|
|
 إلى نجاة محمود .. عليك الله شوفي البراءة في الحكاية دي
|
حكاية على لسان نسيبة صاحبة ليم
إتخيلي يا ليم تكوني جيتي تعبانة من الجامعة وحرانة ويمكن جعانة شوية
إستحميتي ... لبست هدوم النوم ولفيتي شعرك وطلعت سريرك ومرتبتك برة عشان الحر يسلق
وتنومي ملء جفونك من التعب ومتخيلة معاناة اليوم الثاني
على فكرة إتذكرتك قلت ليم أسة تكون ضاربة المكيف والراحات في البيت
فجأة في عز النوم بين حلمانة وواعية تسمعي صوت
"الله أكبر" "الله أكبر" "الله أكبر"
تتبسمي براك تقولي الله أكبر جات يعني صلاة العيد
وتتخيلي أمك وأخوانك وحوش بيتكم
وتتذكري المسح وشد الملايات الجديدة
وتقولي الله دي شقاوة شنو؟؟
فجأة يزيد ويقترب منك صوت التكبير
تجري الموبايل من تحت المخدة
تقول نشوف الصبح ده أذن متين
تلقيها الساعة واحدة صباحاً
والصوت ما أذان
بل شئ لابس عباية سوداء وخمار أسود هيئته هئية مرة
صوتو صوت راجل
تفزعي تقولي دي أكيد شيطان
أقول بسم الله الرحمن الرحيم وحيختفي
تقولي بسم الله
الشئ يجي عليك عديل يا ليم
والله ده الحصل ولحدي أسة ما عارفة جريت دخلت جوة كيف
وإتلميت على صاحباتي كيف
وجانا ليك الطوب كيمان كيمان وسمعنا صوت الصراخ
رمينا المرتبة في الأرض ودخلنا تحتها
إستمر الضرب والصراخ ونحنا تحت المرتبة
غايتو يا ليم أنا ما عارفة الحصل شنو
لكن الشرطة كانت برة بعدد كبير لما لقينا طريقة وطلعنا بي شعرنا مكعك وهدوم نومنا
لقينا السيخ والطوب والطيقان مليانة دم
غايتو يا ليم أنا خفت جنس خوف!!
ولغاية أسة مرعوبة
بقيت أخاف من صوت الآذان
......
|
|
 
|
|
|
|
|
|
|
|
Re: إلى نجاة محمود .. عليك الله شوفي البراءة في الحكاية دي (Re: Al-Sadig Yahya Abdall)
|
سلامات يا شادية قصة مؤثرة جدا
ممكن برضو تكتبها اي بت من السودان كانت في البركس ذلك اليوم
لازم تفرشي حقائق اولا ان بنات دارفور في البركس اقلية وما اغلبية كما ذكرتي في مكان ىخر..
تعرفي انت افضل من كتب عن هذا الخبر
لانه عمل الصراع فكري وما عنصري,, ما اتهم عموم الجلابة بارتكاب هذه المخازي
ولذلك يا شادية يجب التركيز على نزع فتيل الخلافات الفكرية
لانها هي سبب العنف الطلابي..
ويجب وقف تأجيج الشماعر العنصريةوالنعرات العرقية
ودا الحاصل في مناقشة مشكلة البركس...
مافي زول مواطن ساي بكره ناس دارفورولافي سبب يكرهوا ناس دارفور
في كل الاحياء يعيشون في امن وسلام..
| |
|
|
|
|
|
|
|
|
|
Re: إلى نجاة محمود .. عليك الله شوفي البراءة في الحكاية دي (Re: د.نجاة محمود)
|
عايزة أقول ليك يا نجاة ده ما عنف طلابي
ده مخطط سياسي والكيزان عارفين بيعملوا في شنو وعايزين يصلوا لي شنو
لأنو لو كان ضرب بين طالبات وفي وقت معقول من اليوم كنا شلنا إبتسام محمود وعدد من
الباحثات الإجتماعيات ومشينا قعدنا مع الطالبات
لكن أن يدخل تنظيم المؤتمر الوطني منسوبيه الرجال داخليات البنات
للأعتداء عليهن بالضرب ومحاولات خلع ملابسهن ده
ما صراع فكري ولا حاجة
ده سقوط منظم
وبالمناسبة حكاية محاولات خلع الملابس عنوة دي حصلت وحكتها لي أكثر من طالبة
ممن تعرضن للأعتداء
وواحدة منهن صاحبة ليم
وصدقيني حأكون وراء الحقيقة لو كلفتني عمري
| |
|
|
|
|
|
|
|
|
|
Re: إلى نجاة محمود .. عليك الله شوفي البراءة في الحكاية دي (Re: شادية عبد المنعم)
|
| Quote: حكاية على لسان نسيبة صاحبة ليم |
ياخي ما كان تشكليها يا شادية ..
