|
|
|
 Re: خبر مؤسف.. (Re: Ashraf el-Halabi)
|
سلام يا مولانا
خليهم ناس الديم والصحافة والحاج يوسف والجريف وشمبات والثورات ديل أجنب
جامعة الخرطوم دي القبول ليها بقى للأجانب بس ولا شنو
| |
 
|
|
|
|
|
|
|
|
Re: خبر مؤسف.. (Re: محمد المرتضى حامد)
|
يبدو أن القصر الجمهوري كله singing from the same song sheet
و الشعب يغني له مع بازرعة أنصفني في حكمك لأنو غالي علي يا حبيب ظلمك..
ياروحي ..
| |
|
|
|
|
|
|
|
|
|
Re: خبر مؤسف.. (Re: محمد المرتضى حامد)
|
ياحبيبنا ...سلامات وليك وحشة والله ...
| Quote: نائب رئيس الجمهورية يصرح بأن المتظاهرين في الإنتفاضة الأخيرة من الأجانب.. |
انت ياعارف يامحمد مرات كده يجيني احساس انه الكيزان ديل غواصات للمعارضة داخل نفسهم ..
لانهم بيهدوا المعارضة اسباب الخروج والتظاهر ولمن تهدأ الثورة بيسخونها بكلام زي ده ولك في كلام الرئيس وربيع ونائب الرئيس عبرة ..
فخبر زي ده مابكون مؤسف ..بل مؤسف لو قالوا غيره ...
تحياتي ،،
| |
|
|
|
|
|
|
|
|
|
Re: خبر مؤسف (Re: فايزودالقاضي)
|
لأنو (قاسي ) علي أنا يا حبيب ظلمك .
وأعتذر لعبدالرحمن الريح إبن حي العرب ..
وللتاج مصطفى ..
والعميري ..
وسميره دنيا ..
ونائب الرئيس الحاج آدم
وأعتذر للأجانب
| |
|
|
|
|
|
|
|
|
|
Re: خبر مؤسف (Re: فايزودالقاضي)
|
Quote: ورد بنشرة قناة الجزيرة الفضائية بالأمس ..
نائب رئيس الجمهورية يصرح بأن المتظاهرين في الإنتفاضة الأخيرة من الأجانب.. |
واسه هايعملوا شنو؟؟
اوعي يكون هايرحلوهم؟!
حكومة مسخرة فعلا!
| |
|
|
|
|
|
|
|
|
|
Re: خبر مؤسف (Re: فايزودالقاضي)
|
سلام يا صاحبي
و الله مافي حاجة مؤسفه و بتطلع الزيت
اكتر من انو الواحد يلقي زول و أعي
و عارف زي فايز ود القاضي دا بيكتب
علي رأس مجموعة الانقاذ دي رئيس
رئيس شنو يا فايز و الأنتخبو منو ؟!
| |
|
|
|
|
|
|
|
|
|
Re: خبر مؤسف (Re: سفيان بشير نابرى)
|
Quote: ورد بنشرة قناة الجزيرة الفضائية بالأمس ..
نائب رئيس الجمهورية يصرح بأن المتظاهرين في الإنتفاضة الأخيرة من الأجانب.. |
محمد المرتضى
الجنوبيين مش كانـوا سـودانيين فأصبحـوا اجانب بيد الكيزان على كدا قس
فهم ناويين يخلونا كل واحد في بيتو و في ارضو بس يصبح يلقى نفسـو أجنبي و يعمل
دولتو و علمو و ما يبقى غير دولة القصر
يعني لو عاوز تمشي من ودنوباوي للمسـالمة لازم تأشــير و كمان ترانسـيت بحي العمدة
مش كل حي بقى اجنبي للآخـر
دا اسـمو تهيئة ليكم عشـان لما تجنوا لما يصبح واقـع , اما عشـان تصل ود القاضي في كســلا فسـوف تمر بعدة دول
ود حامد المؤســف أن يكون هؤلاء هم حكامنا و يعملوا ذي ما عاوزين دون خوف أو تانيب ضمير
محمد المرتضى لم الســلام
| |
|
|
|
|
|
|
|
|
|
Re: خبر مؤسف (Re: سفيان بشير نابرى)
|
Quote: يبدو أن القصر الجمهوري كله singing from the same song sheet
و الشعب يغني له مع بازرعة أنصفني في حكمك لأنو غالي علي يا حبيب ظلمك..
