|
|
|
 Re: السمحات في المنبر .. والسمحين. (Re: محمد المرتضى حامد)
|
قال قائل ، إن الإنسان حيوان متفائل وضرب مثلا مضمونه أنه إذا أجري
يا نصيب في مدينة يبلغ عدد سكانها مليون شخص وأنه سيكون هناك فائز
واحد فسيترقب النتيجة مليون شخص كل منهم يرتجي أن يكون ذلك الفائز،
وإذا كان من الثابت إحصائيا أن معدل الوفاة في تلك المدينة مائة شخص
في اليوم فإن أحدا من هؤلاء لن يتوقع وفاته يوم إعلان نتيجة اليانصيب
رغم أن ذلك الإحتمال ، لكل منهم، يبلغ مائة ضعف إحتمال فوزه باليانصيب.
| |
 
|
|
|
|
|
|
|
|
Re: السمحات في المنبر .. والسمحين. (Re: محمد المرتضى حامد)
|
أهل السماحه ، يا محمد ، لهم مدار خاص ومذاق متفرد ،
والسماحه شعور يتنقل في الداخل لا علاقة له بتفاصيل
عضوية مادية ، عشان كده الناس البيعطنوا شبكة أحاسيسنا
وأرواحنا ويغمسوها في نهر الراحه بنشوفم سمحين .
الحياة تكتظ بالفواجع خارج المنبر والقلق والألم
على قفا من يشيل ، فري أون بورد ، والدقائق التي نقضيها هنا ،
ربما بشكل يومي، لاتحتمل نقل المتكدس في الخارج من توتر
عالي الجوده وألم مفلتر.
| |
|
|
|
|
|
|
|
|
|
Re: السمحات في المنبر .. والسمحين. (Re: Ishraga Mustafa)
|
يجازي محنك يا المرتضى المسنوح
دخلت البوست قلت القى لي حاجة بقاقة ( تعرفها) اقوم اعمل ليك كلك في الداهية- لقيت لي صورة ومعاها صفارة وانتظرت وانتظرت وانتظرت والشريط ماشي برااااااااااااحة زى الداون لود التقليدى زماااااااااان قبل يظهر ال ADSL - وبرضى منتظر حاري تتكفكف الستارة وتجي مارقة بوردابية مختارة ومنتظر ومنتظر وطلع شيح في ريح .
| |
|
|
|
|
|
|
|
|
|
Re: السمحات في المنبر .. والسمحين. (Re: الطيب شيقوق)
|
شيقوق المسنوح برتبة مشير،
بُقاقه؟
البقاقه بتتفقع مع أول سريحه لكن السمحات تزيدهن الرماح تألقا،
البقاقات الأندروس الببقبقن ما بيهمونا ،
تهمنا المرأة المغنسيوم التي تشع من الداخل ، كما قال أحدهم،
ديل هن السمحات يا شيقا.
إنت موديني وين يا الطيب؟
تاني ما أشوفك بي جاي ،
| |
|
|
|
|
|
|
|
|
|
Re: السمحات في المنبر .. والسمحين. (Re: Ishraga Mustafa)
|
إحدى السمحات، يا إشراقه ، وهي من صفوة الذين يكتبون هنا قالت لي :
كنت أكتب بهدف (الإصلاح ) ولكني انتقلت إلى مرحلة (الدفاع) والآن أجفف كتاباتي في المنبر
تمهيدا للعودة بعيدا ، إلى كتبي والسكينة ، حيث لا سويعات تضيع ولا (منغصات) تمر.
كانت الحسرة تقطر من حنجرتها وهي تقدم (عرضحال) موغل في الأسى، حسرة حالت دون أن أمازحها قائلا
أن (الإصلاح) فريق أمدرماني بحي السيد مكي لم يسبق أن فاز في مباراة – وفقا لأهل الحي ذاتم - وذات مرة تعادل
مع فريق هزيل من الليق ومن شدة فرح ناس (الإصلاح) نسوا ممتلكاتهم في الميدان ، بما فيها الكدّارات،
والكدّارات دي يا ناس الشهاده العربيه والآي جي سي إس إي ، هي أحذية للعب كرة القدم كانت تصنّع محليا
عند دفع الله أديداس وعبدالباقي Reebok من جلد سوداني أصلي. وبالمناسبه فريق الإصلاح
ده فريق ناس كوستاوي وممكن أحمد طراوه يؤكد الرواية، أما فريق (الدفاع ) فقد كان دائما هو المنتصر
في الرابطة مع إنهم كلهم باكات وهذا يتبدى بوجه آخر في عدة مناح من حياتنا الآن.
ستذهب صديقتنا قريبا جدا وأظن أن المنبر سيخسر أحد الأقلام المائزة إذا لم تتوفر عوامل (الكتابة) الجاذبة
زي ما بقولوا في التلفزيون قبل الإستفتاء الفادح القادم..
| |
|
|
|
|
|
|
|
|
|
Re: السمحات في المنبر .. والسمحين. (Re: ماجدة عوض خوجلى)
|
يا الماجده بت الشيخ عوض خوجلي ، في زول قال :
( الوطنية لا تكفي وحدها … ينبغي ألا نضمر حقدا أو مرارة تجاه أي كان)
وقد يخلط البعض بين تلك المقولة وغريزة قد تغري البعض بفهم خاطئ لمضمونها ،
فالبعض يعتقد أن الآخرين بصمتهم الكريم النبيل ،
تعوزهم القدرة على رد العنف بأشد منه وهم لايعرفون أن أولئك يغفرون ويتسامحون ،
لنبل وحياء أصيل فيهم ، رغم أنهم يمكنهم أن يتبنوا خط العين بعينين والسن بالفك كاملة،
تسلمي.
| |
|
|
|
|
|
|
|
|
|
Re: السمحات في المنبر .. والسمحين. (Re: انعام عبد الحفيظ)
|
الشينات في المنبر ... والشينين.
سدنة المشروع الضد ... في رحلته المعاكسة
... من النهر إلى التيه.
هؤلاء هم من سوف ينتزعون محمد المرتضى
عن فضائنا الإسفيري, ليرموه مجددا بين
الكتب والورق المحايد شعوريا.
فأصمد قليلا أو كثيرا, لتنسج مع من يشبهك
نولا مضادا للقبح.
... وكل الجمال
مشتاقين يا راجل
| |
|
|
|
|
|
|
|
|
|
Re: السمحات في المنبر .. والسمحين. (Re: فيصل محمد خليل)
|
فيصل،
أعجبتني فكرة (السلالم الموسيقية) المفضية إلى المتعة،
دعنا نرتقيها درجة تلو أخرى والزعل مرفوع ( بالأسانسير).
ياخ تشبيهك جميل ، إن كان ثمة سلالم في ما كتبت ، وإن كنت أعتقد أنها (مقامات) يا سيدي ،
على أية حال يا فيصل قلة من أعضاء هذا المنبر يعلمون أنهم ربما كانوا من المغضوب عليهم
من غيرهم لكنهم يعتقدون أنهم من (السمحين) هنا ، باسلوبهم الخاص ، أحييهم وأحيي فيهم روح
التفاؤل تلك ، وأرجو أن تبقى فيهم تلك الروح لأن رضا الجميع أمر لاينال ،
بالله يا فيصل مرات مش بجيك إحساس تبقى زول ( إنجمامه) وبس اتقاءا للمنجنيق؟
اللهم أعنا على عيوبنا وشتارتنا ودوزن جهازنا العصبي المركزي
وانزلنا مقام النهوند واحشرنا في زمرة السمحين .
