|
|
 حلوة وكذابة ... إحذروا هكر القلوب !!!
|
صبحكم الله بالخير وبارك خطواتكم أينما حللتم ومتعكم بالرزق الحلال ..
ليس فينا من ينسى كيف كان حاله عندما تم تهكير سودانيز أون لاين في ليلة
ظلماء ليس فيها ضوء .
أنا بصراحة كنت بشعر وكأني فقدت شخص عزيز مش حيرجع تاني , ولكن
عندما تذكرت أن تهكير المنبر لا يساوى شيئا مقارنة بتهكير القلوب و المشاعر
استغفرت مالك روحي و قشقشت دميعاتي و رفعت الفراش وأغلقت دفتر
التعازي!
ما دفعني إلى كتابة هذا الموضوع الله يعزكم إني قابلت أمس في مؤتمر منظمة
المرأة العربية أحد الزملاء وقد كان الأكثر أناقة وتهذيبا بين الآخرين , بالفعل
بيرفع الراس مطرح ما يمشي ولكن , كان نحيلا وشاردا على غير العادة فسألته
عن سبب هزاله الواضح فأجاب قائلا وكأنه كان ينتظر من يهون عليه مصيبته:
- فاكرة البنت اللي عرفت بيها قبل كدة وقلت ليك دي خطيبتي ؟
• طبعا !! كانت حلوة ولطيفة جدا ..
- حلوة فعلا ولكن طلعت كذابة !!
• معقولة ياخي ؟ كذابة دفعة واحدة كدة ؟ مش معقول !!
- بتصدقي دي ظلت تتلاعب بمشاعري وتدعي الحب لمدة أربع سنوات كنت
بصرف فيهم عليها FROM A 2 Z !
• وبعدين ! حصل أيه ؟
- ضحكت عليّ وإتزوجت واحد تاني .. !!!
• معليش هي الخسرانة , أكيد مش حتلاقي واحد زيك مهما حصل !
- المصيبة ليست في زواجها تغور في 60 داهية ولكن قدرت تضحك عليّ
وتخليني كمان أدفع مصاريف الفرح كله حتى الصالة لأنها قدرت تقنعني إنه أبوها أرغمها
على هذا الزواج وسوف تتزوج به إرضاء له ثم تكّره العريس عيشته من
اليوم الأول لكي يطلقها في اليوم التاني لأنها من المستحيل تكون لشخص
تاني .
• وبعدين ؟
- سافرت شهر العسل ثم عادت .. ومنذ تلك اللحظة أغلقت هاتفها ولم تتصل
بي وقد مر على زواجها عاما كاملا أنجبت خلالها بنتا حسب ما علمت !!
• ما تزعل نفسك يمهل ولا يهمل , كتير من الجنسين عاملين فيها
دنجوانات عصرهم .. يتلاعبون بمشاعر الآخرين , دون أن تتحرك شعرة من
رأسهم , يهكرون القلوب , ويعبثون بالأحاسيس متناسين عدالة السماء !
- بالفعل يمهل ولا يهمل لقد تم تفنيشه بعد عودته من شهر العسل مباشرة ومنذ
تلك اللحظة وهي التي تصرف عليه وعلي بيته بينما هو جالس بلا شغل أو
مشغلة .
• اللهم لا شماتة ..
- لدي طلب واحد !
• غالي والطلب رخيص ..
- أرجو نشر هذه القضية في سودانيز أون لاين لأني لست عضوا في المنبر
حتى تكون هذه القصة عظة لمن يعتبر !
• هذه ليست قصة .. هذه كارثة ..
# كل من يريد أن يرسل أو يتحدث إلى هذا الشاب فليكلمني وفتكم بعافية !!
أعذروني يا جماعة ماشة مؤتمر منظمة المرأة العربية .. وبعدين بجي أرد عليكم..
|
|
 
|
|
|
|
|
|
|
 Re: حلوة وكذابة ... إحذروا هكر القلوب !!! (Re: الطيب رحمه قريمان)
|
الأخ الطيب ..
معزتي ..
والله ليس هناك ما يدعو إلى إخراج مسرحية من هذا النوع وبالفعل هذا ما حصل وهو أيضا كما ذكرت ليس
لديه خبرة كافية في هذه النواحي أما الجزء الأخير فهو خاص بمن يتشككون في كل شيء لأني قلت ليه
قد لا يصدق البعض فجاءت إجابته فليتصل بي من يريد ذلك ..
عموما شكرا على المداخلة . .
ودي ..
| |
|
|
|
|
|
|
|
|
 Re: حلوة وكذابة ... إحذروا هكر القلوب !!! (Re: طارق ميرغني)
|
أستاذتنا العزيزة / عواطف بت إدريس
السلام عليكم ورحمة الله وبركاته
أولاً : نشكر جزيل الشكر على دورك الإنساني تجاه القضايا الاجتماعية وحمل هموم الآخرين ونشيد بإسلوب معالجتك لتلك القضايا .
ثانياً : هذا الشاب أنا لدي إحساس إنو هو السبب فيما حصل له لأنه ارتبط بهذه الفتاة لمدة أربعة سنوات دون علم أهلها والأحرى من ذلك يصرف عليها طيلة هذه المدة ولو اعتبرنا أن والد الفتاة رفضه زوجاً لبنته لماذا وافق على دفع نفقات الزواج للرجل الثاني الذي أصلاً لا يعرفه .... ودفعها على أي أساس وهل هذه النفقات هي أصلاً على حساب العريس ولا العروس إذا كانت على حساب العروس فملزم بدفعها والد العروس الذي رفضه وإذا كانت على حساب العريس فملزم بدفعها العريس الجديد الذي حل محله .
على العموم سامحيني في ردي ولكن أنا أعتبر هذا الشاب رجل هش في تعامله مع مخطوبته التي خدعته لأنه طيلة هذه السنوات لم يقنعها بأنه الأفضل في حياتها أو احتمال هي اكتشفت فيه بعض الأشياء التي تجعلها تستغله
بالتوفيق لكم في تغطية فعاليات مؤتمر المرأة العربية وسؤالي : ميشيل أوباما ما شرفتكم ؟ ولا نسيت والله معليش هي غير عربية
ودمتم
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: حسن مضوي)
|
الأخ حسن ..
