|
|
 مبرووك علينا .. (التفحيط) دخل السودان ...
|
ولم لا يدخل ... مش نحنا بقينا دولة بتروووولية ؟؟!!
حتى كلام أهل الخليج دخل حوشنا ..
بقينا نقول "يديك العافية" .. وهي اسم الدلع ليعطيك العافية الخليجية ...
و نقول بنشر و بنشرجي للدلالة على محلات رقعة لساتك العربات ..
آسف أقصد السيارات !!
أما للذين لا يعرفون التفحيط ، فلا تثريب عليهم ..
فمن أين يعرفونه وهم لم يفحطون منذ أن ولدتهم أمهاتهم ..
ثم أنى لهم من أدوات التفحيط ؟؟؟
ونقول لهم أن التفحيط يسمى أيضا "تصييح الويلات" !!!
أما التصييح فهو من صاح يصيح محدثا صوتا عجيبا ..
أما الويلات .. فلا دخل لها بالويل و الثبور ..
بل هي جمع تكسير للويل ... و الويل هو "اللستك"
او اطار السيارة ..
أكيد الكل قد عرف معنى التفحيط الآن ..
وهي ظاهرة منتشرة وسط الشباب في دول الخليج .. حيث
يمتطون السيارات الفواره ويقصدون بها مساحات خالية
بخصصونها للتفحيط .. ومن ثم يمعنون في سياقة السيارة
بسرعة فائقة في ممرات دائرية مغلفة وبطريقة "فتية" ما يحدثون
بها أصوات مدوية تنتج من الضغط الواقع على اطارات
السيارة من جراء الدوران الدائري شديد العنفوان .. وهم
في كل ذلك منغمسون في نشوة معتبرة تزداد بزيادة معدل
دورانهم في تلكم الحلقات الدائرية المفرغة .. و "الجدع"
هو من يحدث أكثر الأصوات ازعاجا و انبعاجا !!!
بالطبع تكون الضحية الأولى هي اطارات السيارة التي تتلف من
جراء ذلك التهور العجيب ... ولكن هل يهمهم ذلك ؟؟ بالطبع لا
فهم يغيرون موديلات سياراتهم في الشهر الواحد عشرون مرة !!!
لكن ما بال شبابنا في السودان ... فلقد بدأت الجهات المختصة بشرطة
المرور تشكو من هذه الظاهرة التي تسلل اإليها أولاد الغفلة الذين أتوا
بالطبع من (أبهات الغفلة) ... و أمسكوا الخشب !!!!!
|
|
 
|
|
|
|
|
|
|
|
Re: مبرووك علينا .. (التفحيط) دخل السودان ... (Re: خالد عبد الله محمود)
|
Quote: الحين ( شفت الحين دي كيف) أسمكـ ده زاتو بقي ما جاي مع الدولة البترولية
قرض شنو ياخ يا دكتور ؟؟
لازم تغيرو لأي أي اسم تاني
أنا بقترح أسمكـ يكون : محمد إبراهيم هيل |
خالد ..
هيل دي بتدخلنا في مشاكل ورثة مع
عائلة هيل ماريام الاثيوبية ,,
ونحن ما ناقصين ..
لكن بغيروا لي قرض إكس 100 ..
رايك شنو ؟؟!!!
| |
|
|
|
|
|
|
|
|
|
Re: مبرووك علينا .. (التفحيط) دخل السودان ... (Re: محمد ابراهيم قرض)
|
قالوا مرة في الخلاء الواقع جنب الساحة الخضراء جوا كمية من الشباب وبدات نوبة تفحيط
طبعا كلهم ماداقين للقروش حجر دغش مع العلم بان اسعار الاطارات هنا عالية جدا
عمك سايق ليهو رقشة جاي من البلابل وقف معاهم في الصف قايل داير يفحط.
يعطيكم العافية ياربع
بتي الصغيرة قالت بابا عايزة بيتزا وهوت دوق ومارتدلا وفرانكفورتر
والله انا زمان في الابتدائي ( ملاح اللوبة) بفطر بيهو وبعمل بيهو بريك قبل الغداء
الخليج كلو بقي في السودان
| |
|
|
|
|
|
|
|
|
|
Re: مبرووك علينا .. (التفحيط) دخل السودان ... (Re: محمد ابراهيم قرض)
|
Quote:
عبد العزيز ...
بالحيل تخلف منقطع النظير ..
لكن هو التوجه الحضاري رجع تاني ؟؟!!! |
سلام
الأخ العزيز محمد ابراهيم
يعني الآن نحن بدأنا التدهور الحضاري.. وحنكون زي العرب...
وحنمر بكل خطوات التاريخ السمج لجهاليل العرب..
