|
|
|
 Re: نويــح (Re: اساسي)
|
المهم يا أساسي يكون معناهو البكا بحرقة لمن ماتعرف بكيت قدر شنو وتنوم في حتتك ديك وتجيك كوابيس بالليل ماتخليك تنوم
وتلاوز ليك وتتحيل رجل البنبر دي سوت فيها شنو
احي على هملتها
أحي على الالم الاتألمتو قبل ماتموت
وأحي على فقدان المروة والنخوة
| |
 
|
|
|
|
|
|
|
 Re: نويــح (Re: Rawia)
|
Quote: نسبة للظرف المعيشية الضاغطة جلست امرأة ( فى الاربعين من عمرها وتحمل جنينا فى احشائها )
جلست تحت شجرة بالقرب من عمارة صديق النعمه شارع السيد عبدالرحمن من اجل بيع الشاى
حتى تستر نفسها ومن تعولهم برزق حلال ولكن داهمتها دورية الكشة مما اضطرها لأخذ " بنبرها "
وما خف وزنه من اوانيها وتلوذ بالفرار وتعثرت فانغرست " رجل البنبر " فى بطنها ، هرب منها
رجال الكشة والبوليس المرافق لهم وتركوها تنزف حتى فارقت الحياة .
يذكر ان عربة النجدة اتت الى مكان الحادث بعد ساعة من حدوثه .
|
ديل روحين ... يا راوية,
مأاااااساة ... يتقاصر عنها
نويح الدنيا والعالمين.
ذنبها معلق فى رقبة من كان السبب.
لها الرحمة ... وكل الأحزان.
هل في الإمكان أن يتبنى مجموعة من المحامين
تولى هذه القضية, فهي متكررة ومذلة
وتحسسنا بتفاهة القائمين بأمرنا, وضعف
حيلتنا فى الحفاظ على كرامتنا الإنسانية.
... حسبنا الله
| |
|
|
|
|
|
|
|
|
|
Re: نويــح (Re: حنين للبلد)
|
Quote: هل في الإمكان أن يتبنى مجموعة من المحامين
تولى هذه القضية, فهي متكررة ومذلة
وتحسسنا بتفاهة القائمين بأمرنا, وضعف
حيلتنا فى الحفاظ على كرامتنا الإنسانية. |
حيدر قاسم
سلام
بل هذه فضيجة كبيرة بحقنا جميعا: نحن جميعا و لا استثنى احدا
نحن جميعا ممن تمر هذه الفضيحة امام اعيننا: ثم تمضى امورنا هادية عادية رتيبة كان لم يقع شئ
اين رجال المحاماة من ذوى الهمة و النخوة الذين لا يمكن ان يمرر غربال ضمائرهم مثل هذا الخزى؟
ما الذى جصل لنا؟
هل صار الامر عاديا لهذه الدرجة؟
| |
|
|
|
|
|
|
|
|
|
Re: نويــح (Re: حنين للبلد)
|
Quote: هل في الإمكان أن يتبنى مجموعة من المحامين
تولى هذه القضية, فهي متكررة ومذلة
وتحسسنا بتفاهة القائمين بأمرنا, وضعف
حيلتنا فى الحفاظ على كرامتنا الإنسانية.
... حسبنا الله |
فكره عمليه يا قاسم
علها تكفر جزء من ذنوبنا تجاه الشريحه المهمله دي
و علي استعداد للمشاركه في تكاليف المحامي
و يا عالم تكون هي البتعول اسرتها كلها و عليها التكل
لا حول ولا قوه الا بالله
| |
|
|
|
|
|
|
|
|
|
Re: نويــح (Re: HAYDER GASIM)
|
فعلا روحين ياحيدر أخوي
الزيها حتى لو شغالة بتاخد إجازة لظرفها الصحي
____________
حكاية المقاضاة وتصعيد الموضوع ماعارفة ممكن يوصل لشنو
لكن المأساة أعمق بكتير
وطوبى للانسان السوداني
والنساء خصوصا
| |
|
|
|
|
|
|
|
|
|
Re: نويــح (Re: Rawia)
|
ربنا انشاءالله يطلع ليها حقها منهم في الدنيا قبل الاخرة..
توجع يا راوية...
| |
|
|
|
|
|
|
|
|
|
Re: نويــح (Re: سارة علي)
|
مؤلم ياراوية .. وأقع مؤلم شديد !
بمشوا من ربنا وين دمها ودم جنينها وجنياتها في رقبتهم !
| |
|
|
|
|
|
|
|
|
|
Re: نويــح (Re: نادية عثمان)
|
راوية يا حبيبة
والله اول ما شفت عنوان البوست قلت راوية دي اكيد""بتنوح"" على ""ست الشاي"" الله يرحمها ويرحمنا
من
قهر الرجال الضلم البكم العمي المافيهم نخوة لا مروءة...
