يلمّها النمل ويطاها مؤتمر الإعلاميين

Quote: وربي الصادق ممتع ومضحك ... ضحكنا في زمن تركنا فيه الضحك .. بالتوفيق .. يالحبيب الجماعة مشوا وباركوا وبصموا بالعشرة على سياسات الموتمر اللا وطني وأفعاله وأقواله ...

Quote: إنت قايل الحضروا ديل كلهم إعلاميين.. يا اخي ديل فيهم أطباء وبياطرة ومهندسين ومحامين ومدرسين ومندوبين مبيعات وبتاعين محلات تياب سودانية، وبتاعين تحويلات عملة، وأمنجية سفارات.. يا اخي حتى

Quote: أخي نصر الدين .. تحياتي أحي عبرك الأخ (الصادق)

Quote: ما طلبت دعوة ليه ؟ المشكلة في الناس الطلبت دعوات و كسرت تلج لمن ايدهم نبقت ما في زول سولاهم سالفه!!!!!!!!!!!!!!!!!!!!!!!!!!!!!!!!! حيرجعوا تاني بعد شوية للهجوم علي الانقاذ و يكون الامنجية لهم بالمرصاد وهاك يا ابتزاز ...........

Quote: و لاحظ معاى انو زيارة "الوطن" دايره ليها دعوة .. و لاحظ انو الاعلامى ............. العاوزينو يخدم الوطن .. يدعوهو اولا لزيارة الوطن .. بعدين .. يا اخوى المليارات دى .. نصها .. رايح وين .. يا اخى الله يدينا و يديهم العافية ..

Quote: لكن ما قلت لى .. توب اوكامبو حكايتو شنو !

Quote: في لقاء أمس على قناة النيل الأزرق مع السيد/ كمال عبد اللطيف وزيرالدولة برئاسة مجلس الوزراء أجراه معه الأستاذ/ الطاهر حسن التوم .. جاء رد سعادة الوزير على سؤال موجه له من مقدم البرنامج حول صحة ما قيل بأن ميزانية المؤتمر تجاوزت المليار جنية (بالقديم) فاستنكر سعادة الوزير هذا السؤال معللاً بأن ذلك أمر ثانوي ولا تعنيه الإجابة عليه كثيراً وأنه معنى فقط بالغايات الكبيرة التي يستهدفها المؤتمر وماذا يعني إذا كانت الميزانية مليار أو عشرة أو عشرين أو ثلاثين مليار!!؟ واستطرد قائلاً نحن أحضرنا ناس تقطعت بهم السبل وغابوا عن السودان زمناً طويلاً

Quote: ولعل غايات المؤتمر قد بدأت تتحقق وها هو الوزير يحل روابط الصحفيين بالسعودية بدون وجه، ولكن بمباركة وصمت الإعلاميين الذين دفعت لهم الدولة المليارات نظير هذا الصمت..

Quote: من أخذ الاجر عليه العمل و أملأ البطن تستحي العين و شرموط الفيل بي بقره

Quote: وقبل أنا أكمل كلامي قال: أظن الناس ديل خاتين نوعك ده لليوم الأسود قلت: يوم أسود بتاع إيه؟ قال: خاتنكم للضرائب.. في يوم أسود أكتر من يوم دفع الضرائب؟ إنتو تدفعوا وهم يصرفوا.. يلمها النمل ويطاها الفيل.. والله يا نملة.. أقصد يا حبيب..

Quote: الأخ/ نصرالدين ياصديقى صاحبك الصادق ده كلامو صاح لامن غلط وده كلام كل الشارع السودانى ولسان كل المغتربين دافعى الضرائب والتعبانيين تعب الموت والكانوا خلال فترة من عمر الإنقاذ المنقذ للإنقاذ وناس الإنقاذ عارفين الفترة دى كانت متين وتحويلات وضرائب المغتربين حلتهم من شنو !!! المشكلة مش فى المؤتمر يا أخى المشكلة فى بتاعين دككاين الثياب و ... و.... و,,,, حيكتبوا عن المؤتمر وغايتوا وين ؟؟؟ يا أخى خليك من ديل بس قول لى حتى الشاغلين فى الإعلام قايلهم حيكتبوا عن غايات المؤتمر؟؟؟ أبقى قابلنى لو كتبوا !!!! ده كسير ثلج وبس !!! المال المصروف على مؤتمر ( الترزيه والبصموا وكسروا الثلج ) بذكرنى بحكايه ,, معاك كم ... أدى البحر نصو ,, الباقى معاك كم ... وبعدها كمل براك !!! ويا النمل راحت فلوسك .........................!!!!

