|
|
 والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك شنو
|
معقول كِده ... ما في ملايين الكُتُب في النت ... ملايين القصائِد ... بس أرجوك أتَوسل إليك
أبوس راسك ... بعد ما تفتح عمود بِالنص ... بِالقصيدة ... بِالبحث النقلتو مِن النت ورينا
إنت رأيك فيهو شنو ... فِهِمت شنو ... عاوِز تقول شنو ... معقول كِده ياخ ... ترمي النص وبس
تقنِب ترُد على المُتداخِلين ... معقول تركِب مكنه مُثقف وما عِندك أي إنتاج فِكري خاص بِك طرحتو
لينا ... شِعر ... قِصة ... أي حاجة ...
|
|
 
|
|
|
|
|
|
|
|
Re: والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك (Re: حيدر حسن ميرغني)
|
حَيدر حسن ميرغني ...
| Quote: والله ياعزام قوقل ده لو مافي الناس دي كان نجرت من راسا |
والله قوقل لو ماف في ناس ما كانت كتبت حرِف واحِد ... أنا مُمكِن وطبيعي وعادي
إقتبِس مِن قوقِل علشان أدعم بيهو البكتِبو ... ومرات الواحِد وهو قاعِد مع عم
قوقِل بِيِلقى حاجة تلفِت إنْتِباهو ... ماف مانِع أنزِلا لِلبشر ... بس أوريكُم أنا
عملت كده ليه ... اللفت نظري شنو ... ورأي فيهو شنو ... معقول يا حَيدر أجيب
ليك نص حدادي مدادي وفي النِهاية أكتِب ليك < يا له مِن نص > وأقنِب أتاوِق وبعد
يومين برضو أجلِب لي نص تاني ... ياخ إنت بِتستعرض بِما لا تملُك ... وحتى لو إشتريت
الكِتاب الفُلاني ونزلت لينا مُقتطفات منو أو كلو برضو الأسئِلة بتكون موجودة
إنت عملت كده ليه ؟
فِهمت شنو ؟
عاوِز تصل لشنو ؟
| |
|
|
|
|
|
|
|
|
|
Re: والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك (Re: BitAlhana)
|
BitAlhana
| Quote: وبعدين مالوا ... الزول ده بيكون خدمنا ووفر لينا وقت في التصفح |
لا وفر ولا شِتين ... الزول المِتِل ده أنا عاوِز أفهِمو حاجة واحدة بس ... إنو زي ما هو
عِندو < نِت > الناس برضو عِندها < نِت > والما عِندو في بيتو أو مكتبو ... في القهاوي
النت موجود ورخيص جِداً ... وفي المواقِع المجانِية ( زي كورنيش مدينة الدَوحة ) ...
والحاجة البتفضحو إنو ما بِتَوقع إن الكِتاب أو النص الجلبو لينا الناس مُمكِن تكون قرتو
وعِندها مِنو نُسخة ... يبقى باقي شنو ؟ الوريكِ ... الباقي إنو بعد ما ينزِل لينا حاجة
زي : < كلُّ مُجْرِ بالخَلاء يُسَرُّ > يِقول لينا المثل ده رأيو فوقو شنو ... ما يشرحو لأنو المثل
مشروح والما عارِف شرحو ومناسبتو < عم قوقِل > في ... ما يِشرحو ... لا لا ... يِقول لينا
رأيو فوقو شنو وتأويلو شنو ... بس كده
| |
|
|
|
|
|
|
|
|
|
Re: والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك (Re: حيدر حسن ميرغني)
|
الناجِية ...
| Quote: أخوى عزام كيف حالك وكيف بت أبراهيم والأولاد |
تسلمي يا ستي أولادي طَيبين وبِبوسو ايديك ... وبِت إبراهيم عُقُب ما سولها
بوست < الطريق إلى جبنه بِت إبراهيم > بقى النضمي معاها قاسي خلاس ...
