لا حل أمام الجنوب إلاّ فك إرتباطه مع الغرب والتعامل مع الصين !!

نداء أنساني بخصوص الدكتور الباقر العفيف
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-11-2018, 02:33 PM الصفحة الرئيسية

مكتبة منير عبدالرحيم(Munir)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
24-04-2012, 06:53 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


لا حل أمام الجنوب إلاّ فك إرتباطه مع الغرب والتعامل مع الصين !!



    لا حل أمام الجنوب للخروج من المأزق الذي زج بنفسه فيه إلاّ فك إرتباطه مع الغرب والتعامل مع الصين ..

    الغرب لا يحتاج لبترول الجنوب حوجة ملحَّة ، إنه فقط يريد إستخدام الجنوب كمخلب قط لتسبيب القلق للسودان .. والدليل هو أن هذا البترول تم إكتشافه منذ السبعينات ، ولكن لم تشأ الشركات الأمريكية إستخراجه رغم حوجة السودان الشديدة له .. إذ كانت البلاد تتضور جوعاً وعوزراَ .. ولكن الغرب لم يكن يعبأ بمعاناة الشعب، إذ أنه يفضِّل أن يبقي سيداً مستحوذاً علي الموارد ويتصدق علي الشعوب الجائعة فتكون يده دائماً هي العليا.. فتحس الشعوب بالدونية وأنها دائماً تحت رحمته تترقب إعاناته وإغاثاته ..
    بالنسبة للدول الامبريالية ليس مهماً إن تطوَّر الجنوب أو بقي في العصرالحجري .. المهم أن يظل السودان الشمالي في حالة حرب مستديمة .. والعداء للسودان ده ليس فقط بسبب مصالح إقتصادية أو استراتيجية سياسية ، بل إن السبب الجوهري هو تضاد حضاري بين الوجدان الإسلامي الملتهب في السودان وبين ضده الصهيومسيحي الغربي .. لو أصلو السياسة مصالح فإن السودان الشمالي ذو جدوي إقتصادية أكبر من جنوب السودان - فتبادل المصالح مع السودان الشمالي كان سيكون ذو نفع كبير للدول الغربية .. ولكن الدول الغربية منحازة ضد الكتلة البشرية الشمالية إنحياز معنوي نابع من التكوين الروحي المتضاد .. ولذلك نري الكراهية الشخصية للساسة الأمريكان للشعب السوداني .. فالسياسية سوزان رايس مثلاً أفنت شبابها في كراهية السودان والكيد له .. وأري ذلك إنعكاساً لكراهية زنوج أمريكا للشماليين والمسلمين .. فلو تلاحظوا أن أحرص الناس علي لبس الصليب هم الأمريكان السود ليميزوا أنفسهم من المسلمين السود ...

    فعاوز أقول شنو؟ .. الجنوب دخل في حرب مع الشمال بتحريض من الدوائر المعادية للسودان بالرغم من أن مصلحة الجنوب في التعاون مع السودان مية في المية .. علي الأقل في مجال البترول .. لأن كل طرق الإستغناء عن السودان مسدودة .. والمصلحة أيضاً حتمية في التعاون مع الصين التي لها خبرة في التعامل مع هذا البترول وهي التي تمثل الرابط المحايد بين الشمال والجنوب ..
    فالإنفصال أساساً كان في صالح الشمال .. وحتي خروج البترول المباشر من ميزانية الدولة سيرجع لها بطريقة غير مباشرة - رسوم العبور -
    والإنفصال بالنسبة للجنوب لم تكن فيه أي فائدة إلاّ معنوياً فقط - وهي الإحساس بالكينونة المستقلة ..
    إذن فليس أمام سلفاكير إلاّ أن يخضع للنفوذ الصيني الذي أرات أمريكا أن تطرده من الجنوب وتحد تغوله في أفريقيا .. وحنشوف ..
    إذا مشي يتعاور ويقول للصينيين أعملوا لينا أنبوب نستغني بيهو عن أنابيب السودان فالصينيين حيزعلوا لأن هذا الطلب يعتبر إستهانة بذكاء الصينيين .. يعني كأنما الصينيين ديل طراطير ينفذوا ليهو مشروع العالم كله زايغ منه ..
    أما بالنسبة للسودان فقد أصبح التعامل مع سلفاكير وطاقمه مستحيلاً .. وغايتو الأنا شايفه إحتمال الصين تنتظر وتخلي الأمور للزمن القريب حتي تتم الإطاحة بحكومة الحركة الشعبية وتستلم السلطة حكومة جديدة تفتح صفحة جديدة مع الصين والسودان .. فالحركة مسبقاً كانت قد أبدت سوء النية لطرد الصين وتسليم صناعة البترول للغرب .. يعني طبزوها مع الصين زمان والآن مغامراتهم دي كلها لإرضاء أمريكا لتأتي وتستلمهم وتحكمهم بمزاجهم ..

    هسه الصين بقت ليهم حلوة ..

                   |Articles |News |مقالات |بيانات

25-04-2012, 08:34 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Munir)


    الظاهر إنو الصين لا بقت ليهم حلوة لاشئ .. تحت السواهي دواهي ..

