يا سيد الحوش يا بكري بالله باسوورد جديدالريس جانا من امبارح وشرف السجن عزابي لا راجل مرة ولا يحزنون ونحن عاوزين نحتفي بيهو وزي ما عارف ما في دلاليك ولا في قيقم بالله رسل ليهو باسوورد سريع عشان اخش على مكتبة الاغاني وافتش ليهو على اغنية من اغاني قيقم شان ارقص فيهاونحن قلنا ليهو يا زول قيقم ده لسع غناهو ما نزلوه في الانترنت....! وعبد الرحيم يا جماعة يا بورداب الخرتوم مما جابوهو هنا بقى ما بعرف عربي مسح عربي من جابوهو هنا ان شاء الله عندكم ليهو كي بورد بالدنقلاوى ولا المحساوي!؟
حسب الاخبار الجماعة المجرمين بتاعيننا في السجن هنا في لاهاي برضو عندهم مشكلة انو ما عارفين القبلة بي وين في السجن لانو هم براهم المسلمين في السجن ومحتاجين لبوصلة وادارة السجن لا تسمح ابدا بدخول حاجات زي دي ولي هسع دايشين اصلوا مرة على المطبخ ومرة على الحمام ومرة ورا ومرة قدام والبشير قالوا مما جاء لي هسع ما صلي الا مرة واحدة ولمن قدموه عشان اصلي بيهم رفض ورفض الا حلف عليهو عبد الرحيم بالطلاق بالرطانة حتين وافق... والمصيبة طلع من الخلعة ما حافظ الحمدو بس!!
وتاني في مشكلة انو الجماعة المجرمين بتاعننا طالبوا ادارة السجن عاوزين بروش صلاة وكمان اباريق موية للحمامات حكاية الورق الزي الابري الابيض دي ما بتخارج اسلاميا لانو لا بد من الطهارة بالموية الطهورة ومرات مرات بحتاجو حصحاص للجمار في حال عدم توفر الماء الصالح للوضوء!
طبعا في السجن هنا في لاهاي ما في اي برنامج تسليةبس في راديو واحد كبير لا فيهو (سير سير يا بشير) ولا دلاليك معلق في نص السجن والكلام بالهولندى يعني كلام الطير في الباقير والتلفزيون فيهو قناة واحدة بالهولندى وما فيهو دعاية غير دعاية واحدة بتاعة الجبنة لاباش كيرى بالهولندى دي الحاجة الوحيدة الفاهمنها الجماعة المجرمين بتاعننا! والمصيبة انهم اول ما جابوهم عاملين فيها كاشين من مجرمي رواندا وطلبوا رسميا ان يكون بينهم وبين المجرم الصربي كراديتش عدو الله حجاب والا سيجاهدون فيه..
كل نزيل اول ما جابوهو صرفوا ليهو بجامة نوم برتقالية وبشكير و(شدة بالعضل) بتاعة السودان القديم وتلاتة صابونات ( فنيك) ابو فيل زي بتاع السودان القديم وتلاتة صابونات دي كانت اكتر حاجة مفرحة عبد الرحيم ابو ريالة اكتر من البلفيف والجبنة الرومية وانتو عارفين الصابون الحور العين!
سجن متلج صيفا ومتلج جدا شتاء وقاطنوه خسروها دنيا واخرة لا تنفع صلوات ولا تنفع تلاوات ربنا تعالى قال(«من قتل نفساً بغير نفس أو فساد في الأرض فكأنّما قتل النّاس جميعاً ومن أحياها فكأنّما أحيا النّاس جميعاً» المائدة ) فتخيلوا نزلاء السجن ديل من ناسنا الواحد بس لو قسمنا عليهم ضحايا القتل مما قامت الانقاذ بكون نصيب كل واحد منهم على الاقل 50 الف قتيل....فاذا كان كاتل النفس الواحدة في الاسلام زي سيد الابادة الجماعية يعنى الكاتل ليهو زي 50 الف كتيل ده والله جهنم بالنسبة ليهو منقة بس!