زار جعفر نميري ليبيا لإول مرة.. وفي الإستقبال الحاشد له بطرابلس تجمع آلاف الليبيون بزيهم الوطني
وبالثوب الأبيض الذي يغطي معظم الجسم.. ونميري يجول بنظره من على المنصة أثناء الخطب العديدة التي يلقيها المرحبون به.. يميل قريبا للقذافي ويهمس له: النسوان ديل طالت بيهم الوقفة, قول ليهن يجلسن..
رد القافي: يا سيادة الرئيس, دول رجال ماهم نسوان.
نميري: لو دول رجالك بختك يا معمر.. تحكم وتموت في كرسيك!!
تحياتي
| |
|
|
|
|
|
|
|
|
|
Re: مبرووك علينا .. (التفحيط) دخل السودان ... (Re: محمد ابراهيم قرض)
|
Quote: جلال ..
بتضحك على منو؟؟؟ |
والله خالد فقعني بالضحك ... تعليق ظرف بس شايفه حتى ناس عمنا اكس ما خلى ليكم فيهم طريقة
على العموم، لم اقصد السخرية فمناقشة الموضوع غاية في الاهمية من حيث المحافظة على ارواح الناس بما يمكن ان تسببه هذه الظاهرة من حوادث
واقول ليك حاجة...
ظاهرة تؤجج جراحات الوطن كثيرا فهي تعمل علي تعميق حد الكراهية بين الاغنياء والفقراء من حيث نظرة الاخيرين لها. حسب ظني،،،
دمت
| |
|
|
|
|
|
|
|
|
|
Re: مبرووك علينا .. (التفحيط) دخل السودان ... (Re: محمد ابراهيم قرض)
|
Quote: تبلدينا ..
بيني و بينك ..
شفت ناس معانا في "البنبر" ده ..
شفتهم يفحطوا ساااااكت !!! |
وعلى السادة المشاهدين مراعاة فروق الوقت ...
ونعتذر ايضا للسادة المشاهدين ...عن العطل المفاجىء لفرملة
الكيبورد...
دكتورنا واديبنا القاص محمد قرض ..
ازيك يازول ياظريف ...والله ليك وحشة مالك ياخى مخلى المنبر
كله كله بقينا مابنشوفك ...كدى كل سنة وانت طيب وبنجيك
الموضوع ماساااااهل ابدا ....واقرب قصة للتفحيط دى قصة
شارع النيل السنة الفاتت البنت وبنت خالتها وامها واقفين
عادى فى شارع النيل جنب الفلل الرئاسية جاء مفحط هناك
وخبط البت واتوفت فى الحال ...دى ماسأة حقيقية لابد من وقف هذه
الظاهرة الان...
___________
سلامى لست بيتك واولادها ....
| |
|
|
|
|
|
|
|
|
|
Re: مبرووك علينا .. (التفحيط) دخل السودان ... (Re: محمد ابراهيم قرض)
|
Quote: وعلى السادة المشاهدين مراعاة فروق الوقت ...
ونعتذر ايضا للسادة المشاهدين ...عن العطل المفاجىء لفرملة
الكيبورد...
دكتورنا واديبنا القاص محمد قرض ..
ازيك يازول ياظريف ...والله ليك وحشة مالك ياخى مخلى المنبر
كله كله بقينا مابنشوفك ...كدى كل سنة وانت طيب وبنجيك
الموضوع ماساااااهل ابدا ....واقرب قصة للتفحيط دى قصة
شارع النيل السنة الفاتت البنت وبنت خالتها وامها واقفين
عادى فى شارع النيل جنب الفلل الرئاسية جاء مفحط هناك
وخبط البت واتوفت فى الحال ...دى ماسأة حقيقية لابد من وقف هذه
الظاهرة الان... |
ولتعلمي يا ناهد أن ساحات الابداع السودانية تلفحت
بالسواد لرحيلك عنها ...
أما لهذا الإغتراب من ساحل ؟؟؟
بس ختمتيها بفجيعة محزنة يا ناهد ..
منعول ابو التفحيط البيقتل البراعم ...
تعالي السودان قوااااام ..
| |
|
|
|
|
|
|
|
|
|
Re: مبرووك علينا .. (التفحيط) دخل السودان ... (Re: محمد ابراهيم قرض)
|
Quote: ولتعلمي يا ناهد أن ساحات الابداع السودانية تلفحت
بالسواد لرحيلك عنها ...
أما لهذا الإغتراب من ساحل ؟؟؟
بس ختمتيها بفجيعة محزنة يا ناهد ..
منعول ابو التفحيط البيقتل البراعم ...
تعالي السودان قوااااام .. |
ياخى تسلم والله ...