ياروحي .. |
مولانا .....سلام
انا قنعت من جمهورية كوزستان دى كلها لكن غنانا السمح ما بخلى لى زول
انصاف دى كلمات والحان عبد الرحمن الريخ غناء التاج مصطفى
وتحياتنا لى شاعرنا الفخم بازرعة و لو لم يقل غير انا والنجم والمساء لكفاه
وتصبحوا على وطن،،،،
| |
|
|
|
|
|
|
|
|
|
Re: خبر مؤسف (Re: سيف الدين عوض)
|
تعرف يا أخ محمد هذه تشبه فتوى بعض المتطرفين العراقيين من أنصار القاعدة في تكفير المجتمع كله.قال احدهم لفتى غرير يجنده إنه(ود حرام) لأن أباه وأمه تزوجا في عهد صدام وهو زواج باطل قام في دولة علمانية باطلة. صدق الفتى وحدث ان سجنوه وهو يحاول أن يقوم بتفجيرات وعندما جاءت والدته لزيارته قال لها:
- مكانك لا تقربي مني؛ أنا ابن زنا!
لقد كان مشوشاً لدرجة أنه وجه الإهانة لنفسه فقط دون أن يدري ماذا يفعل بوالدته في تلك اللحظةالخرساء؛ إذ أنه كان عليه وقناعته كذلك، أن يصفها هي بالزانيةأيضاً، لكن مشاعره تجاهها أعمته فظن أنها طاهرة وهو ابن الزنا علماً بان اللوثة كلها لم تكن في الطهر ولا في العفاف بل كانت بدماغه وهي جرثومة تقود إلى الإرهاب دون ريب.
| |
|
|
|
|
|
|
|
|
|
Re: خبر مؤسف (Re: Ahmed al Qurashi)
|
Quote:
يا جماعة حكامنا ديل ما فيهم واحد لسانه عفيف وطاهر |
يا دكتور جربت لحست كوعك؟
ما تحلم به اتخذ له مقعداً مع الغول والعنقاء والخل الوفىء..
يا اخوى بعد ده نسأل الله حسن الخاتمه بس،
المعنى قلنا نمر نسلم مشتاقين ، وحاتك ليك ولصاحب البوست ويمكن للمسنوح كمان،،،
| |
|
|
|
|
|
|
|
|
|
Re: خبر مؤسف (Re: صديق الموج)
|
سلام يا مولانا
خليهم ناس الديم والصحافة والحاج يوسف والجريف وشمبات والثورات ديل أجنب
جامعة الخرطوم دي القبول ليها بقى للأجانب بس ولا شن
مِنَح يا حمد..
مِنَح سااااااااااااااي
| |
|
|
|
|
|
|
|
|
|
Re: خبر مؤسف (Re: صديق الموج)
|
أستاذ محمد المرتضى
تحياتي - لعله قد صرح للصحافة بأنه بعد الدراسة والتدقيق للمظاهرات الأخيرة إتضح أن 85 % من المشاركين فيها أجانب - يعني هذا العدد الكبير دخل البلد دي كيف ؟ سؤال للحكومة ووزير داخليتها وأجهزتها الأمنية !! يعني لمن الأجانب يقلبوا الحكومة حتى نتكلم ولا كيف يا محمد ؟
لعل ما جاء على لسان نائب الرئيس يجعل أهلية الرجل في المحك !! لأن الأمر مردود علية حتى من قبل بعض من أجهزة دولته نفسها حين يقولون أن المعارضة إستقلت الأزمة الإقتصادية للنيل من الحكومة ! وأن بعض منهم يقدر ردات الفعل للمواطن العادي جراء القرارات الإقتصادية الأخيرة!!
