كتب الكاتب الفاتح جبرا المتوفرة بمعرض الدوحة
|
مطلوب زوجة بمواصفات خاصة جدا !!!
|
عندما اتصلت بي صديقتي مؤخرا طالبة مساعدتي في البحث عن زوجة بمواصفات خاصة لابنها لم تمنحني فرصة إبداء رأي في هذا الطلب العجيب بل طفقت تعدد الشروط المطلوبة في زوجة المستقبل , مؤكدة على أن ابنها لن يقبل بسقف أقل من هذه الشروط , والتي تعتقد أنها شروط معقولة جدا , ومطلوبة لكل شاب سوداني مقبل على الزواج . وقد جاءت شروط صديقتي كالتالي :
1 – بيضاء اللون 2 – ذات شعر أسود ولا يقل نعومة عن الحرير 3 – طويلة القامة بل فارعة الطول 4 – واسعة العينان
لم تتحدث صديقتي عن أخلاق الفتاة ولا عن أهلها ولا مستوى تعليمها ولا ثقافتها ومع ذلك قلت لها غالية والطلب رخيص ولكن تأكدي أنك ستصبحين كمن يبحث عن إبرة في كومة قش ! قالت لماذا ؟ قلت لها لأن أغلب السودانيات سمراوات اللون ولا يغرك البياض المصطنع وأن شعرهن ليس بنعومة الحرير وإن تميز أغلبهن بطول القامة والعينين الواسعتين , لذلك أنصحك بعمل إعلان في جريدة الوسيط , أو أخذ من تجدين فيها ثلث هذه المواصفات إلى لبنان لإكمال الثلثين الباقيين .. ضحكت صديقتي من قلبها كعادتها وقالت بكل صفاء نية ( طبعا دة موضوع جاهز لسودانيز أون لاين !!) . قلت لها أكيد لأن أغلب شباب اليوم يبحث عن زوجة بتلك المواصفات دون يفكر أحدهم بأنه قد لا يملك أي منها , وأنه يحق للفتاة أن تضع الشروط نفسها بل أكثر منها عشان ( مفيش حد أحسن من حد ) وفتكم بعافية !!!
|
|
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
هل أصبحت الزوجة من عدة الشغل ؟ هل هي فقط من أجل تجميل الصورة العائلية ؟ هل فقدنا الثقة في الأخلاقيات وأصبحنا نبحث عن جمال الخلقة فقط ؟ هل انتهى دور المرأة التربوي وحل محلها في ذلك التلفزيون والإنترنت لذلك تراجعت أهمية الأخلاق؟
هل ولماذا وأين ومتى وكم ؟
| |
|
|
|
|
|
|
Re: مطلوب زوجة بمواصفات خاصة جدا !!! (Re: جعفر محي الدين)
|
Quote:
لم تتحدث صديقتي عن أخلاق الفتاة ولا عن أهلها ولا مستوى تعليمها ولا ثقافتها ومع ذلك قلت لها غالية والطلب رخيص ولكن تأكدي أنك ستصبحين كمن يبحث عن إبرة في كومة قش ! قالت لماذا ؟ قلت لها لأن أغلب السودانيات سمراوات اللون ولا يغرك البياض المصطنع وأن شعرهن ليس بنعومة الحرير وإن تميز أغلبهن بطول القامة والعينين الواسعتين , لذلك أنصحك بعمل إعلان في جريدة الوسيط , أو أخذ من تجدين فيها ثلث هذه المواصفات إلى لبنان لإكمال الثلثين الباقيين .. ضحكت صديقتي من قلبها كعادتها وقالت بكل صفاء نية ( طبعا دة موضوع جاهز لسودانيز أون لاين !!) . قلت لها أكيد لأن أغلب شباب اليوم يبحث عن زوجة بتلك المواصفات دون يفكر أحدهم بأنه قد لا يملك أي منها , وأنه يحق للفتاة أن تضع الشروط نفسها بل أكثر منها عشان ( مفيش حد أحسن من حد ) وفتكم بعافية !!! |
إزيك يا عواطف
اضيفي للشروط السابقة إنهاتكون بوردابيـة
أحمد الشايقي
| |
|
|
|
|
|
|
Re: مطلوب زوجة بمواصفات خاصة جدا !!! (Re: جعفر محي الدين)
|
عواطف
تحياتي
غايتو عندي تجربة متينة في أن الشخص الذي يضع مثل هذه المواصفات لشريكة حياته ، تقوم القسمة توديه في واحدة عكس كل هذه الصفات ..
كما قلتُ سابقاً ... في هذا الزمن الرديء .. فإن حسن السيرة قد لا تنبيء عن حسن السريرة إلا من رحم الله ... لذا فإنني أرى أن ينظر الشاب أولا إلى جذور الفتاة .. الأسرة .. و سيرة و سمعة الأسرة ...هذا إن أعجبته الفتاة .. فإن رأى ما لا يعجبه فلينصرف بهدوء ,, و لكن للأسف البعض يتمسك بالقشور و البهرج ..
***
إليك هذه القصة من كتاب النساء :
يقال أن خالد بن صفوان عندما وجد إمرأة خارج مسجد في البصرة تعمل كخاطبة ، فأتاها و قال لها :
أريد أن أتزوج من إمرأة فأنظري لي كما أصف لك .... فقالت : صفها لي .....
فقال : أريدها بكرا كثيب أو ثيبا كبكر ، مليحة من قريب و فخمة من بعيد ، حصانة عند جارها ، و ماجنة عند زوجها ، كانت في نعمة فأصابتها فاقة ففيها أدب النعمة و ذل الحاجة ، لها عقل وافر و خلق طاهر و جمال ظاهر ، صلتة الجبين سهلة العرنين سوداء المقلتين نبيلة المعتقد كريمة المحتد رخيمة المنطق لم يداخلها صلف و لم يشن وجهها كلف ، ريقها اريج و وجهها بهيج تنثني تثني الخيزران و تميل ميل السكران ، إذا اجتمعنا كنا اهل دنيا و إذا إفترقنا كنا أهل دين و آخرة
فقالت له الخاطبة : لقد وجدتها لك
فقال أين ؟؟؟ قالت له : في الرفيق الأعلى من الجنة ، فإن مثل ما طلبت لا توجد في الدنيا
| |
|
|
|
|
|
|
Re: مطلوب زوجة بمواصفات خاصة جدا !!! (Re: ابو جهينة)
|
Quote: 1 – بيضاء اللون 2 – ذات شعر أسود ولا يقل نعومة عن الحرير 3 – طويلة القامة بل فارعة الطول 4 – واسعة العينان
|
العزيزة عواطف
سلام في هذه الشروط لم تضمن جنسيتها.. يعني ليس بالضرورة تكون سودانية.. سودانية مجنسة أو خلطة..
بسيطة... نقادية ممكن..
شباب هذا الزمن لايرى ولا ينظر الي نفسه في المرآة او المرايا.. من يتكلم بهذه المواصفات.. واذا كان كل من حوله يتبعه فيها... فمن يتزوج بأخواتهم؟؟
تحياتي عبدالعزيز
| |
|
|
|
|
|
|
Re: مطلوب زوجة بمواصفات خاصة جدا !!! (Re: Abdlaziz Eisa)
|
عزو ..