معزتي ..
في الحقيقة هذا الشخص ليس بالضعيف لكنه طيب أكثر من اللازم وأهل العروس كانوا عارفين , وعارفين إنه
بصرف عليه ولكن أبوها غير رأيه في اللحظات الأخيرة وقرر تزويجها لذلك الشخص لأسباب يعلمها هو طبعا
دة حسب كلامه وأن لا أشك فيه مطلقا .. بس أنا زيك المزعلني الصرف المافي محله دة! وزي ما ذكرت في
المداخلة السابقة هي قدرت تضحك عليه لأنه كان بحبها حب أعمى وما كان شايف حاجة غيرها ..
ميشيل أوباما حنديها جنسية عربية عشان تجي تحضر المؤتمر الثالث ..
| |
|
|
|
|
|
|
|
|
 Re: حلوة وكذابة ... إحذروا هكر القلوب !!! (Re: طارق ميرغني)
|
بتصدق يا طارق إنها قالت ليه خطيبي ظروفه سيئة وعشان كدة حاول تساعدنا نخلص من الموضوع دة بسرعة
طبعا أنا عارفة الحكاية لا تصدق , ولولا أن شاهدت الأشخاص بنفسي والله على ما أقول شهيد ما كان صدقت
زيكم كدة وبالمناسبة الدنيا دي مسرح كبير ويا ما فيها درامات بس الناس ماعارفة ..
شكرا طارق فلست مهندسة قنابل عنقودية ..
| |
|
|
|
|
|
|
|
|
 Re: حلوة وكذابة ... إحذروا هكر القلوب !!! (Re: جعفر محي الدين)
|
عارف يا أبو الجعافر صاحبي أنيق لامن غلط .. كلما أحاول أفتش ليه عن غلطة في لبسه ما ألقاها لكن
معليش الدنيا ما بتدي حريف ..
وبعدين هكر القلوب ديل على فكرة هم رجال ونسوان يلعبون دورا خطيرا في حياتنا ويستطيعون تمثيل
جميع الأدوار منهم لله ..
شكرا جعفر مرورك أسعدني ..
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: عواطف ادريس اسماعيل)
|
عواطف صباح الخير ....
أنا ما عارف الزول ده عايز يصل لي شنو؟؟ تعاطفنا و لا شفقتنا و لا شنو ؟؟
ياخ والله أنا لو في مكانو أخجل و أختشي و حتى ناس بيتنا ما يعرفو الموضوع ..
خليك من أن أطلب نشر الموضوع في أكبر منبر سوداني..
لا تلوم إلا نفسك يا مان ....
أنا متأكد مليون في المية و خلال الأربعة سنوات كان في مليون دليل على إنك زول مستغل ( بفتح الغين)..
شوف يا عمك العلاقة من يبقي فيها صرف مادي مبالغ فيهو أعرف إنو الموضوع موضوع إستغلال وبس
ده الدرس الأول في قانون العلاقات الإجتماعية و أنا درستو و أنا لسه في الثانوي 
لا أشعر بأي نوع من التعاطف معكـ ...
فأنت من قبلت على نفسك هذا الوضع و بإختيارك و ما تظلم بت الناس ساكت فحتى القانون لا يحمي المغفلين..
كما جاي تحكي ... أختشي
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: خالد عبد الله محمود)
|
سلام يا عطوفي..
الزول ده ضهبان ساي
ممكن على مضض نقبل فكرة الصرف أثناء العلاقة
نقول بتحبكها صاح (حبكانة شديدة ومكنات تقيلة وكده)
وبرضو على مضض لأنو الاستغلال واضح والمساعدة والفنجرة واضحة.
لكن..
اصرف على الزواج بهذه الحجة الواهية فلولا إنو بعرفك كان سمع كلام مو سمح
والخلاصة في فيما أورده خالد عبد الله:
Quote: شوف يا عمك العلاقة من يبقي فيها صرف مادي مبالغ فيهو أعرف إنو الموضوع موضوع إستغلال وبس
ده الدرس الأول في قانون العلاقات الإجتماعية و أنا درستو و أنا لسه في الثانوي
] |
أوع ا يكون ثانوي أبو ردة ،،
احتراماتي
| |
|
|
|
|
|
|
|
|
 Re: حلوة وكذابة ... إحذروا هكر القلوب !!! (Re: ALMURADABI)
|
الموردابي ..
سلامات ..
الزول مش ضهبان أنا قلت ليه غايتو دقست دقسة عمرك لكن عذرته الحب أعمى والله أسألوني أن القدامكم دي
مرات تحب ليك زول ولما تروح السكرة وتجي الفكرة تقول يا ربي أنا مالي الحصل لي شنو ؟ لما تلقاه
ما بستاهل التعب دة كله .. عشان كدة على مهلكم على الراجل إنتو والزمن عليه حرام والله.
ودي ومعزتي ..
| |
|
|
|
|
|
|
|
|
 Re: حلوة وكذابة ... إحذروا هكر القلوب !!! (Re: الطيب شيقوق)
|
| Quote: غايتو جنس غايتو قدر جزاهو يا طوفي اللهم لا شماتة في حكمك |
عارف يا الطيب قبل كدة عملت موضوع عن التلاعب بمشاعر الفتيات , وقابلت شاب اعترف إنه متخصص تلاعب
وإنه عامل بحب عشرة بنات في وقت واحد وإنهن لا يعرفن بعضهن لذلك كان يرسل لهن نفس المسج بس يعمل
SEND 4 ALL أها زي دة يقولو عليه شنو ؟
| |
|
|
|
|
|
|
|
|
 Re: حلوة وكذابة ... إحذروا هكر القلوب !!! (Re: خالد عبد الله محمود)
|
يا خلودي إنت فاكر الناس كلهم تفتيحة زيك والله العظيم في ناس أطط مغمضة على قولة المصريين خصوصا
إذا كانت البت أو الواد ما حصلش في الكذب والخداع .. ربنا ما يوقعكم في جنس ديل ..
