|
هكر فضل الساتر
|
الاخوة الاعضاء كل عام وانتم بخير بالامس عندما فتحت موقع سودانيز اونلاين واجهتني عبارة hacked by joker وكل ما افتح بوست القى ما فيه موضوع اليوم دخلت عادي وكأن شيئا لم يكن وما في زول جاب سيرة للموضوع .. يعني انا كنت مهكر براي .. هكر شخصي يعني .. زي هكر فضل الساتر اللهم اجعلو خير
|
|
|
|
|
|
|
|
Re: هكر فضل الساتر (Re: elfadl abdellatif)
|
والله انا ذااااتي..
من الصباح بتاوق.. قلت يا ربي.. دي أنا براي وللا كيف؟
والناس شايفاها عايشة حياتها عااادي.. زي الاتعودوا كدا.. وللا كيف ما عارفة..
المهم تحياتنا.. وكل سنة و انتوا طيبين ..
| |
|
|
|
|
|
|
Re: هكر فضل الساتر (Re: اينانا)
|
Quote: والله انا ذااااتي..
من الصباح بتاوق.. قلت يا ربي.. دي أنا براي وللا كيف؟
والناس شايفاها عايشة حياتها عااادي.. زي الاتعودوا كدا.. وللا كيف ما عارفة..
المهم تحياتنا.. وكل سنة و انتوا طيبين .. |
المثل بيقول
الجمل ماشي والكلب بيهوهو
الناس واثقة انو مهما حصل
كلمة الحق تعلو ولا يعلو عليها
| |
|
|
|
|
|
|
Re: هكر فضل الساتر (Re: elfadl abdellatif)
|
الاخوة المتداخلين شكرا على التجاوب .. طمنتونا .. بس انا خايف يكون الهكر من الداخل عشان كدة الناس ما جايبة خبر نجي لي هكر فضل الساتر وهي عبارة طريفة كانت ترددها خالتنا الحاجة عائشة رحمة الله عليها .. وهي عبارة عن مخزن صغير لامرأة مسنة تدعى فضل الساتر وجاءت كلمة هكر نسبة لما يحويه من حاجيات واغراض .. يعني لو بتها جابت ليها طقم عدة هدية .. تدخلو المخزن .. تربيزة كراعها اتكسرت مصيرها المخزن .. بنبر مدة خدمتو انتهت برضو الى المخزن .. وكمان شنطة او صندوق (سحارة) كبيرة لزوم الحاجات الصغيرة صغيرة .. صابون .. معجون .. يعني جميع الانواع والاشكال وبقو الناس يطلقو عليهو هكر فضل الساتر .. واصبحت اتذكرو كلما سمعت كلمة هكر .. حتى الهكر التقني
| |
|
|
|
|
|
|
Re: هكر فضل الساتر (Re: elfadl abdellatif)
|
الفاضل ..
كل عام وأنت بخير ..
يا جماعة الهكر بيعيد عليكم وبس ما تكبروا المواضيع وتدوها أكبر من حجمها وبعدين المفروض إنت
تكون اتعودت من هكر فضل الساتر ..
يا ساتر الناس دي مالها كدة .. أي حاجة لازم تعمل منها موضوع ؟ ياخي خلي الهكر لخالقها !: no:
| |
|
|
|
|
|
|
Re: هكر فضل الساتر (Re: elfadl abdellatif)
|
Quote: يا جماعة الهكر بيعيد عليكم وبس ما تكبروا المواضيع وتدوها أكبر من حجمها وبعدين المفروض إنت
تكون اتعودت من هكر فضل الساتر ..
يا ساتر الناس دي مالها كدة .. أي حاجة لازم تعمل منها موضوع ؟ ياخي خلي الهكر لخالقها !: |
الاستاذة عواطف كل سنة وانتي طيبة والله سبناهو للخالقو .. لكن هو ما سابنا في حالنا وذكرتيني الراجل بشتكي من واحد النوع الما عندو كبير الا الجمل .. قالو ليهو اشتكيهو لي الله قال ليهم والله اشتكيتو لكن ما سوا ليهو حاجة!! والظاهر فعلا الموضوع عيدية لانو لا اتكسر المنبر ولا اتدفق الفيهو .. يعني كل مواضيعنا سليمة مش زي الراحت في هكر الجوكر الفات
| |
|
|
|
|
|
|
Re: هكر فضل الساتر (Re: elfadl abdellatif)
|
والله كلامك صح.. بتاع الجمال و الكلاب دا..
وكلمة الحق لا يعلي عليها أكيد..
لكن المرة الفاتت كان في زي تغيير كدا.. في مواضيع اتلخبطت و الدنيا قامت ما قعدت..
لكن هسي مر الموضوع بسلام.. و أوعي يكون زي تكتيكات الحروب ديك.. يعني موجة خفيفة تنبئ بشئ تقيل جاي وراها..
المهم ما علينا.. الحمد لله الناس مطمئنة ..
____
| |
|
|
|
|
|
|
Re: هكر فضل الساتر (Re: elfadl abdellatif)
|
الاخ الفاضل
اولا كل سنة وانت طيب حبوبتك فضل الساتر ذكرتنى حبوبتى نفس الفيلم ...واطمئن شكلوا بكرى مسيطر على الوضع ...المنبر من اول امس الساعة 8 مساءماطبيعى والوانه ماياها ...ومرات يبقى اسود ومرة تجى الكتابة بالصينى
...لكن انا قلت يمكن من الشربوت الشربته
| |
|
|
|
|
|
|
Re: هكر فضل الساتر (Re: ناهد بشير الطيب)
|
Quote: المنبر من اول
امس الساعة 8 مساءماطبيعى والوانه
ماياها ...ومرات يبقى اسود ومرة تجى الكتابة بالصينى
...لكن انا قلت يمكن من الشربوت الشربته |
ناهد
كل عام وانت بخير
اها كنتي فاتحة كم كمبيوتر المرة دي
| |
|
|
|
|
|
|
Re: هكر فضل الساتر (Re: elfadl abdellatif)
|
الاخوة والاخوات مشعل اينانا مجدي عواطف ناهد ملامح الشكر على المرور الكريم ويؤسفني عدم التواصل لمحدودية الوقت المخصص للانترنت في جدول اعمالي المش مزحوم جدا .. بس حبيت اضيف نصيحة بسيطة انو اي زول عندو بوست خايف عليهو يحتفظ بنسخة منو في البريد بتاعو .. خاصة الكتابات التوثيقية .. لانو الهكر رغم انو قد يكون في بعض الاحيان نيران صديقة لكن برضو عندو خسايرو
بس يا ملامح شايف من اثر الهجوم السابق الرابط بتاعك دة غير موجود
| |
|
|
|
|
|
|
|