قول آمين
| |
|
|
|
|
|
|
|
|
|
Re: السمحات في المنبر .. والسمحين. (Re: HAYDER GASIM)
|
يا حيدر ، أنت أدرى مني بأن بذل الألفاظ من كل العيارات تلميحا وتصريحا
أمر مقدور عليه من الجميع ، فجينات السوء والنفس الأمارة به تتوفر في كل إنسان
وفقا للقرآن الكريم لكن التحكم في نتاجها وإغلاق ممراتها وقنواتها هو الفيصل في مدى
قوة الشخص وليس العكس، أعرف أناسا في هذا المنبر يتمتعون بانضباط غريب في
الوقت الذي يمكنهم أن يشتموا بأربعة لغات حيّه إن أرادوا، ليس ذلك وحسب بل بمقدورهم
، بأي واحدة من تلك اللغات ، أن يوجه سبابا ولايعرف المتلقي ما إذا كان الكلام مدحا أو قدحا،
لكنهم لم يسبق أن فكروا في ذلك فقط لأنهم أقوياء سمحين ومتسامحين ومن الخطأ أن يفهم
تأدبهم على غير ذلك.
(جيوش إشتياقي "ذاتا" هزمتني وزادت أنّتي)
يسلم خاطرك يا حيدر.
| |
|
|
|
|
|
|
|
|
|
Re: السمحات في المنبر .. والسمحين. (Re: محمد المرتضى حامد)
|
محمد المرتضى، يخضر ضراعك ... نكأت بدعوتك شوقا لصنوف كتابات كنا نشد لها الرحال اسفيريا
و نقتطع من وقت ممحوق فاقد البركة شان نرطب الروح في ظل فكر جديد ننتبع منابعه، أو فكر عرفناه فنستزيد ....
السماحة كما قلت ولا أزيد، هي ما تسبغ الروح على المحسوس الملموس من الصفات،
فتهدأ نفسك في حضرته و ترتفع درجة في صفوف الانسانية
السماحة يا محمد هي تلك الأصيلة لا الدخيلة و بنت اللحظة أو الموقف،
هي السماحة الضاربة بجذورها في الروح و خيارات الحواس من بعد،
تراها في اختيار المفردات ...
تتنادى السماحة فيما بينها فتراها جماعة تورد موراد النبل اينما كان
ومصطفة كتفا بكتف في مواضع العدل ...
لا تتبع عورات لتكشفها، ولا تبذل مدحا في غير موضعه ولا ذما فاحشا
يسد طريق التسامح إن نادى المنادي يا "تصالح" ...
الناس السمحة يا مرتضى مشغولة بحالها و مآلها و منقلبها إن حان وقت الرحيل
مشغولة في تجويد وجودها، ترى عيوبها وتصفح عن عيوب الآخرين
لنفسي ابكي لست ابكي لغيرها **** لنفسي من نفسي عن الناس شاغل*
السماحة، كباقي زمرة القيم و الاخلاق قيمة متغيرة وأن ران عليها الثبات في الاصل،
وأخشى ما أخشى كثرة استغضاب الناس السمحة ، فتقد السماحة بكارة حلمها، و تستيقظ في النفس
صفات الحيوان الأخرى من انتقام و صرعة ونصبح في يوم ما متساوين في السوء وإن اختلفت
الاسباب .... فـ (كم هادئ بالعنف ثار) ...
وفي أمر السماحة يطيب الحديث و الاستماع، فواصل و خفف عنا يا المرتضى ...
____________
*قالها الربيع بن خيثم عندما سئل لما لا يعيب أحدا ...
| |
|
|
|
|
|
|
|
|
|
Re: السمحات في المنبر .. والسمحين. (Re: زهير عثمان حمد)
|
العزيز زهير،
شكري يا زهير على كلماتك التي ، بحق ، لا أستحقها.
صدقني، عندما ابتدرت البوست لم يكن في مخيلتي
أن (الأوضاع) ستصل إلى ما وصلت إليه قبل أن تمضي
سويعات عليه، وكأن ما يجري ، الآن، في المنبر
ردة فعل لهذا البوست ، معارك استعملت فيها
كل أسلحة الميدان الثقيلة ،
ما زلنا نأمل أن يبقى السمحين في هذا المكان
لأنه لنا جميعا،
اللهم اهدنا وعافنا، وخلصنا من أدراننا.
الإحترام مبذول.
| |
|
|
|
|
|
|
|
|
|
Re: السمحات في المنبر .. والسمحين. (Re: عزاز شامي)
|
عزاز
Quote: محمد المرتضى، يخضر ضراعك ... نكأت بدعوتك شوقا لصنوف كتابات كنا نشد لها الرحال اسفيريا
و نقتطع من وقت ممحوق فاقد البركة شان نرطب الروح في ظل فكر جديد ننتبع منابعه، أو فكر عرفناه فنستزيد ....
السماحة كما قلت ولا أزيد، هي ما تسبغ الروح على المحسوس الملموس من الصفات،
فتهدأ نفسك في حضرته و ترتفع درجة في صفوف الانسانية
السماحة يا محمد هي تلك الأصيلة لا الدخيلة و بنت اللحظة أو الموقف،
هي السماحة الضاربة بجذورها في الروح و خيارات الحواس من بعد،
تراها في اختيار المفردات ...
تتنادى السماحة فيما بينها فتراها جماعة تورد موراد النبل اينما كان
ومصطفة كتفا بكتف في مواضع العدل ...
لا تتبع عورات لتكشفها، ولا تبذل مدحا في غير موضعه ولا ذما فاحشا
يسد طريق التسامح إن نادى المنادي يا "تصالح" ...
الناس السمحة يا مرتضى مشغولة بحالها و مآلها و منقلبها إن حان وقت الرحيل
مشغولة في تجويد وجودها، ترى عيوبها وتصفح عن عيوب الآخرين
لنفسي ابكي لست ابكي لغيرها **** لنفسي من نفسي عن الناس شاغل*
السماحة، كباقي زمرة القيم و الاخلاق قيمة متغيرة وأن ران عليها الثبات في الاصل،
وأخشى ما أخشى كثرة استغضاب الناس السمحة ، فتقد السماحة بكارة حلمها، و تستيقظ في النفس
صفات الحيوان الأخرى من انتقام و صرعة ونصبح في يوم ما متساوين في السوء وإن اختلفت
الاسباب .... فـ (كم هادئ بالعنف ثار) ...
وفي أمر السماحة يطيب الحديث و الاستماع، فواصل و خفف عنا يا المرتضى |
...
Quote: تهمنا المرأة المغنسيوم التي تشع من الداخل ، كما قال أحدهم،
ديل هن السمحات يا شيقا.
إنت موديني وين يا الطيب؟ |
هو انت يا عزاز اختي
مرتضي
موديك لتنقب معي عن مثل هذه المواجع والمرارات
فرحم الله رجلا سمحا اذا باع سمحا اذا اشترى وسمحا اذا اقتضى
لكما منى اطيب الاماني
| |
|
|
|
|
|
|
|
|
 Re: السمحات في المنبر .. والسمحين. (Re: Muna Khugali)
|
Quote: السمحات والسمحين في المنبر ما بيدسوا..
تقابلهم تفرح..
تقرا ليهم تستمتع..
تشوف اسمهم في المنبر ترتاح وتشعر بالجو سمح..
وتطمن وتبقي انت ذاتك سمح بسماحتهم.. |
اها في سماحة اكتر من كدة..!!
