|
الرسامين , التشكيلين ورسم الهلام والاواهام والعولاق - توجد صور وهمات
|
من ربنا خلقني وعرفت انه في ناس رسامين وتشكيلين وانا ما واقعة لي قصة لوحاتهم , بصراحة بشوف ليك اللوحة او الحاجة البعملوها دي كلام فاضي ساكت واحد يرسم ليك حاجات مكعوجة كدا داخلة في بعض شوية مربعات ودواير ووش ما تامي بتاوق وشكل بت فستانها مشرط ولا اصلا هو دلقان ما تفرزو ونص كمجنة وشمش سوداء والرسمة زاتها اجمالا تكون مافيها حاجة واحدة واضحة ولا تامة وبعد كدا اسمعهم ليك بشكروا ليك في بعض وبكسروا في تلج تقيل لي بعض ويرموا كميات من الطعمية لي بعض في انه دا قمة الابداع والتجلي والبعد الخرافي والحاجة اللحظية ومستوي الشوف والدلالات المعبرة العميقة وحات الله الرسمة لو ادوني ليها بلاش ما بتتابعني مكان , بستمتع ليك جدا برسم الحاجات المفهومة يعني لو رسم ليهو وش معبر او منظر طبيعي او حلة ومراة بتلايق في الويكة وجمبها بنابر يعني حاجة الزول يقدر يقول عليها ابداع اما باقي الشغل دا وحات الله حنك ساكت الرسامين المشهورين عالميا زي ناس عمك دافنشي واعمامك الطلاينة بتاعين القرون الوسطي ديلك اشتهروا لي بعد بكرة برسومات معبرة فيها مشاهد ولحظات انسانية او طبيعية مختلفة لكنها كلها حاجات مفهومة ومعروفة , وانا شخصيا بعتقد انه اي حاجة ما يفهما الانسان العادي مافي ليها اي داعي او لازمة عليكم دينكم دا ما كلام الطير في الباقير الوراني ؟ دي نماذج عشوائية وجدتها في بعد القوقلة
الفوق دي بالذات اكبر حنك الزول دا شافع روضة برسم احسن منه
اها جنس العولاق دا تلقاهو سمع فيهو شكر لي جنا جناهو من ناس قريعتي راحت زيه
|
|
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: اساسي)
|
في نصيبة كدا اسمه ايمان مالكي ايراني اها دا الزول الريحني ليك في حناني برسوماته , الزول دا بكل ارتياح اقدر اقول عليهو مبدع لمن غلط برسم الحاجات باحترافية عالية وبطريقة معبرة تخليك تنطط عيونك وانت بتشوف في رسوماته , مشاهد طبيعية واشكال بشرية وحيوانية ومباني حاجات معروفة ومفهومة
دي بعض نماذج لي شغله وبالله عليكم الله طلعوا النصيحة فرق السماء للارض بينه وبين (الهضلبيم ) الفوق دا ؟؟
حتي لما يرسم حاجة ما مفهومة بجيهة جيهة ذي التحت دي
عليكم الله ودابرك بتاع ايران دا ما نجضو نجاض الجمب شبشب البت دي؟
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: اساسي)
|
اخونا امين
Quote: أساسي أمير الظلام !! ياخي إنته مشكلتك مع أي حاجه حديثه كان شعر ولا رسم ، المشكله إنو أنا ذاتي زيك كده |
تصدق بستمتع جدا بحاجات حديثة كثيرا جدا وجواي من انصار الحاجات الحديثة , بس كمان حديثة بفهم , ما كروته ساكت , يعني ما نتاكل حنك ويجو يقولوا ليك ما بتفهم .؟؟ عليك الله الحاجة لو ما فهمتا فايدتها شنو ؟ الاغنية دي لو ما طربتك وهزتك من جوة بتتناغم معاها ؟ الفنان دي ما بيكون بنبح ساكت زي وزي اي دحش حايم في الحلة؟ اها بنفس المنطق دا شغال مع الحاجات كلها ؟
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: اساسي)
|
تعرف يا أساسي يا أخوي... الجماعة الرسامين ديل - للأمانة - بيبدو رسمهم عدل وواضح زي رسم صحبك الإيراني داك... المشكلة إنو الواقع بعد شوية بيقوم بيتلخبط! أديك مثال: اليود يفتتحوا كهربة سد مروي والناس تفرح وتنطط، وتاني يوم الهكربة الجديدة تعدم ليك الكهربة القديمة نفاخ النار، وفي الوقت نفسه يقوم كم حداد كدة يموتوا ميتة جماعية والشمس تمد رقبتها وتحمر ليك عيونا في الخرطوم... أها هنا الخطوط بتجوط، والفرشة بتصبح مكنسة (برازة)، والألوان بتصبح زي العدة بعد الأكل وقبل ما يغسلوها... وهكذا تصبح اللوحة أكثر تعبيرا عن الانفعالات والواقع!
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: وليد محمد المبارك)
|
العزيز اساسي اها قولنا دي فرصها نطلع من عزلتنا المجيدة و ندردش معاك و انت تدرش في التشكيليين ديل، اكيد رايك دا بيتسق مع اساسي مية مية و كان ح تلخبط افكارنا لو ركبت موجة مغايرة و نزلت مدح في الفن التجريدي و السريالي و زدت عليهم العبثي و الفوضوي و عيييك زي ما قال الشاعر الما شعر ياي شي علي مدي 7 قرون في راي المتواضع انه حكاية الفن التشكيل زيو و زي بقية الفنون و اوجه الابداع يا اما في موهبة و قدرات متكاملة للفعل المبدع او لا يعني الزول البرسم خطوط متداخلة و اشكال ما بتحاكي شي مدرك ليقاس عليه منتجه الاوجده بادواته التعبيرية، يفترض يكون متمكن من الرسم زي الريح في نمازج الايراني الفوق مع اعتبار مسألة التفاوت في القدرات و بجيك راجع
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: نصار)
|
الاخ نصار صباح الخير
اولا اغمط نفسي علي اخراجك من صومعة الصمت المنبري , اشارتك الي التمكن هي اشارة مهمة جدا في معرض هذا العرض , لكن قبل مسألة التمكن اتي حديثي عن الجوهر في البداية , جوهر هذا الفن او هذا التشكيل مبهم للكثيرين من العامة وهنا يأتي التساؤل المهم هل هذا الفن ينتج للعامة او لتتذوقه فئة بعينها , اعتقد ان جميع الفنون تشاع للعامة , وقد كان مدخلي للامر بمقياس الرجل العادي كما يطلق القانونين الفكرة الجوهرية في ان ضربات الفرشاة لانتاج اشكال غريبة غير مفهومة ومبهمة لا يستوعبها العامة وبالكاد خاصة الخاصة لديهم فيها اراء يستنبطونها بمعرفتهم , لذا الامر غير مهضوم لامثالي وان تم تجويده لانه في النهاية امر هلامي غير مفهوم , انا مقتنع تماما بفكرة جلية تقول ( ان لم تفهم حديث المتحدث او شعر الشاعر او لوحة الفنان فان المشكلة ليست فيك مطلقا بل في ذلك المتحدث او ذلك الشاعر او ذلك الفنان الذي لم يستطع ايصال فكرته ولا يملك ادوات ايصالها جيدا ) المقولة اعلاه لاخوك اساسي وهو مقتنع بيها تمام الاقتناع خليك قريب ونسمع منك
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: محمد الأمين موسى)
|
اخوي محمد الامين صباح الخير
كتابتك في حد ذاتها لوحة سريالية اضحكتني بالمشهد الذي قمت بتصويره, ولكن وللامانة الادبية والعلمية ليس رسامينا فقط هم المشهورين بذلك الضرب من الفنون وان كان من خلال تجربتي المشاهدة في السودان وجدتهم الاكثر ميلا لهذا النوع من الرسم (الوهمي) محصلة الامر ان هذا الضرب ان جاز لنا ان نطلق عليه فننا فانه لا يقتصر علينا فقط , في الافلام الغربية دائما ما يصوروا اهل مدرسة الفن الحديث علي انهم (بوهميين) * لديهم مشاكل نفسية وما شاكل من نزاعات
ـــــــــــــــــ *(البوهميين ) في السودان هم اؤلئك الاقوام الذين انتشروا في بداية الثمانينات وحتى منتصف التسعينات , حيث يلبسون بناطلين الجنز الوسخة المليئة بالكتابات باقلام البك ويطلقون شعورهم بطريقة افرو او بوبمارلي ويجعدونها وتكون ملئية بالقمل , يتحدثون وهم ساهمون حديث الفاقد الاهلية , مفرداتهم غريبة عجيبة لديهم معجمهم الخاص من العبارات السودانية الموغلة في الفراغ , يكتب جلهم الشعر الاشتر ودائما هم مفلسون وعطالة , يكثر تواجدهم في المراكز الثقافية وعلي اهداب الجامعات .