ياخي لاز تتعاطف معاه لأنه إنسان طيب جدا وليست لديه خبرات وتجارب في هذه الدنيا .. الشغل البيت
وبالعكس ..
شكرا خالد ..
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: عواطف ادريس اسماعيل)
|
الاستاذة عواطف
تحياتي
ما حأقول يستاهل او غشيم .. لكن حتى لو كانت صادقة معه وتنوي الطلاق بعد العقد مباشرة .. الا ان مجرد تفكيره فيها بعد خطوبتها هو خطأ فاحش .. لو ما من منطلق الباعك بيعو .. لكن عملا بالمبدأ لا يصح لاحدكم ان يخطب فوق خطبة اخيه
وبعدين حكاية الخطوبة دي 4 سنين يصرف على انسانة لايدري ان كانت من نصيبه .. وكمان ما يحس بصدق او كذب احاسيسها تجاهه .. وبعدين يصرف عليها بصفته شنو ? خطيبها ? ما قال لينا انو خطيبها .. بيحبها..ووعدته بالزواج?! .. طوالي يمشي يوثق الوعد بالخطوبة الرسمية .. عشان لما يصرف يكون الصرف نحو تأثيث البيت مش عشان سهرات المحروسة وفساتينها و.. الخ
وبعدين ابوها ارغمها ليه اذا كان العريس عريس الهنا ما قادر يصرف علي تكاليف الزواج .. وصاحب القصة رجل مقتدر بدليل انو بيصرف عليها من الالف للياء .. فلماذا فضله الاب عليه?
ونصيحة اخيرة لجميع الشباب .. اذا وجدت الفتاة تهتم بما تنفقه عليها اكثر مما تهتم بما تنفقه على المستقبل .. فاعلم انها ليست زوجة للمستقبل .. واكثر ما تريده منك هو زواج متعة او زواج فريند او عرفي .. لكن المرأة التي تريد الزواج الشرعي .. لن تطلب من الرجل الا عدتها وعتادها الشرعي .. يعني البدع بتاعت الشيلة والشبكة وفتح الخشم دي كلها عادات وتقاليد يجب محاربتها لتيسير الزواج وعشان ندي الشباب فرصة يبنو مستقبلهم بدل ما نقطع جيوبهم في يومين ويقعدوا بعد داك يفتشوا في التلاجة والتلفزيون بالاقساط ..
الظاهر اني خرجت برة الموضوع.. وللا شنو?!
| |
|
|
|
|
|
|
|
|
 Re: حلوة وكذابة ... إحذروا هكر القلوب !!! (Re: elfadl abdellatif)
|
Quote: الاستاذة عواطف
تحياتي
ما حأقول يستاهل او غشيم .. لكن حتى لو كانت صادقة معه وتنوي الطلاق بعد العقد مباشرة .. الا ان مجرد تفكيره فيها بعد خطوبتها هو خطأ فاحش .. لو ما من منطلق الباعك بيعو .. لكن عملا بالمبدأ لا يصح لاحدكم ان يخطب فوق خطبة اخيه
وبعدين حكاية الخطوبة دي 4 سنين يصرف على انسانة لايدري ان كانت من نصيبه .. وكمان ما يحس بصدق او كذب احاسيسها تجاهه .. وبعدين يصرف عليها بصفته شنو ? خطيبها ? ما قال لينا انو خطيبها .. بيحبها..ووعدته بالزواج?! .. طوالي يمشي يوثق الوعد بالخطوبة الرسمية .. عشان لما يصرف يكون الصرف نحو تأثيث البيت مش عشان سهرات المحروسة وفساتينها و.. الخ
وبعدين ابوها ارغمها ليه اذا كان العريس عريس الهنا ما قادر يصرف علي تكاليف الزواج .. وصاحب القصة رجل مقتدر بدليل انو بيصرف عليها من الالف للياء .. فلماذا فضله الاب عليه?
ونصيحة اخيرة لجميع الشباب .. اذا وجدت الفتاة تهتم بما تنفقه عليها اكثر مما تهتم بما تنفقه على المستقبل .. فاعلم انها ليست زوجة للمستقبل .. واكثر ما تريده منك هو زواج متعة او زواج فريند او عرفي .. لكن المرأة التي تريد الزواج الشرعي .. لن تطلب من الرجل الا عدتها وعتادها الشرعي .. يعني البدع بتاعت الشيلة والشبكة وفتح الخشم دي كلها عادات وتقاليد يجب محاربتها لتيسير الزواج وعشان ندي الشباب فرصة يبنو مستقبلهم بدل ما نقطع جيوبهم في يومين ويقعدوا بعد داك يفتشوا في التلاجة والتلفزيون بالاقساط ..
الظاهر اني خرجت برة الموضوع.. وللا شنو?! |
لا والله يا فاضل لم تخرج عن الموضوع بل سبرت أغواره وأديتنا درس عصر مجاني نحن في أمس الحاجة إليه
بتصدق البت دي كل هدفها إنها تلبس أحسن لبس وتمشي الكوفير وتطلع سهرات وصاحبنا المسكين ما عارف
الحكاية دي حتى قصة أبوها أرغمها على الزواج وإنه خطيبها مفلس وما قادر يكمل مراسيم الزواج
قد تكون حبكة منها برضو لأنه النوع دة خطير جدا حماك الله .. بتصدق أنا لاقيتها كم مرة وما قايلاها
اتزوجت لكن شعرت إنها بتزوغ مني .. أتاريها عاملة عملة منيلة بستين نيلة ..
شكرا لك أبق معنا ..
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: عواطف ادريس اسماعيل)
|
واطف
تحياتي
لاحظي هذه الجملة :
| Quote: المصيبة ليست في زواجها تغور في 60 داهية |
عندما وصل لهذا الحد كان قد إستغنى لدرجة أنه ممكن يوديها في 60 داهية
ثم :
| Quote: ولكن قدرت تضحك عليّ وتخليني كمان أدفع مصاريف الفرح كله حتى الصالة لأنها قدرت تقنعني إنه أبوها أرغمهاعلى هذا الزواج وسوف تتزوج به إرضاء له ثم تكّره العريس عيشته من اليوم الأول لكي يطلقها في اليوم التاني لأنها من المستحيل تكون لشخص تاني . |
هنا هو يبكي على ما صرفه عليها ...