وبالعود والنظر لماضي قريب لبعض مما تعرض له الرجل نفسه من إتهامات ذات بعد خطير وكان كثير من الناس ينظر إليها من باب الكيد والنيل ممن يختلف مع ذات النظام سياسياً ولانظام لم يتغير ويمكن أن يفتح الملف ثانيةً في أي لحظة ينتهي هذا العسل !!
بحيراوي
| |
|
|
|
|
|
|
|
|
|
Re: خبر مؤسف (Re: البحيراوي)
|
| Quote: يا جماعة حكامنا ديل ما فيهم واحد لسانه عفيف وطاهر |
ديل نوع من الحكام دخيل علينا وعلى كل القيم الموجودة فينا واذا هم بيتعبرو نفسهم سودانيين من الاكرام لينا كلنا اننا نكون اجانب ماسودانيين
واضح شديد انهم فى حاله تسابق لااظهار مواهبهم فى اختيار اوصاف ومفردات بتعبر عن خواء فكرى ... لابشبهنا ولابيشبه اخلاقنا ... والله مااجانب الا هم المابشبهونا اصلو فى اى حاجة ....
تسلم يارب ...
| |
|
|
|
|
|
|
|
|
|
Re: خبر مؤسف (Re: ماجدة عوض خوجلى)
|
Quote:
ورد بنشرة قناة الجزيرة الفضائية بالأمس ..
نائب رئيس الجمهورية يصرح بأن المتظاهرين في الإنتفاضة الأخيرة من الأجانب.. |
يا شيخنا
انت سمعتو بي اضانك ؟
ياخي الجزيرة دي كذابه .. وانا امبارح سمعتها بتقول السودان فيهو حريات ما موجوده في اي بلد عربي وانه فيه
اربعين جريده ومية حزب .. والواحد يدخل السجن ويطلع زي ما عايز .. ويرجع يقول نفس كلامو الكان بقول فيه
كمان الغريب انه النائب الاول ده راجل محترم جدا والناس راجيه فيه رجا
انا في واحد (اخوي) امبارح شرح لي الموضوع ووضح لي ان اغلبيه طلبة الجامعات في السودان اجانب
فلسطينيين وسوريين وافارقه .. طيب ..
عمر علي حسن
| |
|
|
|
|
|
|
|
|
|
Re: خبر مؤسف (Re: البحيراوي)
|
Quote: يا دكتور جربت لحست كوعك؟
ما تحلم به اتخذ له مقعداً مع الغول والعنقاء والخل الوفىء..
يا اخوى بعد ده نسأل الله حسن الخاتمه بس،
المعنى قلنا نمر نسلم مشتاقين ، وحاتك ليك ولصاحب البوست ويمكن للمسنوح كمان،، |
والمصيبة يا ود الموج كل هذه الترهات والتفلتات
ومعها الفساد والظلم يصبغونها بالاسلام
لك التحية والتقدير عزيزي صديق الموج
وحقيقة مشتاقين ليك كتير
| |
|
|
|
|
|
|
|
|
|
Re: خبر مؤسف (Re: فايزودالقاضي)
|
يا شيخ العوض ..
الزول الإسمو الحاج آدم دا لامن يقول إن المتظاهرين من الأجانب ، دون أن يطرف له جفن ، معناتا فعلا تمشي تراجع
أوراق إبنك الثبوتية أو تراجع ما كنت تحسبه من المسلمات ومن ضمنها عقلك زاتو..
دا دكتور يا المسلمي. .
| |
|
|
|
|
|
|
|
|
|
Re: خبر مؤسف (Re: محمد المرتضى حامد)
|
يا بت الخليفه عوض خوجلي القصه دي ما جديده على الناس ديل منذ أول يوم قالوا الولاء قبل الكفاءة وأقصوا الجميع وجردوهم من كافة حقوقهم ..
