|
Re: تـقول لي بـوش مـا عنـدو شنـب؟؟ (Re: Ahlalawad)
|
العزيز اهل العوض
لك التحية
لعل بوش اخى يريد للسودان ان يستوى على نار هادئة حتى تتسبك الطبخة تماما ولن يقصر اعوانه فى ذلك فهو الربان الماهر..
Quote:
أبعدنا الزمان من اللهيجو بشيقنا عاودنا السهر والنوم بقى مو رفيقنا لامتين نلاقيهو المنشف ريقنا ناخد بيعة من كف إيدو نحيي طريقنا
|
لعل الدوبيت اعلاه يكون لسان حال الكثيرين فى السودان وهم يتطلعون لليوم الذى يحن فيه بوش ويتعطف ويأمر بغزو السودان
وخلينا نصبر لى يوم باكر اكان فى العمر مدد ونشوف
لك الود كله
| |
|
|
|
|
|
|
Re: تـقول لي بـوش مـا عنـدو شنـب؟؟ (Re: Ahlalawad)
|
بسم الله الرحمن الرحيم
أهل العوض كيفنك؟
مصداقاً لي كلامك دا قالوا في روايتين الأولى بتقول إنو في البطانة الزول لمن يمرق ولا يطش بقولوا فلان مرق (بوشو) ولا ختر (بوشو) أو قعد (بوشو) .. أها بوشو بوشو بوشو لامن بقت بوش
والرواية التانية بتقول
الزول دا جدو كان إسمو (بشرى) أها قبل الحرب العالمية أمو ولدت جابت ليها واو بقى (بوشرى) ولمن قامت الحرب العالمية التانية ومن ضمن الخسائر قامت الراء إتماصت في الألف اللينة وبقت بوش بس
بدرالدين شنا
| |
|
|
|
|
|
|
Re: تـقول لي بـوش مـا عنـدو شنـب؟؟ (Re: Ahlalawad)
|
يا بدر الدين!! لا إله إلا الله والحمارة ماتت !!! مليح الشفناك طيب ما قالو قايم عليك وجع الضهر اليومين دي .. لكن والله الزول أترتو ولا كسرت نفسو كسر .. عليك أمان الله ياهو زااااتو كتلتو طب ، لاكين اتغابى فينا العرفة ساي .. الله يكفينا شرو
| |
|
|
|
|
|
|
Re: تـقول لي بـوش مـا عنـدو شنـب؟؟ (Re: Ahlalawad)
|
اهل العوض السلام مليون زمن افتش في بوست ليك لانو ادعودتك تدخل تعطر بوستات الاخرين باحلي واجمل الحروف وتمرق
لكن داير اسألك الزول دا الخلا يغير رايو في حكومة السودان شنو والله انا خايفو تحت تحت يكون من الجماعة
غايتو في كل الاحوال الله يكفينا شرو الزول المابختشي ولا بخجل دا
عبدالله جعفر
| |
|
|
|
|
|
|
Re: تـقول لي بـوش مـا عنـدو شنـب؟؟ (Re: Ahlalawad)
|
أديبنا الكبير عبدالله جعفر ، ياخ بالراحة علينا نقوم نصدق كمان ، وبعدين العين ما بتعلى على الحاجب ونحن إنما نغترف من مواعين الكرام زيكم .
وبعدين كلامك كلو صاح وأخشى ما أخشاه أن يطلع هذا البوش من القاعدة ومدسوس على النظام العالمي الجديد .. وأظن أن الحردلو تنبأ بذلك حينما قال
يوم بوش العصير مرقت عليه امونة خلت جيلو كلو تقول كياييل شونة
ولا أظن أن أمونة هذه إلا قنقليسة بت الريس
| |
|
|
|
|
|
|
|