كيف أنت يا عزيزي ..
صدقت فيما ذهبت إليه , فإذا كل شاب وضع مثل تلك المواصفات كشرط للزواج فمن يتقدم لإخواته طالبا
الزواج منهن ؟
بالفعل قلت لصديقتي أيه رأيك نخطب لإبنك لبنانية أو خواجية , فقالت لا إبني عايز واحدة بتتحنن
وتتدخن !!!!!!!!!!!
شكرا عزو على الطلة الحلوة ..
| |
|
|
|
|
|
|
Re: مطلوب زوجة بمواصفات خاصة جدا !!! (Re: ابو جهينة)
|
أبو جيهنة ...
لك الشكر يا من عندك الخبر اليقين ..
بتصدق إنه مثل هذه الشروط يتفق عليها أغلب الناس حتى المثقفين بتصدق في واحد أضاف شيء جديد لتلك
المواصفات قال كمان بشرط أن تكون عائلتها خالية من السكري والضغط والذي منه ..
شكرا أبا جهينة مرورك يسعدني ..
| |
|
|
|
|
|
|
Re: مطلوب زوجة بمواصفات خاصة جدا !!! (Re: جعفر محي الدين)
|
أبو الجعافر ..
سلامات ..
لم يعد لكل ما ذكرته مكان لأن الأهم من ذلك هو الشكل الخارجي , وأذكر انني كنت في يوم من الأيام في
السوق ومعي إحدى الفتيات وقد كانت جميلة بدرجة كبيرة وقد صادف أن قابلنا في إحدى المحلات مجموعة
من السيدات , وفجأة وبدون سابق إنذار انبرت احداهن لتقول لتلك الفتاة بس خلاص إنتي حتكوني عروس
ولدي لأنه عايش في فرنسا وعايز عروس بنفس مواصفاتك , خلاص يا حلوة أديني تلفونك ووصفي لي بيتكم
عشان نجيكم .. هذا ما حدث بالضبط والله على ما أقول شهيد ..
شكرا على طلتك البهية .. طبعا أنا مازلت مندهشة !!!
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
العزيزة عواطف
المواصفات دي مش ناقصة شوية
مستوى التعليم مامهم ( ابتدائي - متوسط - ثانوي - جامعي )
الطبلون على الزيرو ولا تكون ماشه كم كيلو ( مطلقة ممكن )
دفع خلفي ولا امامي ( ........)
بخاخات ولا كربريتور ( .......)
خليهم يكملوا المواصفات دي لانو في واحده في السوق ممكن نساعدكم
بعدين الحب بيجي بعد الزواج
زاتووووو
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
يسعد صباحك
من المعقول جدا ان يطلب شخص مواصفات معينة فى شريكة الحياة ,فهذة الزولة ارادت لابنها العديل
والزين خيرت نفسها ان تطلب منك المساعدة فى عملية الاختيارهذة.
كما للعروسة مواسفات معينة ,ايضا للجرتك والحناء اشكال والوان.
جلست تلك العجوز الشابة الهندية وامامها الادوات الخاصة برسم الحناء فى الجناح الهندى
وابتسامة تفاؤل على وجهها, تم ضحكة صغيرة ,عندما طلبت منها وضع القليل من الحناء على اصبعى البنصر
بجوارى مجموعة من الحسان الفاتنات ,ينتظرن دورهن لاخذ نصيبهن فى هذا الفلكلور الرائع,
الشى الملاحظ فى طلبهن لرسم الحناء تخنلف عن طريقة الرسم عندنا فى السودان , يكون الرسم على
اجزاء معينة من الايدى , مع ترك فراغات نحن فى السودان نادرا ترك هذة الفراقات,
المهم فى الموضوع هو التنوع واختلاف الامزجة واختلاف الثقافات يؤدى الى انتاج شكل اخر للحياة.
فعملية اختيار الزوجة يكون حسب الطلب المفضل واللون المفضل.
مودتى
| |
|
|
|
|
|
|
Re: مطلوب زوجة بمواصفات خاصة جدا !!! (Re: سيف الدين مصطفى كرار)
|
أبو السيوف ..
شكرا على مداخلتك الطيبة ولا أختلف معك في أن للناس فيما يعشقون مذاهب ولكن من الضروري أن تتغير
النظرة الحسية لجمال المرأة في وقت يتم فيه إسقاط جميع النواحي الجمالية الأخرى ومن الصعب جدا تفصيل
هذه النواحي وكأنها قطع غيار , ولنفترض أن هذا الشاب قد حصل على كل هذه المواصفات ولكن لا تملك
صاحبة هذه المواصفات أي صفات أخرى أخلاقية أو ثقافية هل سيرتبط بها يا ترى ؟؟
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
استاذه عواطف
سلام
Quote:
1 – بيضاء اللون 2 – ذات شعر أسود ولا يقل نعومة عن الحرير 3 – طويلة القامة بل فارعة الطول 4 – واسعة العينا |
ذات الدين ذات الدين
كم اوصانا الرسول صلي الله عليه وسلم
احذرو خضراء الدمن المرأه الحسناء في المنبت السوء
Quote: 3 – طويلة القامة بل فارعة الطول
|
دايرين يلعبوها سيرباك
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
عواطف ..سلامات ..
Quote: وقد جاءت شروط صديقتي كالتالي :
1 – بيضاء اللون 2 – ذات شعر أسود ولا يقل نعومة عن الحرير 3 – طويلة القامة بل فارعة الطول 4 – واسعة العينان |
هذه الشروط الاربعة هي من صور الجمال .. وقد قال الرسول صلي الله عليه وسلم في معني الحديث ان المرأة تنكح لجمالها ولمالها ولنسبها ولحسبها ولدينها .. ووصي بذات الدين .. لذلك ليس هناك مايمنع ان نبحث عن الجمال فالدين والاخلاق من المطالب البديهيه في اعتقادي ..
| |
|
|
|
|
|
|
Re: مطلوب زوجة بمواصفات خاصة جدا !!! (Re: فايزودالقاضي)
|
ود القاضي ..
تسلم من كل شر يا بعد عمري ..
ما قلنا حاجة الجمال مطلوب ,, ولكن يجب أن لا يكون جمالا تعجيزيا , وأن لا يقدم على الدين والأخلاق
لأنه سيزول عاجلا أم آجلا وتبقى المواصفات الجمالية الأخرى ..
شكرا على الطلة ..
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
Quote: – بيضاء اللون 2 – ذات شعر أسود ولا يقل نعومة عن الحرير 3 – طويلة القامة بل فارعة الطول 4 – واسعة العينان |
الاستاذة عواطف تحياتي رديت عليك بي هناك .. انتي تاريك بي هنا اما صاحبتك دي فانا عندي ليها عشرات .. لكن البتلقيها نكدية والبتلقيها نقاقة .. او حنانة او منانة او .... او ... اسباب تجعلني لا انصح بالزواج منهن الا رجلا اردت به سوءا .. ولا يصلحن للزواج الا لرجل اراد الله ان يخلص منو حق بعض الناس ودمت .. ويمكن اجيك راجع بواحدة تنطبق عليها المواصفات
| |
|
|
|
|
|
|
Re: مطلوب زوجة بمواصفات خاصة جدا !!! (Re: elfadl abdellatif)
|
أخي العزيز الفاضل ..