مرات بِترُد بِالطريقة التِلِغرافِية ... جِنس ده < طَيِب > < خلاص > < سمِح >
< نشوف > < أفكِر > < عُلِم > يعني مشغولة ... الولِيه < إتأنترت > هسِع
دايِر إسيلي < أنتر كام > لِزوم النضمي مِن على بُعد ...
| Quote: وكتيرين الزيو قاطعين قلبنا بس صابرين نعمل شنو |
وِكتين نِحنا صابرين فوق < عَوجُم > أكان أوريهُم الصبُر فوق < الحق > كيفِنو ... البِسوو
فوقنا مِن تظليل ونسخ ولصق أو نقل النُصوص وبعد داك
يِركِب مكنه < مُثقف > ده إسمو < عَوج > إسمو < مرض > أها نحنا صابرين فوق ده
اليِصبُر هو كمان على قول الحق ... البِتعمل فوقو ده يا زول ما بِخليك < مُثقف >
لو عاوِز مكنه المُثقفاتِية تشتغِل ... أجلِب لينا النص وأشرحو ... علِق عليهو ...
قول لينا رأيك فيهو شنو ... والمفروض لو أصلو إنت قريت كُل النُصوص البتنزِل فوقا
الصباح الصباح دي وإستَوعبتها ... المفروض يِكون عِندك إنتاج فِكري تطرحو لِلبشر
ياخ إنت < باعوضه > تنقُل المراريا والوِردَة ما تصيبك ...
| |
|
|
|
|
|
|
|
|
|
Re: والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك (Re: عزام حسن فرح)
|
بِت الهنا ...
Quote: ونحن يا عزام اساسا شعب اشتهر بي الكسل الشدبد .....
و القوقله سهلت المهمه و كسلتنا زياده |
< إشتهر بِالكسل الشديد > دي يا بِت عمي ما على إطلاقِها ... فيها رأيين ...
و< القَوقَله > ما بِعيبا شي وحاتِك ... وهو ما بِيقدر يِدعي إنو ما < قَوقَلهُ > مِن
عِندِياتو ... حُراس النت راقدين ... النوع القاصدو بِيجيب < نص > أو < قصيدة >
مِن النت أو بِيستعرض فينا الكُتُب العِندو برضو لِغاية هِنا ماف مُشكِلة ... المُشكِلة
بِتظهر لامِن ينتهي النقل ... بِصَرصِر قدومو ويِـغَـتَـغِـت تنقوسو بِهْدومو ويُمرُق تب
مِن الفِجه وكُل البِكون عملو < عِنوان البوست > وإسم الكِتاب أو كاتِب النص وتعليق
مِن سطرين السطر 4-6 كلِمات تمِثل < يا لهُ مِن ديوان ... > أو < يا لها مِن ... >
وبعد داك يِخُت بنبرو ويشيل خرطوشو ويِقنِب يِرُش قِدام البوست والبِيجو يتاوقو يبقى
في جِنس ده < عظيم مِثْلُك أن يأتي إلى الجمال > < لقد فَرِح النص بك > < أشرقت الأنوار >
طَيِب يا سيدي إنت تفتكِر عملت شنو ... يعني مُمكِن تتَوقع الناس تلبِسك قميص < مُثقف >
أمانةً عليك ...
| |
|
|
|
|
|
|
|
|
|
Re: والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك (Re: الطيب شيقوق)
|
انا قايل نفسي براي البخمش من قوقل ومن السيكلوبيديا ومن كتاب جينيس ومن العجوز والبحر ومائة عام من العزلة وموسم الهجرة الي المنبر العام ........ وأخيرا الحب في زمن الكوليرا.
قايل نفسي براي بخمش من علي المك ومحمد عبد الحي وود المكي وفضيلي جماع وازهري محمد علي وهاشم صديق ومكي سنادة وتحية زروق
وكمان من بوش وكونداليزا رايس واوبروي
أجي ألقي شيقا وعزام فايتني بهناك
ويقول لي انت العرفك بالخمش شنو
تعال نديك درس عصر
انا موافق علي درس العصر
بشرط مع جبنة في الدندر وأخري في الشحانية .