علي اليمين منذ 1989 الأجانب في بلدنا أحسن مننا
| |
|
|
|
|
|
|
|
|
|
Re: خبر مؤسف (Re: محمد المرتضى حامد)
|
حبيبنا سفيان
دا كلو من العميل فيصل محمد صالح ..
يتخابر مع الجهات الأجنبيه ويتخابر ويتخابر ويتخابر لامن ملا لينا البلد أجانب ..
برضويتخابر ..
وأنا اقول ليهو لا يا فيصل ما تتخابر..
غايتو ..
منك لله يا فيصل نبتون
| |
|
|
|
|
|
|
|
|
|
Re: خبر مؤسف (Re: محمد المرتضى حامد)
|
Quote:
بشير حسن بشير
بختك .. من إسمك دا لن يجرؤ نائب الرئيس على حشرك في زمرة الأجانب ..
أقدِل سااااي يا بشير |
محمد المرتضى تصدق من ايام ما كانت البلد مليون ميل
ضاقت علينا وشفناها اقل من خرم ابره
ومن سنة 90 ونحن خارج السودان
شكرا على حسن الخيال
.
.
| |
|
|
|
|
|
|
|
|
|
Re: خبر مؤسف (Re: محمد المرتضى حامد)
|
| Quote: ود حامد المؤســف أن يكون هؤلاء هم حكامنا و يعملوا ذي ما عاوزين دون خوف أو تانيب ضمير |
ضمير؟ يا إحيمر خلينا نحن (الأجانب) ديل ، شوف المهندس الرئيس ومنتج ومخرج وبطل فيلم الإلغاز زاتو عملوا فيهو شنو؟ حتى الحاج آدم دا القال على المتظاهرين أجانب هو زاتو عملوا فيهو شنو حينما نشروا إسمه في كافة الصحف إنو WANTED .. ضمير؟ عبدالله بالله إتصلح معانا.. - قلت لي تأنيب ضمير؟
| |
|
|
|
|
|
|
|
|
 Re: خبر مؤسف (Re: محمد المرتضى حامد)
|
خبر السواد
أهدى الأغنية للريس ونوابو ومساعدنو وعصايتو..
كما أهديها لحمار كلتوم
كما أحب أن أهدى سلامى لمحمد المرتضى وجميع اﻹخوة الأجانب بحلة كتمت والكتاحة وجميع لحاسين الكوع.
| |
|
|
|
|
|
|
|
|
|
Re: خبر مؤسف (Re: محمد المرتضى حامد)
|
يا سيف ،
مازال أهل الألغاز يحتفظون لنا بالكثير في جعبتهم..
الابناء والبنات من المتظاهرين بجامعة الخرطوم وبعد تصريح نائب رئيسنا الهمام بأنهم أجانب واجب علينا أن نبحث لهم عن كفيل ..
يا اخوانا كفيل لله..
لو لقيتوهو في كافوري قولو ليهو عاوزنك ضروري ..
-
(أوشك أن أخلع من وس خ الأيام حذائي)
مظفر النواب.
| |
|
|
|
|
|
|
|
|
|
Re: خبر مؤسف (Re: محمد المرتضى حامد)
|
Quote:
Quote:
ورد بنشرة قناة الجزيرة الفضائية بالأمس ..
نائب رئيس الجمهورية يصرح بأن المتظاهرين في الإنتفاضة الأخيرة من الأجانب..
يا شيخنا
انت سمعتو بي اضانك ؟
ياخي الجزيرة دي كذابه .. وانا امبارح سمعتها بتقول السودان فيهو حريات ما موجوده في اي بلد عربي وانه فيه
اربعين جريده ومية حزب .. والواحد يدخل السجن ويطلع زي ما عايز .. ويرجع يقول نفس كلامو الكان بقول فيه
كمان الغريب انه النائب الاول ده راجل محترم جدا والناس راجيه فيه رجا
انا في واحد (اخوي) امبارح شرح لي الموضوع ووضح لي ان اغلبيه طلبة الجامعات في السودان اجانب
فلسطينيين وسوريين وافارقه .. طيب ..
