|
ناس وسخ وقرف !!!!!!!!!!!!!!!!!!!!!!!!!!!!!!!!
|
(1) = زيد ده زول كويس ما شاء الله دائما بيتفقد جيرانو .. - ايوة لكن بس في كلام عنو كدة ماعارفو صح ولاكضب ..؟ = كلام زي شنو ..؟ - يعنى فى ناس بيقولو انو هو بتاع بنات وكدة ..!! (2) = غايتو عبيد ده عندو اخلاق جميلة وراقي فى تعاملو مع الناس - صح .. لكن اختو الكبيرة عندها حركات ماكويسة.. = مالها..؟ - حوامتا كتيرة ومرة مرة فى عربات كدة بتجيبهابالليل ..!! (3) = عليك الله شوف زيد ده مشرفنا فى المحافل الدولية كيف .. ياخى حاجة تشرف البلدوالله -ايوه والله .. سبحان الله بلاهى تذكر لمن كان زول مقطع ساى وبيشحت فى حق المواصلات ..حتى كان فى كلام عن واحدة من خالاتو و..و,,, (4) = تابعت الحلقة بتاعت عبيد فى التلفزيون ..طرح أفكار جميلة فى قضية تلوث المياه .. تابعتها ..؟ - ياخى عبيد شنو انا اتابعو ياخى ..اتابع لى زول ما شادى حيلو ..؟ (5) وهكذا.... نماذج لعقول منحطة مناط بيها مهمة تثقيف وتوعية المجتمع نفوس مريضة فى وسط الناس مسمنو بالوسط الصفوى والنخبوى همها كلها من الصباح للمساء تفصيل ملابس القبح لكل البشر بلا استثناء مستحيل تجيب سيرة زول بالخير قدامهم وتنهى السيرة بالخير ذاتو مستحيل تسأل واحد فيهم من زول يوريك الجانب الطيب والمشرق فى حياتو مستحيل تقيف معاهم خمسة دقائق وماتسمع قطيعة ونميمة فى زول غائب الواحد فيهم بيكتئب لمن يسمع أويشوف فعل كويس صادر من زول كويس
همهم كلو انهم يفتشو عيوبك وعوراتك .. ولمن مايلقو فيك عيوب وعورات بيفتشو فى عيوب وعورات اللى حوالينك امك اختك عمتك جيرانك ولمن مايلقو اى فرقة .. يصنعوها ويوزعوها بيناتهم منتدياتهم عامرة ب : فلانة طلقوها ..فلان قبضو ناس النظام العام .. فلانة حملت ..ده بتاع كدة .. وللاسف فارضين نفسهم فى اوساط سياسية واعلامية وثقافية وغيرها وهم المفروض يكونو فى دوائر المومسات ليس الا .. واحتمال المومسات ذاتهم عندهم شوية اخلاق احسن منهم ..
___________ تكون قاعد فى امان الله يقوم واحد ارعن يدق ليك تلفون ويسألك بكل بلاهة وقلة أدب : صحى استاذ هناى طلق زوجتو ..؟ عليك الله ارعن زى ده مابيخليك تكره اليوم اللماك معاهو في المهنة والحياة ..؟ انا مالي ومال زوجتو ..يطلقها ولايعرسا.. حريق فيك وفي أخلاقك ياخى
معليش على الاسلوب ده ياجماعة البلاوى دى بجد مقرفة
|
|
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: الطاهر ساتي)
|
أستاذنا الطاهر ساتي سلامات كان ذاك منكم و منا هذا إليكم
سمعتة النكتة بتاعت المغترب الجا قال لي فِردو عايز يعرِّس قالوا ليهو يا زول ويييييييييييين البنات كلهم ماااااااااااااااا!!!! - و طيب أعمل شنو و ألقى واحدة بت ناس وين؟ - يا عمك نحن نعمل ليك حفلة و إنت تشوف البتعجبك لو كويسة بنجي نبشِّر ليك ولو ما كويسة بنقول ليك وروروك. - خلاص يا فِرد. عملوا الحفلة و صاحبنا أي واحدة يقبل عليها يشبكوهو ليك وروروك بت الجيران وروروك زميلتو الكانت معاهو في الجامعة وروروك بت الشارع البي ورا وروروك بت الشارع البي فدام وروروك بت الحلة التانية وروروك . صاحبنا زهج و قرف و قفلت معاهو قال ينسى ، قبّل علي أختو شقيقتو قال ياخد ليهو معاها رقصة رقصتين و يبقى متخارج بالله بس اتلفت عليها لفتة بس الجماعة كلهم و في صوت واحد شبكوهو ليك وروروووووووووووووووووووووووووووووووووووووووووووووووووك.