02-10-2009, 07:32 AM
هشام هباني
هشام هباني
تاريخ التسجيل: 10-31-2003
مجموع المشاركات: 51288
طبعا الجماعة المجرمين بتاعننا اقل واحد فيهم معرس مرتين وعندو دقشة شفع خلاهم وراهو وبلوائح وقوانين السجن ليس هنالك امكانية جلب النساء للسجن وهنالك ايضا مشكلة شرعية بالنسبة لمساجين لاهاااي لانهم محكوم عليهم بالتابيد ...طيب النسوان المسكينات اقعدن في حبال ناس ليوم الدين في السجن ويوم القيامة في النار..لا بد من فتوى شرعية تطلق اولئك النسوة من هؤلاء المجرمين!
دي من هسع يا ناس بروفسور على الامام تظبط ليها فتوى.... طبعا حاقوموا الانتهازية النسونجية بتاعين الدين على وزن التزوج من نسوان الشهداء حيتبرعوا اتزوجوا نسوان لاهاااااي! نرجع لاهاااي
انا متخيل الجماعة بتاعننا المجرمين متجمهرين بقيادة السفاح البشير قدام مكتب مدير السجن عمكم الهولندى العجوز وهو ما بتكلم انجليزى بتاتا والجماعة ما بعرفو هولندي بتاتا وغير مسموح بتاتا بجلب مترجمين للمساجين كنوع من العقوبة البتاتية! المهم على قول تبارك شيخ الدين....هتافات بالعربي عالية الصوت وتهليل وتكبير داخل السجن امام مكتب مدير السجن والهتافات بتقول:(عاوزين نسوانا عاوزين نسوانا يا اوكامبو)! ومن زنزانة مجاورة يصيح واحد منهم باعلى صوته ضاحكا : لا تحلموا يا عباد الله فان لم تستطيعوا الباءة عليكم بالصابون مثنى وثلاثا!
02-10-2009, 07:55 AM
هشام هباني
هشام هباني
تاريخ التسجيل: 10-31-2003
مجموع المشاركات: 51288
هسع بدل الجهجهة بتاعة لاهاااى دي مش اخير ليكم تسلموا تسلموا وتعيشوا مع اهلكم زي ناس سجن كوبر ديل المساجين والسجانين والبوليس اخر بهجة وصفقة ورقيص... دي اسمها ديموقراطية المجون في السجون وهي افضل من لاهاااي وحالة الصابون!
02-10-2009, 08:24 AM
هشام هباني
هشام هباني
تاريخ التسجيل: 10-31-2003
مجموع المشاركات: 51288
فالعدالة الدولية التي ترفضونها هي مطلب حياتي وانساني لانقاذ ما تبقى من شعب السودان ( الفضل) بعد ان عجزتم في تاسيس عدالة وطنية في بلادكم وانتم مغتصبو الشرعية الدستورية وقتلة ونهابة شعوبكم فكيف نصدق مزاعمكم المشككة في العدالة الدولية وانتم المجرمون واللصوص مقوضو العدالة الوطنية ونحن العدالة الدولية سنقبلها بكل علاتها لاننا لا نملك قضاء وطنيا نزيها حرا يحاكمكم لان اللصوص والمجرمين لن يؤسسوا نظاما عادلا لانهم غير مؤهلين اخلاقيا لهذا ولن يستقيم الظل والعود اعوج! سنقبلها لانها الخيار المتاح ولانها اثبتت عدليتها ولو بشكل نسبي (والعافية درجات ) حين القت القبض على مجرمي حرب دوليين من بنى دينهم ومن عرقهم ومن ديارهم كما في حاة الصربيين الارهابيين المجرمين (ميلوسفيتش وكراديتش) وانصفت ضحاياهم من بني ديننا من مسلمي البوسنة والقت القبض على مجرمي حرب من قارتنا ولكنهم من دينهم مثل شارلس تايلور الافريقي المسيحي وجنرالات رواندا الافارقة المسيحيين... فكيف ستعفي من لا زالوا عشرين عاما يقتلون في شعبهم بكل اديانه واعراقه...ولا زال بعض المستلبين من ضحاياهم يرفضون محاكمة قاتليهم ومعذبيهم بدعوى انهم يمثلون سيادة الوطن وان الوطن سيشهد خرابا كبيرا.. واقول لهم كيف يمثل المجرم سيادة شعبه الا اذا كناجميعا امة من المجرمين ومتى وقف الخراب والموت عن الوطن وهل سيخسر شعب السودان اكثرمما خسر في وجود هؤلاء المجرمين عشرين عاما من القتل والتعذيب والقهر والتشريد ونهب المال العام....فشعب السودان في محنته الراهنة يحتاج حتى للشيطان لو كان بيده الخلاص!