ياخ انتو فتو السماحة ذاتا..!!
| |
|
|
|
|
|
|
|
|
|
Re: السمحات في المنبر .. والسمحين. (Re: jini)
|
سلامات يا مرتضى
تجفيف الحضور الفضائي والعودة الى عالم الكتب الجميل
هي مصيرنا جميعا.. رحلة من المتحول الى الثابت
ولكن الذين قابلناهم هنا وشكلوا لنا بعدا انسانيا محبا
سيكونون دائما في حياتنا
انت من انبل واسمح من التقبت بهم هنا
مودتي التي تعرفها
| |
|
|
|
|
|
|
|
|
|
Re: السمحات في المنبر .. والسمحين. (Re: طارق جبريل)
|
كل من يفتقدك زول سمح..
بالأمس فقدتك بالحيل يا مولانا
(طربت) و هي كلمة لاهلنا الكواهلة تفيد الاقتراب أو دنو الشئ
و هي غير طربت وعادني ما يشبه الاحلام من ذكراك و إن تشابه المعنى
فلذكراك طرب يا شقيق!.."طربت" اسائل عنك آذارا !
هذا و الاشواق.
| |
|
|
|
|
|
|
|
|
|
Re: السمحات في المنبر .. والسمحين. (Re: saadeldin abdelrahman)
|
Quote: أعرف أناسا في هذا المنبر يتمتعون بانضباط غريب في
الوقت الذي يمكنهم أن يشتموا بأربعة لغات حيّه إن أرادوا، ليس ذلك وحسب بل بمقدورهم
، بأي واحدة من تلك اللغات ، أن يوجه سبابا ولايعرف المتلقي ما إذا كان الكلام مدحا أو قدحا،
لكنهم لم يسبق أن فكروا في ذلك فقط لأنهم أقوياء سمحين ومتسامحين ومن الخطأ أن يفهم
تأدبهم على غير ذلك.
|
مولانا ،
""للسمحين معاك ،
ماخليت سماحة""
عوداً حميداً.
تحياتي
| |
|
|
|
|
|
|
|
|
|
Re: السمحات في المنبر .. والسمحين. (Re: dardiri satti)
|
محمد ايامك نديه
لله در الشاعر الذى قال:
والذى نفسه بغير سماحة لايرى فى الوجود شئيا سميحا
بس ده زول سمح جدا الذى تمثل الكثيرين..
وحاتك فى ناس هنا سماحتهم تعادى...
يعنى الواحد تقرأهـ بس طوالى منك وليك تصبح عندك
انفلونزا السماحين....
دحين امسك فى ديل قوى انفلونزا خنازير واحدة بتجيك مافى،،،،
| |
|
|
|
|
|
|
|
|
|
Re: السمحات في المنبر .. والسمحين. (Re: صديق الموج)
|
لا تتبع عورات لتكشفها، ولا تبذل مدحا في غير موضعه ولا ذما فاحشا
- عزاز-
هذا ياعزاز ما نادت به كل الأديان ،
من أهم الإشارات في حديثك - وكله هام - أن نجعل كلماتنا لينة ( لاحتمال
الإضطرار إلى ابتلاعها يوما) كما يقال، فالكلمة لاتموت ، وهي كالرصاصة لاتعود،
قال لي صديق أنه التحق بالمنبر لأسباب عدة أرى أنها جميعها معقولة وجميلة ،
قال لي أنه بدأ يفكر في ترك هذه المساحة لأنه أصابته إساءة في شخصه من
عضو لم يسبق أن التقاه في الحياة، فقط بلغته الإساءة بسبب رأي أبداه
في شأن عام.
أضاف ، أنه لايريد لأبنائه أن يقرأوا أن أباهم يشتم في المنبر بسبب رأي
أبداه في شأن عام.
حديثه كان عجينة من المرارة والأمل والخوف والترقب والأسى.
الزول دا يا عزاز ما كان عايز يمشي لأنو المنبر أصبح أحد أصدقائه
وفي الوقت نفسه لايستطيع أن يتحمل مجرد فكرة أن هذه المساحة يمكن
أن يهان فيها فقط بسبب رأي في شأن عام ،
توقف ذلك الصديق عن الكتابة هنا رغم أنه كا من الأقلام المفيدة
باعتباره شاهد عصر على أنظمة منها الفريد في (عصرو).
يحفظك مولاي.
| |
|
|
|
|
|
|
|
|
|
Re: السمحات في المنبر .. والسمحين. (Re: saif addawla)
|
Quote: لولا من عنيتهم من سمحين وسمحات ورصينين ورصينات كنا هجرنا المنبر
( طبعا بدون اعلان لانه لا باكيا علينا ولا متأسفا ) حتى من خانة القراء . |
مولانا سيف الدوله،
تسلم يا عزيز،
لاشك أن السمحين هم الذين يحفظون التوازن في المنبر كل بأسلوبه
وإسهاماته وأنت من الذين أسهموا بقدر محترم في جانب متخصص عن
حقائق القانون والقضاء في السودان لتجربتك الطويلة في ذلك السلك
وما زلنا ننتظر إسهاماتك التي تلقي الضوء على ذلك القطاع الهام.
المغادرة بإعلان أو بدونه غير واردة أصلا،
يا زول استغفر وقوم صلي ركعتين.
فايتاك ركعة.
| |
|
|
|
|
|
|
|
|
|
Re: السمحات في المنبر .. والسمحين. (Re: صديق الموج)
|
الزول السمح محمد المرتضى
| Quote: تهمنا المرأة المغنسيوم التي تشع من الداخل |
ياخي الجملة دي عجبتني عجب؟؟؟؟
الزول البيشع من دواخله ... دا زول غاية في الجمال والسماحة
لكن غالبا سماحته بتكون زي عروق الماس... جووووووووووه
إلا تنقب عنها بمجهودكبير
لكن يومك التلم فيها.... ألله أداك
سماحة الطبع والروح... سمحة بلحيل
| |
|
|
|
|
|
|
|
|
|
Re: السمحات في المنبر .. والسمحين. (Re: Ishraga Haimoura)
|
Quote: ياخي الجملة دي عجبتني عجب؟؟؟؟
الزول البيشع من دواخله ... دا زول غاية في الجمال والسماحة |
العباره دي يا إشراقه قريتا زمان وأخذتها على علاتها الكيماوية العلمية
وعلى جمالا الرومانسي ، أصلو في حاجات كتيره جميله في معناها لكنها
تسقط في اختبار العلوم التجريبية ونحن ماعندنا أي علاقة بالعلوم
التجريبية الواقعية ، يا سلام على اللي قال الخيال أجمل من
الواقع لأنه يحلق بك إلى ما وراء السدم والواقع لا يتخطى
باب غرفتك.
| |
|
|
|
|
|
|
|
|
|
Re: السمحات في المنبر .. والسمحين. (Re: jini)
|
Quote: Quote: والسماحه شعور يتنقل في الداخل لا علاقة له بتفاصيل
عضوية مادية
ويقابله
Quote: الشباب حالة شعورية وليست مرحلة عمرية |
يا جني ، إن كنت فهمت المقاربة على النحو الساخر أقول
أن لفظ السماحة - في كل الحالات - يخاطب الداخل، هسه
سألتك بالله الزول المليح وبايخ بتقدر تقعد معاهو دقيقتين؟
نعم ، الشباب حالة شعورية ولا يمكن البتة أن تُعد المقولة
جسرا لإغفال ماورد في شهادات الميلاد والوثائق الرسمية ،
فهذه حررت لأغراض أخرى كما تعلم ، لكن ما يهمنا من المرء
سلوكه تجاهنا.