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: هشام هباني)
|
هلا ابوأحمد.. كيفك والاسرة الكريمة
Quote: اعتقد ان حالة القرف فاتت الحد |
بالضبط كدة .. ونسأل الله الصبر ..
Quote: واليك ابلغ ما وصفه هذا الشاب الفنان لاحوال البلاد والعباد |
بالمناسبة الشاب ده كان بدأ كويس مع مجموعة بعد شوية فرز عيشتو وجاب ليهو أغانى كلها قنابل وكلاشات ومسدسات ..!! يعنى ممكن نقول اضاف اضافة ثرة فى بحر الانحطاط البلا قيف ده
غايتو الله يكون فى العون
وتحياتى
ياخى بسأل من اخونا محمد عبدالله هارون الزول مالو مختفي ..؟ ان شاء الله بى عافية تحياتى ليهو
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: الطاهر ساتي)
|
باللة منو الجهجه افكارك دا........
ياهو اخونا داك مافي غيرو....
يازول يجازي محنك ....مالك ومال الموضوع دة انت عارفو بوديك وين
والبوديك تهبش في خصوصيات الناس شنو ومالقيت غير الطاهر تسالوا...
يا ناس ماتخليكم في حالكم.......
غايتو نصحية مني ليك ماتدخل البوست دا ....الطاهر قامت عليهو الحالة
لو شافك هنا اللة يحلك غايتو
المؤسف الحاجات دي اصبحت جزء من السلوك اليومي عند بعض السودانين
واينما تجد مجتمع سوداني تجد الوسخ والقرف دا الا من رحم ربي
قاعدين في سويسرا سنوات مافي يوم بالغلط يساْلك سويسري من فلانة ديك ولافلان داك الا السودانين
هنا الشعب متحضر ويعرف جيدا معني الحياة وكيف تتصالح مع نفسك وهمومك بعيدا عن الاهتمامات الشخصية للاخرين
الواحد منهم يقدم ليك اعتداز ورجاء لو ممكن يساْْل سؤال مايسبب احراج او يجرح مشاعرك... السوداني يجيك خاشي توووووووش وفي ناس دي هوايتم يقول ليك الشمار شنو..شمار في عينك
داير يعرف تفاصيل التفاصيل
يحكها معاك لمن تجيب الدم عايز يعرف اي حاجة... حقيقة ناس وعالم وهم
في السودان سيد الدكان وسيد اللبن وبتاع البايركس بكون عارف تفاصيل ناس بيتكم اكتر منك
دي حالة ياخي....عشان كدة حانكون متاخرين الي يوم الدين
وحقيقة العقول الصفيرة تناقش الاشخاص والعقول الكبيرة هي التي تناقش الافكار
غايتو حالة صعبة ياخي
...............
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: خدر)
|
والله يا الطاهر ليك حق في كلامك دا ..!
والمشكلة إنو الحكاية دي منتشرة في جميع الاوساط والكيانات بدون أي إستثناء .. ، حتى في أوساط المثقفين والمتعلمين والرياضيين والصحفيين والسياسيين والفنانين !!
بإختصار في كل تكوينات المجتمع ..!!
بدون أي إستثناء ..!!
النجاح في المجتمع دا ما نجاح شهادات او مهنية أو مكانةأو (كورييور) ..
النجاح هو النجاح في تخطي ألسنة المجتمع الحواليك حتى ولو كنت وأسرتك مثل صحن صيني الزعيم الازهري (لا شق لا طق) !!
ودي صراحة دايرا ليها زول نبي في زماننا دا .. مش بشر بي إمكانيات عادية ..!!
تسلم يا الطاهر أخوي ...!!
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: خدر)
|
والله ياطارق كلامى الفوق داك كلو جمعتو فى تعبيرك ده
Quote: بعض الناس يا ساتي يرون نجاحهم في تقليل شأن الاخرين |
وطبعا دى حيلة بيلجأ ليها الفاقد الثقة في نفسو .. عديم المروة البينسى او بيتناسى انو هو ذاتو عندو عرض المفروض يحافظ عليهو .. وخيبتو وخيابتو دايرة شأن الأخرين يكون زيها .. وهو بيفتكر خيبتو دى نجاح .. عمى بصيرة ما اكتر من كدة
تحياتنا ياخدر .. وربنايديك وأسرتك الصحة والسعادة
بالمناسبة دى .. سألت منك ود خال معاكم طلع بيعرفك بيغنى نوبي ( اسمو حسن نورى .. ملقب بحسن هولندا ) مرة مرة كدة بيظهر هارمونى .. الزول ده ود خالى .. ابقى عليهو عشرة
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: ايهاب اسماعيل)
|
هوبا كيفك .. وان شاء الله طيب
Quote: هنا الشعب متحضر ويعرف جيدا معني الحياة وكيف تتصالح مع نفسك وهمومك بعيدا عن الاهتمامات الشخصية للاخرين الواحد منهم يقدم ليك اعتداز ورجاء لو ممكن يساْْل سؤال مايسبب احراج او يجرح مشاعرك... |
والله ده البنتمناهو لمجتمعنا.. أو على الأقل للمجتمع الاسمو مجتمع الوعى .. شايف الطموح بيتقزم كيف ..؟؟؟
تسلم ياعزيز وتحياتنا للاخوة الطيبين ماتنسى دكتور على وميلاد وشمت وفيصل وودجبر الله
غايتو انتو فى نعمة لاقالو لا قلنا ..
سلام ومحبة
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: الطاهر ساتي)
|
سلام قول من رب رحيم العزيز ساتي مساك الله بالخير
Quote: = عليك الله شوف زيد ده مشرفنا فى المحافل الدولية كيف .. ياخى حاجة تشرف البلدوالله -ايوه والله .. سبحان الله بلاهى تذكر لمن كان زول مقطع ساى وبيشحت فى حق المواصلات ..حتى كان فى كلام عن واحدة من خالاتو و..و,,,
|
Quote: بالمناسبة الشاب ده كان بدأ كويس مع مجموعة بعد شوية فرز عيشتو وجاب ليهو أغانى كلها قنابل وكلاشات ومسدسات ..!! يعنى ممكن نقول اضاف اضافة ثرة فى بحر الانحطاط البلا قيف ده
|
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: الطاهر ساتي)
|
(وللاسف فارضين نفسهم فى اوساط سياسية واعلامية وثقافية وغيرها وهم المفروض يكونو فى دوائر المومسات ليس الا .. واحتمال المومسات ذاتهم عندهم شوية اخلاق احسن منهم ..)
استاذنا الطاهر ساتى لك اطيب التحايا وأضعافها للأسرة الكريمة . ما أوردته أعلاه هو الواقع المؤلم , المومسات قد تجد لهن العذر فى مسلكهن الذى قد يكون بسبب الجهل او العوز , أما اخوان فاطمة ان جازت الصفة فما عذرهم فى الذى يفعلونه , يقينى أن هناك موجة من سوء الخلق تجتاح مجتمعنا , ولا سبيل للفكاك منها , طالما مثل هؤلاء الرمم يجدون من يصفق لهم ويبجلهم وللأسف هم الذين يتقدمون الصفوف ودائما صوتهم هو الأعلى , ان كانوا يجدون الردع الاجتماعى اللازم بالمواجهة والاقصاء , لما تطاولوا ولانحسرت هذه الظاهرة القبيحة .
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: الطاهر ساتي)
|
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: المسافر)
|
الطاهر
صباح
ايام الديموقراطية قالو لقائد لاحد ضباط هيئة الاركان
ياخي ما تقلب الحكومة من الصادق المهدي دها القصة ما قدر عليها والبلد بقت فوضي
قام قال ليهم اقلب الحكومة (عشان اطلعوا حق الابتدائي )
this sudan
يا صديقي
عشان كدة لازم الزول يكون مركب (اضان جلد)
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: هشام كمال)
|
الطاهر...
وزد على ذلك (الحسد والغيرة المنفلتة والغِل) الذي يغلّف علاقات المبدعين من فنانيين وشعراء وملحنين ولاعبين وغيرهم!
ثم تعال للمعضلة الكبيرة: شتم الفنانيين الذين شكلوا وجداننا، بالرغم من ظروف السودان، تأتي بجرة قلم، بعد أن صرت كاتبا مهما بمنتدى ما، بلعن سنسفيل هذا الفنان او المبدع، دونما دراية بالنقد الذي لا يؤتى الا من خلال الدراسة والمعرفة!
هل رأيت مصريا واحدا يا الطاهر يشتم في أم كلثوم أو حافظ أو حتى ألسح ألدح أمبو؟! نحن نشتم ونتداول أمورا خاطئة أطلقها مجموعة أو شلة تستأنس بلفافة بنقو على ضفة النيل، ثم يركب ذلك الأمر في الشخص المسكين والذي يكون بعيدا عن تلك الصفة الذميمة!
تقابلتُ مع باحث سوداني كبير هنا بالدوحة يكتب في بحث ضخم عن (عيوب الشخصية السودانية) وقد رجوته ان يطلعني على البحث الذي سيخرج في شكل كتاب، فوعدني خيرا...
ثم تعال للزول اللي ببيع الناس بمجرد ما يسافروا ولا يتصل به إلكترونيا ولا بطيخ، زول منتهي إسمو الطاهر وليد ساتي؟؟
لذلك فليس في الأمر عجب وتسلم قريبي الجميل الرائع الطاهر ود ساتي!
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: عبدالأله زمراوي)
|
أخ/الطاهر ساتى.السلام عليكم
فى الفترة ألآخيرة حصلت تغيرات فى المحيط ألآجتماعى تحير...من ضمنها ما تفضلت وذكرت. كانت هذه الظاهرة محصورة بين النساء أوما شابهم من الرجال..ولكن ألآن حدث ولا حرج بقوا يشربوا بهذا النوع من الحديث الشيشة والقهوة وجلسات الونسة..كل هذا راجع للخواء الفكرى..
لو وظفنا وقتنا للعمل والمنتديات المفيدة وتغير نوع الحراك ألآجتماعى..سنتغير كثيرآ للأحسن..
فعلا كما تفضلت ديل ناس يعكروا عليك صباحك........................مودتى..إسماعيل محمد احمد عباس...
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: عبدالأله زمراوي)
|
أستاذنا الطاهر ساتى،
شكلك مليان للاخر،،،
لكن الجديد شنو؟؟ إحنا، و للاسف ماشين من سئ إلى أسوأ،،
حتى الأخلاق الكانت ملفتة فى السودانيينـ أنحدرت و تدهورت.....
لا بقى فى زول بحترم الأكبر منه، و لا بقى فى أخلاق طريق،، (إلا من رحم ربى...)، و الأغرب الحسادة و الحقد المتغلغل فى النفوس،،،،، والموضوع بايظ،،
جات على القطيعة و النميمة؟؟؟
أنا بس المحيرنى، القطيعة و النميمة ديل، كانو مهارات نسائية بحتة،،
شنو الخلى الرجال ( مع إحترامى للمحترمين منهم)، يتفوقوا عليهن، و يثبتوا جدارتهم؟؟؟؟؟
تصدق دة مفروض يكون مشروع بحث إجتماعى هام جدا!!!!
غايتو، إنا لله!!!!
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: Hala Hassan)
|
طـــق خاااص
الوريف الطاهر ساتي / تحية الود والاحترام
- أجيك وتجاوبني ( رائحة التبغ) وصوت المروحة في المكتب ..اظنك تكتب
هل مازلت تظن بان هناك ما يستحق الكتابة ؟؟؟
هل ما زلت تعتقد بان هناك ما يساوي ثمن لفافة التبغ ؟؟
الوطن اصبح ليس فيه من تدير له ظهرك ...
انسب شيء هو ان تدير للوطن ظهرك ...
انا بصدد ذلك
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: خالد ماسا)
|
يا طاهر يا أستاذ
زي ما قال ليك كوستا: يا هو دا السودان.
بس ما تنسـى حكاية القوسيب (gossips) دي في العالم كلو موجودة ولكنها بصورة متـفاوتة أو أقل.
بس في السودان بتتضافر عليها عوامل أخرى زي الفشل، الحقد، تصفية الحسابات الشخصية، الشماتة، العطالة. لذلك يزيد معدل هذه الممارسات والاهتمامات التي تنال من الحياة الشخصية.
يا أخي نحن أكبر مجتمع يتطفل على حياة الآخر وبدون حياء وبدون وازع.
الكل يفعل ذلك. الكل يـتـجاوز حاجز احترام الخصوصية. غايتو، يا حليل زمن (أنا في شخصك بحترم أشخاص).
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: wadalzain)
|
Quote: همهم كلو انهم يفتشو عيوبك وعوراتك .. ولمن مايلقو فيك عيوب وعورات بيفتشو فى عيوب وعورات اللى حوالينك امك اختك عمتك جيرانك ولمن مايلقو اى فرقة .. يصنعوها ويوزعوها بيناتهم |
سلامات يا الطاهر
اعرف كثير من النساء لهم افكار نيرة ممكن تخدم انسانيا. ولكن يعشن في الظل لا لعيب فيهن او بيتهم زجاجي او عودهم مشقوق.. فقط لانهن لا يردن ان يكن في الحياة العامة البتجيب الكلام الكذب والافك والعود البتعمل ليه شق من مافيش عشان يقول طق قاصرات انفسهن على عوارفهن.. حفاظا على سمعة زجاجية في مجتمع يعج بالذكور المرضى والنساء الحاقدات في هذا البورد مكنات تصنع وتروج الاكاذيب وتجرح السمع فقط لمرض في نفسهم هذا المرض يبرر بان الاخر كوز او جلابي او او على حسب الاخر المريض.. وباسم النضال بتتهبش اعراض الناس مع تشجيع الناس هنا,, او الصمت حين لا يحسن الصمت. الصمت بالخلي الزول شيطان اخرس..
استخدمت البوردات هذه لتشويه الناجحين والتقليل من شأنهم بالجد ناس وسخ وقرف.. لا ينتهون الى بمحاربتهم بفضح اكاذيبهم اول باول.. بالقانون..
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: د.نجاة محمود)
|
هتك عرض ! التعساء الساذجون مازالوا يثرثرون يلوكون الشرفْ علكة سمْ سيرةَ دمْ يخوضون متاهاتِ الأخاديد يرسمون مثلثات التحريم المشؤومة يوزوعون بطاقات التجريم الموسومة الواهمون ألا يدرون كم عذريةً نفقدُ كل يوم !! حين أن تضطَّر طفلةٌ فتبلل رداء براءتها بدموعِ التماسيح تتمتمُ بالتسابيح تخرقُ أعماقكَ بتلك النظرة فتُخرجُ من جعبتكَ أتفه عملة ينفضُّ غشاء بكارةِ وردةْ تنبتُ حبة مسلسلُ غشِّ بدأ الآن .. سناء آثمة سماءٌ غائمة تنذر باللعنات آذانٌ مرفوعة ألسنةٌ لا تصمتْ إلا في حضرة ذاك المشهد عجوز منبوذة في ركن الملجأ فاتنة تصلب في ساحة معبد شرفا يُسلبْ عرضا يُهتكْ نفس النص ذات "الطق " الجنس الشبق الكبت حرارةُ نبضْ يطن ذبابْ العوزُ البؤس صوت خافت من قال إن القاع ملاذ الفقر !! وأذاع بأن السُّكرَ ..جرعة خمر !! من ظن أن العهر مومس ترضع بغلاً يقذف في أحشائها الماءَ الآسن "الشرف الشرف" "العرض العرض " هتاف يائس يزيد الضوء الساقط فوق الصورة عتمة فتصبحُ أزمة أزمة شرف حالة قرف نلف ندور لذات السرد عزيز زل زوجة تقد قميص السْتر تطلقُ زفرة كُشف السر ذاتُ الفكرة فقط يتخلف النص
أستاذ الطاهر
سلامات
النص أعلاه ليس بمثابة فرض نص ...لكن لقيتنا بنتكلم عن نفس الموضوع بطرق مختلفة .
تحياتي
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: داليا حافظ)
|
استاذنا الطاهر سلام
فعلا هي العقليه التي لايكتمل عندها شئ ,,,
ودائما ما تنظر للنجاح بريبه وشك كبيرين ,,,
فماذا لو كان فلان ذلك الرجل الناجح هو نتاج تربية والدته التي كانت عصاميه رفضت الزواج بعد وفاة زوجها ,,,,
فلم دائما نكمل حكاوينا بما ينقص من قدر الانسان ,,,,
ولماذا دائما تاريخ الانسان الناصع البياض لا ينظر اليه الا من وراء الشك والريبه ,,,
هكذا نحن السودانيين عندما نريد ان نثني علي احد نشتمه ,,,,
موضوع يستحق دراسة من كليات الاجتماع ,,,
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: khaleel)
|
العزيز /الطاهر ساتي ،،،بوست رائع
دا بقى حال السودان ومجتمعه بصفة عامة خاصة في
الاندية
لمات الكتشينة والضمنة
التمارين الجماعية في الحلة إلا الانفرادية منها(تتمرن مع الجماعة وتجري جري)
المناسبات في الافراح والاتراح (تشيل الفاتحة وتتخارج)
وياهو دا حال المجتمع فعلا ودي عمايلو إلا القليل النادر الحالو حال نفسو والدنيا بخيرها
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: الطاهر ساتي)
|
الطاهر ساتي
تحياتي
تعرف انا دخلتا اتاوق بس لاني في زنقة امتحانات حامياني حتي اتناول
وجبة بارتياح, لكن ده في الصميم وما ممكن يتفوت.
كسودانيين عندنا عطب مستعصي في ابجديات السلوك يصل حد الماساة الدامعة
فالبيوت السودانية مافيها غرس لمفاهيم تربوية ونيرة وبوسائل تربية
مستمدة من العلم او قيم المدنية الحديثة او حتي تعاليم الاديان, الفرد
مننا بتتشكل مخيلتو وبيستمد مفاهيمه وتصوراته من مجتمع الرفاق في
مراحل الطفولة والصبا والاسرة والمدرسة امكنة خرساء مافيهم غير القمع
والعنف المشرعن ويغيب الحوار الراشد تماما وان وجد فهو لغرس العقد
والتحيز وتكريس مرجعيات متخلفة وبالية اكل عليها الدهر ولم يجد شيئا
يشربه. لذلك نحن شعب ( ثمرة فوضي) ونتطور عبر قانون الفوضي.
ولو داير قرف السودانيين وانحطاطهم الجد جد, عليك بسودانيي المهجر
خصوصا بعض بعض اولئك الذين اسعدهم قانون الصدفة وتصريف المقادير
بالعيش في الغرب المتقدم, ياخ ديل طينتهم عينة, هنا في البلد دي علي
قصر فترة اقامتي شفتا اردا انماط السلوك , تصرفات حتي ماممكن تلقاها
بسهولة داخل السودان, هنا مدلوقة علي قارعة اي علاقة تواصل سوداني.
ناس قعدت هنا عشرات السنين ولقحت تجاربها مع شعوب لديها خبرات ناضجة
وهبت عليهم رياح وعي جديد, ومع ذلك صعوبات في التعلم قد لاتوجد كل
الرتب والانواع المكونة للمملكة الحيوانية.
ونحنا هنا نشاهد ماتصنعه المجموعات المهاجرة كالاثيوبيين والاريتريين
والباكستانيين والكورييين والغانيين, هؤلاء ينظمون انفسهم علي اختلاف
منابتهم في جاليات وتعاونيات ومنظمات نشطة بهدف توفير سبل كسب العيش
لبعضهم وتحسين مستوياتهم العلمية, السودانيين خلاف هؤلاء مهما كانت
الظروف حولهم تجدهم اوفياء لرواسب التنشئة المريضة الجايين بيها من
بيئاتهم وعشائرهم, ماعندهم غير الحسد والمكاجرة والالفة الزائفة
النظرة المتعلة حتي لاصولهم وتاريخهم الذي لايقبل المغالطة.
وفي راي هنالك صفتان في السوداني لولاهما لما وجدنا امة اكثر تفاهة منا
الصفتان هما المكابرة الغليظة والاشفاق علي الذات.
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: داليا حافظ)
|
.. . . قمة القبح ان تحاول ان تستصغر الناس وأن تقلل من شأنهم او أن تتابع عثرات الاخرين وخصوصيات الغير .. أو تبحث له عن عيب فى نفسه او اسرته او بيته .. او فى حياته الخاصة ..وللاسف هذه عادة استشرت فى السودانيين بل نجدها هنا فى كل المحافل والمجتمعات الواقعية والاسفيرية بل هنا فى هذا المنبر أيضاُ ولاتقل سواء عن الواقع بل هى نسخة كربونية للواقع وهذا نوع من المرض والضعف وعدم الثقة بل الفضول المريض والأمر المؤسف يا الطاهر انو العادة ( القرف دى ) لا تجدها الا فى هذا الوطن .. لا ادرى هل مستحدثة ام اذلية ..؟؟
Quote: الوطن اصبح ليس فيه من تدير له ظهرك ... انسب شيء هو ان تدير للوطن ظهرك ... |
ماسا ايها الوريف .. ان ادرت ظهرك للوطن .. فمن يدر باله منه ..
____________
وطن الجدود نعم الوطن ولكن ......
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: Tabaldina)
|
أيوة وفلان يقول لعلان :
ياخ شفتها اليوم داك في الحفلة ؟
بت موباااااااالغة سمحة شديد وعيونها تجنن وفيها شعر ناعم وحواجب هلال بس وكمان أبوها زول طيب لكن هي بليدة ماعندها سجم رمادها وسماحتها دي ياها جواز مرورها للـ ( صحافة ، إذاعة ، تلفزيون ، وظيفة، عريس غني) وأأأأأأأي حاجة تكون كويسة وعملتها الزولة دي لازم تتبخس وتطلع زولة سماحة جمل الطين وبس !!
كرهونا البلي ياطاهر إن شاء الله نموت ذاتو ياخ !!
عاين
قصتك شنو إنت تلفونك مشغول ومابتتصل براك .. إنت ذاتك كرهتنا البلي ياخ ( وش مشندل ودسن زعلان ) !
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: Alsa7afa_30)
|
Quote: الطاهر ساتي
تحياتي
تعرف انا دخلتا اتاوق بس لاني في زنقة امتحانات حامياني حتي اتناول
وجبة بارتياح, لكن ده في الصميم وما ممكن يتفوت.
كسودانيين عندنا عطب مستعصي في ابجديات السلوك يصل حد الماساة الدامعة
فالبيوت السودانية مافيها غرس لمفاهيم تربوية ونيرة وبوسائل تربية
مستمدة من العلم او قيم المدنية الحديثة او حتي تعاليم الاديان, الفرد
مننا بتتشكل مخيلتو وبيستمد مفاهيمه وتصوراته من مجتمع الرفاق في
مراحل الطفولة والصبا والاسرة والمدرسة امكنة خرساء مافيهم غير القمع
والعنف المشرعن ويغيب الحوار الراشد تماما وان وجد فهو لغرس العقد
والتحيز وتكريس مرجعيات متخلفة وبالية اكل عليها الدهر ولم يجد شيئا
يشربه. لذلك نحن شعب ( ثمرة فوضي) ونتطور عبر قانون الفوضي.
ولو داير قرف السودانيين وانحطاطهم الجد جد, عليك بسودانيي المهجر
خصوصا بعض بعض اولئك الذين اسعدهم قانون الصدفة وتصريف المقادير
بالعيش في الغرب المتقدم, ياخ ديل طينتهم عينة, هنا في البلد دي علي
قصر فترة اقامتي شفتا اردا انماط السلوك , تصرفات حتي ماممكن تلقاها
بسهولة داخل السودان, هنا مدلوقة علي قارعة اي علاقة تواصل سوداني.
ناس قعدت هنا عشرات السنين ولقحت تجاربها مع شعوب لديها خبرات ناضجة
وهبت عليهم رياح وعي جديد, ومع ذلك صعوبات في التعلم قد لاتوجد كل
الرتب والانواع المكونة للمملكة الحيوانية.
ونحنا هنا نشاهد ماتصنعه المجموعات المهاجرة كالاثيوبيين والاريتريين
والباكستانيين والكورييين والغانيين, هؤلاء ينظمون انفسهم علي اختلاف
منابتهم في جاليات وتعاونيات ومنظمات نشطة بهدف توفير سبل كسب العيش
لبعضهم وتحسين مستوياتهم العلمية, السودانيين خلاف هؤلاء مهما كانت
الظروف حولهم تجدهم اوفياء لرواسب التنشئة المريضة الجايين بيها من
بيئاتهم وعشائرهم, ماعندهم غير الحسد والمكاجرة والالفة الزائفة
النظرة المتعلة حتي لاصولهم وتاريخهم الذي لايقبل المغالطة.
وفي راي هنالك صفتان في السوداني لولاهما لما وجدنا امة اكثر تفاهة منا
الصفتان هما المكابرة الغليظة والاشفاق علي الذات. |
مادام عارف دا كلو مالك ما صلحتا روحك؟
اسع البتعمل فيه بمطاردتي بساقط القول ليه بعرفك من وين؟ موش من الكتابة هنا؟ ليه ما بتقبل ما اكتبه كوجهة نظر مشروعة
اها يا الطاهر زيد عليها نحنا بنظر وحافظين كل حاجة لما تجي على السلوك ما بنقدر نعمل الحاجة البنظر فيها يعني كلام ساكت الواحد يجي في بوست ذي دا ينظر ويعمل ابو العريف المحلللاتي وفي بوست مجاور عامل السبعة وذمتها..
Practice What You Preach
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: Alsa7afa_30)
|
EL TAHIR,SALAAM
I THINK THE MEDIA IN GENERAL HAS HAD DIRECT AFFECT IN IN THE STATUTE QUE
SECONDLY, THE JOURNALIST ALSO THEY HAVE IMMEDIATE IF NOT DIRECT, OF THE DECLINE IN THE BEHAVIORS
IN ADDITION,THOSE WHO ENTERED OUR HOMES,PARTICULAR
THE RADIO.TV TALK SHOWS
IF THE THE JOURNALIST HAVE DONE THEIR DUTY PROPERLY, WE WILL NOT BE IN THIS BEHAVIROL CRISIS
IN CONCLUSION,WHAT THE APPROCHES WE SHOULD TAKE TO CAP OR SLOW THIS INTENSIVING BEHAVIR(S I APPEAL TO YOU IN THE MEDIA,TO DO MORE AND MORE, IT IS YOUR PRIME RESPONIBLITY TO REVEAL IT AND ADDRESS IT , WITH THE TOOLS AT YOUR DISPOSAL
YOU GUYS CAN PLAY A POSITIVR ROLE
WE ARE ALL ON BOARD ON THIS
THANKS
| |
|
|
|
|
|
|
Re: ناس وسخ وقرف !!!!!!!!!!!!!!!!!!!!!!!!!!!!!!!! (Re: ناذر محمد الخليفة)
|
الاستاذ الطاهر ساتي تحياتي
Quote: تكون قاعد فى امان الله يقوم واحد ارعن يدق ليك تلفون ويسألك بكل بلاهة وقلة أدب : صحى استاذ هناى طلق زوجتو ..؟ عليك الله ارعن زى ده مابيخليك تكره اليوم اللماك معاهو في المهنة والحياة ..؟ انا مالي ومال زوجتو ..يطلقها ولايعرسا.. حريق فيك وفي أخلاقك ياخى |
طبعا ياخي ، ما الناس بقت ما عندها موضوع.. والحياة ذاتا بقت بلا أهداف ولا قيم..عارف ياساتي من ايام كنا في الجامعة لاحظنا عمل منظم ومخطط يهدف إلى تسطيح الحياة الطلابية و تكبير كوم (الفلوترز) وإبعاد الناس عن القضايا الحقيقية عشان كدة مافي غير فلان طلق وفلانة..... ومن راغب الناس مات هما... وزي ما قالت استاذة نادية.. (أن حال دسن ملي)
| |
|
|
|
|
|
|
|