نهارك سعيد ..
بالله أسعفنا بأربعة من ذوات البشرة البيضاء والشعر الحرير المهفهف والعيون الواسعة المكحلة خلقة
أصله صاحبتي دي مستجعلة قوي وكان نجحت في هذا الموضوع الليلة بنودي قولة خير وبكرة بنكتب الكتاب
وبعد بكرة بتكون العروس في الرياض بإذنه تعالى ,,, وشك ضاحك لامن غلط !!!
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
عواطف سلامات
وقد جاءت شروط صديقتي كالتالي :
1 – بيضاء اللون 2 – ذات شعر أسود ولا يقل نعومة عن الحرير 3 – طويلة القامة بل فارعة الطول 4 – واسعة العينان
اكيد صاحبتك دي بتحلم لو قالت ليك سودانية
عواطف كل ماتفتحي موضوع من المواضيع الذي دي تلقينا هنا
بس بنحب مثل لهذه المواضيع بس اسفيريا واخير لينا العزوبية دي من الشروط والاوصاف
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
الاستاذة عواطف تحياتي بعد ما رديت عليك (عند ناس شمايل) وجدت البوست بتاعك وعلقت عليه .. وبعد ما بديت اقفل وداير امشي لقيت الرد بتاعك هناك .. وكان لازم اشكرك علي كلماتك .. لكن دة مجرد رد عابر وسأعود لايفائك حقك .. وما يعجبني فيك هو حضورك الدائم واهتمامك بالرد على كل المداخلات وفي حينها .. جايز يكون دة السبب البخليني اتصيد بوستاتك بالاضافة الى حيويتها وانا ما حأقدر أجاريك لانني ازور النت وفق قواعد زمنية معينة وضعتها لنفسي .. لكن اهتم بالرد في اليوم التالي ونلتقي بأذن الله
| |
|
|
|
|
|
|
Re: مطلوب زوجة بمواصفات خاصة جدا !!! (Re: elfadl abdellatif)
|
الأخ الفاضل الفاضل ..
شكرا يا ابن عبداللطيف على هذا الحضور اللطيف والكلمات الرقيقة التي أتمنى أن أكون أهل لها
ومهما كانت ظروفك أو عدم ردك في حينه تأكد أن مداخلتك وردك من الأهمية بمكان وأن الزمن لا يقلل
من تلك الأهمية وإن طال ..
لك كل الشكر والتقدير ..
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
الحبيبة ...طوفه.. محبتي ....واشواقي ... يا استاذه : بالنسبة لزولتك دي شروطها ساااااهله واقل من عادية لانها ما حددت طبيعية والله ممكن يكونوا صناعييين .. اللون مقدور عليهو ..حقنة واحده ما تفرزينا من الخواجات ... الشعر قرقفي قرييب .. حكاية العيون دي برضو بالليزر تصغير وتكبير ... والله صاحبتك دي انصحيها تتابع اعلانات هارموني ...في شريط كدا في اعلان لمكان تجميل (250)ممكن تعدلي اي شئ وبالله البوست الجايي من اسي انا حاجزاه لشروط زوج ...بمواصفات انا حاقوله ليك .. تحياتي لك وللنسيبة البتتشرط من اسي ... لك محبتي دايما
| |
|
|
|
|
|
|
Re: مطلوب زوجة بمواصفات خاصة جدا !!! (Re: نعمات حمود)
|
نعوم ..
يا الخاتية اللوم ..
والله أنا كمان مشتاقة وبي لوعة .. ولكن مثلي لا يذاع له سر ..
مشتاقة أكتر لشقاوتك وتعليقاتك الظريفة ..
بالفعل صاحبتي ما قالت صناعي ولا طبيعي عشان كدة جهزي لينا كم واحدة صناعي عشان ننفاس بيهم
الزراعي .. ولا شنو رايك ..
مودتي ...
| |
|
|
|
|
|
|
Re: مطلوب زوجة بمواصفات خاصة جدا !!! (Re: SHIBKA)
|
والله إنت فعلا شبكة ....
ومع ذلك مرحب بيك ..
عارف يا شبكة في واحد اتقدم لزميلتنا صحفية هو ما شغال وما عنده حاجة زي ما قال لكن حسب كلامه الدنيا
مصالح , هي محتاجة لضل راجل وهو محتاج لواحدة موظفة ومعاها سكن !! فما رأيك في هذه المعادلة الصعبة؟
وتسلم !!
| |
|
|
|
|
|
|
Re: مطلوب زوجة بمواصفات خاصة جدا !!! (Re: khaleel)
|
الأستاذة / عواطف تحياتي كالعادة موضوع جميل وممتع وظريف : وبما إنوا صاحبتك التي تريد أن تختار لولدها لا يهمها الدين والحسب والنسب فهي متمسكة بالنواحي الجمالية والشكلية فقط طبعاً على حسب رغبة ابنها فنحن ما علينا إلا أن ندعم هذه السيدة وابنها ببعض المواصفات التي لم يتطرقوا لها فهم ذكروا الآتي :
Quote: 1/ بيضاء اللون 2/ ذات شعر أسود ولا يقل نعومة عن الحرير 3/ طويلة القامة بل فارعة الطول 4/ واسعة العينان
|
وأنا أضيف لهم نوع وحجم الجسم وتقسيماته وهي قطعاً تختلف من امرأة لأخرى من حيث الشكل والحجم ولكل جسم شكله الخاص به والذي أقصد بشكله أي تقسيماته وتكوينه الذي خلقت به كل سيدة ،، * الجسم الكمثري أو ما يطلق عليه مثلثي الجسم * مواصفاته :
1/ رقبة طويلة وممشوقة . 2/ أكتاف صغيرة وضيقة . 3/ صدر صغير إلى متوسط الحجم . 4/ خصر صغير ومقسم . 5/ أرداف مستديرة وممتلئة مع خلفية مستديرة . * الجسم الذي يسمى بالمثلث المقلوب أو الشكل التفاحي * مواصفاته : 1/ وجه ورقبة ممتلئة . 2/ أكتاف عريضة . 3/ صدر ممتلئ وغير محدد . 4/ أرداف نحيلة مع خلفية بارزة . * جسم بشكل الساعة الرملية أو المتناسق * مواصفاته : 1/ أكتاف وأرداف متساوية البروز . 2/ صدر ممتلئ . 3/ خصر محدد ومتناسق . * الجسم المربع ذي التنسيقات المتساوية * مواصفاته :
1/ عنق طويل وظهر عريض . 2/ صدر متوسط الحجم . 3/ خصر غير محدد . 4/ جسم متوازن . 5/ أرجل وأذرع طويلة . * وفي الختام يا عواطف أنا برضو عاوز نفس المواصفات دي وأنا ذاتي شكلي قريب من المواصفات اسألي الناس الشافوني ( بورداب الرياض ) هههههههههههههههههههههههه
| |
|
|
|
|
|
|
Re: مطلوب زوجة بمواصفات خاصة جدا !!! (Re: حسن مضوي)
|
سلام يا عواطف الواقع بيقول انه الشكل الخارجي مهم و في اغلب الاحيان بيتغلب على باقي المواصفات الاخرى و الكلام دا بالنسبة للجنسين بنات و اولاد و حسب الثقافة الذكورية المسيطرة في ثقافتنا الرجل يجاهر بذلك في نفس الوقت البت لا تستطيع لانه اذا جاهرت بذلك تعتبر ما مربية كويس لانه الراجل لا يعيبه الا جيبه المهم النقطة العايز اصل ليها انه حكاية الشكل الخارجي حاجة مهمة جدا و بالنسبة للجنسين بعد ذلك بتجي الحاجات التانية زي التعليم و الذي لايقل اهمية من الجمال و بدونه لا يمكن للزواج ان يدوم طويلا و عندما نصل مرحلة انه المراة في مجتمعنا بقت independent يعني لا بتعتمد على اخوها و لا ابوها في معيشتها حا نسمع بانه البت رفضت الراجل لانه عنده صلعة لحد نص ضهره و كرشه كبيرة و سمين
| |
|
|
|
|
|
|
Re: مطلوب زوجة بمواصفات خاصة جدا !!! (Re: Nagi Ahmed)
|
أخي الحبيب ناجي ...