سيكتمل عقدنا الذى تناثرت حباته فى كل دولة
من دول العالم لؤلؤة لؤلؤة وكأنما اخذتها يد مارد
كبير وقذفتها فى كل انحاء المعمورة
(ماتجى تقولى لى المعمورة اتعمرت وبقت كلها عمارات)
ياخى بالجد بالجد وماكسير تلج وانت عارف كدة افتقدنا كتاباتك الحلوة
القيمة المعنى ...الدسمة الموضوع ,...فى انتظار ابداعاتك التى لاتخفى
عن العين ...
___________________
كويس انه التفحيط جابك لينا ...
واولاد التفحيط ديل خير (مفحطة) اخرجت للناس
اى اخراج خير من هذا ؟؟؟؟
____________
مرة جابوا برنامج سعودى عنهم ..عاملين مفابلات ميدانيه
مع الشباب ديل وهم فى قمة التفحيط داك
والعجاجة قايمة جابوا واحد بيتكلم وهو عرقان وبيتلفت
(زى ناس الكورة فى الملعب لما تخلص المباراة...)
المدهش انه فى الشاشة نزل اسم الشاب المفحط
على انه فلان الفلانى (خبير تفحيط)
واخر (موجه مسار)
مابعيد ...احتمال قريب تسمع بانه اتعملت ليهم جامعة
| |
|
|
|
|
|
|
|
|
|
Re: مبرووك علينا .. (التفحيط) دخل السودان ... (Re: الطاهر عثمان)
|
Quote: شئ مؤسف حقيقة .. شاهدته في شارع اخر الصحافات
لو ضاربهم حجر الدغش ما كانوا بيعملوا كده |
والله فعلا المنطقة ديك بالذات خطرة وكلها ناس ماشة برجليها
وزحمة مواصلات .....وغير كده وكده ...الشارع اصلوا ضيق...
شفت الحته بتاعة المربع الذهبى ديك غرب السوق المحلى
دى فيها تفحيط من شباب غريبين وبعربات فارهة ..الواحد تلقاه
طاير بالعربية فجأة يلف الدركسون يبقى عكس خط السير وتتلقاع العربات
المعاكسة فى منظر مرعب
غايتو مأساة ..كبيرة ان مالحقوا حصلوها ..
____________
الطاهر ازيك ياخى واولادك كلهم لعلكم بخير
وكل سنة وانت طيب ...
| |
|
|
|
|
|
|
|
|
|
Re: مبرووك علينا .. (التفحيط) دخل السودان ... (Re: محمد ابراهيم قرض)
|
انتو ياجماعة مسعولين من الخير
مش زمان مفحطة حبوبتي فحط بيها الحرامي بعد ماقطعا من حبلها
التفحيط دا ياجماعة شبعة ساكت بتاعت اولاد فايقين
السعوديين بعد مايضربوا البيرغر الجامبو التقول لستك ميشلين ومعاهو البارد بتاع الكرتونة
ويقول كده بيدشا ويركب عربية ابوهو الماخمج والزلمي يجي للربع وبعد حالكن زين العجاجة تقوم
يامحمد قرض
التفحيط ماجديد في السودان اصلا دخل من العهد التركي المصري وبعد غزوة الدفتردار قالوا لقي جماعة لينا كدي في النيل الابيض مفحطين بالحمير
وفي رواية اخري يطلق عليه ( عنفطة الحمير) بس اختلفت الادوات والمعطيات علي ارض الواقع كما يقول اهل الثقافة.
لك عنفطتي اقصد ودي
النذير
| |
|
|
|
|
|
|
|
|
|
Re: مبرووك علينا .. (التفحيط) دخل السودان ... (Re: محمد ابراهيم قرض)
|
Quote: انتو ياجماعة مسعولين من الخير
مش زمان مفحطة حبوبتي فحط بيها الحرامي بعد ماقطعا من حبلها |
يبدو أن مفحطة الحبوبة هي أول واقعة تفحيط سجلت في تاريخ السودان يا بيرو ..
Quote: التفحيط دا ياجماعة شبعة ساكت بتاعت اولاد فايقين
السعوديين بعد مايضربوا البيرغر الجامبو التقول لستك ميشلين ومعاهو البارد بتاع الكرتونة
ويقول كده بيدشا ويركب عربية ابوهو الماخمج والزلمي يجي للربع وبعد حالكن زين العجاجة تقوم |
ديل السعوديين-وغيرهم من الخليجيين-مفحطين في عزهم ..
لكن ناسنا ناس قريعتي راحت ديل فوق كم يا بيرو ؟؟؟
Quote: يامحمد قرض
التفحيط ماجديد في السودان اصلا دخل من العهد التركي المصري وبعد غزوة الدفتردار قالوا لقي جماعة لينا كدي في النيل الابيض مفحطين بالحمير |
أسمح لي يا بيرو ..
