|
دعواتكم لزميلنا المفكر د.الباقر العفيف بالشفاء العاجل
|
|
 Re: بشــرى ســارة للرجـال !!!! مـرأة بالريمــوت كنــترول !!! (Re: shammashi)
|
Quote: مطلوب زر لمنع الكلام في التلفون
وواحد للحد من شراء الملايات.
|
سلام وتحيةshammashi
دي اتفق معاك أنا ذاتي فيها حاقول ليك موقف ظريف جداً ...عندنا جارة ناس حبوبة جنّها شراية ملايات وعدة وحاجات ذي دي، قالت أكمل قروش الراجل عشن ما يعرس ،وجنّهاتخت الملايات والحاجات تحت السرير والمرتبة من كترة الحاجات اترفعت فوق...المهم الراجل كل مرة يلقى المرتبة تترفع لي فوق ما كان فاهم الحاصل الا بالصدفة سألها الحكاية شنو؟ قالت ليه ده للزمن وكان بتك عرست أصله ما في مشكلة.
في يوم بالصدفة المرة لقت المرتبة نازلة...عاينت ..سجمي سجمي حرامي سرق حاجاتي ، طلع الراجل لقط الدايره ومشى عرس بيه.!!!!!
ما قالت ليه الشيلة من هنا جاهزة...
كل التقدير
| |
 
|
|
|
|
|
|
|
|
Re: بشــرى ســارة للرجـال !!!! مـرأة بالريمــوت كنــترول !!! (Re: أبوذر بابكر)
|
أخ أبو ذر
Quote: يا ريت والله لو يعملو لينا واحد خاص بالرجال كمان
عشان نرتاح نهائيا
اصلها بايظه بايظه
تانى الواحد يقولو ليهو ده شنو الهببتو ده
يقول والله ما عارف
أنا "شغلونى" بالزر الفلانى
يعنى الزول يخلى مسئوليته وطرفه من أى شى |
أضحكتني أضحك الله سنك...إقتراح رهيييييب رهيييييب وأخيراً لقيتوا طريقة للفرار...
كل التقدير
| |
|
|
|
|
|
|
|
|
 Re: بشــرى ســارة للرجـال !!!! مـرأة بالريمــوت كنــترول !!! (Re: EL fahal Abdelatif)
|
سلوم !!!
يسعد صباحك يا عسل ,,, موضوع بيعقد !!!
بس تفتكري يا حبيبة القسا نحنا مش فتنا الريموت كنترول بسنوات يعني لمن تصحي من النوم على عجل
في السادسة صباحا وتاخدي شور على السريع وتنزلي الأولاد المدرسة وتجي تعملي العصير والشاي والذي
منو لأبو العيال وتلبسي بسرعة عشان تمشي الشغل أحيانا تعملي شوية ميك أب في الإشارة عشان ضيق الوقت
وتنسي روحك وإنت بتعملي في الميك أب يقوم الوراك يزمر ليك تقومي تدوسي بترول وتفتحي السكة للعالم
المضايقة وما رايقة ,, تصلي الشغل متأخرة دقيقة وثانيتين يتختو اليك في ميزان سيئاتك المهم تقضي
اليوم بين الشغل والرد على الزباين في سودانيز أون لاين عشان ما يزعلو منك يخلص الشغل تقومي جري
على البيت وسط الزحمة اللي ما حصلت أبدا واللي تخليكي ترجعي البيت الساعة تلاتة ونص عشان تجدعي
الشنطة وتجري على المطبخ تشوفي الغدا كيف قبلي ما تطلعي الأكل من التلاجة إذا ما عندك شغالة جرس
الباب يضرب تجري تفتحي للأولاد الجايين هلكانين من المدرسة وشايلين شنط وزنها 50 كيلو ومن تقلها
يرموها جنب الباب تقومي تشيليها تدخليها غرفهم وبعدين جري على المطبخ عملتي الغدا والشاي قبلي ما
تصلي العصر يدق جرس الباب تجيك واحدة ثقيلة ما شغالة نايمة اليوم كلو وعايزة تتونس تقدمي ليها
العصير والشاي والكيك في الوقت دة تديك شمارات السواد والرماد تكوني نعسانة جدا كلمة تسمعيها
وكلمة لا تقومي تشعر بثقالتها وتمشي تقومي تصلي العصر الأولاد يجو يقولو ليك عندنا واجبات وكوزات
تقومي تذاكري معاهم إلى ما شاء الله ولما تجي ساعة نومك تقعي زي الفطيسة ويكون أبو الأولاد نام
وصحاوعايز يبدا يومو من جديد فريش ومصحصح وإنتي بتندبي في حظك وتقولي لنفسك ملعونة أبوها
عرسة !!!
| |
|
|
|
|
|
|
|
|
|
Re: بشــرى ســارة للرجـال !!!! مـرأة بالريمــوت كنــترول !!! (Re: mohmed khalail)
|
الأخ محمد خليل
| Quote: ريموت خطير..اكيد الكمية نفدت..المرة الجاية نحجز بدري |
نفدت لأنه في طلبات سرية ناسها ما حابين يوروا أسماءهم...لكن ولا يهمك في طلبيه تانية في الطريق بس أحجز أنا ما قايلة الريموت ده موضوعه بينجح كده...
