|
Re: واحشني جدا ياعزيزي ابوعركي (Re: Elmosley)
|
ابو عركي البخيت من اوائل الذين اهتمو باداء الاوركسترا المجود بالسودان وهو عازف كمان جيد لذا فان كتابته لالة الكمان في اغنية بخاف قد كانت واحده من القمم في تاريخنا الغنائي
| |
|
|
|
|
|
|
Re: واحشني جدا ياعزيزي ابوعركي (Re: Abomihyar)
|
واحشنى يا الخليت ملامحك ..
فى حياتى ،
واحشنى يا الرسيت مراسيك ..
جوة ذاتى ،
الا باكر لما ترجع ،
أنا بحكى ليك عن الحصل ،
وعن بعد المسافة وقربها
ولمن يفارق زول عيون
غاليات عليهو كتير خلاص وبحبها
والله أحكام يا قدر
والله أحكام يا مسافة ويا سفر
***
وانت لما بتسيبنى وتسافر
خت فى إعتبارك ،
انو دنياى فى مدارك
وجد- لفافات الصبر دخنتها
وكل المقاطع فى غناى طوعتها
وغريبة غنت ،
فرحة ... لا ... لا
غربة ..لا....لا
تقصد شنو ما عرفتها
وأهى تجربة .....
خطيرة – جد – وأجتزتها
ولسة واحشنى
| |
|
|
|
|
|
|
Re: واحشني جدا ياعزيزي ابوعركي (Re: muntasir)
|
يا موصلي انا تاني السودان في اللستة الفوق دي
فابوعركي عندي .. فوق حد الاحتمال ادس نغمه وابداعه عن نفسي... تعرف مرات اخاف اسمعه...القي نفسي كملت
ومن معزتك انت لي ختيتي قلبك فوق ايدي
وقلتي ليه ده نور عيني عليك الله احرسو لي بالله عليكم لاقتكم حالة معزة زي دي؟؟؟
بلا ناقتها بعيري بلا السيف والقرطاس
استأذنوه لي يا تماضر وموصلي لابعث لكم شريط فيديو وابعث له ايضا حفل تخرج ام يارا...قمت بتصويره بنفسي وانتشيت حتي آخر عرق فيني لولا ان ثلاثتكم من اعز الناس لله في لله لما فكيت آخري هنا
| |
|
|
|
|
|
|
Re: واحشني جدا ياعزيزي ابوعركي (Re: nazar hussien)
|
نسيت اقول ان حفل التخرج كان بطعم عركي فغني والناس وقوف...لم يترك لنا عصبا لنجلس عليه...فرقصنا معه رقصة زاندية كاكاوية وضحكنا معه...ورجعنا زمان الوصل بالخرطوم
الكلام دا كان راس عامن اول- ما عندي تنوين لي عاما دي والحفل لتخريج طلاب طب جامعة جوبا_ ليتذكر ابوعركي ويسمح لي بان اهديه له ولكما
| |
|
|
|
|
|
|
Re: واحشني جدا ياعزيزي ابوعركي (Re: nazar hussien)
|
الأستاذ القدير والموسيقار الموصلي
تحية حارة جداً
بمعلوماتي البسيطة جداً والمتواضعة في الموسيقى ، لاحظت إنو أبو عركي صوته صوت أوبرالي !! هل كلامي ده سليم بوصفك استاذنا في الموسيقى ..؟
تاني حاجة أنا أحبها في أبو عركي إنو الاوركسترا بتاعتو بتكون (شبعانة) فيها كمنجات وساكسفون(حامد ساكس ) وفلووت كمال ، وكلارنيت أميغو ،، وريزم غيتار وليد غيتار ممدوح وباص غيتار ،، وكي بورد ،، ده غير الآلات الإيقاعية المتعددة .. ويتميز بإحساس موسيقي عالي يأسر المستمع من البداية إلى النهاية ،، وبيعطي فرص متساوية للصولات لكل الآلات ،،
عندما أستمع إلى أغنية (ثمار دمي )) بيجيني إحساس إنو أنا أسبح في فضاءات جميلة جداً ولا أرغب في النزول مطلقاً ،،
الحاجة التالتة ،، أبو عركي البخيت من أفضل الفنانين الذين أدوا أغنية عزة كورالياً
| |
|
|
|
|
|
|
Re: واحشني جدا ياعزيزي ابوعركي (Re: Elmosley)
|
الرائع أستاذنا الموصلى الشكر كل الشكر لتسليط الضوء على واحد من مبدعى بلادى الذين يتمسكون بالفن كقضية لا ككسب . حقيقة عندما تسمع أغنية ما لعركى فإن كوكبا أخر تجد نفسك فيه .. تشم عبير تلك الرائحة- رائحة الطين والجدوال واهلنا الغبش وهم يصارعون الارض الجرداء.صوت القمرى , صوت حبيبات المطر وهى تتساقط حقيقة إنه عالم مدهش .. شكرا أبوعركى شكرا موصلى ,,,
| |
|
|
|
|
|
|
Re: واحشني جدا ياعزيزي ابوعركي (Re: wadsolfab)
|
الأستاذ موصلي ما أجمل أن نتوقف جميعا في محطة هذا المبدع الفنان والأنسان ، فرجاء أن تزودنا وتحدثنا عنه أكثر وأكثر . إن أكثر ما أفخر به أنني كنت عضوا برابطة معجبي الفنان أبو عركي التي أسسها الفنان صلاح عبد الرحيم في أوائل السبعينات كأول رابطة تجمع معجبي فنان معين وتقيم جلسات الأستماع له وتحاوره في كل أعماله. تحياتي له والشكر لك لهذا التواصل.
