاء الله تفيدى وتستفيدى
Quote: مجال عملي ( الطوعي حتي الان ) عبر المنظمات الطوعية سواء في السودان أو أي مكان في العالم .
|
والله بس دى كتيره عمل طوعى شنو يا هبه يا هو التطوع الاتطوعتيهو ايام التخرج ولا شيتا تانى
عموما يا استاذه هبه نشكرك على التوضيح
| |
|
|
|
|
|
|
Re: ماهى المعايير التى تم بها اختيار هبه الماحى ومكى ابراهيم واخرووون بمعهد السلام الامريكى (Re: سامى عتبانى)
|
Quote: والله بس دى كتيره عمل طوعى شنو يا هبه يا هو التطوع الاتطوعتيهو ايام التخرج ولا شيتا تانى |
ايام التخرج ياتا يا سامي الانت بتتكلم عنها ؟ و اصلا" ما كان في معرفة بيننا الايام ديك ؟ و انا لما اقول عملي الطوعي حتي الان معناها اني حاليا" بقدم في عمل طوعي عبر إحدي المنظمات ( حتي العربي البسيط دا لازم نشرحوا يعني عشان تقدروا تفهموهو ؟ عالم متعبة خلاص )
Quote: عموما يا استاذه هبه نشكرك على التوضيح |
علي العموم ابدا" البوست ما اتفتح عشان انا اتكلم فيه عن شهاداتي ولا شغلي و عذرا" لنفسي اول حاجة و لجميع قراء البوست ثانيا" للانسياق وراء مهاترات اصبحت شخصية و جرفتني وراها مما فتح باب الحديث عن شهاداتي و شغلي ( و ذلك ما لا احب بتاتا" ) عذرا"
و يا سامي عتباني عليك الله بعد كدة لو عندك أي تساؤل امشي أطرق ابواب المعهد مباشرة و أسال كيفما بدأ لك ، و لو عندك أي نقاش عام الرجاء عدم ذكر اسمي تحديدا" مرة تانية !
و سـلام يـا صـحـبي
| |
|
|
|
|
|
|
Re: ماهى المعايير التى تم بها اختيار هبه الماحى ومكى ابراهيم واخرووون بمعهد السلام الامريكى (Re: heba Elmahi)
|
الاخ سامي ...تحياتي
عندي صاحبي انجليزي قاعد يقول لي اميركا دي (Third world country ) دوله من دول العالم الثالث ... وكنت بتفق معاهو بنسبة %80... الان انت ومعاك بريمه جيتو تميتو لي العشرين الباقيه... عارفين كيف ...
انتو ليكم (جلغمية) سنه وسط الناس ديل ولسه بتسألوا اسئلتكم دي ... انو فلان ده اختاروهو علي اي اساس ...وماهي المعايير وكم جالون كده من العبارات الرنانه والمصطلحات المستخلقه علي شالكة اليه ومعايير ومقاييس ...
ياخي اقول ليكم حاجه مكي ده اختاروهو عشان عشان كان لابس بنطلون لونو بني ...وهبه اختاروها عشان كان لابسه حجاب لونو بمبي ... ارتحتو...
بلا معايير بلا سلطانيات معاكم...(وجه ممغوس منكم)
من الله خلقكم انتو قاعدين في الدنيا دي في زول ادوهو وظيفه بسألوه بيقول ليهو ادوك ليها علي ياتو معايير ...
انتو ما بتعرفوا القنوات ...ياخي المعهد ده عندو ويب سايت وعندو مركز استعلام وبالعدم عندو ريسبشن ...ياخي امشوا عديل بالدرب اسألوهم قولوا ليهم: عندكم وظائف بتدوها علي ياتو معايير (ياخي كلمة معايير دي عاجباني جدا) ...
بريمه شابكنا ديمقراطيه ...وهو بمارس في ديمقراطيه ...الله يسالني ووحياة وليداتي ...ديمقراطية بمطاعنة الكلام دي اصلو ما سمعنا بيها...
وبالمناسبه...كلمة معايير جمع معيار (الميم مضمومه)... واظنو بريمه بيعرف معناها وبتعني النبذ (الشتائم) الحاره ... قلنا نفيدكم بالثقافات التانيه وكت اصلنا ما عندكم موضوع..
*قبل ما اطلع من هنا... مش الحكايه معايير ...انت ذاتك يا سامي باي (معايير) انت فاتح البوست ده... وباي معايير لابس طاقيتك دي...
ويبقي الود...
| |
|
|
|
|
|
|
|