كنت كتبت بوست بعنوان ( زول سمح) عن الفنان محمد الأمين
الذي أضاء دواخلنا ولم يترك لنا خيارا غير أن نراه وسيما
عديييل كده يا جني.
تسلم يا عزيز.
| |
|
|
|
|
|
|
|
|
|
Re: السمحات في المنبر .. والسمحين. (Re: Muna Khugali)
|
(إن المليحة من تزين حليها ______ لامن غدت بحليها تتزين)
والله يا منى الشاعر دا قاصد السماحه القاصدا.
Quote: السمحات والسمحين في المنبر ما بيدسوا..
تقابلهم تفرح..
تقرا ليهم تستمتع..
تشوف اسمهم في المنبر ترتاح وتشعر بالجو سمح..
وتطمن وتبقي انت ذاتك سمح بسماحتهم.. |
لهذا كانت مناشدتنا إياهم أن يبقوا بيننا.
| |
|
|
|
|
|
|
|
|
|
Re: السمحات في المنبر .. والسمحين. (Re: محمد المرتضى حامد)
|
وليم أندريه،
ناس الزمن السمح،
أتمنى أن تعود للمشاركة،
الذين يريدون أن يتفق الناس معهم وإلا فالناس أراذل
والذين تبنوا مقولة (بوش) من ليس معنا فهو ضدنا
عليهم مراجعة النفس أو الإلتحاق بنادي المرايا،
فالمرايا تتبعك وتقلدك ولا تخالفك.
أدينا من السمح يا وليم.
| |
|
|
|
|
|
|
|
|
|
Re: السمحات في المنبر .. والسمحين. (Re: عبدالحافظ عثمان)
|
عمدتنا، على الأقل ضِمنت إنك قاعد رغم بطني الفايره عليك ،
ضمنت كوجان أمبارح فقط،
الله يغيزكم ،
عارف يا عماد، زي ما قالت د.نجاة ،
المنبر ده عزيز لأنه لولاه كان في ناس سمحين ماعرفناهم،
كانوا ، فيما يخصنا ، فكرة في خاطر الزمن بس ما أكتر،
المنبر أضاف لخلايانا وإنسانيتنا وكيفية ممارستها،
ممكن الناس ديل يمشوا ونتأقلم على ذلك ، وكما قال أحدهم
إن الإنسان يمكنه أن يتأقلم حتى في الجحيم والعياذ بالله،
لكن الإقامه بتبقى صعبه، صعبه جد يا عماد،
ياخ (أضمن ) لي كم واحد معاك والفالت كوجان،
__
قد تباين الناس بتعريفه ومعرفته مثلما اختلفوا بتمجيده ومحبته ...
هو ما كان بنفسك جاذِب اليه ،هو ما تراه وتودّ أن تعطي لا أن تأخذ ،
هو ما شعرتَ عند ملقاه بأيدٍ ممدودة من أعماقك لضمِّه إلى أعماقك ...
هو أُلفة بين الحزن والفرح ...
هو قوة تبتدىء في قدس أقداس ذاتك وتنتهي في ما وراء تخيُّلاتك
...إن الجمال نصيب المتألمين...
جبران (سمحين) جبران
| |
|
|
|
|
|
|
|
|
|
Re: السمحات في المنبر .. والسمحين. (Re: الطيب شيقوق)
|
Quote: الحمد لله من قبل و من بعد
ألف مبروك الشفاء و عودة العافية
نتمنى على المولى أن يشفى كل مرضانا |
ياحماده انت من اسمح الناس في المنبر
اسه يجيك حسين ملاسي ويقوليك انا زاتي بعد ده بقوليك ياحمادة
هههههههههههههه
بوست موفق اخي محمد
| |
|
|
|
|
|
|
|
|
|
Re: السمحات في المنبر .. والسمحين. (Re: Shihab Hamadnala)
|
Quote: الذين قابلناهم هنا وشكلوا لنا بعدا انسانيا محبا
سيكونون دائما في حياتنا |
نعم ، أصبحوا بعضا منا يا نجاة ، لذا كثيرا ما نجد لهم
العذر حتى لو لم تتوفر مكوناته ولم تتح أرضيته ، إلا أن
من يشتط ويتعدى كل الخطوط الأحمر منها والبصلي
والفوشي ،
الفوشي دا شنو؟
فلابد أن ننبهه إلى أن المسألة ليست كما يراها سباقا
ساذجا لإثبات الذات بتقزيم الغير ، ضعفي لايمكن أن
يكون مصدر قوة لمحاوري إلا إذا كان هو في الأصل
ضعيفا يا سيدتي ، الكثير من المعارك الدونكشواطية
- وليس الحوار الواعي _ التي تدور هنا تبعث على
الأسى ولم أشهد فيها نصرا لطرف أو إضافة لي كقارئ ،
بعضنا ينتظر هفوات وسقطات بعضنا عوضا عن تصحيحها
برفق وسماحة تثري عقولنا بدلا من أن تسحل ما تبقى
من ركام القلب في الحنايا .
هو القلب ذاتو فضل فيهو شئ يا نجاة؟
قيل(الشمعة لاتخسر شيئا إذا ماتم استخدامها لإشعال شمعة أخرى)
| |
|
|
|
|
|
|
|
|
|
Re: السمحات في المنبر .. والسمحين. (Re: محمد المرتضى حامد)
|
يا سعد،
يا سعد السمح،
بعادك طال،
يعني كان ما جبنا سيرة السماحة ما بنشوفك،
ياخ من بوست زول سَمِح .. وانت غافل عننا،
نحن مسامحنك يا عزيز.
__
وأنا أمارس سطوتي، وأنا
أثور علَى أنا .. بأنوثتي، وأنا
أحاور مقلتيك وأختفي .. ببراءتي
وأنا أشد على يديك برِقَّتي
وتُلح في هذا السؤال ( أَرَدتِنِي؟)
خجَلِي يهُمُ يصدني
وأظل أنتظر الكلام على فمي
أظل، كم أحببت فيك تكلُّمِي
وتكون كل الناس أنت ، ولا أرى,
إلا يديك وقد هَوَت بهما يدياي لِتَحتَمي.
حنان مرتضى
| |
|
|
|
|
|
|
|
|
|
Re: السمحات في المنبر .. والسمحين. (Re: محمد المرتضى حامد)
|
Quote: طارق جبريل يا (طُلبَه)،
هاك أبيات أحد عمال النظافة ، فضيلي ود جماع |
الزول السمح شديد مولانا محمدالمرتضى حامد..سعدت جدا أن يتم استيعابي- ودون مقابل برضو- في وردية عمال نظافة بهذا المنبر. ويا صديقي تعلم كم أغبطك على إعمالك حاسة يندر توفرها لسواك في منبرناهذا: أعنى مقدرتك الفائقة - ما شاء الله - في إعداد وجبة تشبع الروح وتعين على محو التخمة وسوء هضم ما يطفح متخثرا في وحل البورد.
كن كما أنت دائما يا زول يا سمح ليتحلق حولك السمحين والسمحات في هذا المنبر.. وهم بالمناسبة كتار.. بس الكتاحة في المنبر ما خلت لأنسام الفجر خرم إبرة.. (وش حردان)!!!!
| |
|
|
|
|
|
|
|
|
|
Re: السمحات في المنبر .. والسمحين. (Re: حيدر امين)
|
أستاذنا الدرديري،
عارف يا درديري ، في ناس بيذكِّرونا ناس زهير بن أبي سلمى
وحكمهم الجميلة يوم قالوا عن الحروب (الجد جد) :
متى تبعثوها تبعثوها ذميمة
وتضر إذا ضريتموها فتضرم
بعض خلايق الله فاكرين اللسان السليط محمده،
الله يهدينا ويهديهم.
| |
|
|
|
|
|
|
|
|
|
Re: السمحات في المنبر .. والسمحين. (Re: حيدر امين)
|
حيدر أمين،
سيف الدوله عارف إنو الناس محتاجين ليهو هنا عشان كدا
من وقت لآخر بيهددنا بالمغادره، قلت ليهو الكلام المكرور
المسيخ من عينة ( المنبر فيهو كل أنماط البشر) وروق
عسى العواصف الشمسية تهدأ وناس (هناي وهناي) تبرد خواطرم.
