|
|
 خارج حـدود التغطيــه
|
اول الحكــي
ضيعة سنين الليلة مالو
غنى العصافير غلبو
طراهو زولا كان حنين
كم رضى خاطره وطيبو
الكلام اسحق الحلنقي . الغناء وردي
جـــــــدة غيــــــــر !!!
من قال ان جدة ليست غير .. ؟؟ هي غير كل عام ، كل جئتها وجدتها مختلفة الف بون عن اخر مرة رايتها فيها ..
وهي ايضا غير كل الايام التي سبقت هذين اليومين بالذات ..
من المدينة المنورة عدنا الى شقتنا .. واحمل حزنا يسكن تلافيف راسي سببه ، التآلف على الاجواء هناك والطمأنينه التي فشلت اي مدينة في العالم زرتها (يعني تقول البت ابن بطوط زارت كل مدن العالم ههاهاههااه) ان تمنحني اياها .. ودبرسة شديده سببها مغادرة مدينة الحبيب المصطفي عليه افضل الصلاة والتسليم .. والعودة صوب مدينة الرطوبة العالية المعفنة والصخب ..
وتذكرت فجأة وانا اغادر مقعدي في الاوتوبيس وانا ارى الناس يتكدسون في الشوارع والاشارات لحظة ان لمحت على اللوحات التي تملاء الشوارع شعار هذا الصيف (جدة غــير ) .. وعرفت ان الناس مازالوا على هنا جاييين..
يا لهوي وياخرابي من الذي يغشى جدة من ويلات هذا المهرجان الذي يطلقون عليه كل سنة شعارا . وهذه السنة والتي قبلها كان يحمل نفس الشعار جدة غير ..
ونحن نفارق مقاعدنا علي الليموزين ، ونضع اولى خطواتنا صوب مدخل العمارة اذ تجيني كرة طايرة فووووو وتنقرني في جبهتي ، يا دين الله
يا قوته التي استعين بها على المكدرات ونائبات الدهر .. هاهي الناقصة تمت .. لقد تبشتنت دومتي ، وتنكش شعري الذي اصلا لم يكن ناقصته هذه البهدله ..وطارت طرحتي هنااااااك ..ودون ان ادري وجدت الارض تستقبلني : طاااااااخ ، عونك يا رب ..
وصاحت امي وهي تستعين بكل لغات السكلبه : ووووب علي بنيتي .. الليلة ماكتلوك اولاد الحرام ديل
وانكب اخي الصغير فوق قامتي التي اقتعدت على الارض بينما استند ظهري على الحائط ، وبه شيء من الخوف والحب رغم محاولته الجادة ان يخيهما .. وعندما وجدني مازلت حيه افرفر ، وعيناي تبرقان ذات اليمين وذات الشمال .. والنضاره التصقت بزجاجها على نخرتي . بعد ان طارت عدساتها هناااااك كل في اتجاه . اعاد النضارة الى عيوني دون يترك لي فرصة لارى الحب على عينيه ... اذا انه عرف انني ابحث في عينيه عن هذا فتذكر انه راجل سوداني .. رغم انه مازال شافع في نظري وفي نظري امي ايضا .. فعيب اوي في مثل هذه الحالات ان يظهر الرجل السوداني مشاعره اكثر من اللازم . خلاص اطمئنينا علي صحتك ياحلوه . فكان لابد ان يستبدل الكلمات الحنينه ..
يعور عينك
يا بتي انت اصلو لسانك دا ما بتقدري عليهو ..
يا يمه ماشايفاه ولدك الفقري دا ..
وقبل ان الملم بعثرتي وماتبقى من نضارتي .. اذ بسيول من الولدان والصبايا والاطفال والشفع والعيال تغزو (الحتة) التي كنا نقف فيها ، كان لاندفاع جيوشهم صوت كما للسيل العرمرم ، وكما فيلاق التنظيمات العسكريه .. بدأ كل شيء تحتنا يهتز ، ويهدر .. ولساعات كنت اظن ان سيول كسلا قطعت البحر وجاءتنا عديل كده .. وحاولت للحظة ان استوعب الامر .. اذ انني مازلت افتقد لنضارتي .. الله يقطعكم من اولاد .
الله يقطعكم من بدوان . ايش في صديق ..؟
باذن خاص من بكري
مازال للهترشه بقية
|
|
 
|
|
|
|
|
|
|
|
Re: خارج حـدود التغطيــه (Re: shiry)
|
يا شـــــــــــــــــــــــــيــــــــــــــرى
...................................................
يا كــــــــــــــــتــــــــــــــــابــــــــة
-----------------------------------------
اشكرك شديد
| |
|
|
|
|
|
|
|
|
|
Re: خارج حـدود التغطيــه (Re: shiry)
|
زوجات العــم دريميــح
جاءني الصوت يخرجني من غمرة تهوجسي
يا منقذ الغرقي .. انقذنا من هذا الطوفان الذي جاءنا يقدل .. هذا الصوت الفه .. للحظة ظننت ان تلك الضربه طرشتني عديل كده ..وهززت اضاني مرة اخرى حتى اتاكد ان ماجاءتني به حقيقه وليس من تاليف هذا الراس المفلوق بكورتهم .. وحينما اقتربت مني ..