هذا بمثابة "تزييف" خطير للتاريخ السوداني ..
بل هو محاولة للي عنق الحقيقة ..(كلمة لي دي أقراها كويس!!)..
ذلك لأن التفحيط دخل السودان في عهد كتشنر عام 888 ق.م .ز
وورد في الكتاب الشهير لحسن نجيلة (ذكرياتي مع المفحطين) ما يلي:
"رأيت بأم عيني التي يأكلها الدود شباب يفع من صلب كتشنر
يفحطون في الطريق المعد للترام .. وكان عددهم كان ما أخاف
الكضب عشرة .. وكمان لابسين أردية .. غايتو جنس قلة أدب"
| Quote: وفي رواية اخري يطلق عليه ( عنفطة الحمير) بس اختلفت الادوات والمعطيات علي ارض الواقع كما يقول اهل الثقافة. |
وحمير السودان لا تتعنفط إلا عند الشديد القوي يا بيرو ..
كأن تزيد الحمولة على ظهورها أو عند مغازلة الضكور
منهم للإناث !!!
| |
|
|
|
|
|
|
|
|
|
Re: مبرووك علينا .. (التفحيط) دخل السودان ... (Re: محمد ابراهيم قرض)
|
قرض
والله كتلتني من الضحك
في العهد الجاهلي وجد التفحيط عن الجاهلية بالابل والدواب علي سهول الوديان
كان اول مفحط يدعي بيرو ابن النذير الذي اشتهر بشدة الباس عند التفحيط حتي ان الشاعر ابوكوارع انشد فيه :
واناس يفحطون لنا واناس يعجبهم تفحيطنا
ايا جارية بنت عشرين اما وجدت غير مفحطين
اضناهم الحر حتي صهلت ابلهم وهم عند ربوة الوادي قاشرين
اما عند الفراعنة اشتهر التفحيط في عهد اخناتون الاول علي قمة الاهرامات وكان التفحيط (بالطشاتة) يطلع الواحد قمة الهرم ويجي مفحط
بالله ياقرض لوما عزيز علي مابملكك المعلومات دي
فحط
| |
|
|
|
|
|
|
|
|
|
Re: مبرووك علينا .. (التفحيط) دخل السودان ... (Re: محمد ابراهيم قرض)
|
بيرو ..
القاعد ليها شنو ..
الأمم المتحدة كايسة ليها خبير تفحيط بشدة ..
مرتب 20 صفرا بالدولار الما بيغباك ..
ما بيلقوا أحسن منك ...
ما شاء الله .. دكتوراه في شئون التفحيط و المفحطين ...
لكن ليتك لو عرجت بنا على العهد العباسي
حيث كانت الجواري يرقصن على ايقاع المفحطين ..
بينما تنهال عليهن النقوط من كل حدب و صوب ..
يقال أن إحدي الجواري كانت في الساونا حينما
تناهت الى اسماعها ايقاعات التفحيط ..
فما كان منها إلا أن هرولت عبر الدهليز الداخلي
لقصر الرشيد ومن ثم الى حلبة التفحيط مباشرة ..
ولم تفق المسكينة على فعلتها إلا بعد أن ضجت
الحلبة بصفافير الجمهور لتكتشف أنها أتتهم
من غير ورقة التوت و كانت حكاية اهتزت لها
جنبات القصر ...
قلبت علينا المواجع ياخي !!!
| |
|
|
|
|
|
|
|
|
|
Re: مبرووك علينا .. (التفحيط) دخل السودان ... (Re: محمد ابراهيم قرض)
|
قرض
ورد في الماضي
عن الشاعر فحطة بن عجاجة انه كان مولعا بدابة في العصر العباسي وماانفك ينشد فيها حتي تناهت الي اسماعه خبر مفحطين اسفل الوادي وسهر الليل بطوله مشرفا علي عليقتها وعند الصباح وعلي مشارف ديار بني غبار بن الكسحة الفراملي توقف وتزود بالماء وعندما اذن صلاة العصر كان قد بلغ ديار بني فرملة يدووجد عندهم من الجواري مايسد رمقه حتي ان واحدة منهم تدعي همرية بت فلكسواجن رمقته وولعت به وعندما حان اوان التفحيط كتلت عجاجته ولعت باخر وعندها ادرك شهريار الصباح
| |
|
|
|
|
|
|
| |
khalid fahmi
عواطف ادريس اسماعيل
معتصم محمد صالح
خالد عبد الله محمود
Abdlaziz Eisa
جلال عثمان
النذير بيرو
mekki
ناهد بشير الطيب
الطاهر عثمان
فيس بوك
تويتر
انستقرام
يوتيوب
بنتيريست