|
|
 آآآآآه ياناس البورد الغربة حآآآآرة والله بيسألكم منى دايراكم تبقوا على عشرة
|
يا ناس البورد كلكم لمن ادخل هنا بحس كأنى فى السودان فى نص امدرمان وشوارع الثورة والخرطوم والديم وال........ يا جماعة الله بيسألكم منى ابقوا على عشرة كان غبت منكم اسألوا منى وافقدونى الظروف ما معروفة، ياكم اخوان واخواتى وعليكم الله خلونا نجدع الخلافات ورانا والمشاكل الماعندها داعى والاختلافات السياسية والحزبية العمرها ما قدمتنا ولا نفعتنا ارجع اقول ابقوا على عشرة وتسلموا لى كلكم
|
|
 
|
|
|
|
|
|
|
|
Re: آآآآآه ياناس البورد الغربة حآآآآرة والله بيسألكم منى دايراكم تبقوا على (Re: حنين للبلد)
|
سولارا شكرا ليك وانا جادة يا بت امى الحياة من الموت ما معروفة النبقى على بعض عشرلاة لكنى هذه الايام احس بوحشة وغربة شديدة والله يا سولارا مرات لمن تقفل معاى بقفل روحى فى اوضة زى الشفع واقعد ابكى ابكى ابكى حتى البكاء طعمه اختلف وبقى نما بخفف عنى زى زمان الغربة دى غيرت كتير فينا عندى اختى مشتاقة ليها موووووووووووووووووووت وامى واخوانى يا حليلهم يا سولارا طوالى قاعده اقولها انا ما مرت غربة .
| |
|
|
|
|
|
|
|
|
|
Re: آآآآآه ياناس البورد الغربة حآآآآرة والله بيسألكم منى دايراكم تبقوا على (Re: حنين للبلد)
|
حنين البلد ياجرسه
تسلمي يااخيتي
لا تتجرسي فان الغربه امتحان وابتلاء ولا نملك غير الدعاء والابتهال لله العلي القدير ان نجتازها بكامل قوانا العقليه والجسديه والفكريه والا تؤثر في مشاعرنا فتجعلها متبلده ومتجمده كثلوج بعض الدول والا نفقد عزيزا لدينا ونحن في غربتنا هذه
قيل سافروا ففي الاسفار سبع او خمس فوائد لاادري فقد اثر عامل السن والغربه اللعينه فيما تبقي من علم فقام بعمل ديلييت لمعظمه ولكن اعتقد من ضمن هذه الفوائد معرفه الصديق الصدوق لذلك ارجو ان تجدي هذه الفائده بيننا ونكون اصدقاء صديقون او صديقين ان كنت ممتازه في اللغه العربيه يمكنك ان تختاري الكلمه الصحيحه من هاتين الكلمتين
ونكون لك حسن معين في غربتك هذه
الليله قال ليك الملاعمر مايلحقني
لكي تحياتي اخيتي
| |
|
|
|
|
|
|
|
|
|
Re: آآآآآه ياناس البورد الغربة حآآآآرة والله بيسألكم منى دايراكم تبقوا على (Re: ABUHUSSEIN)
|
والله انا قايل انا براى المحرقانى الغربة ،،،
الغربة نار نار نار
الغربة سترة حال
ربنا يعيد الجميع الى ارض الوطن سالمين غانمين
يرجعهم جميعا الى حضن الامهات والحبوبات ، وونسة الاباء
وضل شجرة النيم ، وقهوة الضحوية ، وشاى المغيرب ، وجينا راجعين المغيرب ، وشلة الونسة ، وارض الشمارات وشفع بلدى الحلوين ، والنخل الطوال يهبهب ، اهى اهى انا من شاطى النيل والنسيم العليل ، وخضرة السواقى ، وفطور الجمعة فى الخرطوم ، وزيارة الجيران وملمة الاهل والحبان أهى اهى اهى
والله ما بنقدر ،،، انا جيت اصبرك بقيت انا زاتى عاوز زول يصبرنى
اقول ياختى اتصبرى ونحن كلنا معاك وفوق ذلك الله معنا جميعا..
| |
|
|
|
|
|
|
|
|
|
Re: آآآآآه ياناس البورد الغربة حآآآآرة والله بيسألكم منى دايراكم تبقوا على (Re: حنين للبلد)
|
بت الجزيرة شكرا والله كلامكم عزانى انا والله مرات الدنيا دى لمن اتزكر اهلى تبقى لى اضيق من قد الابرة ربنا يهون وشكرا ليك للسؤال الزول ما بيعرف حجم وعزة وقيمة الاهل الا لمن يفارقهم قدر ما تقول بريدهم ما زى لمن تبعد مهنم شكرا.
ابو حسين بس داير ليك فرصة البكاء جماعى خلى الحركنة.
ابو حسين شكرا للسؤال ما تنقطع.
المساء انت فايتانى بى هناااااااااااااااااااااااااك يا اختى كدى اقعدى اتفنى معاى نبكى سوا ولا اقول ليك افتحى الاوضة الجنبى دى بجى اعزيك.
اوتكاست اسمك ماله بالعربى كتابتة بتبقى غريبة لكن انت ما قصرت يا ملك شكرا.
ليكم كلكم خليكم جنبى كتر خيركم زى الزرت اهلى خففتوا على كتير.