سيري سيري سيري ايس في ..انت موس في مدينه ..ليس انت يجي . لازم يرجع انت ماما يجي بعد واحد شهر ..
تعالي تعالي الي حبيبتي .. انقذيني من هذه الفلول الزاحفة .. وانقطع ماكان بيننا من حديث .. اذ فقدت الاتصال بهم .. اخي وامي والسيرلانكيه ..
لقد حال بيننا موج عظيم من طوفانهم ..
الله يقطعكم من عيال .. عيال من هدول ؟؟
اكيد لم يكن هنالك من احد يستمع الي فالعيال مازالوا يتدافعون .. فريق منهم يتابع الكرة التي حدفوني بها وكسروا بها دومتي واطارو طرحتي ونظارتي .. وفريق منهم كان يتابع ابو الزنان وهؤلاء كانوا يتدافعون في كل اتجاه .. وفريق منهم كان يتابع الفريق الذي يتابع الكره .. وفريق منهم كان يتابع بالون وفريق منهم كان يشجع الفريق الذي يتابع ابو الزنان ، وفريق منهم كان يفترش اسلم من اول سلمه الى اخر سلم متلزم الحائط يتونسون اذ من شكلهم كده ومن شكل قعدتهم انهم كانوا طفشانيين وهؤلاء باين انهم يحبون الهدؤ ويكرهون هذه الزيطه وفريق منهم كانت تستهويه لعبة التزحلق على السلم .. وحتى اجلو في خيالكم هذه الصورة يجب ان تعرفوا ان الفريق الذي اقصده يتكون اعضاؤه من بنات واولاد ولا يقل عدده باي حال من الاحوال وبالذي اشوفه قدامي الان من عشرة عيال ..
كان لابد ان انسي نضارتي وانسي طرحتي التي دعكها العيال وراحت شمار في مرقه من تجمع هذه الجيوش ، وصعدنا لا نلوي على شيء الا الوصول الى شقتنا .. وقادتنا السيرلانكيه ، تفج التجمعات التي افترشت كل شبر في ارضيه بئر السلم ..
يامنجي الغلابه .نجنا مما نخاف ..
دخلنا بصعوبة الى شقتنا وكان لابد ان يتسرب الى شقتنا كثير من العيال وكثير جدا من الصراخ ، وكثير من الصخب والضجيج ..
لا حولي الله هذي مافي عيسي هذي موت ، كان هذا تعليق سيرلانكيتنا وتقصد ان تقول هذه ماكنت عيشه ..
ومثل الذي ينش في الباعوض ، كنت انا وسيرلانكيتنا نخرج العيال الصغار من غرفتي .. اريد ان اختلي بنفسي .. هذا يعني انه لن يكون هنالك كومبيوتر ولا انترنيت ولا اي شيء .. فقط سوف يكون هناك التنزه على ضجيج وصخب مدائن الالعاب ..
يا قوة الله .. نجينا مما نخاف ..
مسكينة نصف شغالتنا السيرلانكيه ماذا تفعل .. اذ توصلت الى معادلة مع هذه الجيوش العرمرم انه لا احد يدري عنها شيئا ، فكل ماكان ينقصها غرفة مثل غرفتي تدخل فيها تحت سريري وتستلم الى نوم يمتد الى ماشاء الله له ان يمتد حتى وان زحف الى عدة ايام اهل الكهف ..
ولم تنتظرني ان اعلق على كلامها ، ولم تستجيب الى ندائي ان تخرج وتنام فوق سريري .. كانت مرعوبة ويائسه وخائفه وطفشانه وواصلة معاها الى هنا .. وتركتها رغم علمي انها تخاف من الجرذان ، فاحترت بكفي اكتم صرخة ندت عني وانا ارى بعد دخولها مباشرة فارا يقطع ارض غرفتي مهرولا صوب النافذة . ماهذا ؟ اين كان هذا الفار ؟؟ ووقفت في مكاني مشدوهة اصرخ ، فااار فااار .. ودنقرت الى تحت سريري حينما لم اسمع استجابة منها ، ظانة ان البنيه خلاص اتكلت على الله ..
يا قوة الله .. نجينا من نخاف ..
وحينما تكاثرت عليها هزهيزي ونداءاتي المتكررة الخائفة وصراخي .. زحفت الى الخارج براسها وهي تجاوبني ببرود
ايس في ســيري انت ليس دحين سوي سوي هذي بدوي ..انا ابغي نوووووم ..او موووووت مافي مسكلة انا كلو في يبغي
هذا فااار مافي شوف انتي ..
سيري هذا فار مية مية كويس .هذا نفر برا سوي سوي موت .. فار مافي مسكلة دحين انا في حبو مره ..
وتقصد ان تقول ان الفار ارحم مية مرة من العيشه مع تلك الجموع الظالمه ..
وبالفعل لم يهدأ الصخب ، ولم تقعد هذه الجوطه عن قيامتها .. وظلت كل ابواب العمارة تفتح ، وطاااااخ تغلق روووووو ..
وظلت اصوات الخراب تاتينا كل ثانية واخرى .. وكان في امكان اي منا ان يعرف بوضوح ان الذي انكسر هو زجاج سيارة جيمس . وهذا ايضا صوت بيسبي زجاجيه . وهذا ايضا صوت خلاط عصير لم يعد ينفع حتى لبيت الصراصير ..