دة قلبو ما مهكر .. دة مخو معمول ليهو غسيل كامل .. أو منوم مغناطيسيا ...
معقول أنا أعمل كمين لخطيبتي بتزويجها لواحد تاني ؟
تعرفي لو قام بإختطافها و تزوجها كان بيلقى تعاطف أكبر بكتير ..
بلغيه إستيائنا التام من غفْلته التي لم تخطر على بال.
مودتي
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: ابو جهينة)
|
عطوفة الغالية
تحياتي
لما سمعت القصة لم ادري ااضحك ام ابكي
الراجل في راي لا يستحق التعاطف معه
البيغلط في الدنيا غلط زي ده بنضرب علي راسه بغض النظر انو طيب او ساذج
انا عرست في خلال اسبوع
جيت السودان اجازة 3 شهور وما كان عندي زمن
رشحوا لي اهلي بنات كتار لكن لقيت بنت لوحدي
3 ايام معاهم في البيت كل يوم وبعد اسبوع العقد والاسبوع التاني الدخلة
قضيت شهر العسل ورجعت
اربعة سنين ده حتي حرام
بعدين انا مستغرب للشباب اللي ما صدقوا القصة وده مع الاسف لانهم ما بيعرفوكي
انا برضه قبل كده فتحت بوست ومسحته الكان موجه للبنات عشان واحدة نطت قالت ما مصدقاني
دنيا غريبة والله
ودي الاكيد يا عطوفة
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: ASHRAF MUSTAFA)
|
شروفي !!
يسعد صباحك الحلو ..
طبعا لأنك كنت صادق وجادي ربنا سهل ليك مهمة الزواج وأداك بت الحلال في 3 أيام , ربنا يوفقك ويجعل
ليك في كل خطوة سلامة ..
أما حكاية الناس الما بتصدق دي فشي عادي في ناس بتشك لأنهم ما سمعوا بقصة زي دي أو لأنهم ما ممكن
يقعوا في خطأ من هذا النوع .. وفي بعض الناس بتكذب أي حاجة وديل هم المزعجين جدا .. ولكن عندما
تكون واثق من نفسك أرجو أن لا تسحب أي بوست لم يصدقه البعض طالما أن الظاهرة موجودة وتستحق
المناقشة ..
أما حكاية الأربعة سنين دي تصور كانت كلما يقرر الزواج تدخل ليه من هنا وتمرق من هناك وهاك
يا حجج واهية إلى أن مرت السنوات ..
شروفي تحياتي ومعزتي الأكيدة ..
| |
|
|
|
|
|
|
|
|
 Re: حلوة وكذابة ... إحذروا هكر القلوب !!! (Re: ابو جهينة)
|
أبوجهينة ..
فعلا كلامك صاح والغريبة إنها استغلته لآخر درجة حتى الوظيفة اللي هي فيهاهو اللي سعى بعلاقاته
وجابها ليها .. وصدقا لكلامك قال لي أنا ما كنت حاسي بالدنيا زي المعمول لي حاجة , قلت ليه
استهدى بالله بس لأنك كنت بتحبها بقلبك وليس عقلك .. بس يا أبو جيهنة دة ما الموضوع نحنا عايزين
ننقاش ظاهرة التلاعب بمشاعر الآخرين شباب كانوا أم فتيات .. ابق معنا.. وشكرا لطلتك الأنيقة ..
معزتي ..
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: عواطف ادريس اسماعيل)
|
ازيك
بالنسبة لتركها لة اعتفد ممكن يحدث ذلك , لان هنالك عوامل اخري تدخل فى الموضوع( ابوها امها
الخ...) هذا بالنسبة للعروسة.
اما بالنسبة للهذا الرحل اقول
أأأأأأأأأة واأأأأأأأأة
كيف يكون تحبها اربعة سنوات ولم تبحث معها شئوون الحب كانسان لة مسؤلية وجادي فى مشروع
الزواج, الم تبادلك الجب والعواطف؟ لماذا لم توضح لها على سبيل الدعابة خريطة طريق زواجك
وانت تعلم ان الناحية المالية هامة بالنسبة للمراة؟
هل تعتبر هذة الاموال التي دفعتها لها (تكلفة صالة و....) ديون معدومة او Tip او اكرامية؟
كان عليك ان تناقشها فى فترة الاربعة سنين للاستنارة فقظ.
لك المواساة فى حبك وحسن التعازى.اللة يعوضك.
لكم التحايا وسلام.
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: سيف الدين مصطفى كرار)
|
أستاذة عواطف سلام
يعني ولدنا دا ريالتو صابَّه ولا شنو؟
تدفع يا حمار....وإنت عارف المسأله فيها دُخله وشهر عسل ؟
وراجي الكوره يشوتوها وترجع ليك ؟
الله لا علَّمك !
والتيس داك عامل نايم ولا شنو ؟
ولا لقاها بــــــــارده ....دافعين ليهو حق الصاله والعشا والفنان !
وعاير مِلح !
وتقولي لي يا عطفه الزول ما ضعيف ؟ .. دا خِيخه !
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: محمد فضل الله المكى)
|
ود المكي !!
يسعد صباحك ..
عارف يا حمودي في بعض النساء كيدهن عظيم يعني تخلي الواحد يقع من طوله ويمشي وراها مطرح ما هي
عايزة وتلعب على مشاعره زي ما بعملوا بعض الشباب وأنا بتذكر عندي واحدة زميلتي خطبوها لود عمها
وكانت ما عايزاه لأنها بتحب واحد تاني , بتصدق إنها اتزوجت ودعمها وولدت منه وبعد الولادة مباشرة
قالت ليه عرس وعرستك , ولادة وولدت ليك تاني عايز مني شنو ؟ قام طوالي طلقها وبعد فترة بسيطة
إتزوجت الشخص اللي كانت بتحبه لأنه كان صادق ومنتظرها وهي صادقة رغم أنها لم تأخذ منه مليما
واحدا الدنيا مليانة بالدروس والعبر ..
