|
|
 تميت اربعين سنة والرسالة ماجاتني !!!
|
أول حاجة باركو لي وانا فتحت البوست ده قبل يوم من عيد ميلادي الاربعين عشان اي واحد يجهز الهدية بتاعتو طبعا الطلبة ممكن كل اتنين يتشاركو في هدية .
اما فيما يخص موضوع الرسالة طبعا اكيد قاصد رسالة اللوتري لي زي عشرة سنة بقدم ( وحظي ماضرب )
مع انو معظم الناس القدمت ليهم جاتهم الرسالة واسع استلموا جوازاتهم وفي واحدين منهم جانا راجع تاني كمستشار اجنبي .
لكن بعد الاربعين سنة دي الواحد ح يعيد تفكيروا وكيف يحافظ على صحتو عشان يعيش باقي عمرو كويس
اها ياشباب بكره انشاء الله ماتنسو الهدايا
وانا كلمت المدام تعمل رز بي لبن ولقيمات قلنا دي انسب حاجة الواحد يعملها بعد ماتم الاربعين لوووول يكه
كل عام وانتم بخير
زاتوووو
|
|
 
|
|
|
|
|
|
|
|
Re: تميت اربعين سنة والرسالة ماجاتني !!! (Re: emad altaib)
|
الزول يكه
كل سنة وانت طيّب يا عمّو .. وعقبال أربعين سنة تانية
وهديتي مجهّزا ليك من حسّي sport suit عشان تخش معانا
في برنامج "الرياضة للجميع" وتجي تجُك معاي ومع صاحبك
حيدر الزين ورا شركة الجميح وتسيب الكسل بتاعك ده
أمّا بالنسبة لأمريكا يا حبيبنا، فلو جاتك زاتو بعد ده
حقّو ما تمشي، لأنو الفيها كِملت زاتو، والأزمة العالمية
خلت أمريكا طاردة وما بنقعد إلا كان داير تمشي تشتغل
وزير داخلية ولا في السلك الدبلوماسي يا كمان تصدّر يكه
وبكده تكون ساهمت في تصدير التراث القومي السوداني
ولا ما كده لوووووووول يكه
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: هشام آدم)
|
شكرا لي كل المتداخلين ح اجيكم واحد واحد بي رواقة
بس قبل ما نجيكم واحد وراء التاني لازم اقدم اعتذاري عن 39 سنة الماضية لو غلطنا علي زول ولا زعلنا لينا زول غايتو من ناحيتي انا ماتشيلوا هم وخطوا في بنطكم بطيخة صيفي لانو انا بعد اقفل الكمبيوتر
تاني مابتذكر فيهو حاجة الا بكره
ونفتح صفحة جديدة من تاريخنا الصفحة دي ياجماعة مازي دعاية سودانير كل مايقولوا نفتح صفحة جديدة يقوموا يحرقوا ليهم طيارة لوووول نتمنى ان الصفحة دي تكون ناصعة البياض من غير كوارث .
وهذا للمعلومية
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: الوليد محمد الامين)
|
Quote: غايتو كل سنة وانت طيب
أها يازول كان الرسالة ديك ما جاتك ركز علي رسالة لندن !!!!! !!!!! |
حبيبنا الوليد
لا رسالة لندن ح تجي ح تجي مراسلنا في لندن قال شاف هالة حسن دخلت محلات سبنسر وطلعت بي كيس كبير
قلنا اكيد دي هدية عيد الميلاد
شكرا على مرورك الجميل
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: هشام آدم)
|
Quote: الزول يكه
كل سنة وانت طيّب يا عمّو .. وعقبال أربعين سنة تانية
وهديتي مجهّزا ليك من حسّي sport suit عشان تخش معانا
في برنامج "الرياضة للجميع" وتجي تجُك معاي ومع صاحبك
حيدر الزين ورا شركة الجميح وتسيب الكسل بتاعك ده
أمّا بالنسبة لأمريكا يا حبيبنا، فلو جاتك زاتو بعد ده
حقّو ما تمشي، لأنو الفيها كِملت زاتو، والأزمة العالمية
خلت أمريكا طاردة وما بنقعد إلا كان داير تمشي تشتغل
وزير داخلية ولا في السلك الدبلوماسي يا كمان تصدّر يكه
وبكده تكون ساهمت في تصدير التراث القومي السوداني
ولا ما كده لوووووووول يكه |
الله يبارك فيك يا ابني
عقبال بيك نفرح يازينة ونشرب شرباتك يازينة والهدية من ايدك مقبولة لكن يامعلم انا لوجيت وجكيت بي رجل واحده مابتحصلوني انت وصاحبك التعبان ماعارف انتو بعد العرس ح تعملوا شنو لووول
يازول اخوك مارس جميع النشاطات كرة قدم - سلة - طائرة - سباحة - تنس طاولة عشان كده اللياقة لسع موجودة وقبل الزواج اخوك كان منتظم في بيت الشباب تمارين وساونا وجاكوزي عيييييييييك .
لكن انت يامعلم باين الكتابة هدَت حيلك وصاحبك التدخين لجنو
موضوع امريكا خلاص ح نصرف عنو النظر بس على شرط روايتك الجاية تكون من صميم الترث السوداني
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: emad altaib)
|
Quote: مبرووك يا الزول زاتوو ( عمر النبوة )
وكل سنة وانت بخير وطيب ..
ـــ
ابحث عن الحكمة تجدها في نفسك |
الاخ عماد الطيب
وانت بالف خير
نعم الحكمة موجودة وفي انفسكم افلا تبصرون بس وين البصيرة البتشوف الحكم
شكرا للكلام الجميل
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: يوسف محمد يوسف)
|
Quote: الزول زاتو .. معقول يا دابك حصلت الاربعين
على العموم كل سنة وانت طيب .. عقبال ماتطفىء قشة الكبريت .. اقصد الشمعة المائه !!
يا عمك سيبك من الـ USA و تعال نعمل لينا شركة لتجهيز " فطور العريس !!! "
كل عام و انت بخير .. يا زولى |
حبيبنا يوسف
اسمك ده طوالي بيذكرني تذاكر السفر ماعارف لي شنو لووووووول يكه
يازول فطور الكديس ده محتكراهو بت الافندي ايدها طاعمة ماشفتها يوم داك في التلفزيون مع رشا الموضوع كان عن فطور العريس اها حضرنا الحلقة وفطرنا وحلينا كمان لووول .
