|
|
|
 Re: تزعين فيلمية البلد دي ما ماشة لقدام .. (Re: Munir)
|
| Quote: معظم كتاب هذا المنبر قابعون في الخارج |
قابعون دي شكلها عجبتك يامنير لامن رصيت الجماعة متل الكتب في رفوف مكتبة
حكاية تاثير دي لا اعتفد انها صحيحة مية بالمية والدليل معظم البوستات - بما فيهم بوستاتي - منقولة من اخبار جرايد الداخل
المنبر ممكن يكون اداة شيل حال لكل ما هو اعوج في الحكومة - لكن تاثير ذلك على المواطن الغلبان ، وكم منهم بطالع المنبر ده
| |
 
|
|
|
|
|
|
|
|
Re: تزعين فيلمية البلد دي ما ماشة لقدام .. (Re: حيدر حسن ميرغني)
|
سلامات يا حيدر .. قابعون دي لأني أنا هسه قابع جنس قبوع .. إذا أنا كده أمال في كندا واستراليا قبوعهم كيف مع الصقط والجليد ده؟ ..
التأثير متبادل .. لكين إنت وأنا ناس قريعتي راحت ساي ما عندنا تأثير ولا مناصب ولا إنتماء .. لكين ناس الشمار والإشاعات والأخبار والنشطاء البينزلوا 100 بوست في الدقيقة وكلها أكاذيب وتحريض وأخبار مقلقة ،، فإن هؤلاء صوتهم يطغي .. بعدين الزمن ده المنبر أصبح مصدر رئيسي للأخبار لناس المكاتب لأن الأخبار فيهو إما منقولة من الصحف - لا تحتاج لشراء صحف - أو مباشرة من زول في نص الحدث .. تلاحظ أنه ساعة الأحداث الكبري المنبر يبقي بطئ بسبب العدد الهائل الذي يبحث عن المعلومة .. وهكذا ..
| |
|
|
|
|
|
|
|
|
|
Re: تزعين فيلمية البلد دي ما ماشة لقدام .. (Re: Munir)
|
شايف يا حيدر ؟ قلت ليك المنبر ده مؤثر ..
هسه عاين قاليك بوتين زاتو سمع تحليلاتي الإستراتيجية عن إنهيار الدولار قام إنهار هو زاتو فوق برميل زيت .. هههه
طبعاً ال عشان كلمة إستراتيجية دي التي تغيظ الزبون ده ..
| |
|
|
|
|
|
|
|
|
|
Re: تزعين فيلمية البلد دي ما ماشة لقدام .. (Re: اخلاص عبدالرحمن المشرف)
|
يا منير ... شايف بوستيك بتاع المكتبة داك اتقفل بالطبلة :)
____
كنت بكتب في مداخلة للبرلوم خالد المبارك ... وقلت فيها
[يا منير قول للبرلوم خالد دا ... المكتبات دي للناس العجائز في الموقع :) ]
لأنه هو سألك وقال ليك كيف الواحد يقدر يجمع مشاركته في مكان واحد ... عملت رد ... جاتني ليك رسالة تفيد بأن الموضوع تم قفله بالطبلة والمفتاح :)
| |
|
|
|
|
|
|
|
|
|
Re: تزعين فيلمية البلد دي ما ماشة لقدام .. (Re: عزالدين عباس الفحل)
|
سلامات يا عزالدين ..
نعم المواطنين في عمومهم لا يعرفون سودانيزأون لاين ..
أنا أقصد ناس الصحافة وعموم الإعلام وناس المكاتب .. وهؤلاء رغم أنهم قلة إلاّ أنهم عينهم علي ردود أفعال البورداب في أنحاء العالم .. وأظنك تذكر أنه اشتعلت عدة مساجلات بين بورداب وصحفيين ..
كما أني أعتقد أن أي صحفي يكتب موضوع أو تحقيق في الصحافة الورقية أو المرئية سيفكر يشوف صداه في الإنترنت - طبعاً إنت عارف المنبر ده مليان باللفاحين الما بتتبل في خشمهم فولة ..
| |
|
|
|
|
|
|
|
|
|
Re: تزعين فيلمية البلد دي ما ماشة لقدام .. (Re: Munir)
|
سلام منير
الصحافة الورقية آيلة للسقوط بفعل الزمن ومعاول التقنية ... وسقطت في كثير من الدول وحل محلها الأسافير (فيسبوك - تويتر) والتلافين (واتس اب وانستقرام ..الخ ) المتابع لأخبار القنوات السودانية والصحافة يجد كثير من مواد الواتس اب والفيسبوك ... وعدد كبير من الاعلاميين بقو ناس ساهلة ... خبر من واتس اب أو شمار في صفحة فيسبوك والباقي بتمو موية ...
| |
|
|
|
|
|
|
|
|
|
Re: تزعين فيلمية البلد دي ما ماشة لقدام .. (Re: محمد ابو شيبة)
|
سلامات أخ محمد ابو شيبة ..