أسعدتني طلتك الحلوة ربنا يسعدك ..
لم نقل الشكل غير مهم ولكن أن تضع شروط مواصفات بالبرجل و المسطرة هو غير مقبول ويجرد المرأة
من إنسانيتها أي يتم التعامل معها مثل باربي أليس كذلك ..
عموما ستسمع قريبا يا بعد عمري استقلال المرأة ورفضها لرغبة أهلها المتعلقة بزواجها بالقوة ..
شكرا يا ناجي ..
| |
|
|
|
|
|
|
Re: مطلوب زوجة بمواصفات خاصة جدا !!! (Re: حسن مضوي)
|
حسون !!!
يسعد صباحك الحلو
هههههههههههههه ..
والله طلعت عفريت بمعنى الكلمة ,, أنا خايفة مواصفاتك دي تبقى استنادرد !!
أها يا ناس بورداب الرياد الود حسن بشبه شامي كابور ولا ؟ إذا ماكان كدة جواز حسن من نعيم باطل !!!
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
استاذتنا انا يتقال لي عارفة مش عارف
انتي عارفة القصة بتاعة ضل الراجل ررررررررررررررراقدة في الخرطوم (ما بعرف باقي الولايات) لكن شفتها بعيوني ديل واحدة جاهزة مما جميعه بس ناقصها ضل الراجل وفي قصة تانية واحدة عندها كل المميزات من سكن وعربية وقروش وجمال خلقة واخلاق وكانت بتفتش لضل الراجل ولقتو
اها دا السوق الماشي اليومين ديل
| |
|
|
|
|
|
|
Re: مطلوب زوجة بمواصفات خاصة جدا !!! (Re: SHIBKA)
|
شبكة !!!
معزتي ...
سعدت جدا بهذه الخبرية التي تفيد بأن السوق ماشي إن شاء الله دايما ماشي ..
بالفعل في كتيرات بيؤمن بضل راجل ولا ضل حيطة وفي واحدات بيقولن نار جوزي ولا جنة أهلي !!!
محبتي ...
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
عطوفه
لك التحية
واحد مش بلديتنا لكن بلديات بورداب تانين شال الشيله ونزل السودان وصل البلد طرح الكرتله واحده من بتاعات التسويق زارته و سالته عن شروطه فطرح لها نفس الشروط السابقه مع اضافات
فنظرت اليه الحاجه وقالت له
يا ولدي زي دب بتكون دايره ليها واحد قاري الجامعة
| |
|
|
|
|
|
|
Re: مطلوب زوجة بمواصفات خاصة جدا !!! (Re: Amin Mahmoud Zorba)
|
أخي العزيز زوربا
محبتي ..
وآسفة لتأخير الرد لا لشيء سوى ما قرأته من مداخلة يحتاج إلى رد متأن وقراءة هادئة ..
أولا :Quote: ومع كل سطر احس باني متخلف ومتحجر واني رجل شرقي مهما حاولت أن أكون رجل متفهم وفاهم لذا اواصل في القرأة امكن اقدر أنفض من عقلي هذه الترسبات الغبية المغبية |
ألف حاشا وكلا فأنت إنسان واع وناضج الفكر ولكن تتواضع أمام كاتبة بحجم فاطة المرنيسي ..
ثانيا : أشكرك على مطالبتك بسن قوانين تتساوى فيه النساء بالرجال ولكن ألا تؤيدني بضرورة تغيير
قوانين الأحوال الشخصية لتتناسب مع هذا العصر ؟
فيما يتعلق بالزوجة الصينية أعتقد أن كل من يشاهد هذا الإعلان سيتمنى الزواج بصينية ... وش ضاحك طبعا
شكرا أمين ..
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
استاذة / عواطف ادريس أسماعيل مساء الخير ,,, -------------------------------------------------------
في البال بوست خليل (بتاع المواصفات) الغتس حجرو الهكر...
Quote: 1 – بيضاء اللون 2 – ذات شعر أسود ولا يقل نعومة عن الحرير 3 – طويلة القامة بل فارعة الطول 4 – واسعة العينان
|
طبعا ما ناقص يقول إلا عوزه جربوكس عادي ولا أوتماتيك _ ناقل الحركة _ لانو العرفنوا المواصفات دي في *العربات ... *السيارات في لهجة سوداني الخليج والمملكة
لكين لما تبقي المسالة زوجة وشريكة حياة أكيد حيهمك حاجات اهم من الطول والشكل والبياض والسمره حتكون خاتي مواصفات مضطر تتنازل منها كلها قدام الزولة البتبقي قدرك ونصيبك .... ويمكن مرات لما تفكر في مواصفاتك القديمة تحس قدر شنو كنت سخيف وساذج ده لو أسعدك قدرك بالزولة البتكون فوق تصورك في أى حاجة ...
Quote: لأن أغلب شباب اليوم يبحث عن زوجة بتلك المواصفات |
ده غير انو الزوجة دي ما بفتشوها مافي راجل قاعد في امان الله ومستمتع بحياتو و بعزوبيتوا ( وقال لى حريتي لا تشتري بالذهب ) حيقوم براهوا يفتش لى زوجة ... لانوا في العادة بتقوم تصادف الزولة دى في الاول ... حتى بعد كدة تجي الفكرة وما يكون منها مهرب ... ويبقي حظك ونصيبك يعني قدرك ... وما حتفكر كتير حتلقي نفسك براك أقنعت نفسك ... او بيها مقتنع خلقه لا مفكر في مواصفات ولا شكل ولا أى حاجة غير انو دي الزولة العوز تقضي حياتك معاها ..
في زمنا وجيلنا الكم سنة ويدق الاربعين كانت الحاجات بتمش كده ....
وغرابة الفكرة كلها في أختاروا لى وشوفوا لى لانو ما بتخيل ممكن زول يسمح لحد مهما كانت درجت قرابتوا بي يتدخل في خياروا لشريكة حياتو او حتى يكون ليهوا راى في الحته دي أصلا خيارك زين ليك شين ليك ... بتتحمل مسئوليتوا كاملة ...غايتو ده الادونا لى زمان حاصل شنو الزمن ده البنسمع بي ولا نقراء هنا او هناك والواحد يندهش ويستغرب ...
