شوفي الزمن يا يمه ساقني بعيد خلاص در درني واتغربت واتبهدلت وريني الخلاص ساقني القدر منك بعيد لآذيا كاس جرعني كاس ***** يا يمه يا فيض الحنان الما كمل يا يمه يا بدري البشع دايماً يهل يا يمه يا نور الصباح وكتين يطل وآشيري يا زينوبة ولدك في بحور الشوق كتل محروم من الحب والمحنة وراك همل يا يمة يا بحر المودة وكتين يفيض يا يمة يا شعلة أمل زادت وميض ***** يا يمة يا عنقود كلام منظوم قصيد يا يمه يا نغماً حنين بالشوق يرن وأفكاري فيهو بيرتعن … دمعاتي شانو بينزلن بتذكر يا يمه في الدغش النسايمو يهبهبن ****** قايمي الصباح متكفلتي شايلي الحليلي علي المراح والساعة ديك يا دوب ديكنا بدأ الصياح والطير صغاروا يغردن جبتي اللبن بي انشراح ***** واتذكر يا يمه في وكت الهجير صالياك نار الدوكي عستيلنا الفطير رشيتي قلتي أكلوهو خير بتذكر يا يمه يا بسمة الطفل الغرير ***** وكت الخلوق ترقد تنوم وأسهر براي أرعي النجوم والشوق يرف جنحيهو بي فوق لي يحوم وأهتف باسمك في الخيال طيفك كمان بي فوقي جال وأتمني لو لحظات يدوم لكني فجأة ألقاهو زال ***** واتذكر يا يمه ساعة الناس يجونا من البلد ناعم ترابه علي جسيماتن رقد ريحة التمر فوق الهدوم ولون الخضار خانس لبد والشوق أوارو بيشتعل كان ظني فيهو يكون خمد بتذكرك يا يمة والناس قالوا راجعين البلد رصوا الهديمات عدلوا ركبوا اللواري وقبلوا خلونى وحيدى بلا انيس كيف إنفرادى إتحملوا شالوا السلام من عندى ليك وإن شاءالله عندك يوصلو يايمه ساعت يوصلوا ويقولو ليك شفناه فى بلد فى بلد الأمان انبسطى يا نبع الحنان وانا حالى يشهدبوا الزمان يايمه رسلى لى عفوكي ينجينى من جور الزمان
Post: #24 Title: Re: يا بحر المودة .... منى خوجلى !!!!!!!!! Author: Muna Khugali Date: 01-20-2009, 07:17 AM Parent: #2
شوفي الزمن يا يمه ساقني بعيد خلاص در درني واتغربت واتبهدلت وريني الخلاص ساقني القدر منك بعيد لآذيا كاس جرعني كاس ***** يا يمه يا فيض الحنان الما كمل يا يمه يا بدري البشع دايماً يهل يا يمه يا نور الصباح وكتين يطل وآشيري يا زينوبة ولدك في بحور الشوق كتل محروم من الحب والمحنة وراك همل يا يمة يا بحر المودة وكتين يفيض يا يمة يا شعلة أمل زادت وميض ***** يا يمة يا عنقود كلام منظوم قصيد يا يمه يا نغماً حنين بالشوق يرن وأفكاري فيهو بيرتعن … دمعاتي شانو بينزلن بتذكر يا يمه في الدغش النسايمو يهبهبن ****** قايمي الصباح متكفلتي شايلي الحليلي علي المراح والساعة ديك يا دوب ديكنا بدأ الصياح والطير صغاروا يغردن جبتي اللبن بي انشراح ***** واتذكر يا يمه في وكت الهجير صالياك نار الدوكي عستيلنا الفطير رشيتي قلتي أكلوهو خير بتذكر يا يمه يا بسمة الطفل الغرير ***** وكت الخلوق ترقد تنوم وأسهر براي أرعي النجوم والشوق يرف جنحيهو بي فوق لي يحوم وأهتف باسمك في الخيال طيفك كمان بي فوقي جال وأتمني لو لحظات يدوم لكني فجأة ألقاهو زال ***** واتذكر يا يمه ساعة الناس يجونا من البلد ناعم ترابه علي جسيماتن رقد ريحة التمر فوق الهدوم ولون الخضار خانس لبد والشوق أوارو بيشتعل كان ظني فيهو يكون خمد بتذكرك يا يمة والناس قالوا راجعين البلد رصوا الهديمات عدلوا ركبوا اللواري وقبلوا خلونى وحيدى بلا انيس كيف إنفرادى إتحملوا شالوا السلام من عندى ليك وإن شاءالله عندك يوصلو يايمه ساعت يوصلوا ويقولو ليك شفناه فى بلد فى بلد الأمان انبسطى يا نبع الحنان وانا حالى يشهدبوا الزمان يايمه رسلى لى عفوكي ينجينى من جور الزمان
اها يا ناهد في ضومتك دي.. حصل سمعتيلك أغنيه أحن من الأغنيه دي؟؟
الموده يا ناهد احساس جميل واحسن مافيه تلقائيته.. ولكن الأجمل منه أن نزيدها بالتقارب بعد التعارف.. الحياه قصيره ومع ذلك مشوارها طويل وقاسي.. وبالآخر النقي ومع الآخر كل شيء يصبح محتملا..