يازول انا جني وجن الفشخرة امش اعمل شركة كمان للمفشخرين فطور عريس وكلام فاضي يعني العريس ده ما ح يفطر ولا شنو لووول يكه انتمنى انو العادة دي تنتهي ولو مُصرين على الموضوع الفطور يكون بس للعريس والعروس فقط يعني طلبين بس .
عقبالك كمان تجي تطفئ معاي الشمعة المية لانو الواحد بيكون نفسو انقطع بعد المية لووول يكه
تحياتي ياوجيه
زاتووووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: Abuelgassim Gor)
|
العالمي ابو القاسم قور
صغيرون دي بالمقارنة مع اعضاء البورد الباقين لكن شافع دي كتيره شوية لووووووول يكه
يازول الواق واق دي الزول بيجي منها مستشار مافي مشكلة غير كده لوتري وبس
شكرا ياعمو قور بس ماتقول لي العالمية برضو من الواق واق
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: اساسي)
|
حبيبنا الاساسي
عقبالك كده كمان بعد 15 سنة تتم الاربعين لوووووول
يامعلم شدة وتزول ان شاء الله نمشي القمسيون الطبي يقول لي اخوك الاكبر منك عمرو كم اقول ليهو خمسة وثلاثون ووالاصغر واحد وثلاثون طوالي يقوم يطلع لي شهادة ميلاد بي 33 سنة وتجي تقشر بيها هنا زي اعمامك العاملين صغار لووووول يكه ديل الواحد اول مايجي يقرا حاجة في البورد يكبر الخط لي 20 تقول لي ازمة برضو
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: SHIBKA)
|
| Quote: كل سنة وانت طيب وانشا الله السنة الجاية تجينا مع المستشارين الاجانب |
اختنا شبكة
وانتي طيبة وبالف خير وعافية الاجانب دي عايزه ليها كم سنة كده
الذ حاجة واحد من المستشارين غير اسمو لووووووووول
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: ALZOLZATOO)
|
ناصر زاتو كل سنة وانت طيب
والسنه الجايه تكون اربعيني جد جد
ويجيك اللوتري
وتسافر امريكا وانت في العقد الرابع من العمر
وتعمل ليك جواز اجنبي
وبنايه في وسط الخرطوم وتسميها بناية الامريكي زااااااااااااااااتو
الجايه نلاقيك واحد واربعين سنة يا مان
| |
|
|
|
|
|
|
|
|
 Re: تميت اربعين سنة والرسالة ماجاتني !!! (Re: Hassan Makkawi)
|
زاتووووووووووو
ألف مبروك ياخي عمر الزهور والهنا
غايتو لقيماتي ورزي حأنتظرهم في الدي أتش أل ..
هسة أنا لمن شفت العنوان قلت الزول دة قاصد الوحي لأنه بهبط بعد الأربعين تقول لي اللوتري !!!
طبعا بقصد وحي الفن عشان الجماعات التكفيرية ما تجي تهجم علي بي جاي ..
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: عواطف ادريس اسماعيل)
|
Quote: زاتووووووووووو
ألف مبروك ياخي عمر الزهور والهنا
غايتو لقيماتي ورزي حأنتظرهم في الدي أتش أل ..
هسة أنا لمن شفت العنوان قلت الزول دة قاصد الوحي لأنه بهبط بعد الأربعين تقول لي اللوتري !!!
طبعا بقصد وحي الفن عشان الجماعات التكفيرية ما تجي تهجم علي بي جاي .. |
الله يبارك فيك ده بقى عمر المزهرية مش عمر الزهور لووول
لكن الدي اتش ال قالوا القروش والغير مستندات ممنوعة لكن ممكن نعمل ليهو اتاش منت
وحي الفن ده صعب شوية لانو الشغلانة قالوا بتولد مع الواحد وبيطورها
قالوا واحده ادعت النبوة قالوا ليها النبي قال لا نبي بعدي قالت ليهم لكن ماقال لا نبية بعدي
عارفها عملوا ليها شنو جابو النطع وهو جلد يوضع تحت الشخص المراد ذبحوا وشالو راسها بره عشان كده وحي الفن زاتووو مادايرنو لوووووووووول يكه
تحياتي
زاتوووو
| |
|
|
|
|
|
|
|
|
 Re: تميت اربعين سنة والرسالة ماجاتني !!! (Re: BitAlhana)
|
الزول زاتتتتتتتتتتتو
تحياتي
والف كفارة...اقصد مبروك لوصولك لبانت...اقصد للاربعين
يالله بعد كده امشي سجل ليك مع دكتور
عشان كل 6 شهور يغير ليك المكنة...اقصد كل سنة يقيس ليك الضغط
ورسالة لندن دي ما تشيل همها
انا بكتبها وبرسلها ليك
يكككككككككككككككككككككككككككككككككككككه
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: ياسر بيناوي)
|
اهم شي الاحساس يا بوكو
احساسك كيف كان ليلة الاربعين دي
شريط الذكري المرا من قدامك ورسمه البياني... كان كيف كيرفاته؟ طالعه ونازلة ولا جا ماشي شووو
لو جا ماشي شووو صدقني فحياتك الفاتت كانت سعيدة والجاية اسعد
لو اتذكرت فيها مواقف بايخة ومرات كم معاناة زي انك اتقطعت مواصلات وما اتعشيت وبت الجيران سفهتك فتأكد يا بوكو انك من اليوم ورايح حتكون زول بخيل...
اي قرش تقبضه حتحاول تدسه
بعد خمسة سنة يا بوكو حتجنن الاولاد جنّ
جيبو الابريق (بقت مافي) يا ولد وقف الفايبريشن في الموبايل ده
جيبو لي نضارة القراية
جيبوا الجرايد
يا ولد وين المصلاية
كفارة غايتو
يا زاتووو تاريك كبير وعامل دفعة بورد ساي؟؟؟
آآخ لو الأكواد كانت شغالة كنت شغلت ليك الغني الما خمج..غايتو بالعدم لحدي الاكواد تشتغل بهدي مقطع من اغنية كان فيها مقطع بقول كدة حاجة واربعيني..
زاتو كل سنة وانت وطيب عمر مديد ملئ بالانجاز والحقول الخضراء وعقبال المية كدة وتحكم السودان.