عمر علي حسن |
انا آسف
يظهر اني شايت غلط
ما فهمت الخبر بيتكلم عن النائب ياتو ..
وزي ما قالت حبوبتي (عدم الفهم قسمة) .. سامحونا
عمر علي حسن
| |
|
|
|
|
|
|
|
|
|
Re: خبر مؤسف (Re: محمد المرتضى حامد)
|
يا فايز ياخ حتى لو مجرد هظار ساي الزول دا
ما ياخد الكلمة دي مننا نحنا نهائي.
انتو بالمناسبة !!!! الناس ديل بنبذونا
كدا ليه!!! نحنا السارقنهم و لا هم السارقننا
نحنا المعذبنهم و لهم المعذبننا !!!؟
من كبرهم لحدي صغيرهم و اقعننا نبذ ليه!!!
سعاد الفاتح في جلسة البرلمان بتاعة يوم يوم
السبت 16 يونيو 2012 قالت في مخاطبتها :
(الراجل برسل لي بنته في الداخلية عشرين جنيه
ودي ما بتغديها اسبوع كامل فالحرةمنهن بتعمل
طربيزة شاي جوة الداخلية و التانيات انتو عارفين
بعملن شنو)
اما محمد الحسن الأمين فقال لجريدة اخبار اليوم
في 10 يوليو 2012 :-
(المواطن قابل الظرف الاقتصادي الحالي بعدم الرضاء
لأنه أعتاد على الرفاهية و الامكانات الواسعة و يجب
أن يتحمل الظرف معنا)
بالجد بديت افكر انو الشعب هو الغلطان على الناس
دي !!!
| |
|
|
|
|
|
|
|
|
|
Re: خبر مؤسف (Re: سفيان بشير نابرى)
|
أيوه أجانب وحلايب مصرية ..
والله يا مولانا بعد السلام والأشواق بقينا ما عارفين نضحك ولا نبكي ..
ياخي أقول ليك والله المغصة كاتلانا عديل كده ..
خلاص زمن الهوان ولى ..
والثورة مرقت وتاني مافي رجوع ..
وحقنا ح ناخدوا كله منهم ..
| |
|
|
|
|
|
|
|
|
|
Re: خبر مؤسف (Re: معتصم دفع الله)
|
Quote:
ورد بنشرة قناة الجزيرة الفضائية بالأمس ..
نائب رئيس الجمهورية يصرح بأن المتظاهرين في الإنتفاضة الأخيرة من الأجانب.. |
يمكن لانهم يسيرون فى المظاهرات مع نساء ليس من محارمهم
جنى
| |
|
|
|
|
|
|
|
|
|
Re: خبر مؤسف (Re: jini)
|
| Quote: انا غايتو اعترف و اقر بانني اجنبي وانا بكااااامل قواي العقلية (قدر الفي) |
ككل المغتربين يا قيقا - مع استثناء الوجوه المتوضئة الوضيئة - مشكلتك مضاعفة.. دبِّر حالك عشان الواحد ما يلاقيك في الخرطوم وأنت ترددمع محمود درويش: (كلما آخيت عاصمة رمتني بالحقيبة)
| |
|
|
|
|
|
|
|
|
|
Re: خبر مؤسف (Re: محمد المرتضى حامد)
|
| Quote: ودالمرتضى اليوم لا جبل يعصمك من الأجنبة،..... |
حا أسجل في المريخ يا نادوس..
أصلو مع الألغاز دي يا يكون عندك والي يا كفيل ..
| |
|
|
|
|
|
|
|
|
|
Re: خبر مؤسف (Re: محمد ميرغني شاطر)
|
احمد القرشي يتساءل عما اذا كان في حكامنا من له لسان ( عفيف وطاهر) ؟
يا احمد ، ديل من قولة تيت بدأوا ب ( من أراد أن تثكله أمه ) .. يعني عمر مع مشركي مكة..