Post: #4 Title: Re: يا بحر المودة .... منى خوجلى !!!!!!!!! Author: Yasier Elsayed Date: 01-19-2009, 05:23 AM Parent: #3
الراقية جدا بكتاباتك الجميلة / ناهد بت الطيب
حضور هذا زاد المودة والبحر بقى بحريين
لك التحية والتقدير
Post: #35 Title: Re: يا بحر المودة .... منى خوجلى !!!!!!!!! Author: Yasier Elsayed Date: 02-01-2009, 05:55 AM Parent: #3
منى الملكة صباحتك بخيرا واسأ ل الله تكونى كما اتمنى لك وكونى دوما شمعة وشعلة وكما عهدناك بيننا الطيبة والحنان والرقة والعاطفة النبيلة سمات ملازمة معك اين ماذهبتى وذى ماقالت شقيقتى / نادية مختار ... منى دى وخلاص كفى !!!
Post: #5 Title: Re: يا بحر المودة .... منى خوجلى !!!!!!!!! Author: محمَّد زين الشفيع أحمد Date: 01-19-2009, 05:32 AM Parent: #1
الْحبيبُ / ياسر السَّيِّد ..
لكَ وللعزيزةِ / مُنى خوجلي
كُلُّ التَّقديرِ والمَوَدَّة .
ودامَ الصَّفاءُ الَّذي يَثْلِجُ
الصُّدُورَ ويَنْشُرُ الآدابَ في
الأصْقَاعِ والْبِقَاعْ .
احترامي .
أخوك / محمَّد زين . _________________________
Post: #6 Title: Re: يا بحر المودة .... منى خوجلى !!!!!!!!! Author: Yasier Elsayed Date: 01-19-2009, 05:41 AM Parent: #5
الغالى العزيز / محمد زين
هذه السطور الجميلة ذات المعانى الطيبة
لاتاتى الا من انسان جميل ومرهف مثلك ياطيب
كل مودتى وحبى
Post: #26 Title: Re: يا بحر المودة .... منى خوجلى !!!!!!!!! Author: Muna Khugali Date: 01-21-2009, 05:20 AM Parent: #5
Quote: الْحبيبُ / ياسر السَّيِّد ..
لكَ وللعزيزةِ / مُنى خوجلي
كُلُّ التَّقديرِ والمَوَدَّة .
ودامَ الصَّفاءُ الَّذي يَثْلِجُ
الصُّدُورَ ويَنْشُرُ الآدابَ في
الأصْقَاعِ والْبِقَاعْ .
احترامي .
أخوك / محمَّد زين .
دوام الصفاء أمنيه جميله لعمل صعب في زمن صعب.. الا أن صعوبته لا تعني استحالته.. ببعض التفكير في الآخر..يمكننا أن نخلق جسور تفاهم أوسع.. وببعض سعة الصدر في فهمنا للحياه ومعناها..نستطيع أن نزرع محبة أكثر..
شكرا لك أخي العزيز محمد زين علي مشاركتك الموده هنا وفي أي مكان آخر..
Post: #7 Title: Re: يا بحر المودة .... منى خوجلى !!!!!!!!! Author: ELFATIH ABDELLA Date: 01-19-2009, 09:59 AM Parent: #1
يا ناس يا جميلين كلكم ..
السلام عليكم
اطنان مودتي..
Post: #8 Title: Re: يا بحر المودة .... منى خوجلى !!!!!!!!! Author: احمد العربي Date: 01-19-2009, 10:15 AM Parent: #7
ياسر السيد ياجميل انته بتتكلم عن وطن صح ولا انا غلطان
Post: #9 Title: Re: يا بحر المودة .... منى خوجلى !!!!!!!!! Author: Saber Abdelhadi Date: 01-19-2009, 12:32 PM Parent: #8
Post: #29 Title: Re: يا بحر المودة .... منى خوجلى !!!!!!!!! Author: Yasier Elsayed Date: 01-22-2009, 02:39 AM Parent: #27
العزيز / الازهرى
كل التحية والتقدير لك وانت تعطر هذا البوست بمرورك الكريم
محبتى وتقديرى
Post: #28 Title: Re: يا بحر المودة .... منى خوجلى !!!!!!!!! Author: عثمان دغيس Date: 01-21-2009, 06:12 AM Parent: #1
أسي الواحد يقول شنو يعني ؟؟؟!
أخير أسكت ...!
التحية للرائعة منى ... يا كل المنى
Post: #31 Title: Re: يا بحر المودة .... منى خوجلى !!!!!!!!! Author: Yasier Elsayed Date: 01-22-2009, 04:29 AM Parent: #28
اخونا العزيز / عثمان دغيس الفنان
قول :- نهاركم سعيد السكات مافى اجمل منو فى زولة زى منى دى
شكرى ومحبتى
Post: #33 Title: Re: يا بحر المودة .... منى خوجلى !!!!!!!!! Author: yasir tamtam Date: 01-23-2009, 01:39 PM Parent: #1
الجميل أناالمودة لها شعاع ونور لا يضاهيه نور وشوف وقت السحر ، ولها محيط من الحنان تتدفق شلالات و ودق، ناهيك من أن يكون بحر ،،فأريج المودة التلاقى ، ونسيمها الاحترام ، و ضيائهاالتواصل ، وتواصلها الاخلاق ، وفى جميعها مبنيه على الهدف الزى من بعده يكون شاطىء الامان واضح00
لك الود ياسر وباقات من الفل والياسمين الى خوجلى وبناتو 000
Post: #34 Title: Re: يا بحر المودة .... منى خوجلى !!!!!!!!! Author: Yasier Elsayed Date: 01-23-2009, 10:12 PM Parent: #33