موت خالى من العِبر .. ربما "نميمة"

Quote: بل موت مترع بالعبر و قصة تحكي الحال و المآل كيف كنا و أين وصلنا

Quote: كل ما ذكرتموة قد يكون صحيحا اين الضمير؟ اين سلبيات الراسمالية الجاهلة؟ ويييييييين الملايين؟ لماذا معظم السودانيين ساخطين ويلعنون الوضع الاقتصادى والاجتماعى لبلدهم(ليس الوضع السياسى) برغم ان بلدهم عائمة فى ثروات اقتصادية ضخمة؟

Quote: يافتاح يا عليم , الساعه الثامنه صباحا بتوقيت واشنطون بدات يومى العملى وراسى فايـر واضرب واحسب واقول ارسل كم للسودان وارد على نفسـى واتكلم براى السودان بقى غالى شديد ولى ماعارفه هل يعقل اغلى من أمـريكا وكل يوم الاسعار زايده ومافى حسيب صـراع ضياع تفكك غـربه والقوى ياكل الضعيف

ياريت فقط قانون الغلاء "الفاكى"

Quote: والسودنين اصبح اغلبهم بغير هويه بلدنا طاره من غيـر شك وكل يـوم امـر على بحزن اكتـر لمن اقــارن واقول لي نحنا راجعين لى ورا

فى إمتحان التجنس من أقسى الأسئلة "لماذا تبحث عن هوية أخرى" .. من يجيب بحثاً عن هوية أعطتنى أمانا أكثر من قومى يثقل ضميره .. وقد يكون هذا السؤال أحجم الكثيرون .. وأنا منهم .. من طلب التجنس ..
صديقى الذى تحصل على التجنس حديثاً .. قال "قلت ببساطة .. أبحث عن هوية بدلاً عن هويتى التى تم إسقاطها عنى عنوة"
نحن ما راجعين ورا يا محاسن .. نحن فى عالم آخر .. يتحير أمامه أهل العصور الوسطى

Quote: وانا فى توبى الظريف الابيض امام مستشفى الشرطه كان فى طين ومطره الظاهر التوب وقع من راسـى فسمعت ضابط بى دبوره واحــده بقول لى التوب فافتكرته قلبو على توبى الجميل ورديت عليه وقلته ليه نعم? قال لى بى نهــره وصوط عالى غطــى راسك ولا اوديك الخيمه

قلبك أبيض قايلاه خايف على توبك .. ما قلت ليك نحن علم فى عالم تانى

Quote: واحمد الله انقزنى اخوى حيدر رحمة الله عليه عقيدشرطه معاش

رحم الله صديقى ورفيق صباى حيدر وتقبله فى نعيمه

Quote: فالمرحوم مغامر فى سبيل تحسين أوضاعه الإقتصادية والمعيشية فى بلاد الحضارات المادية إنتحل ما إنتحل من أوراق ثبوتية لتحقيق طموحاته الشلاقة عليهو شنو مشى غامر مغامرات ناس تلك البلاد .. و يبحت فى الجبل و الجليد ..