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: حمد فتح الرحمن)
|
اخونا حمد
Quote: يا اسد انتا قول عجبك الجكس الايراني الشديد بس |
من ناحية هو شديد ما في شك في ذلك , فللفرس حضارة موغلة في التاريخ الانساني , ولكن ليس هذا هو السبب الوحيد لفتح البوست وان كنت لا امانع في نسبتك الامر اليهن الفكرة الاساسية في الموضوع انه اخوك قدر ما حاول يفهم واحدة من اللوحات دي ويحاول يستوعبها ويعيش جمالها برضو ما قادر يهضمها , عشان كدا اخوك اعتبر الايرانين ديل زي الاندروس بالنسبة للفن
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: اساسي)
|
أسئس يا رايق ياخ راي شنو قول تنظيرتكـ متفق معاكـ في الفكرة تماماً و أضف الي ذلكـ إستخدام الجسد العاري .. اليومين ديل أخوكـ أي حاجة فيها (نهود و سراير) ناطي فيها جوز من خط ستة .. أمس كنت في جولة إسفيرية و قادتني مفاتيح الكيبور بعد سيرة عمكـ حسن شطة لقريتهم قريتهم دي بتذكرني بمعسكرات الخدمة الالزامية .. تلاقي عداد القراء الاف مؤلفة و المداخلات قليلة .. يخشاها الغلبية مع رغبة الاقلية في الانضمام اليها .. لشيء في نفوسهم .. نرجع لي موضوعنا .. من ضمن اللوحات المعروضة كانت في واحدة شبه عارية ( بان فخذيها) أتي الناصحون و الفنانون أحباب هكذا شاكلة و قدمو وجهة نظرهم بأن تكون أفخاذها أكثر إمتلاء لتكون أجمل .. سألت نفسي ساعتها .. هل متعة الرسم في مضمون اللوحة أم مضمون الافخاذ ؟ مرة فتحت لي بوست عشان أتكلم عن الشيء ده (التعري في التصاوير) ... لكن لم يسعفني الوقت حينها للمواصلة و نقاش الفكرة .. تجدون الرابط هنا الفــــــن للفـــــن أحسب هكذا شاكلة من التعري و مناصحيهم من (العولاق) كما أسلفت أعلاه..
_ أخير تكون ركيب من تكتب ليكـ شيء و تلحق السراير .. ما داير أقول الكلمة التانية عشان عمنا ما يتحس%
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: Amin Mohamed Suliman)
|
الأخ أساسي
سلام
انت جاي وزايد بنزين سديد على قبيلة التشكيليين.. قد أتفق معك أن بعض الأعمال تعد ضربا من السذاجة اللونية والشكلية.. ولكن.. لا تنسى يا أخي أن الفنان الحقيقي يمر أولا بتجارب الواقعية التي تحبها أنت.. ثم يغور في داخل الأشياء وجوهرها يفك مفرداتها في علاقات لونية وشكلية جديدة لابد للعين أن ترتقي لها في مظهرها الجديد هذا.. بيكاسو رائد المدرسة التكعبية كان ينتج فنا كلاسيكيا أو واقعيا.. وفي مرحلة ما اكتشف أن هنالك علاقات شكلية ولونية أقوي بكثير مما اعتادته العين في النقل البسيط للأشياء.. وأقف معك ايضا ضد المظهر الهزلي والردئ الذي يبديه بعض صغار التشكيليين من لباس مهترئ وشعر غير مهذب..
أذكر في عام 1982م كنت ضمن اللجنة التنفيذية الجديدة لاتحاد طلبة كلية الفنون الجميلة, دخلنا للإجتماع بالعميد أستاذنا الراحل/ أحمد الطيب زين العابدين رحمه الله.. بعد التحية كانت أولا كلماته.. وهو مسرور جدا قال: إنتو طلاب في الكلية دي ولا من كلية السكرتارية؟!! مع دهشتنا في سؤاله هذا.. واصل: هذا هو المظهر الذي يليق بالفنان.. لأول مرة أرى مجموعة من طلابي بهذه الأناقة والمظهر الجميل..
كانت كلماته تلك رحمه الله دافعا لنا في محاربة الحالات السيئة لمظاهر العديد من طلاب الكلية.. وانتصرنا بتغيير العديد منها.. ولم تبق إلا ما لا تزيد عن أصابع اليد الواحدة بنهية عام 1987م..
تحياتي
عبدالعزيز
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: Abdlaziz Eisa)
|
الاخ عبد العزيز عيسي
اولا صباح الخير
وفرصة جيدة جدا انه يدخل احد الفنانين التشكيلين الي هذا الحوار , انا ارحب بك ترحيبا خاصا اولا ليطمئن قلبك في ان الامر ليس هجوما عشوائيا علي قبيلة التشكيلين ولكن احببت ان افتح حوارا في المنبر بخصوص هذا الامر , ملاحظتي عن التشكيليين هي انهم متحيزين الي بعضهم البعض وهذا الامر لمحته في هذا السايبر , واعتقد ان الامر من حقهم ان يتكاتفوا مثلما للفنانين ناديهم فلهم مجتمعاتهم الخاصة , وجميل ان اقرأ لك قولا مثل ( قد أتفق معك أن بعض الأعمال تعد ضربا من السذاجة اللونية والشكلية..) وهو ينفي عنك صفة التحيز الكامل باطلا وحقا وهو امر يبشر بحوار اكثر انفتاحا . لدي عدة نقاط لابد من ايضاحها , اولا احببت بهذا الخيط ان افتح نافذة ليصل راينا نحن جمهور العامة الي الاخوة التشكيلين وهذه رؤانا كغير مختصين ثانيا اريد ان اثبت ان بعض التشكيل يعجبنا وبعضه لا نفهمه لذا لا ندرك ما هو بالضبط وهذا تجده في المقارنة العامة التي وردت في صدر البوست بين الايراني وبقية اللوحات ثالثا نحب ان نسمع منكم ما يضئي طريقنا , فمثلا مثل مداخلتك اعلاه هذه اجد فيها عدة مرابط جيدة وهي فاتحة خير لاتعلم منها اشياء جديدة كانت فائتة علي مثل تصنيف المدارس وتطور الفن والفكر الفني للفنانين والعلاقات اللونية والشكلية رابعا اريد بهذا البوست ان يكون جسر للتواصل بيننا كمتلقيين للفنون وبينكم كفنانين لايضاح الكثير من وجهات نظركم وايراد بعض الاعمال والتحدث حولها كما بالمقابل اريد ان تسمعوا وجهة نظر الاخرين , وان كان هذا الامر اقتصر فترة طويلة علي فئات بعينها ترتاد المعارض والمنتديات التشكيلية , فلماذا لا يكون هذا الامر عاما ومشاعا , هل هناك تخوف من قبيلة التشكيلين وحذر من ان يشاع الامر للعامة ويسمعوا اراء غير المختصين ؟ سمعتا يوما بان داخل كل شخص فنان تشكيلي فهل مثل التواصل هذا يعتبر جسرا جيدا ؟ علي العموم في هذا البوست الكثير من الاراء المطروحة والتي اعتقد انها ستطرح ليتك تكون قريبا للحوار واحب ان اسمع منك اكثر في بعض هذه النقاط
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: فيصل نوبي)
|
فيصل نوبي
انت اقعد جهجه لي بوستاتي بافكارك العريانة والموغلة في الايروتكية دي, انت كدا بتنقلنا نقلة كبيرة جدا في البوست والافضل ان نتدرج اليها من خلال هذا البوست في الاول نتفق علي رسم الهلاميات , انا بالنسبة لي رسم ناس (ميطي) معبر اكثر من رسم خطوط مكعوجة , علي الاقل بتقدر تقول رايك في الحاصل سلبا او ايجابا وتفهم المقصود شنو حتي ولو كان رايك ان الرسام يمر بحالة شبق , اعتقد انه الفكرة كدا واضحة وخلينا نتدرج مع بعض الي ان نصل الي المرحلة التي ذكرتها , لانه بالطريقة دي حيكون في مبعثان للبوست او موضوعان يسيران مع بعضهما في الحوار وهو ما قد يشتت الامر .