يا منجي الغلابه نجينا مما نخاف ..
ولم تكد تمر ساعة واحدة فقط من وصولنا ، حتى وجدت صوت خارج غرفتي ينقر على بابها بيد وبالاخرى يناوش مجموعة من العيال .
روحوا يا عيال كدي ربنا ينتقم منكم .. مدري من فين طلعتولي ..
افتحي ياشيري انا نوف ..
مازالت الهترشه شغالها
شيلوا الصبر
الصابرات روابــح
| |
|
|
|
|
|
|
|
|
|
Re: خارج حـدود التغطيــه (Re: shiry)
|
بشــكة من الحريــم
نوف مين ؟ اجبتها انا من داخل تحصيناتي ..
فكي الباب ياشيخه انا نوف جارتكم . ايش بك انهبلت انتي ارخرى .. وانا في طريقي لفتح الباب اذا بعيلين يخرجان من تحت السرير ويندفعان بقوة صوب الباب ..لقد فاجاءني تماما ، فكان لابد ان تند عني صرخة قوية .. زادت على اثرها نوف طرقاتها على الباب .. ووقفت مزهولة لا اعرف ماذا يجري وكلي يرتجف.. للحظات طويلة ظننت انهما عفريتان خرجا من جسد سيرلانكيتنا .. وبدأت اقرأ في كل السور المنجيات . .ولا اعرف ان كنت قرأت قرانا ام قرأت شيئا اخر ، او اناشيدا من التي كانت تحفظ لنا للعيال في الدفاع الشعبي وجننت بها ردحا من الزمن ...لم اكن اعي بالضبط ماكان يجري من حولي .
وانا ابكي ودون شعور مني دنقرت الى تحت السرير على ظن مني انني لن اجد السيرلانكيه .. لقد تبخرت الى عفريتين وهاهما خرجا في شكل طفلين صغيرين ..
الله يكره السيرلانكيين .. كان مالي انا ومال هذه الشغلانه ..
.. كان العيال قد سبقوني الى فتح الباب بعد ان وضعوا الطاولة وصعدوا اليها وفكوا رتاج الباب .
لم يكن من الممكن ان يسمعني احد ، عدا نوف . ودخلت وانا مازلت اوزع نظراتي بين الباب الذي ابتلع العيلين الصغيرين والسرير الذي يخفي تحته السيرلانكيه والتي مازال شخيرها ياتيني .. وخوفي الذي سكن جسدي فاعتمل فيه يهزه زاً ...
وجاءت نوف وبدأت تهزني . بسم الله يابت قولي بسم الله . دنا نوف ... ايش بك .. بسيطه .. ايش اللي خضاك .. ؟؟ هدولي عيال لا غير !! ..
الله يقطعهم من عيال .!! هدولي كانم عايزين يقتلوني من الخوف ..
انا اللي ابغي افهم يانوف ايش في .. نضارتي وضاعت ، وراسي وانشجي .
وماتسلئيني يابت والله انا راسي اتعور من زمااااان ..
ايش في يا نوف قوليلي .. عشان لوالحرب قامت حنا نروح اهلنا ، نموت هناك احسنلنا ..
وضحكت نووف ضحكة صافية خرجت من كل قلبها .. ثم استدركت
هذا عمي (دريميح) جاء يزورنا ..
هذا كله عمك دريميح يا مفتريين .. ؟؟
ايوه ، اصلو جاء يقضي معانا اجازة المدارس ..
يا بت قولي شيئ تاني .. دي خلي الاجازة هناك وجاب معاهو المدارس
وضحكت مرة اخري . .اصلوا مايخلي نسوانو الثلاث وراه ، لازمن يجن معاه كلهن
كمان نسوانو التلاثه . فينها الرابعة ؟؟
اصلوا الرابعة طلقها .. جاب عيالها بس ؟
ماشاء الله .. وكل واحدة معاها كم ؟؟
قولي ماشاء الله ياشيري .؟ دا عندو من كل واحدة يجيلوا كدي خمستعشر..
يا بنت قولي شيء غير هذا . ..
من (حماطه) وهذه زوجته العود اي الكبيره ويقولولها(ام شمروخ) ، وهذي عندو منها اتخيللي خمستعشر
ومن (صاهوم) وهذه زوجته الثانيه ويقولولها (ام مهدرس) وهذي يمكن عندو منها اربعتشر
ومن (شقحاء) وهذه زوجته الثالثة والزغيره ويقولولها (ام شنيف) وهذه ممكن اتنعشر ولا خمستعشر مدري
ياستي قوللي شيء غير هذا .. اللي شوفتها انا بعيوني هدول ، العدد هذا قليل في حقه ..
لا موكدي .. على اساس هو جابللنا معاه عيال مطلقته (زعلة)..
ماشاء الله ماشاء الله ... توا مطلقها . الشر موش عليه الشر اللي سماها زعلة عشان كدي طلقوها ..
وهذا كم عندها . اكيد ياحرام مالحقت تخلف منو غير واحد .. قبل ان يزعلها ويلحقها امات طه
لا هذي عندو منها ثمانية بس ..!!