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: mulhim)
|
Quote: بوكو زاتوووو
كل سنة وانت مليان عافية .. بعد الـ 40 نتمنى ليك شنو تاني :) يكة
وعقبال تاني كم اربعين جايات ... |
حبيبنا ملهم
الله يبارك فيك
اتمنى لينا الصحة والعافية
اذا نلت منك الود فالمال هين وكال الذي فوق التراب تراب
امين وتباركها لينا الاربعين التانية
تحياتي
زاتووووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: GamarBoBa)
|
| Quote: وانا كلمت المدام تعمل رز بي لبن ولقيمات قلنا دي انسب حاجة الواحد يعملها بعد ماتم الاربعين لوووول يكه |
هسى دا ياتو اربعين ياربى ؟
يكون دا الموردة يا عمك
اقول ليك
كل يوم وانت طيب
والوليدات بالف خير
وامهم اولا
بعدين
ياتا رسالة ؟
هوى انت بس داير تقول لناس لندن داير لى توب رسالة لندن
دحين هى فى ؟
اختك دقة قديمة
ولا يهمك تعيش تانى اربعين وال"شنون يتكشرن"
وتصل عمر الحمار
اها النحكى ليك القصة
قالو فى اسطورة من السودان اظنها من جبال النوبة
الراجل لمن خلقوه خلقو معاهو الكلب والحمار والقرد
قاموا قالو للكلب يا عمك نديك تلاتين سنه رايك شنو ؟
قام الكلب قال
ـ ابدا انا داير بس خمستاشر والباقى منى للراجل
ونفس الكلام قالو الحمار والقرد
اها قالو الراجل لمن يصل سن الحمار يقعد ينهق
ـ وااااااااى سمحة عرسوها لى ، احى منها السمحة دى بت ناس منو ؟
ولمن يصل سن الكلب يقعد ينبح
ـ يا وليه الاولاد ديل مشو وين ؟ مالهم اتاخرو ؟ البت دى مش كلمتيها ماتتاخر؟
ولمن يصل سن القرد اها ، انت قول اها
يقعد فى الضل اصبع فى النخرة وواحد يحك بيهو فى راسو
كل سنه وانت طيب
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: سلمى الشيخ سلامة)
|
Quote: هسى دا ياتو اربعين ياربى ؟
يكون دا الموردة يا عمك
اقول ليك
كل يوم وانت طيب
والوليدات بالف خير
وامهم اولا
بعدين
ياتا رسالة ؟
هوى انت بس داير تقول لناس لندن داير لى توب رسالة لندن
دحين هى فى ؟
اختك دقة قديمة
ولا يهمك تعيش تانى اربعين وال"شنون يتكشرن"
وتصل عمر الحمار
اها النحكى ليك القصة
قالو فى اسطورة من السودان اظنها من جبال النوبة
الراجل لمن خلقوه خلقو معاهو الكلب والحمار والقرد
قاموا قالو للكلب يا عمك نديك تلاتين سنه رايك شنو ؟
قام الكلب قال
ـ ابدا انا داير بس خمستاشر والباقى منى للراجل
ونفس الكلام قالو الحمار والقرد
اها قالو الراجل لمن يصل سن الحمار يقعد ينهق
ـ وااااااااى سمحة عرسوها لى ، احى منها السمحة دى بت ناس منو ؟
ولمن يصل سن الكلب يقعد ينبح
ـ يا وليه الاولاد ديل مشو وين ؟ مالهم اتاخرو ؟ البت دى مش كلمتيها ماتتاخر؟
ولمن يصل سن القرد اها ، انت قول اها
يقعد فى الضل اصبع فى النخرة وواحد يحك بيهو فى راسو
كل سنه وانت طيب ] |
سلومة بت الشيخ سلامة بي جلالة قدرها معانا
الله يبارك فيك
نحن زاتنا بنفتش في الناس الدقة القديمة ديل قالوا الماعندو كبير يفتش ليهو كبير وزي مابيقولوا ناس الحصاد الشجر الكبار فيهو الصمغ بخصوص الاسطورة بتاعة الحمار والكلب بتخيل لي قريتها في كليلة ودمنة يعني مستوردة بي خصوص الحمار نحكي ليك حدوته قالوا في استاذ في منطقة اسمها الاحساء بالسعودية طبعا الاحساء منطقة زراعية وكده وبالتاكيد بيكون فيها حمير اها الاستاذ سال الطلبة قال ليهم الحيوان العيونو بتعكس الضؤ بالليل شنو اها واحد اطال الله عمره قال ليهو الحمار
الاستاذ قال ليهو لو الحمار عيونو بتعكس الضؤ بالليل الاحساء كان بقت زي لاس فيغاس لووووول يكه
بالمناسبة المدام امبارح قلت ليها اعملي شنو كده قالت لي انت من ا ول يوم كلامك بقى كتير لووول
تحياتي ومرورك يسعدني على الدوام
اخوك زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: GamarBoBa)
|
حبيبنا قمر بوبا
لا الحمد لله الشريط بنراجعو يوم بي يوم عشان كده مابنخلي حاجة في الارشيف
الحاجة البتذكرها كنت طالب في الثانوي وراكب وراء واحد جارنا اها اتحرجت من الموقف ودفعت ليهو
اها قام قال للكمساري رجع ليهو قروشوا ودفع لي قال لي انت طالب لكن قلبك حار لووول يكه
بعدين يامعلم الاربعين سنة دي ماوفرته فيها ولا تعريفة انفق مافي الجيب ياتيك مافي الغيب عشان كده ماتشيل هم .
يازول كبرنا مابندسو ولا حاجة بعدين الخبرة زاتها لي اثرها يعني شنو لو قلت عمري 35 سنة يعني خمسة سنة ح تفرق شنو احسن الواحد يقول اربعين ويريح ضميرو
الله يبارك فيك ياقمرنا وربنا يخليك كده مضوي لينا
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: ياسر بيناوي)
|
Quote: هبي بيرث دي تو يو
هبي بيرث دي تو يو
هبي بيرث دي زووووووووووووول زاتو
الف مبروك يازول وعقبال الشمعة ال400
خالص الود |
حبيبنا ياسر بناوي
ثانك يو فيري ماتش
400 سنة انت جادي يازول لووووووووول يكه
مش في واحد من ناس زمان طهروه عمرو 300 سنة
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: Hala Hassan)
|
Quote: زاااتووو،،
كل سنة و إنت طيب و عقبال تتم الـ139 ،،
و بس،،،،
و بعدين شكلو عمر الأربعين دة سمعته سيئة،،
لأنو الشمات كتيرين،،،
يعنى (ما تخوفونا) ساكت،،،
كدة و إلا نقوم نتصرف!!!!