شئ مؤسف أن تعتمد الصحافة علي تلاقيط الإنترنت التي يبثها مجهولون لا يمكن محاسبتهم علي الكلام المجاني ..
زول يلفق ليهو خبر عبر الإنترنت وهو يكون في آخر الدنيا وربما يكون سكران أو ساطل أو أو .. فيتلقفه عطالي الصحافة ليملأوا به صفحات ورق يكسبوا منها قروش ..
| |
|
|
|
|
|
|
|
|
|
Re: تزعة وتزعين فيلمية البلد دي ما ماشة لقدام .. (Re: Munir)
|
سلامات اخي منير وضيوفك الكرام
من واقع تجربة شخصية استطيع ان أوكد لك ان سودانيز اون لاين لها
تأثير كبير في وسط مجموعة واسعة من الشباب السوداني وقد يستغرب
البعض عندما يعلمون ان قطاع كبير من شباب الاسلاميين في السودان
يتابعون موقعي الراكوبة وسودانيز اون لاين يومياً لذلك فالتأثير حاصل
خاصة عبر سودانيز اون لاين المنبر العام لانه منبر حواري جامع لكل
اشكال الطيف السياسي في السودان ويستعرض فيه كل طرف ملكاته
وامكانياتيه الحوارية فيه بالاضافة لاحتوائه علي المادة الاخبارية المباشرة
الملمة بكل التفاصيل وتوفر فرص التعرف علي ردود افعال الكيانات
السياسية والاجتماعية الموجودة بالبورد
عماد
| |
|
|
|
|
|
|
|
|
|
Re: تزعة وتزعين فيلمية البلد دي ما ماشة لقدام .. (Re: عماد كرار)
|
سلام مربع يا منير
طبعاً يا منير أنا بدخل بوستاتك وبتعجبني طريقة كلامك أو كتابتك بقول كلامك لأني بقرا وكأني بسمعك إنت بتتكلم (طبعاً دا من خيالي الخصب)
لم أكتب مداخلات في بوستاتك من قبل
لكن دعني أكتب الآن
يبدو إنك زول دقيق جداً بتلاحظ للحاجات من زوايا مختلفة ومرات بتقعد في الواطة وتعاين بالجنبة عشان تشوف حاجة زغنونة كدا ما بتلفت إنتباه كل الناس
فشنو تابع ملاحظاتك يان طلعت بنتائج مختلفة يان وديتنا مع التوج
غايتو مرات في سري بقول منير دا بيجيب الصنف القوي دا من وين أقرب أرسل ليك في الخاص أسألك لكن تاني بستحي واقول يا زول تقوم تفلكب ساكت
تحياتي ومودتي
عاصم فقيري
| |
|
|
|
|
|
|
|
|
|
Re: تزعة وتزعين فيلمية البلد دي ما ماشة لقدام .. (Re: Asim Fageary)
|
الأخ عاصم فقيري سلامات مضاعفة ..
مالك يازول علي نفشتنا كده برانا راسنا خفيف :)..
والله الواحد يفخر بأن يجد إهتمام من زملاء مثلك تتسم مشاركاتهم بالموضوعية .. طبعاً الواحد برضو بقدر ما يتاح له متابعة المنبر فمداخلاتك تجتذب كلكات الماوس، جري ..
أشكرك جزيلاً أن أحسستني أن مشاركاتي تلفت إنتباهك .. مع أني عارف أن آرائي تغضب معظم نشطاء المنبر .. لكين علي أي حال الواحد يقول الشايفو مهما كان مستفزاً للبعض .. الكلمة أمانة ..
قلت لي خيالك الواسع :) ؟؟.. الإشارة وصلت، و أظني عرفت إنو العبارة دي طالعة من عقلك الباطن .. هههه .. حوِّل ..
كل الوُد ..
| |
|
|
|
|
|
|
|
|
|
Re: تزعة وتزعين فيلمية البلد دي ما ماشة لقدام .. (Re: عماد كرار)
|
الأخ عماد كرار .. سلامات ..
نعم كما توقعت .. هو ما تقول ..