    إذ قيل أن الصين هي التي دعت سلفاكير للزيارة ..
    تري لماذا دعته لزيارتها ، ولماذا رجع الرجل مهرولاً للجنوب قبل أن يتم زيارته ؟؟ !! ..

                   |Articles |News |مقالات |بيانات

25-04-2012, 08:44 PM

Frankly
<aFrankly
تاريخ التسجيل: 05-02-2002
مجموع المشاركات: 34845

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Munir)

    سلام يا منير

    Quote: جنوب السودان يطرد رئيس شركة نفطية صينية ماليزية
    Tuesday 21st of February 2012 12:51:06 PM



    جنوب السودان يطرد رئيس شركة نفطية صينية ماليزية
    حقل بالوج النفطي (جنوب السودان) (رويترز) - قال مسؤولون كبار بجنوب السودان يوم الثلاثاء ان حكومتهم طردت رئيس بترودار الصينية الماليزية وهي شركة النفط الرئيسية التي تعمل في الجنوب وذلك في تصعيد للنزاع بين جوبا وشركات نفط صينية.
    وقال باقان أموم كبير مفاوضي وفد جنوب السودان في المحادثات مع الخرطوم بشأن مدفوعات النفط لرويترز خلال زيارة لحقل بالوج النفطي "قام وزير النفط توا بطرد رئيس بترودار.
    "أعتقد أن من بين أسباب ذلك عدم تعاون رئيس الشركة (مع الحكومة) واستبعدناه وطلبنا من الشركاء تعيين رئيس جديد."
    ويقول جنوب السودان ان شركات نفط صينية ساعدت السودان في احتجاز نفط للجنوب كان سيجري تصديره عن طريق أنبوب لبترودار وهو ما تنفيه الشركة.
                   |Articles |News |مقالات |بيانات

25-04-2012, 09:01 PM

jini
<ajini
تاريخ التسجيل: 04-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Frankly)

    Quote: لا حل أمام الجنوب إلاّ فك إرتباطه مع الغرب والتعامل مع الصين !!


    لا حل أمام الشمال إلاّ فك إرتباطه مع الصين والتعامل مع الغرب !!
    بنفس منطقك الاعتسافي
    جنى
                   |Articles |News |مقالات |بيانات

25-04-2012, 09:15 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: jini)


    Quote: لا حل أمام الشمال إلاّ فك إرتباطه مع الصين والتعامل مع الغرب !!
    بنفس منطقك الاعتسافي
    جنى
    دي برضو طريقة ..
                   |Articles |News |مقالات |بيانات

25-04-2012, 09:13 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Frankly)


    سلامات فرانكلي ..

    الجماعة عاوزين يزحلقوا الصين ويسلِّموا البترول لأمريكا .. وأبدوا سوء النية بطرد رئيس الشركة الصينية ..

    قول ليهم الصين دي خلاس دخَّلت كراعها في أفريقيا ، تاني الزارعها غير الله اليجي يقلِّعها ..

                   |Articles |News |مقالات |بيانات

25-04-2012, 10:00 PM

jini
<ajini
تاريخ التسجيل: 04-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Munir)

    Quote: دي برضو طريقة ..

    يعنى تبادل ادوار وكدة!
    جنى
                   |Articles |News |مقالات |بيانات

25-04-2012, 10:58 PM

عبد العظيم احمد
<aعبد العظيم احمد
تاريخ التسجيل: 14-05-2006
مجموع المشاركات: 3558

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: jini)

    سلام
    منير
    جني
    كمال
    ---
    فكرة الصين تقوم علي الاقتصاد وفكرة سلفا على القتال
    -----
    دائما الصين تبتعد عن الدخول في السياسات الداخلية للبلد الذي تثتثمر له
    وزي عينة سلفاكير يصعب التعامل معها
    ----
    ايضا فكرة بناء انبوب اخر مجرد 0 حرد 0 من البشير
    منطق مخالف للمصالح الاقتصادية المدروسة
    وتعلم الصين ان في مصلحة الجنوب هي استخدام البوابة الشمالية
    المطلة على الشارع الرئيسي
                   |Articles |News |مقالات |بيانات

26-04-2012, 04:19 AM

Tragie Mustafa
<aTragie Mustafa
تاريخ التسجيل: 29-03-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: عبد العظيم احمد)

    كويس.....انك بقيت شغال تنظير.....وكأن الجنوبين الكنتب بترفض......لهم حق....الحياه بقوا بيهموك!
    Quote: لا حل أمام الجنوب للخروج من المأزق الذي زج بنفسه فيه إلاّ فك إرتباطه مع الغرب والتعامل مع الصين

    قال لا احل امام الجنوبين!!التقول بيهمك الحل لهم!
                   |Articles |News |مقالات |بيانات

26-04-2012, 07:22 AM

كمال مبارك
<aكمال مبارك
تاريخ التسجيل: 18-08-2005
مجموع المشاركات: 1367

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Tragie Mustafa)

    Quote: كويس.....انك بقيت شغال تنظير.....وكأن الجنوبين الكنتب بترفض......لهم حق....الحياه بقوا بيهموك!

    Quote: لا حل أمام الجنوب للخروج من المأزق الذي زج بنفسه فيه إلاّ فك إرتباطه مع الغرب والتعامل مع الصين


    قال لا احل امام الجنوبين!!التقول بيهمك الحل لهم!



    يا تراجى ،، ما هو كلام والسلام ،،

    لو كان عارف الميزان التجارى بين أمريكا والصين كم ،، والميزان التجارى

    بين الصين وافريقيا كلها كم ،،، كان وفر نصيحتو ،، وصمت

    المهم : نظام الخرطوم الفاسد الفاشل من يستحق هذه النصائح فركز مع بنى وطنك

    واترك الجنوب
                   |Articles |News |مقالات |بيانات

26-04-2012, 06:12 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: كمال مبارك)


    Quote: يا تراجى ،، ما هو كلام والسلام ،،

    لو كان عارف الميزان التجارى بين أمريكا والصين كم ،، والميزان التجارى

    بين الصين وافريقيا كلها كم ،،، كان وفر نصيحتو ،، وصمت

    ما بيغيظني إلاّ الزول البيجي يردد لي في العبارات المستهلكة وتلقاهو ما ناقش معناها شنو .. أسه لو سألناهو الميزان التجاري دي بالكيلو والَّ بالرطل يقعد يتلفَّت ..