لوووول،،،،
* واحدة متفائلة،،، ¡ |
عزيزتنا هالة حسن
الله يبارك فيك
الاربعين ماسمعة سيئة ولا حاجة ديل كلهم عجائز ماتشوفي الفصاحة دي
اسع اي واحد تقولي ليهو وريني جوازك يفتح ليك صفحة التاشيرات طوالي لوووول يكه
ماتشيلي هم مشيت لندن دي ح ترجعك عشرة سنين لي وراء لووول
رجعتي ولا لسع متجدعة وش حاسد
هديتنا طبعا بالاسترليني وكده
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: ASHRAF MUSTAFA)
|
Quote: الزول زاتتتتتتتتتتتو
تحياتي
والف كفارة...اقصد مبروك لوصولك لبانت...اقصد للاربعين
يالله بعد كده امشي سجل ليك مع دكتور
عشان كل 6 شهور يغير ليك المكنة...اقصد كل سنة يقيس ليك الضغط
ورسالة لندن دي ما تشيل همها
انا بكتبها وبرسلها ليك
يكككككككككككككككككككككككككككككككككككككه |
حبيبنا اشرف
كفر الله سيئاتك
نتمنى انو تركب الخط السريع بتاع شارع 20 ( المورده) وتلاقي الكبري مقفول ويحولوك للكبري الجديد وتخش شارع الاربعين بالرجالة لوووووووول يكه وبنزينك يقطع ومكنتك تسيح ورواد شارع الاربعين يضحكوا فيك من سينما بانت لحدي صينية شارع العرضة مرورا بي بت مسيمس و عابدين شرف
ربنا يديك الصحة والعافية والاربعين مافايتاك
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: BitAlhana)
|
Quote: الزول زاتو كل سنه و انت طيب و عقبال 100 شمعه
و ناس اللوتري هم الخسرانين ... كان على الاقل دخلت ليهم يكه في ثقافتهم
ولا يهمك حاول تاني.........
ملحوظه:
تاني من هنا و رايح لو قلت انا و انت دفعه بكتلك |
ستنا بت الهنا
الله يبارك فيك وان شاء الله عقبالك تحصلي الاربعين سنة كده بعد عشرين سنة لووول
قلنا دفعة بورد بس مش يانديدي واي صوت راجيهو صوتك واي شريان فيك وريدي يانديدي
الجملة الاخيرة ح اتجاوزها لانو لو رفعت شكوى للادارة ح يفصلوك من البورد لانو تهديد لي عضو في سن الاربعين بالقتل مع سبق الاصرار والترصد بس عشان انتي زوله بنعزها
تحياتي
زاتووووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: Hassan Makkawi)
|
Quote: الحبيب زاتو
ماتكتر الكلام ورينا بس الربة وين...؟؟
|
حبيبنا حسن مكاوي
ياحبيبنا لو الجماعة الفي القطر ديل جايين معاك الربة اجلناها الى اجل غير مُسمى
قالوا واحد عايزين يعرسو بتو اها قالوا ليهو ضيوفنا زي 300 نفر وصاحبك مشى اتسلف قروش عشان يعمل عرس بتو اها السيرة جات ماشة تلاته بصات وكان قدام بيت الزول ده في ميدان اها الباص الاول جه دخل الميدان وعمل لفه وجه داخل تاني وصاحبك واقف يعد في البصات لمن وصل سبعة اغمى عليه طوالي لووووووول يكه
خلاص معزوم في شارع المعارض ربة تركية لووووووووول يكه
زاتووووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: abas)
|
حبيبنا عباس اسد الجات
بناية في وسط الخرطوم
عندنا قريبنا امريكاني عمل ليهو فلة في امريكا اها جاء الخرطوم سال من الاراضي سمع المبالغ الخرافية ناس 400 مليون و 300 مليون قال لي علي الايمان انا بنيت فيلا في امريكا ما دفعت المبلغ ده
امشي اشتري لي قطعة ارض جنبها كوشة بالمبلغ ده لووووول يكه قال وسط الخرطوم
نحن طموحاتنا كبيرة قول لي بفرلي هلز لوووووووول يكه
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: Hassan Makkawi)
|
Quote: [وعقبال 100 ميقاوات زااااتو
غيرنا إتجاة القطر...وكدة |
الوجيه حسن مكاوي
القطر الشال صديق يتكسر في الطريق ووووووووووووين
بعد كده ممكن الواحد يعزمك وهو مبسوط
نحن بارك لينا الشموع المياقواتات دي باركها لي ود الباوقة لوووول يكه
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: سيف الدولة كامل)
|
Quote: الزول زاتو \ كل سنة وانت طيب ,, وعقبال مائة شمعة
والله الاربعين عز الشباب واحلي مرحلة ربنا يمتعكم
بالصحة والعافية ويجعل ايامكم كلها افراح
محبتي |
الخرطومي سيف الدولة
اللهم امين من بوقك لي باب السماء ربنا يديك الصحة والعافية ونبارك ليك جميع اعيادك السعيدة ان شاء الله
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: برير احمد إبراهيم)
|
Quote: يا حبيبنا كل سنه وانت طيب ... وعقبال كل الشموع
مشتاقين والله ... ليك وناس الدمام ... وابو احمد .. وعمك تنقو
تحياتى ياغالى ...
ديك الجن |
ياديكو وين ايامك ولياليك
الله يبارك فيك
الناس القلتهم ديل كلهم فارقوا الدمام ابو احمد في جدة غير وعم تنقو في الامارات وانت مشيت الدوحة
ونحن ساكين الهجرة لووول
وين تلفوناتك وماسنجراتك عايزين نشوف اخبارك شنو ويدوم التواصل
ارقد عافية
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: خالد عبد الله محمود)
|
Quote:
إدعيها ياخ .. المتنبي أحسن منك في شنو ؟؟
كل أربعين و أنت طيب طبعاً حسابكم بعد كده بقي أربعينات سااااكت ؟ |
حبيبنا خالد
صدقني الواحد لو ادعاها ح يلاقي مؤيدين كتار من البورد لوووووووووول يكه في ناس منتظرين واحد يقول عوووك بس
الله يبارك فيك الحساب اربعينات وكاش داون شفته القندله دي كيف
ارقد عافية
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: قرشـــو)
|
صباح الخير يا زول
(أربعون )عاما !! تراك صغيروني ..أنا قايلاك زول كبيييير ..
العمر المديد ..المليان محبة وسعادة ..والأحلام ما عندها عمر ..
