|
|
|
 Re: شكرا بكري .. شكراً شكراً شكراً (Re: mutwakil toum)
|
متوكل، كولا، الكولونيل
ســــــــــلامات
ما تعرف قدر شنو أن سعيد بي وجودك هنا، وحقوا أنا أشكر بكري أكتر منك، صحي والله الدنيا دواره، والحي بيلاقي
خلينا نشوف إبداعاتك حبيسة الأدراج، وجديد إنتاجك في بلاد العم سام
وبخت البورد وقراء البورد بوجودك هنا، أدهشنا بذخيرتك التي لا تنفد من الدهشة
رغم الطناش الضربتو لي، وقلبي شايل منك
إلا لك مني
كثيف الود وعميق الإحترام
| |
 
|
|
|
|
|
|
|
 Re: شكرا بكري .. شكراً شكراً شكراً (Re: الرايق)
|
عزيزي الرايق
حاولت . تنباءت . استنتجت .بذلت . احرزت جهدا مقدرا لنزع قناع الرايق وكشف الما رايق الذي وراءه ، اخشاك ان تكون علي جاد الله يا علي .اكشف عنك ، اطعن فضولي
امنياتي ان تكون رايق
| |
|
|
|
|
|
|
|
|
|
Re: شكرا بكري .. شكراً شكراً شكراً (Re: mutwakil toum)
|
اهلا و سهلا و مرحب
بمتوكل توم
الانسان الشفاف
و القاص المبدع
شفافية ابداعية لا تمل
...و استقامة فكرية تنافح اهواء الذات و اغراضها
.في انتظار ابداعك و كتاباتك المنيره
ـــــــــــــ
يأتوني
...لا كالعاصفه
يأتوني
زي صقر المواعين
و التسوس
| |
|
|
|
|
|
|
|
|
|
Re: شكرا بكري .. شكراً شكراً شكراً (Re: Agab Alfaya)
|
سلاما أيهاالعزيز متوكل توم
أذكر قصصك وكتاباتك في جريدة الخرطوم في عهدها القاهري كما يسميها صديقي فتحي البحيري
وبيننا دائما الصديق الرائع القاص والناقد عبدالمنعم حسن محمود
دائما يذكرك
ليته جاء الى هذا المنبر وساهم بآرائه الابداعية الشجاعة ونصوصه القصصية المغايرة
وليتك يا متوكل تطلعنا لى ما كتبته بعد هذا الغياب المديد
ومرحبا بطلتك
| |
|
|
|
|
|
|
|
|
|
Re: شكرا بكري .. شكراً شكراً شكراً (Re: nassar elhaj)
|
naar alhag
بالمناسبة يا نصار استطيع تمييز كلماتك وسط الزحمة .. لذا لا تخشى عليها ان خرجت ولم تعد .. هناك من يتقفى اثرها .. ويعيدها من غير سوء -ان اردت -.
تعرف تآمرك انت نصار وصحبه والاسمنت على الصحراء اصبح مفضوحاً..فأحترس. انتبه نحن معكم نشد من ازركم ..
ارجموها بكرم و لكن بحجار بخيلة
| |
|
|
|
|
|
|
|
|
|
Re: شكرا بكري .. شكراً شكراً شكراً (Re: Agab Alfaya)
|
اخي .. عبد المنعم الفيا ..
تستبيحني كثيرا ودون استئذان وبتواطؤ كامل مني تساب تلك الايام التي كنا نقضيها في بيتكم الوديع علي الشارع النقيض للوداعة بـ دبـي المتمردة بصحبتك والاخ المرهف السمؤال ابوسن . او علي طرف الطريق في المقهي، حيث نتناول اطراف الشاي. والشيشة شاهد عيان لا يشق له دخان على دف تلك الفترة .
ما زلت احتفظ في سناماتي بوعدك الرطب بالنبش على ظهر السيناريو اليابس من النقد .. يقيني ان اظافرك جديرة بايقاظ عاطف خيري من ثباته . اها عملت فيو شنو
متوكل توم
| |
|
|
|
|
|
|
|
|
|
Re: شكرا بكري .. شكراً شكراً شكراً (Re: mutwakil toum)
|
عزيزي متوكل تــوم
وها مرة أخرى تكتحل العين بمداد كلماتك، تعانق حروفك،
كضباً كاضب ماني علي جادالله، سألته عنك عندما قابلته في الخرطوم قبل شهرين،وقال لي خلاص الود ده يعوضنا فيهو الله، وكان يسأل عن رقم تلفونك بإلحاح.