وعمك هذا ألم يجد في النساء اللاتي تسمين بخديجة او عائشه او نوره او حتى زليخه نصيبا ، لانو باين انو صعب جدا حتى اخر حدود الاستحالة التي تشبه العدم ان يجد ليهو حرمه تحمل اسم ليمياء او نيرفين او شمائل او حتى عفراء .. حتى يريح اضنينا من مصطلحات الادوية او الاعشاب الصيدلانيه دي (زعله ، حماطه ، صاهوم ، شقحاء ) ؟؟
وقالت تعليقا كثيرا ومهما ، لكن الاصوات والضجيج واصوات الانفجارات التي طغت على الاجواء بيننا ، امتصت كل كلامها واذابته في شكل فقاعات وسربته من خارج غرفتنا .. اظنه انصهر وسيعود مطرا في شكل غضب .. ..
تعليق صغنتوتــيان لم يكن مانع يحول بيني وبين العوده
ساكتب عن الملاحم
وعاد انتو الله يعينكم
يلااا اهو كلها
اسمها ابتلاءاءت
الم تعودكم الحكومة على ذلك ..يضرب الامريكان مصنع الشفاء ..
ابتلاءات
يخون الترابي اصدقاء ه .. ابتلاءات
يخون النائب الثاني جماعته
ابتلاءات
يموت الشعب في الجنوب
ابتلاءات
يكسر القاش ويتمرد على مجراه
عينك ياحكومه
برضو ابتلاءات
| |
|
|
|
|
|
|
|
|
|
Re: خارج حـدود التغطيــه (Re: shiry)
|
شيري
كنت في بلد النبي
جد لي عمرك
الحنجيك من زرزتي في مفردة حريم
انك تكوني دعيت لي هناك وصلت الشوق والسلام
ولو ما عملتي كدي شيلي شيلتك
لووووووووووووول
| |
|
|
|
|
|
|
|
|
|
Re: خارج حـدود التغطيــه (Re: الجندرية)
|
سلام مربع
الجندريه : الرصينه
معقولة يا عيوني
انا اروح هناك
وانساكم
دعيتلكم كلكم
الجندرية وولدها العسوله
حمودي
ودعيت لكل االاحباب
ربنا يديم عليهم نعمة العافية
ويحقق ليهم اللي في مرادهم
ربنا يخليك ياجندريه
ويهنيك ويخليلك كل احبابك
امين يارب العالمين
| |
|
|
|
|
|
|
|
|
|
Re: خارج حـدود التغطيــه (Re: Zaydoon)
|
سلام مربع
عباس
ربنا يسلمك ويبارك فيك
كتب مرة واحدة
منو الفاضي عشان
يجازف بطبع هترشه مثل دي
ربنا يجبر بخاطرك
.؟؟؟؟
zaydoon
ربنا يجبر بخاطرك ياسيدي
ومليون شكر ليك
على هذه الاريحيه التي خصيتني بها
سلمت ياسيدي
| |
|
|
|
|
|
|
|
|
|
Re: خارج حـدود التغطيــه (Re: shiry)
|
شيري
التحية و انت تتنسمين عبق مدينة الرسول الكريم
لانو باين انو صعب جدا حتى اخر حدود الاستحالة التي تشبه العدم ان يجد ليهو حرمه تحمل اسم ليمياء او نيرفين او شمائل او حتى عفراء .. حتى يريح اضنينا من مصطلحات الادوية او الاعشاب الصيدلانيه دي (زعله ، حماطه ، صاهوم ، شقحاء ) ؟؟
أحيانا اعتقد ان اسم الفتاة يؤثر على شخصيتها و سلوكها و احيانا في اختيار نمط معين من الازواج لها.
مجرد اعتقاد غير جازم. رأيك شنو ؟
تسلمي
| |
|
|
|
|
|
|
|
|
|
Re: خارج حـدود التغطيــه (Re: قلقو)
|
سلام مربع
قلقــو
شخصيا ومن الخندق الذي اكتب من داخله
وهذه العشكبه
بت مثلك تماما
في نفسي كثير من الشك
ربما تكون ام دفســو انتقلت الى عمارتنا
من يدري ؟؟
كل شيء ممكن
فمازال الصيف ملتبها هنا في جدة
ومازالــــت جـــدة غـــير
| |
|
|
|
|
|
|
|
|
|
Re: خارج حـدود التغطيــه (Re: ابو جهينة)
|
الاخ ابو جهينه
سلام مربع
بصورة عامة ما اعتقد لانو في حالات شاذة صغيرونه كده
انا اعرفها تمنعني ان اعمم
اما فيما يختص هذا الرجل
فانا كان قصدي ان اقول
لانو باين انو صعب جدا حتى اخر حدود الاستحالة التي تشبه العدم ان يجد ليهو وهو يحمل الاسم دا (دريميح)حرمه تحمل اسم ليمياء او نيرفين او شمائل او حتى عفراء .. حتى يريح اضنينا من مصطلحات الادوية او الاعشاب الصيدلانيه دي (زعله ، حماطه ، صاهوم ، شقحاء ) ؟؟
ودعني اقولها تاني
كيف يجد ليهو حرمة ماتحمل مثل تلك الاسماء
وهو على الدوام يحلم بان يكون قبيله لحاله
طبعا موش ممكن
وانت ايه رأيك
وصلت الحكاية ولا لع؟
| |
|
|
|
|
|
|
|
|
|
Re: خارج حـدود التغطيــه (Re: shiry)
|
هي واصلة من أول ، بس أنا الحودت بيك شوية.، لكن دريميح الشوم دة ( قبيلتو لا بد تكون على شاكلتو إسما و تفكيرا ). مش ؟
هل تذكري الشاعر الجاهلي القديم كثير عزة ؟ طبعا البدو بيتأثروا بالبيئة حولهم ، لذا كان شعرهم ذو طابع صحراوي ، فقد قال كثير في التغزل بعزة :
يا ليتنا يا عز بعيرين نرعى في الخلاء و نعذب
يعني كدة بمفهزمنا الحالي يكون الولد ساق البت عزة و وداها الكورنيش و قعدوا ياكلوا في درة مشوي و ترمس و طلب ليها عصير منقة دبل سايز.