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: محمد فرح)
|
اخونا محمد فرح صباح الخير
اها دا الكلام الخايفين منه زاتو , زي اتفاقك دا , يقولوا ديل كيزان وديل ظلامين واصلا ما بشوفوا اكثر من ارنبة انوفهم هاهاها يا اخوي يقولوا البيقولوه لكن دا الشايفنه ودا راينا فيهو
بالنسبة للنصيبة ايمان دا دا زول خرافي عديل ياخ
شوف زي اللوحة دي وكمية التعابير الموجودة فيها في وجه الطفل والكهل والثياب اللابسنها ياخي لفة العمة دي عديل دايرة اسبوع خلي الزول يرسمها وعليها شافع بهذه الدقة حكاية مبالغة
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: Dalal Ezzaldin)
|
Quote: الاخ عبد العزيز عيسي
اولا صباح الخير
وفرصة جيدة جدا انه يدخل احد الفنانين التشكيلين الي هذا الحوار , انا ارحب بك ترحيبا خاصا اولا ليطمئن قلبك في ان الامر ليس هجوما عشوائيا علي قبيلة التشكيلين ولكن احببت ان افتح حوارا في المنبر بخصوص هذا الامر , ملاحظتي عن التشكيليين هي انهم متحيزين الي بعضهم البعض وهذا الامر لمحته في هذا السايبر , واعتقد ان الامر من حقهم ان يتكاتفوا مثلما للفنانين ناديهم فلهم مجتمعاتهم الخاصة , وجميل ان اقرأ لك قولا مثل ( قد أتفق معك أن بعض الأعمال تعد ضربا من السذاجة اللونية والشكلية..) وهو ينفي عنك صفة التحيز الكامل باطلا وحقا وهو امر يبشر بحوار اكثر انفتاحا . لدي عدة نقاط لابد من ايضاحها , اولا احببت بهذا الخيط ان افتح نافذة ليصل راينا نحن جمهور العامة الي الاخوة التشكيلين وهذه رؤانا كغير مختصين ثانيا اريد ان اثبت ان بعض التشكيل يعجبنا وبعضه لا نفهمه لذا لا ندرك ما هو بالضبط وهذا تجده في المقارنة العامة التي وردت في صدر البوست بين الايراني وبقية اللوحات ثالثا نحب ان نسمع منكم ما يضئي طريقنا , فمثلا مثل مداخلتك اعلاه هذه اجد فيها عدة مرابط جيدة وهي فاتحة خير لاتعلم منها اشياء جديدة كانت فائتة علي مثل تصنيف المدارس وتطور الفن والفكر الفني للفنانين والعلاقات اللونية والشكلية رابعا اريد بهذا البوست ان يكون جسر للتواصل بيننا كمتلقيين للفنون وبينكم كفنانين لايضاح الكثير من وجهات نظركم وايراد بعض الاعمال والتحدث حولها كما بالمقابل اريد ان تسمعوا وجهة نظر الاخرين , وان كان هذا الامر اقتصر فترة طويلة علي فئات بعينها ترتاد المعارض والمنتديات التشكيلية , فلماذا لا يكون هذا الامر عاما ومشاعا , هل هناك تخوف من قبيلة التشكيلين وحذر من ان يشاع الامر للعامة ويسمعوا اراء غير المختصين ؟ سمعتا يوما بان داخل كل شخص فنان تشكيلي فهل مثل التواصل هذا يعتبر جسرا جيدا ؟ علي العموم في هذا البوست الكثير من الاراء المطروحة والتي اعتقد انها ستطرح ليتك تكون قريبا للحوار واحب ان اسمع منك اكثر في بعض هذه النقاط |
العزيز أساسي
نحن في أقصى الشرق.. يعني عندنا الوقت مساء الآن 6.00م حأجيك راجع بعدين..
وشكرا لكتابتك الراقية التي تعطي لهذا البوست قيم بأهمية الموضوع الذي تطرقه.. ان شاء الله ستجد آراء أهل التشكيل في البورد: عصام عبدالحفيظ خالد كودي نور الهادي عمر مصدق عوض إدريس أحمد عمر وغيرهم من فاتني ذكر اسمه
نواصل...
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: Abdlaziz Eisa)
|
بعدين شنو..كلهم مثقفاتية!!
أخيراً واحد جاهل زيي لقى ليهو فرصة يسألهم "لوحاتكم دي يعني شنو"؟ شكراً أساسي لاتاحتك لنا هذه الفرصة..
المهم..قال ليك.. يعني ممكن ناس المدرسة الواقعية (مش بسموها كدا؟) زي المجنون الاسمو ايمان مالكي دا يكونو ناس عنقالة زيي كدا مع اني اشك في الايراني دا يكون بتكلم لغتين بس وقاري تلتمية الف كتاب بس. المهم..
مع الاعتذار لصديقنا الفنان عمر بروبر في لوحات كدا ما بتخش الراس
مثلاً الجلبطة التحت دي لوحة مشهورة لقيتها الانترنت..
دي مثلاً سيدها شكلو تعب فيها تعب شديد..
لكن والله للأمانة في لوحات كدا انت بترتاح لمن تعاين ليها لله في لله كدا فيها الوان كدا وظلال تخليك مخدر
وفي لوحات فيها مزج بين الواقع والجلبطة - النوع دا جميل برضو..
وبعدين في ناس معلمين بلون وااحد بس أو اتنين يطلع ليك حاجة غريبة..
لكن صراحةً كدا النوع الزي المثال الجاي دا ياهو المزعلني..قال بيكاسو قال..هسي دا ارسم مني في شنو؟
وهسي اللوحة التحت دي شنو؟!! طبعاً فيها زي مليون تفسير و11 مليون تنظير.
شكراً قوقل
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: محمد يوسف الزين)
|
اساسي شكرا علي البوست المهم دا
فعلا الفن التشكيلي ما زال بعيد عن المتلقي العادي جدا.
لكن
ما يقدمه الفنان الايراني ايمان مالكي يعرف بالفن الواقعي Realistic Art وهو يختص بالتشخيص يعني ابداع الفنان يكمن في مدي رسمه للتفاصيل كما هي في الواقع
واي فنان بيقدر يعمل كدا (طبعا في تفاوت في المقدرات)
خذ مثال الفنان السوداني محمد حمزة ونصر الدين الدومة ودا نموذج لاعمالهم
الطيب صالح - الوان زيتية علي قماش (محمد حمزة)
بدون عنوان - الوان مائية علي ورق (الدومة)
هنا تميز ابداع الفنانين علي الرغم من انو كل واحد منهم استعمل خامة غير التاني (الوان زيت علي قماش / الوان مائية علي ورق)، فهذا يعني ان خامات و طريقة تنفيذ العمل تعتبر جزء من تقييم العمل الكامل
واهم شيئ هو الفكره والمضمون طبعا. لذا لجأ الفنانون التشكيليون الي اختزال الشكل وتفاصيله حتي يتمكنوا من استعراض الفكره والمضمون بشكل اكبر وهذا ما سموه بالفن الحديث أو التجزيئي أو التشكيلي Abstract Art - Contemporary Art
في اللوحة دي، الزول دا رسم حمامة كما يرسمها اي طالب في المدرسة، لكن تقينة رسم النار الولعت في النص دي صعبة شوية، والذ ما في الموضوع انو طرف النار مسك في البرواز ( و دي اللعبة زاتها) وبالمناسبة اللوحه دي من اعمال الاستاذ الذي درس الفنان الايراني ايمان مالكي ؟؟
و راجع ليكم
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: وليد محمد المبارك)
|
Quote: لكن برضو يظل باب التحرر في الفنون تشكيل او في الشعر
باب خلفي يلج منه ضغيفي المستوى الفني والمبرر
دي فكرتنا انت الغلبتك تفهما |
شكرا يا وليد كلامك صحيح ميه ميه
وفكرتك دي ما غلبني افهمها
واحب ان اؤكد لك وعلي لسان فنانين تشكيليين كبار حاورتهم في نفس الموضوع من قبل (ان ليس كل عمل تشكيلي هو عمل جيد فهناك الكثير من اللغو والعبث واللا وعي) ودي المشكله الحقيقية
يعني المتلقي العادي (الزيي و زيك دا) يمشي يدرس تاريخ الفنون ويرجع واللا شنو؟؟؟
لكن يظل احساس الانسان العادي باللوحة هو الفيصل ما بين نجاحها او فشلها، خصوصا اذا كان الفنان يرسم للجمهور بشكل اساسي.
طبعا في فنانيين ما شغاليين بالجمهور همهم الاول والاخير هو البحث والنقد الاكاديمي البحت وهؤلاء الذين تظهر لوحاتهم ككلام الطير
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: ناصر احمد الامين)
|
التعبير عن اي موضوع اختلف ما بين زمان والان.
سينما، مسرح، شعر، نثر ... الخ
يعني لو في واحد جا قال قصيدة بداها بالوقوف علي الاطلال أو جاء قال ليك البت دي سمممممحة زي القمرا وكلامها زي صوت البلبل وشعرها زي الليل وعيونا زي عيون الغزال .... الخ
الكلام دا بقي ما بقدر يعبر عن واقعنا المعقد دا والحياه كل يوم ماشه لي قدام وزمنا دا ما حا يكون زي زمن اولادنا، فاذا لا بد لطرق التعبير الادبي والاجتماعي ان تتطور، وللاسف تطورها ماشي في حتة الاختزال دي
يعني (وضاحة يا فجر المشارق، غابة الابنوس عيونك، يا بنية من خبز الفنادق) دا كلام بقدر احس بيهو علي الرغم من انو جدي لو سمعو حا يقول لي (انا كنت شاكي فيك من زمان !!!)