حيدر، موقع النادي فيهو حاجات ممتازه يا ريت لو بكري أبوبكر
يعملا لينا هنا.
شكرا يا العزيز على اهتمامك .
| |
|
|
|
|
|
|
|
|
|
Re: السمحات في المنبر .. والسمحين. (Re: Shihab Hamadnala)
|
| Quote: و ممثلا للطرف الثانى |
شهاب،
الطرف التاني برضو سمح لكن الوضع هنا كحال
الطقس، فربيع النفس غير صيفها، الناس مرات
ببقوا زي الأطلس في النشره الجويه، يوم في
في 55 ويوم تحت الصفر.
بس إنت ديما ربيع الدنيا،
يا معنى الجمال.
تحايا نيابة عن عوض أحمد خليفه.
| |
|
|
|
|
|
|
|
|
|
Re: السمحات في المنبر .. والسمحين. (Re: وليد عبد اللطيف)
|
| Quote: اسه يجيك حسين ملاسي ويقوليك انا زاتي بعد ده بقوليك ياحمادة |
وليد سلامات،
تعرف أصلو حسين شايف خلقتي من زمن الجامعه وعارف إنها ما لافقه
مع (حماده) دي ، ناس (حماده) في الغالب بيكونوا ناس وجيهين (حسب
الشايفنو).
تسلم يا أبا خالد.
| |
|
|
|
|
|
|
|
|
|
Re: السمحات في المنبر .. والسمحين. (Re: محمد كابيلا)
|
خيــول القصيــد
وأسرج فجراً خيول القصيد
لتركض صوب فضاء جديد
وتنشق في الفجر أنسامـه
تـيـمّـم آفاقـــه لا تحيــد
وتنشط إذ ما شـدا طيره
فيسكـر تحنانها للمزيــد
وتطرب إذ ما تخـب معاً
تــردد إيقاعهـا أو تـمـيد
فعنـد التداني لهـا رقــة
رشيق تمخطرها أو وئيـد
وعند التسامي لها سرعة
وعدو وطرف وخطو جهيد
تطـلّ بشائـر أعـرافهـا
ويحلـو التثنّي ذراعاً وجيد
أســوق عزائمها غــدوة
وأدفعهــا بمضـاء سديـد
إليـك, أسلّـم .. أشواقهــا
يزفّ نداهـا فـؤاد سعيـد
وإذ تحتفيـن بصـولاتهــا
هنيئا لقلبي فـذا اليوم عيـد
| |
|
|
|
|
|
|
|
|
|
Re: السمحات في المنبر .. والسمحين. (Re: أحمد الشايقي)
|
صديق ... الموج بيهدم كل نكد يمر بالحِته دي،
حقيبه وسياسه وكوره وبِكا ( ما حار شديد) برئ و benign ،
وزي ما قلت ليك في رمضان يا موج ، زولا ما بكاي أصلو مازولي،
بوستاتك العابرة للغارات مزيلة للرمد الربيعي واحتشاء عضلة
القلب البيقول عليها عماد عبدالله ، بس ناسك في السياسه فشّلونا،
(سلفا) بعد أن ظننا أنه مضاد حيوي أشّر شمال ولفّ يمين،
فشلتونا يا موج ، الله يغيزكم يا حبيب ويحصِنكم ضد كل ألوان
الإنفلونزات بما فيها انفلونزا المسامير.
| |
|
|
|
|
|
|
|
|
|
Re: السمحات في المنبر .. والسمحين. (Re: محمد المرتضى حامد)
|
والله السمحين في الدنيا دي انت سيدهم يا فنان
و اوعكـ تحسبني منهم .. انا فيني واحدة من آيات المنافق
(آذا وعد اخلف) و انا اخلفت حتي الان في وعدي ليكـ
و إنشاء الله اقدر انجز وعدي و اجيكـ
بوستاتكـ بتطرد الملل من الصفحة الاولي يا المرتضي
شكرا كتير
| |
|
|
|
|
|
|
|
|
|
Re: السمحات في المنبر .. والسمحين. (Re: أحمد الشايقي)
|
بالله يا أخوانا أسمحوا لي أتخطى الصفوف عشان أختنا الجندريه دي
قالت ساجه ولاجه sacha & lacha , يعني (ضهبانه) ودايره تدخل
في الصوره،
يا الجندريه المدخل كان مقطوعه موسيقيه يابانيه أحسست أنها تنفع
في رتق الحجاب الحاجز وما جاوره ( منطقة العملبات) وكنت أتمنى أن
أفتتح البوست ب ( روشته) كتبها أحد أطباء القلب المشهورين السمحين
بادي محمد الطيب حين يبز كريستيان برنارد ومجدي يعقوب ومنتجات
جلاكسو وأسترا زينيكا و (يقوقي) ب ( نظره يا السمحه ام عجن) ..
لكن تقولي شنو.
ياهو حظي الزي لون هضليمك...
يا نعيم الدنيا.
| |
|
|
|
|
|
|
|
|
|
Re: السمحات في المنبر .. والسمحين. (Re: محمد المرتضى حامد)
|
الاخ محمد المرتضى سلام
انا حالى مع الجندرية و بلسانها حالها ايضا
الاخ مجدى قلت
Quote: والله ياودالمرتضي ,,
الزول ده لا شفناهو ولا اشتغل بينا الشغلة,,
وحاولنا المستحيل عشان بس نسمع صوتو,,
طنشنا وفتح لينا !!
شكلو مركب مكنة مشهوور حمانا الله واياكم !!! |
لو قرشى حبيب فك الطناش و طلع من حالة الشهورة (وهو ابعد منها اخلاقا عندما تركتة و اظنه لازال
فهذا رجل نحسن الظن فيه دوما)
بلاهى سلم لى عليهو سلام سمح بالحيل حق خوة ومحبة وشوق فايت الحد
| |
|
|
|
|
|
|
|
|
|
Re: السمحات في المنبر .. والسمحين. (Re: عادل عبدالعزيز عبد الرحيم)
|
العزيز محمد المرتضى
والله دا ياه الكلام السمح البفش الغباين
اسع مرات كتيرة الواحد بسأل رويحتو دي
ويقول يجماعة الدفسيبة المقومنة الناس الهنا ديل في أم كم
هي الدنيا كان الواحد اداها نظرة ساكت كدي بتساوي شنو
ما اخرتا كوم تراب زي مابقولوا اهلي
مع انه اسع الجماعة بقولوا المقولة دي ماصحيحة
لكن في النهاية بتدي الغرض
اخوي محمد امش في الدرب
دا
وقشة متعتر ليك
طلب لود شيقوق
يمكن بعض المفردات ماتقع لي ناس الشهادات العربية
رجاء خاص ممكن تترجم ليهم
تحياتياسامة
| |
|
|
|
|
|
|
|
|
|
Re: السمحات في المنبر .. والسمحين. (Re: فيصل محمد خليل)
|
Quote: السماحة كما قلت ولا أزيد، هي ما تسبغ الروح على المحسوس الملموس من الصفات،
فتهدأ نفسك في حضرته و ترتفع درجة في صفوف الانسانية
السماحة يا محمد هي تلك الأصيلة لا الدخيلة و بنت اللحظة أو الموقف،
هي السماحة الضاربة بجذورها في الروح و خيارات الحواس من بعد،
تراها في اختيار المفردات ...