يعني أنا لو كنت في السودان وعندي كمبيوتر وإنترنت فأظن أول حاجة أسعي لي بوك مارك فيهو سودانيزأون لاين لأتابع الأخبار الآنية وأشوف رؤي ناس الخارج عن سودان الداخل .. وبرضو عشان أبدأ يومي بفقع مرارة أتم بيها اليوم .. ولو كنت صحفي ما عندي موضوع ممكن برضو أجي المنبر ألفح لي موضوع وأرصه مع مواضيع تانية أطلع منهم عمود أو مقال .. ولو كنت كاتب صحفي وكتبت لي موضوع شائك حأجي أشوف هل في زول لفحه لصقه في سودانيز؟؟ وأشوف العلق عليهو منو؟؟ .. ولو كنت مدير أو وزير برضو بجي أشوف صدي سياساتي شنو عند المغتربين المهاجرين في مشارق الأرض ومغاربها .. لأني أعتقد أن متخذي القرارات يهتمون بالصدي الخارجي أكتر من ناس الداخل .. وقس علي ذلك ..
عبارة كسير التلج دي أنا اتعلمتها هنا .. وأظني كأنما قرأت للمبدع أساسي أنه قال إنو هو الإبتكرها - ياريت يجي يؤكد لي الحتة دي عشان ما نكون أديناهو شئ ما بتاعه -
كما أظنه إبتكرها زمااان قبل ما يلدوا بنتنا بتاعة الفيسبوك الإسمها Winnie Abdo دي ..
| |
|
|
|
|
|
|
|
|
|
Re: تزعة وتزعين فيلمية البلد دي ما ماشة لقدام .. (Re: Munir)
|
تأملت في عبارة الأخ عاصم لي بأني زول دقيق!! - إتكيفت والله لأنه حسيت بأنو علي الأقل في ناس بتدقق فيما أكتب -.. وبالجد الواحد مفروض يحاول أن يكون دقيق ..
الزول طبعاً لو ما عمل حسابه وطفق يكتب بدون حساب لربما يناقض نفسه بين جملة وأخري، أو بين مداخلة وأخري، أو يوم والتاني، أو سنة وأخري .. فالإتساق واجب ..
إطلاق الكلام علي عواهنه سيصبح إدانة جاهزة لك إن كنت فقط تكتب من أجل الكتابة .. فأي جملة تكتبها هنا سرعان ما يتلقفها الأسفير وينقلها في لمح البصر عبر القارات إلي ملايين الأجهزة لتستقر فيها فيقوم أولاد الذين، المترصدين القانصين، سريع سريع يعملوا ليها كوت، أو يحفظوها ليك في سيديهاتهم إلي الأبد .. ثم يبرزونها لك يوماً ما للمغالطة والسلخ ..
ثم الشئ التاني الواحد كمان لازم يتذكر إنو ممكن تاني يوم يصبح في الدنيا مافي - عبارة في الدنيا مافي دي كيف؟ مش زي لقيته مافي؟؟ -.. ويكون الزول كتب ليهو كلام ما ياهو .. أها طبعاً الساعة ديك بعد نتوسد الطوب مافي حاجة إسمها يا بكري عليك الله أسحب البوست ، أو ترسل الباسويرد لصديق يمسح ليك مداخلة أو يعمل ليك تعديل ..
إذا كان منبر إلكتروني ساي زي ده يدون ليك أقوالك، إلي أجل غير مسمي منذ يوم تسجيلك، فما بالك بالكتَبة الكرام البررة الذين يدونون لك منذ ولادتك ؟؟ ..
| |
|
|
|
|
|
|
|
|
|
Re: تزعة وتزعين فيلمية البلد دي ما ماشة لقدام .. (Re: Munir)
|
Winnie Abdo من الفيسبوك ..
أشكرك علي الإهتمام والقراءة والتعليق .. كدي راجعي لينا قصة كسير التلج دي ..
لكين دعينا نتأمل هذه الملاحظة .. وهي أن معظم البوستات يكتبها مغتربون أو مهاجرون ، سواءَ كانت أخبار أو آراء حرة .. فهل تظنين أن هؤلاء المغتربين والمهاجرين أعلم بما يجري في الداخل أكثر من ناس الداخل؟؟ وهل يعقل أن يستقي ناس الداخل الأخبار والآراء من ناس الخارج - وهذا هو أغلب ماهو حاصل - ؟؟ ألا تلاحظين أن الصورة مقلوبة ؟؟ ..
| |
|
|
|
|
|
|
| |
Munir
حيدر حسن ميرغني
Mohamed Suleiman
عزالدين عباس الفحل
قسم الفضيل مضوي محمد
محمد ابو شيبة
جلالدونا
Asim Fageary
فيس بوك
تويتر
انستقرام
يوتيوب
بنتيريست