و دا الحصل فعليا مع الفن التشكيلي باعتباره جزء من اجزاء التعبير الادبي
راجع ليكم
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: ناصر احمد الامين)
|
يتخيل لي يا اساسي انه ظهور التصوير الفتوغرافي هو عامل اساسي في نشأة المدارس و التوجهات التشكيلية ما بعد الكلاسيكية قبل كدا كان الرسام بسجل احداث و ملامح شخوص عصره بل اكتر من كدا رسم الفنانين لوحات مستوحاه من النصوص الاساطير الكانت سايدة في الزمن داك و اكبتعيد وقف الفنان امام سؤال، ما الفائدة من رسم بورترية لشخص ما طالما انه الكميرا بتعمل نفس الشي؟ و دا يمكن تعميمة لبقية مواضيع الرسم بكدا اختلفت وظيفة الفن التشكيلي و سقطت عن كاهله كل الجوانب التقريرية و اتبقت ليهو مدلولاته الجمالية الحاولت المدارس الجديدة تحميلها خطاب للعين و العقل و الوجدان الجورنيكا لمان رسمها بيكاسو سخر منه الجميع و وصفوا اللوحة بانها اقل من ابداعات طلبة المدارس الاولية لكن بعد فترة اخدت الجورنيكا مكانتها في تاريخ الفن التشكيل و بقت رمز لمآسي الحروب لحد الان
اتفق معاك في حكاية ضرورة ان يكون العمل الابداعي مفهوم للجميع ما بس اهل التخصص و دي خاصلة اذا وضعنا في الاعتبار انه الرسم التجريدي مثلاَ موجود حولنا في حياتنا اليومية و نحنا متعايشين معاهو في الديكورات و الرسم علي المنسوجات في الشعارات و اللوقهات و حاجات كتيرة ما قاعدين نتوقف عندها تاني بجي احاول اكمل فكرتي
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: عمر عبد الخالق سعيد)
|
اساسي رايك شنو لما تمشي معرض تشكيلي وانت شايف اللوحة شخبطة وتلقى صاحب الصورة بشرح لواحد تاني والغريب التاني بناقش يعني في اخد ورد
انت طوالي تزح من المكان دا وتشوف ليك شغلة تانية
طالما انت خريج جامعة السودان حسب ما عرفت من البوست مفروض تكون طلعت ليك بنقد ولي اتنين للصور المرسومة باعجوبة
انت عارف لو سالت واحد من ناس فنون يطلع انو اي خط مرسوم ليهو معنى واي لون عندو معني وشكل الخط زاتو عندو معني ويجي يلم الحاجات دي كلها مع بعض تطللع لوحة والتشكيلي الزيو بفهما وهي طايرة لكن غايظني البهدلة اللي هم فيها دي
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: SHIBKA)
|
الأخ أساسي الإخوة والأخوات
سلام
قد لا يساورني شك في ان أي من خريجي كلية الفنون يمكنه من اتقان الأعمال الواقعية او ال realistic لأن أي طالب فنون وقبل أن يصل الكلية بفترة تكون بداياته من الواقع والنقل من البيئة التي حوله.. وعند دخول هذا الطالب للكلية تتم عملية معالجة لإشكالياته التشكيلية من خلال الواقع ومثالا لذلك ان "الموديل" جسم الإنسان هو واحد من أهم مواضيع الرسم التي ترافق الطالب من إمتحان القدرات وحتى التخرج.. يعني اربع سنوات بالتمام وقدرها أربع أخرى إذا حسبنا ال home-works والعطلات.. حيث أن الفنان ليست في قاموسه عطلة أو weekend بل عمله متواصل وعينه تلتقط وتسجل وتختزن الأشياء حتى عند الأكل والسفر .. ومختلف ضروب الحياة.. فبعد التدريب الممرحل الطويل تصبح عند الفنان أن عملية النقل من الواقع هي من أسهل مواضيع التشكيل, وهي عملية نسخ عادية مثل ما تفعل الكاميرا, ويموت دور الفنان فيها..من شخص مبدع ألى شخص حرفي ماهر.. لكن عندما تكون روح الفنان قد امتزجت في العمل فبالتأكيد أن الناتج يكون مغايرا للأصل الواقعي.. ومشكلتنا دائما تكون في أن عين الناظر ترفض الجديد.. ترفض الغريب.. كما أن كثير من الناس عندما تذهب لرؤية معرض فهم يحملون فوبياعدم فهم اللوحة.. الفنان عندما يقدم أعماله في معرضا ما, يكون واحدا من المتلقين وله فهمه الخاص به, فقط يفوت الزائر بتجربته ومعايشته انتاج العمل منذ ان كان فكرة اولية وتبلورها حتى تصل العرض.. أي فنان يسعد بالشخص الذي يبادر لفهم العمل الفني ويبادر بتكوين فهم معين للمناقشة.. لكن صراحة فإن الشخص الذي يسأل قبل أن يعطي العمل الفني أي اهتمام يجعل الفنان في حرج.. لأن الفنان وكما قلت له رؤيته وفهمه الخاص للعمل وقد يختلف ذلك الفهم أو يتفق مع الآخرين.. فلا ينبغي أن نضع الشخص الآخر في قالب فهم الفنان..
تحياتي عبدالعزيز..
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: Abdlaziz Eisa)
|
Quote: انت عارف لو سالت واحد من ناس فنون يطلع انو اي خط مرسوم ليهو معنى واي لون عندو معني وشكل الخط زاتو عندو معني ويجي يلم الحاجات دي كلها مع بعض تطللع لوحة والتشكيلي الزيو بفهما وهي طايرة لكن غايظني البهدلة اللي هم فيها دي |
شبكة
سلامات يجي يلم الحاجات دي كلها.. كلامك جميل..
لكن البهدلة... ناسها شوية جدا.. شفت ليك واحد من تشكيلي المنبر ده فيهو حتى شوية بهدلة!! نحن ما بنحب البهدلة.. الله يسامحك..
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: SHIBKA)
|
Quote:
Quote: لكن البهدلة... ناسها شوية جدا..
البهدلة الشفتها في كلية الفنون الجميلة جامعة السودان ما اظن تتنسي عندي
ولغاية هسة بلاحظ انو التشكليين لبسهم غريب حتى لو ما مبهدل
يعني مفروض يكونوا هم اسياد تنسيق الالوان لكن معظم التشكليين اللاقوني دي حالتهم |
الأخت شبكة سلام ذكرت في اول مداخة لي هنا كيف نحن تصدينا ل"البهدلة" في بدايات التمانينات عندما كنا في اتحاد الفنون وبعناية العميد/ أحمد الطيب الذي كان يحارب الظاهرة.... ولغاية 1989م عهدي بالكلية كان فيها أتنين او ثلاثة فقط من العينة دي.. طالب الفنون هندام ورونق عهدنا بيهو.. وربما ساءت الأمور تاني.. الله اعلم
Quote: عبد العزيز رغم اني زعلانة منك حد الزعل لكن لأنك بادرت بالرد لي برد ليك
|
اولا أحييك على موقفك النبيل رغم زعلك رديت علي.. ثانيا: انا اعتذر عن تسبيب الزعل وهو غير مقصود خاصة اذا كان في بوست سياسي.. فالمأخذ ليس شخصيا ولا للخصومة والفجور....
مودتي
عبدالعزيز
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: SHIBKA)
|
الاخ اساسي والاخوة المتداخلين لهم التحايا العطرة
الفن التشكيلي فيه مدارس كثيرة لكن الحاجة المحيرة زمان كان يطلق عليهو فن الصفوة تلقى هؤلاء الصفوة ملعقين صور لمدارس يسمونها تجريدية او سريالية الحاجة المحيرة مش الرسمة فقط لكن انو اللوحة يكون رسمها فنان حق اللون ما عندو واشتراها واحد من الصفوة ولا يكون درس فنون ولا حاجة ومعلقها في فيلته كيف يكون تلاقى احساس الفنان الفقير مع الصفوي شاري اللوحة ولله في خلقه شؤون
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: نصرالدين عمر الجعلي)
|
يا اساسي سلامات.. حاسة بيك مستهون بالجماعة ديل شديد.. يا اساسي ما في اي اعتراض علي كلامك حتي الفنانين التشكليين ما حيقدرو يجو يغالطوك عارف ليه؟؟؟ لانو كلامك دة وجهه نظر وقناعتك الخاصة..يعني ما قاعدة..وكل زول عندو شوفو..واكيد بيختلف من شخص لاخر.. انا مثلا ما بحب اسمع لي مصطفي سيد احمد .. بس حابة اقول انو مافي فنان تشكيلي بيقارنو بفنان تاني..لانو اساس الفن التشكيلي الحالة المزاجية البيمرا بيها الفنان ..دة غير المدارس المختلفة البينتمي ليها..اي نعم انو في مقدرات متفاوتة لكن ما بتقدر تدخلا في باب المقارنة.. يا اساسي كونك تمسك فرشاة دي حاجة صعبة خلاص..نظريا بتشوفا شخبيط وحاجات زي دي..لكن حاول براك بينك وبين نفسك ارسم طربيزة ولونا.... وفي النهاية المتفق عليه انها موهبة ما بتتكسب بس بتصقل بقليل من الدراسة...
وهاك الصورة دي لافحاها من بوستي عشان ارفع ليك ضغطك شوية.. ههههههه
العمل للفنان تاج السر الملك
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: طيفور)
|
يا أس أس .. و لأنك عامل مجنون و ما ناقش .. عشان كده ظاااااهرة إنو شغلك ده شغل زول داير يتعولق و بس . لكن كويس .. ما بطال .. أهو درب يخشوا بيهو ناس الرسم و التلوين العندهم قول .. و يقولوا كلامهم .
أنا خريج تلوين .. و يخربني ما بعرف أنظّر في الرسم .. أها قبيل واحد أخونا علق على شغل صاحبك الإيراني و قال : أحسن من كاميرا ديجيتال !!! جاب المفيد .. يعني لو أصلاً في آلة بتسوي الشغل ده .. طيب ياخي ما نصور بالكاميرا الديجتال و نخلص من العكة دي ! .. الداير أقولوا يا شيخ السماني شنو ؟ الشغلة أعمق و أنيل من كده ( دايرني أبقي ليك صفوة و أجيب دراب التنظير أكبو ليك هنا أمحنك !! ) . و بعدين ياخي الرسم ده لغة زيو و زي اللغات التانية البتوصل ليك المفاهيم و المعارف و الأفكار .. لغة بصرية .. زي المزيكة لغة .. و الكتابة لغة . في موسيقى راقدة حٌنبُك و كذلك نوع كتابة .. و في عالم لبط ساكت قالوا هم كتاب و شعرا و أدباء و موسيقيين و يمكن مفكرين كمان .. نفس الشي في الرسم و التشكيل ، في عالم خاشة كده بس .. عنقلة و نظام تمييز و فن فن و محن . المهم .. كلامك ده رغم شبهة ( التِعِولِق ) الفيهو ، لكن لا يخلو من وجاهة .. لو زحيت من التعميم الشين علي كل أشكال الرسم إلا الواقعي .