                   |Articles |News |مقالات |بيانات

26-04-2012, 06:18 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Tragie Mustafa)



    Quote: كويس.....انك بقيت شغال تنظير
    تراجي .. ..طيب خلونا ننظِّر ساي ..زعلانين مالكم ؟؟ !!
    قاعدين ننظِّر من جيوبكم ؟؟ !!

                   |Articles |News |مقالات |بيانات

26-04-2012, 06:30 PM

كمال مبارك
<aكمال مبارك
تاريخ التسجيل: 18-08-2005
مجموع المشاركات: 1367

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Munir)

    Quote: ما بيغيظني إلاّ الزول البيجي يردد لي في العبارات المستهلكة وتلقاهو ما ناقش معناها شنو .. أسه لو سألناهو الميزان التجاري دي بالكيلو والَّ بالرطل يقعد يتلفَّت ..




    ولية تتغاظ يا منظراتى أنت ،، طيب بالكيلو ،، كويس كدا


    هو أنت لو عارف كان قلت مثل هذا الكلام المهبب ،، قال يتغاظ قال ،،، أحسن تنصح نفسك أولاً
                   |Articles |News |مقالات |بيانات

26-04-2012, 06:31 PM

عماد الشبلي
<aعماد الشبلي
تاريخ التسجيل: 08-06-2008
مجموع المشاركات: 8645

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Munir)

    Quote: لا حل أمام الشمال إلاّ فك إرتباطه مع الصين والتعامل مع الغرب !!
    بنفس منطقك الاعتسافي
    جنى


    لكن الغرب لايحب ان يري السودان دولة بترولية بعكس الصين وقد فعلت

    موضوع جيد للتحليل

    شكرا منير
    شكرا جني
                   |Articles |News |مقالات |بيانات

26-04-2012, 08:39 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: عماد الشبلي)



    الأخ عماد الشبلي شكراً علي المرور والمشاركة ..

    Quote: لكن الغرب لايحب ان يري السودان دولة بترولية بعكس الصين وقد فعلت

    أنا أعتقد أن تجربة الصين مع السودان ظلت تجربة ناجحة إستفاد منها السودان واستطاع بها أن يصمد صمود شديد في وجه عداء رهيب .. غايتو الضغط الإنضغطو السودان ده لو ضغطوه أي بلد تانية كانت إنهارت من قولة تيت ..
                   |Articles |News |مقالات |بيانات

26-04-2012, 06:32 PM

Kabar
<aKabar
تاريخ التسجيل: 26-11-2002
مجموع المشاركات: 16504

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Munir)

    منير..حبابك يا صديقي
    ياخي قربت اقول منير بقى طابور خامس ولا شنو..!!!

    نعم اتفق معاك..و هذا نهج اتمنى ان يسود.. لأن استقرار البلدين فيهو منفعة للجميع..وكل منهما محتاج يعتمد على قوة اقتصادية غير افريقية..
    مرة ، ايام استقبال ناس المؤتمر الوطني لناس الحزب الشيوعي الصيني ، احد الأصدقاء قال: ياخي الكيزان ديل صعبين خلاص..مجننا الشيوعية كفر و الحاد وعاك و عييك..و يقوم يستقبلوا الحزب الشيوعي الصيني في الخرتوم..!!!!

    واحد من الحاجات المفروض نعاين ليها: الغرب معانا من زمن عبود..هل فينا زول متذكر حاجة تذكارية (طبعا انا متذكر معهد الكليات التكنولوجيا و جامعة الجزيرة كأثر امريكي)؟..اليوم الصين اي بلد افريقي مشت ليهو اول حاجة بتعمل حاجة تذكارية.. مثل قاعة الصداقة (ممكن تلقى واحدة في زامبيا ، انغولا ، السودان ، اثيوبيا)..و دي الغرب ما قاعد يعملها..
    الصين لمن تجيب استثمارها بتجيب معاهو برامج تدريب.. يعني برضك بتدي الناس فرصة تعتمد على ذاتها في المستقبل..و دي الغرب ما قاعد يسويها..كل البيقدر عليه بملانا تنظير (حقوق انسان ، ديموقراطية ، ثقافة استهلاك بيرقر كنق..ماكدونالد ببسي كولا..الخ)..
    اهو بيان بالعمل.. شيفرون دخلت السودان و اشترت نصو..و كل المرقت بيهو سرقت لينا اليورانيوم بتاعنا و اتخارجت..!
    مش الجنوب براهو..كل الدول الأفريقية لو دايرة تمشي لي قدام..تنسق مع الصين..!

    كبر
                   |Articles |News |مقالات |بيانات

26-04-2012, 07:23 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Kabar)