ربنا يوفقك ..ويحقق أمانيك ..
.............................
بس طلعت دفعة (المرشح الرئاسي ) الله يطراه بالخير ..(وش مدردق )
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: انعام عبد الحفيظ)
|
Quote: كل سنة وانت طيب بمناسبة الأربعين
عمر الزهور عمر الغرام عمر الهنا
ـــــ
بس أوعى تصدق |
العزيزة انعام
الله يبارك فيك
وما اصدق لي شنو زمااااااااان وردي قال عمر التسع طاشر سنة معقول مازادت من الزمن داك مش قالوا الغناء بتطور وكده
غايتو لو ما بتطور بنقبل منك اغنية ميرغني المامون واحمد حسن جمعة
وااااااااااااصل كفاحك خليك حريص وانت القائد وانت الرئيس واااااااااصل كفاحك
شفتي عمك احمد حسن جمعة بجر الكلام كيف
تحياتي
زاتووووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: داليا حافظ)
|
Quote: صباح الخير يا زول
(أربعون )عاما !! تراك صغيروني ..أنا قايلاك زول كبيييير ..
العمر المديد ..المليان محبة وسعادة ..والأحلام ما عندها عمر ..
ربنا يوفقك ..ويحقق أمانيك ..
.............................
بس طلعت دفعة (المرشح الرئاسي ) الله يطراه بالخير ..(وش مدردق ) |
العزيزة داليا
اربعين سنة وصغيروني
خلاص بقيتو تشاغلو في الرئيس من اسع لووول
الله يبارك فيك اختنا الصغيرونة شديد داليا امد الله في ايام والبسك ثوب العافية والعفة
40 سنة
16 سنة نميري
1 سنة حكومة انتقالية
3 سنة ديمقراطية
20 سنة الانقاذ
نتمنى المرشح الرئاسي يلاقي ليهو فرصة في سنين ميلادنا لووووووول يكه بعدين الراجل دفعة وشباب ودماء حارة لازم نقيف معاهو المرشح ما نديدي وكده المدردق ده تاني وين نلقى بس ماتجليهو لووول
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: قرشـــو)
|
العمدة قرشو
كيف الحال اخبارك واحوال ناس جدة الجعلي وقرجه والبقية
اذا قال قرشو فصدقوه فان القول ماقاله قرشو
رفعت معنوياتنا الله يرفعك درجات العلا
هدية من ايدك مقبولة معناها اني على بالك
بس الكيس الظاهر مقدود لووول الهدية راحت شمار في مرقة والتهنئة تظل هي الاهم
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: ALZOLZATOO)
|
Quote:
40 سنة
16 سنة نميري
1 سنة حكومة انتقالية
3 سنة ديمقراطية
20 سنة الانقاذ
|
والقادم انشاء الله وحده والا إنفصال ؟
زح شويه خلينا نخش بعدك يا حبيبنا
إنت قطر مكاوي دا مالم ما ركبوا جوه القطر بره دي فيها شنو ؟
لوووووووووول !!
انشاء الله الأربعين الجايه تقطعا بي عرق العافيه
والله أربعين الزمن دا حقو تسجل حاجاتك وتباري الجوامع ساااااااااااااي
الله يطول العمر في الخير وللخير وعلى خير
وكمان جات الخنازير تقول هي ناقصه !
هشام
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: Hisham Ibrahim)
|
ALZOLZATOO
تميت اربعين سنة والرسالة ماجاتني !!!
انت ما حدثوك؟
الشغلة دي ماغيرو السيستم بتاعها ، اسي انت هشام ادم ما كلمك اني بقت نبي؟
اصلو قالوا من 30 ولى تحت اها لو فت العمر ده خلاص تبقى من الحورايين..
ده زمان كان زمن ناس عمر والزول قالوا بركب الحصان رجليهو بتكر بالارض...
دلقوت مافي طريقة عشان كده الرسالة ماحتجيك..
هاردلك..
كل عام وانت الحب ...
التحايا النواضر...
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: معتز تروتسكى)
|
Quote:
ALZOLZATOO
تميت اربعين سنة والرسالة ماجاتني !!!
انت ما حدثوك؟
الشغلة دي ماغيرو السيستم بتاعها ، اسي انت هشام ادم ما كلمك اني بقت نبي؟
اصلو قالوا من 30 ولى تحت اها لو فت العمر ده خلاص تبقى من الحورايين..
ده زمان كان زمن ناس عمر والزول قالوا بركب الحصان رجليهو بتكر بالارض...
دلقوت مافي طريقة عشان كده الرسالة ماحتجيك..
هاردلك..
... |
يامعتز والله ضحكتني
يا النبي نوح
عليك الله اسع ح تقنعني كيف في نبي بيلبس قميص هزاز ونضارات لوووووووووول يكه
ياخي انت طلعت MSN سااااكت لوووول
بعدين القال ليك انا عايز اركب حصان منو ماسمعت بالهوم دلفري ولا شنو
قالوا واحد ادعى النبوة قالوا ليهو علاماتك شنو قال انا احي واميت مسك واحد وطلع سكين قال لو عاوز اكتلو بكتلو اها وقالوا ليهو بتحي كيف قال جيبوا لي اي واحدة وانكحها اجيب منها ولد اها قام الامير قال لي واحد من جماعتو كدي اديهو مرتك نشوف كلام الزول ده صاااح صاحبنا قال ليهو انا اول من امن بيهو الزول المامقتنع يديهو مرتو لووووووووووووووول يكه
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: Hisham Ibrahim)
|
حبيبنا هشام ابراهيم
الله يبارك فيك ياحبيبنا
الاربعين الجاية والبعديها كلو وحدة ان شاء الله لا نتمنى الانفصال ابدا ونتمنى انو كلو واحد يحترف بي وجود الاخر ومافي عوجة بتجي
القطر بتاع حسن مكاوي الناس البره ديل كلهم راكبين ملح يامعلم قالوا الصديق وقت الضيق جوه في كمساري لووول يكه
اللهم امين ويديك العافية ويبعدنا من جميع الانفلونزات حلالها وحرامها لووول
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: omer osman)
|
Quote: ولايهمك قدر اخف من قدر ........
كلنا حصلنا علينا كده .......
شوية نفسيات يوم يومين .......
وبعد داك تتقبل الامر الواقع.....