زمااااان أيام كلية الفنون اتهمت بأني زول ( حرفي ) مُجيد و برسم الحاجة بضبانتها ( زي صاحبنا الإيراني ) .. قمت ياخي اتعقدت .. لقيت الناس الفي امتحان القدرات و الكنت بالنسبة ليهم ( عبقرينو ) زمانو .. بقو يعاينو لي شذرا شذرا باعتبار اني زول كاميرا ساكت و هم " المبدعين " لأنهم ( و نحنا لسه في أول سلم تعلم الشغل الأكاديمي الممنهج ) بقو فنانين جد جد و نازلين بتقلهم : تجريد .. طلعوني إرنقتنق ساكت و فاره . فكرة التجريد ما صعب تقبلها لو تخيلنا إنو الرسام بيفكك عناصر الشوف و يحللها و يعيدها لسيرتها الأولى ، و بعدين يعيد صياغة و تركيب كل العلاقات دي بفهمو هو و حاجاتو هو ، و بكل الشيلة الجواهو كبني آدم .. يعني في الأول يتفكك المنظور ، تتفكك علاقات الكتلة بالفراغ ، تتفكك علاقات اللون ، تتفكك علاقات الضو و الضل ، تتفكك علاقات الخطوط ، علاقات الإيقاع .. و بعدين يتعاد نسجها تاني ( أو نسج ما أوحت بيهو ) بصمغ المعرفة بتاعت الرسام .. و الصمغ ده قال ليك ممكن يلاقي و يلايق علاقات منطقية ( منطق الفانتازيا و الخلق الجديد ) تمرق من كل الهيلمانة دي و تلفق مع بعضها و تقعد في مساحة اللوحة بمزاج علاقتها بالتراكيب التانية الصنعتا رؤية الزول الرسام ( و الرؤية دي بقى يا سماني عقدة العقد .. يعني بيطلع فيها المدكن و المخزون و الشيلة الفي النفس بي صمة خشمها ) .
الكلام الفوق ده كلو ما ح يوصل ليك الداير اقولو .. و لا بقول أي شي عن التشكيل . انا بس حبيت اتعولق زي عولاقك ده . خليهم يجوك ناس التشكيل الجد جد عشان يقعدوك في علبك يا .. رهط .
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: Emad Abdulla)
|
Quote: يعني في الأول يتفكك المنظور ، تتفكك علاقات الكتلة بالفراغ ، تتفكك علاقات اللون ، تتفكك علاقات الضو و الضل ، تتفكك علاقات الخطوط ، علاقات الإيقاع .. و بعدين يتعاد نسجها تاني |
يا اساسي والله انا شمتان فيكـ شماتة ابو لستكـ من اول البوست وانا متابع و بضحكـ واقول الوغد دقس كنت عارف انو حا يجوكـ و يجهجهوكـ فاتح بوست وانت ما عارف الفرق بين الريالستكـ و الابستراكـ اها خُم و صُر الحالة دي (ود التوم) كلمكـ بتواضع و باصاكـ بي حرفنة لي طيفور انت قايلو شِعر !؟ يا اخونا الحقوني بي تمبس و دكين سريع يحضروا المولد ده
__ صاريها ليكـ انا يا ابوالروس
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: خدر)
|
مدخل أدخلنا اياه أساسى وكل حرف كتب أعتبره إدلاء هام وإن لم يعترف به صاحبه في حينها بقوله (بمشى وبجيك بى رواقة)..الخ
وحتى ياتى كل هدهد بخبر ويأتى كل عفريت بسحر ويأتى كل ذى علم من كتاب إنا لكم ناظرين
..... أهمية هذا البوست تأتى من خيوط الإلتقاء بين التخصص والتلقى وهو معرض ضخم ومسجَل
... شكراً يا أساسى على روح الوضوح والشفافية شكراً ياطيفور وبقية التشكيليين شكرا للمتلقين للفن على إمتاعنا ... متابع بعناية
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: خدر)
|
الأخ أساسي , علك عافية كنت موفق جدا في طرح هذا الموضوع وأكيد في ناس كتيرين بيحملوا نفس وجهة نظرك ومنهم الساكتين خوفا من أن يوصفوا بالجهل والتخلف لكن وبغض النظر عن الإتفاق أو الإختلاف فالقضية معقدة ولها أوجه عديدة ولاتحتمل الآراء المستعجلة والفطيرة وأنا مع الإفصاح والوضوح وشجاعة الطرح وأي فكرة مع أوضد فهي مفيدة وبتنور السكة على أي حال انت وضعت التشكيليين أمام تحدكبير وأنا منهم فأرجو أن يكونوا قدر التحدي وأعدك والأخوة المهتمين بمداخلة في مرة قادمة بإذن الله ودمت ..
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: وليد محمد المبارك)
|
وِلي يا شفتة .. و الله ما انتبهت القال حكاية ديجيتال دي منو .. كويس البقيت إنت .. بتريحني مداخلاتك لانها بتكون ملانة .. بس الجبتها هسه دي فاضية يا صاحب Quote: بقت فلاتر الادوب بتخربشو وبتجيب امو بي ضبانته |
يعني الفلاتر هي البترسم يعني وللا كيف يا ولي ؟؟ و للا هي من نفسها كده و براها البتضيف على الصورة التأثيرات بتاعت الرسم ؟ يعني يكون يا ولي الكمبيوتر هو براهو البيقوم يخت التأثير المعين في الحتة المعينة للسبب المعين ؟ الفرق بين الكمبيوتر و الكاميرا من جهة .. وبين الإنسان المبدع , إنو ديك آلة بلا مشاعر إنسانية .. آلة حسابية باردة .. ممكن تسجل ليك شغل في غاية الإبهار و الإبداع .. لكن مافيهو المسحة الإنسانية , مافيهو الروح . الرسم هو إنك تسقط مشاعرك و أحاسيسك و روحك على شغلك .. حتى لو كان بي ضبانتو زي أخونا الإيراني .
ما تفكوها فيناإنت و أساسي بالليل ده .. طلعت في راسكم دايرين تطلعوها من راسنا ؟
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: Emad Abdulla)
|
هاهاهاهاهاهاهاهاها يا عماد براحة علي
اها كلامك الفوق ده كله انا بعيدو ليك توشك دبل باص
نشرح ليك انا رديت ليك كده ليه يا عماد يا اخوي حسيت في ردك عن انو ما خلاص نستخدم الكاميرا الدقتال تبخيس لي شغل الايراني المجنون داك وكانما الرسم التشكيلي مرحلة متقدمة من البسوي فيه الايراني
وفي نظري هذا غير صحيح الرسم ياه الرسم كيفما كان يفاضل بينه اعتمادا على امكانية صاحبه التقنة وفكرته الفي راسه ما حسب المدرسة المنتمية ليها اللوحة ! ولا انا غلطان ؟
انت بنيت كلامك حسب اعتقادي على انه ما خلاس البسويه الزول ده في اله بتسوي
انا قلت ليك التشكيل ذاتو في الة بتسويه ؟
عليه مافي رسم احسن من رسم لكن في رسام احسن من رسام وفي رسمة احسن من رسمة وفي ذوق احسن من ذوق وده زاتو فيه كلام
اما كلامي عن الرسم التشكيلي بتلقاه في المداخلة حقت الديقتال الاستشهدت بيها ذاتها
انت نعست ولا شنو ؟
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: احمد عمر)
|
لا أكاد أتبين الحروف علي الكيبورد الساعة اتناشر منتصف الليل وليت الصحيان خلس
توقفت في العنوان الرسامين , التشكيلين ورسم الهلام والاواهام والعولاق - توجد صور وهمات نضم وقف في الزور ولقيت الحكاية رابة ربة تعجب ولقيت نفسي في نصها بقت علي حكاية البلة وسط البلية وقولتو الشهيرة : قدر ما اتدرقتا المن الله أبت تختاني نحن نعجن ونلك وأساسي طلع لينا عجينا فطير ودقيقو دراش
مرة رسمتا عن السلطة المفهوم ( الوعي والممارسة) وكان كل الشغل أبستراك وافتتح المعرض وزير علق في دفتر انطباعات زاير مايلي: (أشعر عند مروري بالأعمال كأنني أمر عبر دهليز مظلم ... خرجت منه حزين ومقبوض)
خارج الموضوع قال عنترة(الحفظ علي زمة الذاكرة) : بركت على جنب الرداع كأنما بركت على قصب أجش مهضم لم نقل أن عنترة أصابة الهذيان بل اجتهدنا في فك طلاسم اللغة وقلنا بعدهاهذا بديع!!! فلربما للغة رنين شليل شلشل شول
مخرج من المسؤول عن غباش الشوف في فهم هذا النوع من الرسم ولماذا الصفوية؟
سأعود ومعي بعض رسمي وباقي كلام
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: عمر عبد الخالق سعيد)
|
عماد عبد الله والشفت انتوا الاتنين مقتنعين بان شغل ايمان الايراني شغل فنان ويعجب الواحد وعلى الاقل الواحد بفهمو
طيب
لكن كلام اساسي اتخيلي لي عن الرسم اللي احيانا بتشوفو شخبطة وانا بوافقو الراي في الحتة دي
رغم انها شخبطة لينا احنا غير الفنانين التشكليين لكن هي معنى كبير عند الفنانين وليس عند عنقالة التشكليين العايزين يدخلوا في المولد ساكت
ما عارفين ويش السالفة...
