|
يوسف الموصلي: امتى أرجع لأمدر وأعودا
|
قبل عدة سنوات وفي لقاء صحفي مع صحيفة الخرطوم اوان صدورها بالقاهرة صرح الاستاذ الموسيقار يوسف الموصلي بانه بصدد اعادة توزيع وغناء اغنية (امتى ارجع لامدر واعودا)رائعة الحقيبة التي عرفها الناس بصوت المرحوم عبدالعزيز محمد داؤود.ويبدو لي ان ظروف الاستاذ الموصلي ومشغولياته الاكاديمية والعملية لم تسمح له باعادة توزيع وغناء الاغنية في تلك الفترة على الاقل. سبق وان خاطبت الاستاذ الموصلي بالبريد مذكرا اياه بوعده الذي وعد.فوعدني بان اسمعها قريبا ومن خلال هذا المنبر. ولأن الاستاذ الموصلي بصدد اعادة تجميع وتوزيع كل غناء الحقيبة كما تعلمون ولأن امدر حبيبة الى نفوسنا جميعا ولأنها(الطابية المقابلة النيل)ولانها ام السودانيين جميعهم.فهل نطمع في ان تكون (امتى ارجع لامدر واعودا)هي مفتتح جهد الاستاذ الموصلي في تجميع وتوثيق غناء الحقيبة؟ عزيزي الاستاذ يوسف الموصلي انا في انتظار ردك ..ولك الود والشكر الاعزاء الاعضاء من يحب سماع (امتى ارجع لامدر واعودا)بصوت الاستاذ يوسف الموصلي ومن به شوق الى (زهرة مدائننا) فليسجل في دفتر الحضور هنا... امتى أرجع لأمدر وأعودا اشوف نعيم دنيتي وسعودا
|
|
|
|
|
|
|
|
Re: يوسف الموصلي: امتى أرجع لأمدر وأعودا (Re: فتحي الصديق)
|
يا فتحي ياخي شكرا وانا علي الكلم وانت النغم
أمتى ارجع لىي امدر وأعوده وأشوف نعيم دنيتي وسعوده
امتى تلمع بروق رعوده حظوظي تنجز لي عوده
روحي ضاعت في النار قعوده لي هون يا ربي عوده
اشوف حبيبي وانظر خدوده عساها ترحم تكون ودوده
ومسامعي تسكر من ردوده وتطفي ناري الفاتت حدوده
والحبيب يوسف الانسان الله يدي العافية برجع بي السلامة وكل الطيبين في الشتات ويوم اخاله قريب قريب قريب
سلااااااااااااااااااام
| |
|
|
|
|
|
|
Re: يوسف الموصلي: امتى أرجع لأمدر وأعودا (Re: Elmosley)
|
العزيز مكي لك الشكر على الحضور..برجاء انتظار الاستاذ يوسف.. لك جزيل الشكر الاستاذ يوسف الموصلي لك التحية والشكر على الطلة والحضور.. في انتظار ما وعدتنا به اهديك مقاطع للاستاذ محمد محمد خير في حب امدرمان زهت الفتيحاب بالشمس واتبسمت بانت على وش ابكدوك والعرضة غنت من مطامير الحقيبة الصادحة هم ما بشبهوك من يوم ولدتي العاشقين ما شفتي يوم بيت ناس ابوك
| |
|
|
|
|
|
|
Re: يوسف الموصلي: امتى أرجع لأمدر وأعودا (Re: فتحي الصديق)
|
الاخ العزيز الموصلى لك التحيه والاحترام حقيقى حضورك لامدر هام ونحن بانتظارك لتعطير الاغنيه السودانيه من خبراتك الحديثه اللكترونيه اضافه لمهرجاناتك المبدعه وفى حاجه ماسه لعمل مركزك بامدر بلد الامان والفن والفناتنين قول يارب
والشكر موصول للاخ/ فتحى الصديق
عمرجودة
| |
|
|
|
|
|
|
Re: يوسف الموصلي: امتى أرجع لأمدر وأعودا (Re: Elmosley)
|
الحبيب الموصلي.......والاخوه الكرام.....
ام در الحبيبه....والجندول .....ويا عميدنا الموصلي......هل تذكر الفنان محمد الامين ....وشارع الاربعين..واستديو فينوس.......هل تذكر المرحوم ابو عبيده حسن ويا سواقوا ليهو شلتو من البيت لمدرستو.....وميدان بانت.......زيدان ابراهيم والعباسيه...المرحوم.برعي محمد دفع الله..والصينيه......وبعد كم بيت الحبيب محمديه......ايام كنا نزوغ المدرسه...كي نحظي بلقاءكم.....ونزوغ من المذاكره...ووراكم من حفله لي حفله....
عميدنا كانت ايام.....ندعو الله ان تعود.....ونراك في ام در الحبيبه....والجندول وسوق المورده.....
وقالوا كمان في حاجه جديده اسمها القولدن قيت.......يومها حا نعمل سيره بمائه رقشه........
| |
|
|
|
|
|
|
|