شكرا على مرورك الجميل..
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: Huda AbdelMoniem)
|
طوفي الاميرة كيفك؟
Quote: عارف يا الطيب قبل كدة عملت موضوع عن التلاعب بمشاعر الفتيات , وقابلت شاب اعترف إنه متخصص تلاعب
وإنه عامل بحب عشرة بنات في وقت واحد وإنهن لا يعرفن بعضهن لذلك كان يرسل لهن نفس المسج بس يعمل
SEND 4 ALL أها زي دة يقولو عليه شنو ؟ |
اعتقد هذا انسان مريض نفسيا ولكن يجب الا يكون التحامل على الرجال فقط يا طوفي فهنالك الكثيرات اللائي يتلاعبن بمشاعر الرجال بل سمعت احداهن تتفاخر علنا بانها تجيد فن ال diversification وأخريات يتحدثن عن الحبيب الاحتياطي عديل كدا .
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: عواطف ادريس اسماعيل)
|
العزيزه الغاليه بت ادريس Quote: وتخليني كمان أدفع مصاريف الفرح كله حتى الصالة لأنها قدرت تقنعني إنه أبوها أرغمها
على هذا الزواج وسوف تتزوج به إرضاء له ثم تكّره العريس عيشته من
اليوم الأول لكي يطلقها في اليوم التاني لأنها من المستحيل تكون لشخص
تاني . |
قانون الحُب...لا يحمى المغفلين....! على الحرام(!!!) يا عواطف...البت من عيونها ووشها بعرفها ليك تماماً أكان فيها شق ولا طق... قال يدفع مصاريف زواجها من شخص تانى..... قال! *** تخريمه: الله يجازيكم يا ناس س.اونلاين....الواحد يجى خاشى مستعجل...تانى ما يعرف درب المرقه بى وين؟؟؟؟!
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: عواطف ادريس اسماعيل)
|
Quote:
وبالمناسبة الدنيا دي مسرح كبير ويا ما فيها درامات بس الناس ماعارفة .. |
الاستاذة/ عواطف
حقيقةً الدنيا فيها قصص واقعية قد تبدو للكثيرين عبارة عن رويات وحكاوي (خيالية)
واغلب الناس الطيبين او قليلي التجارب والاحتكاك عندهم إعتقاد بان كل الناس عندها
حد معين للُمكر والخبث والدهاء ، بمعني ان الشر قليل في هذه الدنيا ، الامر الذي
يرسم الدهشة على وجوههم عند سماع مثل هذه القصص والمآسي!!!
فالخير موجود والشر موجود وبأشكال قد تكون اٌقرب للخيال 00
وعلى الناس الاتعاظ بغيرهم قبل ان تجبرهم الدنيا بالاتعاظ من تجاربهم الشخصية
تحياتي،،
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: Hala Hassan)
|
هلولة العسولة ..
مشتاقين وكدة
بالفعل تسعدني مداخلاتك لأني بشعر إنها ناضجة ومتزنة وعقلانية جدا ..
الزول بالفعل مسكين وما عنده تجارب والله العظيم الغنماية تاكل عشاه والبت بنت ستين في سبعين لأني
قابلتها قبل كد وما خايفة من كلامي دة تصوري كانت كلما تشوفني تزوغ مني أتاريها عمملتها وفكتو
عكس الهواء .. طبعا في شباب برضو بعملوا نفس الحركات , عشان كدة التوعية ضروية جدا زي ما تفضلت
شكرا لطلتك الحلوة ..
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: عواطف ادريس اسماعيل)
|
مساء الخير
بينى وبينك قصة عاوزة ادرس ,وعاوزة اشتغل,وعايزة اساعد ناس البيت
يوحد فى هذا المنطق شى من التبرير ويعطيها مبرر لعدم الزواج منة او الارتباط بة
او تاجيلة على الاقل,لكن بما انها تزوجت من شخص اخر وانجبت بنت ,معنى ذلك انها لا تود الارتباط
بهذا الشخص لعامل من العوامل هى التى تحددة,
هذة الحياة فيها من الغرائب والعجائب ما يذهل,انظرى مثلا فنانة شابة لبنانية تدعى سوزان تميم
تذبح فى شقتها فى دبى,وهى متزوجة ويتورط فى قتلها حسب الاتهام عضو مجلس الشورى المصرى
رجل الاعمال هشام طلعت,وصرف عليها ملايين الجنيهات, اضحكنى موقف الفنانة الراحلة سوزان
الذى اوضحة التحقيق , انها كانت تصرف ببزخ شديد على المكياج وطلبت مرة انها تريد
تغيير مكياج عيناها لتصبح عيناها مشاية لعيون القطة (الهر).هذا فى مجريات التحقيق.
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: سيف الدين مصطفى كرار)
|
أبو السيوف ...
سلامات ويسعد صباحك الحلو ..
بتصدق البت البتكون عندها حجج كتيرة لعرقلة الزواجة دي بتكون أكبر نصابة وكذلك الشاب اللي بيدخل
من هنا ويطلع بهناك , عشان كدة الناس لازم تكون واعية ومفتحة ..
أما سوزان تميم دي حكايتها تانية خالص .. ألذ حاجة عضو مجلس الشورى قال وداها مع أمه العمرة
عشان أمه تقتنع بيها
شكرا على العبور الحلو ..
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: عواطف ادريس اسماعيل)
|
عطوف حبيبى مشتاااقين شديد احنا
عارفه احترت شديد الحاصل علينا شنو كل يوم بقينا نسمع لينا عن سقوط جديد فى قيمنا
هسه الزولة دى يقولو عليها شنو، كيف اومخها قال ليها شنو وبعدين ياعطوف حقتو انتى برضو تحاولى تعرفى منهاالحاصل
احتمال زميلك ماقال ليك كل الحقيقة واى حقيقة علشان تكون كاملة لازم نسمع الطرفين، عارفه احتمال كبير هى فعلا مااتزوجت برضاها يعنى برضو ضحية، لانى ماداخلة لى فى راسى حكاية تمشى تتزوج وتتطلق وتجيهو راجعة كلام غريب واعوج والاعوج منو هو موافقته عليه وبصراحة
انا شايفة انه متساوى معاها فى الغلط وابدا ماضحية ، لانو قبل على نفسو انو يشارك فى خادع انسان اخر ماعندو ذنب فى كل البيحصل الهو زوجها، عن نفسى ماعندى اى شك فى انك كتبتى القالو ليك لكن شكى فى انو صاحب القصة ماقال ليك كل الحقيقة
غايتو فى ناس نفسيتا خربانه خلاص ، الله يحفظ الجميع .