تتنادى السماحة فيما بينها فتراها جماعة تورد موراد النبل اينما كان
ومصطفة كتفا بكتف في مواضع العدل ...
لا تتبع عورات لتكشفها، ولا تبذل مدحا في غير موضعه ولا ذما فاحشا
يسد طريق التسامح إن نادى المنادي يا "تصالح" ...
الناس السمحة يا مرتضى مشغولة بحالها و مآلها و منقلبها إن حان وقت الرحيل
مشغولة في تجويد وجودها، ترى عيوبها وتصفح عن عيوب الآخرين
لنفسي ابكي لست ابكي لغيرها **** لنفسي من نفسي عن الناس شاغل*
السماحة، كباقي زمرة القيم و الاخلاق قيمة متغيرة وأن ران عليها الثبات في الاصل،
وأخشى ما أخشى كثرة استغضاب الناس السمحة ، فتقد السماحة بكارة حلمها، و تستيقظ في النفس
صفات الحيوان الأخرى من انتقام و صرعة ونصبح في يوم ما متساوين في السوء وإن اختلفت
الاسباب .... |
دى السماحة ولا بلاش
| |
|
|
|
|
|
|
|
|
|
Re: السمحات في المنبر .. والسمحين. (Re: الطيب شيقوق)
|
اسامة
كيفنك
Quote: طلب لود شيقوق
يمكن بعض المفردات ماتقع لي ناس الشهادات العربية
رجاء خاص ممكن تترجم ليهم
تحياتياسامة |
كدى يا اسامة نجرب ليك
Quote: والله دا ياه الكلام السمح البفش الغباين
اسع مرات كتيرة الواحد بسأل رويحتو دي
ويقول يجماعة الدفسيبة المقومنة الناس الهنا ديل في أم كم
هي الدنيا كان الواحد اداها نظرة ساكت كدي بتساوي شنو
ما اخرتا كوم تراب زي مابقولوا اهلي
مع انه اسع الجماعة بقولوا المقولة دي ماصحيحة
لكن في النهاية بتدي الغرض
اخوي محمد امش في الدرب
داوقشة متعتر ليك |
بسم الله الرحمن الرحيم عايز اشرح لك يا اسامة ان شاء الله ما تكون من النوكياب
الكلمات الصعبة
1 - بفش - وتعنى ينفّس ومنها الفشفاش
2 - الغبائن - جمع غبينة ومثناها ( غبينتان) - اوع الجكس يفهما هايلوكس - وتعنى الزعل
3- الدفيسيبة - تصغير دفسيب وتعني التراب المجوبك كيمان كيمان
آخرتا كوم تراب - يعنى تتقدل فيها وتقول يا دنيا ما فيك الا انا وتمشي وتعاين لضلك وتمشي وتعاين لصورتك في المرايا واخرتا تتلحس
| |
|
|
|
|
|
|
|
|
|
Re: السمحات في المنبر .. والسمحين. (Re: الطيب شيقوق)
|
| Quote: سعدت جدا أن يتم استيعابي- ودون مقابل برضو- في وردية عمال نظافة بهذا المنبر. |
فضيلي،
أجركم أنتم أيها الشعراء مدفوع بمزيد من المحبة من أناس يتموضعون
عند ناصية القلب ، شكرا يا سيدي أن جئت لتحدد لنا المسافة بين الزبد اليذهب
جفاء وبين (حظ من يهواك عاثر).
يا فضيلي السجيل، الكتاتيح البتقوم هنا في زمن التحاريق لا أجد لها مبررا معقولا
وكثيرا ما أصرف الإعتقاد بأنها تعبر عن دواخل أهلها لأن تلك نتيجة لها ما يتبعها،
لكنني أحاول قدر المستطاع أن أذكِّر نفسي بعيوبها وأن أجد العذر لمثيري تلك الأعاصير
في مقولة بابلو نيرودا ( إذا كانت كلّ الأنهار من مياه عذبة، فمن أين يأخذ البحر ملحه؟)
شايف التشبث وصل وين؟
الله يديك العافيه في (شارع القبة) وكل الشوارع المتفرعة على الفؤاد.
| |
|
|
|
|
|
|
|
|
|
Re: السمحات في المنبر .. والسمحين. (Re: محمد المرتضى حامد)
|
تعرف يا مرتضى البوست ده اول ما نزل شفتو
ولاني اعلم انك ترمي سهاما بعيدة
تصيب الظباء بالهوى ولكن تقتل افئدة ناس الطيب شيقوق
وكنت امني نفسي بلحظة صفاء عشان اقد اتجع في البوست ده
لكن نعمل شنو
الجمال يا مرتضى الاصلي في امدرمان
محبتي
| |
|
|
|
|
|
|
|
|
|
Re: السمحات في المنبر .. والسمحين. (Re: كمال سالم)
|
دكتور محمد حسن
وين الحال بيك والله فاقدنك وقربنا نناديك زى مناداة ناس مطار دبي للمسافر الضهبان
Quote: ولاني اعلم انك ترمي سهاما بعيدة
تصيب الظباء بالهوى ولكن تقتل افئدة ناس الطيب شيقوق
وكنت امني نفسي بلحظة صفاء عشان اقد اتجع في البوست ده |
وحياتك الراجل دا حد سبر اغوارو غيرك مافي - ات عارف سهامو بعيدة المدى لل.... وقريبة المدى لأفئدتنا
لكن نعمل شنو
تعال اتجدع بس ومحل رهيفة تنقد
الاخ كمال سالم
يا اخي الف حمد الله على السلامة - قالوا ادوك عين سااااااى علا ادمانك للمنبر دا انا عارف اكان حبيان بركبيك بتصلوا
انا حصل جاني مرض اقعدنى زيك كدا - انقر عملت شنو؟ بدخّل اللاب توب معاى جوووووووة في البطانية واروح متجدع
Quote: | Quote: أحب ( ناسنا ) زاتهم ,, |
|
أحب مطار هثرو ذاتو
| |
|
|
|
|
|
|
|
|
|
Re: السمحات في المنبر .. والسمحين. (Re: كمال سالم)
|
| Quote: أحب ( ناسنا ) زاتهم ,, |
الحبيب إبن الخالة كمال،
والله يا كمال بركه في الشوفه،
لم يخطر ببالي أني سأندم على
(قفل) بوست كما ندمت في حالة
(ناسنا)، لحظت يا كمال أني
من رواد الباكين على
الماضي لدرجة سالبة حالت دون
التطلع من نافذة الحاضر لأرى
المستقبل، if any ، وكان يوم
جا زميل وقال لي أنت رجل يعيش
في الماضي حا أقول ليهو صدقت.