خليتينا قرينا البوست غلط لحدي ما خشينا الداخلية
ـــــــــــــ
دكتورة نجاة اي حديث جهوي للصراعات السياسية مرفوض لان الحركة الارهابية الاسلاموية
الحاكمة ليست ( جلابة ) فقط ... وحاملي السيخ لا يجمع بينهم عرق بل نفسية مريضة
متعطشة للعنف بلا حدود ..
| |
|
|
|
|
|
|
|
|
|
Re: إلى نجاة محمود .. عليك الله شوفي البراءة في الحكاية دي (Re: ihsan fagiri)
|
Quote:
سلامات يا شادية قصة مؤثرة جدا
ممكن برضو تكتبها اي بت من السودان كانت في البركس ذلك اليوم
لازم تفرشي حقائق اولا ان بنات دارفور في البركس اقلية وما اغلبية كما ذكرتي في مكان ىخر..
تعرفي انت افضل من كتب عن هذا الخبر
لانه عمل الصراع فكري وما عنصري,, ما اتهم عموم الجلابة بارتكاب هذه المخازي
|
شكرا يا دكتورة نجاة (بيان) ...
إصرارك علي نكران الحقيقة ... من حيث تدرين أو لا تدرين ... قد أثبتي الحقيقة ...
الناس بتكره من يكره الحقيقة ....
| |
|
|
|
|
|
|
|
|
|
Re: إلى نجاة محمود .. عليك الله شوفي البراءة في الحكاية دي (Re: د.نجاة محمود)
|
Quote: فجأة يزيد ويقترب منك صوت التكبير
تجري الموبايل من تحت المخدة
تقول نشوف الصبح ده أذن متين
تلقيها الساعة واحدة صباحاً
والصوت ما أذان
بل شئ لابس عباية سوداء وخمار أسود هيئته هئية مرة
صوتو صوت راجل
تفزعي تقولي دي أكيد شيطان
أقول بسم الله الرحمن الرحيم وحيختفي
تقولي بسم الله
الشئ يجي عليك عديل يا ليم
|
الكلام ده حصل جد جد انا ما قادرة اصدق ولا قادرة استوعب المنظر
ممكن نعرف انهم عملوا كده ليه؟؟
ام ليم العسل
سلاماااات وشوق
د. نجاة تحياتى
| |
|
|
|
|
|
|
|
|
 Re: إلى نجاة محمود .. عليك الله شوفي البراءة في الحكاية دي (Re: فادية اليمني)
|
القصة واضحة وبائنة وضوح الشمس,,,
لا أدرى فى اى شئ يغالط من يغالط!!!!!!
لا داع للشرح ,,,
أحكوا فقط,,
فنحن نثق فى كلامكم وقناعاتكم,,
That's It.....
| |
|
|
|
|
|
|
|
|
|
Re: إلى نجاة محمود .. عليك الله شوفي البراءة في الحكاية دي (Re: أيمن الطيب)
|
Quote: عايزة أقول ليك يا نجاة ده ما عنف طلابي
ده مخطط سياسي والكيزان عارفين بيعملوا في شنو وعايزين يصلوا لي شنو
لأنو لو كان ضرب بين طالبات وفي وقت معقول من اليوم كنا شلنا إبتسام محمود وعدد من
الباحثات الإجتماعيات ومشينا قعدنا مع الطالبات
لكن أن يدخل تنظيم المؤتمر الوطني منسوبيه الرجال داخليات البنات
للأعتداء عليهن بالضرب ومحاولات خلع ملابسهن ده
ما صراع فكري ولا حاجة
ده سقوط منظم
وبالمناسبة حكاية محاولات خلع الملابس عنوة دي حصلت وحكتها لي أكثر من طالبة
ممن تعرضن للأعتداء
وواحدة منهن صاحبة ليم
وصدقيني حأكون وراء الحقيقة لو كلفتني عمري |
............