تسلمى حبيبة كتير يارب ...
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: ماجدة عوض خوجلى)
|
ماجي هنا !!!
يا مرحبا .. يا مرحبا ..
ليك وحشة والله وألف سلامة ليك يا توأم الروح مع الشكر الجزيل على المكالمة الحلوة ..
هو بالفعل والد العروس حسب ما عرفت إنه رفض عشان الشاب المسكسين عنده تجربة سابقة غير ناجحة
ولكن والدها كان عارف العلاقة بين بنته وهذا الشاب وعارف الصرف المبالغ فيه وكل شيء ,, غايتو
لله في خلقه شئون .
تسلمي يا بعد عمري ..
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: محي الدين جبريل)
|
محيو ..
مساء بلون البنفسج ..
شكرا على مداخلتك الأنيقة كالعادة وأنا والله زيك تعاطفت معه ولا زلت لأني بعرفه معرفة شخصية وعارفة
إنه إنسان على نياته لأبعد الحدود يعني الغنماية تاكل عشاه على الرغم من إنه في شغله بروفيشنال
وماخد جوائز عديدة ولكن غلطة الشاطر بألف وهي كمان ملهاش في الطيب نصيب ..
بس المحيرني يا محيو التمثيل المبالغ فيه من قبل بعض الشبان والشابات يعني تمثيل وإدعاء العواطف
دة حاجة قاتلة وتدل على عدم الأخلاق والضمير .. تعرف هذه ليست القصة الأولى والأخيرة خصوصا بعد أن
تغيرت الطموحات والمفاهيم .. أما الشاب المسكين فصدقني لو كان تطلقت من زوجها كان عرسها وربنا
يستر بعد ما اتفنش وقعد في البيت !!! المستقبل أصبح بالنسبة ليها كتير مظلم ..
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: عواطف ادريس اسماعيل)
|
القصة برضو لا يمكن إخراجها من سياق التحول الاجتماعي الهائل الذي حدث في السودان
لأنه طغت على مجتمعنا مفاهيم ما كانت مقبولة في أوقات سابقة
واصبحت النظرة المادية هي التي تحكم وتقرر علاقاتنا الاجتماعية ولم تعد الفتاة تنظر إلى الرجل الشهم أخو البنات ومقنع الكاشفات ولكنها صارت تنظر للوضع المادي بدون إعطاء المعايير الإنسانية الأخرى أي دور في تحديد شريك المستقبل
صدقوني خط الرجعة بعيد جداً جداً
ما علينا سوى التأقلم adaptation مع أوضاع كهذه
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: جعفر محي الدين)
|
أبو الجعافر ...
يسعد مساك الجميل ..
بالفعل حدث تحول اجتماعي وأخلاقي خطير بسبب التداعيات الخطيرة التي حدثت في المجتمع لأسباب اقتصادية
وسياسية واجتماعية وقد انعكست رياح هذا التغيير على بعض من أفراد الجاليات في دول المهجر .. والآن
نحن نجني ثمار هذا التحول المر ..
ومثلما ذكرت يا بعد عمري حكاية الفارس أحلام البنات أصبحت ذكرى من الماضي وأصبح الراجل ما يعيبوش
غير جيبه .. وعلى الباقين وليس الباغين تدور الدوائر ..
شكرا جعفر إبق معنا ..
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: عواطف ادريس اسماعيل)
|
صباح الخير
اليس هذة بداية لشى من التحرر والاحساس بالذاتية والمسؤلية الفردية لها؟
فى الزمن الماضى لم يكن هنالك حجج انما موافقة يا فلانة على فلان؟
حاضر يابوى اوحاضر يا امى.انمافى زمن العولمة هذا اعتقد المفاهيم تغيرت.
على سبيل المثال مؤتمر المراة العربى الم يناقش فى اجندتة حقوق المراةالعربية
فى اختيار شريك الحياة والمساواة مع الرجل فى العمل واحرى.....
اذكر منذ فترة شاهدت فلم عربى اسمة الباحثات عن الحرية
تحكى قصتة حول حالة المراة العربية المهاجرة لاوربا والخارج ,والمعاناة التى تقابلها
وانواع الاعمال التى كانت تاديها خارج وطنها , والضقوط النفسية حولينها.والرضوخ للامر الواقع.
كلمة الامر الواقع هذة لها اهمية قصوى فى العلاقة بين الرجل والمراة.........
فعلا كم رجل وكم امراة ادخلا انفسهم فى مازق , وبعدها ينشدون الخلاص والتحليق فى
سماء الكون.
مودتى
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: سيف الدين مصطفى كرار)
|
أبو السيوف ..
أسعدتني مداخلت الثرة وبمناسبة البحث عن الحرية لست أدري ما هو مفهوم الحرية الذي نبحث عنه ؟
أهي الحرية المطلقة أم النسبية المحدودة المرتبطة بقيمنا وسلوكنا .. أعتقد أن الحرية شيء جميل
وحق للجميع ولكن أرجو أن لا تكون وبالا علينا ..
لقد ناقش مؤتمر المرأة العربية الذي حضرته السيدات الأوائل وعدد كبير من المهتمين والمهتمات بقضايا
المرأة , مفهوم أمن المرأة الاجتماعي , والثقافي والاجتماعي , والسياسي والاقتصادي وطالبن بضرورة
منح المرأة حق المساواة مع الرجل في جميع المفاهيم السابقة ..
وفيما يتعلق ببعض المشاكل العاطفية التي تحدث بين فينة وأخرى بين شاب وفتاة فهذه يا عزيزي
تعكس عدم الصراحة والشفافية بين الأبناء والأهل وهذا محور هام للنقاش وذلك لغياب هذا السلوك
في المجتمع السوداني بصفة خاصة ..