    مرحبتين حبابك أخي كبر ..
    ياخي أنا علي قناعة إنو هناك تضاد حضاري هو أساس الصراع الوجودي بين العالم الاسلامي والعالم الغربي .. والغربيين برغم تفوقهم المادي علي العالم الإسلامي إلاّ أنهم في قرارة إنفسهم inferior لأنهم يعلمون أن كتابنا صاح وكتابهم محرَّف متناقض !! .. ولذلك تجد أن سياستهم الخارجية نحو العالم الإسلامي هي دائماً سياسة منحازة ضده .. في الفلبين مثلاَ تلقاهم ينعتوا الثوار بالإرهابيين ويدعموا الحكومة .. في اندونيسيا فصلوا جزيرة تيمور الشرقية - صاح والَّ أنا نسيت؟ - في السودان واقفين مع الجنوبيين .. في كشمير واقفين مع الهند ..و..و.. الحاجة التانية إنهم إستعلائيين تجاه العالم الثالث ولا يهمهم معاناته .. أقرب دليل هو بترول السودان ده الذي حفروا آباره منذ السبعينات ولكنهم أرادوا أن يتركوه في باطن الأرض إلي ماشاء الله رغم أن نميري كان حليف مخلص .. ما حنوا علينا ولا قالوا يا حليلهم ، وهم يعاينوا فينا نفتش في بيوت النمل عشان نأكل ..
    الشئ التالت عاين بالله دخَّلوا الجنوب في مأزق قدر شنو؟؟ الجنوب ده كان ممكن يكسب دهب بشوية البترول العندهم ويفيدوا ويستفيدوا .. قاموا الجماعة زجوا بهم في معارك مع السودان في غير معترك - وحرضوهم يقفلوا إنتاج بترولهم نكاية في الخرطوم ، عشان حكومة الخرطوم تسقط .. ويمكن يكونوا وعدوهم بتعويض خسائرهم من قفل الآبار .. ولمن شافوا السودان ما اشتغل بيهم حرضوهم علي تخريب آبار بترول الشمال حتي ينهار الإقتصاد السوداني وتسقط الحكومة ليستلم الحكم ثلاثة أو أربعة قبائل في ما يسمي بتحالف كاودا .. تخيل عاوزين يدعموا أربعة قبائل عشان تحكم أكتر من ٢٠٠ قبيلة كبري - وعلي أساس إثني موال للجنوب .. في عباطة أكتر من كده؟؟ ..

    ياخوي القضية دي والله أوضح من عين الشمش ..

    الصين بالها طويل وزي ما كتبت للأخ عبدالعظيم فإن مصير أفريقيا كلها أن تتجه شرقاً وتترك الغرب خشمه ملح ملح ..
    بالنسبة لجنوب السودان، زي ما قلنا .. المنطق والواقع يحتِّم عليه الإنفكاك من التبعية للغرب واللحاق بركب الصين .. لأن طريق الغرب معناهو الإستمرار في الحرب مع السودان إلي الأبد - لأن حرب الغرب مع السودان عقائدية أزلية - ومعناه برضو العداء غير المباشر مع الصين - هذه المعركة خاسرة لأنهم لن يستطيعوا الإستفادة من بترولهم وإن إستفادوا منه حتكون فائدة شراء سلاح بالديون - والسلاح غالي .. ثمن دبابة واحدة يبني مية مستشفي ..
    في المقابل التعاون مع الصين يضمن سلامة تدفق البترول تحت رعاية الصين التي تجتهد في أن تعطي مثالاَ جيداً في التعامل لتجتذب المزيد من الدول .. وثانياً سيزول العداء مع السودان بوجود الصين كوسيط محايد يهمه أن يفيد ويستفيد بدون أي رواسب إيدلوجية عدائية ..
    لكن طبعاَ الحركة الشعبية ربيبة الغرب لن تستطيع أن تنجز هذا التحول الإقتصادي السياسي الجذري .. ولذلك لابد من ثورة جنوبية تأتي بطاقم حكومي جديد لنج ليس له تاريخ يميل إلي هؤلاء أو هؤلاء فيقوم ينجز هذا التحول ويفتح صفحة جديدة مع الصين والسودان .. ومافي أي خيارات تانية .. فقد فقدت الحركة الشعبية فرصة الإستعانة بصديق ..
    طلع صديق سوء نصائحه كلها مهببة ..!!!..

                   |Articles |News |مقالات |بيانات

26-04-2012, 06:40 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: عبد العظيم احمد)



    سلامات عبدالعظيم ..

    Quote: ايضا فكرة بناء انبوب اخر مجرد 0 حرد 0 من البشير
    منطق مخالف للمصالح الاقتصادية المدروسة
    وتعلم الصين ان في مصلحة الجنوب هي استخدام البوابة الشمالية
    المطلة على الشارع الرئيسي
    ياخوي كونه سلفاكير يقول للصين يعملوا ليهو أنبوب لنقل النفط ده زاتو فيهو إستفزاز للصينيين وإستهانة بذكائهم .. كأنما الصينيين ديل طير ساي عاوز يمسِّكهم ضنب الككو ..
    هو لو الأنبوب ده فيهو فايدة كان حيخلي أمريكا ويديهو الصين ؟؟ !! ..

    الصين ستكسب أفريقيا كلها علي حساب الغرب لأن سياستها إقتصادية ندية تعتمد علي تبادل المنافع بينما سياسة الغرب إيدلوجية تتحكم فيها اللوبيهات الدينية .. تأمل فقط إنحيازها السافر العلني للدولة اليهودية التي يبلغ عدد سكانها بضع ملايين ضد ٣٥٠ مليون عربي وأكثر من مليار مسلم .. وشوف لينا بتاع الميزان التجاري ده يوضِّح لينا ما حجم الميزان التجاري بين العالم العربي البترولي الذي يضخ أمواله المليارية لإنعاش الإقتصاد الأمريكي مقابل الدويلة اليهودية التي تعيش علي حساب دافع الضرائب الأمريكي !!! .. لو أصلو الحكاية موازين مفروض كفة البترول تكون هي الراجحة !!! ..

    لكين نسوي شنو مع الناس الفاهمة إن أهداف الناس في الحياة كلها: أكلوه وأشربوه ..؟؟ !! ..
                   |Articles |News |مقالات |بيانات

26-04-2012, 07:09 PM

كمال مبارك
<aكمال مبارك
تاريخ التسجيل: 18-08-2005
مجموع المشاركات: 1367

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Munir)

    Quote: وشوف لينا بتاع الميزان التجاري ده يوضِّح لينا ما حجم الميزان التجاري بين العالم العربي البترولي الذي يضخ أمواله المليارية لإنعاش الإقتصاد الأمريكي مقابل الدويلة اليهودية التي تعيش علي حساب دافع الضرائب الأمريكي !!! .. لو أصلو الحكاية موازين مفروض كفة البترول تكون هي الراجحة !!! ..