طاهر وعفيف دي تاني الا في أغنيات الحقيبة.
| |
|
|
|
|
|
|
|
|
|
Re: خبر مؤسف (Re: محمد المرتضى حامد)
|
والله ياالبحيراوي كونو يكونوا المتظاهرين أجانب دا معنا تو انو وزير الداخلية قاعد ساي،
وزير الداخلية اللي نحن بنزعل لأمن يقولو ا عليهو أجنبي أسع ناسو قالوا علينا أجانب..
قلت ليك مسرح اللامعقول زاتو قال دا ما معقول.
| |
|
|
|
|
|
|
|
|
|
Re: خبر مؤسف (Re: Ashraf el-Halabi)
|
| Quote: والله مااجانب الا هم المابشبهونا اصلو فى اى حاجة .... |
يا الماجده سلامات،
لم نستنكر وصف المتظاهرين بأنهم أجانب على أساس أن الأجانب أقل درجة
منا ، وإنما لأن الحديث في مجمله تزييف لايليق بحبيبنا الدكتور النائب
والذي لانرضى له أن يصبح مسخرة أمام وسائل إعلام لسانها طويل كالجزيرة..
هسه بمثل هذا التصريح الشعوب الأخرى تقول بالله شوفوا السودانيين ديل
بطرانين كيف ، شدة ما بتاعين راحات ومرطبين جابوا أجانب يتظاهروا ليهم
مع إنو نحن المظاهرات دي عندنا فيها دبلوم وجايبين في البمبان A..
هسه نودي وشنا وين من ناس الحله والجيران؟
| |
|
|
|
|
|
|
|
|
|
Re: خبر مؤسف (Re: محمد المرتضى حامد)
|
Quote: هل الجنوبيين اجانب؟
هل شاركوا في المظاهرات؟
.
.
.
.
.
.
وتيب |
الشفيع سلامات..
على الرغم من أني أحتاج عمرا جديدا كي (أحس) أن الجنوبيين أجانب
إلا أن سيادة النائب لم يعنهم ..
عموما كدي نأتِرُم في بمبان مسجد السيد عبدالرحمن.....
| |
|
|
|
|
|
|
|
|
|
Re: خبر مؤسف (Re: محمد المرتضى حامد)
|
| Quote: اجانب وبتعدوا على أصابع اليد الواحدة كمان:) |
تماضر الزول دا صادق،
الناس ديل اليد الواحده عندهم فيها أصابع كتيره..
أما سمعتِ بالأصابع الخفيه؟
| |
|
|
|
|
|
|
|
|
|
Re: خبر مؤسف (Re: د.محمد حسن)
|
Quote: خبر السواد
أهدى الأغنية للريس ونوابو ومساعدنو وعصايتو..
كما أهديها لحمار كلتوم
كما أحب أن أهدى سلامى لمحمد المرتضى وجميع اﻹخوة الأجانب بحلة كتمت والكتاحة وجميع لحاسين الكوع. |
بله الغايب عن عيني مع إنك في قلبي..
إيه رأيك في جواز من جزر القمر..
رومانس مع المحيط الهندي ياخ..
بلا ودنوباوي بلا مسالمه..
-
ما تفهمني غلط ..
الجواز قاصد بيهو الباظابورطي..
| |
|
|
|
|
|
|
|
|
|
Re: خبر مؤسف (Re: محمد المرتضى حامد)
|
Quote: ما فهمت الخبر بيتكلم عن النائب ياتو ..
وزي ما قالت حبوبتي (عدم الفهم قسمة) .. سامحونا
عمر علي حسن |
يا سعادتك لاتحزن ولا تأسى ..
كلامك في محلو..
كلهم واحد..
| |
|
|
|
|
|
|
|
|
|
Re: خبر مؤسف (Re: jini)
|
Quote: سعاد الفاتح في جلسة البرلمان بتاعة يوم يوم
السبت 16 يونيو 2012 قالت في مخاطبتها :
(الراجل برسل لي بنته في الداخلية عشرين جنيه
ودي ما بتغديها اسبوع كامل فالحرةمنهن بتعمل
طربيزة شاي جوة الداخلية و التانيات انتو عارفين
بعملن شنو)
اما محمد الحسن الأمين فقال لجريدة اخبار اليوم
في 10 يوليو 2012 :-
(المواطن قابل الظرف الاقتصادي الحالي بعدم الرضاء
لأنه أعتاد على الرفاهية و الامكانات الواسعة و يجب
أن يتحمل الظرف معنا) |
شكرا الحبيب سفيان..