فعشان كدة ما تعشمي في دريميح دة حتى ينطق إسم ميرفت صاح.
تسلمي
| |
|
|
|
|
|
|
|
|
 Re: خارج حـدود التغطيــه (Re: shiry)
|
سيري.. أوه شيري العزيزة
حمد الله على سلامة العودة.. والله لو مليون عفريت وعيل الواحد زي اوضته مافي..
جده غير؟.. تعالي شوفي القاهرة.. دي غير الغير، رطوبة سخانة زحمة زحمة زحمة زحمة زحمة زحمة زحمة زحمة زحمة زحمة زحمة زحمة زحمةزحمة زحمة زحمة زحمة زحمة زحمة زحمة زحمة زحمة زحمة زحمة زحمةزحمة زحمة زحمة زحمة زحمة زحمة زحمة زحمة زحمة زحمة زحمة زحمةزحمة زحمة زحمة زحمة زحمة زحمة زحمة زحمة زحمة زحمة زحمة زحمة
| |
|
|
|
|
|
|
|
|
|
Re: خارج حـدود التغطيــه (Re: Raja)
|
لووووووووووووووووول
لكن يا الابنة شيرى
لو ما كنتى شايقية
كان ماتو زى عشرة
الله مرقهم عينك ما حارة
مرحب بيك
شدددددددددييييييييييييد
| |
|
|
|
|
|
|
|
|
|
Re: خارج حـدود التغطيــه (Re: bayan)
|
سلام مربع
خالتو
د/بيان
استغفر الله العظيم
ديل مابتمشي فيهم عين
ماشفتيهم وهم بتزاحموا على السلم
وبعدين انا ذاتي
مامشيت للعيال اللي اتعلموا امشو
اصلو ديل برضو فريقين لحالهم
كل فريق من عشره
اقول ليك حاجة ماشاء الله والصلاة على النبي
مانقوم نسحرهم
ديل البزازات عشان بملوها
محتاجين في كل مرة يملوها
لي ســطل كبير
هههههاهااهاه
| |
|
|
|
|
|
|
|
|
|
Re: خارج حـدود التغطيــه (Re: Raja)
|
سلام مربع
ابو جهينه
وانا ايضا كنت اقصد توابع هذه الشبكه التي جاءت من كون الاسم
دريميح وكونهم بدو
وهانت انت قلتها براك
وايقنت فعلا وصلتك
طبعا كثير من دا
ويلهوي من اللي فعلوه في جده
اتخيل ولد عمرو عشرة سنوات اسمه صاهوم
بالصلاة عن البني مشى لمدينة جنقلاند
ما الذي يحدث هنالك
وووووووووزز...ززز...زز
سلمت ياسيدي للتعقيب
رجاء العسل
شكلك كده مخنوقه هناك في قاهرة المعز
تعالي لينا بي جي
بــس انصحك .. اديها شوية صنه
لانو جدة لا تطاق هذه الايام
رطوبة معفنه ، ملوحة
سخانه
ومع ذلك زحمه
سلمت ياستي للطله
| |
|
|
|
|
|
|
|
|
|
Re: خارج حـدود التغطيــه (Re: shiry)
|
الاخت جدا/ شيري
انني يوما بعد يوم اكتشف انك انت رائعه في سرد الاحداث بكل
ماتحويها الكلمه من معني 0
انني اقرا هترشتك بانتظام وكنت اودان اكون قارئا فقط من علي
البعدالا انني عندما اقف امام هترشتك لايسعني الاالمشاركه وقول شي
بسيط في كتابتك التي هي دوما ممتعه وجميله وفيها نوع خاص في سرد
الاحداث 0
انت طبعا مامحتاجه للكلام ده وفي ناس كتار قالو الكلام ده قبالي لكن
في هذا اتذكر كلام اهلنا العرب( في اخر المراح دائما تجي الفترانه)
وفقك الله وينعم علينا الصحه والعافيه لكي نستمتع بهترشتك0
كفش الغلبان
| |
|
|
|
|
|
|
|
|
|
Re: خارج حـدود التغطيــه (Re: ابو نور)
|
سلام مربع
ابو نور
في اخر المراح دائما تجي الفترانه
ههههاهااه
اعجبني جدا هذا المثل
واعترف ان هذه هي المرة الاولي في حياتي التي اسمع مثل
هذا المثل
الا تعرف انني غاوية امثال
؟
شفت كيف طلتك بهية ونحتاجها
يعني لو مادخلت وقلت الكلام العسل دا
ماكنت انا عرفت المثل دا
سلمت ياسيدي للطله الجميلة
وسلمت اكثر لكونك على طول البورد مفتكرني
وكتر من هذه الامثال
الله يديك العافيه
| |
|
|
|
|
|
|
|
|
|
Re: خارج حـدود التغطيــه (Re: waleed500)
|
اساسي الجميل
سلام مربع
كم اسعدتني طلتك تجمل ما كتبنا ..