    واضح من أعلاه انك بتتكلم كلام دكاكين ساكت ،، وكذلك بتتعمد الاستفزاز لكى تغطى على عجزك

    الفكرى الواضح ،، على العموم لكى نختصر ،، سؤال


    هل تعتقد أن الصين يمكنها أن تضحى بحجم علاقاتها التجارية مع أمريكا من أجل بترول الجنون أو الشمال

    أو من أجل أى دولة أفريقية اخرى ؟


    اذكر أى دولة فى العالم أستفادت من حجم علاقاتها مع الصين ( التجارية ) كان لهذه العلاقة دور

    تنموى شامل بتلك الدول ؟



    كدا كويس ،، أوكى
                   |Articles |News |مقالات |بيانات

26-04-2012, 07:47 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: كمال مبارك)


    Quote: واضح من أعلاه انك بتتكلم كلام دكاكين ساكت ،، وكذلك بتتعمد الاستفزاز لكى تغطى على عجزك

    ياخوي إنت زعلان مالك؟؟ زول بينظِّر في كلام خارم بارم وكلام دكاكين ساكت ، إنت فاير ومندلق مالك ؟؟!! ..
    يازول شوف ليك ضل إرتاح فيهو ..
    Quote: كدا كويس ،، أوكى

    اسه ده سؤال والَّ جواب والَّ شنو زاتو ؟؟!!..
                   |Articles |News |مقالات |بيانات

26-04-2012, 09:00 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19158

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Munir)

    الذى أعرفه ويعرفه قادة الجنوب أن الجنوب لا يتقدم شبرا إذا لم يدعمه الشمال والجنوبى لا يستطيع علاجه إلا سودانى ولا يستطيع تعليمه إلا سودانى ولا يستطيع أن يوفر له الغذاء إلا السودان ولا يجد من يتعامل معه بجديه إلا من السودان فثقافة الجنوب ولغة شعبه وإحساسهم بسودانيتهم لا تنزعها عنهم الهتافات العارضه الجنوب مرتبط بالشمال إرتباط توأمه وما يفعل فيه ساسته الآن هو كتغيير مجرى النهر الذى يجرى لمستقر له وفقا لمشيئة خالق الكون وعندما يصل الوعى بقادة الجنوب لإدراك مستجداتهم سيفعلون هذا الكتلوج وهذا ليس بعلم سياسه بل هذه فلسفة سياسيه.


    سلام يا منير ويا كبر وما أروع تنظيركما




    منصور
                   |Articles |News |مقالات |بيانات

26-04-2012, 09:08 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19158

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: munswor almophtah)

    نعم فلسفه سياسيه لأن ذلك ما ينبغى أن يكون

    فالجنوبى لا يأكل بالطريقه الكينيه ولا اليوغنديه ولا الحبشيه إلا بنذر
    والآن فى جوبا المطعم السودانى هو زاد القاده وأشياء كثير ه يمكن إفرادها
                   |Articles |News |مقالات |بيانات

30-04-2012, 01:03 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: munswor almophtah)



    اأخ منصور المفتاح مرحباً بالطلَّة ..

    Quote: فالجنوبى لا يأكل بالطريقه الكينيه ولا اليوغنديه ولا الحبشيه إلا بنذر
    والآن فى جوبا المطعم السودانى هو زاد القاده وأشياء كثير ه يمكن إفرادها
    أعتقد أن الأمان الذي وجده الجنوبي العادي في الشمال لم يجده في أي دولة أخري مجاورة .. وليس أدل علي ذلك من نزوج الجنوبيين للشمال في زمن الحرب رغم أن الدعاية تقول أن الشمال يقتلهم ويضطهدهم .. ومصداقاً لكلامك فقد ظل عوام الجنوبيين مغرمون بالفول بزيت السمسم غرام شديد .. حتي أننا نذكر حين كانت العمالة الجنوبية تنتشر قبيل موسم الخريف وتشتغل في حفر مجاري العاصمة، كان لازم تمشي الدكان من بدري تجيب الفول للفطور قبل أن يخلص لأنه كان فطور أولئك العمال الوحيد - وطبعاً الفول عموماَ يمثِّل ثلثي وجبات أهل الخرطوم - .. المهم إنهم كانوا مشهورين بحبهم الشديد للفول .. أحب الفول بالزيت والبوش بموية الفول بموية الجبنة ياخ ..
    الشعب الجنوبي العادي ليست له مشاكل عميقة مع الشمال، ولكن تعرف أن الإستعمار بذر بذرة العداء حين قفل الجنوب من الشمال ثم بدأ التنصير وأحتضن النخب التي تم تنصيرها لتصبح متحكمة في مصير الجنوب وهذه النخب المسيحية هي التي تقود الجنوب في خطي الغرب وتريد أن تجعل الجنوب ذو هوية نصرانية ولغة انجليزية رغم أنهم أقلية لا يتعدون ال١٨ في المية حسب إحصاءات ال cia .. فأصل العداء يرجع لهذا التضاد الروحي للنخب الجنوبية النصرانية المحتكرة للتعليم ضد الهوية العربية والإسلامية .. إذن عداوة الجنوبيين للشماليين ليست سوي نتاج للصراع الروحي الذي غذَّاه الإستعمار في نفوس النخب الجنوبية التي تريد أن ترتمي في الحضن الغربي المسيحي رغم أنف الأغلبية ..
                   |Articles |News |مقالات |بيانات

30-04-2012, 01:59 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Munir)



    ماهي دلالات الأخبار عن قرض ملياري صيني للجنوب؟؟

                   |Articles |News |مقالات |بيانات

30-04-2012, 02:19 PM

Deng
<aDeng
تاريخ التسجيل: 28-11-2002
مجموع المشاركات: 46850

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Munir)

    الكوز العنصري منير.