بتعرف الشحانية دي يا شيقا.
دي فيها جبنة بت ابراهيم الكاربة بالهبهان والعجوة الكسلاوية.
فتكم بعافية وكدي ادونا من هسه عينة من درس العصر.
لكم كل الود.
| |
|
|
|
|
|
|
|
|
|
Re: والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك (Re: حسن طه محمد)
|
شيخ حسن
Quote: انا قايل نفسي براي البخمش من قوقل ومن السيكلوبيديا ومن كتاب جينيس ومن العجوز والبحر ومائة عام من العزلة وموسم الهجرة الي المنبر العام ........ وأخيرا الحب في زمن الكوليرا.
قايل نفسي براي بخمش من علي المك ومحمد عبد الحي وود المكي وفضيلي جماع وازهري محمد علي وهاشم صديق ومكي سنادة وتحية زروق
وكمان من بوش وكونداليزا رايس واوبروي |
ات عارف الخمش ذاتو فن وخشم بيوت ولازم تكون لديك البنيات التحتية اللازمة للخمش لتكون خامش بارع - يعني زيك كدا مرجعياتو اكبر منى وبالتالي تكون فرصك مهولة وخياراتك اكتر منى . التباين الثقافي برضو ليهو دور يعني انت هسع ما بتكون عارف محلات خمش الدوبيت والمسادير وانا بكون ابرع منك وانت ادرى منى بالتراث النوبي عشان كدا تكون انت اكان احتجت تنتكي تكية بسيطة وبتتناول خميشتك لكن انا علا نفسي ينقطع عشان احصل على الخميشة شفت كيف .
| |
|
|
|
|
|
|
|
|
|
Re: والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك (Re: الطيب شيقوق)
|
| Quote: يعني انت هسع ما بتكون عارف محلات خمش الدوبيت والمسادير وانا بكون ابرع منك |
شيقا اخوي
ما قلنا دي عايزة درس عصر
ولو معاها جبنة الدندر حيكون الخمش علي اصولو
قبل ما تكمل بيت الدوبيت تلقاني خمشتو حرف حرف
هو قالو ليك انا هسه ما قاعد اخمش منك
دا انا ساكيك محل ماتمشي
في كل شوارع المنبر
بس الخمش علي الهواء الطلق .... لقمته بتكون كبيرة.
مستعد؟؟
سمح ..... علي قول قريبتنا بت عثمان مختار ؟
أما اخونا عزام خمشو مشاتر
يخمش من هنا وقبل ما يكمل الخمش يمشي يخمش من حتة تانية .
أظنو برضو عايز درس عصر.
| |
|
|
|
|
|
|
|
|
 Re: والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك (Re: عزام حسن فرح)
|
هذا العزّام لديه مشكلة كبرى!!!!!!
لم أراها قبلا إلا عند شخصين,,,
أحدهما جدّى المرحوم بشرى محمد سعيد,,
والثانى إبنه بروف محمد المهدى بشرى,,
ثلاثتهم لا يحيون أو يتنفسون إن لم يكونوا وسط الكتب!!!
أكوام متراصة أو غير متراصة بعضها فوق بعض ولبعضها رباط!!
طريقتهم فى حفظ كتبهم واااااااااااحدة,, وهى تبدو كالمذهب!!!
التسوّر!!! تسور كتبك قياسا على نظرية توسد براطيشك!!!
عش بينها وراقبها وكن على إتصال روحى ونفسى بعدد منها
فى نفس الوقت!!! ليس مشكلة أن تبدأ هذا الكتاب وتطوى
صفحته قرب النهاية وإرجع لواحد لم تكمله قبلا وإفعل به
نفس الشئ ولا مانع أن يكون هنالك رابع وخامس داخل تلك
المنظومة الإطّلاعية العجيبة,,(حالة ذهانية فى إعتقادى )
العيش وسط أرتال الورق والكتب والمجلدات والمخطوطات!!