02-10-2009, 09:00 AM
هشام هباني
هشام هباني
تاريخ التسجيل: 10-31-2003
مجموع المشاركات: 51288
وانتم تستحقون القصاص العالمي لفضحكم لانكم في مصاف هؤلاء من ابادوا شعوبهم فانتم لستم اشرف منهم وقد نكلتم بشعبكم بذات الوحشية التي مارسها مجرمو رواندا مع مواطنيهم!
02-10-2009, 02:04 PM
هشام هباني
هشام هباني
تاريخ التسجيل: 10-31-2003
مجموع المشاركات: 51288
لازالت المجموعة السودانية المجرمة من بورداب سجن لاهااااي متجمهرة امام باب مدير السجن تهتف تطالب اوكامبو عدو الله والاسلام بجلب نسائهم اليهم وقد قطع هتافاتهم تعليق واحد من اصحابهم القانعين بحكم الله وقد نصحهم نصيحة لله ورسوله ان لا مخرج من هذه الباءة الا الصابون! وقد اقترح عليهم صاحبهم الساخراقتراحا معقولا وجيها جدا بان يطلبوا احضار مترجم للتحدث مع مدير السجن وان يعرضواعليه رشوة بت كلب من ارصدتهم المليونية والملبدة في ماليزيا وتركيا والبحرين ودبي... واذا وافق عليهم من الان عمل ( ختة) لمدير السجن وكمان ممكن اوكامبو! لكن قاطعه واحد من المجرمين المفتحين: بس يا اخوووووي كيفن نسحب القروش دي من البنوك ونحن في السجن العجيب ده وكمان القصة تجيب لينا فضيحة تانية واقوموا اغتسوا حجرنا زيادة في السجن! ولا شنو رايك يا ريس! ويرد عليه البشير: طلقانة وداد وفاطنة الخواجة الرمة ده ما اضوق ملين ود الحرام! ويقاطع الريس احدهم: يا ريس والله غير طلاقاتك الفشنك دي ما في شي جاب اجلنا وغتس حجرنا في السجن ده يا زول شوف ليك حليفة تانية! ونواصل
02-10-2009, 02:13 PM
هشام هباني
هشام هباني
تاريخ التسجيل: 10-31-2003
مجموع المشاركات: 51288
واحدهم يبدو عليه الوقار كان ممسكا بلحيته وقد نصحهم بانه لامخرج من هذا السجن العتيق وان يقبلوا حكم الله وعليهم رحمة بنسائهم المتعددات ان يسرحوهن ويطلقوهن في مشروع طلاق جماعي على وزن زواج جماعي حتى يرأف الله بحالهم عسى ان يجد لهم مخرجا بهذا العمل الصالح! وتهكم احدهم من مقترح هذا الدعي مقاطعا اياه: يااااخ انا يا دوب لي شهرين عريس....مرة بقاقة شطة بس تقول لي طلاق...شوف ليك يا شيخ واستهدى بالله كلام غير كدا!