وفتك عافية ,,,
| |
|
|
|
|
|
|
Re: مطلوب زوجة بمواصفات خاصة جدا !!! (Re: عبد الناصر الخطيب)
|
عبودي !!!
يسعد صباحك الجميل ...
كم أسعدتني مداخلتك الثرة والتي طبخت على نار هادئة لتدل على وعي عميق وأفكار مترتبة .. لذلك
أقول لا يفتي وناصر في المدينة ..
Quote: طبعا ما ناقص يقول إلا عوزه جربوكس عادي ولا أوتماتيك _ ناقل الحركة _ لانو العرفنوا المواصفات دي في *العربات ... *السيارات في لهجة سوداني الخليج والمملكة |
أعجبني هذا المقطع من مداخلتك أيما أعجاب لا فض فوك .. عارفة سيارة بتجمع عند ناس الخليج بأيه ؟
سيايير ويمكن تكون جمع تكسير ..
أما حكاية إنه حد يختار ليك دي المحيراني زيك بالظبط !!!
عموما شكرا لك ..
| |
|
|
|
|
|
|
Re: مطلوب زوجة بمواصفات خاصة جدا !!! (Re: Huda AbdelMoniem)
|
قال ليك واحد مغترب بيبحث عن نفس المواصفات بتاعتك دى
اتصل على امو وقال ليها ... عايز لى عروس لكن تكون طويله . ... وبيضاء ... وتكون شغالة
امو سكتت مسافة وقالت ليهو والله ياولدى طويلة .. وبيضاء .. وشغالة .. دى الا التلاجة دى
تحياتى
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
الاستاذه عواطف صباح الخير لقد وجدتها حينها كانت الاحلام وكانت الامنيات بنت ذات قناعه من ان الانسان يعرف كيف يصنع الحياه انجبت بعد حب غيداء وبعد ود يس وبعد الفه يحيى لا زالت ذكرى تلك الكاميرا التى استجلبتيها لنا من تلك الاصداره التى تعملين فيها باقية فينا فمن اوصاك بالبحث عن عروسه يعرف معدن اخلاقك وثقة فى زوقك انا وراما والعيال نهديك حبنا انور عبد الرحمن؟ الكلام ده بره النص لكنى ووددت ان اقوله لك ايتها الوفيه؟؟
| |
|
|
|
|
|
|
Re: مطلوب زوجة بمواصفات خاصة جدا !!! (Re: anwar abu gaidaa)
|
أخي الحبيب أنور ..
أيها الرجل الهارب من حقائبه ..
وجواز سفره ..
أيها الهارب من كل العناوين ..
إنني أحترمك ..
بكل عصبية البحر , وحماقاته ..
بكل جنونه انقلاباته ..
فلا تتضايق ..
إذا كسرت جدار وقارك ..
إن شر الأمور عندي هي الوسط ..
وأردأ أنواع الحب , هو الحب الوسط ..
وأجبن القصائد ..
هي التي تمسك العصا من الوسط ..
محبتي للجميع ..
غيداء ..
يس ..
يحى ..
وبلا شك لأم العيال ..
راما التي أحببتها من كل قلبي ..
شكرا لكلماتك التي أخجلت تواضعي ..
| |
|
|
|
|
|
|
Re: مطلوب زوجة بمواصفات خاصة جدا !!! (Re: anwar abu gaidaa)
|
طوفي اختي
Quote: البوست بوستك ..
وإن ما شالك البوست يشيلك المنبر كلو ..
الدنيا ما فيها حاجة تسوى .. كتيرها وقليلها رايح وتبقى الذكرى الطيبة يا شيخ العرب ..
ألف أهلا وسهلا .. |
هييييييييييييييع عافي وراضي منك لوجه الله والليلة وحياتك العين بتغمض طاااب
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
الاستاذة عواطف تحياتي لقيت الموضوع طول وجر وفي مداخلات كتيرة تستوجب الوقوف عندها .. بس عندي تعليقات بسيطة قبل ما ندخل في الكلام الجد الام طلبت زوجة بمواصفات لبنانية او خليجية .. يمكن تكون عقدة ما لكن اذا ما سألت عن الاخلاق والتعليم دة معناهو عايزاها ديكور او باربي زي ماقلتي .. واعتقد انو في بنات ما عندهن مانع يقومو بالدور دة .. واصلو الدنيا شن فيها غير سهرات وفسحات وباقي الراحات .. وفي النهاية كل شئ في الدنيا يتعلق بالبشر بيعمل بموجب معادلة مركبة (رياضية فيزيائية كيميائة) .. يعني اخونا سيجد من تتوفر فيها هذه المواصفات .. على ان تتوفر لديه وسائل المحافظة علي الديكور .. واهو جابو ليك واحدة بمواصفات عالية لكن بتدخن .. لا .. قالت عايزاها بتتدخن .. وأعتقد الدخان والحنة مممكن المرة تتعلمن .. وكمان عندك جماعة اخونا سيف الدين .. الهنود .. وديل كمان متعلمات الحنة بس باقي الدخان وكمان الصندل دة ما حقهم (لكن تصوري ما قاعدين يستعملوه كمستحضرات عطرية) .. ولو داير من ديل يقول لينا الوكالات على قفا مين يشيل .. وحتى مسألة الاخلاق متوفرة .. وحأخش ليك في بعض الطرف من وحي المداخلات بدون اقتباس والفي راسو بطحة يحسس عليها تذكرت قصة الاعرابي الذي تقدم لامرأة فقيل له ان لها بساتين وبيوتا وانعاما فماذا لديك ? فقال لهم: ما دام عندها كل ذلك فماذا تريد بما لدي?? منطقم مش كدة? وهي لو بقت علي الاكل والشراب يا شبكة ياخوي هينة .. وهو لو ما قادر علي المسائل الاضافية .. يبقى احسن يشوف ليهو واحدة بمواصفات عادية واخلاق عالية ..
اذكر مرة بتكلم مع احدى قريباتي ومتزوجة من احد اقاربي .. وجات سيرة الزوج والشغالات والجمال .. كانت بتقول الواحد ما يشغل ليهو خدامة حلوة لانو قد يؤدي الى غيرة ومشاكل .. قلت ليها حتى في الزواج الواحد يتحاشى الجمال الصارخ .. ما فهمتني لانها كانت جميلة واعتبرت الموضوع اهانة شخصية .. لكن تصوري عندما ابحث عن زوجة اريدها جميلة ولكن ليس جمالا صارخا صخابا .. مش عشان عقدة وغيرة لكن لانو الحلاوة لما تزيد عن حدها بتسد النفس .. زي الباسطة والبسبوسة والكنافة ما داير اطول عليك وجاييك راجع لموضوع الكلام الجد ..
| |
|
|
|
|
|
|
Re: مطلوب زوجة بمواصفات خاصة جدا !!! (Re: elfadl abdellatif)
|
عطوفة
طبعا كان ممكن تختصر على نفسها وولدها الطريق وتقوم كدا وتعرس ليهو مانيكان ، لكن كمان كل المانيكانات عيونهم صغيرة ، تقوم تحل المشكلة بعملية تجميل بسيطة توسعة للعيون
طبعا ياعواطف دى ممكن نسميها كارثة ، لما يترتب عليها من آثار ،، لكن والله انا شايفها الحكاية دى زى الاندثرت واصبحت المرأة تنكح لمالها،،
بعدين ممكن طلب نزلي مواصفات العريس العايز عروس بالمواصفات الخاصة دي،،ارشح ان يكون العريس
- مرتاح - مرطب - مقندل
| |
|
|
|
|
|
|
Re: مطلوب زوجة بمواصفات خاصة جدا !!! (Re: Shamael Elnoor)
|
شوشو ..