وفعلا ظني في محله..سبحان الله,,,
والله يارواية ماقادره اشيل الفاجعة من راسي,,,
ياريت الناس تحاول تعمل حاجة مهما كانت...
وايد على ايد...
عارفة المحزن ياراوية انو دي ما حتكون آخر فاجعة زي ما انها ما الاولى وما خفي أعظم,,,
جيت معاك ""أنوح"",,,,
محبتي.
| |
|
|
|
|
|
|
|
|
 Re: نواح (Re: Omayma Alfargony)
|
راويه ازيك:
أنا زيك حزينه علينا ..
علي مطاردة الضعيفين ومكافحة العمل الشريف الحلال ..
سؤالي يا راويه, ياتري بعد الفضيحه دي :
في مسئول حيستقيل أو يقال؟
في قانون حيصدر لتنظيم المهن الهامشيه؟ وحماية أهلها من البطش الذي يلحق بهم؟
في محاسبه لعساكر المطاردات المجنونه لأهل السعي الحلال في دروب الرزق؟
في مسئول حيعتذر ويتحمل المسئوليه عن دم القتيله ولا حيروح دمها كالعاده هدر ؟
أسفي ..
| |
|
|
|
|
|
|
|
|
|
Re: نواح (Re: doma)
|
Quote: عارفين انا متمنيه اسه اكون وين ؟؟
وبعمل في شنو ؟؟
اكون في مكتب وزير الداخليه
وفي مكتب وزير العدل
و والي الخرطوم .
واكون خانقه كل واحد فيهم بيديني الاتنيين لما تبلغ منه الروح الحلقوم
ويبلل هدومو مما يخرج من السبيلين . |
و مكتب الرئيس يا دوما و مكاتب نوابه الاتنين و كل الوزراء و الولاة و المسئولين الذين يعيشون على حساب هذا الشعب و مفترض نظريا أن يكونوا في خدمته...
الله يسامحك يا راوية والله بوست ست الشاي دا أشوفو بجاي أزوغ منو... أشوفو بجاي أزوغ منو... لأنو خلاص تعبنا من الاستنكار المجرد و الواحد بشعر بعجز و قهر حقيقي إنو يسمع أخبار زي دي و كل رد الفعل البقدر عليهو كلمتين لا بودو لا بجيبو و زي ما قال أستاذ الملك ربنا يسامحنا على حقها و يورينا يوم في العصابة المسلطة علينا دي.
| |
|
|
|
|
|
|
|
|
|
Re: نواح (Re: Elawad)
|
نبكي عليها الجاورت الكريم و نبكي على خيبتنا
وعلى الضعف البموتنا كل يوم ..
يارب تغفر لينا ضعفنا وقيلة حيلتنا وهوانا على اهلنا اولاد بلدنا
| |
|
|
|
|
|
|
|
|
|
Re: نواح (Re: Dalal Ezzaldin)
|
ماساه مستفحله وكبيره ,,,
والامر من ذلك انها مستمره ,,
ولا توجد اشارات بان هناك امل في نهاية هذه الماسي والاوجاع ,,,
| |
|
|
|
|
|
|
|
|
|
Re: نواح (Re: doma)
|
نسأل الله لها الرحمة والمغفرة، ففي وطن روح إنسانه لا تسوى جناح بعوضة ليس لنا إلا أن نسأل الله.
| |
|
|
|
|
|
|
|
|
 Re: نويــح (Re: نادية عثمان)
|
ثم ماذا بعد ؟ وإلى متى سنظل ننوح على أرواح أحبائنا من أبناء شعبنا المسكين ؟ نسأل الله أن ينتقم لها ولجنينها الذي لم يرى الشمس ولو بعد حين ( عبدي وعزتي وجلالي لأنصرنك ولو بعد حين ) ... وهذا أضعف الايمان ...
اللهم أرحمها وأجعل قبرها روضة من رياض الجنة .. وأجعل جنينها شفيعاً لها يوم لقاك ..
اللهم ياجبار السموات والأرض ياقادر .. نسال بقدرتك وجبروتك أن تنتقم ممن تسببوا في مقتلها عاجلاً غير آجلاً في الدنيا قبل الأخرة وارينا فيهم عجائب قدرتك ياكريم وماذلك عليك بعزيز .... ياناصر الحق .
حسبنا الله ونعم الوكيل .. حسبنا الله ونعم الوكيل ....
| |
|
|
|
|
|
|
| |
Rawia
كمال علي الزين
اساسي
HAYDER GASIM
Tagelsir Elmelik
Rihab Khalifa
سارة علي
Omayma Alfargony
doma
Elawad
Dalal Ezzaldin
العوض المسلمي
HAIDER ALZAIN
عواطف ادريس اسماعيل
فيس بوك
تويتر
انستقرام
يوتيوب
بنتيريست