Quote: في ما يتعلق بالمؤتمر ، ومع تحفظاتنا على نوعية المشاركين ومعظمهم كتاب وانصاف اعلاميين مع بعض المطبلاتية والمقربين من السفارات في الخارج، الا ان العبرة بالنتائج والافعال .. لا الاقوال. وكنت اتوقع ان نسمع قرارات فورية من الحكومة برفع الرقابة نهائيا ، خصوصا وان الشريكين في الحكومة يتبادلان الاتهامات بان كل طرف وراء هذا الاجراء غير الدستوري لان "الشينة منكورة". على اي حال .. انفضت التظاهرة .. ونحن ننتظر النتائج .. وهي غير مبشرة الى الان ، حيث لا تزال الرقابة ماضية رغم انف الدستور.. ولا يزال مشروع قانون الصحافة المرفوض امام البرلمان .. ولا تزال الحكومة تحابي وتدعم صحفا بعينها على حساب اخرى .. ولا يزال مناخ الصحافة طاردا للصحافيين والمستثمرين .. انها ، يا نصر، حكاية موجعة .. نعرفها نحن الذين نكابد الامها ومآسيها .. نحن الذين نعلم كيف يعمل اخواننا في الداخل في ظل حرب شرسة تواجهها الصحافة كل يوم. نحن في الخارج، لا نحتاج لمؤتمرات .. نحن نحتاج الى ان تعرف الحكومة قدر الصحافة ، لا ان تحاربها .. نحن نحتاج ان ترفع الرقابة القبلية المفروضة منذ شهر فبراير عام 2008 ، هل تعلم انه ومنذ كثر من 15 شهرا لا تصدر مطبوعة صحفية دون ان تمر على رقباء جهاز الامن. الطريف في الامر ان هذا النوع من الرقابة لم يفرض على الصحافة السودانية منذ الاستعمار.. والاطرف انه وفي اشد سنوات الانقاذ قبضة لم تكن هناك رقابة على الصحف. بل ان السنوات منذ العام 1998 وحتى مابعد انشقاق الاسلاميين بقليل كانت حرية الصحافة افضل بما لا يقاس مقارنة مع فترة ما بعد نيفاشا حيث كان الناس يظنون ان قضية الحريات لن تصبح امرا محل نقاش.

Quote: بعد دقائق عاد زميلها الإعلامي ومعه مسؤول دبل كابينة ربما يكون رئيس بتاع الأمن، ونادي على بتاع الأمن وذهب به بعيداً..

Quote: سلام يا أبو عفان يا اخ معقول الواحد يقول قدموا لي دعوة؟ أعتقد بأن الطرفين بيحاولوا يغشوا على بعض.. لا الحكومة ولا الإعلاميين حا يستفيدوا من المؤتمر ده.. وصدقني أي صحفي قبل الدعوة وحضر المؤتمر ما حايقدر يرفع عينو على الحكومة في المستقبل.. أنا بعتبر المؤتمر ده رشوة، من قبلها فقد قبل المهادنة والرضوخ ومن يحاول أن يلعب على الحبلين فالابتزاز سيكون مصيره..

Quote: يدك العافية يا اخي العزيز ولا تحرمنا من مواضيعك دي

Quote: من يفكر بمنطق أن الحضور للمؤتمر يعني عدم مواجهة الأخطاء لايمكن أن ينتسب للاعلاميين .... الحكومة التي نعارضها لم تطلب منا الكتابة عنها بل كانت تستمع إلينا وتلك هي الحقيقة .... نحن جئنا وقلنا ما نريد قوله ...... سمعنا الكثير ولكن بعقولنا لا عواطفنا .... عن نفسي سألتزم بالحقيقة دون مجاملة أو مواربة فالعمل يجب أن يكون مهنيا لا يخضع لشيء ... أتمنى من أشقاء البورد عدم الاستعجال بالحكم ومراقبة كتابات من حضروا المؤتمر بعد نهايته ..... نحن جئنا لوطننا لا للحكومة ... والمؤلتقى يحمل إسم الاعلاميين السودانيين وليس أعضاء المؤتمر .... الاعلامي هو الاعلامي ولم يحاول أحد توجيهنا ..... يا جماعة نحن إعلاميين ولابد من أدراك هذه الحقيقة .

Quote: ها..ها..ها هو بالله في مسئول ما دبل كابينة ؟؟

Quote: إزيك يا نصرالدين ... أخوك كان مهكر أكتر من شهر ... الهكر براهو حنّ علينا والباسوورد الليله براهو اشتغل .... أنا طبعا بالخرطوم بعد غياب ( 21) سنه ... المؤتمر ما تظلموه ... المباديء لن تتغير والقناعات هي القناعات ونحن يانا نحن ... والله وأ،ا شاهد على المؤتمر الحصل غير المكتوب .... نفس كلامنا الحار القاعدين نقولو هنا قلنا في السودان .... أنحنا جينا كإعلاميين عاوزين نقيف على الحاصل ... الحكومه لهجتها اتغيرت كتير وسمعت كلامنا الحار بكل صبر ... دي الحقيقه ... بعدين موضوع البذخ.. هم شويه زودوها حبتين لكن أنحنا مواطنين ... ياراجل أكتر من عشرين سنه ندفع ضرايب للحكومة ... ندفع ضرايب غير مباشره كمصاريف للأهل ... خلينا خاناتنا بتاعت الوظايف لغيرنا .. يعني قصاد دا كلو كتير علينا حبة البرياني واللحيمات اللي بتسموها بذخ ؟؟؟ جاييك راجع يا زعيمنا ... لسه ما خلصت سلام الأهل .. عثمان رغيم قول ليهو ليه ما صدرت تمر لناس المؤتمر ... التحليه كانت ناقصه تمر ... ولغاية ما أرجع تحياتي ليك ولكل ناس الملتقى أنا بالأبيض