يسعد مساك ..
والله صاحبتي دي بتشوف مواصفاتها أكثر من عادية ولا ترضى بأقل من ذلك خصوصا وأن ولدها مغترب ومرطب ..
أها عندك العروس ولا لا وكمان أزيدك من الشعر بيت وارث برضو أيه رايك ..
تنكح المرأة لمالها ولجمالها ولكن بالطبع ذات الدين أفضلهن جميعا ..
شكرا
| |
|
|
|
|
|
|
Re: مطلوب زوجة بمواصفات خاصة جدا !!! (Re: elfadl abdellatif)
|
الفاضل ..
سلام ..
بالفعل هناك من يقمن بدور باربي طالما المسألة راحات وفسحات وسينمات والذي منو ..
أما حكاية الحنة والدخان دي فما بتخيل في الواحدة لو ماكانت سودانية مهما عملت وحاولت عشان كدة
كدة صاحبتي عايزة سودانية بمكنة لبنانية ..
أما مشكلة الجمال الصارخ فما حتأكلم عنها عشان ما يقولو غايرة مننا الشينة القبيحة .. (وش ضاحك )
شكرا فاضل مرورك يسعدني ...
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
أستاذة نهارك سعيد
الزول ده نسى أهم حاجة فى مواصفات اميرته ، (وهى القشة التى تقصم ظهر البعير بعد العرس) (العين المليانة) العين لو بقت ما مليانة امانة الرماد مااا كال حماد
تخريمة يا استاذة :
كيف نحن ممكن نعرف البت عينها مليانة ولا لا ؟ بإعتبار أن ست العين ذاتا بتكون مغمضاها فى فترة الإختيار.
أرجو الإفادة،،، ;)
| |
|
|
|
|
|
|
Re: مطلوب زوجة بمواصفات خاصة جدا !!! (Re: walid taha)
|
ولو...
ليك وحشة ..
والله العين الفارغة دي مشكلة كبيرة .. ودت أغلب الرجال في ستين داهية وربنا يستر .. ولو عايز تعرف
الواحدة أعزمها على هدية من مجوهرات داماس وعينك ما تشوف إلا النور !!!
شكرا وليد أبق معنا ..
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
بنتنا عواطف كل عام وأنتم بخير تاني جبنا سيرة العرس
في أول السبعينات أحد الشباب وصل إلى ليبيا.. ويبدو أنه كان يحمل معه مواصفات سبنا الهندية - سبنا أي لوف يو - وأرسل المواصفات إلى أهله لكي يبحثوا له عن عروس في قريتهم..
طبعا اخواته ( وكلهن لم يسبق لهن الزواج أو الخطوبة) بكل طيبة خاطر أنشغلن بموضوع المواصفات المبينة في الوصفة وطلب أخوهن المغترب ( غالي والطلب عالي )..
ولأن المواصفات كانت دقيقة المعايير (الشعر السبيبي الطويل الأسود الفاحم الناعم المسدول) ( اللون الخمري خاتف لونين ) (مربوعة ومفدوعة ) ( الباسمة أم فويطراً شال )..
بت ناس فلان ديك تشبه الكلام ده ارحكاكن.. أمشاكن يا ديل..
ماكون طيبين.. وينه فلانه.. كدي تعالي جاي .. أمشي هنوك...اتلفتي جاي .. دنقري كدي هي بختارة .. الشعر يايابة قردة... والكفل بهل..لا لا ياناس مالكون.. وايش نفر قولكم لا لا بس ولدنا دايرلو عروس وبتكم ما زي قولوا عرس ركبيكم ولدكم منو الداير يعرس بتنا أمرقوا مروق الدخان بالطاقة..
أها وبعد كام وعشرين طردة زي دي انتشر خبر المواصفات التي وردت من خلف الحدود - ليبيا العظمى بلد العظماء..
بقى كل واحد يسأل التاني .. أها كتبت مواصفاتك..
المفاجأة..
في إحدى قطاطي العرب الرحل .. وجدوا المواصفات مطابقة.. وأكثر..
(آمنة الفي الضمير مازياني ما شفتوها ياخلاني)
حتى جيرانها ما شافوها..
(واحدين قالوا شفنا الشافها )
وأعلنوا حالة الإستنفار القصوى .. والعرش أبو سيرة وحريرة.. والدنيا تمشي عليها هزهز.. لسان حالهم يقول .. وجدها .. وجدها.. هي الوصفة اتلقت.. ورحلت إلى ليبيا.. وعادت بعد سنة لتعلن عدم نجاح الزواج وأصبحت حليلة لسر تجار المنطقة.. الذي أصر أن يكرمها بزواج أكثر بهرجة من المغتربين..
أها
كتبتو مواصفاتكم.. وذهل عشاق الجمال...
كانت مدفونة وين دي ..
| |
|
|
|
|
|
|
Re: مطلوب زوجة بمواصفات خاصة جدا !!! (Re: المسافر)
|
المسافر ...
كل الود والمحبة ...
عارف مداخلاتك بترد الروح لما تحمله من العظات والعبر في قالب طريف ومهضوم زي ما بقولوا اللبنانيين
Quote: أمرقوا مروق الدخان بالطاقة.. |
الحتة دي عجبتني جدا ما عارفة ليه ..
أما الشروط والمواصفات بتاعة صحبنا إياه المفروض يشوف هل بتنطبق على أخواته أم لا وبعدين يتشرط
عموما شكرا يا بعد عمري على هذه المداخلة الطيبة التي أسعدتني كثيرا وربنا يسعدك ..
وكل عام وأنت بألف خير ...