صدقني أكاد لا أصدق أن أي سوداني يمكن أن يصل إلى هذا المستوى..
والله صدق الطيب صالح ..
| |
|
|
|
|
|
|
|
|
|
Re: خبر مؤسف (Re: محمد المرتضى حامد)
|
Quote: أيوه أجانب وحلايب مصرية ..
والله يا مولانا بعد السلام والأشواق بقينا ما عارفين نضحك ولا نبكي ..
ياخي أقول ليك والله المغصة كاتلانا عديل كده ..
خلاص زمن الهوان ولى ..
والثورة مرقت وتاني مافي رجوع ..
وحقنا ح ناخدوا كله منهم .. |
المعتصم بالله ود دفع الله..
إستنادا إلى الحاكم بأمر الله نحن:
وتحديدا في السودان ..
.
| |
|
|
|
|
|
|
|
|
|
Re: خبر مؤسف (Re: محمد المرتضى حامد)
|
Quote: يمكن لانهم يسيرون فى المظاهرات مع نساء ليس من محارمهم
جنى |
حتى بهذا الفهم ما لافقه يا جني ..
يعني المولى عز وجل يقول (إنما المؤمنون إخوة) ويجينا الزول العجيب دا يقول أجانب ؟؟
| |
|
|
|
|
|
|
|
|
|
Re: خبر مؤسف (Re: محمد المرتضى حامد)
|
| Quote: اي واحد يجي اتظاهر يجيب معاهو جنسية معاهو ... |
I can't agree more
كما أقترح وضع لافتة كهذه في صينية شارع الدومة ومثلها في صينية الهجرة
قبل مشارف مسجد الأنصار..
| |
|
|
|
|
|
|
|
|
|
Re: خبر مؤسف (Re: محمد المرتضى حامد)
|
Quote: ما بلقى عنكم فلم اجنبي!
ينوبكم ثواب
جنى |
(لمن نشكو مآسينا ؟
ومن يصغي لشكوانا ، ويجدينا ؟
أنشكو موتنا ذلا لوالينا ؟
وهل موت ســيحـيـيـنا ؟
قطيع نحن والجزار راعينا ،
ومنفيون نمشي في أراضينا ،
ونحمل نعشنا قسرا بأيدينا ،
ونعرب عن تعازينا لنا فينا ،
فوالينا ، أدام الله والينا ،
رآنا أمة وسطا ، فما أبقى لنا دنيا ،
ولا أبقى لنا دينا ،
ولاة الأمر : ما خنتم ، ولا هنتم ،
ولا أبديتم ا للينا ،
جزاكم ربنا خيرا ، كفيتم أرضنا بلوى أعادينا ،
وحققتم أمانينا )فيا ولاتنا تهانينا
*
الأحباب الأجانب:
البوست دا 24 ساعه كفايه عليهو..
شكرا لكل المتداخلين ..
من الخارج ومن السودان الشغيغ..
| |
|
|
|
|
|
|
| |
محمد المرتضى حامد
Ashraf el-Halabi
بشير حسـن بشـير
حمد عبد الغفار عمر
فايزودالقاضي
العوض المسلمي
Muna Khugali
سفيان بشير نابرى
صديق الموج
سيف الدين عوض
قيقراوي
nadus2000
Bushra Elfadil
Ahmed al Qurashi
البحيراوي
ماجدة عوض خوجلى
الشفيع وراق عبد الرحمن
Balla Musa
معتصم دفع الله
jini
محمد ميرغني شاطر
د.محمد حسن
فيس بوك
تويتر
انستقرام
يوتيوب
بنتيريست