حفظها من التلف والتعامل معها كانما هى الوليدات والعقاب!!
يا صاحبى حفظك الله و((وليداتك ))وبت إبراهيم,,
*أنا أتفهم غضبة فأر الكتب هذا,,
ولكن,,,
هى يا عزام أخوى كان القصة بقت قوقلة ولصيق هنا هينة!!
المشاكل الموجودة حولنا هنا وخارجا تجعلنا نتجاوز مثل
هذه الأمور ولا نقف عندها كثيرا ولا نشحن أنفسنا غضبا لأننا
فى نهاية الأمر لن نغير من الأمر شيئا,,,,
مودتى يا صاحب,,,
| |
|
|
|
|
|
|
|
|
|
Re: والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك (Re: عزام حسن فرح)
|
أبو دَية ...
صاحبي وزميلي ونِدي ...
Quote: بعدين شنو حكاية الإحراج بتاع ناس الشعبية الأيام دى ؟
ماكفانا إحراج أمير قناوى ! |
كِده فضيحتنا < إتْقوقلت > تب ... بس في الـSearch تكتِب < زِباله >
يا خوي كدي ما نِناصحك ... إتْ الوِليدات ديل ما تخليهُم يِكبرو شِوَية ويِفهمو حاجة
وبعدين مَخَيرين أكان لِبسو < أحمر > ولا < أزرق > ولا قعدو مِتلي < مِن غير علم >
كَدي مو أخير ... علشان نِجنِبُم < الإسْتِلاب > ونَفعِل فوقُم < الديموقراطِية > والحاجات دي يعني
| |
|
|
|
|
|
|
|
|
|
Re: والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك (Re: عزام حسن فرح)
|
أها كِده كُوَيِس ... بعد ما نقلت مِن الكِتاب الإشتريتو أو قوقلتو لينا قَوقَله
جا واحِد مِن العِيار التقيل وقال ليك قراءتك خطأ خطأ والكِتاب الساهرت فيهو
وإنت بِتنقُلو لينا في كُتُب تانِية نسفتو نسفاً ... طبعاً ما حتعرِف تعمِل شنو
لأنو عيب الكِتاب البِشْترو أو البِقوقِلو ما فوقو إجابة لِسؤال مِتِل ده ... يعني
ما إدوك ليهو ...
ياخ إنت ما تشتري الكِتاب وأقرا وإحْتفِظ بيهو ... و ... بس
شرط تفضح بيهو نفسك يعني ... وأنا بعتقِد ... والجُزئِية دي ... ومُش عارِف ايه
الكِتاب كُل مُهِمتو إنو يِملا الفراغ الفي راسك الطويل ده وبعد ما يِتْملي بِتحسن
تفكيرك وبتشوف الحاجات بِشكل تاني ...
| |
|
|
|
|
|
|
|
|
|
Re: والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك (Re: عزام حسن فرح)
|
بدرالدين إسحاق ...
في بوست سَيِدنا مُعاوِية
Quote: لعلـــى قـــد مررت على حسين مروة حين كتب الدوافع نحو المادية ..
دراســة فى التأريخ الاسلامى
ووجدتــه لــم يصــل الى مــا توصلت اليه سيدى من حقائــق ..فايكمــا الاكثر
ادراكا ووعيا بتاريخ
الدولة فى الاسلام ؟ |
الله لا كسبك إنت عاوزو يقرا لِحُسَين مروة حته واحدة ... حرم ده أكان فِهِم المُقدِمة
ساي أمشي أتمسح فوقو ... ده زول نسخ ولصق وبس ... قال حُسَين مروة قال ...
بدرالدين معليش ... إنت ما عميق ...
| |
|
|
|
|
|
|
|
|
|
Re: والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك (Re: عزام حسن فرح)
|
تحياتي يا أخوي عزام...