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
جيت تاني
Quote: 1 – بيضاء اللون 2 – ذات شعر أسود ولا يقل نعومة عن الحرير 3 – طويلة القامة بل فارعة الطول 4 – واسعة العينان |
الغشيم ده نسى الشغل ...يازول الشغل ده أهم حاجة
بررررررضو ما نسيت العين المليانة ..المليانة شديد
---- تخريمة : نكتة قديمة يا استاذة بتقول : واحد قال لأخواتو انا عايز لى واحدة تكون بيضا وطويلة وشغالة ، جابو ليهو
تــــلاجة
أرقدى عافية
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
الاستاذة عواطف تحياتي لقد تحققت للمرأة مكاسب جمة منذ بداية ثورتها التعليمية قبل قرن من الزمان .. وقد قطعت شوطا طويلا في طريق نهضتها .. ولكن المؤسف ان هذا التحول النوعي في وضع المرأة قد صحبه تدن ملحوظ في الاداء الاجتماعي و المستوى الاخلاقي جعل تلك المكاسب تضيع في خضم مفاهيم عصرية تجبر الانسان على النظر الى الامور نظرة غير سليمة .. فقبل قرن من الزمان كان الرجل يطلب المرأة لدينها او حسبها او نسبها باعتبار انو الجمال عنصر اساسي في المرأة ..كما انها مسألة نسبية .. ولكن يبدو ان المعايير تبدلت الى حد ان لا تكون الاخلاق من ضمن المواصفات .. وبعدين هي الاخلاق دايرين بيها شنو?? ما هو عندك اللبنانيات والخواجيات يمكن الواحدة ما عندها اخلاق لكن زي العسل .. وبعرسن وبطلقن .. وفي امانت الله .. مش كدة? اذا المعضلة اصبحت في المفاهيم الحديثة التي اصبحت لها متطلبات مختلفة .. والنظرة المادية التي غلبت على كل شئ .. يعني غير انو الزواج هم مادي .. اصبحت المواصفات ايضا مادية بس عريسكم دة نسى اهم حاجة ذكرتني لها المدام حين حكيت لها ما كتبته وبينما اسرد المواصفات قاطعتني وسيقانا كيف? قولي للعريس (وليس لامه) ود الخبير قال ليك السيقان اول وبعدين العيون وهي ما داخلة في حكاية الطول الفارع .. دي مواصفات برااااااااها .. دايما الشباب ببدو منها
Quote: أما مشكلة الجمال الصارخ فما حتأكلم عنها عشان ما يقولو غايرة مننا الشينة القبيحة .. (وش ضاحك )
|
بيني وبينك حتى ذوات الجمال الصارخ بيغيرو منك .. ونحن قبيل ما قلنا ..(وش وشني العبير) ..
قالت له انا جميلة .. قال لها جميلا وقليلا رايح
تخريمات الجمال الصارخ يا ستي مشاكلو كتيرة ..اول حاجة العريس دة بقدر يستحمل نظرات الرجال? قلنا دي يمكن ما تعنيه ?? واذا هي عاينت ليها لي صورة راجل معلقة في بوستر حيعمل معاها مشكلة .. عشان كدة مع الجمال الصارخ .. الاخلاق مهمة .. ودي من الحالات التي يطلب فيها الحجاب اها هو مرطب ووارث وكلو .. وعندي واحدة بتنطبق عليها المواصفات .. المشكلة عايزة واحد علي خلق .. يعني يكون قاري الجامعة زي ما قالت وبعدين هي صاحبتك دي ماشة بعيد ليه ما المنبر مليااااان .. وكلو طبيعي مُخْرَج 1 من اقوالي المأسورة (غلطة غير مطبعية): ينظر الرجل الى المرأة من قمة رأسها أخمص قدميها بحثا عن محاسنها .. وتنظر المرأة الى الرجل من أخمص قدميه الى قمة رأسه ولكن بحثا عن عيوبه
| |
|
|
|
|
|
|
Re: مطلوب زوجة بمواصفات خاصة جدا !!! (Re: elfadl abdellatif)
|
أخي الحبيب الفاضل ..
تحية لك ,اخرى خاصة جدا للمدام أطال الله في عمرها ..
حكاية السيقان دي مهمة جدا منذ زمن طويل , عارف أمي قالت لي زمان لما يمشوا يخطبو البت ما بعاينو
لوشها أول حاجة سيقانها بعدين الوش لأنه المرة أم عراقيب زي ما بقولو بتنشف البيت وبتقضي على الأخضر
واليابس , إضافة إلى ذلك فامتلاء السيقان دلالة على الجمال ..
Quote: ولكن يبدو ان المعايير تبدلت الى حد ان لا تكون الاخلاق من ضمن المواصفات .. وبعدين هي الاخلاق دايرين بيها شنو?? ما هو عندك اللبنانيات والخواجيات يمكن الواحدة ما عندها اخلاق لكن زي العسل .. وبعرسن وبطلقن .. |
بالمناسبة دي عندنا بتنا بتدرس في الخارج واتقدم ليها واحد أجنبي وفي الوقت داك كانت والدة أحد أحد زملائهم في زيارة لهم , فقامت قالت ليها عرسيه يا بتي طالما عايزك ولو ماعجبك طلقيه زي العجب وشوفي غيره أصلها الدنيا عيزة كدة !!! عجبي ...
Quote: قالت له انا جميلة .. قال لها جميلا وقليلا رايح |
دي مبالغة عديل كدة ...
Quote: من اقوالي المأسورة (غلطة غير مطبعية): ينظر الرجل الى المرأة من قمة رأسها أخمص قدميها بحثا عن محاسنها .. وتنظر المرأة الى الرجل من أخمص قدميه الى قمة رأسه ولكن بحثا عن عيوبه |
ودي اتقطعت فيها بما فيها أقوالك المأسورة ..
شكرا يا فاضل أبق معنا ..
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
عطوفة اللذيذة،،
مشتاقين كتير،،،
Quote: وقد جاءت شروط صديقتي كالتالي :
1 – بيضاء اللون 2 – ذات شعر أسود ولا يقل نعومة عن الحرير 3 – طويلة القامة بل فارعة الطول 4 – واسعة العينان |
تعرفى ، المستغرب فى الشروط دى، إنها جات من الام،، فى حين إنو مفروض تكون الحياة عركتها، و عرفت إنو المظهر ما هو الاساس، و الجمال ما بديم الحياة الزوجية،،،
لكن نقول شنو، ناس متمسكين بالقشور،،،،
| |
|
|
|
|
|
|
Re: مطلوب زوجة بمواصفات خاصة جدا !!! (Re: Hala Hassan)
|
هلولة العسولة ..
مشتاقين كتير ..
تعرفي يا هالة كانت بتكلمني وبتعتقد إنه الشروط دي أقل من عادي , وإنه ابنها بستاهل أكثر من كدة
على الرغم من إنها متعلمة وبتشتغل موظفة من سنوات , واختلطت بناس من جميع الجنسيات ...
شكرا هلولة مرورك يسعدني ..