Quote: بالمناسبة السنة الفاتت نزل فيلم امريكي اسمو(click )بحمل نفس الفكرة فيلم كوميدي حقق ايرادات عالية جدا.
|
الله يطمنك زيادة...خلاص نعمل اقتباس منه لفيلم نسميه...... كليك سوداني
عميق مودتي وتقديري
| |
|
|
|
|
|
|
|
|
|
Re: بشــرى ســارة للرجـال !!!! مـرأة بالريمــوت كنــترول !!! (Re: مجدي عبدالرحيم فضل)
|
Quote: أنا ريموتي المره دي بوظتوا في صيانة سريعة في الهيلب
ورجاء تعملي شفرة لريموتي بالبصمة عشان تفادي القرصنه
المنزلية وكده مع أشتياقي لمرأتي الكنترولية.
|
أبو قصي يسعد صباحك
الريموت ده ما غالي عشان كده حافظ عليه وإذا زر الهيلب ما نفعك ما ليك الا توكل أمرك لي ربك أولاً وتتحمل العواقب ثم تجينا والله كريم.
وهو متين لحقوا شافوا code number ما تخليك حريص.
| |
|
|
|
|
|
|
|
|
|
Re: بشــرى ســارة للرجـال !!!! مـرأة بالريمــوت كنــترول !!! (Re: salma subhi)
|
تحياتي يا سلمى
بعيد عنك وعن السامعات ، طلق أحدهم زوجته التي يشهد جميع جيرانها على طاعتها العمياء له . أتاه الأجاويد قائلين ما معناهو
" يا خي تطلق مرة نحنا أقرب جيرانكم ما سمعنا يوم صوتا ؟؟؟ "
فرد عليهم
" دا ما هو السبب زاتو الخلاني أطلقا ، يا أخوانا دي من شدة ( عوارتا ) ، ما بتسمع كلامي أنا وبس . دي بقت تسمع كلام أخواتي زاتم "
| |
|
|
|
|
|
|
|
|
|
Re: بشــرى ســارة للرجـال !!!! مـرأة بالريمــوت كنــترول !!! (Re: salma subhi)
|
الأخت سلمى صبحي ...
شوفي يا زولة ..
كل واحد من الرجال ديل عندو غرض يختلف عن الآخر. عشان كدة لازم الريموت ده يتطور، وينتج حسب الطلب. يعني مثلاً أنا هسة عايز ريموت يتوافق مع (الدماغ) الرسلت ليك صورة الإسكانر بتاعتو ..... في والا يفتح الله، ونشوف منتِج تاني؟
ملحوظة:
أنا هسة مرتي ما موجودة، ولازم الريموت المطلوب يكون جاهز قبل وصولها، عشان من قولة تييت، تمشي على العجين ما تلخبطوش..
| |
|
|
|
|
|
|
|
|
|
Re: بشــرى ســارة للرجـال !!!! مـرأة بالريمــوت كنــترول !!! (Re: محمد أبوالعزائم أبوالريش)
|
الأخ محمدأبو العزائم ولا يهمك بس أأمر!!!
| Quote: كل واحد من الرجال ديل عندو غرض يختلف عن الآخر. عشان كدة لازم الريموت ده يتطور، وينتج حسب الطلب. |
دي متأكدين منها حسب الطلبات الملوها...
Quote: يعني مثلاً أنا هسة عايز ريموت يتوافق مع (الدماغ) الرسلت ليك صورة الإسكانر بتاعتو ..... في والا يفتح الله، ونشوف منتِج تاني؟
|
أأمر...!!!
في حاجة لاحظتها في الصورة دي...مركز الحب والصدق والمنطق والصبر مالهم صغار كده!...
| Quote: ولازم الريموت المطلوب يكون جاهز قبل وصولها، عشان من قولة تييت، تمشي على العجين ما تلخبطوش.. |
حااااااضر بس لو اتلخبط شي ...في الريموت في زر heeeeeeeelp استنجد بيهو لأي ظرف....
منتجاتنا مضمونة 100%
| |
|
|
|
|
|
|
|
|
|
Re: بشــرى ســارة للرجـال !!!! مـرأة بالريمــوت كنــترول !!! (Re: badr alkalika)
|
Quote: بعدين الريموت دا خليجي \ سودنيهو
|
كيفك أخ بدر
والله طلبت من الأعضاء يساعدونا في كده ومعتصم دفع الله طلب الطلب ده من الأول لكن دكين جاب لينا ريموت بالانجليزي.
Quote: وتعالي سلوم انت نسيتي اهم امر ما لقيتوا ؟!
مش كدا ياجماعة الخير
|
يا ربي شنو يا ربي شنو؟؟؟؟؟؟؟ 
Quote:
والحمد لله الريموت النسائي تعطل
وانا برا |
احنا قلنا الريموتو بيتعطل طوالي يضغط زر heeeeeeeeelp عشان يلحق روحة لأن side effects غير معروفة حتى الآن.......
...
| |
|
|
|
|
|
|
| |
salma subhi
معتصم دفع الله
الطيب شيقوق
مجدي عبدالرحيم فضل
حيدر حسن ميرغني
عوض حمزة
أبوذر بابكر
mohmed khalail
عواطف ادريس اسماعيل
Nader Abu Kadouk
خالد علي محجوب المنسي
Mutwali Malik
محمد أبوالعزائم أبوالريش
عاطف عمر
ماجدة عوض خوجلى
فيس بوك
تويتر
انستقرام
يوتيوب
بنتيريست