يا بحر المودة .... منى خوجلى !!!!!!!!!

Quote: وهاك كمان ياالمنى .... ياسر ياخى مالك علينا برانا نقول يالله ... شوفي الزمن يا يمه ساقني بعيد خلاص در درني واتغربت واتبهدلت وريني الخلاص ساقني القدر منك بعيد لآذيا كاس جرعني كاس ***** يا يمه يا فيض الحنان الما كمل يا يمه يا بدري البشع دايماً يهل يا يمه يا نور الصباح وكتين يطل وآشيري يا زينوبة ولدك في بحور الشوق كتل محروم من الحب والمحنة وراك همل يا يمة يا بحر المودة وكتين يفيض يا يمة يا شعلة أمل زادت وميض ***** يا يمة يا عنقود كلام منظوم قصيد يا يمه يا نغماً حنين بالشوق يرن وأفكاري فيهو بيرتعن … دمعاتي شانو بينزلن بتذكر يا يمه في الدغش النسايمو يهبهبن ****** قايمي الصباح متكفلتي شايلي الحليلي علي المراح والساعة ديك يا دوب ديكنا بدأ الصياح والطير صغاروا يغردن جبتي اللبن بي انشراح ***** واتذكر يا يمه في وكت الهجير صالياك نار الدوكي عستيلنا الفطير رشيتي قلتي أكلوهو خير بتذكر يا يمه يا بسمة الطفل الغرير ***** وكت الخلوق ترقد تنوم وأسهر براي أرعي النجوم والشوق يرف جنحيهو بي فوق لي يحوم وأهتف باسمك في الخيال طيفك كمان بي فوقي جال وأتمني لو لحظات يدوم لكني فجأة ألقاهو زال ***** واتذكر يا يمه ساعة الناس يجونا من البلد ناعم ترابه علي جسيماتن رقد ريحة التمر فوق الهدوم ولون الخضار خانس لبد والشوق أوارو بيشتعل كان ظني فيهو يكون خمد بتذكرك يا يمة والناس قالوا راجعين البلد رصوا الهديمات عدلوا ركبوا اللواري وقبلوا خلونى وحيدى بلا انيس كيف إنفرادى إتحملوا شالوا السلام من عندى ليك وإن شاءالله عندك يوصلو يايمه ساعت يوصلوا ويقولو ليك شفناه فى بلد فى بلد الأمان انبسطى يا نبع الحنان وانا حالى يشهدبوا الزمان يايمه رسلى لى عفوكي ينجينى من جور الزمان

Quote: الْحبيبُ / ياسر السَّيِّد .. لكَ وللعزيزةِ / مُنى خوجلي كُلُّ التَّقديرِ والمَوَدَّة . ودامَ الصَّفاءُ الَّذي يَثْلِجُ الصُّدُورَ ويَنْشُرُ الآدابَ في الأصْقَاعِ والْبِقَاعْ . احترامي . أخوك / محمَّد زين .

Quote: انته بتتكلم عن وطن صح ولا انا غلطان

Quote: الاسبوع الفات خالي انتظرنا في كريمه لكن للأسف ما قدرنا(الليلي) نصله.. دعواتك ربنا يسهلها ونسافر نحصل باقي أهل وكل النخل..

Quote: بحر المودة

Quote: كل من يعرفها يحبها إلا من كان غير سويآ أو من مسه شيطان.....