شــادية ( بت حلتنـا ) , تحياتي وســلامي
أتفـق معـك تمـاما
لاهـو عنف طلابي ولاهـو صـراع فكـري
ماحـذث يغذي ويعمـق الصـراع العنصـري بكل تأكيـد وهنـا علينـا أن نركـز في كلامـك دا
| Quote: والكيزان عارفين بيعملوا في شنو وعايزين يصلوا لي شنو |
ونحـن برضـو عارفين هـم بعمـلوا في شـنو , ولـن يـصلوا لمـا يـريـدون
بكشــف ما يحاول الكيزان دفعنـا اليـه من تشـرزم وتفتت بعملهم على
زرع فتنـة الجهوية والقبليـة والعنصـرية
| |
|
|
|
|
|
|
|
|
|
Re: إلى نجاة محمود .. عليك الله شوفي البراءة في الحكاية دي (Re: شادية عبد المنعم)
|
العزيزة شادية لك التحية
استأذنك في الرد على د. نجاة عشان نحن من جيل واحد
Quote: سلامات يا شادية قصة مؤثرة جدا
ممكن برضو تكتبها اي بت من السودان كانت في البركس ذلك اليوم
لازم تفرشي حقائق اولا ان بنات دارفور في البركس اقلية وما اغلبية كما ذكرتي في مكان ىخر..
تعرفي انت افضل من كتب عن هذا الخبر
لانه عمل الصراع فكري وما عنصري,, ما اتهم عموم الجلابة بارتكاب هذه المخازي
ولذلك يا شادية يجب التركيز على نزع فتيل الخلافات الفكرية
لانها هي سبب العنف الطلابي..
ويجب وقف تأجيج الشماعر العنصريةوالنعرات العرقية
ودا الحاصل في مناقشة مشكلة البركس...
مافي زول مواطن ساي بكره ناس دارفورولافي سبب يكرهوا ناس دارفور
في كل الاحياء يعيشون في امن وسلام.. |
سلامات يا شادية قصة مؤثرة جدا
1- هذا خبر رجاء التفريق بين القصة والخبر
ممكن برضو تكتبها اي بت من السودان كانت في البركس ذلك اليوم
2- ما هو دليلك على ذلك؟ وهل هذا ينفي صدقيته؟ وهل حجتك هذه كافية لدحضه؟
لانه عمل الصراع فكري وما عنصري
3- ما هو دليلك على أنه فكري وأين الفكر قي الاقتتال؟ العمل العنصري هو الذي من أدواته الاقتتال والنفي، مثال الهوتو والتوتسي والبوسنة والهرسك وجرائم البركس.
ويجب وقف تأجيج الشماعر العنصريةوالنعرات العرقية
4- هل لديك معلومة عن تاريخ العنصرية في سقدان 3 ، أسبابها مسباتها؟ وهل بمقدورك نفي هذه الصفة الجاهلية السالبة عن نفسك؟
خارج البوست-
في بنات مضروبات من الجانبين لكن يبدو الجلابة ما عايزين يتاجرو
باسماء بناتهم وكدا..
5- وين دليلك على الجلابيات المضروبات؟
ووين دليلك على أن الجلابة ماعايزين يتاجروا بأسماء بناتهم؟
وهل السبب للقيم الأخلاقية؟
كدا... يعني أيه؟ هل لها دلالة على قيم وأخلاق؟
هل لك ميل إلى مذهب الشك الديكارتي؟
أما بخصوص البوست المفتوح للوزير الذي ينقصه المرجع والدراسة العلمية من حيث تاريخ ورصد مثالب ومحاسن الاتحادات،
والحلول المقدمة من طرفك في الخبر الذي لم يكتمل بعد على طريقة وجدتها وجدتها!
والأغراض الداعية إلى فتحه لو اتسع صدرك سأرد عليك في مكانه.