تعرف يا اساسي هؤلاء البدو لديهم غرائب افعال ان لم تحترز قليلا تكاد تصيبك تلك الاعمال بالجنون
ان قدرني الله وذكرت كل مايفعلونه الان ومازالوا .. اتخيل لي كده الناس البعيدة عن اماكنهم ناس امريكا مثلا
ما ح يصدقوا ابدا ..
غايتو فعلا . الله يكون في الراعي ، وفي السائق وفي الخادمات ..
لانو ذلك هو الحجيم نفسه
سلمت ياسيدي
وليد 500
حمد الله على سلامتك ياسيدي ، لاني طولت ماشايفاك
ربنا يسلمنا كلنا ..
دعواتك يا سيدي عشان يثبت لينا الدومه في مكانها
دائما كلامك الجميل يبهجني ..
ربنا يخليك ياسيدي وتسلم للطله الحلو ه
بقية عقد الورد
نزار حسين
بشـرى المك
بدر الدين الشين
شوية كده مع الضيوف
وراجعة ليكم
انتظرونــي
يا سمحيــن
| |
|
|
|
|
|
|
|
|
|
Re: خارج حـدود التغطيــه (Re: shiry)
|
ا ل ر ا ئ ع ة
ش ي ر ي
ا ع د ت لهذا ا ل ب و رد
نكهة شيري
والمسجلة في وجداننا كعلامة مميزة للابداع
والواحد فينا يقرأ لك حتي آخر سطر
ولكن ما ارتوينا
خيالك خصب ويخرق المستحيل في الكتابة
وعندك كاميرا في تيلفونك سرية
تسترجعي لقطاتها عند الكتابة
لا هي لله محمدا رسول الله
الاسماء في محلها تماما واعطت هذا الحكي القدرة علي النطق
والتنفس
في آخر المراح دائما تجي الفترانة
وعادة الحد ندوسها الناس عقب تبرانا
مع فرق في الترتيب
وهي مقطع من مسرحية المك نمر لابراهيم العبادي
فقط حبيت اصحح المعلومة والباقي بتميه براك
| |
|
|
|
|
|
|
|
|
|
Re: خارج حـدود التغطيــه (Re: shiry)
|
والله ياشيرى انتى فلتة.............راس هوس........مجنونه فى راسك الكبير دا.........دا مش ابداع دى عبقريةحتى النخاع انتى مش ممكن
قال عايزه تزوغ قال....ونحن يشيلنا القاش؟ عننا ما تنينا
مليون مرحب وعودا حميدا للبرطعة
| |
|
|
|
|
|
|
|
|
|
Re: خارج حـدود التغطيــه (Re: shiry)
|
بسم الله الرحمن الرحيم
شيري غير
سلااااااااااااااام بعدد أطفال دريميح
عدتي ياعيد بالخير علينا والإنبساطة
بالمناسبة أنا عايش في منطقة بدو وهناك من الأسماء زي (الرضّة .. عيضة .. عائض .. وطويّان .. وخزي بكسر الخاء وفتح الزاء وسكون الياء) وكتير زي جماعتك ناس هاصوم (إن نشاء الله هاصوم وهاأفطر) وهناك واحد قابلني إسمو ثمود أها رايك شنو؟؟؟
لكن أنا لو عندي زوجة إسمها (حماطة) زي بتاعة دريميح دي كنت أغني ليها
حماطة طاء
المني وسافر ما كلمني حماطة طاء
إنتي عارفة السيرلانكية ما راحت بتكون أدغمت في السرير وبقت سريرانكية
تحياتي للهترشة
| |
|
|
|
|
|
|
|
|
|
Re: خارج حـدود التغطيــه (Re: HAMZA SULIMAN)
|
الزول رائع : نزار حسين
سلام مربع
عارف يا استاذ نزار كل ما لك قرأت تعليقا على شيء كتبته ، يطّـفر في الحال احساس مخملي على البال يوصل تيارات البهجة بعصب الراس
للحطات ثم ما ان ينتهي تاثيرة اللحظي اقول في نفسي .. مقعولة الاستاذ نزار يعني ذلك .. اكيد الزول احوص ..وعندما اقرا ايضا للاستاذ حمزة سليمان وهو يعلق ايضا بكلام قريب الى كلامك يصيبني مثل ما ذكرت . وارجع واقول مخير الله ماني شايفاني عملت حاجة ، لعلني ذكرت الكلام هذا كثيرا وهو انني ليس بقولي هذا ادفع نفسي الى ركن التواضع المتصانع ، لكن صدقني واظنكما ستفعلان ذلك
انني في احايين كثيرة اجد والله على مااقول شهيد ان كل ماكتبته محض صدفة ومحض هتــرشه ...