الموصلى انت وييييييييييييييييييييييييييييييييين
| |
|
|
|
|
|
|
|
|
|
Re: آآآآآه ياناس البورد الغربة حآآآآرة والله بيسألكم منى دايراكم تبقوا على (Re: كوليل)
|
الغالية حنين البلد
لك التحية الندية
والله من اسمك يعرف ما بك عزيزتى وثقى اننا جميعا ما اتينا الى هنا الا لما ذكرتى فبنا حنين للبلد دافق وحنين للقاء كل ابناء وبنات البلد والحديث معهم وتبادل القفشات والنكات والاخبار بعيدا عن السياسة وعن كل ما يفرقنا فنحن لسنا دعاة سياسة بقدر ما اننا دعاة حب ولقاء بين بنى الوطن حتى لا ننعزل فى مجتمعات عجزنا ان نذوب فيها فهى تريدنا كما هى ونحن نود ان نكون كما نحن ولذا لجأنا لهذا البورد والحمد لله وجدنا فيه الاحباب والاصحاب والاعزاء ولك يوم نكسب صديقا واخ جديد فثقى انك فينا ولن ننساك والله..
لك كل الود
| |
|
|
|
|
|
|
|
|
|
Re: آآآآآه ياناس البورد الغربة حآآآآرة والله بيسألكم منى دايراكم تبقوا على (Re: حنين للبلد)
|
الاخ كوليل ازيك كلماتك حلوة تبل الشوق وانا البورد بقى لى اكتر من اهل لكن يا كوليل(بالله رد لى الاسم ده يعنى شنو وقاصد بيه شنو) يا كوليل الايام دى البورد مشتعل فى جميع الجبهات واتغير انت عارف انا عندى احساس كدة وااسف انهاقول الكلام ده اتخيل لى لانه لمشاركات بقت كتيرة والعضوية كترت زمان الناس معروفين ومحصورين اسه اى زول بقى يشترك عشان يفتح ليه بوست ينبز فيه او يدعو فيه لى حاجات غريبة كدة ويبوظ على الناس ويمرق انا بقول كلامى ده رغم انى زاتى جديدة واتسجلت ما تميت شهر لكن اهو راى وااسف للجدد ما عممت بل خصصت آسفة كوليل اخو يا حليلكم انت فى السودان عليك الناس كل الناس كيف الشوارع والميادين البتتشابة وناس امى كيف انت ما بتعرفهم لكن اى ام هناك امى امك امى سلم لى عليها وعلى كل اهلى الغبش وكان حيين بنتلاقى وللمرة التانية يا كوليل ابقوا عشرة على .
البيان العشرة الاولى حرام عليك يا ود امى دى ما العشرة الاولى دى ما صحبة المدرسة ولا شاى المغرب تحت النيمة ولا مشاكسات الاخوان الطردةولا باب الشارع يدق ونتلاكز انا واختى منو اليفتحه ولا لمة الحبان وزيارة الاخوان ولا امى لمت اتمسح فى رجليها وارقد وراء ضهرها فتاة كبيرة وتلزنى وما ازح منها ولا لمن نفرح انا واختى لانه جينا بى امجاد ولا ركشة ما بالمواصلاتى ده كلوا ما ده دى بلد بى حاااااالة يا بيان ابقى عادية بعد ده كلوا حرام عليك.
وشكرا على مشاركتك برضه ابقى على عشرة.
قرشو ما دام انا فيكم ومنكم وماحتنسونى مافى عوجة اطمنت وابقى على عشرييين
| |
|
|
|
|
|
|
|
|
|
Re: آآآآآه ياناس البورد الغربة حآآآآرة والله بيسألكم منى دايراكم تبقوا على (Re: حنين للبلد)
|
والله الواحد بقى يشك فى نفسو وكت يكون فى البورد ده يحس بى
نفسو برة البلد ويدخل فية احساس الغربة ومرات كدة يدق راسو
بى يدو ويجرى يتاوق لى امو يحمد الله انو فى قاعدة
لاكن والله ياحبيبة من دخلت البورد ده بقى الواحد يحس بى المسا
العايشنا المغتربين كان طلاب علم ولا روق دنيا
والغريبة عندى زملانى الفى المكتب بتين وولد ماشين السويد لى
الدراسة والله بقيت احن ليهم بما وبحس بانو هم تانى ماجايين
يعنى الواحد الفى البلد مشارككم الاحساس والله معزبين لى قربتكم اكثر
منكم
اما بالنسبة لى السؤال بتاع الإسم ده روقى المنقا ذى مابقولو لانو
طويل ودكتور نصر الدين عاوز يموت ويعرف الاسم معناه شنو
لك كل الود
| |
|
|
|
|
|
|
|
|
|
Re: آآآآآه ياناس البورد الغربة حآآآآرة والله بيسألكم منى دايراكم تبقوا على (Re: حنين للبلد)
|
ازيكم كلكم هيا هوبلس جمال عبد الرحمن انا قبل شوية قريت ليك بوست نارى عن الناس الانت بتشاركهم وما برده ليك كر على انت يا ود امى جامكلتنى وشاركتنى وانا ما رديت انا لو من الناس الانت عانيهم امسحها لى يا ملك فى وشى ده النبى امسحها ماتزعل منى لانى ما بقدر على زعلك انا والله كنت عيانة ما فتحت البوست لى اربعة ايام وفى العياء شغل وعذاب وتعب وارهاق مافى حاجة بتسهل علينا الا لمنة نتواصل معاكم تسلم ود امى .
كوليل الغربة انشاء الله ما تشوفها وشكرا على المشاركة امك ابقى عليها عشرة سلم لى عليها وعليك الله بوس لى ايديها
| |
|
|
|
|
|
|
| |
bint algazeira
ABUHUSSEIN
Outcast
bayan
قرشـــو
Shinteer
فتحي الصديق
فيس بوك
تويتر
انستقرام
يوتيوب
بنتيريست