كلامك جميل جداً بس محتاج لأمثلة...بيان بالعمل يعني عشان شرح المشروح واجب هنا...
في ناس صراحة مجرد لصقهم لأخبار من البي بي سي (جني مثالاً) يكفيني شرّ محاحاة الموقع يومياً و
مساككة أخبارنا المتعلقة بالسودان من هناك.,..وبعض الموضوعات الأخرى...
يعني لو جني ما عمل كدة... تلقائياً بلقى نفسي حا أعمل زيو...
والكلام ده (حتى ولو ما علّقتا عليهو) ما مشكلة...لأنو في فهم عام في المواقع وتصنيف أسمو:
Information Providers
وهناك موزعين يقوموا بالنيابة بأخذ المهم منه
Information Hubs
ملاحظتك في مكانها اللصق مشكلة كبيرة، خصوصاً عندما لا يوضح "اللاصق" سبب "لصقه" للمُلصق...
وده بيسبب ليس فقط رهق للباندوندث بتاع الإنترنت ككل، لكن أيضاً نُسخ مكررة من محتوياتها...
لكن الأهم في نظري هو أن لا تتكرر الموضوعات بعناوين مختلفة...(لاحظ مثلاً حادثة إشهار عضو البرلمان لمسدس)...
نزل الخبر بأكثر من عنوان...مع ملاحظة أن النقل كان من مصدر واحد...!
تقنياً توجد طرق كثيرة "لإجبار"-فيها إعتراف ضمني بمشكلة ما- مستخدمي تطبيقات معيّنة على التأكد من نزول المادة المعنية
قبل أن يلصقوها ساكت...
وبالطبع دور مدير المنتدى مهم هنا، لتقليل مشكلة التكرار هذه... وحث المشاركين على "الإيجابية" في التعاطي مع المواد المنقولة...
لكن بالطبع لا يجب إغفال النقطة المحورية في هذا الكلام كلو...وهي ظن البعض أن (باسورد سودانيزأونلاين = كاتب، مُبدع، الخ) من
تصانيف مكنات المثقفين...
وأخيراً وليس آخراً....من الصعب جداً عمل إحصائية جادة حول ميول أعضاء المنبر...ف بإستثناء موضوعات الإثارة والشمار، قلّما تجد
موضوعات نوعية...وإن وجدت...فأن حظها من الإهتمام...كحظّ بوستك هذا من التأثير الإيجابي -مالم تقوم بتسمية بعض الضحايا-
المهم...
مودتي
أنور
| |
|
|
|
|
|
|
|
|
|
Re: والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك (Re: عزام حسن فرح)
|
عزام وكل الاخوة المتداخلين
طبعا لابد ان تكون أخلاقيات محددة في النشر علي المنبر لكين مافي زوال ملتزم بيها المهم نحن من الان نحاول نحدد أخطاء البوسات ودي عملية مرهقة جدا تتطلب متابع دقيقة وقراية كل البوسات لكين ممكن يكون في محكميين نلجأليهم في حالة الاختلاف وممكن نبدا من بوسات اليوم ومعرفة مضمون وجدوي بوست أتعمل ما عارف أمكن المسالة فيها صعوبة وعدم أنصاف لبعض الشباب لانو نحن مع النشر للشباب في المنبر لدي البعض منهم أشياء وأظنها بداية رائعة رغم أنها علي المنبر فقط لازم من معالجة ولو داخلية نقول للناس نحن جادين وكفي فوضي يا بورداب رايكم شنو
| |
|
|
|
|
|
|
|
|
|
Re: والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك (Re: محمد الطيب حسن)
|
ود الطَيِب ...