على العموم مبروووووووووك |
جنابو عمر عثمان
ياخي انا استقبلت الاربعينية بي نفسيات عالية جدا
لانو خلاص بقى امر واقع وين ح نهرب منو وين زي ماقال ود الامين
بعدين يامعلم كل انظار الحسان حاليا صارت توجه انظارها لي ناس الاربعين ماعارف لي شنو ناس شارع المورده يكونوا ماجادين ولا شنو لووووووووول وراجل المراة حلو حلاة
بعدين انت زول كرعينك في الواطة وراسك فوق للنجوم ماتحبط ياخي
الله يبارك فيك ويمدك بالعمر والرزق والصحة والعافية
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: نوفل عبد الرحيم حسن)
|
Quote: يا ألذ زول
كل سنه وانت طيب
وربنا يديك طولة العمر
يعني ما نضيع عمرنا في انتظار الرساله دي ؟ |
حبيبنا نوفل
الله يبارك فيك ويزيدك من فضله
ياحبيبنا الشغلانه حظوظ ممكن تضرب معاك وبرضو هناك تتوفق
وممكن تضرب معاك هنا وهناك تقول ياريت لو ماجيت
وممكن ماتضرب معاك كلو كلو نتنمى ليك التوفيق في اي حته تمشيها
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: ALZOLZATOO)
|
يازول عفارم عليك لمستها
اخوك دفعة
انا زمان كنت فاكرها level او حاجة بدقشوها بالراس كدا
شفت لما الواحد يقع فى البحر روسية ويلامس الماء
كنت فاكر الاربعين بتغير حاجات كتيرة الافكار ,الروى , الخطط المستقبلية
لكن صدقنى دخلت على بتغير الشقة وفرشها,تغير بعض الاساس , السيارة, مع انو العيال 2 فقط
ولسع حالى لى فيها شهر فقط...الله يكون فى العون
كل عام وانت بخير ياجميل,,نصيحتى ليك لا ترحل من الشقة,,الا بعد مرور عام
تحياتى
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: abuguta)
|
Quote: يازول عفارم عليك لمستها
اخوك دفعة
انا زمان كنت فاكرها level او حاجة بدقشوها بالراس كدا
شفت لما الواحد يقع فى البحر روسية ويلامس الماء
كنت فاكر الاربعين بتغير حاجات كتيرة الافكار ,الروى , الخطط المستقبلية
لكن صدقنى دخلت على بتغير الشقة وفرشها,تغير بعض الاساس , السيارة, مع انو العيال 2 فقط
ولسع حالى لى فيها شهر فقط...الله يكون فى العون
كل عام وانت بخير ياجميل,,نصيحتى ليك لا ترحل من الشقة,,الا بعد مرور عام
تحياتى |
حبيبنا ابو قوته
ازيك يادفعة
زمان كنا بنسميها داقي راس يعني لمن واحد يقول ليك ارح ندق راح يعني نمشي البحر نعوم
مبروك الاربعين والشقة الجديدة والعربية الجديدة ( البرادو) بس اوعك تقوم تجيب عروس جديدة لوول
لا يامعلم ان لسع ماتميت سنة في الشقة الجديدة والايجار قرب يجي لكن منتظرين القيامة قالوا في رجب تريحنا من ايجار السته شهور لوووووووووووول يكه
الله يبارك فيك يا ابوقوته وربنا يهنيك في شقتك الجديدة وربنا يديك خير العربية ويكفيك شرها
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: نادية عثمان)
|
الزول زاتا كيفك ولض ابا؟ بصراحة اوروبا وامريكا وجع قلب ساااااكت، خليك مع ام العيال وجررررب بريطانيا-اسبانيا-فرنسا وكان ربك سهل ليك الروتاري وبقية من الروتراب كمان نبارك ليك ايضا مع الاربعين دي، وعقبال ليك الرسالة تجيك.
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: محمود الدقم)
|
| Quote: الزول زاتا كيفك ولض ابا؟ بصراحة اوروبا وامريكا وجع قلب ساااااكت، خليك مع ام العيال وجررررب بريطانيا-اسبانيا-فرنسا وكان ربك سهل ليك الروتاري وبقية من الروتراب كمان نبارك ليك ايضا مع الاربعين دي، وعقبال ليك الرسالة تجيك.. |
حبيبنا واستاذنا محمود ولد الدقم
الله يبارك فيك
اي حاجة امريكا اروبا الغربية كلو واحد بس اروبا الشرقية دي احسن منها جّكة
بعدين يامعلم حاجة بدون ام العيال مابنمشيها زي ماقال الفنان الحجل بالرجل
تحياتي وكل عام وانت بخير
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: نادية عثمان)
|
Quote: أربعين بسسسسسسسسسسسسسسسسسس ؟
ياخ بالغت فوكا عديل ياخ !
أنا قايلاك تجاوزت السبعين بخمسة سنوات ياخ ( وش مستهبل)
ممكن بالمناسبة السعيدة دي تنزل لينا صورتك نشوفها ؟ |
اختنا العزيزة اللذيذة نادية
اربعين سنة وشهادة ميلاد اصلية من مركز صحي المُقرن مكتوب في الركن الشمالي الغربي مجاناً داخل مستطيل احمر
ومن الخلف مكتوب ارشادات ونمرة واحد فيها افضل غذاء للطفل هو لبن امه لوووول ماشاء الله ذاكره بتاعت عشرينات مش
بي مناسبة صورتي دي خايف انزلها تاني مافي واحد/ة يدخل معاي في مداخلة لووووول يكه تقوموا تكجننونا لله والرسول
بعدين اجمل صوري في ريعان شبابي مابتساوي صورة واحدة بي صرتك لوووووووووووووووووووول يكه
لا ح تشوفينا ان شاء الله بس بعدين ماتقولي لي الاخلاق اهم حاجة
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: ALZOLZATOO)
|
| Quote: تميت اربعين سنة والرسالة ماجاتني !!! |
يا عمك زمن " الرسالات " عدى فات
ركّز على ابو قجيجة و انت طالع
و كان درت ان تربت يداك ؟ . . . اظفر بـ " اوكامبو " *
كل العمر يا حبيب و عقبال تحتفل باليوبيل الفضي في المدينة و الذهبي زاتوووووووو
توقيع برلومكم المحب
الدفعة البعد البعديك توالي ... واديك الاربعين فوق الرفف تنطط في الخترات
و قلصنا احلامنا لما دون الرسالة زاتوووو كدي خلينا نمسك في الاربعين دي في عضما ساي
-------- عشان ما تفهونا غلط كمان ---------
* قاصد اوكامبو " التوب " ما زي ما ورد في بعض الروايات " التور " دي رواية ضعيفة لانو في سلسلة رواتها يظهر غير الثقات.
