كتب الكاتب الفاتح جبرا المتوفرة بمعرض الدوحة
|
أنا والوفد المرافق لى جواز السفر والقلب وحبكم حنكون فى الخرطوم قريب
|
ما عارف أقول جاييك يا آخر الموانىء من زرقة البحر الممدد فى الفراغ ((هاشم صديق))
واللا ما أقول وأسكت ،ونخلى الاحساس لى لحظة فتح عجلات الطيارة وعناقا للمدرج...أرض المطار برضها جزء من مليون ميل مربع..وبوابة المطار شاهد عدل ومن حديد..على كم مسافر مر من هنا...بره المطار مقاومة التربة لأحذية العساكر...وسطوة الانقاذ والتخريب والتقتيل والنهب والسلب وغرقان الذمم فى نهر نابع من ماء الوجوه...معناها الكيزان بغرفو...وأصلو طبع الكوز ديمة شارب.. أنا والوفد المرافق لى جواز السفر والقلب وحبكم...سنعبر صالة القادمين...لن تكون رحلتنا كالطيور ..عشان فى ايدنا فى جواز سفر...وما أقسى أن يصطحبنا فى أرجاء شتاتنا جواز سفر ..بينما الشعوب الأخرى تصطحب جواز سفرها.. سأتواصل معكم من هناك...وحتما ستكون للكتابة شكلا آخر..عندما تعطر خطواتى شوارع وأزقة أمدر الحبيبة..وعندما تشتجر أغصان الليمون لنيل حظها من نثر الظلال..ويامنوت ليك على سمك من الموردة سألتهمه باسمك.... تحياتى ودعزة
|
|
|
|
|
|
|
|
Re: أنا والوفد المرافق لى جواز السفر والقلب وحبكم حنكون فى الخرطوم قريب (Re: فتحي البحيري)
|
نعم عزيزى فتحى يستاهل الجية من كل سودانى فى الشتات...معارضة الداخل ستكون الأقوى لأنها بنت ظروفها وحراكها المشهود...وأى قارىء حصيف للمشهد السياسى السودانى..سيعرف كم هى هشة عظام مايسمى بالانقاذ ان لم تكن رميما..وبان تآكلها..وشنشهد فى القريب العاجل عودة صراعات الأجنحة داخلها ولكنه صراع ستكون جميع أطرافه منهزمة..صدقنى يافتحى..هم يكتبون نهاياتهم بأياديهم..وما نراه منهم من زيف حضور هو فقط تمسك بشعرة الكرسى لاغير لن أدعى أننى مناضل عائد للنضال من الداخل...فمن بالداخل قاموا بالواجب وزيادة..يصمدون فى وجه الريح العاتية..سأعود وأنا المواطن العادى..لأشهد الانتصارات القريبة..وأستذكر ما فاتنى من درروس شعبى الباسل.. وكما قال ودالمكى: اننى أؤمن بالشعب حبيبى وأبى وبأبناء بلادى الشرفاء الذين انحصدوافى ساحة الموت فزدنا عددا
تحياتى ودعزة
| |
|
|
|
|
|
|
Re: أنا والوفد المرافق لى جواز السفر والقلب وحبكم حنكون فى الخرطوم قريب (Re: Al-Masafaa)
|
أخى المفخره ود أمنا عزه الفراق بى طال وسال سيل الدمع هطال ويا ود عازه تصحبك السلامة اينما حللت وتصحبك دعواتنا وامانينا ومحبتنا فى حلك وترحالك كم هو جميل سودان عازه الذى سيحتفى بقدومك وكم ستسعد امدرمان وأهلنا الكادحين عندما تخطلت أنفاسهم بأنفاسك وتثير فيهم حماسة وغيرة للوطن نتمنى لك حظا سعيدا واقامة طيبة بين احضان الوطن الجميل وما تنسانا وانت فى المورده بتأكل للحبيب منوت اديها طله على توتى وأغرقها حبا وشوقا وسلاما أخوك المحب
| |
|
|
|
|
|
|
Re: أنا والوفد المرافق لى جواز السفر والقلب وحبكم حنكون فى الخرطوم قريب (Re: bayan)
|
الأخ ودعزة مرحبا بك وبوفدكم المرافق فى الديار لكن بس خليك جاهز للآتى رسوم القدوم رسوم المغادرة رسوم تجميل المطار والقناة الفضائية رسوم العبور لو كنت من الضهارى الزكاة ضريبة الدفاع ترعتى كنانة والرهد واحتمال فى اثناء وجودك يضيفوا ليك ضريبة خزان الحمداب ويمكن جبل اوليا (دمغة الجريح(ديل انحنا شهادة خلو طرف من الضرائب والألزامية وما خفى اعظم .الأخ ود عزة انا ماعايز احبطك لكن عشان بعدين ما تجى تلومنا وتقول ليه ماوريتونى
| |
|
|
|
|
|
|
Re: أنا والوفد المرافق لى جواز السفر والقلب وحبكم حنكون فى الخرطوم قريب (Re: wadazza)
|
" ... يا منوت ليك علي سمك من المورده سألتهمه باسك .."
ود عزه بوست رقم 5314 سودنيز أون لاين 7:46 صباح 9/8/2003
يا بن أمنا ، لك صافي الليمون و أنت تختم (بوستك) بهذا الالتهام لأسماك ، و صير (ترنتي) بالمورده ، و الدهشة تملؤني : كيف (فات) علي هذا البوست ؟ أيكون منوت -عندها- معلقاً على أغصان ليمون الشتات ؟ أم أحاطت به (الدبرسات) فغاب عن البورد مليّا ؟
يبدو أن الطيور آن موسم هجرتها جنوباً .. لك و لهم و لهن كامل الأمل اليجيء .. و خلي بالك من زهورك ، و من وطن باقيهو عندي
و يا بورداب الخرطوم الليمونيين ، هاهو بن أمنا بين يديكم ، أفيدونا ، و أعينوه على استصحاب زهرة ليمونية تنز تماسكا
مبروووووووووووووووووووووووك يا حبيب
منوت المنتظر عودةً لمغاني وطنه
| |
|
|
|
|
|
|
|