| |
|
|
|
|
|
|
Re: واحشني جدا ياعزيزي ابوعركي (Re: wadsolfab)
|
الأستاذ موصلي ما أجمل أن نتوقف جميعا في محطة هذا المبدع الفنان والأنسان ، فرجاء أن تزودنا وتحدثنا عنه أكثر وأكثر . إن أكثر ما أفخر به أنني كنت عضوا برابطة معجبي الفنان أبو عركي التي أسسها الفنان صلاح عبد الرحيم في أوائل السبعينات كأول رابطة تجمع معجبي فنان معين وتقيم جلسات الأستماع له وتحاوره في كل أعماله. تحياتي له والشكر لك لهذا التواصل.
| |
|
|
|
|
|
|
Re: واحشني جدا ياعزيزي ابوعركي (Re: Elmosley)
|
تحية من العاشقين الى المعشوقين فانتم يا موصلي معشوقي كل الشعب صدحتم وغنيتم وعزفتم فكنتم انتم وبس مافي غيركم ابوعركي الفنان جدير بهذا الشوق فلك التحية ياموصلي ولابي عركي اجمل واروع التحايا الله يخليكم لينا
ــــــ.......ــــــ......ـــــــ من معزتك انتي لي ختيتي قلبك فوق ايديا وقلت ليه ده نور عيني عليك الله احرسو لي
| |
|
|
|
|
|
|
Re: واحشني جدا ياعزيزي ابوعركي (Re: Elmosley)
|
شكرا يا موصلي على الاحتفاء بواحد من عمالقة الغناء والموسيقي في بلادنا المعطاءة.
ربنا يطول عمره ليعطر سماواتنا بشدوه الجميل وموسيقاه الرائعة.
لولا ان المكان الأول في قائمة المعجبين قد حجز لطالبت به لكني والله سأقاتل على المكان الثاني.
مرة أخرى لك الشكر يا موصلي يا رائع
دالـــي
| |
|
|
|
|
|
|
Re: واحشني جدا ياعزيزي ابوعركي (Re: Elmosley)
|
الموصلي ، أبو هيدل
بالأكتر ؟؟
كلام هذا ينم عن أصالة ، وشعرنا جميعا بعمق هذا الإحساس
وهذا الرجل شرف مسقط قبل سنوات ، وبعد أن امتعنا بفنه الرائع
لاحظت أدبه وتواضعه الجم
وبعدين يا موصلي انا بتعذبني
في عينيك دنيا غريبة
بس انت متين ناس مسقط ديل تتذكرن ، منتظرنك
رحمابي
| |
|
|
|
|
|
|
Re: واحشني جدا ياعزيزي ابوعركي (Re: Elmosley)
|
الحبيب الموصلي صديقك عزالدين هلالي موجود وبقرأ في كلامك ده وهو من المتابعين الملتزمين للبورد ، بس من الخارج بالمناسبة صاحبك بقى جد ومازن عقبال أولادك أتاه بأولى حفيداته " فاطمة الزهراء"
| |
|
|
|
|
|
|
Re: واحشني جدا ياعزيزي ابوعركي (Re: ود العجمى)
|
يا سلام على هذه العذوبه مجرد اتصال تلفون (حضرت ولم يجدكم ) يغير الاحساس ويعيد الذاكره ويذكره بكل هذه الشفافيه والله لو الواحد بيمتلك تقنيه لكان حول ليك المكالمه وابقى عركى فى الخط يحدى ما تجى راجع والله اصيل يا استاذ وكلك حنيه وعذوبه ودى مشاعر فنان حقيقى التحيه لى لكما
| |
|
|
|
|
|
|
Re: واحشني جدا ياعزيزي ابوعركي (Re: HAMZA SULIMAN)
|
عليك الله يالحبيب حمزه شوف الدنيا شن سوت فينا في مثل هذا الوقت كان يمكن ان نقف انا وانت وعركي وعقد الجلاد وكل شباب المبدعين بل وكبارهم لنقدم عملا كبيرا يليق بشعبناالجميل اشتاق الي ابو عركي اشتاق الي كل الزملاء لقد حرمتنا الهجرة اقسرية من الجلوس الي عبد الرحمن الريح وبرعي دفع الله واحمد المصطفي وسيد خليفه وصلاح محمد عيسي وغيرهم لالستزادة من خبرتهم العظيمة حرمتنا من النظ الي فكرهم الثاقب اه ياحمزه اشتاق اليكم جميعا
| |
|
|
|
|
|
|
|