Quote: والله ياعزام جهجهتنا
يعني تاني اي واحد يعمل لينا فيها شاعر
اول حاجه تمشي تقوقل كلامو وتتاكد
بعدين تجي تكمل باقيه ولا كيف
|
لا لا يا حبيب أنا ما قصدي كِده ... الزول القاصدو ما بِيقدر ينتِج مِن راسو
جُملة مُفيدة ... الزول القاصدو بينقُل مِن كِتاب إشتراهو أو قوقلو وبنزِلو
لينا في الجبانه الهايصه دي ... ويِفوت ... مع مرور الوقت بِلبِس رقبتو
قميص < مُثقف > ركِز لي على < قميص > دي وِحياتك لأنو هو قايِل مِن تبِعات
المُثقف البدلة والكرفته وهاك يا كشحه وتِنِطِع < الجُزئِية دي بحِب تركِز لي
عليها > و< أنا شايِف البُعد الآخر في النمطِية المُستحدثة مِن الإطار المعرفي >
وهو حرم الحبه ما عارِفا ... أها زولك هسِع هسِع دي مزنوق مِن زول مُثقف ما لِعِب
زنقه كلِب في طاحونة كدي النشوفو بِتخارج كيف ...
| |
|
|
|
|
|
|
|
|
|
Re: والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك (Re: عزام حسن فرح)
|
أنَور ...
كيفك يا صاحبي ...
أنا طبعاً ما بقصُد < الأخبار > أنا بقصُد < الإبداع > البينقلو لينا الزول
ويخُت ليهو عِنوان لأن العِنوان إجباري ... وبعد داك يِفوت بِوَشو ... يعني
ينزِل قصيدة لعلي أحمد سعيد ويِعَنَوِنا بِـ< يالها مِن قصيدةٌ رائِعة > بس كِده
ويِقنِب يِجامِل في المُتداخِلين < مرورك أسعدني > < كم جميل أن أراك > < شُكراً
يا شفيف > وطبعاً بِفُط ليك الناس البيدوهو في راسو أو حتى البيسعلو ساي
سُعال ... أها جِنِس ده بِنجِضني نجاضه ... حقو البنزِل لينا حاجة مِن كِتاب
أو مِن قوقِل أو مِن أي داهية يِورينا هو نزلو لينا ليه ... رأيو شنو ...
وليه فرحان بيهو ... ليهو زعلان مِنو ... بس
| |
|
|
|
|
|
|
|
|
|
Re: والله حرام كِده تدخُل جوجِل .. تظلِل نص ... تعمِل نسخ ... تلصِقو لينا .. ياخ إنت إنت رأيك (Re: AnwarKing)
|
سلام يا عزام
و تحياتي انور
عارف في ناس ما بتحب تعفص الروابط قلت اسهلا عليهم و ما افوت عليهم النموذج دا
Quote: Quote: المشاركة الأصلية كتبت بواسطة . . . .
لدي سؤال أرجو منك أن تجيبني عنه
قدم robert rochefort اضافة مهمة لنظرية ماسلو في ترتيب الحاجات كيف ذلك؟
شكرا |
اخي اولا اشكرك على وجودك في صفحتي ،،
ثانيا : نظريات التحفيز درسناها وتعلمناها كما هي بدون اضافات ،،
سواءا لفريدريك تايلور أو ابراهام ماسلو .
اعذرني على عدم اجابتي على سؤالك .
بارك الله فيك . |
مبالغة لكن . . . !!
عسل بس
شكراً يا انور
و اعذروني ما بقدر اجاوب على اسئلتكم خالص . . . محنن ياخ
بارك الله فيكم اجمعين
| |
|
|
|
|
|
|
| |
عزام حسن فرح
osman righeem
الشامي الحبر عبدالوهاب
محمد الواثق
حسن طه محمد
علاء الدين حيموره
حيدر حسن ميرغني
Balla Musa
Abdelmuhsin Said
محمد البشرى الخضر
محمد الجيلى
محمد حيدر المشرف
الطيب شيقوق
قرشـــو
SHIBKA
صلاح أبودية
أيمن الطيب
زهير عثمان حمد
AnwarKing
محمد الطيب حسن
عبدالعزيز الفاضلابى
قيقراوي
فيس بوك
تويتر
انستقرام
يوتيوب
بنتيريست