على العموم سلمت اكثر للتشجيع الجميل الذي عمري لن انساه لك ..
بــشري المك
والله يابشرى ، شفت عوارتي كانت عايزه توديني وين ؟؟ بعد حب الناس الحلوة دي كلها .. كنت عايز ازوق ..
لكن ربنا قادر . اهو ببركة دعاؤكم .. وتشجيعكم الذي يدفعني ويثبتني نحو مزيدا من الهترشه .
على العموم انا ممتنة لك كثيرا يابشري على هذا التشجيع والكلام ا لزين
سلمت ياسيدي للطله وسلمت اكثر للاطراء
بدر الدين الشين
هاهههاهاههاهها
ياسلام على افكارك المجنونه يا رائع .. تعرف لحدي اهسع انا بتخيل في السيرلانكية التي تحولت الى سيرانكية اموت من الضحك
المشكلة انها لم تلزم فقط السرير ، بل حاولت ان تلبت تحت السرير ومن عجائب الزمان انني ايضا نسيتها ليوم كامل وهي لم تطلع
ومن عجائب الزمان الاخرى انه مافي اي زول سال عنها ... اجمل اجازة تحصل عليها في حياتها
وظلت نائمة تحت السرير دا لاربع وعشرين ساعة بالتمام والكمال .
شفت كيف ؟؟
عشان كده حقي نرجعها الى سرواطيه من السيرلانكية والواطه التي نامت عليها .
الاستاذ الموسيقار : حمزة سليمان
يعني ادي نفسي اهمية اكتر من اللازم واقول انك اتذكرتني ..
عارف لكن بخاف انك شفت مجنونه وقمت اتذكرتني .
عشان كده الكورة جات طااااااااخ فوق الدومة دي
لكن الدومة ما اتبشتنت بشتنه
الله يجازي البدو شكيتهم على الله .
سلمت ياطيب ربنا يقدرنا على رد جمايلكم التي اغرقتنا فعلا
| |
|
|
|
|
|
|
|
|
|
Re: خارج حـدود التغطيــه (Re: ابو نور)
|
سلام مربع
كفـش الغلبان
الذي دق صدره واجر
شقة كاملة من الصديق ابو نور
معقولة ياسيدي نحن مانطراك
انت الخير والبركة وعلى طول على البال
انا كلمت ليك بكري
وقال لي خليو مؤجر شويتين كده
لمن نلقى ليه فيلا
معليــش يا سيدي امسحنا في وشنا
المبشتن دا
| |
|
|
|
|
|
|
|
|
 Re: خارج حـدود التغطيــه (Re: shiry)
|
الرائعة ... بل والأكثر من رائعة شيري ...لك التحية أولاً... وثانياً وثالثاً...... لم نلتق قبلاً لعلها الحياة ذات الإيقاع الجاري وجاري وجاري ماعارفة لغاية وين ....لعله كسلي مؤخراً وأنا أقم بتلك الجولة السريعة على البورد ومرة تصيب ومرااات تخيب ... أصلو الواحد بقى يخاف يدخل المواضيع والبوستات عاناوينها مابتشبهها ... المهم ياستى رجعت للبورد بعد واحدة من غيباتي الطويلة وقلت أشوف بسرعة الحاصل شنو ... يمكن ألقى لي موضوع واحد وله إثنين أتسلى بيهم ... لقيتك ياشيري زعلانة ... وكمان مزعلة الواد أساسي الرومانسي ... قلت يابت خليك بعيد من بوستات الزعل والترضية دي ..
وطلعت جري ... دخلت اليوم لقيتك قاعدة ... آه أهي البت الزعلانة رجعت ... طيب خلينا نشوف ماذا قالت وما أتت به من جديد (كأنما يعنى قديمك كنت شفته )... المهم ياست دخلت الموضوع وهاك ياقراية وهاك ياإندماج ... بس حقيقي فنانة ورائعة وذيك مافي ... وقال ليك طوالي على بحث وطلعي كل المواضيع والبوستات البتخص البت شيري ..وعجنبتيتي وعجبتيني
| |
|
|
|
|
|
|
|
|
|
Re: خارج حـدود التغطيــه (Re: bitalneel)
|
الزولة جدا شيري
نيلينك والابنوس والشوق الجاري عليك
أستعادت الفراشات عافيتها علي ضوء من شيري فسبحت بحمد صباح الجال الذي أمطرك علينا فرح حرف فياضة
أعتقد اننا نحمل المدن في داخلنا ولا تحملنا هي والداخل المتعافي ودما متجدد
المهم الكورة اوعي تكوت اتشرطت
والريد نيلين
| |
|
|
|
|
|
|
|
|
|
Re: خارج حـدود التغطيــه (Re: زوربا)
|
بت النيل
ماعارفه هسع اشكرك شديد حتى تزهجي مني ولا ارحب بيك برضو حتى تقولي هي هسع البت النضامه الهتراشه على قولة اساسي مالها شابكها فيني الليلة يحلني منها الله ..
على العموم انا جد فرحانة بيك لانك قريتني وفرحانه بك لانك صبحتي علي اليوم
سلمت ياستي للطله البهيه
وسلمت اكثر للاطراء ..
زوربا السوداني الشفيف
وينك يازول الغيبة بيك .. افتقدناك على مدار البورد
حمد الله على السلامه ..