شكر سيف .. وجودك يسعدنا ..
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: عواطف ادريس اسماعيل)
|
الاستاذة عواطف
اعود للموضوع فقد كان من البداية يحمل عدة محاور بالنسبة لي
اولا حكاية الخطوبة الطويلة المدي لابد من وضع اسس وقواعد اجتماعية لتلافيها .. يعني مثلا طلبة الجامعات
من الجنسين الواحد في الجامعة وبدل ما تكون فرصة لتامين مستقبله الاكاديمي نراهم يستغلونها لتأمين مستقبلهم السياسي والعاطفي.. لا بأس من ان تكون الجامعة بوابة لاستكشاف الجنس الاخر لكن المستقبل امامه طويل لتحديد الشريك المناسب .. كما ان امامه خطوات لا بد له ان يقوم بها قبل مجرد التفكير في الزواج .. وكمان مافي داعي يربط الطرف الثاني معاه 4 او 5 سنين .. لا يعلم احد بمجريات احداثها
انا ضد الارتباط المطول .. وحتى حكاية الحب دي ما مقنعة .. لانو الزواج تدخل فيه عدة عناصر ليست كلها حبا .. والانسان لازم بعد ان يصاب بالحب يجب ان يستشير عقله .. والذي قد لا يؤيد ذلك الحب .. وحتى الحب نفسه يجب ان يكون عملية متكاملة .. ما كل واحد او واحدة شكلو مقبول ويأسر القلوب بوسامته او خفة دمه يكون صالحا لملء وظيفة الزوج او الزوجة.. اذ لا بد ان يكون مهيئا اخلاقيا لتلك الخطوة
هذا بالنسبة للخطوبة اما اذا كانت علاقة هامشية يعني حب بوعد الزواج فهي اولا علاقة غير سوية .. ولما تطول الفترة كمان غالبا ما تكون مؤشر نحو عدم جدية احد الطرفين ..
الخلاصة اي علاقة حب يجب ان تقنن بالخطوبة .. عشان الانسان يعرف الطرف الاخر .. لازم يتعرف على الاسرة .. ويعرفوه .. فرؤيتهم ورأيهم له وزنه في هذه المسائل
والموضوع لازال ينقصه محور دور الاسرة .. الذي ساتناوله في مداخلة اخرى ان شاء الله
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: elfadl abdellatif)
|
العزيز الفاضل ..
محبتي ..
كامل تضامني مع مداخلتك الرائعة وبالفعل الخطوبات المطولة تقود إلى أشياء لا تحمد عقباها مهما كانت
الأسباب أو درجة الحب , بصراحة كدة أنا ضد إرتباط الفتيات بعيدا عن عيون أهلهن لأن توجيه الأهل يلعب
دورا كبيرا في نجاح العلاقة إذا كانت جادة . أما حكاية الشكل والمؤهل والمكانة الاجتماعية فلا تسمن
و لا تغني من جوع ..
شكرا فاضل وأهلا بك ..
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: عواطف ادريس اسماعيل)
|
عطوفه سلام
وكيفك ووين اراضيك
Quote:
أنا بصراحة كنت بشعر وكأني فقدت شخص عزيز مش حيرجع تاني , ولكن
عندما تذكرت أن تهكير المنبر لا يساوى شيئا مقارنة بتهكير القلوب و المشاعر
استغفرت مالك روحي و قشقشت دميعاتي و رفعت الفراش وأغلقت دفتر
التعازي! |
برضو ؟؟ نفس الشئ كان عندنا بجاي ,,,
كل الود
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: أحمد الشايقي)
|
عطوفة
ياخي الشوق كسر مخروقتنا
طبعا عندي حكمة وبيت شعر لامتصاص كل الصدمات الكهرو عاطفية
الاولي
تذكر لا يضيرك شيئا اذا كنت عابر
والتاني لمصطفي سند
فلا تاسو لمن فاتو فبعض تبقي وبعض منازل تناي فتدينها المسافات
ياخي ظز فيها الدنيا اكبر منها
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: عواطف ادريس اسماعيل)
|
Quote: فعلا الدنيا مليانة بنات ولكن السنوات الضاعت من المعر لا يمكن تعويضهن مش كدة .. ؟؟
عطوفة شوفي الحلنقي قال شنو في حكاية العمر دي
رد السنين الشلتها رجع سنين عمرى المضى
عز الليالى الباقيه لي اديه بس حبة رضى
قضيت سنينى اراضى فيك لما العمر كلو انقضى
ورينى كيف بعد الخريف
زهرة ربيعى اعوضا
وكيف ابدأ تاني عمر جديد
وأنت السنين كملتها
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: محمد سنى دفع الله)
|
سنسوني !!
سلامات .. والشوق مطر ..
إن شاء الله يكون عنوان السهرة 3 على واحد
إنت عارف يا حمادة لو جينا نحكي الدرامات النشوفها عايزين موسوعة لكن أحسن نخلي الطبق مستور ..
عموما يا بعد عمري غيب وتعال تلقانا نحنا يا نحنا رغم الهكر والتهكير ..
شكرا على الطلة ..
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: عواطف ادريس اسماعيل)
|
الأخت/ عواطف إدريس
أولا : سلام عليك والله مشتاقين شديد . فأنا من الذين يحرصون على قراءة مواضيعكم
ومداخلاتكم لأنني أرى فيها الصدق والواقعية ، وآخر ما كتبتينه عن ذلك الشاب
الذي أوهن عظمه الحب وأوجعه ذلك الشاكوش الذي وقع على رأسهمن تلك التي تدعي بحبها له
المهم في الأمر . لقد أطلعت على مداخلات عدة حول هذا الموضوع وأحب أن أرد على أصحاب تلك المداخلات الذين وصفوك بالكاتبة المسرحية والمخرجة البارعة . أقول لهم حتى ولو كانت هذه مسرحية من تأليف الأخت عواطف فهذا لا ينفي وجود مثل هذه الحالات في السودان خاصة وكثير منها حدث فلماذا الإستغراب يا سادة على ما نقلته الأخت عواطف . والله أنا جيت من السودان قبل أسبوع تقريبا سمعت وشفت ما لم تصدقونه ناهيكم عن ما نقلته الأخت عواطف .. على العموم هذا الشاب الذي دفع ودفع لتلك المحروسة إتغشى فيها لكن مهما كان حبه لها فهذا لا يعني أن يصل إلى حد أن يقوم بدفع تكاليف الزواج فإنني في هذه الحالة أصفه بالجنون والغباء ..