صاح
ياعماد زح مننا اخوكدا ياخ كرهنا بالخصومات
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: وليد محمد المبارك)
|
عماد عبد اللللللللللله
سيبك من الولد المجنون اساسى دا,,,دايرين شنو لما يدخل كل سوق وهو قادم من الدوام ,,طلعت فى راسو بوخ تشاكيل البامبارز ورطوبة جدتنا العجوز
بالله عليك انت رسام ولا كاتب,,,كدى رسينا على بر بنات الفول ليه ما رسمتهن على رمل الشاطىء بس اكتفيت بكلمات جعتهن من هنا وهناك على عجل زى تعرجات رمال البحر المشخبط باصابع العشاق,,وهم يتاملون فى مستقبلهم المبنى كقصر مشيد ,,وهم الفرطاقة ما عندهم
لوليد طفل صغير من قبيبة التشكيلين,,بس هو خرب طبع الصغير قاعد يدس منو اللون الابض والازرق,,عشان كدا كل لوحاتو جاهرة لونها احمر واصفر وحتما سيصل يوما ولكن سينبرى له متخلف زى اساسى ويقولو انت رسمك مجوبك والسبب الشفت ظاتو عاوز الولد يطلع مريخابى,,وقد كان فعليه الصبر على المستقبل الداكن,,والتامل فى طوابق الاستاد الموعودة
شكرا عماد على الدروس المجانية , حتما كنا نحتاجها لكن هل من معلم صابر مصنقر؟؟؟ فكلهم يرمقونا بعنق ملتوى,,,,ياجهال لسع بدرى عليكم
ابقوتة فى ساعات الدزام
(عدل بواسطة abuguta on 05-12-2009, 08:45 AM)
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: عمر عبد الخالق سعيد)
|
اساسى النور !! على وزن شمايل النور !! غايتو الفنانين طلع ليهم واحد امو بت عم ابو .. اهاااا التشكيليين هسه بيجوك على فكرة انا تشكيلية ... هاوية بس وبرسم ( الله لا وراك )
غايتو الزول دا بهتتو .. ياخ دى رسمة فيها عوالم تتنزل وسريالى رهييييييييب عجبتنى صدق .. قلت اساسى دا ود فنان ما بجيب ساى .. وبتكون محتفظ ليك ( بمدخل للخروج ) يا قول الجماعة !
ـــــــــــــ غايتو من ما دخلت هنا وانا بدعى واقول وجعلنا من بين ايديهم سدا ومن خلفهم سدا فاغشيناهم فهم لا يبصرون من محسن خالد مش زمان فى الحلة بكون فى زول كدا بجى يفرتق الحفلات ؟؟؟
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: Frankly)
|
سلام
معذرة فإني أعيد جزء من مداخلتي:
بعد التدريب الممرحل الطويل في الكلية تصبح عند الفنان عملية النقل من الواقع هي من أسهل مواضيع التشكيل, وهي عملية نسخ عادية مثل ما تفعل الكاميرا, ويموت دور الفنان فيها..من شخص مبدع ألى شخص حرفي ماهر ناقل (جرسون ريشة).. لكن عندما تكون روح الفنان قد امتزجت في العمل فبالتأكيد أن الناتج يكون مغايرا للأصل الواقعي.. ومشكلتنا دائما تكون في أن عين الناظر ترفض الجديد.. ترفض الغريب.. كما أن كثير من الناس عندما تذهب لرؤية معرض فهم يحملون فوبياعدم فهم اللوحة.. الفنان عندما يقدم أعماله في معرضا ما, يكون واحدا من المتلقين وله فهمه الخاص به, فقط يفوت الزائر بتجربته ومعايشته انتاج العمل منذ ان كان فكرة اولية وتبلورها حتى تصل العرض.. أي فنان يسعد بالشخص الذي يبادر لفهم العمل الفني ويبادر بتكوين فهم معين للمناقشة.. لكن صراحة فإن الشخص الذي يسأل قبل أن يعطي العمل الفني أي اهتمام يجعل الفنان في حرج.. لأن الفنان وكما قلت له رؤيته وفهمه الخاص للعمل وقد يختلف ذلك الفهم أو يتفق مع الآخرين.. فلا ينبغي أن نضع الشخص الآخر في قالب فهم الفنان..
تحياتي عبدالعزيز..
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: Abdlaziz Eisa)
|
Quote: بعد التدريب الممرحل الطويل في الكلية تصبح عند الفنان عملية النقل من الواقع هي من أسهل مواضيع التشكيل, وهي عملية نسخ عادية مثل ما تفعل الكاميرا, ويموت دور الفنان فيها..من شخص مبدع ألى شخص حرفي ماهر ناقل (جرسون ريشة). |
سلام يا عزيز .. الكلام الإنت قلتو ده غير دقيق تماماً .
خلينا ننق فيهو شوية لو داير .. و نبداهو بشرح منك لفكرة الإقتباس الفوق ده لو ممكن .
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: Emad Abdulla)
|
سلام علي الجميع بتوقيت شرق البحر الابيض المتوسط, واسف جدا لاني اتاخرت عليكم كتير, بس فيصل نوبي كان مستلف جزمتي البنية, والعمدة زايغ بي قميصي المشدر الجديد, ووين وين نمن اخونا نصار رضي يسلفني بدلة اسموكنج, طبعا اتقاطم علي شوية, بس بعدينك غلبتو طبيعتو الحنينة ... المهم ما داير اطول عليكم, وشايف الشباب عبدالعزيز وعماد ونور وناصر ما قصرو وناقين ليكم تمام في حتة الفارق بين (الحرفي) و(الفنان) وسايقين المركب في اتجاه كويس, اشان كدا ما حاشوشر عليهم, خلوهم في تنظيراتهم الممتعة, وخليكم كمان من صاحبي الضلامي اساسي وخصتكاتو, ؤورحكاكم نتمشى في شارع النيل ونسولف (زي ما بقولو عربان الجزيرة) في اللغة والشعر, وطبعا زي ما هو معروف انو معظم الناس هنا كتابين شديد ومأدبين العربي ومجلدين ليهم لغة ولا اتنين بالاضافة للعربية, قراءة وكتابة,(فاعذرونا علي لغتنا الاهالي دي) كما ان الغالبية بتتذوق الشعر وبتمارس القريض, والتعاطي مع اللغة والشعر بي حرفنة عالية... طيب إذا جبت ليكم الوثيقة دي ...
وقلت ليكم دا شعر... مش كدا وبس دا شعر رصين ومن عيون الشعر الصيني كمان, حيكون رايكم شنو؟؟ طبعا غالبيتنا حيفتحو خشومهم ويعاينو للوثيقة وما حيفهمو فيها أي حاجة, ومن ضمنكم انا, وما حنشوف فيها غير خربشات غير مفهومة ما ليها معنى مجرد خطوط وشخبطة, بس برضو بتختلف عن الخربشات والشخبطات الفي اللوحة التحت دي..
وبالرغم من انو الاتنين فيهم نمط معين الا انو الاولى التنميط فيها واضح وبيدل على انو مدروس بي حرفية عالية وممنهج اما الثانية فالنمطية فيها عشوائية الى حد ما، ويصعب ادراكها الا للعين الحريفة المدربة على الشوف، والشوف دا كمان قصة تانية ودايرا ليها مجلدات براها، بس خلونا نتجاوزها الحين ونمسك في الشي البيهمنا، وهو العلاقة العضوية بين (الشوف والادراك وآلية الانتاج) كعامل مباشر في التشكيل، وهي عمليا بتكتسب بالتعلم والمران والدربة زي الطفل بتبدا تدربو على رؤية الحروف ومحاولة رسمها وشوية شوية بيتقن المهارات دي وبيصقلها (اعني العلاقة بين شوف الحرف ورسمو) وبالتالي بيصل في النهاية إلى خلق علاقة تراكمية ومعرفية متينة بين شوف وادراك الرمز البصري المجرد لصورة الحرف مع تطويع اليد (الآلة) لرسمه، ويبدا يقرا ويكتب كاي مثقف عادي، ودا بالضبط البيحصل مع الحرفي في اي مهنة ومن ضمنها الرسم، ولكن المثقف دا اشان يقبا (أديب) لابد ليهو وبالضرورة ان يجتاز بوابة (النص الفني) بمعنى انو ينتج نص عالي القيمة الفنية (شعرا أو نثرا أو خلافو) وتحت شروط ومواصفات معيارية محددة، ودا بالضبط الحاصل برضو في التشكيل للتفريق بين (الحرفي) متل ايمان المالكي دا وبين (الفنان) كابراهيم الصلحي مثلا، بالرغم من انو الاول يعتبر متجاوز تصنيف الحرفية الى حد كبير، ولكنه يظل في اطارها ما لم ينطلق الى افاق ارحب،
واللوحتين الفوق ديل مثال واضح على تطبيق الحرفية العالية والاكتفاء بذلك كما في لوحة ايمان المالكي، بصرف النظر عن الاشارات والدلالات الرومانسية الادبية المتضمنة في الموضوع، ومحاولة التجريب واكتشاف ابعاد وخلق علاقات لونية ولغة بصرية مختلفة عن الواقعية الصرفة التي استعملها المالكي في لوحة إبراهيم الصلحي, وبالرغم من احتفاظ الصلحي بالسمات العامة للواقعية الا انو واضح فيها محاولانه للخروج بها من مجرد النقل إلى عوالم أخري مشبعة برؤيته الخاصة للموضوع سواء في المعالجة كتقنية او كمفهوم, وقبيل انحن قلنا بصورة غير مباشرة انو المفهوم البتدخل بيهو لانتاج العمل هو البيحدد مكانك كحرفي او كفنان, ومن المنطلق دا خلونا نرجع شوية للقصيدة الصينية, اشان نحدد منها مفهوم التجريد بمعناهو العام, قبيل قلنا ان القصيدة بشكلها المقدم فيما سبق ما فيها أي دلالات استقرائية غير مجموعة من الخرابيش العندها سمات منطقية ونمطية رمزية متكررة, مما يوحي بانها نوع من انتاج تفكير موضوعي منظم (كتابة) الا انو بالنسبة للذين لا يقرأون الصينية, ما حتتجاوز مفهوم انها أشكال ورموز بصرية فيها نوع من الجمال والتنسيق العالي, بالرغم من عدم معرفتنا لمنطوقها أو ما تتضمنه من معاني, طيب لو جبنا ترجمة للقصيدة دي كدا مثلا ...