هل كان البشر بكل تلك الطهارة
التي تشدنا إلى عصرهم؟
__
داخل النص:
ياخي بعد الشر عليك،
إنت يا كمال الدوحه دي لا بخور تيمان
لا جردقه لا حرجل؟
| |
|
|
|
|
|
|
|
|
|
Re: السمحات في المنبر .. والسمحين. (Re: د.محمد حسن)
|
| Quote: الجمال يا مرتضى الاصلي في امدرمان |
د. محمد حسن،
قلت لي ظباء مكة صيدهن حرام فمن الذي أباح دمي؟
الله يرحمك يا محمد المنسي قنديل،
زمن يا محمد،
شوف يا سيدي، موضوعنا عن السماحه،
والله يا محمد لقينا ناس جميلين شكلا لكن
ماممكن تقعد معاهم دقيقتين، في أمدرمان
أو طاجكستان،
الناس السمحين ديل بيتوهطوا فيك بالتدريج ،
كل يوم وتد ، ثم يكتمل نصب الخيام،
وديار كانت قديما ديارا،
ما تلخبت يا محمد.
| |
|
|
|
|
|
|
|
|
|
Re: السمحات في المنبر .. والسمحين. (Re: اسامة دفع الله ابوالحسن)
|
Quote: صنفرتو المنبر بليفة سلك جلاى
خليتوه يلمع من الصفحة الاولى الى الصفحة الاخيرة |
أعمال الصنفره تقوم بها الأقلام الجميلة يا عادل ربنا يديما لسيادا عشان يمتعونا،
نتمنى ناس الصنفره وعمال (النقاشه) والنظافة يدونا معاهم إيد عشان الناس اللي قال
عنهم اسامه دفع الله ( يفشوا) غبينتم بالشكل الإيجابي ، هي نظرية الإزاحة بتاعت
أرشميدس Archimedes ، فحجم السماحه المغمور في المنبر يكافئ حجم متلفات
الأعصاب المزاحة.
صابحني دايما مبتسم.
| |
|
|
|
|
|
|
|
|
|
Re: السمحات في المنبر .. والسمحين. (Re: اسامة دفع الله ابوالحسن)
|
Quote: اسع مرات كتيرة الواحد بسأل رويحتو دي
ويقول يجماعة الدفسيبة المقومنة الناس الهنا ديل في أم كم |
والله يا أسامه ، منذ مدة أطرح ذات السؤال بيني وبيني ولا إجابات شافيات،
يا عزيز، من المفارقات أن بعضهم كان في خندق التطرف وظننا أنهم لعصبيتهم
سيكونون من الجماعه اللي بنشوفم في المسلسلات ( القوازه دي مش حاتتم إلا
على جثتي) ومع ارتفاع المهر كانوا هم من أجرى ( القوازه) والعكس صحيح.
عساهم ما يستثنونا ونكون مع المعزومين يا أسامه.
| |
|
|
|
|
|
|
|
|
|
Re: السمحات في المنبر .. والسمحين. (Re: Siham Elmugammar)
|
| Quote: بلاهى سلم لى عليهو سلام سمح بالحيل حق خوة ومحبة وشوق فايت الحد |
يا بت المجمر ،
ود القرشي قرا الكلام براهو ،
وقال لي سهام سلم لي عليها،
بمساحة تفوق فدادين الهم الفي القلب محكّر،
ما تقولي ضهبانين يا سهام ، القرشي القال
الكلام دا د. أحمد القرشي عبدالرحمن
( منسوب النيل الأزرق) و (منسوب) دي بيقولوها
ناس السعوديه في إشارتهم إلى جهة العمل ،
والنيل الأزرق لم يعد نهرا كما كان في الذاكرة
تليعا فقد تحول في زمن الفضائيات الماسخ إلى قناة.
شكرا يا بت المجمر وسلامك ، أيا كان عنوانو ،
لقرشي حبيب ولأحمد القرشي وصل ،
السلام السمح يا سهام السلام.
| |
|
|
|
|
|
|
|
|
|
Re: السمحات في المنبر .. والسمحين. (Re: أحمد الشايقي)
|
عارف يا خدر ، لما تقول لي جاي مسقط شهر اربعه .. تلقاني
أشخِّت في الحيط أحسب الأيام زي مسجون الجنايه بتاع رمية
عاصم داك الكتبا عمو الفرجوني .
تجدني أراجع الدياري ( الأجنده) ، فرحان بيك أحدث زول وادس من زول
على قول ودالمامور ، نظام طارق مفاجأة ، أفرش الخاطر جديد و
( أعد مفتخر الثياب) if any .
الله يجازيك ،
عندي واحد صاحبن لي فنان زيك كدا يجي مره ويخلف ألف.
سوِّي الدايرو يا ( الزول الولوف ال لي قلبي خلاّب) ..
ولي طبعي خرَّاب.
| |
|
|
|
|
|
|
|
|
|
Re: السمحات في المنبر .. والسمحين. (Re: أحمد الشايقي)
|
هنيئا لقلبي فـهذا اليوم عيـد،
يا مولانا أحمد، الليله الجمال ( حرّك علي دولابو) ،
والله يا الشايقي نحاول أن نستحث أقلام الحليب كيما تعود إلى هذه المساحة التي لم تسلم من ظاهرة النينو،
لانلوم أحدا لكن البعض أصبح يتحسس قوارب النجاة واتجاه المخارج.
شكري لاستجابتك للنداء يا سمح يا زين.
| |
|
|
|
|
|
|
|
|
|
Re: السمحات في المنبر .. والسمحين. (Re: محمد كابيلا)
|
| Quote: رغم أن البوست يستهدف فئة محددة فى المنبر |
صدقت،
وأنت منهم يا كابيلا،
يا محمد ، عندنا واحد هنا قصير القامة
مكتنز الجسم وأصلع ، ينادونه كابيلا،
ظني أن اللقب أتاك من الوصف السياسي
الإنقلابي وليس الوصف الجسماني،
بيني وبينك (سي سيسيكو) كان كارثه.
تسلم يا العزيز.
| |
|
|
|
|
|
|
|
|
|
Re: السمحات في المنبر .. والسمحين. (Re: محمد طه الحبر)
|
محمد المرتضى تحياتي لك و لضيفاتك و ضيوفك هنا
| Quote: أهل السماحه ، يا محمد ، لهم مدار خاص ومذاق متفرد ، |
أهل السماحة كشيوخ الطرق الصوفية ، كل له مريديه ينظرون إليه من ثقبٍ لا يراهم منه إلا هءلاء المريدين ... و لا يقبلون فيهم أي تلميح بغير السماحة .. و مدار أهل السماحة يا عزيزي محمد هو مدار لا يسع إلا أفلاك المريدين تدور حولها في دِعة و طمأنينة ... و لا يقبل أي أفلاك غيرها حتى و لو مجرد مَجَرَّة تسبح في نطاق جاذبيتهااو تقترب منها و لو بمجرد الصدفة.
| Quote: والسماحه شعور يتنقل في الداخل لا علاقة له بتفاصيل عضوية مادية ، |
لحدٍ ما نعم.
و بما أن السماحة شعور داخلي ، فأحياناً يتغذى هذا الشعور الداخلي رحيقاً تفرزه التفاصيل العضوية و المادية ( و بشكل خاص السمات أو البسمة أو روح الدعابة أو الإطمئنان به و الثقة به و إلخ .. )
| Quote: عشان كده الناس البيعطنوا شبكة أحاسيسناوأرواحنا ويغمسوها في نهر الراحه بنشوفم سمحين . |
هذا كلام في منتهى الجمال
| Quote: الحياة تكتظ بالفواجع خارج المنبر والقلق والألم على قفا من يشيل ، فري أون بورد ، والدقائق التي نقضيها هنا ،ربما بشكل يومي، لاتحتمل نقل المتكدس في الخارج من توتر عالي الجوده وألم مفلتر. |
و هذه دعوة صادقة نسندها و نؤمن عليها بشعار ( نحو منبر سمح محاط بالسمحين )
يديك العافية يا محمد .. و أنت من زمرة السمحين و بوست سمح لا شك في ذلك
دمتم
| |
|
|
|
|
|
|
|
|
|
Re: السمحات في المنبر .. والسمحين. (Re: محمد المرتضى حامد)
|
ود شيقوق ... يعلم الله سعادتي باحتفائك بما كتبت،
وهي سعادة تأتي وفي أهدابها خرزات الخوف من التقصير في حسن الظن ...