    لو أنت عندك نصائح فمن الأحسن أن تقدمها لجماعتك مجرمي الإنقاذ الذين مازالو يقتلون ويعذبون الشعب السوداني الفضل.
                   |Articles |News |مقالات |بيانات

30-04-2012, 02:36 PM

Zakaria Joseph
<aZakaria Joseph
تاريخ التسجيل: 27-11-2007
مجموع المشاركات: 9005

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Munir)

    Quote: الذى أعرفه ويعرفه قادة الجنوب أن الجنوب لا يتقدم شبرا إذا لم يدعمه الشمال والجنوبى لا يستطيع علاجه إلا سودانى ولا يستطيع تعليمه إلا سودانى ولا يستطيع أن يوفر له الغذاء إلا السودان ولا يجد من يتعامل معه بجديه إلا من السودان فثقافة الجنوب ولغة شعبه وإحساسهم بسودانيتهم لا تنزعها عنهم الهتافات العارضه الجنوب مرتبط بالشمال إرتباط توأمه وما يفعل فيه ساسته الآن هو كتغيير مجرى النهر الذى يجرى لمستقر له وفقا لمشيئة خالق الكون وعندما يصل الوعى بقادة الجنوب لإدراك مستجداتهم سيفعلون هذا الكتلوج وهذا ليس بعلم سياسه بل هذه فلسفة سياسيه.


    كلام ذى دى لا يمكن ان يصدر الا من حشاشى او مهرج. انت لا تعرف شئ عن الجنوب او الجنوبى. مر على دخول ابن ابى سرح على بلاد السودان اكثر من اربع عشرة قرن و الجنوب لم يتغير بينما امثالك ممن استلبو مازالو يلهثون وراء اوهام التغريبية الدخيلة على بلاد السودان.
    كلامك دى و عقليتك هذه و التى هى من اغرب العقليات فى هذا العصر يذكرنى بشخصية سياسية رومانية. ماركوس لسينسبوس كراسوس "Marcus Licinius Crasus" و هذه الشخصية هى المفضلة لدى ايام الجامعة و حتى اليوم فى مادة "Roman History". هذا الرجل كان ثرئ جدا ايام جيلوس سيسر و كان لوبى كما رجال اللوبى اليوخ و اعماله التجارية كانت تضم كل شئ, من مناجم الذهب و الفضة الى الاتجار بالبشر. و لكن من اكثر اعماله ربحا كانت شركته الخاصة جدا, و دى كانت شركة مطافئ. نعم مطافئ قبل اكثر من الفين سنة. عربات الكارو التى كانت تسحب من قبل الحصين و ملية بالماء كانت تظهر فى اماكن النيران بمجرد حدوث حريق ما فى روما و بينما كان الحريق يلتهم المنزل كان ماركوس يتفاوض مع الضيحة الحائرة من امره و النتيجة النهائية هى ان ماركوس كان يستولى على منازل الضحايا و يقوم بايجارها لهم مدى الحياة.
    ان كنت تظن انت او اسيادك فى الخرطوم ان استقلال الجنوب كان مجرد رفع العلم و ان بامكانكم الاستمرار فى زلنا لعلاج مرض مافى نفس امثالكم, فانتم لا تعرفون شعب الجنوب. متى كان الجنوبيون يعتمدون على الشمال فى شئ? ماذا لديك حتى نعتمد عليك? الغرور الفارغ لزومو شنو. اتق الله يا راجل.
                   |Articles |News |مقالات |بيانات

30-04-2012, 03:06 PM

عمر عثمان
<aعمر عثمان
تاريخ التسجيل: 04-08-2008
مجموع المشاركات: 1579

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Zakaria Joseph)
                   |Articles |News |مقالات |بيانات

30-04-2012, 03:10 PM

كمال مبارك
<aكمال مبارك
تاريخ التسجيل: 18-08-2005
مجموع المشاركات: 1367

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Zakaria Joseph)

    Quote: ان كنت تظن انت او اسيادك فى الخرطوم ان استقلال الجنوب كان مجرد رفع العلم و ان بامكانكم الاستمرار فى زلنا لعلاج مرض مافى نفس امثالكم, فانتم لا تعرفون شعب الجنوب. متى كان الجنوبيون يعتمدون على الشمال فى شئ? ماذا لديك حتى نعتمد عليك? الغرور الفارغ لزومو شنو. اتق الله يا راجل.



    يا جوزيف ،،، هذا وصل به الغرور لتقديم نصائح وبدائل اقتصادية ،،، لكن كما قلت مرض

    هذه العقليات انها بتعتبر الجنوبيون لا يفكرون ولا يفقهون كيف يديرون دولتهم وكما قال رئيسهم

    المجرم الهارب ( حشرات ) ،،، اذاً كيف يتقون الله اذ لم يتقو الله فى انفسهم
                   |Articles |News |مقالات |بيانات

30-04-2012, 03:35 PM

Deng
<aDeng
تاريخ التسجيل: 28-11-2002
مجموع المشاركات: 46850

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: كمال مبارك)

    Quote: منير..حبابك يا صديقي
    ياخي قربت اقول منير بقى طابور خامس ولا شنو..!!!

    نعم اتفق معاك..و هذا نهج اتمنى ان يسود.. لأن استقرار البلدين فيهو منفعة للجميع..وكل منهما محتاج يعتمد على قوة اقتصادية غير افريقية..
    مرة ، ايام استقبال ناس المؤتمر الوطني لناس الحزب الشيوعي الصيني ، احد الأصدقاء قال: ياخي الكيزان ديل صعبين خلاص..مجننا الشيوعية كفر و الحاد وعاك و عييك..و يقوم يستقبلوا الحزب الشيوعي الصيني في الخرتوم..!!!!