وكالعادة منور بي كلامك الزين
اكيد طبعا كنت متنمي انو الكورة تفرطق الراس
لكن اهو من نشفانو
خلا الكورة زي البالونه
هاهههاهاهااه
امازحك ياشفيف
سلمت ياسيدي للاطراء
| |
|
|
|
|
|
|
|
|
|
Re: خارج حـدود التغطيــه (Re: shiry)
|
شيري
أكملت ليك القصيدة في بوست بعض الرحيق
وما عايز اكررها هنا عشان الباندوث
قال ليك بكري بقى يهلوس بالليل ويقوم من نومو يكورك ...شيري ..الباندوث شيري الباندوث
فتحي البحيري وهوبلس مصوا الباندوث كله
| |
|
|
|
|
|
|
|
|
|
Re: خارج حـدود التغطيــه (Re: shiry)
|
شيرى يابت كملى كلو الباوندث ماتشتغلى بى اى زول حتى بكر زاتو
تعرفى انا حقيقى زمنى خاذلنى والطابعة معطلة وشغلانية جايطة
وبتعب لمن ما اقدر اتباع بوستاتك وبتمغص اكتر لمن القى عدادك رامى وهو طبعا ماشاء الله طوالى كدا
الحكاية دى بتجهجهنى وتخلينى ما لامة هنا ولاهنا
بس كل يوم اجى افتح صفحتين الحق بهنا وهنا وبطلع فى النهايةانى حافظة صورتك صم وكان جاتك عين ولاحاجة اعرفيها منى
مش بقولو الوالد ممكن يسحر جناهو
ماشاء الله عينى بااااااردة
| |
|
|
|
|
|
|
|
|
|
Re: خارج حـدود التغطيــه (Re: ZARIA)
|
سلام مربع
صحبة الورد
استاذي :فيصل صالح
عارف يا استاذ فيصل ، انت وقعت معاااي .. منو القال ليك تصحح لي النص بتاع قلت ارحل .. زمان كان الوالد ، بيقوم بهذه المهمه .. فعمري كله ما حفظت اغنيه بالصورة التي يرددها صاحبها .. على الدوام تجدني اشترها ليك .. ربما هي ضعف مقدرتي على السمع الصحيح . لاني دائما مستعجلة .. في مرات كثيرة يزهج مني ، وحتى يخلص من شبكتي يخبرني انه ماحافظها او انه لم يعد يتذكرها . فاقنع منه ..
اما وقد وظهرت حدائقك انت في البورد .. فشيل شيلتك معاي .. كل ما يغلبني نص لاغنيه تجدني اهرع اليك ..
سلمت ياسيدي للاريحيه وسلمت سلفا للهترشه التي سوف ابتليك بها .
ملكة سبــأ
انا التي هي يجب ان تشكرك من كل قلبها .. وانا فعلا مقصرة معاااك
ورسلت ليك ماسنجر .. وانشغلت ايضا في الايام الفائته بمحاولات كتابة ماسنجرات لكل الناس الحلوة التي
راسلتني عليه .. حتى انني من خوفي خاته يدي على قلبي ان لا يزهج مني بكري ومن الماسنجرات
التي وصلتني ومحاولتي للرد على هذه الماسنجرات .. وكان بودي ان اكتب اي ميلي هنا .. لكني احب كل الناس هنا
لذلك قررت ان اراسلهم على الماسنجر وعلى باندوث بكري ان يشرب من البحر.
سلمت يا ملكة يا عسل .. وربنا يخليك ويقدرنا على جزاكم
ZARIA
انشاء الله ربنا يخليك ياستي وتسلمي للسؤال
بس اوعك تحبطيني وتقولي لي البذكرك بيها دي مجنتره
لانو ناس عمنا ود قاسم وهدهد بقولوا انا بذكرهم بواحد مجنتر
سلمت ياجميلة الدواخل على عذب احساسك
| |
|
|
|
|
|
|
|
|
|
Re: خارج حـدود التغطيــه (Re: shiry)
|
شيري وعين الله ترعاك
ضحكت حتي ادمعت عيناي علي دريميح وامبراطوريته
كان الله في عونكم--تعالي الاجازة بيجاي
شيري
واصلي ولاتظلمي نفسك وتسميها هترشة
اعطينا شاي الصباح بانتظام فقد تعودنا عليه
ويصيبنا الصداع والزغللة ان لم ناخذه بانتظام
سلمتي اختي
حنينة
| |
|
|
|
|
|
|
|
|
|
Re: خارج حـدود التغطيــه (Re: haneena)
|
سلام مربع
حنينه السكره
سلمت ياستي على الدعوة
بس انت رسلي التذكرة
وتلقيني طوالي ناطه ليكم
فقط ليوافق ذاك
النقناق ..
سلمت الف مرة للاطراء
وربنا يخليك ياسيتي
| |
|
|
|
|
|
|
| |
shiry
اسامة الخاتم
الجندرية
abas
ابو جهينة
قلقو
Raja
bayan
اساسي
waleed500
bushramk
بدرالدين شنا
HAMZA SULIMAN
bitalneel
زوربا
Faisal Salih
ملكة سبأ
haneena
فيس بوك
تويتر
انستقرام
يوتيوب
بنتيريست