اعفي لينا التقصير وهنّات النفس الأمارة بالسهو وأنظرنا بعين الصفح المُحبة حين نقصر ...
___________
السماحة يا مرتضى السماحة ...
قضيت سحابة الأمس خارج غابة الأسمنت التي أسكنها و تسكنني
بصحبة رفاق هم السماحة مجسدة ...
على بعد مئات الكيلومترات من المدنية الصاخبة الخاوية
الضاجة بشتى أنواع الأصوات التي لا تعنيني، فليس من بينها
صوت بائع أميزه باسم بضاعته ولا صبي ينادي رفيقه،
ولا ضحكات فتيات يجمعن الفراشات ...
هو ضجيج آلات تدّك الأرض، تلتهم الأزفلت القاتم و تبصقه كربونا رماديا يعلو كسماء أدنى تظللنا
فلا نستبين قمرا ولا نجما في السماء ....
على بعد أميال و أميال من نفوس مخضبة لأخمص أطرافها في القبح،
مرتبطة يبعضها البعض بصلات المصالح و المنفعة،
صلات تذوب سريعا بانتهاء المنفعة، و تعود لتنبت في مكان آخر بحسب الحاجة ...
عدت إلى "الأرض" ..... و "السماء"
أرض برغم حجرها و رملها أحن من وثير الأرائك المطرزة بالزيف ..
بساطة في كل ما حولنا من متع الحياة، بضع مقاعد و سجادتين وقنان ماء
مثلج تكاثفت حولها قطرات الماء من طول الطريق ...
أُناس قادرون على سحب طرف خيط أي سماحة وجدت بين جنبيك و غزله دثارا تلفه حول
روحك المتجمدة من برد الوحدة في غابات الأنفس .... غابت الشمس
في أتون كثبان حمراء، فأحمر باقي الأرض الممتد كخد حسناء خجول،
و ظلت الشمس تنغمس رويدا رويدا بمهل، و الحديث يدور في انسياب،
لا اختلاف، لا تشاحن، برغم الاختلافات الجذرية في الدين و الجنس و اللون
و العرق و الخلفيات الثقافية، ولكن وحّدتهم سماحة إنسانية ...
وغابت الشمس، و فرشت السماء سجادة النجوم و الأكوان الأخرى،
و كضربة ريشة فنان امتد درب التبانة فوقنا، و رفعت رأسي أتابع مواقع النجوم
وأدركت ضآلتنا في هذا العالم ...!!
سرحت بعيدا خلف الشمس، في النجوم و الأكوان الأخرى المحتملة،
ترى أتعد أمٌ ما عشاء في كوكب ما؟
أيتشاجر حبيبان الآن في مجرة ما؟
أيقتتل شعبُ ما في كون ما و تفنى بحربهم أسباب وجودهم؟
و أعادتني جملة قالتها إحداهن:
if you love someone, you must let them be … controlling someone you love is the fastest way to lose them ....
" إذا كنت تحب شخصا ما فدعه يكون كما يود ... فالطريقة الأسرع لخسارة أحد تحبه هي التحكم به"
أي بهاء و سماحة روح هذه؟
محبة مبذولة بلا حدود لمن نحب و احترام خالص لقراراتهم في
أن يكونوا كما يودون و دون أن تنقص محبتنا مثقال ذرة؟
دعوة لترك أنانيتنا في الحب، أي نوع من الحب ...
لا اقتتال في الحب، دعوة قرأتها في مكان ما،
ظننت يومها أنها ضرب من ضروب تأكيد أمر بدهي
إلى أن خضت بحوراً أثبتت لي العكس تماما،
و رأيت أفران حب تذيب المحبوب لتسكه سكا وفق قوالب محددة،
و رأيت العشق، الحب، الأمومة، الصداقة، ساحات حروب يدور
فيها الأطراف في أغلال تكبلهم من أن "يكونوا" كما يريدون...
وبذا ... تقل السماحة التلقائية، وتحل محلها أخرى مبرمجة،
و ننسلخ عن أنفسنا لنرضي من نحب، أو نثور و نخسرهم،
و لا شيء أكثر إيلاما من أنجبر أن نكون ما لا نود أن نكون...
السماحة يا مرتضى توأم حرية الروح من القيود،
السماحة إن لم تكن مبذولة من غير طلب فهي ليست سماحة ولا خلق حسن ...
_______
سأعود بالتأكيد إن مد الله في الآجال ...
| |
|
|
|
|
|
|
|
|
|
Re: السمحات في المنبر .. والسمحين. (Re: صديق الموج)
|
عزاز
Quote: ود شيقوق ... يعلم الله سعادتي باحتفائك بما كتبت،
وهي سعادة تأتي وفي أهدابها خرزات الخوف من التقصير في حسن الظن ...
اعفي لينا التقصير وهنّات النفس الأمارة بالسهو وأنظرنا بعين الصفح المُحبة حين نقصر ... |
الله يخليك فانت السمحة بحروفك والسمحة بحمكتك والسمحة بطيب معدنك - لا ندع اليأس - يا عزاز - يستولي علينا ، فالننظر من حيث تشرق الشمس كل فجر جديد ، لنتعلم الدرس الذي أراده الله لنا ان نتعلمه .. فطبعيّ الغروب لا يحول دون الشروق مرةأخرى في كل صبح جديد. لا نحسب كل الناس ملائكة فتنهار أحلامنا .. ولا نجعل ثقتنا بهم عمياء لأننا سنبكي يوما على سذاجتنا .
اطيب امنياتي
| |
|
|
|
|
|
|
|
|
|
Re: السمحات في المنبر .. والسمحين. (Re: الطيب شيقوق)
|
أخى المرتضى..كل الناس الفى المنبر ده سمحة إلا من ابا...
وانت سيد السماحة..
فلنستشهد..بكلمات ألأمام الشافعى...
ولوْ أنني أسعى لنفعي وجدْتني
كثيرَ التواني للذي أنا طالبهْ
ولكنَّني أسعى لأنفعَ صاحبي
وعارٌ على الشبعانِ إنْ جاعَ صاحبُهْ
سماحة ونكران ذات وكرم.. وحب للخير..
تقديرى........للجميع..
| |
|
|
|
|
|
|
| |
محمد المرتضى حامد
Ishraga Mustafa
Magdi Ahmed Elsheikh
الطيب شيقوق
انعام عبد الحفيظ
ماجدة عوض خوجلى
HAYDER GASIM
فيصل محمد خليل
زهير عثمان حمد
willeim andrea
يازولyazoalيازول
Muna Khugali
jini
Emad Abdulla
طارق جبريل
saadeldin abdelrahman
صديق الموج
saif addawla
Ishraga Haimoura
doma
عبدالحافظ عثمان
جعفر محي الدين
وليد عبد اللطيف
فضيلي جماع
حيدر امين
الجندرية
محمد كابيلا
خدر
Siham Elmugammar
عادل عبدالعزيز عبد الرحيم
اسامة دفع الله ابوالحسن
د.محمد حسن
كمال سالم
نجاة محمد بابكر
ابو جهينة
محمد عثمان محمود
ismeil abbas
فيس بوك
تويتر
انستقرام
يوتيوب
بنتيريست