مع تحياتي وتقديري
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: سيف الدين علي محمد الفاضل)
|
عواطف كيفك
المغزى من البوست
تهكير القلوب
بالنسبة للشباب
هي عادة قديمة
قدم حواء وادم
وكانه ما زال ينتقم بالبحث عن ما برضيه ولو لحين
والتهكير يحدث في اليوم عشرات المرات
وبالنسبة للشابات
ظاهرة قديمة قدم يوسف وزوجة الفرعون
لاحظي ظاهرة ...
يعني مش سيادة لمظهر يصبح جزء من الفعل العام ...
ولكن ما حدش احسن من حد والمعايش ... سوري أقصد المظاهر .. جبارة
وكل شئ جائز وممكن
ولكــــــــــــــــــــــن
صديقك الذي احترمه كثيرا وارى ان لا ذنب له في أنه صديق
وقع فيمن يعرف من أين تؤكل الكتف .....
وهو أمـــــــــــــــــــــــــر كان يحتاجه بشدة
وتجربة الله بعلم انه يحتاجها لمجابهة الدنيا وسؤاتها
ومعظم من يقرا هنا لا يحتاج نشر قصتها على الرغم من عدم بلع الجزء الاخير .....
لكن نحتاج نشر قصته هـــــــــــــــــــــــــــــــــــو
فالعبرة في كم الغفلة لانسان عاش منغلقا
مودتي وشوقي
والله يا عواطف وقتي صعب ومشاركتي لمواصلة الحبل الذي انقطع لسنين
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: محاسن زين العابدين)
|
حسووووووووووونة !!!
سلامات يا ست الكل ومشتاقين ...
أنا سعيدة بهذه المداخلة التي تحمل بين طياتها رؤية علمية وموضوعية مستندة على نماذج من أرض الواقع
الذي تبدو الرؤية فيه قاتمة بعض الشيء كما لا يبشر المستقبل بالخير طالما أن هناك أناس يستغلون
مشاعر البعض ويهكرون قلوبهم .. وبالفعل مثلما تفضلت هي ظاهرة أصبحت جزا من المسلك العام حتى
أن بعض الناس أصبح يرى هذه الظاهرة وكأنها فعلا عاديا ..
شكرا محاسن و أعتذر للتأخير للمشغولية الزايدة عن حدها ..
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: سيف الدين علي محمد الفاضل)
|
أبو السيوف ..
سلامات ..
الشوق بحور ما ليها حد ما ليها قيف ..
شكرا على مرورك الرائع وأعذرني أمبارح كان عندي تسليم موضوع لذلك لم أفتح سودانيز أون لاين ..
والشكر مرة ثانية على هذا الإطراء الذي أتمنى أن أكون أهل له , بخصوص عدم تصديق البعض هذا
شيء طبيعي فالناس أجناس أما بخصوص الموضوع والخداع الذي يمارسه البعض فهو موجود وبالكوم
بس زي ما قلته صاحبنا دقس دقسة شديدة ربنا يعينه ..
شكرا سيف إبق معنا ..
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: عواطف ادريس اسماعيل)
|
الاستاذة عواطف
فقط لانني وعدت ان اعود لموضوع الاسرة .. حيث اومن بأهمية دورها وليس كما كتب احد كتاب القصة الافارقة
Marriage is a private matter اي ان الزواج مسألة شخصية وعلاقة بين رجل وامرأة قررا الزواج ..
واقصد الاسرة من الناحيتين
اولا اسرة كل طرف لازم تكون مقتنعة وفي نفس الوقت مقبولة بالنسبة للطرف الثاني
انا شخصيا لو كان عندي بت فسأظل ابحث لها عن العريس في سن مبكرة .. وسأختار لها من أظن انه سيكرمها حسب معرفتي بمعادن الرجال .. ولو ما عجبها .. مالو .. نشوف غيرو .. ولو عندها زول في راسها .. برضو ممكن .. بس لازم اختبر مدى استحقاقه لها .. وكمان اسرتو لازم تكون ذات خلفية اخلاقية طيبة.. بس دي كل مواصفات العريس .. حتى بعدها نشوف مقدراته المادية .. بدون ما نضع تكاليف باهظة ..
| |
|
|
|
|
|
|
|
|
|
Re: حلوة وكذابة ... إحذروا هكر القلوب !!! (Re: elfadl abdellatif)
|
الأخ الحبيب الفاضل ..
محبتي ..
بصراحة عجبتني مداخلتك جدا لأنها يفترض أن تكون قاعدة ثابتة لكل من ينشد لإبنته أو أبنه حياة
زوجية كريمة تقوم على أسس متينة .. أم صاحبك القال إنه الزواج مسألة خاصة دة صراح المفروض
يبل الكتاب دة ويشرب مويته لأنه بالنسبة لينا أصبح ما برايفت متر بل فاميلي متر أليس كذلك
شكرا فاضل أوجزت فأحسنت ..
| |
|
|
|
|
|
|
|
| |
عواطف ادريس اسماعيل
الطيب رحمه قريمان
سيد محمد احمد سيدنا
جعفر محي الدين
خالد عبد الله محمود
ALMURADABI
الطيب شيقوق
elfadl abdellatif
ابو جهينة
ASHRAF MUSTAFA
محمد فضل الله المكى
mekki
ابوعبيدة حسن محمد
محمد الواثق
ماجدة عوض خوجلى
محي الدين جبريل
احمد سردوب
العوض المسلمي
أحمد الشايقي
khaleel
محمد سنى دفع الله
محاسن زين العابدين
Dalal Ezzaldin
عبد الدائم سيد أحمد
فيس بوك
تويتر
انستقرام
يوتيوب
بنتيريست