02-10-2009, 02:21 PM
هشام هباني
هشام هباني
تاريخ التسجيل: 10-31-2003
مجموع المشاركات: 51288
المهم الجماعة المجرمين بتاعننا في حيص بيص بعد عزة وعرضات ودلاليك وكضب في الاعلام ومسيرات وغوغاء ورجرجة وهاك يا سفر وهاك يا فسح وهاك يا عرس لقوا فجاة انفسهم في جحر ضب وفي سجن خواجات لافيهو زول بتكلم عربي ولا فيهواذان ولا تمباك ولا كسرة ولا عصيدة ولا نشال سوداني ساكت اونسن ولافيهو ود ابرق في سبلوقة السجن في قصة حب مع عشوشة تديهم امل في الحرية المهم الامور جايطة المجرمين بتاعننا ضاربين الصلوات زى الولد المزنوق في امتحانات وقربت وما كان مذاكر ليها والقصة بقتاقصة علوق شدة ساكت عسى ولعل الله اغفر وارحم قاعدين اصلوا لا عارفين هم في ضهر ولا في عصر ولا وين القبلة كل واحد ضارب اتجاه وقبلة وفيهم الخلا الصلاة ذاتها وبعد ما كترت الهموم ضرب النوم! والمصيبة كمان عاملين مقاطعين السفاح الصربي ( كراديتش) والذي في حجرة مجاورة لحجرة سفاحنا البشير ويرفضون ان يحيوه ولا ينظروا اليه باعتباره مجرما حلال دمه لانه قاتل لاخوتهم في الله مسلمي البوسنة وكلما مروا به يلعنوه ويتعوذوا بالله منه!
واحدة من مصايب السجن بالنسبة للمجرمين بتاعننا ان اللحم المطبوخ كله لحم خنزير وليس هنالك امكانية طلب لحم حلال ضان او دجاج وكانت هذه واحدة من اكثر مشاكلهم تعقيدا عشان عاملين فيها مسلمين متشددين وقد قرروا ان يستفتوا فيها احد علماء الدين ولكنهم لم يستطيعوا افهام ادارة السجن باللغة التي يتحدثون! الا ان احدهم صاح فيهم غاضبا: انتو يا ناس بهايم هو بعد الكتل السويناهو في خلق الله ده بقيتوا تفتشوا للحلال والحرام في اللحم السجمان ده وانتو خليتو شي في الحرام ما سويتوهو بس بقيتوا زيي بتاع رجل الدين السعودي الضحك احمد منصور مذيع الجزيرة لمن قال ليهو في البرنامج داك:
وواحدة من منغصات الحياة للسفاح البشير في سجنه الجديد ان الشيخ الترابي وعلى عصمان لا زالا طليقين ولم ياتوا بهما حتى اليوم الى السجن وهما المتورطان الاساسيان في كل هذه الجرائم ولاول مرة يعرف انه كان طرطورا ينفذ مخططات اولئك المجرمين! فاسر البشير ذات مرة الى رفيق العمر وظله عبد الرحيم وهما في داخل الحمامات العامة يستحمان حيث كان كل منهمافي داخل حمامه واطلعه انه قرر التخلص من الترابي وعلى عصمان في حال احضارهما الى السجن او في حال اتمام المدة وامد الله في ايام الجميع سيقتلهما خارج السجن باذن الله وكان عبد الرحيم يستمع الى الريس يبدو من غير تركيز كانه منهمك في شيء ما! فصاح السفاح البشير في عبد الرحيم: انت يا عبد الرحيم شايفك ساكت انت متابعني ومركز معاااااي فصاح عبد الرحيم: قلت شنو يا ريس مالو البتاع الترابي والصابونة على عصمان! فقاطعه البشير: انت جنيت يا عبد الرحيم انا اقول ليك الترابي تقول لي الصابونة....عندها بشكل هستيرى كبر وهلل عبد الرحيم ثلاث مرات بصوت عال جدااغض مضجع عدو الله (كرادتش) وانقطع الحديث الخطير بينهما لاسباب كلها عند العرب صابون!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة