|
|
|
 Re: وبما اننى مريخابي لدى سؤال الى جمال الوالى رئيس نادى المريخ! (Re: Zomrawi Alweli)
|
| Quote: اذكر عندما نمر بسوق ام درمان كنانقصد ان نمر بقرب سيارته (السوبارو) الخضراء وهي واقفة بالقرب من عمارة محمد حسين بامدرمان حيث كان يشتغل كمال على ما اظن بمؤسسة السكر وكان لدى صديق مولع حد الجنون بكمال عبد الوهاب فحكى لي انه عندما يمر بالمحطة الوسطى ام درمان كان قبل الذهاب الى مشواره ياتي للتبرك بسيارة كمال الخضراء قرب عمارة محمد حسين وبهذه التبريكات ينقضي يومه سكر على عسل! |
ابو نضال يارشاشة
حمد لله على سلامة العودة
بالله انت بتشجع من زمن كمال عبد الوهاب,,,كمال دا السودان كله كان بشجعه
ويومها كنا نحن الذين نرسل اللاعبين لمصر واالدول العربية
السد العالى قرن شطة,,,عماد خوجلى ست دودو..النقر التاج
ديل كلهم لعبو فى الخارج,,,
ياترى ماذا حل بنا وبى شعبناحتى نشترى لاعب اقصر من دكيييين لوووووووول
,
| |
 
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: abuguta)
|
قريبي ابوقوتة
سلامات
والله مشتاقين شديد
شفت قريبك عجوز قدر شنو من زمن ناس كمال عبد الوهاب وبشارة عبد النضيف
لكن والله بسال عن دفعتي في بحرى الشعبية اللاعب عبده الشيخ الذي كان يجهجه
باكات الهلال ايما جهجهة.. وين الزول ده اختفي في ريعان شبابه وبلغوه تحياتي
فهو ايضا من اميز اللاعبين السودانيين في ذلكم الزمان النضير.
تحياتي وسلامي لام الوليدات والوليدات وكل اهلك فى الرياض وابو قوتة والخيران وود الهبيل
ودار الاسد وكل سكان الاراك!
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: nazar hussien)
|
اللخو هباني
عندي معلومات مؤكدة انو القروش دي حقت جمال الوالي براهو وما حقت أي شيطان تاني ..
اوع تجي تقول لي المعلومات دي شنو عشان ما أقول ليك جيب دليلك انو القروش دي منهوبة منك بوصفك شعب سوداني بطل
وما عندي إستعداد عشان أقرأ وأفهم اي إستنتاجات ومكياجات كلامية
البعرفوا أنا 1+1 = 2
يعني القروش دي منهوبة من فلان وفلان يوم كدا شهر كدا ودا الدليل .
غير كدا بعتبر كلامك دا تنظير ساي يا خوي .
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: طلحة عبدالله)
|
طلحه
سلام
Quote: عندي معلومات مؤكدة انو القروش دي حقت جمال الوالي براهو وما حقت أي شيطان تاني ..
اوع تجي تقول لي المعلومات دي شنو عشان ما أقول ليك جيب دليلك انو القروش دي منهوبة منك بوصفك شعب سوداني بطل
وما عندي إستعداد عشان أقرأ وأفهم اي إستنتاجات ومكياجات كلامية
البعرفوا أنا 1+1 = 2
يعني القروش دي منهوبة من فلان وفلان يوم كدا شهر كدا ودا الدليل .
غير كدا بعتبر كلامك دا تنظير ساي يا خوي . |
اييييييييييييييييييييييييييييوه
هو ده الكلام والا فلا.....!!!
يعني الكلام مايبقي فطير ساااااكت
سامع ياحضرة الناظر.
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: هشام هباني)
|
الاخ هباني
لا ما بتنازل وكمان بضيف أنو الوالي ما أشتري وراغو براهو بي قروشو
أشتري غيرو كلاتشي ولاسانا وقبل كدا هيثم طمبل وإيداهور وغيرهم
وشال استاد المريخ القديم كلو نزلو في الواطة وبني محلو واحد يعد حاليا من اجمل الاستادات في الوطن العربي وأفريقيا
دا كلو عملو من قروشو ولو عندك كلام غير دا قولو يا حبيب وزي ما قلت ليك فوق .
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: طلحة عبدالله)
|
طلحة اخووي
ممكن تعدد لينا شركات جمال الوالى الخاصة وبقية مصادر دخله
الذي فاق دخول اثرياء السودان القديم العفيفين النظيفين ومن اسمائهم ال الشيخ مصطفي الامين وال ابو العلا وال النفيدى وال داؤود عبد اللطيف وال ابراهيم مالك وال دكتور خليل عثمان وكثر نعرفهم من راسمالية الوطن النظيفة العفيفة التي بنت ثراءها بالحلال وفي ظروف وطنية عادلة
وهل لديك اي براءة ذمة من ديوان المراجع العام تثبت انه تم مراجعة اعمال جمال الوالى؟!
فالرجل الى وقت قريب موظف بجمعية الدعوة الاسلامية وموظف لدى السيد صلاح ادريس
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: هشام هباني)
|
هبانيQuote: ممكن تعدد لينا شركات جمال الوالى الخاصة وبقية مصادر دخله
الذي فاق دخول اثرياء السودان القديم العفيفين النظيفين ومن اسمائهم ال الشيخ مصطفي الامين وال ابو العلا وال النفيدى وال داؤود عبد اللطيف وال ابراهيم مالك وال دكتور خليل عثمان وكثر نعرفهم من راسمالية الوطن النظيفة العفيفة التي بنت ثراءها بالحلال وفي ظروف وطنية عادلة
|
قلت ليك الانشاء والاستنتاجات والمكياجات الكلامية والمقارنات الموحية دي كلها ما بتخارج معاي كزول عايز دليل ملموس علي الاتهامات الصريحة الواضحة التى تبرعت بها هنا .
غير كدا ياخوي كلامك بندق في بحر .
وفي رواية اخري حقد ساي
Quote: وهل لديك اي براءة ذمة من ديوان المراجع العام تثبت انه تم مراجعة اعمال جمال الوالى؟!
|
لما تجيب انت أسانيدك وبيناتك الواضحة علي إدعاءاتك بجيب ليك انا كمان ادلتي .
واللا عايز انت تتهم كدا ساي في الصقيعة وفي نفس الوقت تطالب الناس بالادلة علي دفوعاتم ..؟
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: nazar hussien)
|
المر ونزار واسامة
سلامات
الكرة في بلادنا التعيسة مثل الدين تم استغلالها ايضا لاول مرة
بجلب المتنفذين اليها لالهائنا وتخديرنا والانفاق عليها من مال
الشعب المنهوب... وهاهو الوالي خريج اواخر الثمانينيات وما عرف
بانه من رجال المال والاعمال الا قبل ثلاثة او اربعة اوعوام في زمن الغيبوبة
وفي سابقةلم تقع ابدا في تاريخ الرياضة ان يشترى رئيس ناد لاعبا بهذا المبلغ
المهول من حسابه الخاص في بلد من افقر بلدان الدنيا وللاسف يتنطع حكامها الظلمة الفاسدون
انهم يمثلون القيم الاسلامية وشعبهم 95% منه تحت خط الفقر.
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: هشام هباني)
|
وبالطبع من شدة حبكم للمريخ وربما اكثر من حبكم للسودان نسيتم ان تسالوا هذا السؤال
البديهي من اين للشاب جمال الوالى هذا الرقم الضخم من المال لشراء
لاعب يهديه الى فريقه..بضعة ملايين من الدولارات.. وهنا بالفعل نجحت الرياضة كمخدر
ان تحجب ضمائر الناس عن قولة الحق مثلما نجح استخدام الدين لاجل السياسة في السودان
عندما ابتذل وعهرت شعاراته بشكل بشع راح ضحاياها عشرات الالوف من شعبنا التعيس!
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: هشام هباني)
|
عرفت انه في هذا الزمن الاهوس ان الرياضة تمت اسلمتها في السودان من حيث مواقيتها
ومن حيث زي اللعيبة لستر العورة اي ان يرتدى اللاهب سروالا تحت الركبة
ولكن السؤال الاهم من يستر عورة الاخلاق عندما تسقط.. كيف سيستر الوالى عورة
رزق مشبوه اكتسبه بالولاء لعصبة مجرمة وليس عبر المنافسة الشريفة في سياق دولة عادلة
وبالتالي فهو رزق حرام واموال باطل وللاسف ينفقونها في غير سبيل الله كما يزايدون
اليس من الاولى ان تنفق هذه الملايين على عباد الله الفقراء المجوعين المشردين المقهورين
المفقرين حتى اضطروا للسقوط بسبب الوالى وزمرته الظالمة الفاسدة المجرمة الملطخة اياديها
بدماء الاف من شعبنا التعيس!
فعورة الجسد سهل سترها بغطاء ولكن كيف يستر الفاسد عورته اي عورة اخلاقه ( الناس في العروض
ما بقيسوها بتيبانها........................
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: هشام هباني)
|
موتى و... يهتفون بحياة وارغو ..!!
** كالعيس في البيداء يقتلها الظمأ والماء فوق ظهورها محمول ..هكذا وثق لسان العرب أبلغ الوصف للناس في الحياة .. يصلح وصفا لكل زمان ومكان ، ولكل حال يقتله البؤس واليأس رغم توفر عوامل الفرح والأمل لا فوق ظهره فحسب ، بل تحت قدميه أيضا ..وكأن الشاعر يومئذ وصف مستقبلا سيكون فيه وطن كل شئ فيه يحتضر بداء الغباء واللامبالاة ، رغم أن دواء الذكاء أقرب اليه من حبل الوريد ..!!
** بالله عليكم ، هل الأفضل لنادي المريخ حاضرا ومستقبلا أن يدفع جمال الوالي تلك الملايين من الدولارات ثمنا لبناء فريق من الأشبال ينشأ على حب النادي والإنتماء الصادق اليه ، الى أن يقوى عوده ويصعد ويواصل العطاء ، أم الأفضل أن يدفعها عدا نقدا لوارغو القادم من بلد و ناد لا يختلفان عن المريخ وبلده إلا بمقدار ذكاء يتقن تخطيط خارطتهما الرياضية ، وإرادة تجيد تنفيذ تلك الخارطة ..؟؟
** ثم ، أليس مستفزا بالله عليكم ، للضمير الإنساني والوازع الأخلاقي ، أينما وجدا ، بأن يموت بعض أهل السودان جوعا في الجنوب ، مرضا فى الشمال ، فقرا في الشرق ونزوحا في الغرب ، في زمان ، بل في لحظة تهطل فيها خزائن رأسمالية سودانية ملايين الدولارات تحت سمع وبصر وكالات وفضائيات العرب والعجم على رأس لاعب نيجيري لايحمل عصا موسى لرياضة السودان ووكيل يجلس بجانبه بلا مصباح سحري ..؟..أليس معيبا أن نظهر للعالم ب : لسنا فقراء ، بيد أننا طبقات يسحق بعضها بعضا ، بقلب ..« كامل القسوة » ..؟
** دع عنك بؤساء البلد في أركان البلد الاربعة ، دعهم فى وادٍ روح الرياضة السودانية لم ولن تشاطرهم أحزانهم وآهاتهم ولو بمباراة داخلية لفريق ما يذهب ريعها لطفل في معسكر كلمة يقتات لبن منظمة غربية تنظم ليلة طرب في بلدها لإنقاذ حياة ذاك الطفل أو آخر في الطينة ، دع عنك عملا كهذا لم ولن تحدث بها روح الرياضة السودانية نفسها ولو إمتلأت مساطب ملاعبها بجثامين فقر وفقراء أهل الأرض ، لأن الهم الإنساني أو الغم الوطني لم ولن يجد طريقا بعد لضمائر رياضية ما هي إلا بقايا ضمير الدولة الأموية التي كانت تهدى الغرباء سيوفا من ذهب تخصم قيمتها من حياة رعية تقتات من ..« بيت النمل » ..!!
** فلتكن كلمة الإحتراف غطاءً لمايحدث ، ولكن تلك كلمة يراد بها باطلا حين تحدق في قمتي الكرة السودانية على أرض الملعب وتجد نصف هذه من دول سيكافا ونصف تلك من دول الساحل والصحراء ، حتى كاد مجرد رؤية لاعب وطني بينهم يتطلب من الجمهور استجلاب مجاهر.. كيف يتذوق الوالي وجماهيره أوالأرباب وقاعدته طعم انتصار تحققه عقول وسيقان منتخب الاتحاد الإفريقي فى مباراة سودانية والسوداني فيها مجرد مشاهد جالس على المدرج أو فوق تلك « الكنبة » ..؟..هل هكذا الإحتراف في أندية العرب والأفارقة التي تخرج الهلال والمريخ من أية منافسة بكأس الحزن و..« التبريرات الفطيرة ». ..؟..هل نصف الأهلى المصري من نيجيريا وجاراتها أم نصف النجم الساحلى من العراق وأخريات ..؟..اللاعب الاجنبي في أندية أي دولة رياضتها ذات وعي وسيلة لتحقيق غاية تطوير اللاعب الوطنى ، ولكن هنا ، حيث كل يسبح عكس تيار الوعي ، صار اللاعب الأجنبي هو ..« الغاية » ..!!
** كل هذا العبث ، مرده أن مقاليد السلطة الرياضية ذهبت فى غفلة زمان لذوي الخيال الضيق الذين يبتهجون لعقد إحتراف هم يمثلون فيه الطرف الشاري لوارغو النيجيري ، ويتجاهلون أو يجهلون كيفية التخطيط الاستراتيجي لتحويل شكل ومضمون ذاك العقد بحيث هم يمثلون فيه الطرف البائع للعجب السوداني ..وفي الجهل أوالتجاهل ..« مكمن الداء » ..!!
http://www.alsahafa.sd/Author_search.aspx?ser=%u0648%u0...1%u063a%u0648&aut=45
التعليقات
1/ سيف محمد - (السعودية) - 23/10/2008
يعنى انت زعـلان من الوالى ، طيب رايك شنو فى المدعو ( مـو محمد ابراهيم ) السودانى الحلفاوى الملط ملياردير الذى خصص جايزة خمسة مليون دولار لمدة عشرة سنوات للحكام الافارقة ومرتب سنوى بعد العشرة بمبلغ 2000 دولار مدى الحياة ، واهل حلفا يموتون من العطش والسرطانات بسبب سقوف الاسبتوس ، لو بنى مركز لابحاث السرطان او مشفى او مدرسة ، بالله عليك ماذا يستحق هذا المخلوق من اهل السودان الذين تربى معهم ودرس بجامعاتهم ومدارسهم ...... الخ .
--------------------------------------------------------------------------------
2/ طه احمد طه - - (دولة قطر ) - 23/10/2008
سيدى الكريم الاستاذ ساتى / لك التحية و الود اخى الكر يم لا يسنقم الظل و العود اعوج - لقد انتهى الوطن وعلى الوطن السلام - نعم تعقد عقود بالملا ين تعطى الجنسية و تهدر اموال اهلنا الغلا بة وتفتح ابواب الو طن باسم الا ستثمار لكل من هب و دب و تنهب خيرات الوطن فى وضح النهار - و تفتح ابواب مطتر الخر طوم لتصدير الدولارات بالشنط و التحويلات المعروفة والغير معروف - و تحرق كل ا كل المشار يع الزار عية من الجزيرة الى الشمالية و تفتح ابواب الوطن لا ستيراد التوم و الطماطم من الصين و بيروت - تهدر الملا ين و المليارات باسم النفرة الزراعية و مرة النهضة الزارعية هل كانت هناك مسائلة لا ى مسئؤل فى اى وزارة وزيرا كان ام خفير - هذا هو الو طن يطيع من بين ايدينا -و تعال شوف صقور المؤتمر الوطنى عند التحدث عن النهضة الزراعيه و الصناعية من طائرة بدون طيار و الا قمار الصناعية للتجسس -على امر يكا و الا تحاد السوفيتى - هذا هو السودا ن - نأكل مما نزرع و كا الله فى عونك وطنى الحبيب و لا حول و لا قو ة الا بالله - و حسبى الله و نعم الو كيل
--------------------------------------------------------------------------------
3/ طه احمد طه - - (دولة قطر ) - 23/10/2008
سيدى الكريم الاستاذ ساتى / لك التحية و الود اخى الكر يم لا يسنقم الظل و العود اعوج - لقد انتهى الوطن وعلى الوطن السلام - نعم تعقد عقود بالملا ين تعطى الجنسية و تهدر اموال اهلنا الغلا بة وتفتح ابواب الو طن باسم الا ستثمار لكل من هب و دب و تنهب خيرات الوطن فى وضح النهار - و تفتح ابواب مطتر الخر طوم لتصدير الدولارات بالشنط و التحويلات المعروفة والغير معروف - و تحرق كل ا كل المشار يع الزار عية من الجزيرة الى الشمالية و تفتح ابواب الوطن لا ستيراد التوم و الطماطم من الصين و بيروت - تهدر الملا ين و المليارات باسم النفرة الزراعية و مرة النهضة الزارعية هل كانت هناك مسائلة لا ى مسئؤل فى اى وزارة وزيرا كان ام خفير - هذا هو الو طن يطيع من بين ايدينا -و تعال شوف صقور المؤتمر الوطنى عند التحدث عن النهضة الزراعيه و الصناعية من طائرة بدون طيار و الا قمار الصناعية للتجسس -على امر يكا و الا تحاد السوفيتى - هذا هو السودا ن - نأكل مما نزرع و كا الله فى عونك وطنى الحبيب و لا حول و لا قو ة الا بالله - و حسبى الله و نعم الو كيل
--------------------------------------------------------------------------------
4/ majido - (sudan) - 23/10/2008
معلمون – عمال – سائقون – موظفين (وليس موظفي الحكومة الحزبيين) - هل يعقل أن أكون من أولئك المهمشون في الأرض واتقاضى أدنى المرتبات في العالم ويتم استفزازي كل يوم بأناس (الجباة - الجبايات والضرائب في كل مكان) أعطتهم الحكومة الصلاحية في أكل أموال الناس بالباطل وملء بطونهم بأكل السحت السحت والحرام وتربية أبنائهم بالحرام من عرق الناس المساكين والغلابة ، وبعد هذا وذاك أستأجر منزلاً بأغلى ايجا ر في العالم - وبعد ذلك أشتري الاحتياجات اليومية بأسعار دول الخليج وبعد ذلك أدفع رسوم التعليم -والصحة والماء - والكهرباء ....الخ - وهل يعقل أن أقوم بعمل باب وشباكين من الحديد في المنطقة الصناعية فيظهر لي رجلان كل منهما يحمل اورنيك 15 ليقولا لي نريد منك دفع ضريبة على هذا الباب وهذين الشباكين (جالسين لا عمل لهم غير استفزاز الآخرين والخطف منهم- أليس هذا حراماً (رباطين بأمر الحكومة والمحلية والوالي- هكذا يقولون)- انظروا باب حديد وشباكين حديد .. لأني عامل حسابي من الحرامية على شوية الممتلكات الموجودة بالداخل على قلتها وبساطتها .. لماذا يعمل المسئولين على دفع الناس للسرقة والتمرد وحمل السلاح .. المسئولين يحتاجون إلى من ينصحهم ويرشدهم .. ويحتاجون إلى تطهير وتنظيف ..نريد أن نعيش في بلادنا في أمن وأمان .. ايرادات البترول تذهب لمن لا يستحق ليشتري السلاح للقتل والتدمير .. بينما صاحب الحق الحقيقي المواطن الغلبان يموت كل يوم بالجبايات والضرائب !!! == .. == التخبط في إصدار القرارات هو الذي يعيق تقدم البلاد - مثلاً وزير الثروة الحيوانية أقر بتصدير إناث الأنعام وهذا يضر بالاقتصاد الوطني ومع ذلك تجد إناث الأنعام طريقها إلى الخارج لمن يدفع تحت الطاولة - الآن وزير التجارة لدية رؤية ثاقبة وأنا معه في قراره حيث أن مصر دخلت في الصناعات الغذائية وغيرها من الصناعات ولكنها لم تنتشر عالمياً لأن صناعاتها كله مخالفة للمواصفات (بها تزوير في كل شيىء) (بضاعة اسدة) ، فإذا كنتم تريدون إغراق الأسواق السودانية ببضاعة فاسدة ، ودفع مقابلها ملايين الدولارات التي يحتاج إلى المواطن المغلوب على أمره ، كذلك إمراضه بهذه الأغذية الفاسدة .. لماذا .. مجاملة سياسية على أرواح الناس الغلابة .. وهل تجامل مصر السودان فيما يخص مصلحتها .. لا نريد تنازلات بالمقابل .. (المكتوب على الجبين لا بد تراه العين) وقل لن صيبنا إلا ما كتب الله لنا .. أوقفوا هذه المجاملات التي تضر بالشعب السوداني ولا تخافوا غير الله ..
--------------------------------------------------------------------------------
5/ شاكر - (بورتسودان) - 23/10/2008
الى الأستاذ/ المحترم الطاهر ساتى لك كل ودى وتقديرى وإحترامى الخاص لشخصك الغالى العزيز بخصوص موضوع تسجيل وارغو للمريخ ما الذى يضير ذلك .. ما لكم تستنكرون هذا أن كنتم تريدون للرياضة السودانيه ان تنمو وتزدهر .. السودان بلد غنى ويوجد فيه آلاف الملياديرات ولكنهم جبناء لا يقتحمون اى مجال من مجالات الحياة .. وشكرا لحبيبنا جمال الوالى الذى أقتحم الرياضه واجتهد ومازال يجتهد لكى يطورها عن طريق فريق نادى المريخ .. أن إستنكارك استاذى الطاهر اعتقد انه فى غير محله وكم أهدرت مئتات الملياديرات فى الذين نهبوا وقتلوا ثم جاءوا الن مستشارين ووزراء ما لكم كيف تحكمون
--------------------------------------------------------------------------------
6/ ابو همام والطيب - (السعودية ) - 23/10/2008
انا مستغرب من زعل الاخوة الزعلانيين على التعاقد مع الاعب النيجيري والحسد الظاهر منهم لجمال الوالي وللهبة التي اعطاها اياه من مال المستحق في زمن الاحتراف اما بالنسبة للاهتمام بالناشئيين فهو مطلوب بس ليس على حساب الاندية ومواكبة التطور والتقدم لابد من التحرك في كل المجالات ونسال الله ان ينصلح الحال في السودان كلو ونشوف المريخ في كاس العالم للاندية
--------------------------------------------------------------------------------
7/ عصام دبلوك - (السعوديه) - 23/10/2008
خلصت مشاكل البلد ياساتي لما تقبل علي الوالي؟؟؟الرياضه سفارة وتغعل مالاتعمله السياسه واصلا نحن صحافتنا وكتابنا ياموالين بسبب او باخر يا شرفوا بيوت ال00000 ومن يومها بتخلوا عن المواضيع اللي بثيروا بيها القراء وتاني ماتسمع خبر عن الوضوع ويصبح من المحرمات فعليك الله سيب الوالي في حالوا واطلب من التماسيح والقطط السمان الي ماكلين 15مليار من البنوك الدايرة الوالي علي الاقل في الشمس وضح كل شيء ودمت
--------------------------------------------------------------------------------
8/ محمد علي - (السودان) - 23/10/2008
انت يا ساتي مالک ومال وارغو ما تشوف ليک برلمان ولا حزب تکتب فيه وبعدين الکوره دي حياتنا ولو عايز تکون محترم ابعد من المريخ
--------------------------------------------------------------------------------
9/ Haytham Mansour - (Holland) - 23/10/2008
Dear Taher Sati, That is the Sudan who say who listen It is hopeless case!!!
--------------------------------------------------------------------------------
10/ omer kamal - (Qatar) - 23/10/2008
اسمع كده حدثنا عن ميزانية البلد ال70% تذهب للامن لحراسة الذين يفسدون فى ال30% المتبقية!!!!!!!!!!
--------------------------------------------------------------------------------
11/ عادل فريد ابراهيم - (السودان ) - 23/10/2008
علي النعمه الراجل دا بقول كلام زي الفل ... يدخل عليهم بالساحق والماحق والبلا المتلاحق
--------------------------------------------------------------------------------
12/ ود دقيس - (الخرطوم) - 23/10/2008
على الاقل الوالى بفعلته دى فرح نص الشعب السودانى ياريت يكتب لينا عن الشغالين لغف من زمن حفرو ودفنو وبفرحو فى روحم وبكبرو كروشم والله العظيم نحن غير الكورة مافى حاجة بتفرحنا فى البلد دى عمرنا اتسرق قرينا ما نفع خلصنا جيش ما نفع الحاجة الوحيدة الواحد بلقى فيها نفسو هى الكورة خلينا ليكم السياسة خلو لينا كرتنا على علاتها سعيكم مشكور
--------------------------------------------------------------------------------
13/ سمير أحمد - (الهند) - 23/10/2008
الأمريكي بيل غيتس مالك ومدير عام شركة مايكروسوفت هو أغني أغنياء العالم أجمع لأكثر من 13 عاماً علي التوالي، ولكنه برغم ذلك لم يتجرد من (إنسانيته وأخلاقه) فأنشأ مؤسسة خيرية عالمية تحمل إسمه وإسم زوجته، وقدم من خلالها للعالم عامة وأفريقيا خاصة والسودان بشكل أخص الكثير من المشروعات الخيرية والعلاجية والغذائية وغيرها... هـذا الرجل القامة تخلي عن وظيفته العملاقة في الشركة العملاقة كمدير عام تنفيذي قبل شهور قليلة ليتفرغ تماماً للإعمال الخيرية... بيل غيتس أنفق ملايين الدولارات في دارفور وحدها خلال السنوات القليلة الماضية، في مشاريع خيرية غذائية وعلاجية وحفر آبار مياه شرب للمواطنين إلخ -- وذلك بتعاون وتنسيق مع المؤسسات الخيرية العالمية العاملة في دارفور....... شــكراً جزيلاً بيل غيتس، ولا عــزاء لأثريـاء السودان الجشعين..
--------------------------------------------------------------------------------
14/ سمير أحمد - (الهند) - 23/10/2008
الأمريكي بيل غيتس مالك ومدير عام شركة مايكروسوفت هو أغني أغنياء العالم أجمع لأكثر من 13 عاماً علي التوالي، ولكنه برغم ذلك لم يتجرد من (إنسانيته وأخلاقه) فأنشأ مؤسسة خيرية عالمية تحمل إسمه وإسم زوجته، وقدم من خلالها للعالم عامة وأفريقيا خاصة والسودان بشكل أخص الكثير من المشروعات الخيرية والعلاجية والغذائية وغيرها... هـذا الرجل القامة تخلي عن وظيفته العملاقة في الشركة العملاقة كمدير عام تنفيذي قبل شهور قليلة ليتفرغ تماماً للإعمال الخيرية... بيل غيتس أنفق ملايين الدولارات في دارفور وحدها خلال السنوات القليلة الماضية، في مشاريع خيرية غذائية وعلاجية وحفر آبار مياه شرب للمواطنين إلخ -- وذلك بتعاون وتنسيق مع المؤسسات الخيرية العالمية العاملة في دارفور....... شــكراً جزيلاً بيل غيتس، ولا عــزاء لأثريـاء السودان الجشعين..
--------------------------------------------------------------------------------
15/ ابوسارة - (السعودية / الرياض) - 23/10/2008
باختصار شديد جمال الوالي عمره لايتعدى 45 سنة سوالنا اي واحد في العمر من اين له بهذه الملايين ليصرفها في تسجيل لاعب ظروف فشله يحملها بين يديه مش لانه غير موهوب لا لانه حيلعب دوري تعبان صنعة شداد ويوازرة هتيفه لايقدروا على كلمة لا ، ابصم بالعشرة على فشله واصبروا شهرين وخلوا الدوري الجديد وحتشوفوا وكل الذين كتبوا يؤيدوا الصفقة عليهم بمراجعة طبيب نفسي
--------------------------------------------------------------------------------
16/ محمدالفاتح محمود احمد - (السودان) - 23/10/2008
تحياتي العزيز الطاهر ساتي اصبت الدواء للداء لا اسكت الله لك حسا وجعل قلمك للحق هالني مافعله جمال الوالي ومايفعله صلاح اديس والوسط الرياضي واتسال هل نحن مسلمين ؟ جوع ومرض وفقر ونصرف علي اللهو والترف ماذا نقول امام الله يوم الموقف العظيم نحن بذلك نزيد من المشاكل والفرقه لماذا تسلط الاضواء علي مؤتمر صحفي لجلب لاعب ونترك مشاكلنا الاساسيه والخرطوم والولايات عطشي لماذا ينطبق علينا المثل السوداني ( عريان كلو ولابس سديري) ماذا افاد ارقو وكلتشي وبالوليني ويوسف محمد والزهر وموسي عليوه وسلوي شريف وغيرهم هل اضافو علم لشبابنا ام اضافو بنيات تحتيه ام ساهمو في حل مشكله دارفو ر او وقفو بجانب البشير اللهم اهدينا واهدي صلاح ادرريس وجمال والوالي
--------------------------------------------------------------------------------
17/ تابوتى - (السودان) - 23/10/2008
هو فى كوره فى البلد عشان تفرح او تزعل ؟؟؟؟ ياجماعه عودو لصوابكم و عقلكم لو عندكم عقل لسه والافضل انو نشوف لينا رياضه تانيه غير كرة القدم لاننا فشلنا فيها فشل زريع والدليل استيراد الاعبين من الخارج واضح تماما باننا لانملك اى مقومات لهذه الرياضه سواء جينيا او بدنيا او ذهنيا ورحم الله امرء عرف قدر نفسه..
--------------------------------------------------------------------------------
18/ احمد حسن - (السعودية) - 23/10/2008
لا حولاااااااااااااااا عادل فريد شخصيا لحقتا وارغو هنا خليك في كوووورة سودانية احسن ليك
--------------------------------------------------------------------------------
19/ محمد السيد - (السودان) - 23/10/2008
يا جماعة ساتي دا رموه في السجن على البلاط في عز الشتاء 11 يوم عشان كان بدأ ينبش في الفساد. يعني هو زول ما أول مرة يقول كلام زي دا عشان تلوموه لأنو بينتقد الوالي. والزو كلامو صاح رغم احترامي للوالي الرجل المؤدب. المبلغ دا كان غير طاقم فريق المريخ بالكامل بدل الفريق العامل زي فتة البوش ما منهم فايدة. يعني بوارغو عاوزين تطلعوا من خانة الوصيف. بكرة تنكشف ليكم الحقيقة وزي كل مرة حتشوفوا لو ما الهلال يكون أكلكم الهوا. سيد البلد ياهو واحد ما في غير ما تحاولوا تبردوا غلبكم على ساتي. وبعدين محمد ابراهيم الحلفاوي جائزتو كان لأكثر رئيس أفريقي يكون راشد في حكمو عشان يرتاحو الشعب كانوا حلفاويين أو غيرهم. غلطته بس إنو ما إنتبه إنو الروساء الأفارقة بيسفسفوا من أموال الشعوب عشرات المرات مقدار جائزته المقدارها عشرة ملايين دولار.
--------------------------------------------------------------------------------
20/ د. عبد العظيم م الطيب - (ماليزيا) - 23/10/2008
السلام عليكم ورحمة الله وبركاته وبعد ابارك للاخ ابن الحركة الاسلامية البار جمال الوالي هذا الانجاز العظيم ومثل هذا الهجوم متوقع من اهل اصحاب هذه الصحيفة التي لاتعترف بانجازات قيادات الدولة الاسلامية فى شتى المجالات والف مبروك لجماهير المريخ وارجو من الاخ جمال ان يهتم بدعم وتطوير رياضة السباحة والرماية وركوب الخيل كما اوصانا بها الاسلام و جزاك الله خيرا على هذه السعادة التى غمرت بها جماهير المريخ والشعب السودانى
--------------------------------------------------------------------------------
21/ ابو السيوف - (السعوديه) - 23/10/2008
لييييييييييه الاستغراب استاذ الطاهر كبيرهم تبرع وباكثر من كده حصل ايه 0
--------------------------------------------------------------------------------
22/ أحمد عبد الباري - (السعودية) - 23/10/2008
هكذا هم اصحاب الأموال.... سمعنا أن السيد/ أسامة داؤد يبني في ملعب جولف (لأول مرة) في عاصمة الظلام والجوع الخرطوم!!..... وسمعنا وشاهدنا السيد/ مو محمد يتبرع بجائزة سنوية (للحكم الرشيد)، مقدارها 10 ملايين دولار حيث أقامها في العام المنصرم في مكتبة جامعة الاسكندرية!!! وسمعنا وقرأنا أن السيد/ محمد الفايد أوصى أن تعلق جثته بعد موته على الساعة المقامة في محلات هارودز الذي يمتلكه في لندن، لتدور مع الزمن!!! لقد قرأت كتاب (كيف تصبح مليونيرا) للملياردير الأمريكي دونالد ترمب، وهو كتاب أوصى جميع أصحاب رؤوس الأموال عندنا بقراءة ولو متقتطفات منه. هذا الرجل ذكر أنه يعلم أولاده احترام الدولار ويطبق هذا المبدأ يوميا في المنزل لكي يراه أبناءه.... ذكر أنه لابد أن يطفيء جميع اللمبات بالمنزل قبل الخروج للعمل والويل والثبور وعظائم الأمور لمن لا يتقيد بهذا المبدأ من سكان المنزل!!! رغم كل ذلك فإن الصفقة التي عقدها السيد/ جمال الوالي يجب أن تجعلنا ننظر إليها في إطارها الصحيح. فالرجل رياضي مفطور قدم الكثير للمريخ وللسودان. تحديثه لاستاد المريخ أمر لا يمكن أن ينكره إلا مكابر... ثلاثة ملايين دولار لا تساوي شيئا مقابل أن يرفرف علم السودان في المحافل الدولية!!! رغم اعترافي بهذا الصنيع إلا انني أرى لو أن السيد/ جمال قام بتشييد داخلية للطالبات تستوعب حوالي 5.000 طالبة لكان هذا العمل صدقة جارية له، خصوصا وأن معظم اخواتنا يسكن في الأحياء الشعبية وسط المواطنيين، وهو أمر كانت له انعكاساته السالبة التي لا ينكرها أحد. عموما نحن شعب جدلي، فعندما تترى علينا الهزائم نشكو من أن رجال الأعمال في البلد بخلاء ولا ينفقون على الرياضة!!! وعندما يقومون بالمطلوب ترانا نصفم بالسرف والتبذير وسؤ التدبير.... إذا كان الفرنسيون يأكلون 70 صنفا من الجبن ولا يمكن لأي حاكم إرضائهم فنحن نتبع لألوف المدارس الفكرية ولا يمكن لأي حاكم أو رجل أعمال أو مسئول إرضائنا ولو حرص.
--------------------------------------------------------------------------------
23/ دارو - (السعودية) - 23/10/2008
يا دكتور عبد العظيم م الطيب - (ماليزيا) بالامس علقت على موضوع فساد جهاز المخزون الاستراتيجى وقلت ((السلام عليكم ورحمة الله وبركاته وبعد انصحكم بالتريث قبل الحكم على المستشار والبرلمانى بالفساد و اصبروا حتى تحدد لجنة التحقيق اين ذهبت الذرة ؟ لاتسبقوا الاحداث وتصيبوا قوما بجهالة وتصبحوا على مافعلتم نادمين وللقيادة حق التصرف في اموال الدولة تصرفا مسؤولا ليس بالضرورة ان تعرفه الصحف والثغرات الامنية فى الشرق تهدد حياة مواطنى الشرق وربما سدت القيادة بقيمة الذرة واحدة من الثغرات الامنية العروفة للجميع والله اعلم فقط انصحكم بعدم اطلاق الاحكام قبل ان تتبينوا هذا حرام شرعا يا استاذ الطاهر والاخوة المعقبين حرام وغير اخلاقي رجاء لا تأكلوا لحم ولاة امركم بالباطل ولاحول ولاقوة الله بالله وحسبنا الله ونعم الوكيل من اعداء الاسلام والسودان وقيادته الرشيدة ولله المستعان )) واليوم تقول ((السلام عليكم ورحمة الله وبركاته وبعد ابارك للاخ ابن الحركة الاسلامية البار جمال الوالي هذا الانجاز العظيم ومثل هذا الهجوم متوقع من اهل اصحاب هذه الصحيفة التي لاتعترف بانجازات قيادات الدولة الاسلامية فى شتى المجالات والف مبروك لجماهير المريخ وارجو من الاخ جمال ان يهتم بدعم وتطوير رياضة السباحة والرماية وركوب الخيل كما اوصانا بها الاسلام و جزاك الله خيرا على هذه السعادة التى غمرت بها جماهير المريخ والشعب السودانى )) أرجوك أبتعد عن نصح الناس وحضهم الى مكارم الخلق والفعل .. لانك وببساطه تنطلق فى كتاباتك التى أوضحنا نماذج منها من جهة واحدة فقط هى الدفاع عن فكر ومواقف ومنتسبى حزبك اللاوطنى .. تشجب وتدين اليوم .. لان السلوك او الفعل لم يصدر من حزبك أو منتسبيه.. وفى الغد تشيد وتمدح فى نفس السلوك أو الفعل لانه صدر من حزبك أو منتسبيه .. انجازات القيادات الاسلامية قال .. أليس ذلك هو السفه نفسه .. ولا حول ولا قوة الا ابالله
--------------------------------------------------------------------------------
24/ سمير أحمد - (الهند) - 23/10/2008
الأخ الكريم الطاهر ساتي،، وصل عدد المعلقين علي مقالك اليوم لعدد كبير جداً لم يحدث من قبل علي حدِ علمي...!!! مـاذا تقـرأ خلف دهاليز هذه المعلومة؟!............ شخصياً أعتقد أن غالبية القراء في غاية الأسي والإزدراء لما يقوم به الثري جمال الوالي وآخرون كثيرون من تبزير لأموالهم الخاصة (ما قلناش حاجة وربنا يزيدهم) في غير وجوه الصرف الطبيعية والمقبولة لفهم شعب يعيش الفقر والفاقة والجهل والمرض.
--------------------------------------------------------------------------------
25/ ganara - (Usa) - 23/10/2008
my dear Tahir sati you right our leader and buniess men living out of history ITHINK WE spent all ofour time in fun and Gaml wali import for merikh poeple atoy from Nigeria and why you Tahir went far away to DARFUR yes our kids here in Omudrman near to Red castle they are daily went to their schools without breakfast money and shoes and thousands of kids their schools send back to their home because they fail to pay school fees and atoy from Nigeria welcoming in vip room in airport with press conference Tahir iwill ask one question you think we are muslim and we are truly beleive in our Messanger salah Allah alih wa wsalam.India has not football team but one younger from it invented the hotmail AND BILLGATE run to his city in India and pay him 400 million dollar.
--------------------------------------------------------------------------------
26/ احمد الطيب على - (السعوديه/ الخبر) - 23/10/2008
المحترم/ الطاهر ساتى بسال سوال بس من اين لجمال الوالى بلقروش دى مليارات من الدولارات فى اقل من عشرين سنه وياوالى ماكان اولى بيها اهلك فى الجزيره بلد المرض والجوع والفقر والبطاله الله ادينا الفى مرادنا ياكزان
--------------------------------------------------------------------------------
27/ عبد الرازق خوجلي - (السعودية) - 23/10/2008
وهل فريق المريخ فرع لمنظمة الصحة العالمية بالسودان حتى تكون من ضمن مهامه مكافحة الملاريا والدوسنتاريا في السودان ، هذه مهمة الدولة .. الرياضة تتطلب أموال لشراء أفضل اللعيبة وتحقيق أفضل النتائج ، بفضل هؤلاء المحترفين أحرز المريخ المركز الثاني في البطولة السابقة ووصل لمركز متقدم هذا العام حصيلة هاتين السنتين 600.000 دولار (300.000) دور لكل سنة ، كما نال أكثر من (500.000) جراء إحتراف أيداهور في الإمارات جملة هذه المبالغ فقط (1.100.000) دولار أي ما يقارب 3 مليار جنيه سوداني دخلت خزينة المريخ فهكذا أصبحت الرياضة تجارة وإستثمار .. فلماذا كل هذا الحسد والحقد وهل لو كان بحوذتك 1% من مبلغ تسجيل وارغو كنت ستتذكر مرضى الدوسنتاريا والملاريا شفانا وشفاهم الله ..
--------------------------------------------------------------------------------
28/ حافظ - (الفلبين) - 24/10/2008
الاخ الموقر الطاهر ساتي . نحترم طرحك لهذه الموضوعات التي يجب ان يتطرق لها كل متبصر بما حوله ولكن السؤال هل يعلم الذين يصرفون هذه الاموال هم مسؤولون عنها من اين اكتسبها وفيم انفقها ؟ مع شكري من مانيلا
--------------------------------------------------------------------------------
29/ هشام الرشيد - (السودان ) - 24/10/2008
الطاهر ساتي ان الوالي عندما استقدم وارغو انما كان استثمارا بحتا وهو سيعود عليه مرة اخري مالا وفيرا اي انه سيبيعه بمبلغ اعلي ، لذا لا يوجد اهدار للموارد هنا ، فإذا كان منطقك سليم لأظهرت احتجاجك علي شخص يستثمر ماله في مصنع ايسكريم بدلا من زراعة الفول (هذا علي سبيل المثال لا الحصر) . لا تستطيع ان تحدد لمستثمر اين يستثمر امواله وإلا كان عليك الكتابة عن الاستثمارات التي دخلت الي السودان في مجال المطاعم والفنادق وشركات الاتصالات ولكنها لم تتجه الي الزراعة .
--------------------------------------------------------------------------------
30/ فيصل - (الخرطوم) - 24/10/2008
المريخاب بقولو ده إستثمار,لكن هم ماعارفين انو بمجرد انضمام وارغو لدورينا التعبان سيفقد جزء كبير من قيمته المادية والفنية ,غايتو السنة الجاية مايجيب الا حق اقامته في في فندق السلام روتانا ,قروش وقعت واطة
--------------------------------------------------------------------------------
31/ Abdullah - (Saudi) - 25/10/2008
إنها لعنة الإنقاذ التي أصابتنا بما كسبت أيدينا أين أنت يا جان فالجان؟
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: الطاهر ساتي)
|
صديقي الطاهر الطاهر ساتي
تحياتي
كلما ارتادتني فكرة كتابة حول امر جاد وخطير في حريق الوطن اجدك ايها الوثاب الصادق قد تناولهاقلمك الشجاع قبل الجميع بوجدان المتابع اللصيق بهموم الامة معبرا عن ضميرها وامالها والامها هكذا هي الصحافة الحرة صنعة الشرفاء حينما تعبر عن ضمير الامة وليس عن هوى الحكام
وهكذا الوطن يضام بهذه الاستباحات المهولة التي ينبغي ان لاتستفز فقط الانسان بل ايضا النبات والحيوان والجماد حينما يؤول مصيره الى اللصوص والمفسدين من غلمان السلطةيستبيحون كل شيء
امام اعيننا ونحن في غيبوبة عظيمة نسلم باندهاش لاقدارنا يتلاعب بها اولئك السراق من شذاذ الافاق
والوطن بكل قياداته يعيش حالة الانهزام والانكسار وهي حالة غير مسبوقة عبر كل تاريخ السودان
لم يهان شعب من شعوبها مثل شعب الراهن الذي يعيش حضيض الانهزام والانكسار.
ولكن يظل هنالك استثناء من يراع ويراعات وهي وحدها من يعطينا امل الخلاص من هذا الظلام.
عشت
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: yasir Abdelgadir)
|
هباني
ما عندي شغلة بي تنظيرك السياسي وتعصبك الحزبي بيد أنني اعتبر السياسة ماخور نتن أربي بنفسي الخوض في قذراته
كما ولست فارسا بما يتيح لي إستخلاص النتائج من قرائن الأحوال علي نحو ما يفعل المنظراتية ..
لكنني لست ساذجا لأصدق كل ما أسمعه .
وبهذا المفهوم فكلامك أعلاه بالنسبة لي مكرور وممجوج ولا قيمة حسية له .
قلت لك 1+1= 2 هي فقط المعادلة التى أومن بها فلا تضيع وقتك ووقتي يا شيخنا
السيد جمال الوالي رئيس نادي المريخ أراه نظيفا عفيفا وصادق وعصامي أثري نفسه بنفسه ما لم يثبت العكس وبأدلة لا لبس فيها ولا غموض .
إن عدت بذات الكلام يا هباني اخوي فلا تنتظر دخولي هنا ثانية
السلام
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: طلحة عبدالله)
|
الاخ طلحة
بصفتى هلالابى
اعرف لصلاح ادريس 5 شركات ..ومستشفى تخصصى فى جدة
وكان اقتصادى مرموق فى البنك الاهلى السعودى
وملحن ل 200 اغنية ,,لووووووووول
كل العالمين بترف ان جمال الوالى مؤتمن لمال المؤتمر الوطنى
منهم من مات ومنهم من ينتظر
دحين ياخوى احسب لى 3 شركات لجمال الوالى,,,,عشان الناظر هباتى دا يتنع
ويصدقك مع انو انتو الاتنين ليكم كم 20 سنة خارج الوطن,,,
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: walid taha)
|
| Quote: وهكذا جمال الوالى لص في عين كل حصيف مرتبط بالهم العام متابع لمجريات الامور بوجدان وطني سليم وقال اهلنا في الماثورات الشعبية ( المال سوا للاضينة بال)! |
الاخ هشام
لك التحايا
من حقك التساؤل عن اموال الوالى او اى شخص ثرى
و لكنى اختلف معك فيما ذهبت اليه اعلاه
فانت انتهيت الى خلاصة ان جمال الوالى لص ... و لم تأتى بأى بيّنة او وثيقة تؤكد ذلك و هذا امر غير مقبول
لا تتهم احد باى صفة ما لم تملك لها دليلاً ...
اربأ بك اخى هشام ان تنحو هذا المنحى لانه لا يشبهك
مع فائق احتراماتى
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: KOSTA)
|
الاخ كوستا
تحياتي
اتهاماتى تنطلق من انتماء هذا الشخص لاكبر مؤسسة نهب في تاريخ السودان اي هذه العصبة الحاكمة سارقة الوطن بشعبه وارضه ومقدراته ودينه وهذه وحدها تكفى لاثبات التهمة فمن سرق وطنا تهن السرقات الصغرى عليه ولن يستقيم الظل والعود اعوج!
فهلا تتفضل علينا انت يا صديقي كوستا وانت المدافع عن هذا الرجل فقط عدد لي شركات جمال الوالى حتى نتأكد ان للرجل بالفعل شركات استثمار كبرى لها تاريخ واسم كبير في عالم الاستثمار السوداني وهي تضخ ملايين الدولارات وحينها طالبني باثبات اللصوصية فطالما لا يمتلك هذه الشركات الضخمة المعلومة فهو لص وسارق!
معزتى واحترامي
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: هشام هباني)
|
| Quote: فهلا تتفضل علينا انت يا صديقي كوستا وانت المدافع عن هذا الرجل فقط عدد لي شركات جمال الوالى حتى نتأكد ان للرجل بالفعل شركات استثمار كبرى لها تاريخ واسم كبير في عالم الاستثمار السوداني وهي تضخ ملايين الدولارات وحينها طالبني باثبات اللصوصية فطالما لا يمتلك هذه الشركات الضخمة المعلومة فهو لص وسارق! |
الاخ عشام
اولاً انا لا ادافع عن جمال الوالى او اى حد بعينه... انا اتكلم و اناقش فى مبدأ عام هو ان لا نتهم احد باى شئ طالما لا نملك دليلاً يثبت ذلك الاتهام و اعتقد ان تلك بدهية قانونية معروفة
انا هنا غير مطالب بايراد اسماء شركات او مؤسسات مالية يملكها جمال الوالى او غيره لاننى و ببساطة شديدة لم افتح موضوعاً عن ثرائه او فقره لكى اثبت مدى ثرائه او فقره او اسبابهما ... و بما انك انت من فتح باب النقاش حول هذاالموضوع فمن المنطق ان تدفع باثباتات تؤيد ما ذهبت اليه و من حقنا ان نسألك عن تلك الاثباتات لانه موضوع عام للنقاش ... اما تعميم الكلام و الاسهاب فيه فلن يثبت شيئاً بعينه سوى مساجلات عامة لن تفيد موضوع النقاش فى شئ.
هذا مع عظيم مودتى
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: KOSTA)
|
العزيز كوستا
اثباتاتي... تقول ان جمال الوالى لا يملك شركات فقط هو حاضنة مثل مئات الحاضنات لمال الشعب المنهوب
يلقي اليهم في ارصدتهم الخاصة بهذه الاموال لتوظيفها لخدمة العصبة الحاكمة....فاذا لديك اية معلومات عن شركاته
ارفدني بها لدحض زعمى واتهامي.