ودعيناأولاً أن نتجرد قبل الولوغ في البحث عن حلول لمشاكل العنصرية وصراعات الطلاب
شكراً شادية وشكراً نجاة
| |
|
|
|
|
|
|
|
|
|
Re: إلى نجاة محمود .. عليك الله شوفي البراءة في الحكاية دي (Re: آدم صيام)
|
Quote: خارج البوست-
في بنات مضروبات من الجانبين لكن يبدو الجلابة ما عايزين يتاجرو
باسماء بناتهم وكدا.. |
صيام ازيك
تقدر تجزم جزم قاطع انو الطالبات او الامنجيات الضربو اخواتهم
بالداخلية كلهن بنات ( جلابة) ؟؟ وهل الطالبات الانضربن كلهن بنات ( غرب )
مع الاعتذار لهذا التقسيم البغيض
انا في راي في اختلاف استخدم العنف ما بين تنظيم سياسي ارهابي يسمى المؤتمر اللاوطني وبين الشريفات من الطالبات بالداخلية بمختلف ثقافاتهن واعراقهن
| |
|
|
|
|
|
|
|
|
|
Re: إلى نجاة محمود .. عليك الله شوفي البراءة في الحكاية دي (Re: محمد حسن العمدة)
|
Quote: صيام ازيك
تقدر تجزم جزم قاطع انو الطالبات او الامنجيات الضربو اخواتهم
بالداخلية كلهن بنات ( جلابة) ؟؟ وهل الطالبات الانضربن كلهن بنات ( غرب )
مع الاعتذار لهذا التقسيم البغيض
انا في راي في اختلاف استخدم العنف ما بين تنظيم سياسي ارهابي يسمى المؤتمر اللاوطني وبين الشريفات من الطالبات بالداخلية بمختلف ثقافاتهن واعراقهن |
ود العمدة مرحبتين
تجزم جزم قاطع هذه اشتم منها رائحة
لحصر الإجابة حصراً في اتجاه ملقي السؤال
وإلا عدم الجزم يترك الموضوع مدلدل لتتناوشه رياح الشكوك!
ومدخل لنسف الخبر من أساسه على طريقة معالجة النعامة لما يواجهها
هذا النوع من الفينومنا لا يعالج بالجزم القاطع والنفي القاطع أيضاً
إنما بالدلالات والعينات والحيثيات قلت أو كثرت
بعدين الخبر يقول طالبات ثم طلاب في زي النساء يعني الموضوع مش بين الطالبات والطالبات فحسب
لم يكن خبر الدارفوريات المنتهكات يقول كلهن
ولم يكن الخبر الوارد من بيان يقول كلهن، ولو تابعت الأحداث لم أكن مصدراً للخبرين
فالخبر الثاني ورد بعد الخبر الأول (صدى)
رأيك هذا موجود من حيث تاريخ العنف الممارس من قبل المؤتمر اللاوطني
ولكن حالة البركسل نوعية لذا إدخالها تحت عباءة كل البرغي صابون لتجاوز أزمة عنصرية عصفت و تعصف بالبلاد غير علمي ومغروض كمان.
بعدين السؤال هو لبيان ليه ماجاوبت؟
| |
|
|
|
|
|
|
|
|
|
Re: إلى نجاة محمود .. عليك الله شوفي البراءة في الحكاية دي (Re: آدم صيام)
|
الاخت د نجاه
مرات بقرا ليك بستغرب كتير جدا جدا
وبتحاشى الرد عليك فى كتير مواضيع .....لانو بتستعملى منطق البيضه والدجاجة لمن تكون المساله
متعلقه بى تنظيم محدد........... وبتستعملى المنهج العلمى لمن يكون الموضوع متعلق بتنظيم
اخر ..................................................................................
طبعا ده ما بدايه حوار بس ملاحظه
علما (بانى لا انتمى لاى تنظيم فى هذا العالم ) وبالذات الاحزاب الكرتونية فى السودان
حتى لا يروح بالك بانى عندى اجنده حزبية خفية عايز امررها ......................
وعارفه منطق ان تشكك فى حدث ده ساهل جدا ..
وعشان اكون عملى معاك ادينى اى حقيقه ممكن تكونى عارفاها حقيقه لا تقبل النقاش ممكن اشكك فيها
وهذه الجزئيه الاخيره بالذات ممكن ارد عليها ....
بس الفوق ده ملاحظه مما اقراء فى هذا المنبر...هل انتى منتبهه ليها ولا لا
انا استوقفتنى لانى بقراء اكتر مما اكتب ....وبدات اكون ملاحظات ليس عنك فقط بل عن كثير
ولا ادعى الحكمه وحق المعرفه ولى اخطائى الكثيره جدا فى هذه الحياه ولكن لاى انسان
ملاحظاته مهما صغر شائنه او كبر .
لك الود وكثير احترام اخوك عمر سعد
| |
|
|
|
|
|
|
| |
Al-Sadig Yahya Abdall
Mohamed Suleiman
فادية اليمني
أيمن الطيب
آدم صيام
عمر سعد
فيس بوك
تويتر
انستقرام
يوتيوب
بنتيريست