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
الاستاذة عواطف تحياتي امس اتذكرت لي واحد طلب نفس المواصفات .. ووجدها سودانية لها جذور من الجزيرة العربية وحتى المواصفات التي لم يذكرها في طلبه توفرت بها .. وقلت ارسل ليه الرابط بتاع البوست عشان لو عندو مداخلة او تعليق .. وانا في انتظار رد منو علما بانو خامل الكترونيا .. ويمكن الرد بتاعو يتاخر لكن ليك علي لو وصلتني منو اشارة والبوست ما يزال مدور حأوصلها ليك .. وحتى لو البوست مات ممكن نحييه انا كنت داير اسألو ليه المواصفات دي بالذات .. لكن وجدت الاجابة لما عرفت القاسم المشترك بين العريسين كلاهما عاش في الخليج ويمكن زولي ما مرتاح زي زولك .. لكن خلينا نبعد مسألة الراحة ونشوف قاسم تاني المواصفات المطلوبة : فهي مواصفات امرأة خليجية .. او هندية .. لكن هنا يتدخل البعد الثقافي (ناس الدخان والحنة والطباع والذي منو) من هنا المكنة السودانية والبودي الامريكي فالجنس يحن الى الجنس او زي ما بقولو الجنس للجنس رحمة .. يعني المسألة ما محلبية ومجموع بس .. ومسألة الاخلاق دي يمكن هم ماخدينها (فور قرانتد) .. يعني سودانية معناها على خلق .. حسب السمعة.. وبيني وبينك هم عندهم حق .. يعني انا هسي عايش في الهند منذ 3 سنين بس ولو ما كنت متزوج كان جايز اقول ليك شوفي لي واحدة .. وكمان يمكن ازيد المواصفات بي حاجة شرقاقصوية كدة
Quote: ولو ماعجبك طلقيه زي العجب وشوفي غيره أصلها الدنيا عيزة كدة !!!
|
هسي عليك الله الاجنبي منو العريس ولا المرة دي ? دة ما ياهو تفكير الخواجات ذاتوووو .. عرسيهو وبعدين طلقيهو .. وكمان الخواجات ديل لو طلقو المرة بتاخد نص الثروة .. عايزين احسن من كدة شنو? مأسورات: تتزين المرأة قبل الزواج لتلفت انظار زوج المستقبل وتثير اعجابه .. وبعد الزواج تتزين لتلفت انظار رفيقاتها وتثير غيرتهن انا كان باريتك انتي حتدخليني في مشكلة مع الجندريات .. اللهم اجعل كلامنا خفيف عليهن
تحياتي وودي الفضل
| |
|
|
|
|
|
|
Re: مطلوب زوجة بمواصفات خاصة جدا !!! (Re: elfadl abdellatif)
|
أخي العزيز ..
يبدو إنه صاحبك دة محظوظ حبتين ما زي ود صاحبتي .. ربنا يجمعها بمواصفاتها ..
Quote: يعني المسألة ما محلبية ومجموع بس |
دي ضحكتني شوية شكلك ودحبوبات وكدة .. بس ما تنسى
السرتية عشان هي واسطة العقد والصندلية وهي الضلع الرئيسي للمثلث ..
Quote: تتزين المرأة قبل الزواج لتلفت انظار زوج المستقبل وتثير اعجابه .. وبعد الزواج تتزين لتلفت انظار رفيقاتها وتثير غيرتهن انا كان باريتك انتي حتدخليني في مشكلة مع الجندريات .. اللهم اجعل كلامنا خفيف عليهن |
يازول الحي الله والكاتل الله باريني واللي بدو يصير يصير أصلو الجندريات زمان رمن طوبتي وش مستغرب !
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
أنا غايتو لمن أجي أخطب لحمودي ( 7 سنوات )..( كان للزمن داك بقت في شورة للأم ) ح أرجع لكلام أمي و خالاتي و حبوباتي...! البت ما يطلبوها و يخطبوها إلا لمن يشوفوا أمها... كان أمها رصينة و رزينة و مستورة و مالية مركزا...طلبنا بتها.. إن بقت الأم عكس ذلك...ما دايرين بتها حتى لو كانت إيشواريا راي!!!
ممكونة دقة قديمة !
| |
|
|
|
|
|
|
Re: مطلوب زوجة بمواصفات خاصة جدا !!! (Re: mamkouna)
|
Quote: أنا غايتو لمن أجي أخطب لحمودي ( 7 سنوات )..( كان للزمن داك بقت في شورة للأم ) ح أرجع لكلام أمي و خالاتي و حبوباتي...! البت ما يطلبوها و يخطبوها إلا لمن يشوفوا أمها... كان أمها رصينة و رزينة و مستورة و مالية مركزا...طلبنا بتها.. إن بقت الأم عكس ذلك...ما دايرين بتها حتى لو كانت إيشواريا راي!!! |
ممكونة ..
بجد واحشاني ..
طبعا كلامك صاح 100% وربنا يخلي ليك حمودي ووتحضري جديده ..
Quote: ممكونة دقة قديمة ! |
ونحن نؤيد بشدة هذا اللون من الدقات ونقف خلفه مدى الحياة ..
التوقيع : دقة قديمة جدا ..
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
الاستاذة عواطف تحيات طيبات
Quote: شكلك ودحبوبات وكدة |
انا ذاااااتي ما حبوبة لدرجة الزهيمر .. ما شايفاني (في كل واد يهيمون).. ودايما بطلع برة الموضوع
Quote: أصلو الجندريات زمان رمن طوبتي وش مستغرب ! |
(وش) علي من الناس (وش) علي الناس مني
Quote: البت ما يطلبوها و يخطبوها إلا لمن يشوفوا أمها... كان أمها رصينة و رزينة و مستورة و مالية مركزا...طلبنا بتها.. إن بقت الأم عكس ذلك...ما دايرين بتها حتى لو كانت إيشواريا راي!!!
|
يا ممكونة كلامك دة زمان زمن البت بتربيها امها وحبوبتها .. لكن الزمن دة وزمن حمودي ربنا يخليهو ويرحمنا .. البنات والاولاد بقت تربيهم الفضائيات والانترنت .. يعني تشوفي ليه عروس بعد ما تشوفي القنوات بتاعتها
| |
|
|
|
|
|
|
Re: مطلوب زوجة بمواصفات خاصة جدا !!! (Re: elfadl abdellatif)
|
Quote: وش) علي من الناس (وش) علي الناس مني |
ها.. ها .. ها ..
Quote: يا ممكونة كلامك دة زمان زمن البت بتربيها امها وحبوبتها .. لكن الزمن دة وزمن حمودي ربنا يخليهو ويرحمنا .. البنات والاولاد بقت تربيهم الفضائيات والانترنت .. يعني تشوفي ليه عروس بعد ما تشوفي القنوات بتاعتها |
مبالغة عديل كدة ..
ربنا يسترها معاك ...
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
طوفي
Quote: طبعا ممكونة دي من الأرقام الصعبة في هذا المنبر ربنا يديها العافية .. |
تسلم من كل شر كتابة وحاضرة البديهة
قالت لي قوني مرة .
انت يا عواطف سمعت بقوني ده والله اكان رفع ضراعو وهزّ حجباتو يجيب ليك مش عروسة بمواصفاتك دى وحاتك يجيب ليك لبن الطير ذاتو.
هسع ام عبد الله قادلة ولا هاماها حاجة ، مكسرة جنحيني مخلياني احبى بالركب
لقيتيها كيف؟
| |
|
|
|
|
|
|
Re: مطلوب زوجة بمواصفات خاصة جدا !!! (Re: الطيب شيقوق)
|
Quote: انت يا عواطف سمعت بقوني ده والله اكان رفع ضراعو وهزّ حجباتو يجيب ليك مش عروسة بمواصفاتك دى وحاتك يجيب ليك لبن الطير ذاتو.
هسع ام عبد الله قادلة ولا هاماها حاجة ، مكسرة جنحيني مخلياني احبى بالركب
لقيتيها كيف؟ |
لقيتها خطيييييييييييييرة جدا ربنا يسعدكم ويهنيكم إن شاء الله ..
| |
|
|
|
|
|
|
|