وهل في رايك وتقديرك ان الانسان الذي يتبرع بملايين الدولارات وهو في هذه السن وغير معلوم له اعمال تجارية ولا تاريخ تجاري وهو من المنتمين لهذه العصبة لمجرمة الفاسدة ايعقل انه اغتنى هذه الاموال بطرق مشروعة؟
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: Deng)
|
بصفتى مواطن سودانى من الفئة التى تعيش تحت خط الفقر ، وليس بصفتى هلالابياً على السكين من حقى ان اتساءل مع الأخ هشام هبانى .. من اين اتى جمال الوالى بهذه الدولارات ليبعثرها بسخاء فى تسجيل اللاعبين الأجانب وفى تشييد منشآت نادى المريخ.؟؟ فالرجل من الأسماء التى نبتت فجأة فى دنياالأعمال ، ومن الممولين للحزب الحاكم ، وله اسهم مقدرة فى بنك الثروة الحيوانية ، وشركة افراس للنقل ، وفندق السلام روتانا، وقناة الشروق الفضائية ، وغيرها من الشركات والمؤسسات الكيزانية .. هذا ومع انتمائه المعروف للمؤتمر الوطنى قبل ان يكون رئساً لنادى المريخ يجعله وثروته المريبة موضعاً للشكوك والشبهات.!! مثله مثل الكثيرين من الانتهازيين الأرزقية الذين تسلقوا وتاجروا بأسم الدين والبلد .! ومن يرى غير ذلك عليه ان يذكر تاريخ جمال الوالى التجارى ويوضح مصدر ثروته وممتلكاته ومن اين اتى بهذه الدولارات ؟؟ خاصةً وان الرجل بى تحت تحت مـرشح لمنصب والى ولاية الخرطوم.
السؤال موجه لمؤيدى حزب المؤتمر الوطنى وليس لأ خوتنا مشجعى المريخ العظيم.
| |
|
|
|
|
|
|
|
|
|
لا مصداقية (Re: هشام هباني)
|
بصفتي مشجع مريخي متعصب أكره السياسة ولا أثق باي سياسي ولا أنتمي لأي من العصابات الحزبية أقول أن التشكيك في ذمة ومصدر أموال رئيس نادي المريخ المحبوب السيد جمال الوالي والهمز واللمز والإيحاءات غير الكريمة في حقه من غير دليل واضح لا لبس فيه ولا غموض يجعلني أشكك بل وأعيد النظر في كل الأقوال والإتهامات التى تصدر من البعض في حق الآخرين واعتبرها مجرد كلام فارغ لا يستحق مجرد الإطلاع عليه.
وهذا ما لزم التنويه .
| |
|
|
|
|
|
|
|
|
|
Re: وبما اننى مريخابي لدى سؤال الى جمال الوالى رئيس نادى المريخ! (Re: هشام هباني)
|
جمال الوالي - كغيره من رجال الأعمال - له مطلق الحرية فى توظيف امواله أينما شاء ، وطالما ليس هنالك دليل من اى جهة انه سلب مال هذا او سرق مال ذاك تظل الاموال هى امواله.
جمال الوالى – و كدأب كثير من رجال الأعمال – كان يمكن ان يعمل فى الخفاء ويستثمر أمواله فى اى شئ يجلب له النفع ولا حاجة له بالمريخ او غيره ولكن الرجل آثر مصلحة المريخ التى هى من مصلحة الوطن وارى ان فى ذلك روح قومية واضحة والرياضة لا تقل عن غيرها فى تبيين مقدرات الامم .
توقف جمال الوالى عن خدمة المريخ ودعمه لن ينتشل الفقراء من فقرهم وتنحيه عن منصب رئيس نادى المريخ لن يخلق مجد او مكاسب.
دعوا الناس تعمل طالما فى مقدورهم ذلك ، من يود ان يقدم له الخيار ان يقدم أينما يرى والرجل (دق سدرو) ووقف وقفة تاريخية ، هل من الحكمة او الصواب ان نكيل له الإتهامات التى تهدم ولا تبنى فقط لأنه مدّ يده بيضاء ؟!! ألا تروا انه مردود فى غاية الإجحاف؟!
عجبى!!!!!!!!!!!!!!!
| |
|
|
|
|
|
|
|
|
 Re: وبما اننى مريخابي لدى سؤال الى جمال الوالى رئيس نادى المريخ! (Re: walid taha)
|
اعلن اعجابي الشديد بي جمال الوالي .. لحنكته واداريته فيم يخدم قريقه ..
الحاجة التانية ..
نفرض مثلا أنو جمال الوالي مؤتمر وطني .. وشال قروش من الحكومة وجا صلح بيها نادي المريخ .. هشام هباني دا بخصو شنو في الحتة دي .. أنا شخصيا كدا دفعت ضرايب لي حكومة السودان هنا دا في الرياض .. يللا معناته عندي قروش في قروش جمال الوالي دي على حسب راي المناضل الديجاتيلي الما عندو موضوع دا ..
ومن هذا المنطلق .. قروشي دي الدفعتها دي ما زي هشام هباني دا يجي يسال عنها .. إن شاء الله جمال الوالي يشتري بي حقي دا حمام ويطيرو ..
يا هلالاب .. عاينو.
لو عندكم محاسبة امشو حاسبو صلاح ادريس حقكم .. لكن كونكم وللاسف تنصبوا هشام هباني دا علشان يطول لسانو على جمال الوالي ويلعب ليهو قيم بليي استيشن كالعادة .. فدا عيب عليكم اخدوها من أخوكم هلالابي زيكم .. ولو المقصورة والاستاد الاستحدثم جمال الوالي ووارغووو .. وكلاتشي .. شدوات حيلكم الاسمنت والسيخ والنجيلة راقدات .. بتبنوا احسن منهم .. وكان للعيبة الميدان الفيصل .. خلاف كدا .. روقوا وتحلوا بي اخلاق الهلالاب الجد جد .. فالهلال مؤسسة تربوية قبلما تكون رياضية وتنافسية .. وامثال هشام القيم التربوية دي هو بعيد عنها لانو قاعد يربي ليهو في أجيال للنضال على طريقتو الشايفنها دي ..
اجدد اعجابي وتقديري لجمال الوالي ..
بعدين شنو إنتو الحركات دي .. اي واحد عندو قروش .. حقت المؤتمر الوطني .. اي زول قعد في البلد واجتهد دي قروش المؤتمر الوطني ..؟
إنت يا طكاسي .. عندك دليل .. علشان تتخارج من زنقة طلحة المسكين دا واللا تمشي تضرب ليك حاجة وتنخمد تنوم ..
جمال والي شنو البتتكلم عنو إنت في الموقع الحر في سودانيزاونلاين دوت كوم ..؟
تمبس هلالابي وامنجي وكوز .. وبيصفي في حساباتو مع هشام هباني الديجاتيلي الكضاااااب ..
| |
|
|
|
|
|
|
| |
هشام هباني
Zomrawi Alweli
abuguta
haroon diyab
Abdlaziz Eisa
اسامه خليفه
nazar hussien
Moawia Mohammed
الطاهر ساتي
KOSTA
Deng
MOHAMED EL-BEELI
tmbis
عزالدين آدم علي
فيس بوك
تويتر
انستقرام
يوتيوب
بنتيريست