ياخ داير معاك زاتوووووووووو ياخ . . . قلت شنو ؟
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: قيقراوي)
|
Quote: اها ياشباب بكره انشاء الله ماتنسو الهدايا
وانا كلمت المدام تعمل رز بي لبن ولقيمات قلنا دي انسب حاجة الواحد يعملها بعد ماتم الاربعين لوووول يكه |
رز بلبن ليه؟؟
انت مولود هايتم الأربعين ولا شاب هايتم الاربعين؟؟
كل سنه وانت طيب وعقبال ما يجيك اللوتري وترجع السودان بعد سنوات بسيطه وتعمل فيها خبير أجنبي..
دعوه حلوة... موش؟؟
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: Muna Khugali)
|
Quote: رز بلبن ليه؟؟
انت مولود هايتم الأربعين ولا شاب هايتم الاربعين؟؟
كل سنه وانت طيب وعقبال ما يجيك اللوتري وترجع السودان بعد سنوات بسيطه وتعمل فيها خبير أجنبي..
دعوه حلوة... موش؟؟ |
الملكة منى خوجلي
كلو اربعين زي مابيقولوا لكن كمان الواحد يكون منطقي شوية ماممكن اعمل لي ولدي طورته/تورته وانا برضو طورته لازم ندي فارق السن حقوا
والله بي مناسبة التورته دي ذكرتني موقف لازم احكيهو ليك
كنا برالمه في الجامعه والمحاضرة كانت قانون اها استاذ القانون زول صعب جدا الله يديهو العافية بعدين بحب اللعبة الحلوة اها اتنين من حسان الدفعة جو متاخرات ومالقوا مكان قدام فاضي مشو قعدوا وراء اها قام قال ليهم تعالوا قدام انتو شبه وراء اها قعدهم قدام وواصل المحاضرة
قام رسم ليهو دائرة في السبورة قال اذا افترضنا انو دي تورته واشتريناها وشلناها البيت وفتحناها وماعجبتنا ومشينا نرجعها هل يقبل صاحب المحل استرجاع الطورته ولماذا ؟
قام قال كدي قبل مانخش في المسائل القانونية بتعرفوا تعملوا تورته ؟
واحده قدامي قالت ليهو آيي نجيب الدقيق وماعارف شنو وشنو المهم وصفت ليهو التورته
تتصوري قال ليها شنو ؟
قال ليها خلي الناس البياكلو التورته يوصفوها لينا ويشير بيده الى الصف الاولاني الموجود فيهو الحسان قال ليها انتي كدي وصفي لينا العصيدة لووووووووووووووول يكه
جلست البنت والدمعة علي عينيها
اذا قدر الله وضرب معانا اللوتري وبقينا خبراء اجانب ح نجي الخليج لانو في السودان ح يعتبرونا من الخونة والمارقين لووووووووووووول
تحياتي
زاتوووو
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: قيقراوي)
|
Quote: يا عمك زمن " الرسالات " عدى فات
ركّز على ابو قجيجة و انت طالع
و كان درت ان تربت يداك ؟ . . . اظفر بـ " اوكامبو " *
كل العمر يا حبيب و عقبال تحتفل باليوبيل الفضي في المدينة و الذهبي زاتوووووووو
توقيع برلومكم المحب
الدفعة البعد البعديك توالي ... واديك الاربعين فوق الرفف تنطط في الخترات
و قلصنا احلامنا لما دون الرسالة زاتوووو كدي خلينا نمسك في الاربعين دي في عضما ساي
|
برلومنا قيقراوي نحن السابقون وانتم اللاحقون لوول يكه
ابو قجيجة شنو واوكامبو شنو نحن شادين الحزام وتيابنا كلها ربط منها قشرة ومنها تغشف وزهد لوول
الله يبارك فيك ياقيقراوي وبعد سنتين لو ربنا مده في العمر بنعمل ليك بوست طويل عريض بعدين السنتين مابعيدات ياملعم كلهم تجديد اقامة مرة واحدة وتجي السنتين جاريه جري .
خلي طموحاتك كبيرة واعمل لدنيتك كانك تعيش ابدا ماتشيل هم
فاهمينك يامعلم ولا يهمك مهما اختلفت الروايات
تحياتي
زاتوووو
| |
|
|
|
|
|
|
|
|
 Re: تميت اربعين سنة والرسالة ماجاتني !!! (Re: ALZOLZATOO)
|
طبعا يا زاتوو في الاربعين سنة دي بتكون لاحظت انو الدنيا فيها حاجات غريبة جدا..
من الحاجات دي انو انا لما كملت الاربعين السنة الفاتت الرسالة جاتني..و مشيت هناك و عملت
الاوراق و اتفسحت و رجعت السعودية تاني.لووول يكا عديل كده.
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: السيد المسلمي)
|
Quote: الحبيب زاتو
كل سنة وإنت طيب وعقبال المائتان والاربعون ( ماشويه)
لكن ياخ عيني بارده والله عشان كنت فاكر أكل عليك الدهر وسكر لوووووووول.
. |
حبيبنا السيد المسلمي
الله يبارك فيك لكن 240 دي بالعربية سرعة ساكت ماقربناها عايز تدينا ليها سنين لووول
لا يامعلم اربعين دي العمر لكن الروح لسع 25 سنة
الدهر بدا ياكل وح يسكر بعد عشاء الفنانين لوووووول يكه لكن نحن سكر الدهر بتاعنا مريسة بس مابتسوي حاجة مش زي الشامبيونز بتاعة العوض ديك البتوديك في داهية
الف مبروك المولود
تحياتي
________________
الكامل وصوفوا ياربي اشوفوا
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: ALZOLZATOO)
|
Quote: ولو حالفنا الحظ كمان واتصورنا مع ود عمنا اوباما نكون ضربنا تلاته عصافير بي دُرابة ونجي نعمل ليكم بوست طويل عريض
بي عنوان البوست الرئاسي توجد صور مهمة لوووووووووول يكه
اما من ناحية الفسحة دي عندي قريبي في لوس انجلوس قال لي انت بس تعال ونوريك الفسحة الماخمج |
يا زاتوو تراجي ما كانت متصورة مع اوباما و ما عملت بوست لا طويل و لا عريض الا بس النصيحة لي
الله ختت الصورة في بروفايلها.LOL
و من ناحية الفسحة القالها ليك قريبك ده انسى يا خوي..هناك تفسح نفسك بنفسك لأنو الجماعة هناك
ما فاضيين من مساككة الدولارات..و ما عندهم طريقة مرقة غير الويك إند.