    واحد من الحاجات المفروض نعاين ليها: الغرب معانا من زمن عبود..هل فينا زول متذكر حاجة تذكارية (طبعا انا متذكر معهد الكليات التكنولوجيا و جامعة الجزيرة كأثر امريكي)؟..اليوم الصين اي بلد افريقي مشت ليهو اول حاجة بتعمل حاجة تذكارية.. مثل قاعة الصداقة (ممكن تلقى واحدة في زامبيا ، انغولا ، السودان ، اثيوبيا)..و دي الغرب ما قاعد يعملها..
    الصين لمن تجيب استثمارها بتجيب معاهو برامج تدريب.. يعني برضك بتدي الناس فرصة تعتمد على ذاتها في المستقبل..و دي الغرب ما قاعد يسويها..كل البيقدر عليه بملانا تنظير (حقوق انسان ، ديموقراطية ، ثقافة استهلاك بيرقر كنق..ماكدونالد ببسي كولا..الخ)..
    اهو بيان بالعمل.. شيفرون دخلت السودان و اشترت نصو..و كل المرقت بيهو سرقت لينا اليورانيوم بتاعنا و اتخارجت..!
    مش الجنوب براهو..كل الدول الأفريقية لو دايرة تمشي لي قدام..تنسق مع الصين..!


    كبر.

    كلامك ده كلام فطير ساكت وبه معلومات مضللة.

    أمريكا هي التي قامت ببناء عدد كبير من الدول الكبرى أبتداء من فرنسا،ألمانيا واليابان. الغرب هو الذي قام ببناء الخليج العربي وتطويره. فماذا عن الصين؟ الصين ساهمت مساهمة كبيرة في تدمير أقتصاد بعض الدول الفقيرة بطرق مباشرة وغير مباشرة. حيث أغلقت المصانع أبوابها في تلك الدول بسبب البضائع المستوردة من الصين. وذلك أدى الى نسبة عالية من العطالة وسط تلك الشعوب الفقيرة أصلا. مراكز التدريب المهني vocational education and training التي تم أنشائها في السودان تبرع بها الغرب(بلجيكا وألمانيا) وليس الصين. أسئل أي أنسان على وجه هذا الأرض هل يفضل أن يعمل في شركة غربية أم صينية فسوف تجد الأجابة واضحة وواحدة. شركة غربية أو أمريكية.
                   |Articles |News |مقالات |بيانات

30-04-2012, 03:45 PM

Deng
<aDeng
تاريخ التسجيل: 28-11-2002
مجموع المشاركات: 46850

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Deng)

    الأخوة زكريا جوزيف وكمال مبارك.

    العنصري الوقـــــح منصور مفتاح رجل لا يستحي أبدا ومعروف بعدائه الغبي لجنوب السودان.
    هذا رجل غير محترم وكتاباته في هذا المنبر معظمها عبارة عن دهنسة وتملق للعنصري الكبير عبد الله علي إبراهيم.
                   |Articles |News |مقالات |بيانات

30-04-2012, 04:18 PM

Zakaria Joseph
<aZakaria Joseph
تاريخ التسجيل: 27-11-2007
مجموع المشاركات: 9005

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Deng)

    الإخوة دينق و كمال,
    الدلوكة دى, اى حكاية ان على الجنوب فعل هذا و ذاك و الا فالانهيار, مدورة منذا انفصال الجنوب فى الاعلام الرسمى و كان الجنوبيون نزلو من المريخ و لم يعيشوا فى السودان. لو اقتصر الامر على اوهامهم فى تبجيل انجازاتهم و رفاهيتهم التى انعموا بها الشعب السودانى فى الشمال و يريدون تمديد يد العون للجنوب, لقلنا, نسمع. اماان تريد هذه النخبة العنصرية الفاشلة فى كل شئ, سياسة, اقتصاد, اجتماع, ثقافة, ان تعطينا دروس فى كيفية إدارة بلدنا و ان تنصب نفسها قدوة لينا, فهم بعيش فى عالم غريب. لا يوجد جنوبى عاقل يتوقع خيرا من حكام الخرطوم, فليحلوا مشاكلهم اولا. نحن فى الجنوب جننا و جن الكلام فى الفاضى.
                   |Articles |News |مقالات |بيانات

30-04-2012, 05:58 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Zakaria Joseph)


    صحة هذا القرض الملياري يدعم رؤية هذا البوست - وهو يعني أن سلفاكير حين زار الصين قد أعلن إستسلامه للهيمنة الصينية الجادة - من باب المصلحة - علي حساب الهيمنة الغربية التي تنبني علي الآيدلوجيا والأجندة الدينية .. ولكني أستغرب كيف يسمح الغرب بأن تتغول الصين لتضم جنوب السودان كمنطقة نفوذ إقتصادي واعد ، وهو ما يفتح الباب أمامها لكل دول الوسط الأفريقي ومن ثمَّ لكل أفريقيا ..
    القرض الملياري من شأنه إرجاع العلاقة البترولية بين الشمال والجنوب لتسير في مصلحة إنسياب البترول عبر الشمال تحت رعاية الصين .. وطبعاً لا مجال للحديث عن أن هذا القرض سيذهب لجيوب الحرامية ، وذلك لأنه بالنسبة للصين فإن القرض هو عملياَ تسفير بعض رأسمالها وتشغيله خارج حدودها فتخلق فرص عمل للكوادر العاملة الصينية في الخارج لتنفيس إزدحامهم بالداخل ، وبذا فإن ذلك المال المقروض سيكون عملياَ تحت إدارتها فتشغله بمزاجها وبكوادرها وفي ما تريده هي وفي الآخر تسترده بفوائده .. والجنوبيين طبعاً يستفيدون من النشاط الصيني الذي سيعمِّر لهم البلاد مقابل ثروة إلهية لم يبذلوا فيها جهداً .. وذلك خير لهم ، إذ الغرض هو الإستفادة من تلك الثروة بأقصي الإمكان وفي أسرع وقت وبأقل الخسائر - وذلك كله يوفره الصينيون الذين ما عندهم شغلة غير الشغل .. لا عندهم صراع حضاري مع الجنوب ولا مع الشمال - فقط يريدون أن يؤمِّنوا موارد لشعبهم في الداخل والخارج ..