(Sleepy birds (Mihai Eminescu All those sleepy birds Now tired from flight Hide among the leaves !Good-night Only the spring whispers ;When the wood sleeps silently Even flowers in the gardens !Sleep peacefully Swans glide to their nest Sheltering among the reeds ,May angels guard your rest !Sweet dreams Above a night of sorcery .Comes the moon´s graceful light All is peace and harmony !Good-night
وختيناهو جنبها, وقلنا دي ترجمة القصيدة, مباشرة حيتكون عندنا مفهوم وارتباط فكري واضح تجاه النص كمفهوم, بالرغم من انو مازالت الصورة البصرية المكتوب بيها النص الاصلي غائمة وما عندها معنى, طيب, الناقل النقل لينا مفهوم النص دا كيف قريناهو؟؟؟
والاجابة البسيطة والمباشر على السؤال الساذج دا هي, لاننا تعلمنا تمييز الرموز البصرية المكتوب بيها النص وهي (رسم) الحرف اللاتيني, ولاننا اعتدنا تمييز اشكال الحروف اللاتينية أو العربية, ودرسناها, وتعلمنا انها كلما تجمعت بصورة محددة فانها تعني مفهوما محددا متعارفا عليه, وبالتالي فهي كرموز بصرية لها دلالات مفهومة لنا تماما, ولكننا عادة لا نلقي بالا لما وراء ذلك من معاني ولا ننتبه في كثير من الاحيان لرسم رمز الحرف البصري بذاته, من حيث انه في حد ذاته يمثل (رسما) تجريديا عالي النقاء لمفهوم محدد على مستويين احدهما صوتي (منطوق) والاخر صورة بصرية (رمز مرسوم), وبالتالي فإننا حين نكتب كلمة (بيت) بالعربية أو (Home) باللاتينية فاننا لا نرسم البيت بابوابه وشبابيكه وكافة السمات التي تميز البيت, وبدلا عن ذلك نكتفي بجمع الاحرف (ب + ي + ت) في العربية و(H + O + M + E) في اللاتينية فتتكون لدينا الصورة الذهنية الكاملة للبيت بهيكله المادي المعروف, رغم اننا لم نرسم أي من مكوناته ولا حتى ما يشبهه في الصورة العقلية أو المادية, وبمعنى آخر فقد استعضنا عن صورة البيت برسم المفهوم في صورة مجردة نقية لا تمت للبيت باي صلة ظاهرية, وبالتالي فقد قمنا بشكل ما باحالة الصورة المادية للبيت الى صورة ذهنية وقمنا بتفكيكه الى عدد من الرموز البصرية, وهكذا التجريد في الرسم والتشكيل, محاولات للوصول الى جوهر الاشياء بتفكيكها على مستويي اللون والشكل, وخلق رموز بصرية تكوّن عند جمعها الى بعضها البعض نوعا من اللغة المقروءة وفي علاقتها البصرية مفاهيمية عالية النقاء, يمكن الولوج عبرها الى فضاء اللوحة ووتفكيك شفرتها والاستمتاع بقراءتها كاي نص مكتوب, والفارق بين التجريد في التشكيل وفي اللغة المكتوبة ان اللغة سبقت محاولات التجريد في التشكيل بملايين السنين, ورغم انها انطلقت اساسا في بداياتها الاولى من حتة الرسم ذاتها, الا انها اتخذت لنفسها مسارا مغايرا حيث تخلت عن الاشكال المركبة المعقدة, واللون, وكل ما يحدث تشويشا يؤثر على نقل المفهوم وبالتالي صنعت لنفسها معاييرا اكثر بساطة وسهولة ظاهريا...
احححححححح تعبتا وتورتو لي نفسي ياخي بجيكم بعدين نواصل
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: عبد العظيم احمد)
|
مع عظيم احتراماتنا ... والله يالسيد اساسي انت والابن فيصل نوبي وقريبي دكيين والصبية دينا خالد انا اول ما اجد لكم بوست (دة كان اسمو موضوع في العربي لكن معاي اوكي لا ني رطان) اقدم رجل واخر رجل واقول الشباب دييل رساميين جد بالحروف وكتابيين ولازم اشوف جوه في شنو ثم اقول تاني بعديين انا ما قدرهم وما بقدر اجري زيهم في العمر دة يعني لو فكروا ياخدو فاصل ملاوعة كدة ومكاواة في بعضهم وانا القي نفسي وسطهم ويقوم واحد فيهم شايت كورة الشراب وما اقدر ازوغ منها وتضربني في نطارتي وتدشدش ويجيني ارتجاج .. المهم محصلة كل المحاولات حتي الان اني بدخل توش ويطلع الوسواس الخناس كضبا كاضب وانتو اخر حلاوة ...يابني انت فنان والموضوع ( رجعنا للعربي تاني ) هادف والمحتوي عظيم والمتداخليين اثرو النقاش وانا تعلمت ما لم كنت اعلم مع اني فرضا رسام بس دة كان زماان وتحولت معماري وبعدين بناء ...يديكم العافية
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: abubakr)
|
Quote: Quote: بعد التدريب الممرحل الطويل في الكلية تصبح عند الفنان عملية النقل من الواقع هي من أسهل مواضيع التشكيل, وهي عملية نسخ عادية مثل ما تفعل الكاميرا, ويموت دور الفنان فيها..من شخص مبدع ألى شخص حرفي ماهر ناقل (جرسون ريشة). سلام يا عزيز .. الكلام الإنت قلتو ده غير دقيق تماماً .
خلينا ننق فيهو شوية لو داير .. و نبداهو بشرح منك لفكرة الإقتباس الفوق ده لو ممكن .
|
العزيز/ عماد
سلام الكلام الفوق ده يا عزيزي هو الطريقة التي علمونا بيها كيفية رؤية الأشياء.. تدريب العين على الشوف الصحيح والإرتقاء بها من العين العادية لعين الفنان التي يبني شوفها على العلاقات الشكلية واللونية للأشياء.. وبعد التدريب الطويل ده تبقى عملية النقل الواقعية عملية بسيطة زي شغل الكاميرا.. وتبقى العملية الإبداعية حبيسة حينما يتحول الفنان لحرفي ناقل.. عندما يتحول لآلة(كاميرا)..
لاحظ الكلام الجميل للأستاذ طيفور:
Quote: العلاقة العضوية بين (الشوف والادراك وآلية الانتاج) كعامل مباشر في التشكيل، وهي عمليا بتكتسب بالتعلم والمران والدربة زي الطفل بتبدا تدربو على رؤية الحروف ومحاولة رسمها وشوية شوية بيتقن المهارات دي وبيصقلها (اعني العلاقة بين شوف الحرف ورسمو) وبالتالي بيصل في النهاية إلى خلق علاقة تراكمية ومعرفية متينة بين شوف وادراك الرمز البصري المجرد لصورة الحرف مع تطويع اليد (الآلة) لرسمه، ويبدا يقرا ويكتب كاي مثقف عادي، ودا بالضبط البيحصل مع الحرفي في اي مهنة ومن ضمنها الرسم، ولكن المثقف دا اشان يقبا (أديب) لابد ليهو وبالضرورة ان يجتاز بوابة (النص الفني) بمعنى انو ينتج نص عالي القيمة الفنية (شعرا أو نثرا أو خلافو) وتحت شروط ومواصفات معيارية محددة، ودا بالضبط الحاصل برضو في التشكيل للتفريق بين (الحرفي) متل ايمان المالكي دا وبين (الفنان) كابراهيم الصلحي مثلا، بالرغم من انو الاول يعتبر متجاوز تصنيف الحرفية الى حد كبير، ولكنه يظل في اطارها ما لم ينطلق الى افاق ارحب،
|
وايضا كتب الأستاذ/ طيفور في تلك المقارنة التي اوردها بين لوحتي الفنان الصلحي والإيراني إيمان:
Quote: وبالرغم من احتفاظ الصلحي بالسمات العامة للواقعية الا انو واضح فيها محاولانه للخروج بها من مجرد النقل إلى عوالم أخري مشبعة برؤيته الخاصة للموضوع سواء في المعالجة كتقنية او كمفهوم, وقبيل انحن قلنا بصورة غير مباشرة انو المفهوم البتدخل بيهو لانتاج العمل هو البيحدد مكانك كحرفي او كفنان
|
الأستاذ/ طيفور
فعلا ان فهم الفنان لطبيعة العمل هي التي تميزه عن الشخص الماهر أو الحاذق الذي يجيد النقل..