على تلك السفوح المطمئنة
نحن قاتلنا سنينا
وإقتتلنا
نحن سجلنا التآلف
في إنفعالات الأجنة
وكم في الخط؟؟؟
96
كضبا كاضب.وكم في الخط؟؟؟؟
73
كضبا كاضب
درع القوى الوطنية والمنتدى الثقافي
أحلى العسل ولا أجمل القمرة؟؟؟ بالله شوف
ريميديوس الجميلة، وصقر الجو، والكولونيل القلق يترقب ساعي البريد
العفش داخل البص علي مسئولية صاحبه
ويظل نهر السند يأكل من العمر أجمل لياليه
ضربا عند الضربة كان أوف سايد
ألف وعام من الحنين، الخبز الحافي، وليمة لأعشاب البحر، مدن الملح،
طبعا ما عادي يا بشير
طالع العريفي، مهدي جواد، صالح حزوم،محمد عديم اللقب
ويا طالع الشجرة جيب لي معاك بقرة
موسم الهجرة، وطائر الشوم، وغابة الأبنوس ، وأمتي والغنيمة والإياب
أنا زي عايزة أخت نفسي في إطار
إغتصاب، في إنتظار جودو، مجلدات الهدف
وسامحني يا بيبو
الهوية، والحب في زمن الكوليرا ، ولمن تقرع الأجراس
وكده كده يا الترلة
وحراسة قسم شرطة الأرض الخراب ...
وتقول لي نمرة واحد بتكسر الجربوكس برضو؟؟ يا حليلك.. والله بقلع في إيديني قلع من الكبي بورد... لكن بجيك صادي
| |
|
|
|
|
|
|
|
|
|
Re: شكرا بكري .. شكراً شكراً شكراً (Re: الرايق)
|
]انت تدير دفة فضولي الي السند وتدفعني الي الممنوع .. يبداء المشهد ونحن علي ظهر مركب نشق صمت نهر السند او نهر الحب العظيم ، وعلي الشاطئ وفي الخياشيم دخان السمك المشوي ورشيد الريح يحمل جهاز تسجيله الضخم مديرا اغنية اخوان الانسانية ومرددا مقطعه المحبب شالو معاي الهم بالجملة .التجديف على نهر السند الاسطوري محاولة ليقظنة الاحلام ومراوغة للواقع الممتد علي امتداد الشاطئ من اقصاه الي اقساه ..الخروج من النهر يعني العبور يالفتك عبر سجاد الممل والهم .. دخول الفتك من البوابة الجنوبية المحروسة من قبل توفيق في بداية الطريق ، وتوفيق لا يفتاء يتصيد الدائنين الخائفين الهاربين بالمصروف المدخنون با لمجان ، علي هذه النقطة تبداء لعنة الانتظار ، لا مفر من شق الطريق الخلفي حيث الجاموس يتلقي غيلولته .ففي المخيلة شيطان بائع النسيان يجلس خلف اللافتة المكتوب عليها (اسد اسكندر بندر شاه .. باكستان زندا باد) شيطان يبيع النسيان باسعار ذهيدة ويختصر العمر بالاقصاد المريحة .. نكمل دورتنا في الفتك ونعود نشق السفوح المطمئنة نتوكاء على قوارير اليانسون ونهش بها غضب ، نعود في تراخي وقد شد العنكبوت خيطه على ناضر الاحلام ونفضت الفوضى شظاياها على التفاصيل التي تشمل المنتجع غرفة رقم 96 في الطابق التاني بوضعها الغريب اعلي غرفة المستقبحين الكيزان هذه الصدفة القبيحة ادت مكانيكيا الي امتهان المستقبحين فعل التصنت بتواتر ادماني يوماتي وبالتالي تحريف الكلم عن موضعه . قربهم الجغرافي عنا كان يمط غربتهم منا حتى برزت اسئلة لزجة هل هم بشر مثلنا يأكلون مثلنا يشربون مثلنا ويمشون في الاسواق هل هم في شرف الثعالب والذئاب التي يعلو صوتها من البلكونة ..
يا رايق انت تدفعني الي فترة تستعصي علي الكلمات ..وقد كنت بصدد حفر ود احد بدعم من المسافة والزمن لدفن فترات صبية في مقتبل العمر
يا رايق بالتاكيد انت ليست راشد عبد المنعم .. فهو اتصل بي مساء اليوم وفي نهاية الاتصال لعن دين الشيطان لاغفاله صلاة المغرب
وليست رشيد الريح فآخر رساله لرشيد كتب عليها وكنت قد طالبته بالنطق
(قال ميت لميت
استفيق قليلا فأنا ادخرك لصمت اجمل ) ..
اذن من ….
لنا عودة
| |
|
|
|
|
|
|
|
|
|
Re: شكرا بكري .. شكراً شكراً شكراً (Re: mutwakil toum)
|
لكن معقولة دي يا كولا
بس كدي قول لي وجه شبه واحد
واحد بس، وأعتبرو ليك علي سبيل الحصر لا المثال
ما عارف فارق التوقيت، لكن نحن هنا خلاص بقينا علي وش الفجر
حيرتني بي كلامك عن راشد الحلبي سمعت بيهو إنو في السعودية
لكن أنا ما قايلو للدرجة دي
علي جادالله قابلتو في السودان قبل شهرين وما عارفو هسه وين
الرشيد الريح في السودان من شهر أو يزيد
وعندي ليك وعندي معاك كلام كتيييييييير
يا جيتك راجع يا كتبت ليك بعدين
تسلم إنت ويسلم بكري الخلانا نتلاقى
خدا حافظ
| |
|
|
|
|
|
|
| |
قلقو
عاطف عبدالله
elsharief
bayan
Raja
بكرى ابوبكر
Samau'al Abusin
Agab Alfaya
nassar elhaj
فتحي البحيري
فيس بوك
تويتر
انستقرام
يوتيوب
بنتيريست