( الى اسماء محمود محمد طه ) (1) أأأأأه ممدودة محروقة وبتحرق داود نبى موسى نبى عيسى نبى ومحمد المعصوم نبى وكل من ليهو نبى , يقراء صلاتو على النبى بوذا حكيم ... (محمود) حكيم ما الفرق ما بين الصعود الى السماء بمشنقة او بالصليب عيسى نبى ... (محمود) حكيم (محمود) رضى الله عنه وعن بنيه (2) (جمهورى) يا الطالع السماء ... جيب لى معاك شجرة فى ضلها اتكلم ... اقنع واتدقا او جيب معاك نبقة ... الفقرا بارونى احسن تجيب بقرة , تحلب وتسقينى ... لبن الحكم يا حكيم ... الجهلاء خذلونى (3) (محمودنا) شن القول ... دين الله دين محمول حمال وجوه ووجوه من اسمو كان الزين من اسمو كان الشين دهب السكوت لمتين ؟ ... فضة كلامك ماس تمن الكلام الراس يا الفة فى الكراس ... اكتبنى هرجلتا (4) سكك الكلام خطرة والزول ده راجل جد هو الجرجر السلبة ... ما السلبة هى البتجر سلبة مشانقكم وهبت حياتو الجد والزول ده راجل جد (5) تعظيم سلام يا بوم ... قاضى السجم والشؤم دين الله دين محمول والعسكرى السكران ... اصبح أمام مختوم ترزية القانون ... هذا البتاع مسطول يا بنقو يا افيون سبتمبر الملعون نص كم قوانينك خيم الطؤارى وين ؟ ملعون ابو سنينك هذا او الطوفان ذل الرجال ذلة ... قطع الفقير خسة ... فضح النساء علة الاخذ بالشبهات , قلة عقل بدعة سلخانة (الجبهة) ... صمت الرجال مذموم لما الرجال بتنوم ... (محمود) بيصرخ لاأأأأأأأأأأأأأأأ شان الرجالة تقوم (6) جزار بنى خيبان تشريعك التعبان كرسى الحكم هلكان شوف ليك صمغ ولبان يا قاضى يا فاضى ... دم البشر غالى دين مين ؟ يا ود يا ظريف ... شافع يدين عالم دين كيف ؟ يا قاضى ضليع ... قطع اليدين ووعيد معذور رئيسكم جد ... دخل الديانة جديد داير العبيد تخضع ... ل حكم نار وحديد (7) عيسى ولد مريم (محمود) ولد فاطنة عيسى نبى ... (محمود) حكيم (محمود) رضى الله عنه وعن بنيه ويهوذا لعنة الله فيو (محمود) حبيب الله ... حبيبى يا حبيب عاشق جمال عقلك كتب فكرك نهايتك لما تنزل من سماء الله ... لتبداء من جديد بوذا حكيم .
لقد اوغلت يا تكاسى فى المشوار لقد اوغلت فى المشوار وعدادك يظل رامى وهل محتاج لكمسارى ومشوارك يظل ماشى وأأأأ سجمك وقت يبقى الجسد جثمان ركوب عجلات ( دويم ) الشات اريد حنك .
03-01-2006, 00:25 AM
alfazia3 alfazia3
تاريخ التسجيل: 02-24-2003
مجموع المشاركات: 202
Quote: جزار بنى خيبان تشريعك التعبان كرسى الحكم هلكان شوف ليك صمغ ولبان يا قاضى يا فاضى ... دم البشر غالى دين مين ؟ يا ود يا ظريف ... شافع يدين عالم دين كيف ؟ يا قاضى ضليع ... قطع اليدين ووعيد معذور رئيسكم جد ... دخل الديانة جديد داير العبيد تخضع ... ل حكم نار وحديد
03-07-2006, 11:38 PM
منصوري منصوري
تاريخ التسجيل: 09-28-2003
مجموع المشاركات: 2504
رائعة القصايد.. وروعة المعلقين.. ............. لسه..لسه..روعة الأستاذ محمود لم يكتشف منها إلا القليل.. وما فات شي أبداً.. هو إنسان بحلم أي سوداني وبحلم أي سياسي صادق.. ولسه مافات شي..
03-08-2006, 00:47 AM
tariq tariq
تاريخ التسجيل: 05-18-2002
مجموع المشاركات: 1520
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
shaheen shaheen
هشام هباني
alfazia3
Tragie Mustafa
AMNA MUKHTAR
tariq
ادريس خليفة علم الهدي
nadus2000
فيس بوك
تويتر
انستقرام
يوتيوب
بنتيريست