تحياتي
عبدالعزيز
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: طيفور)
|
انا البوست دا غبت عنه كتير , وشايف كمية من المداخلات الدسمة اُضيفت للبوست ووسعت افاقه جدا سيكون ردي التالي بمثابة استعدال للبوست وتوضيح نقاط ارتكزت عليها كانت الفكرة الرئيسية لفتح هذا البوست , حاولت جاهدا ان اتحدث بلسان الرجل العادي كما اسلفت في صدر البوست محاولا تقمص الشخصية التي تبيح لي الحديث بلسان الكثيرين ممن يملكون هذا الراي , مفصلي الرئيسي لفتح هذا البوست كان ايجاد نقطة تقارب او ارضية مشتركة ليتم التواصل بين الفنانين التشكيليين والرسامين والمتلقي العادي الذي يملك ثقافة تشكيلية عادية , لكي لا يكون الرسم التشكيلي بالنسبة للشخص العادي مثل الاذان في مالطا , حادثني مامون احمد في ماكلمة طويلة كنت اتمني ان تكون كتابة منه في هذا البوست لاني اعتقد انها كانت دسمة كفاية وانا اعتبرها محاضرة قيمة في اصول التشكيل استفدت منها الكثير , ساعود باذن الله للمداخلات تباعا وان كنت افضل استمرار البوست علي حسب ما وصل اليه من ترتيب في المداخلات هناك مداخلات لابد لي من الرد عليها بتفصيل اكبر ولدي ما اقوله الكثير , الامر الاخر الذي قادني لفتح البوست هو لما نحن العامة نفضل الرسم الذي وصفه البعض بانه الاقرب للتصوير لما لا نحتفي كثيرا (بالشخبتات) ونصنفها بانها عولاق؟ الامر الذي اعتبره الاكثر اهمية هو فتح نافذة لسماع راي (المختصين) كما ظل الكثيرون في هذا المنبر ينادوا حينما يتجرا امثالنا الخوض في امر ليس من صميم اختصاصه
اسمحوا لي اخوتي بالرد علي المداخلات التي اثارت جدلا فكما تعلمون ان الجدل محفذ للحوار كثيرا سابدا بالاخ عماد وساجتهد في المرور علي كل المداخلات وخاصة _ ناصر,نصار, شبكة , عبد العزيز, نصر الدين , سارة , محمد السيد ,احمد عمر , وليد, نور, اوتكاست , طيفور فرانكلي وعبد العظيم وهارون وابوبكر و طارق وعمران ميرغني محمد يوسف بشكرهم جدا ابقوتة ودينا وخدر ما برد عليهم لانهم انصرافيين عمر عبد الخالق حيرني لانه مختص واكتفي بتسجيل الحضور والاقتباس
عناية العزيز ود الشيخ
Quote: السماني
كلمت ليك محمد دهب وقال حا يشوف الموضوع ده مع مامون وعبدالرحيم عصفور |
الظاهر دهب قام بالامر لانه الاخ عبد الرحيم عصفور (طيفور) استدعاني للاستجواب حول هذا البوست كما يظهر في الصورة المرفقة في انه يستجوبني (بمزااااج)
عصفور اعمل نايم ياخ من الاصلية
(عدل بواسطة اساسي on 05-16-2009, 11:23 AM)
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: ناصر احمد الامين)
|
Quote: دي صوره بتتكلم عن الخيانات العملتوها اليوم داك (يوم الملوحة) |
ناصر الله يقطع مصارينك ....ههههههههههههههههههه
ابو بكر انت رااااقى واصغر من اى شاب هنا واحصف ! اساسى ؟
Quote: ابقوتة ودينا وخدر ما برد عليهم لانهم انصرافيين
|
هى لكن نحن انصرافيين ... والتشكيليين اوهام وعولاق ... والسراير اصغر منك ... والشعر يخربك ما بتعرف تقرضو !!!!! طيب ياخى ما تعمل ريجيم وتريحنا امكن اخلاقك تتحسن ؟؟ وكمان نفسك فااااااتحه بتنزل الصور ..
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: سارة علي)
|
Quote: غايتو من ما دخلت هنا وانا بدعى واقول (وجعلنا من بين ايديهم سدا ومن خلفهم سدا فاغشيناهم فهم لا يبصرون) من محسن خالد دينا خالد |
(سُدَّاً) أم (سَدَّاً)؟ بـ(الدوري) وألا (حفص)!؟ أو يا عملات الناس بخصوص العُملة السودانية، بالجديد وألا القديم؟ لأنو يا سماحتك، أساسي دا طاشي من الشبكة، موضوع المُصوِّر الفارسي دا نضمو فيهو زمااااانك، وفُتح له بوست هنا في سودانيز دا. وهنا في سودانفورل عَلَّقت عليه: http://sudaneseonline.com/forum/viewtopic.php?t=1628&post...3f0c55f5a8559bf4b549
بتاريخ الجمعة من مايو 2007 وجَّهتُ كلامي أدناه، إلى الأستاذ بشرى الفاضل، وورد فيه حديثٌ عن هذا المُصَوِّر الذي يحتفي به الوغد أساسي:
Quote: ما تقوله هنا هش يا صديقي، أنت تطالب بالمباشرة والواقعية أم حجل، لنروح في حكوة، وليس رواية، ناهيك عن القصة القصيرة التي هي مجالك وتعرف كم من الصهر والتقطير تحتاج، والحفر لامن تجيب الماس مش الموية. يا صديقي بشرى، مسألة أحكي وأسرد وأونّس، وكل أدوات التعبيرية البسيطة هذه، هذا يذكرني بحديثي عن المتلقي من "طور الرومانس". يُريد الأشياء كما هي. لا شك لديّ مطلقاً في أنّ الراحل العبقري عمر خيري، هذا الرجل طاير في لساني هذه الأيام لأنّه أحد أبطال كتاباتي التي أعمل عليها حالياً. خيري في مسألة التصويرية المباشرة دي، لا شك لدي في كونه أنجض من أي كوداك كلار. دي مسألة برايمري خالص بالنسبة لفنان باتع بحق. خيري دا أنا عارف إنو قدراتو علي التصوير البضبانتو زيو وزي أي مصور من النوع الفارسي الجابوهو في سودانيز. زول كدا بتاع واقعية فجّة لامن تضرس، وقعدوا يكوركوا: وواااو وكُر علينا، ووب، وشوف التجاعيد جابها ذاااتها، ويا هناية الشيبات الفوق العين ديل بصمّتن. أها دا كلّو شُغل عَوَّان وبنيات ووليدات صُغار. مثل هذه التصاوير يمكن لخيري رحيمه الله أن يأتي لناس زيارة في منزلهم، فيرسمها لأطفالهم من باب صحوبيتهم وإدهاشهم. لأنَّ الطفل وحده من يود حيازة الواقع كما هو، أمَّا الناضجون فيودّون حيازة الخيال، بحكم أنّهم استهلكوا الواقع بالمعايشة. أنت تطالبني بذلك يا بشرى، بأسهل شيء يمكنني عمله. يا صديقي إنِّي أعمل ليلاً نهاراً لدهس هذا الواقع، فلن تجده بداخل أعمالي إلا شظايا وبُتّاب. أخرت العرق دا شووو ليس في شأن المشاهد والنضم والأحداث. ولا كمان واحدين يقولوا ليك (الحبكة) الحبكة دي بتعمل لي دسنتاريا في ركبتي عديل خصوصاً إني سمعتها بأضاني ومن روائيين متكوبرين، وعاملين فيها كمان بحترموا أنفسهم. لا يا صديقي بشرى وألف لا، فكلامك عمّا تراه قوةً لي هو كلام منذ سنة شكراً يا عمو نوح على توصيلة ركشة البحر حقتك دي وكدا، وباي يا بناتي وأولادي وعمروا الأرض عليكم الله ما تنسوا، وchـاو... يا نوح chـاو الله.. وكمان chـاوي أنا الرسول نوح دا. مش كدا وبس؟ الخيال نفسه أسعى بكل قوة كي أجعله جزءاً من هذا البناء الذي تتحدَّث عنه، جزءاً من التقنية، عشان كدا أنا ما بقول: أها أنا ضحكت قرقرر مع تموليلت، قامت تموليلت سألتني بتضحك مالك يا زول؟ أبداً، بقول كدا: (أضحك فيُطبخ بيننا السؤال) لألي ذلك بسؤال تموليلت مباشرة وطاااخ. فيصبح الخيال الشعري بذلك جزءاً من البناء البناء البناء التي تكررها هذي. وجزءاً من معمار السرد، شفت بصارتي في الحكاية دي كيف؟ يعني هاجس الكاتب الأساسي هو كسر الرتابة، وابتكار الحركة من مكان داخل النص إلى آخر، بوسائل جنّها كلكي. شخصياً استفدت من تقنيات الشعر والرسم والموسيقى، عشان أعلق كل شيء في مخلب فكرة طائرة بفوووق. أقول ليك بصراحة، لم يعد لدى أي كاتب ما يفيدني به، لذلك أبحث عن تطوير قدراتي في معارف وحقول أخرى غير الكتابة، وفي الفيزياء تصدّق؟
|
وكذلك هاجس المُصَوِّر.
| |
|
|
|
|
|
|
|