| |
|
|
|
|
|
|
|
|
|
Re: تميت اربعين سنة والرسالة ماجاتني !!! (Re: عبد الناصر الخطيب)
|
Quote:
الرائع / الزول زاتو
-------------------------------------------------------------------
البتابع كتاباتو أحتمال قبل أدخل البورد ده
ياخي ربنا يخليك ويديك الصحة والعافية والبحبوحة والرضا
كلنا لها يعني عام وبعض عام وهوب نلقي نفسنا خشيناها زي الماحاصلة حاجة
على أى حال أخيرا قمت اكتشفته الحكاية ما سنين
عارف قبل كم سنة قابلني واحد ادني فوق سني خمسة سنين كتقدير منوا
قبل مده لاقاني وأحد تاني كده نقص من عمري سبعة سنين
يعني قدر سني 31 سنة
أتحيرته في المسالة لكين في الاخر
وصلته أنو السن ده ما سنين إطلاقا
وبطمئن اكتر كل ما اقابل اصحابي الفيهم الابتدوا يشيبوا ونحنه يداب بنقول ياهادي
وفي الاخر حرام ياداب واحد لي سنتين من ما بدأ عمروا بعد سنة وشوية يلقي نفسوا ( اربعيني )
أنا غايتو كدة معاي 100% 38 سنة وعشرة سنين لقدام الحيسألني حاقول لى 38 سنة
زي زميلة عزيزة الله يطراها بالخير نحنة بنتخرج كانت 25 سنة
هسه بشغلة وام عيال الله يخليهم ليها وبرضها 25 سنة
موضوع الرسالة ده ما تشغل بالك بي كتير
كدي ابداها ونحنة حنزل ليك بوست
ماجستير الزول ذاتو
قبل ما انسي :
أتفضل البوكية مع أجمل الامنيات بعمر سعيد ومديد
|
حبيبنا عبد الناصر الخطيب
ياخي معقولة معجب ليك سنين وكاتم حُبك للدرجة دي والله كلامك شدني ايما شدة لانو قليلا ما الاقي زول بيقرا كتاباتي .
بعدين ياحبيبنا التلاتينات دي احلى عمر لانو العشرينات بيكون فيها طيشان شوية كده وعدم تركيز والعاطفة بتتحكم في التصرف اكتر من العقل بعدين ياحبيبنا التلاتينات دي كانت اروع زمن للحقيبة لووول
بعدين ياحبيبنا نصيحة ما تشيل هم لو زول زادك في عمرك خمسة او عشرة سنين لانو الجوهر هو المهم بعدين في ناس حاقدين سااااكت يشوفوك قاشر ومهندم يقوم يحاول يحبطك بي زيادة العمر
يعني فارقة شنو اسع انا ما دخلت الا ربعين وكلو تمام ، بعدين الشيب ده ما عيب ياخي ده زي ماقالوا كضابين زمان انه رقوة الشباب وقالوا فيهو شعر
قد يشيب الفتى وليس عجيبا ان يُرى النور في القضيب الرطيب
بعدين الشيب نور المؤمن يوم القيامة فاحسن حاجة تكون مولع عندي اخوي الصغير سمع الكلام ده قال والله فلان ده يوم القيامة ترطيبة عديل كده وفلان هذا قريبنا شعرو كلو ابيض
بعدين صاحبتكم دي طالما عرست واشتغلت متمسكة في 25 سنة لي شنو ماتديها كوز موية شوية
لكن طبعا معروف معظم النساء الواحدة عمرها كلو عايزة تكون صغيرة وماعايزة تدي فرصة للناس البعدها والحياة تمشي زي ماهي عايزات كلهم يقيفوا طابور في خمسة وعشرين سنة ونحن نركب الهاي وي ونجي مارين بي فوقهم لووول .
تاني اي واحدة تقول ليك عمرها خمسة وعشرين سنة قول ليها افتحي خشمك شوف ح تلاقي كم ضرس مقلوع
بعدين زمان زمن كنا في الطاشرات وبداية العشرينات وقاعد المصاطب وتحت الشجر كنا بنعرف عمر الواحدة من مشيتها لووووووووووووووووول يكه يعني تلاقي واحدة تقول دي بتلعب ليها تلاته كاسات عالم ودي اديها خريف خريفين ح تنور .
خلاص موضوع الرسالة ده ح نطنشوا شوية وزي ماقال صاحبنا الحبيب
if you love something let it free if it come back it's yours
ان شاء الله نلاقي وقت ونشوف قرايتنا ام دق ونخليك تنزل البوست انت شخصيا وحقوق الطبع محفوظة
بوكيه الورد بتاعك ده ذكرني ايام العرس
كنت عريس في شهر العسل في الفندق الاستقبال ضرب لي تلفون قال لي عندك امانة اها نزلت لقيت بوكيه ورد كبير وجميل لحدي مابتاع الفندق قال لي ياخي ممكن اصورو اها اخد منو كم صورة كده قلت ليهو ده لي انا والجابو منو المهم لقيت كرت قريتو لقيتو من قرينا زول عزيز علي .
اها من ديل ماشفت لي بوكيه ورد جميل الا بتاعك ده
انا لك من الشاكرين كونك بتعمل كليك لي بوستاتي ومن الشاكرين والمقدرين لي الورد بتاعك
وان شاء الله نهديهو ليك في الافراح
تحياتي العميقة
زاتوووو
| |
|
|
|
|
|
|
| |
ALZOLZATOO
مزمل خيرى
HAIDER ALZAIN
SHIBKA
اساسي
Abuelgassim Gor
يوسف محمد يوسف
emad altaib
هشام آدم
abas
Hassan Makkawi
عواطف ادريس اسماعيل
ASHRAF MUSTAFA
ياسر بيناوي
mulhim
سلمى الشيخ سلامة
خالد عبد الله محمود
khaleel
برير احمد إبراهيم
سيف الدولة كامل
Eman El Sayed Taha
قرشـــو
داليا حافظ
انعام عبد الحفيظ
محمد عبد الماجد الصايم
Hisham Ibrahim
معتز تروتسكى
نوفل عبد الرحيم حسن
omer osman
abuguta
محمود الدقم
قيقراوي
Muna Khugali
فيس بوك
تويتر
انستقرام
يوتيوب
بنتيريست