    وعلي أي حال أنا أعتقد أن إقتحام الصين للجنوب يصب في مصلحة السودان لأنها ستجتهد في ترطيب الأجواء بين البلدين .. لكن فقط هناك عقدة صغيرة في طريق هذه الترطيبة، وهي وجود قيادات الحركة الشعبية الحالية التي حرقت كل مراكب العودة للإبحار شمالاً .. والحل هو التغيير في الجنوب ليأتي بقيادات جديدة لتفتح صفحات جديدة ..

    (عدل بواسطة Munir on 30-04-2012, 06:30 PM)

                   |Articles |News |مقالات |بيانات

30-04-2012, 06:15 PM

كمال مبارك
<aكمال مبارك
تاريخ التسجيل: 18-08-2005
مجموع المشاركات: 1367

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Munir)

    Quote: والحل هو التغيير في الجنوب ليأتي بقيادات جديدة لتفتح صفحات جديدة ..




    وليه الحل ما يكون بتغير نظام الخرطوم الفاسد ،،، حلك هذا تسيطر عليه نظرة استعلائية

    لانك تناسيت اين كان رياك مشار ،،، ودا دليل انو حتى المعارضين للحركة الشعبية لا يثقون

    فى نظام الخرطوم حتى وان قدم لهم المساعدة كما يجرى الان ,,


    اذا يا اخ منير ،،، وفر وقتك وزمنك وركز جهدك فى بلدك هم اولى بتقديم النصح ،،، اترك الجنوب

    وشأنة هم يعرفون اين تكمن مصالحهم
                   |Articles |News |مقالات |بيانات

30-04-2012, 06:16 PM

Zakaria Joseph
<aZakaria Joseph
تاريخ التسجيل: 27-11-2007
مجموع المشاركات: 9005

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Munir)

    Quote: والحل هو التغيير في الجنوب ليأتي بقيادات جديدة لتفتح صفحات جديدة ..


    الجنوب كان السبب المباشر فى تسلم عيود الحكم من عبدالله بك خليل و الجنوب تسسبب فى سقوط عبود حين غامر و وعد بمحوه من الوجود و الجنوب ايضا تسسبب فى مجئ مايو و عندما قرر النميرى العبث باتفاقية اديس ابابا, تسسبب الجنوب بطريقة مباشرة فى ثورة مارس ابريل و لا يمكن انكار الحقيقة بان البشير اطاح بالنظام الديمقراطى لوضع حدا للحشرات و فى نهاية جلس مع هذه الحشرات و كان للحشرات ما ارادو. التاريخ فى جانب الجنوب و لو اختار البشير العبث مع الجنوب, فسوف يذهب هو و ليست حكومة الجنوب .
                   |Articles |News |مقالات |بيانات

30-04-2012, 07:22 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: لا حل أمام الجنوب إلاّ فك إرتباطه مع الغرب والتعامل مع الصين !! (Re: Zakaria Joseph)



    إلي أن تبيِّن لنا الأيام ما يجري خلف الكواليس فأقول أني لست واثقاً من هذه الأخبار عن ذلك القرض الملياري - الذي أتمني أن يكون صحيحاً - وذلك لأني أعتقد أن أمريكا لا يمكن أن تسمح بهيمنة الصين علي الجنوب بهذه السهولة .. فهيمنة الصين علي شمال السودان وجنوبه ستجعلها تبذل قصاري جهدها لإنجاح تعاونها معهما حتي تكون غدوة جاذبة لباقي أفريقيا ذات الموارد البكر .. والتي أرادها الغرب كمخزون استراتيجي له .. والمنافسة بين الصين والغرب ليست فقط إقتصادية ومنافسة رفاهية وأكل وشراب، بل إن الصينيين برضو زيهم وزي أي بني آدميين سيتطلْعون ليكونوا الsuperman للبشرية مثلما ظل الرجل الأبيض يحتكر هذا الدور لعقود .. فالبني آدم بعدما يشبع من الثروة بيدور السلطة والهيمنة والتوسُّع.. ففي يومٍ ما كان الفراعنة ثم الأغاريق، ثم الفرس والروم ثم العرب ثم التتار ثم العثمانيين ثم الأوربيين ثم الأمريكان - ولربما حان الآن دور الصين ولربما تليها الهند و..و..

    ::::



    يا أخي كمال مبارك عليك الله كدي روق وأقرأ البوست ده بعيونك الاتنين بدون رأي إستباقي في الكاتب، وشوف الإستعلاء وين والوصاية وين ..
    الكلام الأنا كاتبه ده كله عبارة عن إستنتاجات وتقرير أحوال وإستقراء للواقع كزول مراقب عادي أتناول الأحداث حسب ما يتم تداولها وأعمل ليها تجميع وفك وتركيب وأكتب المحصلة يا تطلع صاح يا تطلع غلط .. ليست وصية لزول ولا إستعلاء علي زول .. فيا أخي إنت المفروض تبطِّل وصايتك عليّ وتتوقف عن توريني أكتب عن شنو وأخلي شنو .. ده أبسط شئ ممكن بيهو تنتبه إلي أنو الإستعلائي والذي يريد فرض وصايته علي الآخرين هو أنت وليس أنا .. مش كده؟؟ ..
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de